*D Gawan tragen alle drî und eine salsen dar bî. diu juncvrouwe niht vermeit, mit guoten zühten si sneit Gawane süeziu mursel ûf einem blankem wastel mit ir clâren henden. dô sprach si: »ir sult senden dirre gebrâten vogel einen - wan si hât enkeinen -, hêrre, mîner muoter dar.« er sprach zer meide wol gevar, daz er gern ir willen tæte dâr an oder swes si bæte. Ein galander wart gesant der wirtinne. Gawans hant wart mit zühten vil genigen unt des wirtes danken niht verswigen. Dô brâht ein des wirtes sun Purzeln und lâtûn, gebrochen in den vînæger. ze grôzer kraft daz unwæger ist die lenge solhiu nar; man wirt ir ouch niht wol gevar. solch varwe tuot die wârheit kunt, die man sloufet in den munt. gestrichen varwe ûfez vel ist selten worden lobes hel. swelch wîplîch herze ist stæte ganz, ich wæne, diu treit den besten glanz.

*m Gawan tragen alle drî und ein salsen dar bî. diu juncvrouwe niht vermeit, mit guoten zühten si sneit Gawane süeziu mursel ûf einen blanken wastel mit ir clâren henden. dô sprach si: »ir sullet senden diser vogel einen - wan si het dekeinen -, hêrre, mîner muoter dar.« er sprach zer megde wol gevar, daz er gerne ir willen tæte dâr an oder waz si bæte. ein galander wart gesant der wirtinne. Gawanes hant wart mit zühten des genigen und des wirtes danken niht verswigen. dô brâht ein des wirtes sun purzeln und lâtûn, gebrochen in den vînæger. zuo grôzer kraft daz unwæger ist die lenge solichiu nar; man wirt ir ouch niht wol gevar. solich varwe tuot die wârheit kunt, die man sloufet in den munt. gestrichen varwe ûf daz vel ist selten worden lobes hel. welich wîplîch herz ist stæte ganz, ich wæne, diu treit den besten kranz.

*G Gawan tragen alle drî unde eine salsen dar bî. diu juncvrouwe niht vermeit, mit guoten zühten si sneit Gawan süeziu mursel ûf einen blanken wastel mit ir blanken henden. dô sprach si: »ir sult senden dirre gebrâten vogel einen - wan si hât neheinen -, hêrre, mîner muoter dar.« er sprach zer meide wol gevar, daz er gerne ir willen tæte dâr an ode swes si bæte. ein galander wart gesant der wirtinne. Gawanes hant wart mit zühten vil genigen unde des wirtes danken niht verswigen. dô brâhte ein des wirtes sun purzeln unde lâtûn, gebrochen in den vînæger. ze grôzer kraft daz unwæger ist die lenge alsolhiu nar; man wirt ir ouch niht wol gevar. solh varwe tuot die wârheit kunt, die man sloufet in den munt. gestrichen varwe ûffez vel ist selten worden lobes hel. swelh wîplîch herze stæte ist ganz, ich wæne, diu treit den besten glanz.

*T Gawane getragen alle drî unde eine salse dâ bî. Diu maget ir dienst niht vermeit: mit grôzen zühten si sneit Gawane süeziu mursel ûf einem blanken platel mit ir clâren henden. si sprach: »ir sult senden dirre gebrâten vogel einen - wande si hât dekeinen -, hêrre, mîner muoter dar.« er sprach zer megede wol gevar, daz er daz gerne tæte oder swes sin anders bæte. Eine galander wart gesant der wirtîn. Gawanes hant wart mit zühten vil genigen unde des wirtes danken niht verswigen. Nû brâhte ein knappe, des wirtes sun, burzel unde latechûn, gebrochen in vînæger. gegen grôzer kraft daz unwæger ist die lenge disiu nar; man wirt ir niht wol gevar. Sölch varwe tuot die wârheit kunt, die man sloufet in den munt. gestrichen varwe ûfez vel ist selten worden lobes snel. swelch wîplîch herze ist stæte ganz, ich wæne, diu treit den besten kranz.