*D vröud und angest vert dâ bî. nû lât mîn eines wesen drî, Der ieslîcher sunder pflege, daz mîner künste widerwege. dar zuo gehôrte wilder vunt, ob si iu gerne tæten kunt, daz ich iu eine kunden wil. si heten arbeite vil. Ein mære ich iu wil niwen, daz seit von grôzen triwen, wîplîchez wîbes reht unt mannes manheit alsô sleht, diu sich gein herte nie gebouc. sîn herze in dâr an niht betrouc, er stahel, swâ er ze strîte kam. sîn hant dâ sigelîchen nam vil manegen lobelîchen prîs; er küene, træclîche wîs: den helt ich alsus grüeze, er wîbes ougen süeze und dâ bî wîbes herzen suht, vor missewende ein wâriu vluht. den ich hie zuo hân erkorn, er ist mæreshalp noch ungeborn, dem man dirre âventiure giht unt wunders vil, des dran geschiht. Si pflegents noch, als mans dô pflac, swâ lît unt walsch gerihte lac - des pfliget ouch tiuscher erde ein ort, daz habt ir âne mich gehôrt -:

*m Ein mære ich hie wil niuwen, daz seit von grôzen triuwen, wîplîchez wîbes reht und mannes manheit alsô sleht, diu sich gegen herte nie gebouc. sîn herz in dâr an nie betrouc, er stahel, wâ er zuo strîte kam. sîn hant dâ sigelîchen nam manigen loblîchen prîs; der küene, træclîche wîs: den helt ich alsus grüeze, der wîbes ougen süeze und dâ bî wîbes herzen suht, vor missewende ein †varwe† vluht. den ich hie hân zuo erkorn, er ist †megenshalp† noch ungeborn, dem man dirre âventiure giht und wunders vil, des dâr an geschiht. Si pflegent es noch, als man dô pflac, wâ lît und welsch gerihte lac - daz pfliget ouch tiutscher erde ein ort, daz habet ir an mir gehôrt -:

*G vröude und angest vert dâ bî. nû lât mîn eines wesen drî, der ieslîcher sunder pflege, daz mîner künste widerwege. dar zuo gehôrte wilder vunt, op si iu gerne tæten kunt, daz ich iu eine künden wil. si heten arbeite vil. Ein mære wil ich iu niwen, daz seit von ganzen triwen, wîplîchez wîbes reht und mannes manheit als sleht, diu sich gein herte nie gebouc. sîn herze in dâr an niht betrouc, er stahel, swâ er ze strîte kam. sîn hant dâ sigelîchen nam vil manigen lobelîchen brîs; er küene, træclîchen wîs: den helt ich alsus grüeze, er wîbes ougen süeze unt dâ bî wîbes herzen suht, vor missewende ein wâriu vluht. den ich hie zuo hân erkoren, der ist mæreshalp noch ungeboren, dem man dirre âventiure giht unde wunders vil, des dran geschiht. si pflegent noch, als man dô pflac, swâ lît und walhisch gerihte lac - des pfliget noch tiuscher erde ein ort, daz habet ir âne mich gehôrt -:

*T vröude und angest vert dâ bî. nû lât mîn eines wesen drî, der ieglîcher sunder pflege, daz mîner künste widerwege. dar zuo hôret wilder vunt, ob si gerne tæten kunt, daz ich iu eine künden wil. si heten arbeite vil. Ein mære wil ich iu niuwen, daz saget von grôzen triuwen, wîplîchez wîbes reht und mannes manheit alsô sleht, diu sich gegen der herte nie gebouc. sîn herze niht dâr an betrouc, er stahel, swâ er ze strîte kam. sîn hant dâ sigelîchen nam vil manegen lobelîchen prîs; er küene, stæte, milte, wîs: den helt ich alsus grüeze, er wîbes ougen süeze und dâ bî wîbes herzen suht, vor missewende ein wâriu vluht. Den ich hie zuo hân erkorn, derst mæreshalp noch ungeborn, dem man dirre âventiure giht und wunders vil, des dran geschiht. Si pflegents noch, als man dô pflac, swâ lît und welsch gerihte lac - des pfliget noch tiuscher erde ein ort, daz habt ir âne mich gehôrt -: