*D Diu maget witze rîche was gevar den ungelîche, die man dâ heizet bêâ schent. ein brûtlachen von Gent, noch blâwer denne ein lâsûr, het an geleit der vreuden schûr. daz was ein kappe wol gesniten al nâch der Franzoyser siten. drunde an ir lîbe was pfelle guot. von Lunders ein pfæwîn huot, gefurriert mit einem plîat - der huot was niwe, diu snuor niht alt -, der hieng ir an dem rücke. ir mære was ein brücke: über vreude ez jâmer truoc. si zuct in schimpfes dâ genuoc. Über den huot ein zopf ir swanc unz ûf den mûl. der was sô lanc, swarz, herte unt niht ze clâr, linde als eines swînes rückehâr. Si was genast als ein hunt. zwêne ebers zene ir vür den munt giengen wol spannen lanc. ietweder wintbrâ sich dranc mit zöpfen vür die hâres snuor. mîn zuht mit wârheit missevuor, daz ich sus muoz von vrouwen sagen. nehein enderiu darf ez von mir klagen. Cundrie truog ôren als ein ber, niht nâch vriwendes minne ger.

*m Diu maget witze rîche was gevar den ungelîche, die man heizet bêâ schent. ein brûtlachen von Gent, noch blâwer denne ein lâsûr, hete an geleit der vröuden schûr. daz was ein kappe wolgesniten al nâch der Franzoiser siten. drunde an ir lîbe was pfelle guot. von Lunders ein pfæwîn huot, gefurrieret mit einem blîalt - der huot niuwe, diu snuor niht alt -, der hienc ir an dem rücke. ir mære was ein brücke, diu jâmer über die vröude truoc. si zuckete in schimpfes dâ genuoc. über den huot ein zopf ir swanc unz ûf den mûl. der was sô lanc, swarz, herte und niht ze clâr, lind als ein swînes rückehâr. si was genaset als ein hunt. zwêne ebers zene ir vür den munt giengen wol vingers lanc. ietweder wintbrâ sich dranc mit zöpfen vür die hârsnuor. mîn zuht durch wârheit missevuor, daz ich sus muoz von vrouwen sagen. si, kein anderiu, darf ez von mir klagen. Condrie truoc ôren als ein ber, niht nâch vriundes minne ger.

*G diu maget witze rîche was gevar dem ungelîche, die man dâ heizet bêâ schent. ein brûtlachen von Gent, noch blâwer danne ein lâzûr, het an ir der vröuden schûr. daz was ein kappe wolgesniten al nâch der Franzoiser siten. unden an ir lîbe was pfelle guot. von Lunders ein pfâwenhuot, gefurriert mit einem blîalt - der huot was niwe, diu snuor niht alt -, der hienc ir an dem rücke. ir mære was ein brücke: über vröude ez jâmer truoc. si zucte in schimpfes dâ genuoc. über den huot ein zopf ir swanc unz ûf den mûl. der was sô lanc, swarz, herte, niht ze clâr, linde als eines swînes hâr. si was genaset als ein hunt. zwêne ebers zen ir vür den munt giengen wol spanne lanc. ietweder wintbrâ sich dranc mit zöpfen vür die hârsnuor. mîn zuht durch wârheit missevuor, daz ich sus muoz von vrouwen sagen. dehein anderiu darf ez von mir klagen. Gundrie truoc ôren als ein ber, niht nâch vriundes minne ger.

*T Diu maget witze rîche was gevar dem unglîche, die man dâ heizet bêâ gent. ein brûtlachen von Gent, noch blâwer danne ein lâsûr, hât an geleit der vröuden schûr. drunder an ir lîbe was pfelle guot. von Lunders ein pfæwîn huot, gefurrieret mit einem blîalt - der huot was niuwe, diu snuor niht alt -, der hienc ir an dem rücke. ir mære was ein brücke über vröude, diu jâmer truoc. si zuht in schimpfes dâ genuoc. über den huot ein zopf ir swanc unz ûf den mûl. der was lanc, swarz, herte unde niht ze clâr, linde als eines swînes rückehâr. si was genaset als ein hunt. zwêne ebers zene ir vür den munt giengen wol spannen lanc. ietweder wintbrâ sich twanc mit zöpfen vür die hârsnuor. mîn zuht durch wârheit missevuor, daz ich sus muoz von vrouwen sagen. dehein anderiu darf ez von mir klagen, wan Kundrie truoc ôren als ein ber, niht nâch vriundes minne ger.