*D beidiu siufzen unt lachen kunde ir munt vil wol gemachen. si vreute sich ir sunes geburt. ir schimpf ertranc in riwen vurt. Swer nû wîben sprichet baz, deiswâr, daz lâz ich âne haz. ich vriesche gerne ir vreude breit, wan einer bin ich unbereit dienstlîcher triwe. mîn zorn ist immer niwe gein ir, sît ich si an wanke sach. ich bin Wolfram von Eschenbach unt kan ein teil mit sange unt bin ein habendiu zange mînen zorn gein einem wîbe. diu hât mîme lîbe erboten solhe missetât, ine hân si hazzens keinen rât. dâr umbe hânt mîn die andern haz. owê, wâr umbe tuont si daz? al ein sî mir ir hazzen leit, ez ist iedoch ir wîpheit, Sît ich mich versprochen hân unt an mir selben missetân. daz lîhte nimmer mêr geschiht. iedoch ensuln si sich vergâhen niht mit hurte an mîn hamît. si vindent werlîchen strît. Ine hân des niht vergezzen, ine künne wol gemezzen

*m beidiu siufzen und lachen kunde ir munt wol gemachen. si vröwete sich ir sunes geburt. ir schimpf ertranc in riuwen vurt. Wer nû wîben sprichet baz, zwâr, daz lâz ich âne haz. ich vreische gerne ir vreude breit, wanne einer bin ich unbereit dienstlîcher triuwe. mîn zorn ist iemer niuwe gegen ir, sît ich si an wanke sach. ich bin Wolfram von Eschenbach und kan ein teil mit sange. ich bin ein habendiu zange mînen zorn gegen einem wîbe. diu hât mînem lîbe erboten soliche missetât, ine hân si hazzens keinen rât. dâr umbe hân ich den andern haz. owê, wâr umbe tuot si daz? alein sî mir hazzen leit, ez ist iedoch ir wîpheit, sît ich mich versprochen hân und an mir selben missetân. daz lîhte niemer mê geschiht. daz ensullen si sich vergâhen niht mit hurte an mîn hamît. si vindent werlîchen strît. ine hân des niht vergezzen, ine künne wol gemezzen

*G bêdiu sûften und lachen kunde ir munt vil wol gemachen. si vröute sich ir sunes geburt. ir schimpf ertranc in riwen vurt. Swer nû wîben spricht baz, dêswâr, daz lâze ich âne haz. ich vriesche gerne ir vröude breit, wan einer bin ich unbereit dienstlîcher triwe. mîn zorn ist imer niwe gein ir, sît ich si an wanke sach. ich bin Wolfram von Eschenbach unt kan ein teil mit sange. ich bin ein habendiu zange mit zorne gein einem wîbe. diu hât mînem lîbe erboten solhe missetât, ich hân si hazzenes deheinen rât. dâr umbe hân ich der andern haz. owê, wâr umbe tuont si daz? al ein ist mir ir hazzen leit, ez ist iedoch ir wîpheit, sît ich mich versprochen hân unde an mir selben missetân. daz lîhte nimer mêr geschiht. doch sulen si sich vergâhen niht mit hurte an mîn hamît. si vindent werlîchen strît. ich hân des niht vergezzen, ichne kunne wol gemezzen

*T beidiu siufzen und lachen kunde ir munt wol machen. si vreute sich ir sunes geburt. ir schimpf ertranc in riuwen vurt. Wer nû wîben sprichet baz, dêswâr, daz lâz ich âne haz. ich vriesche gerne ir êre breit, wan einer bin ich unbereit dienstlîcher triuwe. mîn zorn ist imer niuwe gein ir, sît ich einen wanc sach. ich bin Wolfram von Eschebach und kan ein teil mit sange. ich bin ein habendiu zange mit zorne gein eime wîbe. diu selbe hât mîme lîbe erboten soliche missetât, ich hân si hazzens dekeinen rât. dâr umb lîde ich der andern haz. owê, wâr umb tuont si daz? aleine ist mir ir hazzen leit, ez krenket doch ir wîpheit, sît ich mich versprochen hân und an mir selbe missetân. daz lîhte niemer mê geschiht. doch ensoln si sich vergâhen niht mit ir hurte an mîn hamît. si vindent werlîchen strît. ich enhân des niht vergezzen, ich enkünne wol gemezzen