*D Ob dich halt dîn muoter lieze. got gebe, daz ichs genieze. owî, er stolz werder man, waz ich gedingen gein im hân! nie wort ich dennoch zim gesprach, in mîme slâfe ich in hînte sach.« Lyppaut gie vür die herzogîn unt Obilot, diu tohter sîn. dô sprach er: »vrouwe, stiwert uns zwei. mîn herze nâch vreuden schrei, dô mich got dirre magt beriet unt mich von ungemüete schiet.« Diu alte herzogîn sprach sân: »waz welt ir mînes guotes hân?« »vrouwe, sît irs uns bereit, Obilot wil bezzer kleit. si dunket sichs mit wirde wert, sît sô werder man ir minne gert unt er ir biutet dienstes vil unt ouch ir kleinœde wil.« Dô sprach der meide muoter: »er süezer man vil guoter! ich wæne, ir meinet den vremden gast. sîn blic ist reht ein meien glast.« dô hiez tragen dar diu wîse samît von Ethnise. unversniten wât truoc man dâ mite, pfelle von Thabronite ûzem lande ze Tribalibot. an Kaukasas daz golt ist rôt,

*m ob dich halt dîn muoter lieze. got gebe, daz ichs genieze. ouwê, er stolzer, werder man, waz ich gedingen gegen ime hân! nie wort ich danne zuo ime gesprach, in mînem slâfe ich in hînaht sach.« Lippout gienc vür die herzogîn und Obilot, diu tohter sîn. dô sprach er: »vrouwe, stiuret uns zwei. mîn herze nâch vröuden schrei, dô mich got dirre magt beriet und mich von ungemüete schiet.« diu alte herzogîn sprach sân: »waz wellet ir mînes guotes hân?« »vrouwe, sît irs uns bereit, Obilot wil bezzer kleit. si dunket sich niht wirde wert, sît sô werder man ir minne gert und er ir biutet dienstes vil und ouch ir kleinœte wil.« dô sprach der megde muoter: »er süezer man vil guoter! ich wæne, ir meinet den vrömden gast. sîn blic ist reht ein meien glast.« dô hiez tragen dar diu wîse samît von Ethnise. unversnitener wât truoc man dâ mite, pfelle von Tabronite ûzem lande ze Tribalibot. an Kaukasas daz golt ist rôt,

*G obe dich halt dîn muoter lieze. got gebe, daz ich es genieze. owê, der stolze, werde man, waz ich gedingen gein im hân! nie wort ich dannoch zuo im gesprach, in mînem slâfe ich in hînt sach.« Libaut reit zer herzogîn unde Obilot, diu tohter sîn. er sprach: »vrouwe, stiurt uns zwei. mîn herze nâch vröiden schrei, dô mich got dirre maget beriet unde mich von ungemüete schiet.« diu alte herzogîn sprach sân: »waz welt ir mînes guotes hân?« »vrouwe, sît irs uns bereit, Obilot wil bezzer kleit. si dunket sich es mit wirde wert, sît sô werder man ir minne gert und er ir biutet dienstes vil unde ouch ir kleinœde wil.« dô sprach der magede muoter: »er süezer man vil guoter! ich wæne, ir meinet den vrömden gast. sîn varwe ist reht ein meien glast.« dô hiez dar tragen diu wîse samît von Ethnise. unversniten wât truoc man dâ mit, pfelle von Tabrunit ûzem lande ze Tribalibot. in Kausakas daz golt ist rôt,

*T ob dich halt dîn muoter lieze. got gebe, daz ich dîn genieze. ouwê, stolz werder man, waz ich gedinge gegen im hân! nie wort ich dannoch zim gesprach, in mînem slâfe ich in hînt sach.« Lybaut reit zer herzogîn unde Obylot, diu tohter sîn. dô sprach er: »vrouwe, stiuret uns zwei. mîn herze nâch vröuden schrei, dô mich got dirre megde beriet unde mich von ungemüete schiet.« Diu alte herzogîn sprach sân: »waz welt ir mînes guotes hân?« »vrouwe, sît uns bereit, Obylot wil bezzer kleit. si dunket sichs mit wirde wert, sît sô werder man ir minne gert, wan er biutet ir dienstes vil unde ouch ir kleinœte wil.« Dô sprach der megde muoter: »er süezer man vil guoter! ich wæne, ir meinet den vremden gast. sîn blic ist rehte eines meien glast.« Dô hiez tragen dar diu wîse samît von Etnise. unversniten wât man truoc dâr mite, pfelle von Tabrunite ûz dem lande ze Tribalibot. ane Coucasas daz golt ist rôt,