*D sint, sô si armbrustes span mit senewen swanke trîbet dan. dâr umbe gie ein brückenslac, dâ manec hurt ûffe lac. ez vlôz aldâ reht inz mer. Pelrapeire stuont wol ze wer. Seht, wie kint ûf schocken varn, die man schockes niht wil sparn: sus vuor diu brücke âne seil. diu was vor jugende niht sô geil. Dort anderthalben stuonden mit helmen ûf gebunden sehzec ritter oder mêr. die riefen alle: »kêrâ kêr!« mit ûf geworfen swerten die kranken strîtes gerten. Durch daz si in dicke sâhen ê, si wânden, ez wære Clamide, wander sô küneclîchen reit gein der brücke ûf dem velde breit. dô si disen jungen man sus mit schalle riefen an, swie vil erz ors mit sporen versneit, durch vorhte ez doch die brücken meit. den rehtiu zagheit ie vlôch, der erbeizte nider unde zôch sîn ors ûf der brücken swanc. eines zagen muot wære al ze kranc, solt er gein sölhem strîte varn. dar zuo muoser ein dinc bewarn,

*m sint, sô †sin† armbrustes span mit senwen swanze trîbet dan. †haraber giengen im† brückenslac, dâ manic †hütten† ûf lac. ez vlôz aldâ reht in daz mer. Pelraperie stuont ze wer. sehet, wie kint ûf schocken varn, die man schockes niht wil sparn: sus vuor diu brücke âne seil. si was vor jugende niht sô geil. Dort anderhalben stuonden mit helmen ûf gebunden sehzic ritter oder mêr. die riefen alle: »kêrâ kêr!« mit ûf geworfenen swerten die kranken strîtes gerten. si wânden, ez wære Clamide, den si vil dicke sâhen ê, wan er sô küniclîchen reit gegen der brücke ûf dem velde breit. dô si disen jungen man sus mit schalle riefen an, †swig† vil erz ros mit sporen versneit, durch vorhte ez doch die brücke meit. den rehtiu zagheit ie geflôch, der erbeizete nider und zôch sîn ros ûf der brücke swanc. eines zagen muot wær al ze kranc, solt er gegen solichem strîte varn. dar zuo muos er ein dinc bewarn,

*G sint, sô si des armbrustes span mit senwe swanke trîbet dan. dâr über gienc ein brückenslac, dâ manic hurt ûffe lac. ez vlôz aldâ reht in daz mer. Pelrapeire was wol ze wer. nû seht, wie kint ûf schocken varen, die man schockes niht wil sparen: sus vuor diu brücke âne seil. sine was vor jugende niht sô geil. dort anderhalben stuonden mit helmen ûf gebunden sehzec rîter oder mêr. die riefen alle: »kêrâ kêr!« mit ûf geworfenen swerten die kranken strîtes gerten. durch daz sin dicke sâhen ê, si wânden, ez wære Clamide, wan er sô künsticlîche reit gein der brücke ûf dem velde breit. dô si disen jungen man alsus mit schalle riefen an, swie erz ors mit sporen versneit, durch vorht ez doch die brücke meit. Der rehte zageheit ie vlôch, der erbeizte nider unde zôch sîn ors ûf der brücken swanc. eines zagen muot wære al ze kranc, solter gein solhem strîte varen. dar zuo muoser ein dinc bewaren,

*T sint, sô si armbrustes span mit senwe swanke trîbet dan. dâr über gienc ein brückenslac, dâ manec hurt ûffe lac. daz vlôz aldâ rehte in daz mer. Peilrapere stuont wol ze wer. seht, wie kint ûf schocken varn, die man schockens niht wil sparn: sus vuor diu brücke âne seil. diu was vor jugende niht sô geil. Dort anderhalben stuonden mit helmen ûf gebunden wol sehzic rîter oder mêr. si riefen alle: »kêrâ kêr!« mit ûf geworfen swerten die kranken strîtes gerten. durch daz si dicke sâhen ê, si wânden, ez wære Clamide, wander sô küneclîche reit gegen der brücke ûf dem velde breit. Dô si disen jungen man alsus mit schalle riefen an, swie vil erz ors mit sporn versneit, durch vorhte ez doch die brücke meit. den rehtiu zageheit ie vlôch, der erbeizete nider unde zôch sîn ors über der brücken swanc. eines zagen muot wære al ze kranc, solter gegen solhem strîte varn. dar zuo muose er ein dinc bewarn,