*D Von wîbes gir ein underscheit in schiet von der menscheit. der würze unt der sterne mâc huop gein Gawane grôzen bâc; der hete sîn ûfem wege erbiten. Malcreatiure kom geriten ûf eime runzîde kranc, daz von leme an allen vieren hanc. ez strûchete dicke ûf derde. vrou Jeschute, diu werde, iedoch ein bezzer pfert reit des tages, dô Parzival erstreit ab Orilus die hulde; die vlôs si ân alle ir schulde. Der knappe an Gawanen sach. Malcreatiure mit zorne sprach: »hêrre, sît ir von rîters art, sô möht irz gerne hân bewart. ir dunket mich ein tumber man, daz ir mîne vrouwen vüeret dan. ouch wert irs underwîset, daz man iuch drumbe prîset, ob sichs erwert iwer hant. sît aber ir ein sarjant, sô werdet ir gealûnet mit staben, daz irs gern wandel möhtet haben.« Gawan sprach: »mîn rîterschaft erleit nie sölher zühte kraft. sus sol man walken gampelher, die niht sint mit manlîcher wer.

*m von wîbes gir ein underscheit in schiet von der menscheit. der würze und der sternen mâc huop gegen Gawan grôzen bâc; der het sîn ûf dem wege erbiten. Mala creatiur kam geriten ûf einem runzîde kranc, daz von lem an allen vieren hanc. ez strûchte dicke ûf die erde. vrouwe Jeschute, diu werde, iedoch ein bezzer pfert reit des tages, dô Parcifal erstreit ab Oriluse ir die hulde, der si mangelt âne schulde. der knappe an Gawanen sach. Mala creatiur mit zorne sprach: »hêrre, sît ir von ritters art, sô möht irz gerne hân bewart. ir dunket mich ein tumber man, dô ir mîn vrouwen vüeret dan. ouch werdet irs underwîset, daz man iuch dar umb prîset, ob sich erwert iuwer hant. sît ir aber ein sarjant, sô werdet gealûnet mit staben, daz irs gerne möhtet wandel haben.« Gawan sprach: »mîn ritterschaft erleit nû solher zühte kraft, sus sol man walken gampelher, die niht sint mit manlîcher wer.

*G Von wîbes gir ein underscheit in schiet von der menscheit. der würze unde der sternen mâc huop gein Gawan grôzen bâc; der het sîn ûf dem wege erbiten. Mal creature kom geriten ûf einem runzîde kranc, daz von lem an allen vieren hanc. ez strûchete dicke ûf die erde. vrou Jeschute, diu werde, iedoch ein bezzer pfert reit des tages, dô Parzival erstreit abe Orillus ir die hulde; die verlôs si âne schulde. der knappe ane Gawanen sach. Mal creature mit zorn sprach: »hêrre, sît ir von rîters art, sô möht irz gerne hân bewart. ir dunket mich ein tumber man, daz ir mîne vrouwen vüeret dan. ouch werdet irs underwîset, daz man iuch drumbe brîset, op sich es erwert iuwer hant. sît aber ir ein sarjant, sô werdet ir gealûnt mit staben, daz irs gern wandel möht haben.« Gawan sprach: »mîn rîterschaft erleit nie solher zühte kraft. sus sol man walken gampelher, die niht kunnen mit manlîcher wer.

*T von wîbes gir ein underscheit verkêrtim die menscheit. †der† hete sîn ûf dem wege erbiten. Malacreature kom geriten ûf einem runzîde kranc, daz von leme an allen vieren hanc. ez strûhte dicke ûf die erde. vrô Jeschute, diu werde, iedoch ein bezzer pfert reit des tages, dô Parcifal erstreit ab Orilus die hulde; die verlôs si âne ir schulde. Nû Gawanen der knappe sach. Malacreature mit zorne sprach: »hêrre, sît ir von rîters art, sô möhtirz gerne hân bewart. ir dunket mich ein tumber man, daz ir mîne vrouwe vüeret dan. ouch werdet irs underwîset, daz man iuch drumbe prîset, ob sichs erwert iuwer hant. sît aber ir ein sarjant, ir werdet gealûnet sô mit staben, daz irs gerner möhtet wandel haben. Sus sol man walken gampelher, die niht sint mit manlîcher wer.«