*D Ez ist hiute der karvrîtac, daz man vür wâr dâ warten mac: ein tûbe von himel swinget. ûf den stein diu bringet eine kleine, wîz oblât. ûf dem steine si die lât. diu tûbe ist durchliuhtec blanc. ze himel tuot si widerwanc. immer alle karvrîtage bringet si ûf den stein, als ich iu sage, dâ von der stein enpfæhet, swaz guotes ûf erden dræhet von trinken unt von spîse, als den wunsch von pardîse: ich meine, swaz diu erde mac gebern. der stein si vürbaz mêr sol wern: swaz wildes underem lufte lebt, ez vliege ode loufe unt daz swebt. der rîterlîchen bruoderschaft, die pfrüende in gît des Grâles kraft. die aber zem Grâle sint benant, hœret, wie die werdent bekant: zende an des steines drum von karacten ein epitafjum sagt sînen namen unt sînen art, swer dar tuon sol die sælden vart, ez sî von meiden ode von knaben. die schrift darf niemen danne schaben. sô man den namen gelesen hât, vor ir ougen si zergât.

*m ez ist hiut der karvrîtac, daz man vür wâr dâ warten mac: Ein tûbe von himel swinget. ûf den stein diu bringet ein klein, wîz oblât. ûf dem stein si die lât. diu tûbe ist durchliuhtec blanc. zuo himel tuot si widerwanc. iemer am karvrîtage bringet si ûf den stein, als ich sage, dâ von der stein enpfæhet, waz guotes ûf erden dræhet von trinken und von spîse, als den wunsch von paradîse: ich mein, waz diu erde müge gebern. der stein si vürbaz mêr sol wern: waz wildes under dem lufte lebet, ez vliege, loufe oder swebet. der ritterlîchen bruoderschaft die pfrüende gît des Grâles kraft. die aber zem Grâl sint benant, hœrt, wie die werdent bekant: zuo ende an des steines drum von karacten ein epitafum saget sînen namen und sînen art, wer dar tuon sol die sælden vart, ez sî von megden oder von knaben. die schrift darf niemen dannen schaben. sô man den namen gelesen hât, vor ir ougen si zergât.

*G Ez ist hiute der karvrîtac, daz man vür wâr dâ warten mac: ein tûbe von himel swinget. ûf den stein si bringet ein klein, wîz oblât. ûf dem stein si die lât. diu tûbe ist durchliuhtic blanc. ze himel tuot si widerwanc. imer an dem karvrîtage bringet si ûf den stein, als ich iu sage, dâ von der stein enpfæhet, swaz guotes ûf erden dræhet von trinken unde von spîse, als den wunsch von pardîse: ich mein, swaz diu erde mac gebern. der stein si vürbaz mêr sol wern: swaz wildes underm lufte lebet, ez vliege ode loufe unde daz swebet. der rîterlîchen bruoderschaft, die pfrüende in gît des Grâles kraft. die aber ze dem Grâl sint benant, hœrt, wie die werdent bekant: zende an des steines drum von karacten ein epitafjum saget sînen namen unde sînen art, swer dar sol tuon der sælden vart, ez sî von meiden ode von knaben. die schrift darf niemen dannen schaben. sô man den namen gelesen hât, vor ir ougen si zergât.

*T Ez ist hiute der karvrîtac, daz man vür wâr dâ warten mac: ein tûbe von himele swinget. ûf den stein diu bringet eine wîze oblât. ûf dem steine si die lât. diu tûbe ist durchliuhtic blanc. ze himele tuot si widerwanc. iemer alle karvrîtage bringet si ûf den stein, als ich iu sage, dâ von der stein enpfæhet, swaz guotes ûf der erden dræhet von trinkenne unde von spîse, alse den wunsch von paradîse: ich meine, swaz diu erde mac gebern. der stein si vürbaz mê sol wern: swaz wildes undern lüften lebet, ez vliege oder ez loufe oder swebet. der rîterlîchen bruoderschaft die pfrüende gît des Grâles kraft. die aber zem Grâle sîn benant, hœret, wie die werdent bekant: zende an des Grâles drum von karactern ein epitafjum seit sînen namen unde sînen art, swer dar tuon sol der sælden vart, ez sî von megden oder von knaben. die schrift sol niemen dannen schaben. sô man die namen gelesen hât, vor ir ougen si zergât.