*D sô daz si niht geriwe ir kiusche und ir triwe. Vor gote ich guoten wîben bite, daz in rehtiu mâze volge mite. scham ist ein slôz ob allen siten; ich endarf in niht mêr heiles biten. diu valsche erwirbet valschen prîs. wie stæte ist ein dünnez îs, daz ougestheize sunnen hât? ir lop vil balde alsus zergât. manec wîbes schœne an lobe ist breit; ist dâ daz herze conterfeit, die lob ich, als ich solde daz safer im golde. ich enhân daz niht vür lîhtiu dinc, swer in den kranken messinc verwürket edeln rubîn und al die âventiure sîn; dem glîche ich rehte wîbes muot. diu ir wîpheit rehte tuot, dâne sol ich varwe prüeven niht noch herzen dach, daz man siht. ist si inrehalp des brust bewart, sô ist werder prîs dâ niht verschart. Solt ich wîp unde man zerehte prüeven, als ich kan, dâ vüere ein langez mære mite. nû hœret dirre âventiure site; diu lât iuch wizzen beide von liebe und von leide,

*m sô daz si niht geriuwe ir kiusche und ir triuwe. vor got ich guoten wîben bite, die in rehter mâze volgent mite. scham ist ein slôz ob allen siten; ich darf in nimer heiles biten. diu valsche erwirbet valschen brîs. wie stæte ist ein dünnez îs, †diu angest herze† sunne hât? ir lop vil balde alsus zergât, wenne wîbes schœne an lobe ist breit; ist dâ daz herze conterfeit, die lob ich, alsô ich solde daz safer in golde. ine hân daz niht vür lîhter dinc, wer in den kranken messinc verwürket edel rubîn und alle die âventiure sîn; den glîch ich rehten wîbes muot. diu ir wîpheit rehte tuot, denne sol ich varwe prüeven niht noch ir herzen dach, dô man dâ siht. ist si innerhalp der brüste bewart, sô ist worden prîs dâ niht verschart.

*G sô daz si iht geriwe ir kiusche und ir triwe. vor gote ich guoten wîben bite, daz in rehtiu mâze volge mite. scham ist ein slôz obe allen siten; ich endarf in niht mê heiles biten. Diu valsche wirbet valschen brîs. wie stæte ist ein dünnez îs, daz ougestheize sunnen hât? ir lop vil balde alsus zergât. maniges wîbes lop an schœne ist breit; ist dâ daz herze conterfeit, die lobe ich, als ich solde daz safer in dem golde. ouch hân ich niht vür ringiu dinc, swer in den kranken messinc verwürket edelen rubîn unde alle die natûre sîn; dem gelîche ich rehten wîbes muot. diu ir wîpheit rehte tuot, dâne sol ich varwe brüeven niht noch ir herzen dach, daz man dâ siht. ist si innerhalp dâr bewart, sô ist werder brîs dâ niht verschart. solt ich nû wîp und man ze rehte brüeven, als ich kan, dâ vüere ein langez mære mite. nû hœret dirre âventiure site; diu lât iuch wizzen beide von liebe und ouch von leide,

*T sô daz sis iht geriuwe, ir kiusche und ir triuwe. Vor gote ich guoten wîben bite, sô daz ir rehte mâze volge mite. Scham ist ein slôz ob allen siten; ine darf in niht mêr heiles biten. Der valsche erwirbet valschen prîs. wie stæte ist ein dünnez îs, daz ougestheize sunne hât? sîn lop balde alsus zergât. Maneges wîbes schœne an lobe ist breit; ist aber daz herze kunterfeit, daz lob ich, als ich solde der safer in dem golde. Ouch enhab ichz niht vür ein geringez dinc, swer in den kranken messinc verwirket edele rubîn und aldie âventiure sîn; dem glîch ich rehten wîbes muot. diu ir wîpheit rehte tuot, dâne sol ich varwe prüeven niht noch ir herzen dach, daz man dâ siht. ist si innertalp der brust bewart, sô ist werder prîs dâ niht verschart. Solt ich nû wîp und man ze rehte prüeven, als ich kan, dâ vüere ein langez ende mite. Nû hœret dirre âventiure site; diu lât iuch wizzen beide von liebe und ouch von leide,