*D des künec Tampenteires barn. stolzlîch er kom gevarn, niwan als daz ors den walap vor der rabbîne gap. daz was gewâpent wol vür nôt. von samîte ein decke rôt lag ûf der îserînen. an im selben liez er schînen rôt schilt, rôt kursît. Clamide erhuop den strît. kurz ein unbesniten sper brâht er durch tjoste vellen her. dâ mit er nam den poinder lanc. Guveriorz mit hurte spranc. Wol dâ getjustieret wart von den zwein jungen âne bart sunder fâlieren. von liuten noch von tieren wart nie gestriten herter kampf. ieweder ors von müede dampf. Sus heten si gevohten, daz diu ors niht mêre enmohten. dô sturzten si dar under ensamt, niht besunder. ir ieweder des geruochte, daz erz viwer ime helme suochte. sine mohten vîrens niht gepflegen, in was ze werke al dâ gegeben. dô zerstuben in die schilde, als der mit schimpfe spilde

*m des künic Tampenteries barn. stolzlîchen er kam gevarn, niwan als daz ros den walap vor der rabbîne gap. daz was gewâpent wol vür nôt. von samîte ein decke rôt lac ûf der îserînen. an ime selbe liez er schînen rôten schilt, rôt kursît. Clamide erhuop den strît. kurz ein unbesniten sper brâhte er durch juste vellen her. dâ mite er nam den poinder lanc. Guveriorz mit hurte spranc. wol dâ gejustieret wart von den zwein jungen âne bart sunder failieren. von liuten noch von tieren wart nie gestriten herter kampf. ietweder ros von müede dampf. sus heten si gevohten, daz diu ros niht mêre mohten. dô sturzten si dar under gesamet, niht besunder. ir ietweder des geruochte, daz er daz viur inme helme suochte. si enmohten vîrens niht gepflegen, in was ze werke aldâ gegeben. dô zerstuben in die schilte, als der mit schimpfe spilte

*G des küniges Tampunteires barn. stolzlîche er kom gevarn, niwan als daz ors den walap von der rabîne gap. ez was gewâpent wol vür nôt. von samît ein decke rôt lac ûf der îserînen. an im selben liez er schînen Rôten schilt, rôt kursît. Clamide erhuop den strît. kurz ein unbesniten sper brâhter durch tjoste vellen her. dâ mit er nam den poinder lanc. Guferschurz mit hurte spranc. wol dâ getjostiert wart von den zwein jungen âne bart sunder fâlieren. von liuten noch von tieren wart nie gestriten herter kampf. ietweder ors von müede dampf. sus heten si gevohten, daz diu ors nimêre mohten. dô sturzten si dar under sament, niht besunder. ietweder des geruohte, daz erz swert in dem helme suohte. sine mohten vîrens niht gepflegen, in was ze werke al dâ gegeben, dô zerstuben in die schilte, sô der mit schimpfe spilte

*T des küneges Tampunteres barn. stolzlîche er kom gevarn, niuwan als daz ors den walap vor der rabîne gap. daz was gewâpent wol vür nôt. von samîde ein decke rôt lac ûf der îserînen. an im liez er schînen rôten schilt unde rôt kursît. Clamide erhuop den strît. kurz ein unbesniten sper brâhter durch tjost vellen her. dâ mite nam er den poynder lanc. Guverschorz mit hurte spranc. wol dâ getjostieret wart von den zwein jungen âne bart sunder fallieren. von liuten noch von tieren wart nie gestriten herter kampf. ietweder ors von müede dampf. Sus heten si gevohten, daz diu ors niht mêr mohten. dô sturzten si drunder ensamet, niht besunder. ietweder des geruochte, daz er viur in den helmen suochte. sine mohten doch viures niht geleben, in was ze werke aldâ gegeben. Dô zerstuben in die schilte, alse der in schimpf spilte