*D Wer solte si drumbe prîsen, daz die unwîsen striten âne schulde, niwan durch prîses hulde? sine heten niht ze teilen, ân nôt ir leben ze veilen. ietweder an den andern jach, daz er die schulde nie gesach. Gawan kunde ringen unt mit dem swanke twingen. swem er daz swert undergienc unt in mit armen zim gevienc, den twang er, swes er wolde. sît er sich weren solde, dô gebârter werlîche. der werde, muotes rîche begreif den jungen ellenthaft, der ouch hete manlîche kraft. Er warf in balde under sich. er sprach hin zim: »helt, nû gich, wellestû genesen, sicherheit.« der bete volge unbereit was Lischoys, der dâ unden lac, wander nie sicherheit gepflac. daz dûht in wunderlîch genuoc, daz iemen die hant getruoc, diu in solte überkomen, daz nie wart von im genomen betwungenlîchiu sicherheit, der sîn hant ê vil erstreit.

*m wer solte si dar umb prîsen, daz die unwîsen striten âne schulde, niht wan durch prîses hulde? si heten niht ze teilen, wan âne nôt ir leben ze veilen. ietweder ûf den andern jach, daz er die schulde nie gesach. Gawan kunde ringen und mit dem swanc twingen. wem er daz swert undergienc und in mit armen umbevienc, den twanc er, wes er wolte. sît er sich weren solte, dô gebârt er werlîch. der werde, muotes rîch begreif den jungen ellenthaft, der ouch hete manlîche kraft. er warf in balde under sich und sprach zuo im: »helt, nû gich, wellest dû genesen, sicherheit.« der bet volge was unbereit Lischois, der dâ unden lac, wan er nie sicherheit gepflac. daz dûht in wunderlîch genuoc, daz iemen die hant getruoc, diu in solte überkomen, sît nie wart von im genomen betwungenlîchiu sicherheit, der sîn hant ê vil erstreit.

*G Wer solde si drumbe brîsen, daz die unwîsen striten âne schulde, niuwan durch brîses hulde? sine heten niht ze teilen, âne nôt ir leben ze veilen. ietweder ûf den andern jach, daz er die schulde nie gesach. Gawan kunde ringen unde mit swanke twingen. swem er daz swert undergienc unde in mit armen zim gevienc, den twanc er, swes er wolde. sît er sich weren solde, dô gebârt er werlîche. der werde, muotes rîche begreif den jungen ellenthaft, der ouch hete manlîche kraft. er warf in balde under sich. er sprach hin ze im: »helt, nû gich, wellestû genesen, sicherheit.« der bet volge unbereit was Lishois, der dâ under lac, wan er nie sicherheit gepflac. daz dûhte in wunderlîch genuoc, daz ie man die hant getruoc, diu in solde überkomen, daz nie wart von im genomen betwungenlîchiu sicherheit, der sîn hant ie vil erstreit.

*T Wer solte si drumbe prîsen, daz die unwîsen striten âne schulde, niuwan durch prîses hulde? sine heten niht ze teilen, âne nôt ir leben ze veilen. ietweder ûf den andern jach, daz er die schulde nie gesach. Gawan, der kunde ringen unde mit dem swanke twingen. swem er daz swert undergienc unde in mit armen umbevienc, den twang er, swes er wolte. sît er sich weren solte, sô gebârter werlîche. der werde, muotes rîche, der begreif den werden ellenthaft, der ouch hete manlîche kraft, unde warf in balde under sich. er sprach: »helt, nû gich, wellestû genesen, sicherheit.« Der bete volge was unbereit Lyschoys, der dort unden lac, wander nie sicherheit gepflac. ez dûhtin wunderlîch genuoc, daz ie man die hant getruoc, diu in solte überkomen, daz von im nie wart genomen betwungenlîchiu sicherheit, der sîn hant ê vil erstreit.