*D zwêne künege mit grôzer kraft. die vluot von der rîterschaft si brâhten unt manegen kiel. ir rotte mir vil wol geviel. Hie was ouch Morholt durch in, des strît hât kraft unt sin. die sint nû hin gekêret. swie mich mîn vrouwe lêret, alsô tuon ich mit den mînen. mîn dienest sol ir erschînen. dûne darft mir dienestes danken niht, wand ez diu sippe sus vergiht. die vrevelen helde sint nû dîn. wæren si getouft sô die mîn unt an der hiute nâch in getân, sô wart gekrônet nie dechein man, ern hete strîtes von in genuoc. mich wundert, waz dich her vertruoc. daz sag mir rehte unt wie.« »Ich kom gestern. hiute bin ich hie worden hêrre überz lant. mich vienc diu künegîn mit ir hant, dô wert ich mich mit minne; sus rieten mir die sinne.« »ich wæne, dir hât diu süeziu wer betwungen beidenthalp diu her.« »Dû meinest, durch daz ich dir entran? vaste riefe dû mich an. waz woldest dû an mir ertwingen? lâ mich sus mit dir dingen.«

*m zwêne künige mit grôzer krefte. die vluht von der ritterschefte si brâhten und manigen kiel. ir rot mir vil wol geviel. hie was ouch Morolt durch in, des strît hât kraft und sin. die sint nû hin gekêret. wie mich mîn vrowe lêret, alsô tuon ich mit den mînen. mîn dienst ir sol erschînen. dû bedarft mir dienstes danken niht, wanne ez diu sippe sus vergiht. die vrevelen helde sint nû dîn. wæren si getoufet sô die mîn und an der hiute nâch in getân, schœner wart gekrônet nie kein man, er enhette strîtes von in genuoc. mich wundert, waz dich her vertruoc. daz sage mir rehte und wie.« »ich kam gester. hiute bin ich hie worden hêrre über daz lant. mich vienc diu künigîn mit ir hant, dô werte ich mich mit minne; sus rieten mir die sinne.« »ich wæne, dir hât dîn süeze wer betwungen beidenhalp diu her.« »dû meinest, wand ich dir entran? vaste riefe dû mich an. waz woltes dû an mir twingen? lâz mich sus mit dir dingen.«

*G zwêne künige mit ir kraft. die vluot von der rîterschaft si vuorten und manigen kiel. ir rotte mir vil wol geviel. hie was ouch Morolt durch in, des strît hât kraft und sin. die sint nû hin gekêret. swie mich mîn vrouwe lêret, als tuon ich mit den mînen. ir sol mîn dienst schînen. dûne solt mir dienstes danken niht, wan es diu sippe sus vergiht. die vrechen helde sint nû dîn. wæren si getoufet sam die mîn unde an der hiute sô getân, sône wart gekrônet nie dehein man, dûne hetest strîtes im genuoc. mich wundert, waz dich her vertruoc. Daz sage mir rehte und wie.« »ich kom gester. hiute bin ich hie worden hêrre überz lant. mich vie diu künigîn mit ir hant, dô werte ich mich mit minne; sus rieten mîne sinne.« »ich wæne, dir hât dîn manlîch wer betwungen beidenthalp diu her.« »dû meinest, durch daz ich dir entran? vaste ruoftestû mich an. waz woltestû an mir ertwingen? lâ mich sus mit dir dingen.«

*T zwêne künege mit grôzer kraft. die vluht von der ritterschaft, si vuorten vil manigen kiel. ir rotte mir vil wol geviel. hie was ouch Morolt durch in, des strît hât kraft und sin. die sint nû hin gekêret. wie mich mîn vrouwe lêret, alsô tuon ich mit den mînen. mîn dienst sol erschînen. dû endarft mir dienstes danken niht, wan es diu sippe sus vergiht. die vrechen helde sint nû dîn. wæren si getoufet sam die mîn und an der hiute gelîche getân, sô wart gekrônet nie dekein man, ern hete strîtes von dir genuoc. mich wundert, waz dich her truoc. daz sage ich dir rehte und wie.« »ich kom gestern. hiute bin ich hie worden hêrre über diz lant. mich vienc diu küneginne mit ir hant, dô wert ich mich ir minne; sus rieten mir die sinne.« »ich wæne, dir hât dîn süeze wer betwungen beidenthalp diu her.« »dû manest, durch diz ich dir entran? vil vaste riefe dû mich an. waz woldes dû an mir twingen? lâz mich sus mit dir dingen.«