*D daz er den prîs über menegiu lant hete al eine zuo sîner hant.« »Nû sich êt, wenne oder wie, unt vüege, daz er mich gespreche hie. wir haben doch vrid al disen tac; dâ von der helt wol rîten mac her ûf ze mir. oder sol ich dar? er ist anders denne wir gevar. owî, wan tæte im daz niht wê! daz het ich gerne ervunden ê; ob mirz die mîne rieten, ich solt im êr bieten. geruochet er mir nâhen, wie sol ich in enpfâhen? ist er mir dar zuo wol geborn, daz mîn kus niht sî verlorn?« »vrouwe, er ist vür küneges künne erkant; des sî mîn lîp genennet pfant. Vrouwe, ich wil iwern vürsten sagen, daz si rîchiu kleider tragen unt daz si vor iu bîten, unz daz wir zuo ziu rîten. daz saget ir iweren vrouwen gar, wan swenne ich nû hin nider var, sô bring ich iu den werden gast, dem süezer tugende nie gebrast.« harte wênic des verdarp; vil behendeclîchen warp der marschalc sîner vrouwen bete. balde wart dô Gahmurete

*m daz er den prîs über menic lant hette aleine zuo sîner hant.« »Nû seht eht, wenne oder wie, †umb vienge†, daz er mich †sprache† hie und haben vride allen tac; dâ von der helt wol rîten mac her ûf zuo mir. oder sol ich dar? er ist anders denne wir gevar. und wenne tæte im daz noch wê? daz hœre ich gerne von minnen ê; ob mirz die mînen rieten, ich solte ime êre bieten. geruochet er mir nâhen, wie sol ich in enpfâhen? ist er mir wol dar zuo geborn, daz mîn kus niht sî verlorn?« »vrowe, er ist vür küniges künne erkant; des sî mîn lîp genennet pfant. ich wil iuweren vürsten sagen, daz si rîchiu kleider tragen und daz si vor iu bîten, unz daz wir zuo iu zuo rîten. daz saget ir iuweren vrouwen gar, wenne wenn ich nû hin wider var, sô bringe ich den werden gast, dem süezer tugent nie gebrast.« harte wênic des verdarp; vil behendeclîchen warp der marschalc sîner vrouwen bete. balde wurden Gahmurete

*G daz er den prîs ze sîner hant hât al eine über manigiu lant.« »nû sich êt, wenne und wie, vüege, daz er mich spreche hie. wir hân doch vride disen tac; dâ von der helt wol rîten mac Her ûf ze mir. oder sol ich dar? er ist anders danne wir gevar. owê, wan tæte im daz niht wê! daz hete ich gerne ervunden ê; op mirz die mîne rieten, ich solt im êre bieten. geruochet er mir nâhen, wie sol ich in enpfâhen? ist er mir dar zuo wol geboren, daz mîn kus iht sî verloren?« »vrouwe, erst vür küniges künne erkant; des sî mîn lîp genennet pfant. vrouwe, ich wil iweren vürsten sagen, daz si rîchiu kleider tragen unde hie vor iu bîten, biz daz wir zuo rîten. daz saget ouch iweren vrouwen gar, wan swenne ich nû hin nider var, sô bringe ich iu den werden gast, dem ganzer tugende nie gebrast.« dâr an ouch lützel des verdarp; vil behendeclîchen warp der marschalc sîner vrouwen bete. balde wart dô Gahmurete

*T daz er den prîs über elliu lant hete aleine ze sîner hant.« »Nû sich eht, wenne oder wie, und vüege, daz er mich gespreche hie. wir hân doch vride disen tac; dâ von der helt wol rîten mac her ûf ze mir. oder sol ich dar? er ist anders danne wir gevar. ouwê, wan tæt im daz niht wê! daz het ich gerne ervunden ê; ich solt im êre bieten, ob ez mir die mîne rieten. geruochet er mir nâhen, wie sol ich in enpfâhen? ist er mir dar zuo wol geborn, daz mîn kus iht sî verlorn?« »Vrouwe, er ist vür küneges künne erkant; des sî mîn lîp genennet pfant. ich wil iuwern vürsten sagen, daz si rîchiu kleider tragen und hie bî iu bîten, biz daz wir zuo iu rîten. daz saget ouch iuwern vrouwen gar, wan swenn ich nû hin nider var, sô bring ich iu den werden gast, dem süezer tugende nie gebrast.« Dâr an dô lützel des verdarp; vil behendeclîche dô warp der marschalc sîner vrouwen bete. balde wart dô Gahmurete