*D unt half im, daz er kom dâr în, daz in sît wante hôhen pîn. sus wart er în verlâzen. iewederthalp der strâzen stuont von bovel ein grôziu schar. die werlîche kômen dar, slingære unt patelirre, der was ein lengiu virre unt arger schützen harte vil. er kôs ouch an dem selben zil vil küener scharjande, der besten von dem lande, mit langen starken lanzen, scherpfen unt ganzen. Als ichz mære vernomen hân, dâ stuont ouch manec koufman mit hâschen unt mit gabilôt, als in ir meisterschaft gebôt. die truogen alle swachen balc. der küneginne marschalc Muose in durch si leiten ûffen hof mit arbeiten. der was gein wer berâten: turne oben kemenâten, wîchûs, perfert, erkêr, der stuont dâ sicherlîchen mêr, denn er dâ vor gesæhe ie. dô kômen allenthalben hie ritter, die in enpfiengen, die riten unt giengen.

*m und half, daz er kam dâr în, daz in sît wante hôhe pîn. sus wart er în verlâzen. ietwederthalp der strâzen stuont bovels dâ ein grôziu schar. die werlîche kômen dar, slinger und patelirre, der was ein langiu virre und dar zuo schützen harte vil. er kôs ouch an dem selben zil vil küener sarjande, der besten von dem lande, mit langen starken lanzen, scharfen und ganzen. als ich daz mær vernomen hân, dâ stuont ouch manic koufman mit hâschen und mit gabilôt, als in ir meisterschaft gebôt. die truogen alle slachen balc. der künigîn marschalc muose in durch si leiten ûffen hof mit arbeiten. der was gegen wer berâten: turne obenân, kemenâten, wîchûs, perfert, ärkêr, der stuont dâ sicherlîchen mêr, danne er dâ vor gesæhe ie. dô kômen allenthalben hie ritter, die in enpfiengen, die riten und giengen.

*G unde half im, daz er kom dâr în, daz in sît wande hôhen pîn. sus wart er în verlâzen. ietwederhalp der strâzen Stuont von bovel ein langiu schar. die werlîche kômen dar, slingære, patelirre, der was ein langiu virre. ouch kôs man an dem selben zil arger schützen harte vil, vil küener sarjande, die besten von dem lande, mit langen scharfen lanzen, starken unde ganzen. als ich daz mære vernomen hân, dâ stuont ouch manic koufman mit hâchen unde mit gabilôt, als in ir meisterschaft gebôt. die truogen alle slachen balc. der küniginne marschalc muose in durch si leiten ûf den hof mit arbeiten. der was gein wer berâten: turne obe den kemenâten, wîchûs, perfrit, ärkêr, der stuont dâ sicherlîchen mêr, danne er dâ vor gesæhe ie. dô kômen allenthalben hie rîter, die in enpfiengen, die riten unde giengen.

*T unde half im, daz er kom dâr în, daz in sît wante hôhen pîn. Sus wart er în verlâzen. ietwederhalp der strâzen stuont von bovele grôziu schar. die werlîche kômen dar, slingære, patelirre, der was ein langiu virre unde arger schützen harte vil. er kôs ouch an dem selben zil vil küener sarjande, die besten vonme lande, mit starken stangen, lanzen, scharpfen unde ganzen. alsich daz mære vernomen hân, dâ stuont ouch manec koufman mit hâtschen unde mit gabelôt, alsin ir meisterschaft gebôt. si truogen alle slachen balc. Der küneginne marschalc muosen durch si leiten ûf den hof mit arebeiten. der was gegen wer berâten: turne obe den kemenâten, wîchûs, perfrit, ärkêr, der stuont dâ sicherlîchen mêr, danner dâ vor gesæhe ie. Dô kômen allenthalben hie rîtere, die in enpfiengen, die riten unde giengen.