*D Der gast an daz bette schreit. al wîz gewant im was bereit. von golde unde sîdîn einen bruochgürtel zôch man drîn. scharlachens hosen rôt man streich an in, dem ellen nie gesweich. Âvoy, wie stuonden sîniu bein! reht geschickede ab in schein. brûn scharlachen wol gesniten, dem was furrieren niht vermiten, beidiu innen härmîn blanc, roc unt mantel wâren lanc. breit, swarz unt grâ zobel dâr vor man kôs al dâ. daz leite an der gehiure. under einen gürtel tiure wart er gefischieret unt wol gezimieret mit einem tiurem vürspan. sîn munt dâ bî vor rœte bran. Dô kom der wirt mit triwen kraft, nâch dem gie stolziu rîterschaft. der enpfienc den gast. dô daz geschach, der ritter ieslîcher sprach, sine gesæhen nie sô schœnen lîp. mit triwen lobten si daz wîp, diu gap der werlde alsölhe vruht. durch wârheit unt umb ir zuht si jâhen: »er wirt wol gewert, swâ sîn dienst gnâden gert.

*m der gast an daz bette schreit. al wîz gewant ime was bereit. von golt und ouch sîdîn einen gürtel zôch man drîn. scharlachens hosen rôt man streich an in, dem ellen nie gesweich. âvoy, wie stuonden sîniu bein! reht geschickede ab in schein. brûn scharlachen wol gesniten, dem was furrieren niht vermiten, beidiu innen hermîn blanc, roc und mantel wâren lanc. breit, swarz und grâ zobel dâr vor kôs man dâ. daz legete an der gehiure. under einen gürtel tiure wart er gefischieret und wol gezimieret mit einem tiuren vürspan. sîn munt dâ bî von rœte bran. Dô kam der wirt mit triuwen kraft, nâch dem gienc stolziu ritterschaft. der entpfienc den gast. dô daz geschach, der ritter ieglîcher sprach, si gesæhen niht sô schœnen lîp. mit triuwen lobeten si daz wîp, diu gap der werlde alsoliche vruht. durch wârheit und umb ir zuht si jâhen: »er wirt wol gewert, wâ sîn dienest genâden gert.

*G der gast anz bette schreit. alwîz gewant was im bereit. von golde unde sîdîn einen bruochgürtel zôch man drîn. scharlachens hosen rôte man streich an in, dem ellen nie gesweich. âvoy, wie stuonden sîniu bein! rehte geschicket abe im schein. brûn scharlach wol gesniten, dem was furrieren niht vermiten, beidiu innen härmîn blanc, roc unde mandel wâren lanc. brûn, swarz unde grâ zobel dâr vor man kôs al dâ. daz leit an der gehiure. under einen gürtel tiure wart er gefischieret unde wol gezimieret mit einem tiuren vürspan. sîn munt dâ bî von rœte bran. dô kom der wirt mit triwen kraft, nâch dem gie stolziu rîterschaft. er gruozte den gast. dô daz geschach, der rîter ieslîcher sprach, sine gesæhen nie sô schœnen lîp. mit triwen lobten si daz wîp, Diu gap der werlde solhe vruht. durch wârheit unde umbe ir zuht si sprâchen: »er wirt wol gewert, swâ sîn dienst genâden gert.

*T Der gast an daz bette schreit. alwîz gewant was im bereit. einen bruochgürtel zôch man drîn, der was von golde unde sîdîn. Scharlachens hosen rôt man streich an in, dem nie ellen gesweich. âvoy, wie stuonden sîniu bein! wol geschicket ab im schein. brûn scharlachen wol gesniten, dem was furrieren niht vermiten, beidiu von harmen blanc, roc unde mantel wâren lanc. breit, swarz unde grâ einen zobel dâr vor kôs man dâ. dâ leit an der gehiure. under einen gürtel tiure wart er gefischieret unde wol gezimieret mit einem tiuren vürspan. sîn munt dâ vor von rœte bran. Dô kom der wirt mit triuwen kraft, nâch dem gienc stolziu rîterschaft. er gruozte den gast. dô daz geschach, der rîter iegelîcher sprach, sine gesæhen nie sô schœnen lîp. mit triuwen lobeten si daz wîp, diu der werlte gap alsolhe vruht. durch wârheit unde umbe zuht si sprâchen: »er wirt wol gewert, swâ sîn dienst gnâden gert.