*D Sîn muot stuont hôch, doch jâmers vol. die bêde schanze ich nennen sol: hôchvart riet sîn manheit, jâmer lêrt in herzen leit. Er reit ûzen zuome ringe. ob man in dâ iht dringe? vil knappen spranc dar nâher sân; dô enpfiengen si den werden man. sîn schilt unt er wâren unbekant; den helm er niht von im bant. Der vreuden ellende truoc daz swert in sîner hende, bedecket mit der scheiden. dô vrâgter nâch in beiden: »wâ ist Artus unt Gawan?« junchêrren zeigten im die sân. Sus gieng er durch den rinc wît. tiwer was sîn kursît, mit liehtem pfelle wol gevar. vür den wirt des ringes schar stuont er unt sprach alsus: »got halde den künec Artus, dar zuo vrowen unt man. swaz ich der hie gesehen hân, den biut ich dienstlîchen gruoz. wan einem tuot mîn dienst buoz, im enwirt dienst nimer schîn. ich wil bî sîme hazze sîn. swaz hazzes er geleisten mac, mîn haz im biutet hazzes slac.

*m sîn muot was hôch, doch jâmers vol. die beide schanze ich nennen sol: hôchvart riet sîn manheit, jâmer lêrte in herzeleit. er reit ûz zuo dem ringe. ob man in dâ iht dringe? vil knappen spranc dar nâher sân; dô enpfiengen si den werden man. sîn schilt und er wâren unbekant; den helm er niht von im bant. der vröuden ellende truoc daz swert in sîner hende, bedecket mit der scheiden. dâ vrâgeter nâch in beiden: »wâ ist Artus und Gawan?« junchêrren zeigeten †in† die sân. sus gienc er durch den rinc wît. tiure was sîn kursît, mit liehtem pfelle wol gevar. †wirt vür und† vür ringes schar er stuont und sprach alsus: »got halte den künic Artus, dar zuo vrouwen und man. waz ich der hie gesehen hân, den biut ich dienstlîchen gruoz. wanne einem tuot mîn dienest buoz, dem wirt mîn dienest nimer schîn. ich wil bî sînem hazze sîn. waz hazzes er geleisten mac, mîn haz ime biutet hazzes slac.

*G sîn muot stuont hôch, doch jâmers vol. die bêde schanze ich nennen sol: hôchvart riet sîn manheit, jâmer lêrte in herzeleit. er reit ûzen zuo dem ringe. op man in dâ iht dringe? vil knappen spranc dar nâher sân; dô enpfiengen si den werden man. sîn schilt unde er wâren unbekant; den helm er niht von im bant. der vröuden ellende truoc daz swert in sîner hende, verdecket mit der scheiden. dô vragter nâch in beiden: »wâ ist Artus unde Gawan?« junchêrren zeigten im die sân. sus gieng er durch den rinc wît. tiure was sîn kursît, mit liehtem pfelle wolgevar. vür den wirt des ringes schar stuont er unde sprach alsus: »got halt den künic Artus, dar zuo vrouwen unde man. swaz ich der hie ersehen hân, den biut ich dienstlîchen gruoz. wan einem tuot mîn dienst buoz, dem wirt mîn dienst nimmer schîn. ich wil bî sînem hazze sîn. swaz hazzes er geleisten mac, mîn haz im biut hazzes slac.

*T sîn muot stuont hôhe, doch jâmers vol. die beiden schanze ich nennen sol: hôchvart riet sîn manheit, jâmer lêrtin herzeleit. er reit ûzen zuo dem ringe. ob man in dâ iht dringe? vil junchêrren spranc dar nâher sân; dô enpfiengen si den werden man. sîn schilt unde er wâren unbekant; den helm er niht von im bant. der vröuden ellende, daz swert truoc er an der hende, bedecket mit der scheiden. dô vrâgeter nâch in beiden: »wâ ist Artus unde Gawan?« Vil junchêrren zeigten im die sân. Sus gienc er vür den rinc wît. tiure was sîn kursît, mit liehtem pfelle wol gevar. vür den wirt in des ringes schar stuont er unde sprach alsus: »got halte den künec Artus unde dar zuo vrouwen unde man. swaz ich der hie gesehen hân, dem biut ich dienstlîchen gruoz. wan einem tuon ich dienstes buoz, dem wirt mîn dienst niemer schîn. ich wil bî sînem hazze sîn. swaz hazzes er geleisten mac, mîn haz im biutet hazzes slac.