*D Saturnus loufet sô hôhe enbor, daz ez diu wunde wesse vor, ê der ander vrost kome her nâch. dem snê was ninder als gâch, er viel alrêst an der andern naht in der sumerlîchen maht. dô mans küneges vrost sus werte, die diet ez vreuden herte.« dô sprach der kiusche Trevrizent: »si enpfiengen jâmers soldiment; daz sper in vreude enpfuorte, daz ir herzen verch sus ruorte. dô machte ir jâmers triwe des toufes lêre al niwe.« Parzival zem wirte sprach: »vünf unt zweinzec meide ich dâ sach, die vor dem künege stuonden unt wol mit zühten kunden.« der wirt sprach: »es suln meide pflegen - des hât sich got gein im bewegen -, des Grâles, dem si dâ dienden vür. der Grâl ist mit hôher kür. sô suln sîn rîter hüeten mit kiuscheclîchen güeten. der hôhen sterne komendiu zît der diet al dâ grôz jâmer gît, den jungen unt den alten. got hât zorn behalten gein in al ze lange dâ. wenne suln si vreude sprechen ›jâ‹?

*m Saturnus loufet sô nâhe enbor, daz ez diu wunde wesse vor, ê der ander vrost kæme her nâch. dem snê was nindert alsô gâch, er viel allerêrst an der andern naht in der sumerlîchen maht. dô mans küniges vrost sus werte, die diet ez vröuden herte.« dô sprach der kiusche Trevrizent: »si enpfienc jâmers soldiment; daz sper in vröude enpfuorte, daz ir hêrren verch sus ruorte. †† des toufes lêre alniuwe.« Parcifal zuom wirte sprach: »vünf und zweinzic megde dâ †saz†, die vor dem künige stuonden und wol mit zühten kunden.« der wirt sprach: »es sullen megde pflegen - des het sich got gegen in bewegen -, des Grâles, den si dâ brâhten vür. der Grâl ist mit hôher kür. sô sullen sîn ritter hüeten mit kiuschlîchen güeten. der hôhen sternen komendiu zît der diet aldâ jâmers gît, den jungen und den alten. got het zorn behalten gegen in al ze lange dâ. wan sullen si vröude sprechen ›jâ‹?

*G Saturnus loufet sô hôhe enbor, daz ez diu wunde wesse vor, ê der ander vrost kom her nâch. dem snê was ninder als gâch, er viel alrêrst an der andern naht in der sumerlîchen maht. dô mans küniges vrost sus werte, die diet ez vröuden herte.« dô sprach der kiusche Trevrizzent: »si enpfiengen jâmers soldiment; daz sper in vröude enpfuorte, daz ir herzen verch sus ruorte. dô machete ir jâmers triuwe des toufes lêre al niuwe.« Parzival ze dem wirte sprach: »vünf unde zweinzic meide ich dâ sach, die vor dem künige stuonden unde wol mit zühten kunden.« der wirt sprach: »ez suln meide pflegen - des hât sich got gein in bewegen - des Grâles, dem si dâ dienden vür. der Grâl ist mit hôher kür. sô suln sîn rîter hüeten mit kiuschlîchen güeten. der hôhen sterne komendiu zît der diet al dâ grôz jâmer gît, den jungen unde den alten. got hât zorn behalten gein in al ze lange dâ. wenne suln si vröude sprechen ›jâ‹?

*T Saturnus loufet sô hôhe enbor, daz ez diu wunde wiste vor, ê der ander vrost kæme her nâch. dem snê was niender alse gâch, der viel alrêst der andern naht in der sumerlîchen maht. dô man des küneges vroste sus werte, die diet ez vröuden herte«, sprach der kiusche Trefrizent, »si enpfiengen jâmers soldiment; daz sper in vröude enpfuorte, daz ir herzen verch sus ruorte. dô mahte ir jâmers triuwe des toufes êre alniuwe.« Parcifal zem wirte sprach: »vünf unde zwêncic megede ich sach, die vor dem wirte stuonden unde ez wol mit zühten kunden.« Der wirt sprach: »sîn suln megde pflegen - des hât sich got gegen in bewegen -, des Grâles, dem si dâ dienten vür. der Grâl ist mit sô hôher kür. sô suln sîn rîter hüeten mit kiuscheclîchen güeten. etslîcher sternen komendiu zît der diet aldâ grôz jâmer gît, den jungen unde den alten. got hât noch zorn behalten gegen in alze lange dâ. wenne suln wir sprechen vröude ›jâ‹?