*D si nam in selbe mit der hant. gein den vîenden an die want sâzen si in diu venster wît ûf einen kulter, gesteppet samît; dâr under ein weichez bette lac. ist iht liehters denne der tac, dem gelîchet niht diu künegîn. si hete wîplîchen sin unt was aber anders rîterlîch. der touwigen rôsen ungelîch, nâch swarzer varwe was ir schîn, ir krône ein liehter rubîn; ir houbet man dar durch sach. diu wirtîn zir gaste sprach, daz ir liep wære sîn komen. »hêrre, ich hân von iu vernomen vil rîterlîcher werdecheit. durch iwer zuht lât iu niht wesen leit, ob ich iu mînen kumber klage, den ich nâhe in mînem herzen trage.« »Mîn helfe iuch, vrouwe, niht irret. swaz iu war oder wirret, swâ daz wenden sol mîn hant, diu sî ze dienste dar benant. ich bin niht wan einec man; swer iu tuot oder hât getân, dâ biut ich gein mînen schilt. Die vîende wênec des bevilt.« mit zühten sprach ein vürste sân: »heten wir einen houbetman,

*m si nam in selbes mit der hant. gegen den vîenden an die want sâzen si in diu venster wît ûf einem kulter, gesteppet samît; dâr under ein weichez bette lac. ist iht liehters den der tac, dem glîchete niht diu künigîn. si het doch wîplîchen sin und was ouch anders ritterlîch. der touwigen rôsen ungelîch, nâch swarzer varwe was ir schîn, ir krône ein liehter rubîn; ir houbet man dar durch wol sach. diu vürstîn zuo ir gaste sprach, daz ir liep wære sîn komen. »hêrre, ich hân vernomen vil ritterlîche wirdicheit. durch iuwer zuht lât ir niht leit. vorabe ich mînen kumber klage, den ich nâhe an mînem herzen trage.« »mîn helfe iuch, vrowe, niht irret. waz iu war oder wirret, zwâr, daz wenden sol mîn hant, diu sî zuo dienste dar benant. ich bin niht wenne ein einic man; wer iu tuot oder hât getân, dâ biute ich gegen mînen schilt. die vîende wênic des bevilt.« Mit zühten sprach ein vürste sân: »heten wir einen houbetman,

*G unde nam in bî der hant. gein den vînden an die want sâzen si in diu venster wît ûf einen gulter von samît; dâr under ein weichez bette lac. ist iht liehter danne der tac, dem gelîchte niht diu künigîn. si hete aber wîplîchen schîn unde was anders rîterlîch. der touwegen rôsen ungelîch, nâch swarzer varwe was ir schîn, ir krône ein liehter rubîn; ir houbet man dâ durch wol sach. diu wirtîn zir gaste sprach, daz ir wære liep sîn komen. »hêrre, ich hân von iu vernomen vil rîterlîcher werdicheit. durch iwer zuht sî iu niht leit, obe ich iu mînen kumber klage, den ich nâhen mînem herzen trage.« »Mîn helfe iuch des niht irret. swaz iu war oder wirret, swâ daz wenden sol mîn hant, diu sî ze dienste dar bewant. ich bin niht wan ein einic man; swer iu tuot oder hât getân, dâ engegene biut ich mînen schilt. die vînde wênic des bevilt.« mit zühten sprach ein vürste sân: »heten wir einen houbetman,

*T und vienc in selbe bî der hant. gegen den vîenden in die want sâzen sin diu venster wît ûf einen kulter von samît; dâr under ein weichez bette lac. ist iht liehters danne der tac, dem glîchet niht diu künegîn. si hete aber wîplîchen sin und was ouch anders rîterlîch. der touwigen rôsen unglîch, nâch swarzer varwe was ir schîn, ir krône ein liehter rubîn; ir houbt man dar durch wol sach. Diu küneginne zir gaste sprach, daz ir liep wære sîn komen. »hêrre, ich hân von iu vernomen vil rîterlîche werdecheit. durch iuwer zuht sî iu niht leit, ob ich iu mînen kumber klage, den ich nâhen an mînem herzen trage.« Mîn helfe iuch des niht irret. swaz iu war oder wirret, swâ daz wenden sol mîn hant, diu sî ze dienste dar benant. ine bin niht wan ein einic man; swer iu iht tuot oder hât getân, dâ biut ich gegen mînen schilt. die vîende wênic des bevilt.« Mit zühten sprach ein vürste sân: »hete wir einen houbetman,