*D sîniu werc, dâ er vremde wære; sô geloupte manz mære. Gahmuret der site pflac, den rehtiu mâze widerwac, und ander schanze enkeine: sîn rüemen, daz was kleine, grôze êre er lîdenlîche leit, der lôse wille in gar vermeit. doch wânde der gevüege, daz nieman krône trüege, künec, keiser, keiserîn, des messenîe er wolde sîn, niwan eines, der die hœhsten hant trüege ûf erde über elliu lant. der wille in sînem herzen lac. im wart gesagt, ze Baldac wære ein sô gewaltic man, daz im der erde undertân diu zwei teil wæren oder mêr. sîn name heidensch was sô hêr, daz man in hiez ›der bâruc‹. er hete an krefte al solhen zuc, vil künege wâren sîne man, mit krôntem lîbe undertân. daz bâruc ambet hiute stêt. seht, wie man kristen ê begêt ze Rome, als uns der touf vergiht. heidensch orden man dort siht: ze Baldac nement si ir bâbestreht; daz dunket si âne krumben sleht.

*m sîne were, dâ er vrömde wære; sô gloubte man der mære. Gahmuret der site pflac, diu rehter mâze widerwac, und ander schanze keine: sîn rüemen, daz was kleine, grôze êre er lîdenlîchen leit, der bôse wille in gar vermeit. doch wânde der gevüege, daz niemen krône trüege, künic, keiser, keiserîn, des massenîe er wolte sîn, wenne eines, der die hœhesten †lant† trüege ûf erden über allez lant. der wille in sînem herzen lac. ime wart geseit, zuo Baldac wære ein sô gewaltic man, daz ime der erden undertân daz zweiteil wæren oder mêre. sîn name heidensch was sô hêre, daz man in hiez den bâruc. er het an kreften solichen zuc, vil künige wâren sîne man, mit krônetem lîbe undertân. daz bâruc ambaht hielt stæt. seht, wie man kristen ê begêt zuo Rome, als uns der touf vergiht. heidensche orden man dort siht: zuo Baldac nement si ir bâbestreht; daz dunket si ân krumbe sleht.

*G sîniu werc, dâ er vrömde wære; sô geloubte man daz mære. Gahmuret der site pflac, den rehtiu mâze widerwac, unde ander schanze deheine: sîn rüemen, daz was kleine, grôz êre er lîdeclîchen leit, der lôse wille in gar vermeit. doch wânde der gevüege, daz iemen krône trüege, künige, keiser, keiserîn, der messenîe er wolte sîn, Wan der bînamen die hœhesten hant trüege ûf erde über elliu lant. der wille in sînem herzen lac. im wart gesaget, ze Baldac wære ein sô gewaltic man, daz im der erde undertân diu zwei teil wæren oder mêr. sîn name heidensch was sô hêr, daz man in hiez den bâruc. er hete an krefte solhen zuc, vil künige wâren sîn man, mit gekrôntem lîbe undertân. daz bâruc ambet hiute stêt. seht, wie man kristen ê begêt ze Rome, als uns der touf vergiht. heidensch orden man dort siht: ze Baldac nement si ir bâbestreht; ez dunket si âne krumbe sleht.

*T sîniu werc, dâ er vremde wære; sô geloubete man der mære. Gahmuret der site pflac, ein rehte mâze widerwac und ander schanze deheine: sîn rüemen, daz was kleine, der lôse wille in gar vermeit, grôz êre er lîdenlîche leit. Doch wânde der gevüege, daz ieman krône trüege, künege, keiser, keiserîn, der massenîe er wolte sîn, wande benamen der die hœhesten hant truoc ûf erde über alliu lant. der wille in sînem herzen lac. im was gesaget, ze Baldac wære ein sô gewaltic man, daz im der erden undertân diu zwei teil wæren oder mêr. sîn nam heidensch was sô hêr, daz man in hiez den bâruc. er hete an krefte solhen ruc, vil künege wâren sîne man, mit gekrônetem lîbe undertân. Daz bâruc ambet hiute stât. seht, wie man kristen ê begât ze Rome, als uns der touf vergiht. heidensch orden man dort siht ze Baldac nemen ir bâbestreht; ez dunket si âne krumbe sleht.