*D Sprach Parzival, »mir ist vreude ein troum. ich trage der riwe swæren soum. hêrre, ich tuon iu mêr noch kunt: swâ kirchen ode münster stuont, dâ man gotes êre sprach, dehein ouge mich dâ nie gesach sît den selben zîten. ichn suochte niht wan strîten. ouch trage ich hazzes vil gein gote, wander ist mîner sorgen tote. die hât er al ze hôhe erhaben. mîn vreude ist lebendec begraben. künde gotes kraft mit helfe sîn, waz ankers wære diu vreude mîn! diu sinket durch der riwe grunt. ist mîn manlîch herze wunt - od mag ez dâ vor wesen ganz, daz diu riuwe ir scharpfen kranz mir setzet ûf werdecheit, die schildes ambet mir erstreit gein werlîchen handen? -, des gihe ich dem ze schanden, der aller helfe hât gewalt, ist sîn helfe helfe balt, daz er mir denne hilfet niht, sô vil man im der hilfe giht.« der wirt ersiufzet unt sach an in. dô sprach er: »hêrre, habt ir sin, sô sult ir got getrouwen wol. er hilfet iu, wander helfen sol.

*m sprach Parcifal, »mir ist vröude ein troum. ich trage der riuwe swæren soum. hêrre, ich tuon iu mêr noch kunt: wâ kirche oder münster stuont, dâ man gotes êre sprach, kein ouge mich dâ nie gesach sît den selben zîten. ich suochte niht wenne strîten. ouch trage ich hazzes vil gegen gote, wanne er ist mîner sorgen tote. die het er al ze hôhe erhaben. mîn vröude ist lebendic begraben. künde gotes kraft mit helfe sîn, waz enkers wær diu vröude mîn! diu sinket durch der riuwe grunt. ist mîn manlîch herze wunt - oder mac ez dâ von werden ganz, daz diu riuwe ir scharfen kranz mir setzet ûf wirdecheit, die schiltes ambet mir erstreit gegen werlîchen handen? -, des gihe ich dem zuo schanden, der aller helfe het gewalt, ist sîn helfe helfe balt, daz er mir dar hilfet niht, sô vil man im der helfe giht.« der wirt ersiufzet und sach an in. dô sprach er: »hêrre, habt ir sin, sô solt ir got getriuwen wol. er hilfet iu, wan er helfen sol.

*G Parzival sprach, »mir ist vröude ein troum. ich trage der riuwe swæren soum. hêrre, ich tuon iu mêr noch kunt: swâ kirchen oder münster stuont, dâ man gotes êre sprach, dehein ouge mich dâ nie gesach sît den selben zîten. ich ensuochte niht wan strîten. ouch trage ich hazzes vil gein gote, wan er ist mîner sorgen tote. die hât er al ze hôhe erhaben. mîn vröude ist lebendic begraben. künde gotes kraft mit helfe sîn, waz ankers wære diu vröude mîn! diu sinket durch der riuwe grunt. ist mîn manlîch herze wunt - ode mag ez dâ von wesen ganz, daz diu riuwe ir scharpfen kranz mir setzet ûf werdecheit, die schiltes ambet mir erstreit gein werlîchen handen? -, des gihe ich dem ze schanden, der aller helfe hât gewalt, ist sîn helfe helfe balt, daz er mir danne hilfet niht, sô vil man im der helfe giht.« der wirt ersiufte unde sach an in. dô sprach er: »hêrre, habet ir sin, sô sult ir gote getrûwen wol. er hilfet iu, wan er helfen sol.

*T sprach Parcifal, »mir ist vröude ein troum. ich trage der riuwe swæren soum. Hêrre, ich tuon iu mêr kunt: swâ kirchen oder münster stuont, dâ man gotes êre sprach, dehein ouge mich dâ nie gesach sît den selben zîten. ich suochte niht wan strîten. ouch tragich hazzes vil gegen gote, wander ist mîner sorgen tote, wan die het er alze hôhe erhaben. mîn vröude ist lebendic begraben. künde gotes kraft mit helfe sîn, waz enkers wære diu vröude mîn! diu sinket durch der riuwen grunt. ist mîn manlîch herze wunt - oder mag ez dâ von wesen ganz, daz diu riuwe ir scharpfen glanz mir setzet ûffe werdecheit, die schiltes ambet mir erstreit gegen werdeclîchen handen? -, des gih ich dem ze schanden, der aller helfe hât gewalt, ist er sîner helfe balt, daz er mir danne hilfet niht, sô vil man im helfe giht.« Der wirt ersûfte unde sach an in. dô sprach er: »hêrre, habt ir sin, sô sult ir gote getriuwen wol. er hilfet iu, wander helfen sol.