*D Irn megt im ab erzürnen niht. swer iuch gein im in hazze siht, der hât iuch an den witzen kranc. nû prüevet, wie Lucifern gelanc und sînen nôtgestallen. si wâren doch âne gallen. jâ, hêrre, wâ nâmen si den nît, dâ von ir endelôser strît zer helle enpfâhet sûren lôn? Astiroth und Belcimon, Belet und Radamant unt ander, die ich dâ hân erkant, diu liehtiu himelische schar wart durch nît nâch helle var. dô Lucifer vuor die helle vart mit schar, ein mensche nâch im wart. Got worhte ûz der erden Adamen, den werden. von Adames verche er Even brach, diu uns gap an daz ungemach, daz si ir schepfære überhôrte unt unser vreude stôrte. von in zwein kom gebürte vruht. einem riet sîn ungenuht, daz er durch gîteclîchen ruom sîner anen nam den magetuom. nû beginnet genuoge des gezemen, ê si diz mære vernemen, daz si vreischen, wie daz möhte sîn. ez wart iedoch mit sünden schîn.«

*m ir müget im aber zerrinnen niht. wer iuch gegen im in strîte siht, der het iuch an den witzen kranc. nû prüevet, wie Lucifer gelanc an sînen nôtgestallen. si wâren doch âne gallen. jâ, hêrre, wâ nement si den nît, dâ von ir endelôser strît zuo helle enpfâhet sûren lôn? Astiroch und Belczelon, Bellech und Radamant und ander, die ich hân erkant, diu himelschar wart durch nît nâch helle var. dô Lucifer vuor die helle vart mit schar, ein mensch nâch im wart. got worht ûz der erden Adam, den werden. von Adames †vêhe† er †enbrach†, diu uns gap an daz ungemach, daz ir schepfer si überhôrte und unser vröude stôrte. von in zwein kam gebürte vruht. einem riet sîn ungenuht, daz er durch güetlîchen ruom sîner anen nam den magetuom. nû beginnet genuoge des gezemen, ê daz si daz mære vernemen, daz si vreischen, wie daz möhte sîn. ez wart iedoch mit sünden schîn.«

*G Irn müget im abe erzürnen niht. swer iuch gegen im in hazze siht, der hât iuch an den witzen kranc. nû prüevet, wie Lucifern gelanc unt sînen nôtgestallen. si wâren doch âne gallen. jâ, hêrre, wâ nâmen si den nît, dâ von ir endelôser strît ze der helle enpfâhet viurînen lôn? Astiroth unde Beleimon, Beleth unde Radamant unde ander, die ich dâ hân erkant, diu liehte himelische schar wart durch nît nâch helle var. dô Lucifer vuor die helle vart mit schar, ein mensch nâch im wart. got worht ûz der erden Adamen, den werden. von Adames verche er Even brach, diu uns gap an daz ungemach, daz si ir schepfære überhôrte unt unser vröude stôrte. von in zwein kom gebürte vruht. einen verriet sîn ungenuht, daz er durch gîtlîchen ruom sîner anen nam den magetuom. nû beginnet genuoge des gezemen, ê si ditze mære vernemen, daz si vreischen, wie daz möhte sîn. ez wart iedoch mit sünden schîn.«

*T irn müget im ab erzürnen niht. swer iuch gegen im in hazze siht, der habt iuch an den witzen kranc. nû prüevet, wie Luzifer gelanc unde sînen nôtgestallen. si wâren doch âne gallen. Jâ, hêrre, wâ nâmen si den nît, dâ von ir endelôser strît ze helle enpfâhet sûren lôn? Beleet unde Belcimon, Asterot unde Radamant unde andere, die ich dâ hân erkant, diu liehte himelsche schar wart durch nît hellevar. dô Luzifer vuor die hellevart mit schar, ein mensche nâch im wart. got worhte ûz der erden Adamen, den werden. von Adames verche er Even brach. diu gap uns an daz ungemach, daz sir schepfer überhôrte unde unser vröude stôrte. von in zwein kom gebürte vruht. einem riet sîn ungenuht, daz er durch gîteclîchen ruom sîner anen nam den magetuom. Nû beginnet genuoge des gezemen, ê si diz mære vernemen, daz si vreischen, wie daz möhte sîn. ez wart iedoch mit triuwen schîn.«