*D Durch rât si hânt den betterisen. in sîner jugent vurt und wisen reit er vil durch tjostieren. wil dû dîn leben zieren unt rehte werdeclîche varn, sô muostû haz gein wîben sparn. wîp unde pfaffen sint erkant, die tragent unwerlîche hant. sô reichet über pfaffen gotes segen. der sol dîn dienst mit triwen pflegen dar umbe, ob wirt dîn ende guot, dû muost zen pfaffen haben muot. swaz dîn ouge ûf erden siht, daz gelîchet sich dem priester niht. sîn munt die marter sprichet, diu unser vlust zerbrichet. ouch grîfet sîn gewîhtiu hant an daz hœhste pfant, daz ie vür schult gesetzet wart. swelch priester sich hât sô bewart, daz er dem kiusche kan gegeben, wie möhte der heileclîcher leben?« diz was ir zweier scheidens tac. Trevrizent sich des bewac, Er sprach: »gip mir dîne sünde her - vor gote ich bin dîn wandels wer - und leist, als ich dir hân gesagt. belîp des willen unverzagt.« von ein ander schieden sie. ob ir welt, sô prüevet wie.

*m durch rât si hânt den betterisen. in sîner jugent vurt und wisen reit er vil durch justieren. wiltû dîn leben zieren und reht wirdeclîchen varn, sô muostû haz gegen wîben sparn. wîp und pfaffen sint erkant, die tragent unwerlîche hant. sô reichet über pfaffen gotes segen. der sol dînes dienstes mit triuwen pflegen, dar umb wirt dîn ende guot, dû muost zuom pfaffen haben muot. waz dîn ouge ûf erden siht, daz glîchet sich dem priester niht. sîn munt die martel sprichet, diu unser vlust zerbrichet. ouch grîfet sîn gewîhtiu hant an daz hœhste pfant, daz ie vür schult gesetzet wart. welich priester sich het sô bewart, daz er dem kiusche kan gegeben, wie möht er hêrlîcher leben?« diz was ir zweier scheidens tac. Trevrizent sich des bewac, er sprach: »gip mir dîn sünde her - vor got ich bin dîn wandels wer - und leiste, als ich dir hân gesaget. blîp des willen unverzaget.« von ein ander scheiden sie. ob ir nû wellet, sô brüefet wie.

*G Durch rât si hânt den betterisen. in sîner jugent vurt unde wisen reit er vil durch tjostieren. wil dû dîn leben zieren unde rehte werdeclîchen varn, sô muostû haz gein wîben sparn. wîp unde pfaffen sint erkant, die tragent unwerlîche hant. sô reichet über pfaffen gotes segen. der sol dîn dienst mit triuwen pflegen dar umbe, obe wirt dîn ende guot, dû muost ze pfaffen haben muot. swaz dîn ouge ûf erden siht, daz gelîchet sich dem priester niht. sîn munt die marter sprichet, diu unser vlust zerbrichet. ouch grîfet sîn gewîhtiu hant an daz hœheste pfant, daz ie vür schult gesetzet wart. swelch priester hât sich sô bewart, daz er dem kiusche kan gegeben, wie möht der heiliger leben?« diz was ir beider scheidens tac. Trevrizzent sich des bewac, er sprach: »gib mir dîn sünde her - vor got ich bin dîn wandels wer - unde leist, als ich dir hân gesaget. belîp des willen unverzaget.« von ein ander schieden sie. ob ir welt, sô prüevet wie.

*T Durch rât hânt si den betterisen. in sîner jugent vurt unde wisen reit er durch tjostieren. wiltû dîn leben zieren unde nâch rehter werdecheite varn, sô soltû haz gegen wîben sparn. wîp unde pfaffen sint bekant, die tragent unwerlîche hant. sô reichet über die pfaffen der gotes segen. der sol dîn dienst mit triuwen pflegen, dar umbe wirt dîn ende guot, dû muost ze pfaffen haben muot. wan swaz dîn ouge ûf erden siht, daz glîchet sich dem priester niht. sîn munt die marter sprichet, diu unser vlust zerbrichet. sô grîfet sîn gewîhtiu hant an daz aller hœheste pfant, daz ie vür schult versetzet wart. swelch priester sich hât bewart, daz er dem kiusche kan gegeben, wie mac der heileclîcher leben?« Diz was ir zweier scheidens tac. Trefrizent sich des bewac, er sprach: »gip mir dîne schulde her - vor gote bin ich dîn wandels wer - unde leiste, als ich dir hân gesaget. blîp des willen unverzaget.« von ein ander schieden sie, ir habt wol gehœret wie.