*D Iedoch bereit er sich zer tjost. Parzival mit solher kost het ouch sper vil verzert. er dâhte: »ich wære unernert, rit ich über dises mannes sât. wie würde denne sînes zornes rât? nû tritte ich hie den wilden varm. mir engeswîchen hende, ieweder arm, ich gibe vür mîne reise ein pfant, daz ninder bindet mich sîn hant.« Daz wart ze bêder sît getân: diu ors in den walap verlân, mit sporn getriben unt ouch gevuort vast ûf der rabbîne hurt. ir enweders tjost dâ misseriet. maneger tjost ein gegenniet was Parzivals hôhiu brust. den lêrte kunst unt sîn gelust, daz sîn tjost als eben vuor reht in den stric der helmsnuor. er traf in, dâ man hæht den schilt, sô man ritterschefte spilt, daz von Munsalvæsche der templeis von dem orse in eine halden reis sô verre hin ab - diu was sô tief -, daz dâ sîn leger wênec slief. Parzival der tjoste nâch volgete. dem orse was ze gâch; ez viel hin ab, daz ez gar zerbrast. Parzival eines zêders ast

*m iedoch bereiter sich zer jost. Parcifal mit solher kost hete ouch sper vil verzert. er dâhte: »ich wære unernert, rite ich über dises mannes sât. wie würde danne sînes zornes rât? nû tret ich hie den wilden varm. mirn geswîchen hende, ietweder arm, ich gibe vür mîne reise ein pfant, daz niender bindet mich sîn hant.« daz wart ze beider sîte getân: diu ros in den walap verlân, mit sporn getriben und ouch gevuort vaste ûf der rabîne hurt. ir enweders just dâ misseriet. maniger juste ein gegenniet was Parcifals hôhiu brust. den lêrte kunst und sîne gelust, daz sîn just als eben vuor reht in den strick der helmsnuor. er traf in, dâ man henket den schilt, sô man ritterschafte spilt, daz von Muntsalvasche der templeis von dem rosse in eine halden reis sô verre hin abe - diu was sô tief -, daz dâ sîn leger wênic slief. Parcifal, der werde, juste nâch volgete. dem rosse was gâch; ez viel hin abe, daz ez gar zerbrast. Parcifal eines zêders ast

*G Iedoch bereit er sich ze der tjost. Parzival mit solher kost het ouch sper vil verzert. er dâhte: »ich wære unernert, rite ich über disses mannes sât. wie würde denne sînes zornes rât? nû trit ich hie den wilden varm. mirn geswîchen hende unde arm, ich gibe vür mîn reise ein pfant, daz niender bindet mich sîn hant.« daz wart ze beider sîte getân: diu ors in den walap verlân, mit sporn getriben unde ouch gevuort vaste ûf der rabîne hurt. ir deweders tjost dâ misseriet. maniger tjoste ein geinniet was Parzivales hôhiu brust. den lêrte kunst unde sîn gelust, daz sîn tjost als ebene vuor rehte in den stric der helmsnuor. er traf in, dâ man helt den schilt, sô man rîterschefte spilt, daz von Muntsalvatsche der tempeleis von dem orse in eine halde reis sô verre hin abe - diu was tief -, daz dâ sîn leger wênic slief. Parzival der tjost nâch volget. dem orse was ouch gâch; ez viel hin abe, daz ez zerbrast. Parzival eines zêders ast

*T iedoch bereiter sich zer tjost. Parcifal mit solher kost het ouch sper vil verzert. er dâhte: »er wære des unernert, rite ich über disses mannes sât. wie würde danne sînes zornes rât? nû tret ich hie den wilden varm. mir geswîche hende unde ietweder arm, ich gibim vür mîne reite pfant, daz niender bindet mich sîn hant.« Daz wart ze beider sît getân: diu ors in den walap verlân, mit sporn getriben unde gevuort vaste ûffe der rabîne hurt. ir deweders tjost dâ misseriet. maneger tjost ein gegenbiet was Parcifals hôhiu brust. daz lêrte kunst unde sîn gelust, daz sîn tjost als ebene vuor reht in den stric der helmsnuor. er traf in, dâ man hebet den schilt, sô man rîterschefte spilt, daz von Munsalvasche der templeis von dem orse in eine halden reis sô verre hin abe - diu was sô tief -, daz dâ sîn leger wênic slief. Parcifal der tjost nâch volgete. dem orse was ze gâch; ez viel hin abe, daz ez gar zerbrast. Parcifal eines zêders ast