*D an swem diu kurtôsîe unt diu werde kumpânîe lac, den kunder êren, sîn dienst gein im kêren. Ich gihe von im der mære, er was ein merkære. er tet vil rûhes willen schîn ze scherme dem hêrren sîn. Partierre unt valsche diet, von den werden er die schiet. er was ir vuore ein strenger hagel, noch scharpfer dan der bîn ir zagel. seht, die verkêrten Keien prîs. der was manlîcher triwen wîs. vil hazzes er von in gewan. Von Duringen vürste Herman, etslîch dîn ingesinde ich maz, daz ›ûzgesinde‹ hieze baz. dir wære ouch eines Keien nôt, sît wâriu milte dir gebôt sô manecvalten anehanc, etswâ smæhlîch gedranc unt etswâ werdez dringen. des muoz hêr Walther singen: »guoten tac, bœse unde guot.« swâ man solhen sanc nû tuot, des sint die valschen geêret. Keie hets in niht gelêret noch hêr Heinrich von Rispach. hœret wunders mêr, waz dort geschach

*m an wem diu kurtoisîe und diu werde kompânîe lac, den kunder êren, sîn dienst gegen ime kêren. ich gihe von ime der mære, er was ein merkære und tet vil rûhes willen schîn ze scherme dem hêrren sîn. partierre und valsche diet, von den werden er die schiet. er was ir vuor ein strenger hagel, noch scharpfer danne der bîn ir zagel. seht, die verkêrten Keien prîs. der was manlîcher triuwen wîs. vil hazzens er von in gewan. von Duringen vürste Herman, etslîch dîn ingesinde ich maz, daz ›ûzgesinde‹ hieze baz. dir wære ouch eines Keien nôt, sît wâriu milte dir gebôt sô manicvalten anehanc, etswâ smæhelîch gedranc und etwâ werdez dringen. des muoz hêr Walther singen: »guoten tac, bœse und guot.« wâ man solichen sanc nû tuot, des sint die valschen geêret. Keie hets in niht gelêret noch hêr Heinrich von Rispach. hœrt wunders mêr, waz dort geschach

*G an swem diu kurtôsîe unde diu werde kumpânîe lac, den kunder êren, sîn dienst gein im kêren. ich gihe von im der mære, er was ein merkære. er tet vil rûhes willen schîn ze scherme dem hêrren sîn. partierære unde valsche diet, von den werden er die schiet. er was ir vuore ein strenge hagel, noch scherpfer danne ein bîn, ir zagel. seht, die verkêrten Kayn prîs. er was manlîcher triwen wîs. vil hazzes er von in gewan. von Durgen vürste Herman, etlîch dîn ingesinde ich maz, daz ›ûzgesinde‹ hieze baz. dir wære ouch eines Kayn nôt, sît wâriu milte dir gebôt sô manicvalten anehanc, etswâ smæhlîch gedranc unt etswâ werdez dringen. des muoz hêr Walther singen: »guoten tac, bœse unde guot.« swâ man solchen sanc nû tuot, des sint die valschen geêret. Kay hetes in niht gelêret noch hêr Heinrich von Rispach. hœrt wunders mê, waz dort geschach

*T an swem diu kurtôsîe unde diu werde kompânîe lac, den kunder êren, sîn dienst gegen im kêren. ich gihe von im der mære, er was ein merkære. er tet vil rûhes willen schîn ze schirme dem hêrren sîn. partierre unde valsche diet, von den werden er die schiet. er was ir vuore ein strenger hagel, noch scherpfer danne der bîn ir zagel. seht, die verkêrten Keys prîs. er was manlîcher triuwen wîs. vil hazzes er von in gewan. von Duringen lantgrâve Herman, etslîch dîn ingesinde ich maz, daz ›ûzgesinde‹ hieze baz. dir wære ouch eines Key nôt, sît wâriu milte dir gebôt sô manecvalten anehanc, etswâ smæhlîchen gedranc unde etswâ werdez dringen. Des muoz hêr Walter singen: »guoten tac, bœse unde guot.« swâ man noch sölhen sanc nû tuot, des sint die valschen geêret. Key hets in niht gelêret noch hêr Heinrich von Rispach. Hœret wunders mêr, waz dort geschach