*D hilf mir durch dîne werdecheit Cunnewaren hulde umbe krapfen breit.« er bôt ir anders wandels niht. die rede lât sîn! hœret, waz geschiht, dâ wir diz mære liezen ê. vür Pelrapeire kom Clamide. dâne wart grôz stürmen niht vermiten. die inren mit den ûzern striten. Si heten trôst unt kraft. man vant die helde werhaft. dâ von behabten si daz wal. ir landes hêrre, Parzival, streit den sînen verre vor. dâ stuonden offen gar diu tor. mit slegen er die arme erswanc. sîn swert durch herte helme erklanc. Swaz er dâ ritter nider sluoc, die vunden arbeit genuoc. die kunde man si lêren zer halsberge gêren. die burgære tâten râche schîn. si erstâchen si zen slitzen în. Parzival in werte daz. dô si drumbe erhôrten sînen haz, zweinzec si ir lebendic geviengen, ê si von strîte giengen. Parzival wart wol gewar, daz Clamide mit sîner schar rîterschaft zen porten meit unt daz er anderthalben streit.

*m hilf mir durch dîne wirdicheit Cunnewaren hulde umbe krapfen breit.« er bôt ir anders wandels niht. die rede lât sîn! hœret, waz geschiht, dâ wir daz mære liezen ê. vür Pelraperie kam Clamide. dâ wart grôz stürmen niht vermiten. die inneren mit den ûzern striten. si heten trôst und kraft. man vant die helde werhaft. dâ von behabeten si daz wal. ir landes hêrre, Parcifal, streit den sînen verre vor. dâ stuonden offen gar diu tor. mit slegen er die arme erswanc. sîn swert durch herte helme erklanc. waz er dâ ritter nider sluoc, die vunden arbeite genuoc. die kunde man si lêren zer halsberge gêren. die burgære tâten râche schîn. si erstâchen si zuo den slitzen în. Parcifal in werte daz. dô si dar umbe erhôrten sînen haz, zweinzic si ir lebende viengen, ê si vonme strîte giengen. Parcifal wart wol gewar, daz Clamide mit sîner schar ritterschaft zen porten meit und daz er an der halden streit.

*G hilf mir durch dîne werdicheit Kunewaren hulde umbe krapfen breit.« er bôt ir anders wandels niht. die rede lât sîn! hœret, waz geschiht, dâ wir daz mære liezen ê. vür Pelrapeire kom Clamide. dâ grôz sturm niht wart vermiten. die inneren mit den ûzeren striten. si heten trôst unde kraft. man vant die helde werhaft. Dâ vor behabten si daz wal. ir landes hêrre, Parzival, streit den sînen verre vor. dâ stuonden offen in diu tor. mit slegen er die arme erswanc. daz swert durch herte helme erklanc. swaz er der rîter nider sluoc, die gewunnen arbeit genuoc. die kunde man si lêren zer halsberge gêren. die burgære tâten râche schîn. si erstâchen si zen slitzen în. Parzival in werte daz. dô si drumbe erhôrten sînen haz, zweinzic sir lebend viengen, ê si vome sturme giengen. Parzival wart wol gewar, daz Clamide mit sîner schar rîterschaft zer porten meit unt daz er anderhalben streit.

*T hilf mir durch dîne werdecheit Kunnewaren hulde umbe krapfen breit.« er enbôt ir anders wandels niht. Die rede lât sîn! hœre, waz geschiht, dâ wir daz mære liezen ê. vür Peilrapere kom Clamide. dâne wart grôz stürmen niht vermiten. die innern mit den ûzern striten. si heten trôst unde kraft. man vant die helde werhaft. dâ von behabeten si daz wal. ir landes hêrre, Parcifal, streit den sînen verre vor. dâ stuonden offen gar diu tor. mit slegen er die arme erswanc. sîn swert durch herte helme erklanc. swaz er der rîter nider sluoc, die gewunnen arbeite genuoc. die kunde man si lêren zir halsberge gêren. die burgære tâten râche schîn. si stâchen si zen slitzen în. Parcifal in werte daz. dô si drumbe hôrten sînen haz, zweinzic sir lebendic viengen, ê si vomme strîte giengen. Parcifal wart wol gewar, daz Clamide mit sîner schar die rîterschaft zen porten meit unde daz er anderhalben streit.