*D unt iesch vil grôziu botenbrôt. er sprach: »vrouwe, unser nôt ist mit vreuden zergangen. den wir hie haben enpfangen, daz ist ein rîter sô getân, daz wir ze vlêhen immer hân unsern goten, die in uns brâhten, daz si des ie gedâhten.« »Nû sage mir ûf die triwe dîn, wer der ritter muge sîn.« »vrouwe, er ist ein degen fier, des bâruckes soldier, ein Anschevin von hôher art. âvoy, wie wênic wirt gespart sîn lîp, swâ man in læzet an! wie reht er dar unt dan entwîchet unt kêret! die vîende er schaden lêret. Ich sach in strîten schône, dâ die Babylone Alexandrie lœsen solten unde dô si dannen wolten den bâruc trîben mit gewalt. waz ir dâ nider wart gevalt an der schumpfentiure! dâ begienc der gehiure mit sîme lîbe sölhe tât, si heten vliehens decheinen rât. dar zuo hôrt ich in nennen, man solte wol erkennen,

*m und hiesch vil grôz boten brôt. er sprach: »vrowe, unser nôt ist mit ungenâden zergangen. den wir hie haben enpfangen, daz ist ein ritter wolgetân, daz wir zuo vlêhen iemer hân unseren goten, die in uns brâhten, daz si der ie gedâhten.« »nû sage mir ûf die triuwe dîn, wer der ritter muge sîn.« »vrowe, ez ist ein degen fier, des bâruckes soldier, ein Anschevin von hôher art. â, wie wênic wirt gespart sîn lîp, wâ man in lâzet an! wie rehte er dar und dan entwîchet und kêret! die vîende er schaden lêret. ich sach in strîten schône, dâ die Babilone Alexandrie lœsen solten und dô si dannen wolten den bâruc trîben mit gewalt. waz in dâ nider wart gevalt an der schumpfentiure! begienc der gehiure mit sînem lîbe soliche tât, si hetten slîchens keinen rât. dar zuo hôrt ich ouch in nennen, man solt in wol erkennen,

*G er iesch vil grôziu botenbrôt. »vrouwe, nû ist unser nôt mit vröuden zergangen. den wir hie haben enpfangen, daz ist ein rîter sô getân, Daz wir ze dankene imer hân unseren goten, dies gedâhten, daz sin uns her brâhten.« »nû sage mir ûf die triwe dîn, wer der rîter muge sîn.« »vrouwe, ez ist ein degen fier, des bâruckes soldier, ein Antschevin von hôher art. âvoy, wie lützel wirt gespart sîn lîp, swâ man in lâzet an! wie rehter dar und dan entwîchet und kêret! die vînde er schaden lêret. ich sach in strîten schône, al dâ die Babilone Alexandrie lœsen solten unt dô si dannen wolten den bâruc trîben mit gewalt. waz ir dâ nider wart gevalt an der schumpfentiure! dâ begie der gehiure mit sînem lîbe solhe tât, sine heten vliehens deheinen rât. dar zuo hôrte ich in nennen, man moht in wol bekennen,

*T er iesch vil grôz boten brôt. er sprach: »nû ist unser nôt mit vröuden gar zergangen. den wir hie hân enpfangen, daz ist ein rîter sô getân, daz wir ze dankene iemer hân unsern goten, dien uns brâhten, daz si des ie gedâhten.« »Nû sage mir ûf die triuwe dîn, wer der rîter muge sîn.« »vrouwe, er ist ein degen fier, des bâruckes soldier, ein Anschevin von hôher art. âvoy, wie lützel wirt gespart sîn lîp, swâ man in lâzet an! wie rehter dar und dan entwîchet und kêret! die vîende er schaden lêret. ich sach in strîten schône, dâ die Babylone Alexandrien lœsen solten und dô si dannen wolten den bâruc trîben mit gewalt. waz ir dâ nider wart gevalt an der schumpfentiure! dâ begie der gehiure mit sînem lîbe solhe tât, si heten vliehens keinen rât. dar zuo hôrt ich in nennen, man moht in wol erkennen,