*D Swer ruochet hœren, war nû kumt, den âventiure hât ûz gevrumt, der mac grôziu wunder merken al besunder. lât rîten Gahmuretes kint. swâ nû getriwe liute sint, die wünschen im heiles, wan ez muoz sîn, daz er nû lîdet hôhen pîn, etswenne ouch vreude unt êre. ein dinc in müete sêre, daz er von ir gescheiden was, daz munt von wîbe nie gelas nâch sus gesagtem mære, diu schœner unt bezzer wære. gedanke nâch der künegîn begunden krenken im den sin. des müeser gar verloren hân, wærez niht ein herzehafter man. Mit gewalt den zoum daz ros truog über ronen unt durch daz mos, wandez enwîste niemens hant. uns tuot diu âventiure bekant, daz er bî dem tage reit, ein vogel hetes arbeit, solt erz allez hân ervlogen. mich enhab diu âventiure betrogen, sîn reise unnâch was sô grôz des tages, dô er Ithern schôz, unt sît, dô er von Graharz kom in daz lant ze Brobarz.

*m Wer ruochet hœren, war nû kumt, den âventiure hât ûz gevrumt, der mac grôziu wunder merken alliu besunder. lât rîten Gahmuretes kint. wâ nû getriuwe liute sint, die wünschen ime heiles, wand ez muoz sîn, daz er nû lîdet hôhen pîn, etwenne ouch vröude und êre. ein dinc in müete sêre, daz er von ir gescheiden was, daz munt von wîbe nie gelas noch sus gesaget mære, diu schœner und bezzer wære. gedanke nâch der künigîn begunden krenken ime den sin. den müese er gar verlorn hân, wær ez niht ein geherzer man. mit gewalt den zoum daz ros truoc über ronen und durch mos, wen ez enwîsete niemans hant, und tuot diu âventiure bekant, daz er bî dem tage reit, ein vogel hetes arbeit, solt erz allez hân ervlogen. mich enhabe diu âventiure betrogen, sîn reis unnâch was sô grôz des tages, dô er Itheren schôz, und sît, dô er von Graharz kam in daz lant ze Brobarz.

*G swer ruochet hœren, war nû kumet, den âventiure hât ûz gevrumet, der mac grôziu wunder merken albesunder. lât rîten Gahmuretes kint. swâ nû getriuwe liute sint, die wünschen im heiles: ez muoz sîn, er muoz nû lîden hôhen pîn, eteswanne vröude unde êre. ein dinc in müete sêre, daz er von ir gescheiden was, daz munt von wîbe nie gelas noch sus gesagte mære, diu schœner unde bezzer wære. gedanke nâch der künigîn begunden krenken im den sin. den müeser gar verloren hân, wærz niht ein herzehafter man. mit gewalte den zoum daz ros truoc über ronen unde über mos, wan ez wîste niemens hant. uns tuot diu âventiure bekant, daz er bî dem tage reit, ein vogel hets arbeit, solt erz halbez hân ervlogen. uns habe diu âventiure betrogen, sîn reise unnâch was sô grôz des tages, dô er Itheren schôz, unt sît, dô er von Graharz kom in daz lant ze Briubarz.

*T Swer ruochet hœren, war nû kumet, Den âventiure hât ûz gevrumet, der mac grôz wunder merken al besunder. Lât rîten Gahmuretes kint. swâ nû getriuwe liute sint, die wünschen im heiles: ez muoz sîn, daz er nû lîdet hôhen pîn, etswenne vröude unde êre. ein dinc in muote sêre, daz er von ir gescheiden was, daz munt von wîbe nie gelas noch sus gesagete mære, diu schœner unde bezzer wære. gedanke nâch der künegîn begunde krenken im den sin. den müeser gar verlorn hân, wær er niht ein herzehafter man. mit gewalt den zoum daz ros truoc über ronen unde durch mos, ez enwîsete niemannes hant. uns tuot diu âventiure bekant, daz er bî dem tage reit, ein vogel hetes arbeit, solterz allez hân ervlogen. mirn habe diu âventiure gelogen, sîn reise was unnâch sô grôz des tages, dô er Ithern schôz, oder sît, dô er von Greharz kom in daz lant ze Breharz.