*D Gar dirre worte hôre kom Gawane in sîn ôre. die rede lât sîn, als si nû stê, nû hœret, wie ez der stat ergê: ein schifreht wazzer vür si vlôz durch eine brücke steinîn grôz, niht gein der vîende want. anderhalp was unverhert daz lant. ein marschalc kom geriten sân. vür die brücken ûf den plân nam er herberge wît. sîn hêrre kom an rehter zît unt ander, die dâ solden komen. ich sagez iu, hât irs niht vernomen, wer in des wirtes hilfe reit unt wer durch in mit triwen streit. Im kom von Brevigariez sîn bruoder, der herzoge Marangliez. durch den kômen zwêne ritter snel: der werde künec Schirniel, der truoc krône ze Lyrivoyn, als tet sîn bruoder ze Avendroyn. Dô die burgære gesâhen, daz in helfe wolde nâhen, daz ê des was ir aller rât, daz dûhte si dô ein missetât. der vürste Lyppaut dô sprach: »owê, daz Bearosche ie geschach, daz ir porten suln vermûrt sîn! wan swenne ich gein dem hêrren mîn

*m gar dirre worte hôre kam Gawane in sîn ôre. die rede lât sîn, als si nû stê, und hœret, wie ez der stat ergê: ein schifreht wazzer vür si vlôz durch eine brücke steinîn grôz, niht gegen der vîende want. anderhalp was unverhert daz lant. ein marschalc kam geriten sân. vür die brücke ûf den plân dô nam er herberge wît. sîn hêrre kam an rehter zît und ander, die dâ solten komen. ich sage ez iu, habt irs niht venomen, wer in des wirtes helfe reit und wer durch in mit triuwen streit. im kam von Brevigariez sîn bruoder, duc Marangliez. durch den kômen zwêne rîter snel: der werde künic Schirniel, der truoc krône ze Lirwoin, als tet sîn bruoder ze Avendroin. Dô die burgære sâhen, daz in helfe wolte nâhen, daz ê des was ir aller rât, daz dûhte si dô ein missetât, ich meine, daz si dâ vor vermûret heten ir tor. der vürste Lippout dô selbe sprach: »ouwê, daz Bearosche ie geschach, daz ir porte sullen vermûret sîn! wand wenne ich gegen dem hêrren mîn

*G gar dirre worte hôre kom Gawan in sîn ôre. die rede lât sîn, als si nû stê, unde hœrt ouch, wiez der stat ergê: ein schifreche wazzer vür si vlôz durch eine brücke steinîn grôz, niht gein der vînde want. anderhalp was unverhert daz lant. ein marschalc kom geriten sân. vür die burc ûf den plân nam er herberge wît. sîn hêrre kom an rehter zît unde ander, die dâ solten komen. ich sagez iu, habt irs niht vernomen, Wer ins wirtes helfe reit unde wer durch in mit triwen streit. im kom von Brevegariez sîn bruoder, duc Marangliez. durch den kômen zwêne rîter snel: der werde künic Tschirnel, der truoc krône ze Liravoyn, als tet sîn bruoder ze Avendroyn. dô die burgære sâhen, daz in helfe wolte nâhen, daz ê des was ir aller rât, daz dûhte si dô missetât. der vürste Libaut selbe sprach: »owê, daz Bearotsche ie geschach, daz ir porten sulen vermûret sîn! wan swenne ich gein dem hêrren mîn

*T Gar dirre worte hôre kômen Gawan in sîn ôre. dise rede lât sîn, als si nû stê, nû hœret, wiez der stat ergê: ein schifreche wazzer vür si vlôz durch eine steinîn brücke grôz, niht gegen der vîende want. anderhalp was unverhert daz lant. Sîn marschalc kom geriten sân. vür die burc ûf den plân nam er herberge wît. sîn hêrre kom an der zît unde ander, die dâ solten komen. ich sagz iu, habt irs niht vernomen, wer in des wirtes helfe reit unde wer durch in mit triuwen streit. Im kom von Prevegariez sîn bruoder Marangliez. durch den kômen zwêne rîter snel: der werde künec Tschirniel, der truoc krône ze Lyrivoyn, als tet sîn bruoder zEvendroyn. Dô die burgære alle sâhen, daz in helfe wolte nâhen, daz ê des was ir aller rât, daz dûhte si ein missetât. Der vürste Lybaut selbe sprach: »ouwê, daz ich Bearosch ie gesach, daz ir porten suln vermûret sîn! wan swenich gegen dem hêrren mîn