*D si tæten sînen boten kunt, ez wære Patelamunt. daz wart im inneclîchen enboten. si manten in bî ir goten, daz er in hülfe, des wære in nôt, si rungen niht wan umben tôt. Dô der junge Anschevin vernam ir kumberlîchen pîn, er bôt sîn dienest umbe guot, als noch vil dicke ein rîter tuot, oder daz si im sageten, umbe waz er solte doln der vîende haz. Dô sprach ûz einem munde der sieche unde der gesunde, daz im wære al gemeine ir golt unde ir gesteine; des solt er alles hêrre wesen unde er möhte wol bî in genesen. doch bedorft er wênec soldes; von Arabie des goldes het er manegen knollen brâht. liute vinster sô diu naht wâren alle die von Zazamanc; bî den dûht in diu wîle lanc. doch hiez er herberge nemen; des moht ouch si vil wol gezemen, daz si im die besten gâben. die vrouwen dennoch lâgen

*m si tâten sînem boten kunt, ez wære Patelamunt. daz wart in minneclîchen enboten. si nâmen in bî ir goten, daz er in hülfe, es wære in nôt, si rungen niht wenne umb den tôt. Dô der junge Anschevin vernam ir kumberlîche pîn, er bôt sînen dienst umb guot, als noch vil dicke ein ritter tuot, oder daz si sageten, umb waz er solte dulden der vîende haz. dô sprach ûz einem munde der sieche und der gesunde, daz ime wære algemeine ir golt und ir gesteine; des solte er alles hêrre wesen und mehte wol vor in genesen. doch bedorfte er wênic soldes; von Arabie des goldes hette er menigen knollen brâht. †liuhte† vinster sô diu naht varn alle die von Zazamanc; bî den dûhte in diu wîle lanc. dô hiez er herberge nemen; des mohte ouch si vil wol gezemen, daz sîn die besten pflâgen. die vrowen lange dennoch lâgen

*G wan ir kunde nie gewan weder er noch dehein sîn schifman. si tæten sînem boten kunt, si hieze Patelamunt - daz wart im minneclîche enboten - unde manten in bî ir goten, daz er in hülfe, es wære in nôt, si rungen niht wan umben tôt. dô der junge Anschevin vernam ir kumberlîchen bîn, er bôt sîn dienst umbe guot, als ouch noch ein rîter tuot, oder daz sim seiten, umbe waz er solte dulten der vînde haz. dô sprach ûz einem munde der sieche unt der gesunde, daz im wære algemeine ir golt und ir gesteine; des solter alles hêrre wesen, Er möhte wol bî in genesen. doch bedorfter lützel soldes; von Arabie des goldes heter manigen knollen brâht. liute vinster sô diu naht wâren alle die von Zazamanc; bî den dûhte in diu wîle lanc. doch hiez er herberge nemen; des moht ouch si vil wol gezemen, daz si im die besten gâben. die vrouwen dannoch lâgen

*T wand er ir kunde nie gewan - er, noch dehein sîn schifman. si tâten sînen boten kunt, si heize Patelamunt. daz wart im minneclîche enboten. si manten in bî ir goten, daz er in hülfe, des wære in nôt, si rungen niht wan umbe den tôt. Als der junge Anschevin vernam ir kumberlîchen pîn, er bôt sînen dienst umbe guot, als noch dicke maneger tuot, oder daz sim sageten, umbe waz er solte doln der vîende haz. Dô sprach ûz einem munde der sieche und der gesunde, daz im wære algemeine ir golt und ir gesteine; des solter alles hêrre wesen, er möhte wol bî in genesen. ouch bedorft er lützel soldes; von Arabie des goldes het er manegen knollen brâht. liute vinster sô diu naht wâren alle die von Zazamanc; bî den dûht in diu wîle lanc. doch hiez er herberge nemen; des mohte ouch si vil wol gezemen, daz sim die besten gâben. die vrouwen dannoch lâgen