*D Daz wart niht langer dô gespart: Orilus entwâpent wart. bluot unt râm von im er twuoc. er nam die herzoginne kluoc unt vuorte si an die suonstat unt hiez bereiten in zwei bat. Dô lac vrou Jeschute al weinende bî ir trûte vor liebe unt doch vor leide niht, als guotem wîbe noch geschiht. ouch ist genuogen liuten kunt: weinendiu ougen hânt süezen munt. dâ von ich mêr noch sprechen wil: grôz liebe ist vreude unt jâmers zil. Swer von der liebe ir mære treit ûf den seigære, ob erz immer wolde wegen, ez enkan niht anderer schanze pflegen. Dâ ergie ein suone, des wæne ich. dô vuoren si sunder baden sich. zwelf clâre juncvrouwen man mohte bî ir schouwen. die pflâgen ir, sît si gewan zorn ân ir schult von lieben man. si hete ie snahtes deckekleit, swie blôz si bîme tage reit. die batten dô mit vreuden sie. ruochet ir nû hœren, wie Orilus des innen wart, âventiure von Artuses vart?

*m ez enwart niht langer dô gespart: Orilus entwâpent wart. bluot und râm man von im twuoc. er nam die herzoginne kluoc und vuorte si an die suone stat. er hiez bereiten im zwei bat. dô lac vrouwe Jeschute alweinende bî ir trûte vor liebe und doch vor leide niht, als guoten wîben noch geschiht. ouch ist genuogen liuten kunt: weinendiu ougen habent süezen munt. dâ von ich mêr noch sprechen wil: grôz liebe ist vröude und jâmers zil. wer von der liebe ir mære treit ûf den seigære, ob er ez iemer wolte wegen, er enkan niht anderre schanze pflegen. dâ ergienc ein suone, des wæn ich. dô vuoren si sunder baden sich. zwelf clâre juncvrouwen man mohte bî ir schouwen. die pflâgen ir, sît si gewan zorn âne schult von liebem man. si hete ie nahtes deckekleit, wie blôz si bîme tage reit. die badeten dô mit vröuden sie. ruochet ir, sô hœret, wie Orilus dô innen wart âventiure von Artuses vart.

*G ez wart niht langer dô gespart. dô Orillus entwâpent wart, bluot unde râm von im man twuoc. er nam die herzoginne kluoc unde vuortes an die suonstat. er hiez bereiten im ein bat. dâ lac vrou Jeschute al weinende bî ir trûte vor liebe unde doch vor leide niht, als guotem wîbe noch geschiht. ouch ist genuogen liuten kunt, weindiu ougen haben süezen munt. dâ von ich mê noch sprechen wil: grôz liebe ist vröude unde jâmers zil. swer von der liebe ir mære treit ûf den seigære, oberz immer wolte wegen, ez enkunde niht anderre schanze pflegen. dâ ergienc ein suone, des wæne ich. doch vüerten sunder handen sich, zwelf clâre juncvrouwen man mohte bî ir schouwen, die pflâgen ir, sît si gewan zorn âne schult von liebem man. ir decke nahtes was bereit, swie blôz si bî dem tage reit. si badeten dô mit vröuden sie. ruochet ir nû hœren, wie Orillus des innen wart, âventiure von Artuses art?

*T Ez enwirt niht langer dô gespart. dô Orilus entwâpent wart, bluot unde râm man von im twuoc. er nam die herzoginne kluoc unde vuorte si an die suonstat. er hiez bereiten in zwei bat. dâ lac vrou Jeschute al weinde bî ir trûte von liebe unde doch von leide niht, als guotem wîbe noch geschiht. ouch ist genuogen liuten kunt: weindiu ougen hânt süezen munt. dâ von ich mêr noch sprechen wil: grôz vröude ist liebe unde jâmers zil. Swer von der liebe ir mære treit ûf den seigære, oberz iemer wolte wegen, ez kan niht anderre schanze pflegen. Hie ergienc ein suone, des wænich. dô vuoren si sunder baden sich. zwô clâre juncvrouwen bî ir man mohte schouwen. die pflâgen ir, dô si gewan zorn âne ir schult von ir man. si hete iedoch des nahtes deckekleit, swie blôz si bî dem tage reit. die badeten dô mit vröuden sie. Geruochet ir nû hœren, wie Orilus des innen wart, âventiure von Artuses vart?