*D unt hiez mich zuo ziu rîten în.« »hêrre, ir sult willekomen sîn, sît ez der vischære verjach, man biutet iu êre unt gemach durch in, der iuch sande wider«, sprach der knappe unt lie die brücke nider. In die burc der küene reit ûf einen hof wît unt breit. durch schimpf er niht zertret was. dâ stuont al kurz grüene gras. dâ was bûhurdieren vermiten, mit banieren selten überriten alsô der anger zAbenberc. selten vrœlîchiu werc was dâ gevrümt ze langer stunt: in was wol herzen jâmer kunt. Wênec er des gein in engalt. in enpfiengen ritter jung unt alt. vil kleiner junchêrrelîn sprungen gein dem zoume sîn. ieslîchez vürz ander greif, si habten sînen stegreif. Sus muoser von dem orse stên. in bâten ritter vürbaz gên; die vuorten in an sîn gemach. harte schiere daz geschach, daz er mit zuht entwâpent wart. dô si den jungen âne bart gesâhen alsus minneclîch, si jâhen, er wære sælden rîch.

*m und hiez mich zuo iu rîten în.« »hêrre, ir sullet wilkomen sîn, sît es der vischære verjach, man biutet iu êre und gemach durch in, der iuch sande wider«, sprach der knabe und liez die brücke nider. in die burc der küene reit ûf einen hof wît und breit. durch schimpf er niht zertret was. dâ stuont al kurz grüene gras. dâ was bûhurdieren vermiten, mit banieren selten überriten alsô der anger ze Abenberc. selten vrœlîchiu werc was dâ gevrumt ze langer stunt: in was wol herzejâmer kunt. wênic er des gegen in engalt. in enpfiengen ritter junc und alt. vil kleiner junchêrrelîn sprungen gegen dem zoume sîn. ieglîchez vür daz ander greif zuo zoum und an stegreif. sus muos er von dem rosse stên. in bâten ritter vürbaz gên; die vuorten in an sîn gemach. harte schiere daz geschach, daz er mit zühte entwâpent wart. dô si den jungen âne bart gesâhen alsô minneclîch, si jâhen, er wær sælden rîch.

*G unde hiez mich zuo iu rîten în.« »hêrre, ir sult willekomen sîn, sît es der vischære verjach, man biut iu êre unde gemach Durch in, der iuch sande wider«, sprach der knappe unde lie die brücke nider. in die burc der küene reit ûf einen hof wît unde breit. mit schimpfer niht zertretet was. dâ stuont al kurz grüene gras. dâ was bûhurt gar vermiten, mit banieren selten übergeriten sô der anger dâ ze Babenberc. selten vrœlîchiu werc was dâ gevrumt ze maniger stunt: in was wol herzen jâmer kunt. wênic er des gein in engalt. in enpfiengen rîter junc unde alt. vil kleiner junchêrrelîn sprungen gein dem zoume sîn. ieslîchez vür daz ander greif, si habten sînen stegreif. sus muoser von dem orse stên. in bâten rîter vürbaz gên. si vuorten in an sîn gemach. harte schier daz geschach, daz er mit zuht entwâpent wart. dô si den jungen âne bart gesâhen alsô minniclîch, si jâhen, er wære sælden rîch.

*T unde hiez mich zuo ziu rîten în.« »Sô sult ir willekome sîn, sît ez der vischære verjach, man biut iu êre unde gemach durch in, der iuch sante wider«, sprach der knappe unde lie die brücke nider. In die burc der küene reit ûf einen hof wît unde breit. dâ stuont al kurz kleine gras, durch schimpf ez niht zertretet was. dâ was bûhurdieren vermiten, mit banieren selten überriten als der anger ze Abenberc. selten vrœlîchiu werc vrumten si ze langer stunt: in was herzeriuwe kunt. des er doch wênic gegen in engalt. in enpfiengen rîter junc unde alt unde clâre junchêrrelîn, die sprungen gegen dem zoume sîn. ieslîchez vür daz ander greif unde habeten im den stegreif. Sus muoser von dem orse stên. in bâten die rîter vürbaz gên unde vuorten in an sîn gemach. dar nâch vil schiere daz geschach, daz er mit zuht entwâpent wart. dô si den jungen âne bart gesâhen alsô minneclîch, si jâhen, er wære sældenrîch.