*D Der lantgrâve ellens rîche sprach: »ir redet dem gelîche, als maneger weiz an iu vür wâr iwer zît unt iwer jâr. ir râtet mir, dar ich wolt iedoch, unt sprechet, ir tætet, als riet ein koch den küenen Niblungen, die sich unbetwungen ûz huoben, dâ man an in rach, daz Sivride dâ vor geschach. mich muoz hêr Gawan slahen tôt oder ich gelêre in râche nôt.« »Des volge ich«, sprach Liddamus, »wan swaz sîn œheim Artus hât unt die von India, der mirz hie gæbe, als siz hânt dâ, der mirz ledeclîche bræhte, ich liezez, ê daz ich væhte. Nû behaldet prîs, des man iu giht. Segramors enbin ich niht, den man durch vehten binden muoz. ich erwirbe sus wol küneges gruoz. Sibeche nie swert erzôch, er was ie bî den, dâ man vlôch. doch muose man in vlêhen. grôze gebe unt starkiu lêhen enpfieng er von Ermenriche genuoc. nie swert er doch durch helm gesluoc. mir wirt verschert nimmer vel durch iuch, hêr Kyngrimursel.

*m der lantgrâve ellens rîche sprach: »ir redet dem gelîche, als maniger weiz an iu vür wâr iuwer zît und iuwer jâr. ir râtet mir, dar ich wolte iedoch, und sprechet, ir tætet, als riet ein koch den küenen Nibelungen, die sich unbetwungen ûz huoben, dâ man an in rach, daz Syfride dâ vor geschach. mich muoz hêr Gawan slahen tôt oder ich gelêre in râche nôt.« »des volge ich«, sprach Liddamus, »wanne waz sîn œheim Artus hât und die von India, der mirz hie gæbe, als †† hânt dâ, und mirz ledeclîch bræhte, ich lieze ez, ê danne ich væhte. nû haltet prîs, des man iu giht. Segramors enbin ich niht, den man durch vehten binden muoz. ich erwürbe sus wol küniges gruoz. Sibeche nie swert erzôch, er was ie, dâ man dô vlôch. doch muose man im vlêhen. grôze gâbe und starkiu lêhen enpfienc er von Ermenrich genuoc. nie swert er doch durch helm gesluoc. mir wirt verschertet niemer vel durch iuch, hêr Kingrimursel.

*G der lantgrâve ellens rîche sprach: »ir reit dem gelîche, als maniger weiz an iu vür wâr iwer zît unde iwer jâr. ir râtet mir, dar ich wolt doch, unt sprechet, ir tætet, als riet ein koch den küenen Nibelungen, die sich unbetwungen ûz huoben, dâ man an in rach, daz Sifride dâ vor geschach. mich muoz hêr Gawan slahen tôt oder ich gelêre in râche nôt.« »des volge ich«, sprach Lidamus, »wan swaz sîn œheim Artus hât unde die von India, der mirz hie gæbe, als siz hânt dâ, der mirz lediclîche bræhte, ich liezez, ê ich væhte. nû behaltet brîs, des man iu giht. Segremors enbin ich niht, den man durch vehten binden muoz. ich erwirbe sus wol küniges gruoz. Sibeche nie swert erzôch, er was ie gerne, dâ man vlôch. doch muose man in vlêhen. grôz gâbe unde starkiu lêhen Enpfie er von Ermenrich genuoc. nie swert er doch durch helm gesluoc. mir wirt verschert nimer vel durch iuch, hêr Kingrimursel.

*T Der lantgrâve ellens rîche sprach: »ir redet dem glîche, als maneger weiz an iu vür wâr iuwere zît, iuwer jâr. ir râtet mir, als ich wolte doch, ir sprechet, ir tætet alsein koch den küenen Nybelungen, die sich unbetwungen ûz huoben, dâ man an in rach, daz Sifride dâ vor geschach. mich muoz hêr Gawan slahen tôt oder ich gelêre in râche nôt.« »Des volgich im«, sprach Lyddamus, »wan swaz sîn œheim Artus hât unde die von India, der mirz hie gæbe, als siz hânt dâ, ich liezez, ê dannich væhte, †der mirz ledeclîchen bræhte.† nû behabt prîs, des man iu giht. Segremors enbin ich niht, den man durch vehten binden muoz. ich erwürbe sus wol künege gruoz. Sibeche nie swert erzôch, er was ie bî den, dâ man vlôch. doch muose man im vlêhen. grôz gebe unde starkiu lêhen enpfienc er mit Ermeneriche genuoc. nie swert er doch durch helm gesluoc. Mir wirt verschert niemer vel durch iuch, hêr Kyngrimursel.