*D An der bürge lâgen lobes werc: nâch trendeln mâze was ir berc; swâ si verre sach der tumbe, er wânde, si liefe al umbe. der bürge man noch hiute giht, daz gein ir sturmes hôrte niht. si vorhte wênec sölhe nôt, swâ man hazzen gein ir bôt. al umben berc lac ein hac, des man mit edelen boumen pflac. vîgenboum, grânât, öle, wîn und ander rât, des wuohs dâ ganziu rîcheit. Gawan die strâze al ûf hin reit; dâ ersach er niderhalben sîn vreude unt sînes herzen pîn. ein brunne ûzem velse schôz; dâ vander, des in niht verdrôz, ein alsô clâre vrouwen, die er gerne muose schouwen, aller wîbes varwe ein bêâflûrs. âne Condwiramurs wart nie geborn sô schœner lîp. mit clârheit süeze was daz wîp, wol geschicket unt kurtois. si hiez Orgeluse de Logrois. ouch sagt uns diu âventiure von ir, si wære ein reizel minnen gir, ougen süeze âne smerzen unt ein spansenwe des herzen.

*m an der bürge lâgen lobes werc: nâch trendel mâze was ir berc; wâ si verre sach der tumb, er wânde, si lief al umb. der bürge man noch hiute giht, daz gegen ir sturmes †hiure† niht. si vorhte wênic solich nôt, wâ man hazzen gegen ir bôt. alumb dem berc lac ein hac, des man mit edeln boumen pflac. vîgenboume, grânât, oli, wîn und ander rât, des wuohs dâ ganziu rîcheit. Gawan die strâze ûf în reit; dô ersach er niderhalben sîn vreude und sînes herzen pîn. ein brunne ûf einem vels vlôz; dô vant er, des in niht verdrôz, ein alsô clâre vrouwen, die er gerne mohte schouwen, aller wîbe varwe ein bêâflûrs. âne Condwieramurs wart nie geborn sô schœner lîp. mit clârheit was daz selbe wîp, wol geschicket und kurtois. si hiez Urgeluse de Logrois. ouch sagent die âventiur von ir, si wær ein ritzel minne gir, ougen süeze âne smerzen und ein spansenwe des herzen.

*G An der bürge lâgen lobes werc: in trendelen mâze was ir berc; swâ si verre sach der tumbe, er wânde, si liefe al umbe. der bürge man noch hiute giht, daz gein ir hôrte sturmes niht. si vorhte wênic solhe nôt, swâ man hazzen gein ir bôt. alumbe den berc lac ein hac, des man mit edeln boumen pflac. vîgenboum unde grânât, öle, wîn unde ander rât, des wuohs dâ grôziu rîcheit. Gawan die strâze al ûf hin reit; dâ ersach er niderhalben sîn vröude unde sînes herzen pîn. ein brunne ûzem velse schôz; dô vant er, des in niht verdrôz, ein alse clâre vrouwen, die er gerne mohte schouwen, aller wîbes varwe bêâ flûrs. âne Condwiramurs wart nie geborn sô schœner lîp. mit clârheit süeze was daz wîp, wol geschicket unde kurtois. si hiez Orgeluse de Logrois. ouch seit uns diu âventiure von ir, si wære ein reizel minnen gir, ougen süeze ân smerzen unt ein spansenewe des herzen.

*T In der bürge lâgen lobes werc: nâch trendeln mâze was der berc; swâ si verre sach der tumbe, er wânde, si liefe alumbe. der bürge man noch hiute giht, daz gein ir sturmes hôrte niht. si vorhte wênic sölche nôt, swâ man hazzen gein ir bôt. alumben berc lac ein hac, des man mit edeln boumen pflac. vîgenboume, grânât, olei, wîn unde ander rât, des wuohs dâ ganziu rîcheit. Gawan die strâze al ûf hin reit; dô sach er niderhalben sîn vreude unde sînes herzen pîn. ein brunne ûzem velse schôz; dâ vant er, des in niht verdrôz, ein alsô clâren vrouwen, die er gerne muoze schouwen, aller wîbe varwe ein bêâflûrs. âne Cundewiramurs wart nie geborn schœner wîp. mit clârheit süeze was ir lîp, wol geschicket unde kurtois. si hiez Orgeluse de Logrois. ouch sagt uns diu âventiure von ir, si wære ein reizzel minnen gir, ougen süeze âne smerzen unde ein spansenwe des herzen.