*D unt daz mîn hêrre im siges jach, den man gein im in kampfe sach. der selbe hât betwungen mich gar âne hælingen slich. man sach dâ viwer ûz helmen wæn unt swert in henden umbe dræn.« Dô sprâchen si alle gelîche, beide arme und rîche, daz Keie hete missetân. hie sule wir diz mære lân unt komens wider an die vart. daz wüeste lant erbûwen wart, dâ krône truoc Parzival. man sach dâ vreude unt schal. sîn sweher Tampenteire liez im ûf Pelrapeire lieht gesteine unt rôtez golt. daz teilter, sô daz man im holt was durch sîne milte. vil baniere, niwe schilte, des wart sîn lant gezieret unt vil geturnieret von im unt von den sînen. er liez dicke ellen schînen an der marke sînes landes ort, der junge degen unvervorht. sîn tât was gein den gesten geprüevet vür die besten. Nû hœret ouch von der künegîn. wie möht der imer baz gesîn?

*m und daz mîn hêrre ime siges jach, den man gegen im in kampfe sach. der selbe hât betwungen mich gar âne hælingen slich. man sach dâ viur ûz helmen wæn und swert in henden umbe dræn.« Dô sprâchen alle gelîche, beide arme und rîche, daz Keie hete missetân. hie sullen wir diz mære lân und komens wider an die vart. daz wüeste lant erbûwen wart, dâ krône truoc Parcifal. man sach dâ vröude und schal. sîn sweher Tampenterie liez ime ûf Pelraperie lieht gesteine und rôtez golt. daz teilt er, sô daz man im holt was durch sîne milte. vil baniere, niuwe schilte, der wart sîn lant gezieret und vil geturnieret von ime und den sînen. er liez dicke ellen schînen an der marke sînes landes ort, der junge degen unervorht. sîn tât was gegen den gesten gebrüefet vür den besten. Nû hœret ouch von der künigîn. wie möhte der iemer baz gesîn?

*G und daz mîn hêrre im siges jach, den man gein im in kampfe sach. der selbe hât betwungen mich gar âne hælingen slich. man sach dâ viur ûz helmen wæn unde swert in handen umbe dræn.« Dô jâhens algelîche, beidiu arm unde rîche, daz Kay het missetân. hie sulen wir diz mære lân unde komens wider an die vart. daz wüeste lant erbûwen wart, dâ krône truoc Parzival. man sach dâ vröude unde schal. sîn sweher Tampunteire liez im ûf Pelrapeire lieht gesteine, rôtez golt. daz teilter, sô daz man im holt was durch sîne milte. vil banier, niwer schilte wart sîn lant gezieret unde vil geturnieret von im unde von den sînen. er lie dicke ellen schînen an der marke sînes landes ort, der junge degen unervorht. sîn getât was von den gesten gebrüevet vür die besten. nû sprechet von der künigîn. wie möht der imer baz gesîn?

*T unde mîn hêrre im siges jach, den man gegen im in kampfe sach. der selbe hât betwungen mich gar âne hælinges slich. man sach dâ viur ûz helmen wæn unde swert in henden umbe gên.« Dô sprâchens alle glîche, beide arm unde rîche, daz Key hete missetân. Hie suln wir diz mære lân unde komen wider an die vart. daz wüeste lant erbûwen wart, dâ krône truoc Parcifal. man sach dâ vröude unde schal. Sîn sweher Tampuntere liez im ûf Peilrapeire lieht gesteine unde rôtez golt. daz teilter, sô daz man im holt was durch sîne milte. vil baniere, niuwer schilte, des wart sîn lant gezieret unde vil geturnieret von im unde von den sînen. er lie dicke ellen schînen an der marke sînes landes ort, der junge degen unervorht. sîn tât was gegen den gesten geprüevet vür die besten. Nû sprechet ouch von der künegîn. wie möhtir iemer baz gesîn?