*D Der gast zer wirtinne sprach mit ritters sinne: »saget mir, ob irs geruochet, durch waz man iuch sô suochet zornlîche mit gewalt. ir habet sô manegen degen balt; mich müet, daz si sint verladen mit vîende hazze nâch ir schaden.« »daz sage ich iu, hêrre, sît irs gert. mir diende ein ritter, der was wert; sîn lîp was tugende ein bernde rîs. der helt was küene unt wîs, der triwe ein reht beklîbeniu vruht. sîn zuht wac vür alle zuht; der was noch kiuscher denne ein wîp. vrecheit unt ellen truoc sîn lîp; sône gewuohs an ritter milter hant vor im nie über elliu lant. ine weiz, waz nâch uns sule geschehen; des lâzen ander liute jehen. er was gein valscher vuore ein tôr, in swarzer varwe als ich ein môr. sîn vater hiez Tankanis, ein künec, der het ouch hôhen prîs. Mîn vriunt, der hiez Isenhart. mîn wîpheit was unbewart, dô ich sîn dienest nâch minne enpfienc, deiz im nâch vröuden niht ergienc. des muoz ich immer jâmer tragen. si wænent, daz ich in schuof erslagen;

*m Der gast zer wirtinne sprach mit ritters sinne: »saget mirs, ob irs geruochet, durch waz man iuch sô suochet zornlîche mit gewalt. ir habet sô manigen degen balt; mich müet, daz si sint beladen mit vîende harte nâch ir schaden.« »daz sage ich, sît irs gert. mir diente ein ritter, der was wert; sîn lîp was tugende ein bernde rîs. der helt was küene und wîs, der triuwe ein reht beklîbeniu vruht. sîn zuht was vür alle zuht; er was noch kiuscher danne ein wîp. vrecheit und ellen truoc sîn lîp; †sume† gewuohs an ritter milter hant vor ime nie über alliu lant. ine weiz, waz nâch uns sule geschehen; diz lâzen ander liute jehen. er was gegen valscher vuore ein tôr, in swarzer varwe als ich ein môr. sîn vater, der hiez Tanckanis, ein künic, der hete ouch hôhen prîs. mîn vriunt, der hiez Ysenhart. mîn wîpheit was unbewart, dô ich sîn dienst nâch minne enpfienc, daz ez nâch vröude ime niht ergienc. des muoz ich iemer jâmer tragen. si wænent, daz ich in schüefe erslagen;

*G der gast zer wirtinne sprach mit rîters sinne: »saget mir, obe irs ruochet, durch waz man iuch sô suochet zorniclîchen mit gewalt. ir habet vil manigen degen balt; mich müet, daz si sint verladen mit vînde hazze nâch ir schaden.« »ich sagez iu, hêrre, sît irs gert. mir diente ein rîter, der was wert; sîn lîp was tugende ein bernde rîs. der helt was küene und wîs, der triwe ein beklîbendiu vruht. sîn zuht wac vür alle zuht; er was kiuscher danne ein wîp. vrecheit und ellen truoc sîn lîp; sô gewuohs an man nie milter hant vor im über elliu lant. ichne weiz, waz nâch uns sule geschehen; des lâzen ander liute jehen. er was vor valscher vuore ein tôr, nâch swarzer varwe als ich ein môr. sîn vater, der hiez Tanchanis, ein künic, er het ouch hôhen brîs. mîn vriunt, der hiez Ysenhart. mîn wîpheit was vil unbewart, dô ich sîn dienst nâch minne enpfie, daz im nâch vröuden niht ergie. des muoz ich imer jâmer tragen. si wænent, daz ich in schüefe erslagen;

*T Der gast zer wirtinne sprach mit rîters sinne: »Nû saget, ob irs geruochet, durch waz man iuch sô suochet zornlîche mit gewalt. ir habt hie manegen helt balt; mich müet, daz die sint beladen mit vîende hazze nâch ir schaden.« »daz sag ich iu, hêrre, sît irs gert. mir diende ein rîter, der was wert; sîn lîp was tugende ein bernde rîs. der helt was küene und wîs, der triuwen ein beklîbeniu vruht. sîn zuht wac vür alle zuht; er was noch kiuscher danne ein wîp. vrecheit und ellen truoc sîn lîp; sône gewuohs an rîter milter hant vor im nie über alliu lant. ine weiz, waz nâch uns sul geschehen; des lâzen ander liute jehen. er was gegen valscher vuor ein tôr, nâch swarzer varwe als ich ein môr. Sîn vater, der hiez Tankenis, ein künec, der hete ouch den prîs. Mîn vriunt, der hiez Isenhart. mîn wîpheit was vil ungespart, dô ich sînen dienst nâch minne enpfienc, daz ez im nâch vröuden niht ergienc. des muoz ich iemer jâmer tragen. si wânden, daz ich in schüefe erslagen;