*D Beacors al vaste bat. der gast stuont an sîner stat. er sprach: »mir biutet kampf ein man, des ich neheine künde hân. ine hân ouch niht ze sprechen dar. starc, küene, wol gevar, getriwe unde rîche, hât er diu volleclîche, er mac borgen deste baz. ine trage gein im decheinen haz. Er was mîn hêrre unt mîn mâc, durch den ich hebe disen bâc. unser veter gebruoder hiezen, die nihtes ein ander liezen. Nehein man gekrœnet wart nie, ich enhet im vollen art mit kampfe rede ze bieten, mich râche gein im nieten. Ich bin ein vürste ûz Ascalun, der lantgrâve von Schampfanzun, unt heize Kingrimursel. ist hêr Gawan lobes snel, der mac sich anders niht entsagen, ern müeze kampf dâ gein mir tragen. Ouch gib ich im vride über al daz lant, niwan von mîn eines hant. mit triwen ich vride geheize ûzerhalp des kampfes kreize. got hüete al der ich lâze hie, wan eines: er weiz wol selbe wie.«

*m Beacurs alvaste bat. der gast stuont an sîner stat. er sprach: »mir biutet kampf ein man, des ich enkeine künde hân. ich hân ouch niht ze sprechen dar. starc, küene, wol gevar, getriuwe und rîche, hât er diu volleclîche, er mac borgen deste baz. ich trage ûf in dekeinen haz. er was mîn hêrre und mîn mâc, durch den ich hebe disen bâc. unser vetere gebruoder hiezen, die nihtes ein ander liezen. nie kein man gekrœnet wart, ich enhete ime wol vollen art mit kampfe rede ze bieten, mich râche gegen ime nieten. ich bin ein vürste ûz Ascalun, der lantgrâve von Schanfanzun, und heize Kingrimursel. ist hêr Gawan lobes snel, der mac sich anders niht entsagen, er müeze kampf dâ gegen mir tragen. ouch gip ich ime vride über al daz lant, niuwan von mîn eines hant. mit triuwe ich vride geheize ûzerhalp des kampfes kreize. got hüete al der ich lâze hie, wanne eines: er weiz wol selbe wie.«

*G Beakurs al vaste bat. der gast stuont an sîner stat. Er sprach: »mir biutet kampf ein man, des ich deheine künde hân. ichne hân ouch niht ze sprechenne dar. stæte, küene, wolgevar, getriuwe unde rîche, hât er diu volliclîche, er mac borgen deste baz. ichne hân gein im deheinen haz. er was mîn hêrre unde ouch mîn mâc, durch den ich hebe disen bâc. unser vatere bruoder hiezen, die nihtes ein ander liezen. sô hôher man gekrœnt wart nie, ich enhetim vollen art in kampfe rede ze bieten, mich râche gein im nieten. ich bin ein vürste ûz Aschalun, der lantgrâve von Tschanfenzun, unt heize Kingrimursel. ist hêr Gawan lobes snel, er mac sich anders niht entsagen, er enwelle dâ kampf gein mir tragen. ich gibe im vride über al daz lant, niwan von mîn eines hant. mit triuwen ich vride geheize ûzerhalp des kampfes kreize. got hüete al der ich lâze hie, wan eines: er weiz wol selbe wie.«

*T Beakurs al vaste bat. Der gast stuont an sîner stat. er sprach: »mir biutet kampf ein man, des ich deheine künde hân. ich hân ouch niht ze sprechene dar. sterke, küene, wol gevar, hât er diu volleclîche, unde ist getriuwe unde rîche, er mac borgen deste baz. ich hân gegen im deheinen haz. er was mîn hêrre unde ouch mîn mâc, durch den ich hebe disen bâc. unser vetere bruodere hiezen, die niht ein ander liezen. sô hôher man gekrœnet wart nie, ern hete im vollen art im kampfes rede ze bieten, mit râche gegen im ze nieten. ich bin ein vürste ûz Ascalun, der lantgrâve von Tschampfenzun, unde heize Kyngrimursel. ist hêr Gawan lobes hel, ern mac sich niht entsagen, ern welle den kampf dâ gegen mir tragen. ich gibim vride über al daz lant, niht wan von mîn eines hant. mit triuwen ich im vride geheize ûzerhalp des kampfes kreize. got hüete al der ich lâze hie, wen eines: er weiz wol selbe wie.«