*D Manec mîn meister sprichet sô, daz Amor unt Cupido unt der zweier muoter Venus den liuten minne geben alsus, mit geschozze unt mit viure. diu minne ist ungehiure. swem herzenlîchiu triwe ist bî, der wirt nimmer minnen vrî mit vreude, etswenne mit riwe. reht minne ist wâriu triwe. Cupido, dîn strâle mîn misset zallem mâle; alsô tuot des hêrn Amors gêr. sît ir zwêne ob minnen hêr unt Venus mit ir vackeln heiz, umbe solhen kumber ich niht weiz. sol ich der wâren minne jehen, diu muoz durch triwe mir geschehen. hulfen mîne sinne iemen iht vür minne, hêrn Gawane bin ich wol sô holt, dem wolt ich dienen âne solt. Er ist doch âne schande, lît er in minnen bande, ob in diu minne rüeret, diu starke wer zervüeret. er was doch ie sô werlîch, der werden wer alsô gelîch, daz niht twingen solt ein wîp sînen werlîchen lîp.

*m manic mîn meister sprichet sô, daz Amor und Cupido und der zweier muoter Venus den liuten minne geben sus, mit geschüz und viure. diu minne ist ungehiure. wem herzelîchen triuwe ist bî, der wirt nimmer minne vrî mit vröude oder aber mit riuwe. reht minne ist wâriu triuwe. Cupido - sîn strâl mîn misset zuo allem mâl; als tuot hêrn Amors gêr. sît ir zwêne ob minnen hêr und Venus mit ir vackeln heiz, umb solichen kumber ich niht weiz. sol ich der wâren minne jehen, diu muoz durch triuwe mir geschehen. helfent mîne sinne ieman iht vür minne, hêrn Gawan bin ich wol sô holt, dem wolt ich helfen âne solt. er ist doch âne schande, lît er in mînem bande, ob in diu minne rüeret, diu starke wer zervüeret. er was doch ie sô werlîch, der werden wer alsô glîch, daz niht twingen solt ein wîp sînen werlîchen lîp.

*G Manic mîn meister sprichet sô, daz Amor unde Cupido unde der zweier muoter Venus den liuten minne gæben alsus, mit geschozze unde mit viure. diu minne ist ungehiure. swem herzenlîchiu triuwe ist bî, der wirt nimmer minne vrî mit vröude, etswenne mit riuwe. rehtiu minne ist wâriu triuwe. Cupido, dîn strâle mîn misset zallem mâle; alsô tuot des hêrren Amors gêr. sît ir zwêne obe minnen hêr unde Venus mit ir vackeln heiz, umb solhen kumber ich niht weiz. sol ich der wâren minne jehen, diu muoz durch triuwe mir geschehen. hulfen mîne sinne iemen iht vür minne, hêrren Gawane bin ich wol sô holt, dem wolde ich helfen âne solt. er ist doch âne schande, lît er in minnen bande, obe in diu minne rüeret, diu starke wer zervüeret. er was doch ie sô werlîch, der werden wer alsô gelîch, daz niht twingen solde ein wîp sînen werlîchen lîp.

*T Manec mîn meister sprichet sô, daz Amor unde Cupydo unde der zweier muoter Venus den liuten geben minne sus, mit schozze unde mit viure. diu minne ist ungehiure. Swem herzeclîchiu triuwe ist bî, dern wirt niemer minnen vrî Mit vröude unde etswenne mit riuwe. rehtiu minne ist wâriu triuwe. Cupydo, diu strâle, diu vermisset mîn zallem mâle; als tuot hêrn Amors gêr. sît ir beide ob minnen hêr unde Venus mit ir valschen heiz, umbe solhen kumber ich niht weiz. sol ich der wâren minne jehen, diu muoz durch triuwe mir geschehen. hulfen mîne sinne ieman iht vür minne, hêrn Gawane bin ich wol sô holt, deme woltich helfen âne solt. ez ist âne schande, liget er in minnen bande, ob in diu minne rüeret, diu starke wer zervüeret. er was doch ie sô werlîch, der werden wer wol sô glîch, daz niht twingen solte ein wîp sînen werlîchen lîp.