*D decheinem man, sîn sicherheit. ir enwolde niht, der mit im streit. er bat in fîanze bringen Gurnamanze. »Nein, hêrre, dû maht mir gerner tuon den tôt. ich sluog im sînen suon. Schenteflorn nam ich sîn leben. got hât dir êren vil gegeben. swâ man daz seit von dir, diu kraft erzeiget ist an mir, daz dû mich hâst betwungen, sô ist dir wol gelungen.« dô sprach der junge Parzival: »ich wil dir lâzen ander wal. nû sichere der künegîn, der dîn hêrre hôhen pîn hât gevrumt mit zorne.« »sô würde ich der verlorne. mit swerten wære mîn lîp verzert kleine, sô daz in sunnen vert. wande ich hân herzeleit getân dort inne manegen küenem man.« »Sô vüere von disem plâne inz lant ze Bertane dîne ritterlîche sicherheit einer magt, diu durch mich leit, des si niht lîden solde, der unvuoge erkennen wolde, unt sag ir, swaz halt mir geschehe, daz si mich nimmer vrô gesehe,

*m wart dekeinem man, sîn sicherheit. ir wolte niht, der mit ime streit. er bat in Gurnemanze bringen die fîanze. »nein, hêrre, dû maht mir gerner tuon den tôt. ich sluoc im sînen sun. Schenteflure nam ich sîn leben. got hât dir êren vil gegeben. diu kraft erzöuget ist an mir. wâ man saget daz von dir, daz dû mich habest betwungen, sô ist dir wol gelungen.« dô sprach der junge Parcifal: »ich wil dir lâzen ander wal. nû sichere der künigîn, der dîn hêrre hôhen pîn hât gevrumt mit zorne.« »sô würde ich der verlorne. mit swerten wære mîn lîp verzert kleine, sô daz in der sunne vert. wand ich hân herzeleit getân dort inne manigem küenen man.« »sô vüere von disem plâne in daz lant ze Britane dîne ritterlîche sicherheit einer maget, diu durch mich leit, des si niht lîden solte, der vuoge erkennen wolte, und sage ir, waz halt mir geschehe, daz ich si niemer vrô gesehe,

*G deheinem man, sîn sicherheit. er wolt ir niht, der mit im streit. er bat in fîanze bringen Gurnomanze. »nein, hêrre, dû maht mir gerner tuon den tôt. ich sluog im sînen sun Tschentaflur. ich nam sîn leben. got hât dir êren vil gegeben. swâ man saget daz von dir, dîn kraft erzeiget sî an mir, daz dû mich habest betwungen, sô ist dir wol gelungen.« dô sprach der junge Parzival: »ich wil dir lâzen ander wal. sô sicher der künigîn, der dîn hêrre hôhen pîn hât getân mit zorne.« »sô wære ich der verlorne. mit swerten wære mîn lîp verzert kleine, als daz in der sunnen vert. ich hân herzeleit getân dort inne manigem küenen man.« »sô vüere von disem plâne in daz lant ze Britanie dîne rîterlîche sicherheit einer meide, diu durch mich leit, des si niht lîden solde, der vuoge erkennen wolde, unde sage ir, swaz halt mir geschehe, daz si mich nimer vrô gesehe,

*T deheinem man, sicherheit. dône woltir niht, der mit im streit. er bat in fîanze bringen Gurnemanze. »Nein, hêrre, dû maht mir gerner tuon den tôt. ich sluoc im sînen suon Schentaflure, ich nam sîn leben. dir hât got êren vil gegeben. swâ man saget daz von dir, daz dîn kraft erzeiget sî an mir, unde dû mich hâst betwungen, sô ist dir wol gelungen.« Dô sprach der junge Parcifal: »ich wil dir lâzen ander wal. sichere der künegîn, der dîn hêrre hôhen pîn hât gevrumt mit zorne.« »Hei, sô wære ich der verlorne! mit swerten wære mîn lîp verzert kleine, sam dô in der sunnen vert. wan ich hân ir herzeleit getân dort inne an manegem werden man.« »Sô vüere von dirre plânîe in daz lant ze Britanie dîne rîterlîche sicherheit einer megde, diu durch mich leit, des si niht lîden solte, der vuoge erkennen wolte, unde sagir, swaz halt mir geschehe, daz ich si niemer vrô gesehe,