*D Sol ich durch mîner zuht gebot hœren nû der werlde spot, sô mac sîn râten niht sîn ganz: mir riet der werde Gurnamanz, daz ich vrevellîche vrâge mite unt immer gein unvuogen strite. Vil werder rîter sihe ich hie. durch iwer zuht nû râtet mir, wie daz ich iwern hulden næhe mich. ez ist ein strenge, scherpf gerich gein mir mit worten hie getân. swes hulde ich drumbe verlorn hân, daz wil ich wênec wîzen im. swenne ich hernâch prîs genim, sô habt mich aber denne dar nâch. mir ist ze scheiden von iu gâch. Ir gâbt mir alle geselleschaft, die wîle ich stuont in prîses kraft. der sît nû ledec, unz ich bezal, dâ von mîn grüeniu vreude ist val. mîn sol grôz jâmer alsô pflegen, daz herze geb den ougen regen, sît ich ûf Munsalvæsche liez, daz mich von wâren vreuden stiez. ohteiz, wie manege clâre magt! swaz iemen wunders hât gesagt, dennoch pflîts mêr der Grâl. der wirt hât siufzebæren twâl. ay, helfelôser Anfortas, waz half dich, daz ich bî dir was?«

*m sol ich durch mîner zuht gebot hœren nû der werlte spot, sô enmac sîn râten niht sîn ganz: mir riet der werde Gurnemanz, daz ich vrevellîch vrâge mite und iemer gegen unvuoge strite. vil werder ritter sich ich hie. durch iuwere zuht nû râtet, wie ich ir hulden genæhe mich. ez ist ein strenge, scharf gerich gegen mir mit worten hie getân. wes hulde ich drumbe verlorn hân, daz wil ich wênic wizzen ime. wenne ich hernâch prîs genime, sô habt mich aber danne dar nâch. mir ist ze scheiden von iu gâch. ir gâbet mir alle geselleschaft, die wîle ich stuont in prîses kraft. der sît ir ledic, unz daz ich bezal, dâ von mîniu grüene vröude ist val. mîn sol grôz jâmer alsô pflegen, daz herze gebe den ougen regen, sît ich ûf Muntsalvasche liez, daz mich von wâren vröuden stiez. ohteiz, wie manige clâre maget! waz iemen wunders hât gesaget, dennoch pfligt es mêr der Grâl. der wirt hât siuftebæren twâl. dû helfelôser Anfortas, waz half dich, daz ich bî dir was?«

*G sol ich durch mîner zuht gebot hœren nû der werlte spot, sône mac sîn râten niht sîn ganz: mir riet der werde Gurnomanz, daz ich vrevellîche vrâge mite unde immer gein unvuoge strite. vil werder rîter sihe ich hie. durch iuwer zuht nû râtet, wie daz ich iuweren hulden næhe mich. ez ist ein strenge, scharf gerich gein mir mit worten hie getân. swes hulde ich drumbe verloren hân, daz wil ich wênic wîzen im. swenne ich hernâch prîs genim, sô habet mich aber danne dar nâch. mir ist ze scheidene von iu gâch. ir gâbet mir alle geselleschaft, die wîle ich stuont an brîses kraft. des sît nû ledic, unze ich bezal, dâ von mîn grüeniu vröude ist val. mîn sol grôz jâmer alsô pflegen, daz herze gebe den ougen regen, sît ich ûf Muntsalvatsche liez, daz mich von wâren vröuden stiez. ohteiz, wie manic clâriu maget! swaz ieman wunders hât gesaget, dannoch pfliget sîn mêre der Grâl. der wirt hât siufzebær twâl. hei, helfelôser Anfortas, waz half dich, daz ich bî dir was?«

*T sol ich durch mîner zuht gebot hœren nû der werlte spot, sône mac sîn râten niht sîn ganz: mir riet der werde Gurnemanz, daz ich vrevellîche vrâge mite unde niemer gegen unvuoge strite. vil werder rîter sihe ich hie. durch iuwer zuht nû râtet mir, wie daz ich ir hulden næhe mich. ez ist ein strenge, scharpf gerich mit worten hie gegen mir getân. swes hulde ich drumbe verlorn hân, daz wil ich wênic wîzen ime. swennich hernâch prîs genime, sô habet mich aber dar nâch. mirst ze scheiden von iu gâch. ir habt mir alle geselleschaft getân, dô ich in prîses kraft stuont. des sît nû ledic, unz ich bezal, dâ von mîn grüene vröude ist val. mîn sol grôz jâmer alsô pflegen, daz daz herze gebe den ougen regen, sît ich ûf Munsalvasche liez, daz mich von werden vröuden stiez. ohteiz, wie manec clâre maget! swaz ieman wunders hât gesaget, dannoch pfliget sîn mêr der Grâl. der wirt hât siufzebære twâl. ei, helfelôser Anfortas, waz half dich, daz ich bî dir was?«