*D Si dankte im ûz jâmers siten unt vrâget in, wannen er kœme geriten. si sprach: »ez ist widerzæme, daz iemen an sich næme sîne reise in dise waste. unkundem gaste mac hie wol grôzer schade geschehen. ich hânz gehôrt unt wol gesehen, daz hie vil liute ir lîp verlurn, die werlîche den tôt erkurn. kêrt hinnen, ob ir welt genesen. saget ê, wâ sît ir gewesen?« »Dar ist ein mîle oder mêr, daz ich gesach nie burc sô hêr mit aller slahte rîcheit. inre kurzen wîle ich dannen reit.« Si sprach: »swer iu getriwet iht, den sult ir gerne triegen niht. ir traget doch einen gastes schilt. iuch möht des waldes hân bevilt, von erbûwenem lande her geriten. inre drîzec mîlen wart nie versniten ze keinem bûwe holz noch stein, wan ein burc, diu stêt al ein. diu ist erden wunsches rîche. swer die suochet vlîzeclîche, leider dern vindet ir niht. vil liute manz doch werben siht. ez muoz unwizzende geschehen, swer immer sol die burc gesehen.

*m si dankete ime ûz jâmers siten und vrâgete, wannen er kæme geriten. si sprach: »ez ist widerzæme, daz iemen an sich næme sîne reise in dise waste. unkundem gaste mac hie wol grôzer schade geschehen. ich hânz gehôrt und ouch gesehen, daz hie vil liute ir lîp verlurn, die werlîche den tôt erkurn. kêret hinnen, ob ir welt genesen. saget ê, wâ sît ir hînt gewesen?« »dar ist ein mîle oder mêr, daz ich gesach nie burc sô hêr mit aller slahte rîcheit. in kurzer wîle ich dannen reit.« si sprach: »wer iu getriuwet iht, den sult ir gerne triegen niht. ir traget doch eines gastes schilt. iuch möhte des waldes hân bevilt, von erbûwenem lande her geriten. inre drîzic mîlen wart nie versniten ze keinem bûwe holz noch stein, wanne ein burc, diu stuont alein. diu ist erden wunsches rîche. wer die suochet vlîzeclîche, leider der envindet ir niht. vil liute manz doch werben siht. ez muoz unwizzende geschehen, wer iemer sol die burc gesehen.

*G si dankt im nâch jâmers siten. und vrâgte in, wannen er kœme geriten. si sprach: »ez ist widerzæme, daz iemen an sich næme sîne reise in dise waste. unkundem gaste Mac hie wol grôz schade geschehen. ich hânz gehôret unde gesehen, daz hie vil liute ir lîp verluren, die werlîchen ende kuren. kêrt hinnen, welt ir genesen. saget ê, wâ sît ir hînt gewesen?« »dar ist ein mîle oder mêr, daz ich gesach nie burc sô hêr mit aller slahte rîcheit. in kurzer zît ich dannen reit.« si sprach: »der iu getrûwet iht, den sult ir gerne triegen niht. ir traget doch einen gastes schilt. iuch möht des waldes hân bevilt, von unerbûwenem lande her geriten. in drîzec mîlen wart nie versniten ze deheinem bûwe holz noch stein, niwan ein burc, diu stêt al ein. diu ist erden wunsches rîche. swer die suochet vlîziclîche, leider der envindet ir niht. vil liute manz doch werben siht. ez muoz unwizzende geschehen, swer die burc sol gesehen.

*T Des dankete sim ûz jâmers siten unde vrâgetin, wannen er kæme geriten. si sprach: »ez ist mir widerzæme, daz ieman an sich næme sîn reise in dise waste. unkundeme gaste mac wol hie schade geschehen. ich hânz gehôret unde gesehen, daz hie vil liute ir lîp verlurn, die werlîchen tôt erkurn. vart hinnen, ob ir welt genesen. saget ê, wâ sît ir hînt gewesen?« »Dar ist ein mîle oder mêr, daz ich gesach nie burc sô hêr mit aller slahte rîcheit. in kurzer wîle ich dannen reit.« Si sprach: »swer iu getriuwet iht, den sult ir vil getriegen niht. ir traget doch eines gastes schilt. iuch möhte des waldes hân bevilt, von erbûweme lande geriten. in drîzic mîlen wart nie versniten ze dekeinem bûwe holz noch stein, wan ein burc, diu stât alein. diu ist erden wunsches rîche. swer die suochet vlîzeclîche, leider der envindet ir niht. vil liute mans doch werben siht. ez muoz unwizzende geschehen, swer iemer sol die burc gesehen.«