*D Neve, nû wil ich sagen dir, daz dû maht wol gelouben mir: ein schanze dicke stêt vor in, si gebent unde nement gewin. si enpfâhent kleiniu kinder dar von hôher art unt wol gevar. wirt iender hêrrenlôs ein lant, erkennent si dâ die gotes hant, sô daz diu diet eines hêrren gert vons Grâles schar, die sîn gewert. des muozen ouch si mit zühten pflegen; sîn hüetet al dâ der gotes segen. got schaffet verholne dan die man, offenlîche gît man meide dan. dû solt des sîn vil gewis, daz der künec Castis Herzeloyden gerte, der man in schône werte. dîne muoter gap man im ze konen; er solde aber niht ir minne wonen, der tôt in ê leite inz grap. dâ vor er dîner muoter gap Waleis unt Norgals, Kanvoleiz und Kingrivals; daz ir mit sale wart gegeben. der künec niht lenger solde leben. diz was ûf sîner reise wider: der künec sich leite sterbens nider. dô truoc si krône über zwei lant. dâ erwarp si Gahmuretes hant.

*m neve, nû wil ich sagen dir, des dû wol maht glouben mir: ein schanz dicke stât vor in, si gebent und nement gewin. si enpfâhent kleiniu kint dar von hôher art und wol gevar. wirt iendert hêrrenlôs ein lant, erkennet si dâ diu gotes hant, sô daz diu diet einen hêrren gert von Grâles schar, die sint gewert. des muozen ouch si mit zühten pflegen; sîn hüetet aldâ der gotes segen. got schaffet verholn in dan die man, offenlîch gît man die megde dan. dû solt des sîn vil gewis, daz der künic Castis Herczeloiden gerte, der man in schône werte. dîn muoter gap man im zuo konen; er solt aber niht ir minne wonen, der tôt in ê leite in daz grap. dâ vor er dîner muoter gap Waleis und Norgals, Kanvoleiz und Kingrivals; daz ir mit sale wart geben. der künic niht langer solte leben. diz was ûf sîner reise wider: der künic sich leite sterbens nider. dô truoc si krône über zwei lant. dô erwarp si Gahmuretes hant.

*G Neve, nû wil ich sagen dir, daz dû wol maht gelouben mir: ein schanze dicke stêt vor in, si gebent unde nement gewin. si enpfâhent kleiniu kinder dar von hôher art unde wol gevar. wirt iender hêrrenlôs ein lant, erkennet si dâ diu gotes hant, sô daz diu diet eines hêrren gert vones Grâles schar, die sint gewert. des müezen ouch si mit zühten pflegen; sîn hüetet al dâ der gotes segen. got schaffet verholn dan die man, offenlîchen gît man die meide dan. dû solt des sîn vil gewis, daz der künic Castis Herzeloide gerte, der man in schône werte. dîne muoter gap man im ze konen; er solt aber niht ir minne wonen, der tôt in ê leit in daz grap. dâ vor er dîner muoter gap Waleis unde Nurgals, Kanvoleiz unde Kinrivals; daz ir mit sale wart gegeben. der künic niht lenger solde leben. daz was ûf sîner reise wider: der künic leit sich sterbens nider. dô truoc si krôn über zwei lant. dâ erwarp si Gahmuretes hant.

*T Neve, nû wil ich sagen dir, daz maht dû wol gelouben mir: ein schanze dicke liget vor in, si enpfâhent unde gebent gewin. Si nement kleiniu kint dar von hôher art unde wol gevar. wirt aber iemer hêrrenlôs ein lant, erkennet man dâ die gotes hant, sô diu diet eines hêrren gert von des Grâles schar, si sint gewert. die müezen sîn mit triuwen pflegen; sîn hüetet aldâ der gotes segen. got schaffet verholn dan die man, offenlîche gît man die megde dan. dû solt des sîn vil gewis, dô der künec Castis Herzeloyden gerte, der man in schône werte. dîne muoter gap man im ze konen; ern solte aber niht in ir minne wonen, der tôt in leite in daz grap. dâ vor er dîner muoter gap Waleis unde Norgals, Kanvoleis unde Kingrivals; daz ir mit zal wart gegeben, dô der künec niht mêr solte leben. daz was ûf sîner reise wider: der sich leite sterben nider. dô truoc si krône über zwei lant. daz erwarp Gahmuretes hant.