*D ir sît gewaldec ob der wer. bêde ûf erde unt in dem mer, waz entrinnet iwerm kriege, ez vlieze oder vliege? Vrou Minne, ir tâtet ouch gewalt, dô Parzival, der degen balt, durch iuch von sînen witzen schiet, als im sîn triwe dô geriet. daz werde, kiusche, clâre wîp sande iuch ze boten an sînen lîp, diu künegîn von Pelrapeire. Kardeiz fiz Tampenteire, ir bruoder, nâmet ir ouch sîn leben. sol man iu sölhe zinse geben, wol mich, daz ich von iu niht hân, ir enwolt mir bezzer senfte lân. Ich hân gereit unser aller wort. nû hœret ouch, wie ez ergienge dort. Keie, der ellens rîche, kom gewâpent rîterlîche ûz, als er strîtes gerte. ouch wæne, in strîtes werte des künec Gahmuretes kint. swâ twingende vrouwen sint, die sulen im heiles wünschen nuo, wande in brâht ein wîp dar zuo, daz minne witze von im spielt. Keie sîner tjost enthielt, unz er zem Waleise sprach: »hêrre, sît iu sus geschach,

*m ir sît gewaltic obe der wer. beide ûf der erde und in dem mer, waz entrinnet iuwerm kriege, ez vlieze oder vliege? vrouwe Minne, ir tâtet ouch gewalt, dô Parcifal, der degen balt, durch iuch von sînen witzen schiet, als ime sîn triuwe dô geriet. daz werde, süeze, clâre wîp sante iuch ze boten an sînen lîp, diu künigîn von Pelraperie. Cardeiz fiz Tampenterie, ir bruoder, nâmet eht ir ouch sîn leben. sol man iu soliche zinse geben, wol mich, daz ich von iu niht hân, ir enwellet mir bezzer senfte lân. ich hân gereit unser aller wort. nû hœret ouch, wie ez ergienge dort. Keie, der ellens rîche, kam gewâpent ritterlîche ûz, als er strîtes gerte. ouch wæne, in strîtes werte des küniges Gahmuretes kint. wâ nû twingende vrouwen sint, die sullen im heiles wünschen nû, want in brâhte ein wîp dar zuo, daz minne witze von im spielt. Keie sîner just enthielt, unz er zuom Waleise sprach: »hêrre, sît iu sus geschach,

*G ir sît gewaltic obe der wer. beidiu ûf erde unde in dem mer, waz entrinnet iuwerm kriege, ez vlieze oder vliege? vrou Minne, ir tâtet ouch gewalt, dô Parzival, der degen balt, durch iuch von sînen witzen schiet, als im sîn triuwe dô geriet. daz werde, süeze, clâre wîp sande iuch ze boten an sînen lîp, diu künigîn von Pelrapeire. Kardiz fiz Tampunteire, ir bruoder, nâmet ir ouch sîn leben. sol man iu solhe zinse geben, wol mich, daz ich von iu niht hân, Irn welt mir bezzer senfte lân. ich hân gereit unser aller wort. nû hœrt, wie ez ergienge dort. Kay, der ellens rîche, kom gewâpent rîterlîche ûz, alser strîtes gerte. ich wæne, in strîtes werte des künic Gahmuretes kint. swâ nû dwingende vrouwen sint, die sulen im heiles wünschen nû, wan in brâht ein wîp dar zuo, daz minne witze von im spielt. Kay sîner tjost enthielt, biz er ze Parzivale gesprach: »hêrre, sît iu sus geschach,

*T ir sît gewaltic ob der wer. beide ûf erde unde in dem mer, waz entrinnet iuwerm kriege, ez vlieze oder vliege? Vrou Minne, ir tâtet ouch gewalt, dô Parcifal, der degen balt, durch iuch von sînen witzen schiet, als im sîn triuwe geriet. daz werde, süeze, clâre wîp sante iuch ze boten an sînen lîp, diu künegîn von Peilrapere. Kardeiz fiz Tampuntere, ir bruoder, nâmet ir ouch daz leben. sol man iu solhe zinse geben, wol mich, daz ich von iu niht hân, irn wolt mir bezzer senfte lân. Ich hân geredet unser aller wort. nû hœret, wiez ergienge dort. Key, der ellens rîche, kom gewâpent rîterlîche, alser strîtes gerte. ich wæne, in strîtes werte des küneges Gahmuretes kint. swâ nû guote vrouwen sint, die solten im heiles wünschen nû, wand in brâhte ein wîp dar zuo, daz minne witze von im spielt. Key sîner tjost enthielt, unz er ze Parcifale sprach: »hêrre, sît iu sus geschach,