*D Der site ist niht dem Grâle reht. dâ muoz der rîter unt der kneht bewart sîn vor lôsheit. diemuot die hôchvart überstreit. dâ wont ein werdiu bruoderschaft; die hânt mit werlîcher kraft erwert mit ir handen der diet von al den landen, daz der Grâl ist unerkennet, wan die dar sint benennet ze Munsalvæsche ans Grâles schar. wan einer kom unbenennet dar; der selbe was ein tumber man unt vuorte ouch sünde mit im dan, daz er niht zem wirte sprach umben kumber, den er an im sach. ich ensol niemen schelten, doch muoz er sünde engelten, daz er niht vrâgte des wirtes schaden. er was mit kumber sô geladen, ez enwart nie erkant sô hôher pîn. dâ von kom roys Læhelin ze Brumbane an den sê geriten. durch tjoste het sîn dâ gebiten Lybbeals, der werde helt, des tôt mit tjoste was erwelt. er was erborn von Prienlascors. Læhelin des heldes ors dannen zôch mit sîner hant. dâ wart der rêroup bekant.

*m der site ist niht dem Grâl reht. dâ muoz der reht ritter und der kneht bewart sîn vor lôsheit. diemuot ir hôchvart überstreit. dâ wonte ein werdiu bruoderschaft; die hânt mit werlîcher kraft erwert mit ir handen der tæte von allen landen, daz der Grâl ist unerkennet, wan die dar sint benennet ze Muntsalvasche an des Grâles schar. wan einer kam unbenennet dar; der selbe was ein tumber man und vuorte ouch sünde mit im dan, daz er niht zuom wirte sprach umb den kumber, den er an im sach. ich sol niemen schelten, doch muoz er sünde engelten, daz er niht vrâgte des wirtes schaden. der was mit kumber sô beladen, ez wart nie erkant sô hôhiu pîn. dâ vor kam rois Lehelin zuo Brunbane an den sê geriten. durch juste het sîn dâ gebiten Lippeals, der werde helt, des tôt mit juste was erwelt. er was erborn von Prienlascors. Lehelin des heldes ors dannen zôch mit sîner hant. dâ wart der rêroup erkant.

*G Der site ist niht dem Grâl reht. dâ muoz der rîter unde der kneht bewart sîn vor lôsheit. diemuot die hôchvart überstreit. dâ wont ein werdiu bruoderschaft; die hânt mit werlîcher kraft erwert mit ir handen der diet von al den landen, daz der Grâl ist unbekennet, wan die dar sint benennet ze Muntsalvatsche ans Grâles schar. wan einer kom unbenennet dar; der selbe was ein tumber man unde vuorte ouch sünde mit im dan, daz er niht ze dem wirte sprach umben kumber, den er an im sach. ich ensol niemen schelten, doch muoz er sünde engelten, daz er niht vrâget des wirtes schaden. er was mit kumber sô geladen, ez enwart nie erkant sô hôher pîn. dâ vor kom roys Lehelin ze Brunbanie an den sê geriten. durch tjost het sîn dâ gebiten Liebeals, der werde helt, des tôt mit tjoste wart erwelt. er was erborn von Prinlacors. Lehelin des heldes ors dannen zôch mit sîner hant. dâ wart der rêroup bekant.

*T der site ist niht dem Grâle reht. dâ muoz der rîter unde der kneht bewarn sich vor lôsheit. diemuot hôchvart ie überstreit. dâ wont ein werdiu bruoderschaft; die hânt mit werdeclîcher kraft erwert mit ir handen der diet von allen landen, daz der Grâl ist unbekant, wan den, die dar sint benant ze Munsalvasche ans Grâles schar. wan einer kom ungewarnet dar; der selbe was ein tumber man unde vuorte ouch sünde mit im dan, daz er niht zem wirte sprach umbe den kumber, den er an im sach. ich solte nieman schelten, doch muoz er sünden engelten, daz er niht vrâgete umbe des wirtes schaden. er was mit kumber sô beladen, ez enwart nie bekant hôher pîn. Dâ vor kom roys Lehelin ze Brumbanie an den sê geriten. durch tjost hete sîn dâ gebiten Lebbeals, der werde helt, des tôt mit tjost wart erwelt. er was geborn von Prienlaiors. Lehelin des heldes ors dannen zôch mit sîner hant. dâ wart der rêroup bekant.