*D »Dû rite ein angestlîche vart«, sprach der wirt, »durch warte wol bewart. ieslîchiu sô besetzet ist mit rotte, selten iemans list in hilfet gein der reise; er kêrte ie gein der vreise, swer jenen her dâ zuo zin reit. si nement niemens sicherheit, si wâgent ir leben gein jenes leben; daz ist vür sünde in dâ gegeben.« »nû kom ich âne strîten an den selben zîten geriten, dâ der künec was«, sprach Parzival. »des palas sach ich des âbents jâmers vol. wie tet in jâmer dô sô wol? ein knappe al dâ zer tür în spranc, dâ von der palas jâmers klanc. der truoc in sînen henden einen schaft zen vier wenden, dâr inne ein sper bluotec rôt. des kom diu diet in jâmers nôt.« Der wirt sprach: »neve, sît noch hie wart dem künege nie sô wê, wan dô sîn komen zeigete sus der sterne Saturnus; der kan mit grôzem vroste komen. drûf legen moht uns niht gevromen, als manz ê drûffe ligen sach. daz sper man in die wunden stach.

*m «†Nû† rite ein angestlîche vart«, sprach der wirt, «†† wol bewart. ieglîch sô besetzet ist mit rotten, selten †ieman† list †nû helfet† gegen der reise; er kêrte ie gegen der vreise, wer jenen her dâ zuo †im† reit. si nement niemens sicherheit, si wâgent ir leben gegens leben; daz ist vür sünde in dâ gegeben.« »nû kam ich âne strîten zuo den selben zîten geriten, dâ der künic was«, sprach Parcifal. »des palas sach ich des âbents jâmers vol. wie tet in jâmer dô alsô wol? ein knappe aldâ zuor türe în spranc, dâ von der palas †jâmer† klanc. der truoc in sînen henden einen schaft zuo vier wenden, dâr în ein sper albluotic rôt. des kam diu diet in jâmers nôt.« der wirt sprach: »neve, sît noch ê wart dem künic nie sô wê, wan dô sîn komen zeigte sus der sterne Saturnus; der †kam† mit grôzem vroste komen. dar ûf legen moht uns niht gevromen, als man ê dâr ûf ligen sach daz sper man in die wunden stach.

*G »Dû rite ein angestlîche vart«, sprach der wirt, »durch wart wol bewart. iegeslîchiu sô besetzet ist mit rote, selten iemannes list in hilfet gein der reise; er kêrte ie gein der vreise, swer jenen her dâ zuo in reit. si nement niemens sicherheit, si wâgent ir leben gein jenes leben; daz ist vür sünde in dâ gegeben.« »nû kom ich âne strîten an den selben zîten geriten, dâ der künic was«, sprach Parzival. »des palas sach ich des âbendes jâmers vol. wie tet in jâmer dô sô wol? ein knappe al dâ zer tür în spranc, dâ von der palas jâmers klanc. der truoc in sînen henden einen schaft zen vier wenden, dâr inne ein sper bluotic rôt. des kom diu diet in jâmers nôt.« der wirt sprach: »neve, sît noch ê wart dem künige nie sô wê, wan dô sîn komen zeigte sus der sterne Saturnus; der kan mit grôzem vroste komen. drûf legen moht uns niht gevromen, als manz ê drûfe ligen sach. daz sper man in die wunden stach.

*T »Dû rite ein angestlîche vart«, sprach der wirt, »iedoch wære dû wol bewart. ieslîchiu warte sô besetzet ist mit reite, selten iemanes list in hilfet gegen der reise; er kêrte ie gegen der vreise, swenne iemen her dar zuo in reit. si nement niemannes sicherheit, si wâgent ir leben umbe jenes leben; daz ist vür sünde in dâ gegeben.« »Nû kom ich âne strîten an den selben zîten geriten, dâ der künec was«, sprach Parcifal. »des palas sach ich des âbendes jâmers vol. wie tet mîn jâmer dô sô wol? Ein knappe aldâ zer tür în spranc, dâ von der palas vol jâmers klanc. der truoc in sînen henden einen schaft ze vier wenden, dâr inne daz sper bluotic rôt. des kom diu diet in jâmers nôt.« Der wirt sprach: »sît noch ê wart dem künege nie sô wê, wan dô sîn komen zeigete sus der sterne Saturnus; der kan mit grôzem vroste komen. daz ûf legen mohtuns niht gevromen, als manz drûffe ê ligen sach. daz sper man in die wunden stach.