*D verrâtens ich doch wênic kan, swie mich des zîhen sîne man. er was mir lieber danne in. âne geziuge ich des niht bin, mit den ichz sol bewæren noch; die rehten wârheit wizzen doch mîne gote unt ouch die sîne. er gap mir manege pîne. Nû hât mîn schamendiu wîpheit sîn lôn erlenget - mîn leit. dem helde erwarp mîn magetuom an rîterschefte manegen ruom. dô versuocht ich in, ob er kunde sîn ein vriunt. daz wart vil balde schîn. er gap durch mich sîn harnas enwec. daz als ein palas dort stêt, daz ist ein hôch gezelt; daz brâhten Schotten ûf ditze velt. dô daz der helt âne wart, sîn lîp dô wênic wart gespart. des lebens in dâ nâch verdrôz, manege âventiure suochter blôz. dô ditz alsô was, ein vürste, Prothizilas er hiez, mîn messenîe, vor zageheit der vrîe, ûz durch âventiure reit, dâ grôz schade in niht vermeit. zem fôrest in Azagouc ein tjost im sterben niht erlouc,

*m verrâtens ich doch wênic kan, wie mich des zîhen sîne man. er was mir lieber vil danne in. âne ziuge ich des niht bin, mit den ichz sol bewæren noch; die rehten wârheit wizzen doch mîne gote und ouch die sîne. er gap mir manige pîne. nû hât mîn schamendiu wîpheit sîn lôn erlenget, mir mîn leit. dem helde erwarp mîn magetuom an ritterschaft manigen ruom. dô versuochte ich, ob er konde sîn ein vriunt. daz wart vil balde schîn. er gap durch mich sîn harnas enwec. daz als ein palas dort stât, daz ist ein hôch gezelt; daz brâhten Schotten ûf daz velt. dô des der helt âne wart, sîn lîp dô wênic wart gespart. des lebens in dâ nâch verdrôz, manige âventiure suochte er blôz. dô diz alsô komen was, ein vürste, hiez Prothisilas, Der was mîn massenîe, vor zageheit der vrîe, ûz durch âventiure reit, dâ grôz schade in niht vermeit. zem fôrest in †das sagowe† ein just im sterben niht †erloe†,

*G verrâtens ich doch lützel kan, swie mich es zîhen sîne man. er was mir lieber danne in. âne geziuc ich des niht bin, mit den ich ez sol bewæren doch; die reht wârheit wizzen doch mîne gote und die sîne. er gap mir manige pîne. nû hât mîn schemendiu wîpheit sîn lôn erlenget und mîn leit. dem helde erwarp mîn magtuom an rîterschaft vil manigen ruom. ich versuocht in, ob er kunde sîn ein vriunt. daz wart vil balde schîn. er gap durch mich sîn harnas enwec. daz als ein palas dort stêt, daz ist ein hôch gezelt; daz brâhten Schotten ûf diz velt. dô daz der helt âne wart, sîn manheit was vil ungespart. des lebens in dar nâch verdrôz, manege âventiure suochter blôz. dô diz alsô was, ein vürste, Prozitalas hiez, mîn messenîe, vor zageheit der vrîe, ûz durch âventiure reit. ein grôzer schade in niht vermeit. zem fôreis in Azagouch ein tjost in sterbens niht erlouc,

*T verrâtens ich doch lützel kan, swie michs zîhen sîne man. er was mir lieber danne in. âne geziuge ich des niht bin, mit den ichz sol bewæren noch; die mîne wârheit wizzen doch mîne gote und die sîne. er gap mir manege pîne. Nû hât mîn schamendiu wîpheit sînen lôn und mîn leit. dem helde erwarp mîn magetuom an rîterschefte manegen ruom. ich versuochte, ob er kunde sîn ein vriunt. daz wart vil balde schîn. er gap durch mich sîn harnas enwec. daz als ein palas dort stêt, daz ist ein hôch gezelt; daz brâhten Schotten ûf diz velt. dô des der helt âne wart, sîn lîp dô wênic wart gespart. des lebens in dar nâch verdrôz, manege âventiure suochter blôz. Dar nâch, dô diz alsus was, Ein vürste, hiez Protizalas, in mîner massenîe, vor zageheit der vrîe, ouch durch âventiure reit. ein grôzer schade in niht vermeit. zem fôreht in Azagouc ein tjost im sterben niht erlouc,