*D daz was ein stolz werder man - niht der von Rome entran Julius dâ bevor. der künec Nabuchodonozor sîner muoter bruoder was, der an trügelîchen buochen las, er solte selbe sîn ein got. daz wære nû der liute spot. ir lîp, ir guot was ungespart. die gebruoder wâren von hôher art, von Ninus, der gewaldes pflac, ê würde gestiftet Baldac. der selbe stifte ouch Ninnive. in tet schade unt laster wê. der jach der bâruc zurborn. des wart gewunnen unt verlorn genuoc ze bêden sîten. man sach dâ helde strîten. Dô schift er sich über mer unt vant den bâruc mit wer. mit vreuden er enpfangen wart, swie mich jâmer sîner vart. Waz dâ geschæhe, wie ez dort ergê, gewin unt vlust, wie daz gestê, den enweiz vrou Herzeloyde niht. diu was alsô diu sunne lieht unt hete minneclîchen lîp. rîcheit bî tugende pflac daz wîp unt vreuden mêr denne ze vil. si was gar ob dem wunsches zil.

*m daz was ein stolz werder man - niht der von Rome entran Julusse dâ bevor. der künic Nabuchodonosor sîner muoter bruoder was, der an trügelîchen buochen las, er solte selber sîn ein got. daz wære nû der liute spot. ir lîp, ir guot was ungespart. die gebruoder wâren von hôher art, von Nynus, der gewaldes pflac, ê würde gestiftet Baldac. der selbe stiftete ouch Ninive. in tet schade und laster wê. der jach der künic zurborn. des was gewunnen und verlorn genuoc ze beiden sîten. man sach dâ helde strîten. dô schiffete er sich über mer und vant den bâruc mit wer. mit vröuden er enpfangen wart, wie mich jâmert sîner vart. Daz dâ geschæhe, wie ez dort ergê, gewin und verlust, wie daz geschê, des enweiz vrouwe Herczeloide niht. diu was alsô diu sunne lieht und hete minneclîchen lîp. rîcheit bî jugende pflac daz wîp und vröuden mêr danne ze vil. si was gar ob dem wunsches zil.

*G daz was ein stolz werder man - niht der von Rome entran Iulius dâ bevor. der künic Nabchodonosor sîner muoter bruoder was, der an trügelîchen buochen las, er wolt selbe sîn ein got. ez wære nû der liute spot. ir lîp, ir guot was ungespart. die gebruoder wâren von hôher art, von Linus, der gewaltes pflac, ê gestiftet würde Baldac. der selbe stift ouch Ninve. in tet schade und laster wê. der jach der bâruc ze urboren. des wart gewunnen und verloren Genuoc ze beiden sîten. man sach dâ helde strîten. dô schifte er sich über mer und vant den bâruc mit wer. mit vröuden er enpfangen wart, swie mich jâmer sîner vart. waz dâ geschæhe, wiez dort ergê, gewin und vlust, wie daz gestê, des weiz vrô Herzeloide niht. diu was als diu sunne lieht unde het minniclîchen lîp. rîcheit bî jugent pflac daz wîp unde vröuden mêre dane vil. si was gar obe dem wunsches zil.

*T daz was ein stolzer werder man - niht der von Rome entran Julius dâ vor. der künec Nabuchodonosor sîner muoter bruoder was, der an trügelîchen büechern las, er wolte selbe sîn ein got. ez wære nû der werlde spot. sîn habe, sîn guot was ungespart. die bruoder wâren von hôher art, von Linus, der gewalte pflac, ê würde gestiftet Baldac. der selbe stifte ouch Ninive. in tet schade und laster wê. der jach der bâruc zuo urborn. des wart gewunnen und verlorn genuoc zuo beiden sîten. man sach die helde strîten. dô schifte er sich über mer und vant den bâruc mit her. mit vreuden er entvangen wart, wie mich jâmere sîne vart. Waz dâ geschæhe, wie ez dort ergê, gewin und verlust, wie daz gestê, des weiz vrou Herzeloyde niht. si was als diu sunne lieht und hete minniclîchen lîp. rîcheit bî der jugent pflac daz wîp und vreuden mê dan zuo vil. si was gar über des wunsches zil.