*D Diu magt ir dienstes niht vergaz; vür daz bette ûfn teppech saz diu clâre juncvrouwe. bî mir ich selten schouwe, daz mir âbents oder vruo sölch âventiure slîche zuo. Bî einer wîle Gawan erwachete; er sach an si und lachete unt sprach: »got halde iuch, vröuwelîn, daz ir durch den willen mîn iwern slâf sus brechet unt an iu selber rechet, des ich niht hân gedienet gar.« Dô sprach diu magt wol gevar: »iwers dienstes wil ich enbern; ich ensol niwan hulde gern. hêrre, gebiet über mich; swaz ir gebiet, daz leist ich. al die mit mînem vater sint, beidiu mîn muoter unt ir kint sulen iuch ze hêrren immer hân; sô liebe habt ir uns getân.« Er sprach: »sît ir iht lange komen? het ich iwer kunft ê vernomen, daz wære mir liep durch vrâgen, wolt iuch des niht betrâgen, daz ir mirz geruochet sagen: ich hân in disen zwein tagen vil vrouwen ob mir gesehen; von den sult ir mir verjehen

*m diu magt ir dienstes niht vergaz; vür daz bette ûf den teppich saz diu clâre juncvrouwe. bî mir ich selten schouwe, daz mir âbents oder vruo solich âventiur sleich zuo. bî einer wîle Gawan erwachte; er sach an si und lachte und sprach: »got halt iuch, vröuwelîn, daz ir durch den willen mîn iuwern slâf sus brechet und an iu selber rechet, daz ich niht hân gedienet dar.« dô sprach diu maget wol gevar: »iuwer dienst wil ich mêrn; ich ensol niht wan hulde gern. hêrre, gebietet über mich; waz ir gebietet, daz leiste ich. aldie mit mînem vater sint, beidiu mîn muoter und ir kint soln iuch iemer zuo hêrren hân; ir habt sô wol zuo uns getân.« er sprach: »sît ir iht lange komen? het ich iuwer kunft ê vernomen, daz wær mir liep durch vrâgen, wolt iuch des niht betrâgen, daz ir mirz geruochet sagen: ich hân in zwein tagen vil vrouwen ob mir gesehen; von den sullet ir mir verjehen

*G Diu maget ir dienstes niht vergaz; vürz bette ûffen tepich si saz, diu clâre juncvrouwe. bî mir ich selten schouwe, daz mir âbendes oder vruo solch âventiure slîche zuo. bî einer wîle Gawan erwachet; er sach an si unde lachet unde sprach: »got halde iuch, vröuwelîn, daz ir durch den willen mîn iuwern slâf sus brechet unde an iu selber rechet, des ich niht hân gedienet gar.« dô sprach diu maget wolgevar: »iuwers dienstes wil ich enbern; ich ensol niht wan hulde gern. hêrre, gebietet über mich; swaz ir gebietet, daz leiste ich. al die mit mînem vater sint, beidiu mîn muoter unde ir kint suln iuch ze hêrren immer hân; sô liebe habet ir uns getân.« er sprach: »sît ir iht lange komen? het ich iuwer kunft ê vernomen, daz wære mir lieb durch vrâgen, wolt iuch des niht betrâgen, daz ir mirz geruochet sagen: ich hân in disen zwein tagen vil vrouwen obe mir gesehen; von den sult ir mir verjehen

*T Diu maget ir dienstes niht vergaz; ûf den teppich vür daz bette si saz, diu clâre juncvrouwe. bî mir ich selten schouwe, daz mir âbendes oder vruo sölch âventiure slîche zuo. Vil schiere Gawan erwachete; er sach si an unde lachete: »got grüeze iuch, juncvröuwelîn, daz ir durch den willen mîn iuwern slâf sus brechet unde an iu selben rechet, daz ich niht hân gedienet gar.« Dô sprach diu maget wol gevar: »iuwers dienstes sol ich enbern, wan ich wil niuwan hulden gern. hêrre, gebiet über mich; swaz ir gebiet, daz tuon ich. alle die mit mînem vater sint, beidiu mîn muoter unde ir kint suln iuch ze hêrren iemer hân; sô liebe habt ir uns getân.« Er sprach: »sît ir iht lange komen? het ich iuwer kunft ê vernomen, daz wære mir liep durch vrâgen, woltiuch des niht betrâgen, daz ir mirz geruochtet sagen: ich hân in disen zwein tagen vil vrouwen ob uns gesehen; von den sult ir mir verjehen