*D disiu mære sagt im gar sîn wirt: »ein ritter nimmer daz verbirt, ern kom durch tjostieren vür. ob der sîn dienest dort verlür an ir, diu in sante her, waz hülfe in denne sîn vrechiu ger? daz ist der stolze Hiuteger. von dem mag ich wol sprechen mêr, sît wir hie sîn besezzen, daz der helt vermezzen ie smorgens vil bereite was vor der porte gein dem palas. ouch ist von dem küenen man kleinœtes vil gevuoret dan, daz er durch unser schilte stach, des man vür grôze koste jach, sô ez die krîgierre brâchen drab. er valt uns manegen rîter ab. er læt sich gerne schouwen, in lobent ouch unser vrouwen. swen wîp lobent, der wirt erkant, er hât den prîs ze sîner hant unt sînes herzen wunne.« dô hete diu müede sunne ir liehten blic hin zir gelesen. des bankens muose ein ende wesen. der gast mit sîme wirte reit; er vant sîn ezzen al bereit. ich muoz iu von ir spîse sagen; diu wart mit zühten vür getragen,

*m disiu mære sagete ime gar sîn wirt: »ein ritter niemer daz verbirt, er enkome durch justieren vür. ob der sînen dienst dort verlür an ir, diu in sante her, †wer hie sîn danne sîner frechttiger† daz ist der stolze Huteger. von dem mac ich wol sprechen mêr, sît wir hie sîn besezzen, daz der helt vermezzen ie morgens vil bereite was vor der porte gegen dem palas. ouch ist von dem küenen man kleinœtes vil gevuoret dan, daz er durch unser schilte stach, des man vür grôze koste jach, sô ez die kroijiere brâchen drabe. er valte uns manigen ritter abe. er lât sich gerne schouwen, in lobent ouch unser vrouwen. wen wîp lobent, der wirt erkant, er hât den prîs in sîner hant und sînes herzen wunne.« dô hete diu müede sunne ir liehten blic hin zuo ir gelesen. des banikens muose ein ende wesen. der gast mit sînem wirte reit; der vant sîn ezzen al bereit. Ich muoz iu von ir spîse sagen; diu wart mit zühten vür getragen,

*G disiu mære seit im gar sîn wirt: »ein rîter nimer daz verbirt, er enkom hie durch tjoste vür. op der sîn dienst dort verlür an ir, diu in sande her, waz hülfe in dane sîn vrechiu ger? daz ist der stolze Huteger. von dem mag ich wol sprechen mêr, sît wir hie sîn besezzen, daz ie der helt vermezzen des morgens vil bereit was gein der porte vor dem palas. ouch wart von dem küenen man kleinœdes vil gevuoret dan, daz er durch unser schilte stach, des man vür grôze koste jach, swene ez die kroijierære brâchen drabe. er valt uns manigen rîter abe. er lât sich gerne schouwen, in lobent ouch unser vrouwen. swen wîp lobent, der wirt bekant, der hât den brîs ze sîner hant unde sînes herzen wunne.« nû hete diu müede sunne ir liehten blic hinze ir gelesen. des bankenes muose ein ende wesen. der gast mit sînem wirte reit; er vant sîn ezzen albereit. ich muoz iu von ir spîse sagen; diu wart mit zühten vür getragen,

*T Disiu mære seit im gar sîn wirt: »ein rîter niemer daz verbirt, ern kome durch tjostieren vür. ob der sînen dienst dort verlür an ir, diu in dâ sante her, waz hülfe danne sîn vrechiu ger? daz ist der stolze Huteger. von dem mag ich wol sprechen mêr, sît wir hie sîn besezzen, daz ie der helt vermezzen des morgens vil bereit was vor der porten gegen dem palas. ouch wart von dem küenen man kleinœdes vil gevuoret dan, daz er durch unser schilte stach, des man vür rîche koste jach, swaz die crâierer brâchen drabe. er valte uns manegen rîter abe. er lât sich gerne schouwen, in lobent ouch unser vrouwen. swen wîp lobent, der wirt erkant, der hât den prîs ze sîner hant und sînes herzen wunne.« Nû hete diu müede sunne ir liehten blic zir gelesen. ir banekens muose ein ende wesen. Der gast mit sînem wirte reit; der vant sîn ezzen al bereit. Ich muoz iu von ir spîse sagen; diu wart mit zühten vür getragen,