Parzival

Parzival Transkription des Textzeugen o Wolfram von Eschenbach Parzival-Projekt Bern Parzival-Projekt Bern Bern 15.06.24 München Bayerische Staatsbibliothek Cgm 18 o

Hs. O (Gᵏ) München, Bayerische Staatsbibliothek, Cgm 18 Pergament – 107 Blätter – Format: 31,5 x 22 cm (Schriftraum 25 x 16 cm), zwei Spalten zu 39–46 Zeilen (einfache gotische Gebrauchsschrift), Verse abgesetzt – letztes Viertel des 13. Jhs. – bairisch – Inhalt: Wolframs ›Parzival‹ (Text bis Vers 555.20 erhalten) – Abschnittsgliederung durch ausgesparten Raum für Initialen – Raum für 102 Doppelbilder freigelassen; von den Illustrationen ist nur die erste (Bl. 1v) ausgeführt (eine Federzeichnung auf Bl. 2v stammt aus dem 15. Jh.) – Fassungszugehörigkeit: *G (1,1–492.30) und *T (493,1–555.20) [*OQR] – vgl. zur Hs. auch die Angaben im Handschriftencensus.

Leser Leser Rubrikator Schreiber Schreiber

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Abschnitt 1.01-10.30 Autopsie durch RSo im August 2004. Getrenntschreibung der Handschrift wird übernommen. Abschnitt 11.01-58.26 transkribiert ab Farbfotos(Studio) von JLa im Dezember 2008. Autopsie am Original im Januar 2010 von OBA. Buch II Abschnitt 58.27-103.14 transkribiert ab Farbfotos(Studio) von JLa im Januar 2009. Abschnitt 103.15-116.04 transkribiert ab Farbfotos(Studio) von RSo. Autopsie am Original im Januar 2010 von OBA. Buch III Vermerk mit vereinheitlicht bei Freiraum für Illustration, für Freiraum über dem Text nur über Spalte a, für Freiraum unterhalb des Textes nur unter Spalte b; hochgestelltes e vereinheitlicht als Superskript dargestellt und nicht als Korrektur; unregelmäßige Punkte am Versende nach der Handschrift übernommen; erster Buchstabe eines Verses wird durchgehend als Majuskel transkribiert. Transkribiert von SiLa ab Farbfotos (Studio) im Februar 2016. Gegengelesen von LC ab Digitalisat MünchenDigBib im April 2016. Überarbeitung der früheren Transkription der Sigune- und Ither-Episode (138.01-142.30;154.01-161.30) von SiLa im Mai 2016. Abschnitt 138.1- 142.10: Dieser Abschnitt ist nach den Richtlinien vom August 2002 ab einer Mikrofilmkopie transkribiert und am digitalen Faksimile kontrolliert und korrigiert worden. Punkte überprüfen beim Gegenlesen: Punkte wurden immer gesetzt, da 140.6; RSo. Autopsie durch RSo im August 2004 Abschnitt: 154.01-161.30: Getrenntschreibung der Handschrift bei Präfigierung übernommen; auch auffällige Zusammenschreibung eigenständiger Lexeme; Buchstaben am Zeilenanfang werden außer in eindeutigen Ausnahmefällen als Majuskeln aufgefasst; Reimpunkte, die mit dem Buchstaben verbunden sind, werden als eigenständiger Punkt widergegeben Transkribiert von CK am 10.04.2015 ab Farbfotos (Studio). Gegengelesen von SFa am 13.04.2015 ab Farbfotos (studio). Buch IV Transkribiert von OBA ab Fotos(Studio), Dezember 2010. Gegengelesen von SiLa ab Farbfotos (Studio) im August 2016. Buch V Abschnitt 249.01-255.30 wurde ab einer Mikrofilmkopie nach den Richtlinien vom August 2002 transkribiert und am digitalen Faksimile kontrolliert und korrigiert.Auf Folio 51ra fehlt noch eine Linienangabe zur Kustode. Autopsie durch RSo im August 2004 Restliche Verse transkribiert von MiGe im September 2013 ab Farbfotos (Studio). 224.01-227.30 gegengelesen von JLa im August 2013 ab Farbfotos (Studio). 228.01-279.30 gegengelesen von SFa ab Farbfotos (Studio) September 2013. Buch VI Transkribert von MiGe ab Farbfotos (Studio) im Oktober 2013. Gegengelesen von SFa ab Farbfotos (Studio) im Dezember 2013. Erster Buchstabe eines Verses wird durchgehend als Majuskel transkribiert. Korrekturliste der Kollationeure ausgeführt von CG am 11.03.2016. Buch VII Transkribiert von AB ab Studio August 2015 Gegengelesen von CG am 15.09.2015 ab Digitalisat BSB München. Buch VIII Transkribiert ab Farbfotos (Studio) von JKl 5.10.2011. Durchsicht von MGe nach Farbfotos (Studio) am 18.11.2011. Versumstellungen korrigiert. CG 01.06.2015 Buch IX Transkribiert nach einer Mikrofilmkopie nach den Richtlinien vom August 2002 von sbu. Korr. von Mst bis 436.30.Bespr. am 6.1.2003. Die Seitenzahlen sind noch zu überprüfen. Autopsie durch RSo im August 2004 Abschnitte 453.01-455.30 und 469 transkribiert von OBa ab Farbfotos (Studio) im Juli 2009 Abschnitte 453.01-455.30 und 469 Autopsie am Original im Januar 2010 von OBa Restliche Dreissiger transkribiert von MiGe ab Farbfotos (Studio) im April 2012 Gegengelesen von SFa ab Farbfotos (Studio) im April 2012 Buch X Transkribiert von MiGe ab Farbfotos (Studio) im Oktober 2012. Gegengelesen von SFa ab Farbfotos (Studio) November 2012. Der erste Buchstabe des Verses ist jeweils abgesetzt. Versumstellungen korrigiert. CG 01.06.2015 Buch XI Transkribiert von MiGe ab Farbfotos (Studio) im November 2012. Gegengelesen von SFa ab Farbfotos (Studio) November 2012. Der erste Buchstabe des Verses ist jeweils abgesetzt. Am Rand der Spalten findet sich häufig ein Zeichen ähnlich einem Zirkumflex als Korrekturzeichen; dieses wird transkribiert als ^^. Hs. O in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 08.08.2016. Korrekturen durchgeführt von CG am 08.11.2016. Korrekturen ergänzt von SiLa am 16.11.2016. Korrekturen ergänzt von SiLa am 14.12.2016. Autopsie am Original durch SiLa am 11.-12.04.2017. Korrekturen aus Autopsie eingearbeitet von SiLa am 12.09.2017. Endredaktion 1 von SiLa abgeschlossen am 18.09.2017. Endredaktion II abgeschlossen am 24.11.2017 durch SiLa. Alle -a entfernt am 4.12.2018 von MiGe TL am 17.07.2019: Alle ct-tags entfernt. Jſt zwivel herzen nach gebv̂r Daz muͦz der ſel werden ſv̂r Ja iſt geſmehet vnd gezîret. Swa ſich parrieret. Vnverzagt manneſ muͦt Alſ agelſter varwe tuͦt Der mach dannoch weſen geil Wan an im ſint pedev teil. Deſ himels vn̄de der ~~erde~~helle. Der vnſtete geſelle Der hat die ſwarzen varwe gar. Vnd wirt auch darnach vinſter *aruar. So habent ſich an die blanchen. Die mit den ſtæten gedanchen. Dize vliegende piſpel. Jſt tvmben levten gar ze ſnel. Sin enmugen ſin in ni*niht erdenchen. Won iz chan vor in wenchen. Reht alſ ein ſchellech haſe. Zin anderthalbe an dem glaſe. Gelichet vnd deſ plinden trovm. Die gebent antluzes rovm. Avch mach mit ſtete niht geſein. Dirre trvͤbe lîhte ſchein. Der machet chvͦrze frevde al war. Wer rovffet mich da nie dehein har. Gewuͦchſ inn an miner hant. Der hat vil nahen grif erchant Sprich ich gein den vorhten. och. Daz gelichet minen wizen doch. wil ich triwe vinden. Al da ſi chan verſwinden. Sam fîvr indem brunnen. Vnd daz tov van der ſunnen. Avch erchand ich nie ſo wiſen man. Ern moht gerne chvnden han. Welher ſtivre diſiv mer gernt. Vnd waz ſi guͦter lere wernt. Dar an ſi nimmer deſ uerzagnt. Beidev ſi fliegent vnd iagnt. Si entwichent vnd cherent. Si laſternt vnd erent. Der mit den ſchanzen allen chan Andem ~~hot~~hat wizze wol getan. Der ſich niht verſizzet noch verget. Vnd ſich doch anders wol verſtet. Valchſ geſellichlicher muͦt Jſt ze dem helle fîvr guͦt. Vnd iſt hoher werdechait ein hagel. Sin triwe hat ſo chvrzen zagel. Daz ſi den dritten piz niht galt. Fvͦr ſi mit brem inden walt. Diſe manigeſlahte r wint. Jê doch niht gar von minnen ſint. Fv̂r div wip ſtoz ich diſiv zil. Swelhev minen rat merchen wil. Div ſol wizzen wor ſi kere. Jr pris vnd ir ere. Vnd wem ſi dar nach ſî bereit. Minne vnd ir werdechait so daz ſi iht geriwe. Jr cheͮſſche v ir triwe. Vor got ich guͦten wiben te Daz in rehtev maze volge mite Scham iſt ſloz ob allen ſiten. Jch darf in niht mer haileſ piten. Div valſch erwirbet valſchn prîs. Wie ſtete iſt ein dvnnez îſ Daz avgeſt haizze ſunne hat. Jr lop vil palde alſus zergat. Manigeſ wibeſ ſchone ane lob iſt breit. Jſt da daz herze kuntrefeit. Di lob ich alſ ich ſolde. Daz ſapheir indem golde. Avch han ich niht vuͦr ringev dinch. Swer indem chranchen meſſinch Ver wurchet edelin rvbin. Vnd aller die avver ſin. Dem gelîch ich reht wibeſ muͦt. v ir wiphait rehte tuͦt Da von ſol ich varwe pruͦven niht Noch ir herzen dh daz man do ſiht Jſt ſi innerthalb der prvſt bewart So iſt tiwer pris da niht verſchart Sold ich nv wip vnd man Zereht pruven alſ ich chan Da vuͦr ein langez mer mit. Avch horet dirre aventiwer ſit Div lat iͮch wizzen peide Von lieb vnd von leide. Vrevde vnd angeſt vert da pî Nv lat min aineſ weſen drî. Der iſlicher ſvnder phlege. Daz miner chvnſt wider wege. Dar zvͦ gehoret wilder vunt. Ob ſi îv gerne teten chvnt. Daz ich îv aine chvnden wil. Si heten arbêite vil. êin mer wil ich îv niwen. Daz ſeit von grozzen triwen. Wiplichez wibeſ ~~muͦt~~reht Vnd manheit manneſ alſo ſleht Dîv ſich gein herte nîe gebauch Sîn herze in daran niht betravch Er ſtahel ſwa er zeſtrite quam. Sîn hant ~~hat~~ ſigelichen nam. Vil manigen loblichen pris. Er chvͦne trachlichen wiſ. Den helt ich alſus gruͦze Er wibeſ augen ſuͦze Vnd da pî wibeſ herzen ſuht. Vor miſſewende ein woriv fluht. Den ich da zv hon erchorn. Der iſt merſ halb noch vngeborn. Dem man dirre aventiwer giht. Vnd wunderſ vil deſ dran geſchit Sie phlegent noch alſ man do phlach. Swa lit vnd welhchſ gerihte lach. Deſ phligit tevſcher erde ein ort. Daz habt ir ane mich wol gehort. swer ie phlach der lande. Der gebot wol ane ſchande Diz iſt ein warheit ſvnder wan. Daz der elter prûder ſolde han. Sineſ vater ganzen erbetâyl. Daz waſ der ivngen vnehâil. Daz in der tot die phliht prach. Der in ir vater lebent veriach. Da vor waſ iz gemêine Svſ hatz der elter êine. Jz ſchuͦf îe doch ein wiſ man. Daz alter guͦt ſolde han. Jvgent hat vil werdechait. Daz alter ſevfen vnde leit Ezn wart nie niht ſo vn fruot So alter vnd armvͦt Chvnige. graven. herzogn. Daz ſag ich îv vuͦr vngelogen. Daz die da hvͦbe enterbet ſint. Vnz an daz eltiſt chint. Dizze iſt eine fromdiv zeche Der kuͦſch vnd der freche Gahmoret der wigant Ver loſ ſuſ puͦrge vnde lant. Do ſin vater ſchone Trvͦch zeptre vnd chrone Mit grozzer chunechlicher chraft. Vnz er lach tot an riterſchaft. Da chlagt man in ſere Die ganzen triwe vnd ere braht er vnz an ſinen tot. Sin elter ſvn vuͦr ſich gebot. Den fvrſten auz ſinem ~~ndem~~ riche Die chomen riterliche. Wan ſi zerehte ſolden han. Von im groz lehen ſunder wan. Da ſi zehove waren chomen. Vnd ir rehte waſ vernomen. Daz ſi alle ir lehen enphiengen. Nv horet wie ſiz an geviengen. Si gerten alſ ir triwe riet. Rîch vnd arme gar div diet. Einer chranchen ernſt lîcher pet. Daz der chvnich an gamvret. Prv̂der liche triwe merte Vnd ſich ſelben erte Daz er in niht verſtiezze Vnd im ſîneſ landeſ lieze. Hant gemæhel daz man muͦhte ſehen. Da von der herre mvͦſe iehen Sineſ namen vnd ſiner frîheit Daz waſ dem chvnige niht zelayt Er ſprach. ir chvnnet mezlichen ~~piten.~~gern. Jch wil ivch deſ. vnd vuͦrwaz gewern. Wan nennet ir den pruder min. Gamvret anſevin. Anſchawe iſt min lant. Da weſen peide von genant. Svſ ſprach der chvnich here Sich ſol min prvder mere. der ſtêten helfe an mich verſehen. Danne ich ſo geheſ welle iehen. Er ſol min in geſinde ſin. Deſwar ich tuͦn iv allen ſchin. Daz bvnſ beide ein muͦter trvͦch Er hot wenich vnd ich genuͦch Daz ſol im taylen ſo min hant. Daz deſ min ſel iht ſî phant. vor dem. der git vnd nimpt. Vͦf reht in beider deſ gezimt Do die furſten riche Ver nomen alle geliche Daz ir herre triwe phlach. Daz waſ in ein vil lieber tach. Jſlicher im beſvnder neich. Gamvret niht lenger ſweich. Der volge. alſ im ſin herze iach. Z dem chvnige er guͦtlichen ſprach Herre vnd prvͦder min. Wolde ich in geſinde ſîn. Jwer. oder dehaineſ man. So hiet ich ~~mir~~min gemach getan. Da nach prvͦuet minen priſ Jr ſit getriwe vnd wiſ Nv ratet alſ ez gezihe nv Da griffet helflichen zvͦ Niht wan harnaſch ich han Hiet ich dar inne iht me getan. Daz virrich lop mir prehte. Et ſwa man min gedehte. gAmvret ſprach aber ſan. Sehzehen knapen ich han. Sehſe die von yſer ſint Dar zvͦ gebt mir vier kint An guͦter zvht von hoher art. Vor den wirt nimmer niht geſpart. Deſ ie beiagen mach min hant Jch wil cheren indîv lant Jch han ein tayl auch êe gevarn. Ob mich gelvche wil be warn. So erwirbe ich guͦter wibe grvͦz. Ob ich da nach dienen muͦz. Vnd ob ich deſ wêrdich pin. So ratet mir min peſter ſin. Daz ichſ mit rehten triwen ~~phlig.~~phleg. Got wîſe mich der ſelden wege. Wîr fûren geſellechliche Dannoch. e. iwer riche. Vnſer vater kandin. Vil manigen chvmberlichn pîn. wier pede dolten vmbe liep Jr waret riter vnd diep Jr kvndet dienen vnd heln. Wan chvnde avch ich nv minne ſteln. Owi wan hiet ich iwer chvnſt Vnd anderthalb die waren gvnſt. Der chvnich ſevft vnd ſprach. Owe daz ich dich ie geſach. Sit dv mit ſchimphlichen ſiten. Min ganzez herze haſt verſniten. vnd tuͦſt. ob wir vnſ ſchaiden. Min vater hat vnſ peiden. Verlazen guͦteſ harte vil. Deſ ſtoze ich dîr gelichiv zil. Jch pin dir herzen lichen holt. Lieht geſtaine rotez golt. Levte wafen roſ gewant. Deſ nim ſo vil von miner hant. Daz dv nach dinem willen varſt. Vnd dine milt wol bewarſt. Dein manheit iſt vz erchorn. Wereſtv von Gliſtram geborn. Oder chomen her von Ranculant. Jch hiet dich immer ander ſtat. Alſ ich dich ſuſ vil gerne han. Dv piſt min pruͦder ſvnder wan. Herre ir lobt mich ſvnder not. Sit iz iwer zvht gebot. Dar nach tuͦt iwer helfe ſchin. Welt îr vnd div muͦter min. Mir tæilen iwer varnde habe. So ſtige ich vͦf vnd nimmer abe Min herze ie doch noch hohe ſtrebt. Jchn waiz war vmbe iz al ſuſ lebt. Daz mîr ſwillet ſvſ min vinſter pruſt Owe war iagt mich min geluſt. Jch ſol iz verſuͦchen ob ich mach Nv nahent min vrlovbeſ tach. Der chvnich in alleſ werte Mer danne er ſelbe gerte. fvnf orſ erwelt vnd erchant. Div beſten vber alle ſin lant. Chvͦne ſtarch niht zelaz. Vnd manich tiwer golt vaz. Vil manigen guldinen chloz Den chvnich lvzel deſ verdroz. Ern fvlt im vier ſavm ſchrin. Geſtaineſ mvſe avch dar in. ſin. Do ſi gevullet lagen. ~~Chapen~~Chnappen die deſ phlagen. Waren wol gechlait vnd geriten. Al da wart iamer niht vermîten. Do er fv̂r ſine muͦter giench. Vil nahen ſi zv ir geviench Filli royſ Gandin. Wil du niht lenger pîmir ſin So ſprach daz wiplich wip. Owe nv trvch dich doch min lip. Dv piſt auch kandineſ chint. Jſt got an ſiner helfe plint. Oder iſt er da ran beravbet. Daz mir niht gelavbet. Sol ich nv niwen chvmber tragen. Minſ herzen chraft han ich pegraben. Vnd die ſvͦze miner avgen. Wil er mich vurbaz ravben. Vnd iſt doch ein rihtære So livget mir ~~dar~~daſ mere. Daz man von ſiner helfe ſagt. Sit er an mir ſvſ iſt verzagt. Do ſprach der ivnge anſhevin. Got troſt ivch frowe deſ vater min. Den ſul wir beide gerne chlagen. Ev enmach niemen von mîr geſagen. Dehainiv chleglichiv lait. Jch var durch mine werdechait Nach riterſchaft in fromdiv lant. Frowe iz iſt mir ſuſ gewant. Do ſprach div chvniginne Sit dv noch hoher minne Wendeſt dienſt vnd muͦt Lieber ſvn la dir min guͦt Avf die vart niht verſmahen. Haiz von mir enphahen Dinen chamerere Fier ſavm ſchrîn ſwere Dar inne ligent phelle breit Ganz die man nie verſnait Vnd manich tiwer ſamît. Svͦzer man la mi*mir di zit. Gehoren wenne dv wider chvmſt. An minen frevden dv mir frvmſt Frowe deſ enwaiz ich niht. Jn welhem lande man mich ſiht. Wan ſwanne ich von iv chere. Jr habt nach riterſ ere. Jwer werdechait an mir getan. Avch hat mich der chvnich lan. Alſ im min dienſt danchen ſol Jch getrowe iv deſ vil wol daz ir in deſte werder habt Swie halt mir min dinch ergat. Alſ unſ div aventiwer ſeit. Do het der helt vnverzait. Enphangen durch liebe chraft. Vnd durch wiplich geſellſchaft. Chlainodeſ tvſent march wert. Swa noch ein ivde phandeſ gert. Er moht iz dar fv̂r en phahen. Jzn dorft im niht verſmohen Daz ſand im ain ſin frivndîn. An ſinem dineſt lach gewin. Der wibe minne vnd ir grvͦz. Doch word im ſelten chvmber puͦz Vrlovb nam der wigant Mvͦter. prvͦder. noch daz lant. Sin ovg nimer mer er choſ. Dar an doch maniger vil ver loſ. Der ſich het an im erchant E daz er wer dan gewant Mit deheiner ſlahte gundeſ zil. Dem wart von im gedanchet vil Sîn duht in mer denne genuͦch. Dvrch ſine zvht er nie gewuͦch. Daz ſiz teten vmb reht Sin muͦt was ebener danne ſleht Swer ſelbe ſagt wie wert er ſî. Do iſt liht ein vngelovbe bî. Jz ſolden die vmbe ſezen iehen. Vnd avch di heten geſehen. Siniv werch da er fromde were. So gelovbte man daz mere. Gamvret der ſite phlach. Den rehtiv maze wider wach. Vnd ander ſchanze deheine. Sin rvͦmen daz waſ chlaine. Groz ere vnd lidenlichev leit Der loſe wille in gar vermait. Doch wonde der gevuͦge. Daz iemen chrone trvͦge. Chvnige. kaiſer. kaiſerin. Der mæſſneie er ſolde ſin Wan er benamen die hoſten hant. Truͦch avf erde vber elliv lant. Der wille in ſinem herzen lac. Jm wart geſagt ze baldach. Wær ein ſo gewaltich man Daz im der erde wer under tan Div zweiteil oder mer Sin nam waſ haideniſchen ſo her Daz man in hiez den Baruch. Er het an chreften al ſolhen zvch. Vil chvnige waren ſine man. Mit gechrôntem libe vndertan. Daz Barvch ampt hivt ſtet Seht wie man chriſten ê beget. Ze Rôme alſ vnſ div tavffe vergiht. Heidenſch orden man dort ſiht. Ze Baldach nementſ ir babſt reht. Ez dunchet ſi ane chrvmbe ſleht. der Barvch in fv̂r ſvnde. Git wandelſ vrchvnde. Zwene brvͦder von babylon. Pompeius vnd Jpomidon. Den nam dẻr Barvch ninive. Daz waſ al ir voderen. ê. Si ta wer mit chreften ſchin Dar chom der ivnge anſchevin. Jm wart der Barvch vil holt. Er nam nach dienſt da den ſolt. Gamuret der werde man. Nv erlovbt im daz er mvͦſe ~~lan~~han. Ander waffen denn im gandîn. Da vor gab der vater ſin. Der herre phlach mit guͦten ſiten. Avf ſiner koventiwer geſniten. Ancher lieht hærmîn. Dar nach mvͦſe avch daz ander ſin Auf den ſchilt vnd ander wat Noch grvͦner dānne ein ſmaragt Waſ geprvͦvet ſine geraite gar Vnd nach dem achmardî gevar. Daz iſt ein ſydin lachen. Dar vber hiez er im machen. Waffen roch vnd curſit Daz iſt bezer danne der ſamit. Hærmin ancher dar vͦf genæt. Gvldiniv ſæil dar vf gedret. Sin ancher heten niht bekort. Ganzeſ landeſ noch landeſ ort. xa waren ſi ninder in geſlagen. Der herre mvͦſe fvͦrbaz tragen. Diſen waffenlichen laſt Jn manigiv lant der werde gaſt Nach dem ancher diſiv mal. Wan er dehainer ſlahte twal. Het ninder noch gebiete. Wie vil er lande durch rite. Oder in ſchiffen vmbe fvͦr Ob ich iv da nach ſwuͦre So ſagt ich iv avf minen æit Min riterlichiv ſicherheit Als mir div aventiwer giht Ich han nv mer gezivgeſ niht Div ſait ſin menlichiv chraft. Behielt den pris in heiden ſchaft Ze marroch vnd ze berſia. Sin hant bezalt avch ander ſwa. Ze ~~Domachco~~Domaſhco vnd ze halap. Vnd ſwa man riterſchaft gap. Ze arabie vnd ze arabêie Daz er waſ gein ſtriteſ frî. ê Von iſlichem einem man. Diſen ~~tvͦf~~rvͦf er da gewan. Sineſ herzen gîr nach priſe graif Ir aller tat vor ze ſlaif Vnd waſ vil nahen en nihtet. Svſ wart ie der berihtet. Der gein im tyoſtiernſ phlach. Man iach im deſ ze baldach. xin ellent ſtrebt ſvnder wanch. Van dan fvͦr er gein zazamanch. Jn daz chvnichriche Die chlagten in alle ge*geliche. Jſnharten der den lip. Jn dienſt verloſ vmb ein wip. Deſ twanch in Belacâne. Div ſvͦze valſcheſ ane. Daz ſi im ir minne ie gebot. Deſ lach er nach ir minne tot. Den rochen ſine mage. Off̄enlich vnd ander tage xie frowen twungen ſi mit her. Div waſ mit ellenthafter wer Do Gamvret chom in ir lant. Daz ir von. ſchoten fridebrant. Mit grozem her verbrande. Ê daz er danne wande. Nv horet wie vnſer ritter var Daz mer warf in mit ſtvrme dar. So daz er chovme iedoch genaſ. Gein der chvniginne palas. Chom er geſeglt in die habe. Da wart er vil geſchawet abe. Da ſach er vz andaz ~~lant.~~velt. Da waſ geſlagn manich gezelt Alvmbe die ſtat vnz andaz mêr Da lach ein chreftigez her Da hiez er vragen der mere Weſ div purch were. xan er ir chvnde nîe gewan Er noch dehein ſin ſchifman. Si taten ſinen poten chvnt. Si hiez patelamvnt Daz wart im minnechlich enboten. Si manten in pî ir goten. Daz er in hvlfe. deſ were in not. Si en rungen niht wan umb den tot. Do der ivnge anſchevin. Vernam ir chvmber lichen. pîn. Er bot ſin dienſt vmbe guͦt Alſ noch vil diche ein ritter tuͦt Oder daz ſi im ſagten vmbe waz Er ſolde dvlten der vînde haz. Do ſprach avz einem mvnde. Der ſiech vnd der geſvnde. Daz im wer al gemæine. Jr golt vnd ir geſtæine. Deſ ſolt er alleſ herre weſen. Er mohte wol pî in geneſen. Avch pedorfte er lvzel ſoldeſ. Von arabie deſ goldeſ. Het er manigen chnollen praht Levte vinſter ſam div naht. Woren die von zazamanch Bi den dv̂hte in div wile lanch Do hiez er herberge nemen. Deſ mvͦhte ſi vil wol gezemen. Daz ſi im die beſten gaben. Die Die: Vers fälschlicherweise eine Zeile zu weit oben begonnen. Die frowen dannoch lagen. xe den ~~f*ſten~~fenſtẻrn vnd ſahen dar Si namen avch deſ vil rehte wor. Sine knapen vnd ſin harnaſch. Wie daz gefeittert waſ. Avch fvͦrte der helte milte. Avf einem hermeinem ſchilte. Ichn waiz wie manigen zoͮbel palch Der chvniginne marſchalch. Hetz fv̂r einen anker groz. Ze ſehen in lvzel deſ verdroz. Jm mvͦſen ſiniv avgen iehen. Daz er het geſehen. Diſen ritter. oder ſinen ~~cchin~~ſchin. Daz mvͦſe ze alexandrie ſin. Do der Baruch der vor lach. Sinem priſ do niemen. verwach Svſ fvͦr der mvͦteſ rîche. In die ſtat behangenliche Zehen ſavmere hiez er vazzen. Die zogten in die gazen. Da riten zweinzech knappen nach Sinen povel man dort vor erſach. Garzvn koche vnd ir knaben. Die heten ſich hin fvͦr erhaben Stolz waſ ſin geſinde. Zwelf wol geborner chinde. Die hinden nach den knappen riten An guͦter zvht mit ſvͦzen ſiten. Etſlicher waſ ein ſarrazin. Dar nach mvͦſen avch gedechet ſin. xht orſ mit zendale ver dechet al zemale Daz nivnde ſinen ſatel trvͦch. Einen ſchilt deſ ich. ê. gewuͦch Den ~~rvͦrt~~fvͦrt ein vil gemeit Da bî nach dem ſelben reit. ~~Bvſvnavnere~~Buſvnaver der man avch bedarf Ein tambvͦrer ſlvͦch vnd warf. Vil hohe ſinen tambvͦr. Den herren nam vil vntv̂r Da riten Floytere bî Vnd welhſcher videlere drî. Den waſ allen niht zegach. Selbe reit er hinden nach Vnd ſine marnære. Der wiſe vnd der mere. Swaz do waſ volcheſ inne. Moͮre vnd moͮrinne. Waſ beidiv wip vnd man. Der herre ſchowen began. Vil manigen ſchilt zebrochen. Mit ſper dar durch ſtochen. Der waſ da vil gehangen fv̂r An die wende vnd and die tv̂r Si heten iamer vnd guft. An div fenſter gein dem ~~lulft~~luft Waſ gebettet manigem wunden mān Swenn er den arzat gewan. Daz er doch mohte niht geneſen. Der waſ bi den vinden geweſen svſ warb der ie vngerne floch. Vil orſe man im wider zoch. Dvrch ſtochen vnd verhawen. Manige tunchel frawen. Sach er bedentalben ſin. Nach raben varwe waſ ir ſchin. Sin wîrt in minnechlich enphiēnc Daz im nach frevden ſit ergiench. Der waſ ein ellent richer man. Mit ſiner hant het er getan. Vil mangen ſtich vnd ſlach. Wan er einer porten phlach. Bi dem er manigen ritter vant. Die di arme hiengen indiv bant. Vnd den ir havbt ~~warem~~waren verbunden Die heten ſolhe wunden. Daz ſi doch taten ritterſchaft Sev hete verlazen niht ir chraft. verlazen: Über dem "ver" befindet sich ein Punkt; unter Umständen zur Tilgung der Vorsilbe. verlazen: Sieht am Original eher nach einem Tintenfleck aus. Der bvrgrave von der ſtat. Sinen gaſt do minnechlichen bat Daz er niht verwere. Alſ daz *ſin wille were. Vber guͦt vnd vber lip. Er fvͦrt in da er vant ſin wip. Div Gamvreten chvſte. Deſ in doch luzel lvſte. Dar nach fvͦr er enbizen ſan. Do dize waſ alſus getan. Der marſchalch reit von im zehant. Al da er die chvniginne vant. er ieſch vil groziv boten brot. Frowe nv iſt vnſer not. Mit frævden zergangen. Den wir hie haben enphangen. Daz iſt ein ritter ſo getan. Daz wir zedanchen immer han. Vnſern goten die in vnſ brahten Daz ſi deſ ie gedahten. Nv ſag mir avf die triwe din. Wer der ritter mvge ſin. Frawe iz iſt ein degen fîer Deſ Barvcheſ ſoldnier. Ein anſchevin von hoher art. Awi wi lvzel wirt geſpart. Sin lip. ſwa man in lazet an. Wie rehte er dar vnd dan. Entwichet vnd cheret. Die vinde er ſchaden leret. Jch ſach in ſtriten ſchone Da die Babilone. Alexandrie loſen ſolden. Vnd da ſi dannen wolden. Den Barvch treiben mit gewalt Waz ir da nider wart gevalt. An der tſchumphntwer. Da begie der gehiwer. Mit ſinem libe ſolhe tat. Si heten fli*flihenſ deheinen rat. Dar zv hort ich nennen Man mohte in wol erchennen. daz er den pris vber manich lant. Het al eine ze ſiner hant. Nv ~~ſch~~ſich et wenne oder wie. Vnd fvͦg daz er mich geſpreche hie Wir haben doch frid allen diſen tach. Da von der helt wol riten mach. Her avf zv mir. oder ich dar. Er iſt anderſ danne wier gevar. Owi wan tete im daz niht we. Daz hiet ich gerne erfvnden ê. Ob mirz di meine rieten. Ich ſold im ere bieten. Geruͦchet er mir nahen. Wie ſol ich in enphahen. Jſt er mir da zv wol geborn. Daz min chvſ iſt niht verlorn. Frôwe er iſt mir fv̂r kvnigſ chvnne erchant. Deſ ſi min lip genennet phant. Frowe ich wil iwern fvrſten ſagn. Daz ſi richiv chlæider tragn. Vnd hie vor iv bîten. Biz daz wir zv iv riten. Daz ſagt avch iwern frowen gar. Wan ſwanne ich hin nider var. So pringe ich iv den werden gaſt. Dem ſvͦzer tvgent nie gebraſt. Dar an doch lvzel deſ verdarp Vil behendichlichen warp. Der marſchalch. ſiner frawen bet. Balde wart do Gamvret. richiv chlaider dar getragn. Di leit er an. ſvſ hort ich ſagen. Daz div tiwer weren. Ancher die ſweren Von arabiſchem golde. Lagen drvfe alſ er wolde. Da ſaz der minne gelteſ lon. Avf êin orſ daz ein babilon. Gein im durch tioſtiern reit Den ſtach er drab daz waſ im leit Ob ſin ~~wir~~wirt mit im iht var. ~~wir~~wirt: Über dem i befindet sich noch ein Superskript von späterer Hand. Vielleicht wurde zu wuͤt oder wiͤrt verlesen. Er vnd ſiner ritter gar. Ja *Daſwar deſ ſint ſi fro. Si riten mit ein ander do. Vnd erbæizten vor dem palas. Da manich ritter avfe waſ. Die mvͦſen wol gechlaidet ſin. Siniv chinder liephen vor min. Je zwei vnd zwei ander hant. Jr herre manige frowen vant. Gechlâit wunnechliche. Der chvniginne riche. Jr avgen fvͦgten grozen pin Do ſi geſach dem anſchevin. Der waſ ſo minnechlich gevar. Daz er entſloz ir herze gar. Jz wer ir liep ~~oder~~ode leit. Daz beſloz da vor ir wipheit. Ein wenich ſi im en gegen trat. Jr gaſt ſi ſich kuſſen bat. Vnd fienge in ſelbe bî der hant. Vnd: Freiraum für Initiale über zwei Zeilen, Ausführung nur über eine Zeile. Gein den vinden an die want. Sazens in div venſter wît. Avf einen golter von ſæmit. Dar vnder ein wehez bette lach. Jſt iht liehterſ denne der tach. Dem gelichet niht div chvnigin. Si het aver wiplichen ſchin. Vnd waſ avch anderſ riterlich. Der tavwigen roſen vngelich. Nach ſwarzer varwe waſ ir ſchin. Jr chrone ein lîhter Rvbin. Jr havbt man ir dar durch wol ſach Div wirtinne zir gaſte ſprach. Daz ir lieb wer ſ*ſin chomen. Herre ich han von iv vernomen. Vil ritterlichiv werdechait. Dvrch iwer zvht ſi iv niht leit. Ob ich iv minen chvmber chlag. Den ich nahen. minem herzen ~~tage~~trage Min helf ivch deſ niht irret. Swaz iv werre oder wirret. Swa daz wenden ſol min hant Div ſi ze dienſte dar benant. Jch pin niht wan ænich man. Swer iv tuͦt oder hat getan. Da bivt ich gegn minen. ſchilt. Die vînde wenich deſ bevilt. Mit zvhten ſprach ein fvrſte ſan. Hiet wir einen havbt man. wir ſolden vînde wenich ſparn. Sit Fridebrant iſt hin gevarn. Der loſet dort ſin æigen lant. Ein chvnich der hiez Nermant Den er durch herlinden ſlvͦch. Deſ mage ~~tuͦt~~tuͦnt im læide genvͦch Sin en wellent ſichſ niht mazen. ~~Her~~er hat hie helde lazen. Den herzogen. Hvͦtger. Deſ ritterſ tat vnſ manigiv ſer. Frvmt. vnd ſin ~~geſellcchaft~~geſellſchaft. Jr ſtrit hat chvnſt vnd chraft. So hat hie mangen ſoldier. Van Normandie Gatſchier. Der wiſe degen here. Avch hat hie ritter mere. Kaylet von hoſchvͦraſt. Vil manigen zornigen gaſt. Die braht alle indaz lant. Der ſchotten chvnich fridebrant. Vnd ſiner gnoze viere. Mit manigem ſoldiere. Dort weſter halb andem mer. Da lit iſenharteſ her. Mit fliezenden. avgen. Off̄enlich noch tavgen. Geſach ſi nimmer mer dehæin man. Sine mvͦſen iamerſ wunder han. Jr herze in regen gvſſe warp. Sit an der tyoſt ir herre ſtarp. xer gaſt zeder wirtinne Sprach mit ritterſ ſinne. Sagt mir ob irſ rvͦchet. Durch waz man ivch ſo ſvͦchet. Zornichlich mit gewalt. Jr habt vil manigen helt palt. Mich mvͦt daz die ſint verladen. Mit vînde haze nach ir ſchaden. Dize ſag ich herre ſeid irſ gert. Mir dient ein ritter der waſ wert Sin lip waſ tvgende ein bernde ris. Der helt waſ chvͦne vnd wiſ. Der triwe ein reht belibnev frvht. Sin zvht waſ fvr alle zvht Er waſ noch chevſcher denne ein wip. Frecheit vnd ellent rich ſin lip. Son gewuͦchſ an ritter nie ſo miltiv hant. Vor im nie vber elliv lant. Ichn wayz waz nach vnſ ſchvl geſchen. Deſ lazen ander levte iehen. Er waſ gein valſcher fvͦre ein tore. Nach ſwarzer varwe alſ ein more. Sin vater hiez Tanchanis. Ein chvnich der het avch hohen pris. Min frivnt der hiez iſenhart. Min wipheit waſ vmbe wart. Do ich ſin dienſt noch minne enphiench Daz im nach fræuden niht ergiench. Deſ muͦz ich immer iamer tragen. Si wenent daz ich in ſchvͦfe erſlahen. verratens ich doch lvzel chan. Swie mich ſin zeihen ſine man. Er waſ mir lieber danne in. Ane gezivch ich deſ niht pin. Mit den ichz ſol beweren noch. Die rehte warhæit wizent doch Mine got. vnd die ſîne. Er gab mir mange pîne Nv hat min ſchamende wipheit. Sin lon gelenget vnd min lait. Dem helde erwarp min magt tvͦm An riterſchefte manigen rvͦm Jch verſvͦcht in ob er chvnde ſin. Ein frivnt daz wart vil balde ſchin. Er gab durch mich ſin harnaſch. Enwech. daz alſ ein palaſ. Dort ſtet. daz iſt ein hoch gezelt Daz brahten ſchoten avf daz velt. Do daz der helt ane wart. Sin lip do wenich wart geſpart Deſ lebenſ in dar nach verdroz. Manige aventiwer er ſvͦhte bloz. Do diz alſvſ waſ. Ein fvrſte ~~portialas.~~portizalas. Hiez mine mæſſneie. Vor zagehait der frîe Avz durch aventiwer. reit Ein grozer ſchad in niht vermæit. Zdem foreſt in azagavch. Ein tioſt in ſterben niht erlavch die er tet avf einen chvͦnen man Do er avch ſinen ende genam. Daz waſ min frivnt iſenhart Jetweder inne wart. Eineſ ſperſ durch ſchilt vn̄de durch den lip. Daz chlag ich noch vil armez wip. Jr beider tot mich immer mvͦt Avf miner triwe iamer pluͦt Jch wart nie wip. dehæineſ man. Gamvreten duhte ſam. Wie ſi were ein hædenin. Mit triwen wiplicher ſin. Jn wibeſ herze nie geſlavf Jr chevſche waſ ein rainiv tavf Vnd der regen der ſi begoz. Der waͦch der von ir avgen floz. Avf ir zobel an ir brvſt. Riwe phlege waſ ir geluſt. Vnd rehtev iamerſ lere. Si ſagt im fvrbaz mere. Do ſvͦcht mich von vber mer Der ſchoten chvnich mit ſinem her. Der waſ ſinſ ohæimſ ſvn. Ern moht mir niht mer getun. Schaden. danne mir waſ geſchehen An iſenharten ich mvͦz ſin iehen. div frowe er ſevfte diche. Dvrch die zeher maniger pliche Si ſchamende gaſtlichen ſach. An Gamvreten do veriach. Jr avgen dem herzen ſan. Daz er wer wolgetan. Si chvnde liehte varbe ſpehen. ſi het avch da vor geſehen. Vil manigen liehten hæiden. Al da wart vnder in beiden. Ein vil getrevlichiv ger. Er ſach dar ſi ſach her. Dar nach hiez ſi ſchenchen ſan. Hiet ſi ~~getor~~getorſt daz wer uerlan. Sî mvͦt daz iz niht beleip. Wan iz die ritter ver traib. Die gerne ſprachen wider div wip. Doch waſ ir lip ſin ſelbeſ lip. Avch het er ir den mvͦt gegeben. Sin leben waſ der frowen leben. Do ſtvͦnt er avf vnd ſprach. Frowe ich tuͦn iv vngemach. Jch chan ze lange ſizen. Daz entvͦn ich niht von wizen. Mir iſt vil dienſtlichen læit. Daz iwer chvmber iſt ſo bræit. Frawe gebietet vber mich. Swa*Swaſ ir welt da iſt min gerich. Jch diene iv allez daz ich ſol. Herre deſ getrawe ich iv wol. der purchgrave ſin wirt. Nv vil wenich deſ verbirt. Ern chvͦrz im die ſtvnde. Zefragen er begvnde. Ob er banichen wolde riten. Vnd ſchawet wa wir ſtriten. Wie vnſer porten ſin behvͦt Gamvret der helt guͦt Sprach er wolde gerne ſehen. Wa riterſchaft da wer geſchehn. Her abe mit dem helde rait. Manich riter vil gemæit. Hie der wiſe. dort der tvmbe. Si fvͦrten in al vmbe. Fvr ſezehen porten. Vnd beſchieden im mit worten. Daz der deheine wer verſpart Sît wart gerochen iſenhart. An vnſ mit zorn naht vnd tach. Vnſer ſtrit vil nach geliche wach. Man beſloz ir dehaine ſit. Vnſ git vor aht porten ſtrît. Deſ getriwen iſenharteſ man. Die habent vnſ ſchaden vil getan. Si ringent mit zorne. Die fvrſten wol geborne. Deſ chvnigeſ man. van azagvͦch Vor iſlicher porten. flovch. Ob chvͦner ſchar ein liehter van. Ein durch ſtochen riter dran. Alſ yſenhart den lip verloſ. Sin volch div wafen da nach choſ. Da gegen hab wir einen ſit. Da ſtillen wir ir iamer mit. vnſer vanen ſint bechant. Daz zwene vinger vz der hant. Bietent gegen dem aide. Jrn geſchach nie ſo laide. Wan ſit daz yſenhart lach tot. Mier frvmt er herzen not. So ſtet div chvniginn gemal. Frav Bolacan ~~ſvuder~~ſvnder twal. Jn einem blachem ſæmit. Geſniten von ſwarzer varbe ſit. Daz wir div wafen kvͤren an in. Jr triwe an iamer hat gewin. Die ſtekent ob den porten hoch Fvͦr die andern æht vnſ ſvͦchent noch. Deſ chvͦnen Fridebrandeſ her. Die getauften von vber mer. Jeſlicher porte ein fvrſte phligt. Der ſich ſtriteſ vz bewigt. Mit ſiner banîere. Wir haben Gathſchiere. Gevangen einen graven abe. Der bivtet vnſ vil groze habe. Der iſt kaylettes ſweſter ſvn. Swaz vnſ der mach getvͦn. Daz mvͦz ie dierre gelten. Solhc gelvch chvmpt vnſ ſelten. Grvͦneſ angerſ wenich ſandeſ. Wol drîzich poyndier landeſ. Jſt zir gezelt von den graben. Da wirt vil manich tyost er haben. Disiv mer ſait im gar ſin wirt Ein ritter nimmer daz verbirt Ern chom dvrch tyoſtiern fvͦr Ob der ſin dienſt dort verlvͤr An ir. div in ſande her. Waz hvlfe in danne frechiv ger. Daz iſt der ſtolz Hvͤteger. Von dem mag ich wol ſprechen mer. Sit wir hie ſin beſezen. Daz ie der helt vermezen. Deſ morgenſ vil berait Vor der porte gein dem palaſ reit. Avch wart von dem chvͦnen man. Chlaynoͤdeſ vil gefv̂ret dan. Daz er durch vnſer ſchilde ſtach. Deſ man fvͦr groziv koſte iach. So iz die grogiere brachen abe. Er valt vnſ manigen ritter abe. Er lat ſich gerne ſchowen. Jn lobent avch vnſer frawen. Swen wip lobent der wirt bechant. Er hat den priſ ze ſiner hant. Vnd ſineſ herzen wunne. Nv het div mvͦde ſvnne. Jr liehten blich hin zi er geleſen. Deſ banichen mvͦz ein ende weſen der gaſt mit ſinem wirt reit. Er vant ſin ezen al bereit. Jch wil iv von ir ſpîſe ſagen. Div wart mit zvhten fvͦr getragen. Man diente im ritterlich. Div chvniginne rich. Chom ſtolzlich fvͦr ſinen ~~ticch~~tiſch. Hie ſtvͦnt der ræiger. dort der viſch. Si waſ durch daz hinz im gevarn. Vnd wold avch ſelbe daz bewarn. Daz man ſin phlege wol ze frvmen. Si waſ mit ivnch frowen chomen. Vnd chniet nider. daz waſ im leit. Mit ir ſelber hant ſi ſnæit. Dem ritter ſiner ſpiſe ein teil. Div frawe waſ ir gaſteſ geil. Si bot im ſin trinchen dar. Vnd phlach ſin wol. avch nam er war. Wie waſ gebærde vnd ir wort Ze ende an ſineſ tiſcheſ ort. Sazen ſine ſpilman. Vnd ander thalb ſin chapelan. Al ſchamende er an die frawen ſach. Harte blv̂chlich er ſprach. Jchn hon mich niht genietet. Alſ ir mirz frawe bietet. Mineſ lebenſ mit ſolhen eren. Ob ich ivch ſolde leren. So wer hivt ſa an ivch gegert. Deſ phlegenſ deſ ich wer wert Sone wert ir niht her ab geriten. Getar ich ivch deſ frawe biten. So lat mich inder maze leben. Jr habt mir eren ze vil gegeben. Si wolde avch deſ niht lazen. Da ſiniv chinder ſazen. Si bæte ſiv ezen vaſte. Daz bot ſi ze eren dem gaſte. Gar diſiv ivnch herrelin Waren holt der chvnigin. Dar nach div frawe niht vergaz. Si gienge avch do der wirt ſaz. Vnd deſ wip div burgravin. Jr becher ~~huͦbt~~huͦb div chvnigin. Si ſprach la dir enpholhen ſin. Vnſern gaſt div ere iſt din. Dar vmbe ich ivch gerne bæidiv man. Si nam vrlovb da fvͦr ſi dan. Aber wider fvͤr ir gaſt. Deſ herze trvͦch ir minne laſt. Daz ſelbe avch ir von im geſchach. Alſ ir avge vnd ir herze iach. Die mvͦſen mit ir phlihte han. Mit zvhten ſprach div frawe ſan. Gebietet herre ſweſ ir gert Daz ſchaf ich wan ir ſeitſ gewert Nv lat mich iwer vrlovb han. Wirt iv guͦt gemach getan. Deſ vrewen wir vnſ vber al. Gvldin waren ir cherzen ſtal. Vier lieht man vor ir dar vͦffe trvͦch Si reit avch da ſi vant genvͦch. Si azen avch niht lenger da. Der helt waſ travrich vnd fro. Er vrevt ſich daz man im bot. Ere. vnd twanch ein ander not. Daz waſ div ſtrenge minne. Div næiget hohe ſinne. Div wirtinne fvͦr an ir gemach. Dar nach vil ſchiere daz geſchach. Man bette dem helde ſan. Daz wart mit flize getan. Do ſprach der wirt ze dem gaſte. Nv ſvlt ir ſlafen vaſte. Vnd rvͦwet hînt deſ wirt iv not. Wan er den ſinen daz gebot. Si ſolden danne cheren. Deſ gaſteſ ivnch herren. Jr bette alvmbe daz ſine lach. Jr havpt dran wan er phlach. Da ſtvͦnden cherzen harte groz. Die brvnnen lieht den helt ver droz. Daz alſo lanch waſ div naht. Jn brahte diche in vm maht. Div ſwarze morinne. Deſ landeſ chvniginne. Er wande ſich diche alſam ein wid. Daz im er chrachten. gar div lid. Strît vnd minne waſ ſin ger. Nv wunſchet daz man in gewer. Sin herze gab von ſtozen ſchal. Wan iz nach ritterſchefte ſwal. Daz begvnde dem reken. Sîne brvſte bæide erſtrechen. Sam div ſenwe tvͦt daz armbrvſt Da waſ ze dræte ſin geluſt. Der ~~her~~herre ſvnder ſlafen lach. Vnz er erchoſ den graͦben tach Dern gab dannoch niht liehten ſchîn. Da wolde avch do bereit ſin. Ze der meſſe æin ſin kapelan. Der ſanch ſinem got. vnd im ſan. Man trvͦch ſin harnaſch dar ze hant. Er reit do er tyoſtiern vant. Do ſaz er ander ſtvnde. Avf ein orſ daz bæidiv chvnde. Hvͦrtichlichen dringen. Vnd ſnellichlichen ſpringen. Kerich ſo manz wider zoch. Sinen ancher avf dem helm hoch. Man gein der porten fvren ſach. Al da wip vnd man veriach. Sinen geſehen helt nie ſo wunnechlich. Jr got ſolden im ſin gelîch. Man fvͤrt avch groziv ſper da bi. Wie er gezimiert ſi. Sin orſ von yſen trvͦch ein dach. Daz waſ fvͦr dſleg deſ gemach Dar vfe ein ander deche lach. Ringe div niht ſwere wach. Daz waſ ein grvͦner ſamît Sin wafenroch ſin curſît. Waſ avch ein grvͦnez achmardi. Daz wart geworht da ze arabi. daran enlivge ich niemen. Sîne ſchilt riemen. Swaz der dar zu gehorte. Daz waſ ein vn verblichen porte. Mit geſtæine harte tiwer Gelevtert in dem fiwer. Waſ ſin bvkel. rot golt. Sin dienſt nam der minnen ſolt. Ein ſcherfer ſtrît in ringe wach Div chvniginne in dem venſter lach. Da pi ir ſazen frowen mer. Nv dort hielt avch hvͦteger. Alda im der priſ geſchach. Do er diſen ritter chomen ſach. Zv zim galopiern hie. Nv daht er wenne oder wie. Chom dirre franzoyſ indize lant. Wer hat den ſtolzen her geſant. Hiet ich den fvͦr einen more So wer min beſter ſin ein tore. Jedoch von ſprvngen niht beliben. Jr orſ mit ſporn ſi bediv triben. Vz dem walap in die rabîn. Si tatenſ riterſ ellent ſchin. Der tyoſt ein ander ſi niht lvgen. Die ~~ſprizel~~ſpriͤzel gein den ~~lvlften~~lvften flvgen. Von deſ ſtolzen hvͦtegereſ ſper. Avch valt in ~~valt~~ ſineſ ſtriteſ wer. Hinderz orſ avf daz graſ. Vil vngewon er deſ waſ. Er reit auf in vnd trat in nider. Deſ er holt er ſich diche wider. Er tet wêrlichen willen ſchin. Do ſtaht im in dem arme ſin. Div Gamvreteſ lanze. Deſ ieſch er vianze. Einen mæiſter fvnden. Wer hat mich vber wunden So ſprach der ſigeloſe man. Der ſigehaft ſprach do ſan. Jch pin Gamvret anſchevin. Er ſprach min ſicherhait ſi din. Die enphie er vnd ſande in in. Deſ mvͦſer vil gepriſet ſin. Von den frawen die daz ſahen Dort her begvnden nahen Von Normandie Gatſchier Ein ellent richer degen fîer. Der ſtarch tyoſtiwer Hie hielt avch der gehivr Gamvret ze der tyoſt bereit Sinem ſper waſ daz yſen bræit. Vnd der ſchaft veſte. Hie werten die geſte. Ein ander. vngelich iz wach. Gatſchier da nider lach. Mit orſ mit alle. Von der tyoſt valle. Wart er betwungen ſicherheit. Es wer im lieb oder leit. gamvret der wigant. Sprach. mir ſichert iwer hant. Div waſ mit ellenthafter wer Nv ritet gein der ſchoten her. Vnd bitet daz ſi vnſ verbern. Mit ſtrite. ob ſi deſ wellen gern. Vnd chompt nach mir in die .ſtat Swaz er gebot. oder gebat. Endhaft daz waſ getan. Die ſchotten mvͦſen. ſtriten lan. Do chom gevarn. kaylet Von dem kerte Gamvret. Wan er waſ ſiner mvͦmen ſvͦn. Waz ſolde er im do læideſ tvͦn. Der ſpnaniol rief im nach genvͦch Einen ſtruz er vͦf dem helme trvͦch Gezimieret waſ der man. Daz ich da von zeſagen han. In phelle wît vnd lanch. Daz gevilde nach dem chlanch. Sine ſchellen gaben gedoͤne. Er blvͦme an manneſ ſchone. Sin varwe an ſchone hielt den ſtrit Vnz an zwene die nach im wuͦchſen ſit Beacurſ Loteſ chint. Vnd Barcifal die duda niht ſint. Die waren dannoch vngeborn. Vnd wuͦrden ſit fvͦr ſchone erchorn. Gatſchier in bî dem zvͦme nam. Jwer ~~wide~~wilde wirt vil zam. daz ſag ich iv avf die triwe min Vnd beſtet ir den anſchvin. Der mine ſicherhait dort hat. Nv ſvlt ir merchen minen rat. Vnd dar zv herre mine bet. Jch han geheizen Gamvret Daz ich ~~iuch~~ivch alle wende. Daz lobt ich ſiner hende. Durch mich lat iwer ſterben ſin. Er tuͦt iv chraft an ſtrite ſchin. Do ſprach der chvnich kaylet. Jſt daz min neve Gamvret. Fil li Royſ Gandin. Mit dem laz ich min ſtriten ſin. Lat mir dēn zvͦm ich laz iv ſin niht. E min avge alreſt erſiht. Jwer blozez havbt Daz mine iſt mir betavbt. Den helm er im her abe do bant. Gamvret niht mer ſtriteſ vant. Ez waſ wol miter morgen do. Die von der ſtat da waren fro. Die diſe tyoſt erſahen. Die begvnden alle gahen. An ir werlich leze. Er waſ vor in ein neze. Swaz da rvnder chom daz waſ beſlagēn rvnder: über v befindet sich ein ganz zart - vll. mit Bleistift - eingetragenes o. Ein ander orſ ſvſ hort ich ſagen. Dar vͦfe ſaz der werde. Daz flavch vnd rvͦrte die erde. Gereht ze bæiden ſîten. Chvͦne do man ſolde ſtriten. Verhalden vnd dræte. Waz er dar vͦfe tete. Deſ mvͦz ich im fv̂r ellent iehen. Er reit da in moren mvͦſen ſehen. Al da ſi lagen mit ir her. Weſter halb dort an dem mer. Ein fvrſte Razalich da hiez. Dehainen tach er nimmer liez. Der rich iſt von azagavch. Sin geſlehte in daran niht travch. Von chvnigeſ frvht waſ ſin *artart. Der kerte immir dane wart. Dvrch tyoſtiern fvr die ſtat. Da tet ſiner chreft mat. Der. helt van anſchawe. Daz chlagt ein ſwarziv frowe. Div in het dar geſant. Daz da iemen vber want. Ein chnape der bot ſvnder bet Sinem herren Gamvret. Ein ſper dem waſ ſin ſchaft ein ror. Da mit ſtach er dem mor. Hinderz orſ auf den griez. Niht lenger ern ligen liez. Jn entwunge ſicher*ſicherheit ſin hant. Do waſ daz vrlivge gelant. Vnd im ein grozer priſ geſchehen. Gamvret begvnde ſehen aht vanen ſweimen gein der ſtat. Die er vil palde wenden pat. Den chvͦnen ſigloſen man. Dar nach gebot er im ſan. Daz er cherte nach im in. Daz tet er wan iz mvͦſe ſin. Gatſchier ſin chomen niht verbîrt An dem inne wart der wirt. Daz ſin gaſt waſ chomen vz. Daz er niht yſen alſ ein ſtrvͦz Vnd ſtarche flinſe verſlant Daz machet daz er niht vant. Sin mvnt begvnde limmen. Als ein lev brinnen. Do brach er vz ſi æigen. har Er ſprach nv ſint miniv iar Nach grozer tvmpheit bewant. Die goten heten mir geſant. Einen chvͦnen werden gaſt. Jſt er verladen mit ſtriteſ laſt i ii ~~xST zwival herzen nachgebv̂r~~ : Mit Blatt 9r beginnt die 2. Lage der Handschrift. War diese möglicherweise ursprünglich oder fälschlich als 1. Lage geplant? ~~Ja iſt geſmehet vnd gezieret.~~ ~~vnd verzagt mannes muͦt.~~ ~~Der mach dannoch weſen gayl.~~ Son wil ich nimmer werdēn wert. Waz tavgt mir ſchilt vnd ſwert Er mach mich ſchelten ſwer michſ man. Do cherte er von den ſinen dan. Gein der porten er vaſte rvͦrte. Ein chnappe im wider fvͦrte. Einen ſchilt innen vnd avzen daran. Mal alſ ein durch ſtochen man. Geworht in yſenharteſ lant Einen helm fvͦrt er ander hant. Vnd ein Razalicheſ ſwert. Dvrch ellent braht in den wich. Da waſ er von geſchæiden. Der chvͦne ſwarze heiden. Sin lob waſ virrich vnd wit. Starb er ane tavfe ſit. So erchenne ſich vber in der helt palt Der maniger wunder hot gewalt. Do der pvrgrave daz erſach. So reht lieb im nie geſchach Div wafen er erchande Hin avz der portn er rande. Sinen gaſt ſach er dort halden. Den ivngen niht den alten. An gernde ſtritlicher tyoſt. Do nam in Lafilaroſt. Sin wirt. vnd zoch in vaſte wider Er ſtach do mer deheinen nider Lafilaroſt ſchathelachvnt. Sprach herre ir ſvlt mir machen. chvnt. Hat betwungen iwer hant. Razaligen. vnſer lant. Jſt champheſ ſicher immer mer. Er iſt ob allen moren her. Deſ getriwen yſenharteſ man. ~~Daz moͮz der ſele werden ſv̂r~~ ~~Swa ſi parrieret~~ ~~Als aglſt tuͦt~~ Die vnſ den ſchaden habnt getan. Sich hot verendet vnſer not. Ein zornich got in daz gebot Daz ſi vnſ ſvhten mit ir her. Nv iſt entſchvmphiert ir wer Er fvrte in in. daz waſ im leit. xiv chvnigin im bider reit. Sinen zovm ſi mit ir hant. Si enſtrihte der phinteilen bant Der wirt in mvͦſe lazen. Sine knapen niht vergazen. Si cherten vaſte ir herren nach. Dvrch die ſtat man fvͦren ſach. Jr gaſt div chvniginne wiſ. Der da behalten het den priſ. Si erbæizte al da ſiſ dvhte zit. Awi wie getriwe ir chnapen ſit Jr wenet verlieſen diſen man. Jm wirt ane ivch gemach getan. Nempt ſīn orſ vnd fvͤrt iz hin. Sin geſelle ich hie pin. Vil frawen er dort avfe vant Entwafēnt mit ſwarzer hant. Ward er von der chvnigin. Ein dechlachen zobelin. Vnd ein bette wol geheret. Dar an im wart gemeret Ein heinlichiv ere. Al da waſ niemen mere. Jv̄nch frowen giengen fvͦr Vnd ſlvzen nach in die tvͦr Do phlach div chvniginne Einer werden ſvͦzen minne. Vnd Gamvret ir herzen trvͦt Vngelich waſ doch ir zweier hvͦt xi prahten opherſ vil ir goten. Den von der ſtat waſ geboten. Dem chvͦnen Razalige Do er ſchiet von wige Daz leiſt er dvrch ſin triwe Doch waſ ſin iamer niwe. Noch ſinem herren yſenhart Do der pvrgrave deſ inne wart Daz er chom do wart ein ſchal. Dar chomen die fvrſten vber al. Der chvniginne von zazamanch. Vnd ſagten im deſ priſeſ danch. Den er het alda bezalt. Ze rehter tyoſt het er ervalt. Vier vnd zweinzich ritter nider Vnd zoch ir orſ al maiſte wider Da waren gevangen fvrſten dri. Den reit manich ritter bi. Ze hove auf den palaſ. Enſlafen vnd en bizen waſ. Vnd wunnechlich gefeit Mit chleidern wol bereit. Waſ deſ hoſten wirteſ lip Div ê waſ magt div waſ nv wip. Div in her vͦz fvrt an ir hant. Si ſprach min lip vnd min lant. Jſt diſem ritter vnder tan. Ob iz im veinde wellent lan Do wart gevolget Gamvret. Einer hvͦfſlichen bet. xet naher min RHer Razalic. Jr ſvlt kvſſen min wip. Sam tvͦt ir min her Gatſchier Hvͦteger den ſchotten fîer. Bat er ſi kvſſen an ir mvnt. Der waſ von ſiner tioſt wunt. Er bat ſi alle ſizen. Stende ſprach er mit witzen. Jch ſehc avch gern den neven mīn. Moht iz mit ſinen hvlden ſin. Swer in hie gevangen. hat. Jchn hanſ von ſippe dehæinen rat. Jch mvͦz in ledich machen. Div Chvnigin begvnde lachen. Si hiez balde nach im ſpringen. Dort her begvdne dringen. Der minnechlich Beacvnt Der waſ von riterſchefte wunt. Vnd hz avch do vil gvͦt getan. Gatſchier der Norman. Braht in er waſ cvrtoyſ. Sin vater waſ ein franzoyſ. Vnd waſ kayleteſ ſweſter ~~ſvͦn.~~barn. Jn wibeſ dienſt er waſ gevarn. Er hiez kyliriacac Aller manne ſchone er wider wac. Do in Gamvret er ſach. Jr antlvze ſippe iach. Div waren ein ander vil gelîch. Er bat div kvniginne rîch. xn kvſſen vnd vahen zvͦ ir. Er ſprach nv ginch avch her zmir. Der wirt in kvſte ſebe do. Si waren zeſehn ein ander fro. Gamvret ſprach aber ſan. Awe ſvͦzer ivnger man. Waz ſolde her din chrancher lip. Sag an gebot dir daz ein wip. Die gebietent herre wenich mir. Mich hat min veter Gatſchier. Her braht er weiz wol ſelbe wie. Jch han im tvͦſent ritter hie. Vnd ſtan im dienſtlichen bi. Ze rvͦm in Normandi. Chom ich ze ſamenvnge. Jch braht ich im helde ivnge. Jch fvͦr von tſcampanie durch in. Nv wil chvnſt vnd ſin. Den ſchaden an in keren. Jrn weld ivch ſelben eren. Gebietet ſir ſo lat in mîn. Geniezen. ſenft im ſinen pîn. Er ſprach den rat nim gar zv dîr Var dv. vnd min her Gatſchir. Vnd bringet mir kayleten her. Do wurben ſi deſ heldeſ ger. Si brahten in ſo noch ſiner bet. Do wart er avch von Gamvret. Vil minnechlich en phangen. Vnd dich vmbe vangen xon der chvniginne rich. Div kvſte den degen minnechlich. Si moht iz wol mit eren tvͦn. Er waſ ir manneſ mvͦmen ſvͦn Vnd von art ein chvnich her. Der wirt ſprach lachende mer. Gote weiz her kaylet. Ob ich iv neme dolet. Vnd iwer lant ſpanîe Dvrch den chvnich von Gatſanîe Der iv diche tvͦt mit zorneſ gir. Daz wer ein vngefvͦge an mir. Jr ſit doch miner mvͦmen chint Die beſten. gar mit iv hie ſint. Der riterſchefte herte. Wer twang ivch dirre verte. Do ſprach der ſelbe degen ivnch. Mir gebot min veter ſchiltvnch. Deſ toht*tohther Fridebrant do hat. Daz ich im dient daz wer ſin rat Er hat von ſinem wibe. Hie von min eineſ libe. Sehſ tvͦſent ritter bol bechant. Die tragnt werliche hant. Hie waſ avch ritter mer durch. in. Der iſt ein teil geſcheiden hin. Hie waren dvrch den ſchoten. Die werlich rotten. Hie waſ won grvͦne landen. Helde ze den ~~land~~handen. xwene chvnge mit grozer chraft. Die flvͦt von der riterſchaft. Si fvͦrten vnd manigen kiel. Jr rote mir vil wol geviel. Hie waſ avch Morholt dvrch in. Deſ ſtrît hat chrafft vnd ſin. Die ſint nv hin gecheret. Swie mich min. frowe leret Alſo tvͦn ich mit den minen. Min dienst ſol ir erſchêinen Dv darft mir dienſteſ danchen niht. Wan ez div ſippe ſvſ ver giht. Die frechen helde ſind nv din. Wæren ſi getavfet ſam di min. Vnd ander hevte nach in getan. So wart gechronet nie dehein man. Er hiet ſtrîteſ von indir genvͦch Mich wundert waz dich her ver trvͦch Daz ſag mir reht vnd wie. Jch chom geſter. hivt pin ich hie. Vor dem her vber daz lant. Mich viench div chvnigin mit ir hant. Do wert ich mich mit minnen. Svſ rieten mine ſinne. Jch wene dir hat din ſvͦzev wer. Betwungen bedenthalp div her. Dv mæineſt dvrch daz ich dir entran. Vil vaſte riefe dv mich an. Waz woldeſt an mir er twingen. La mich ſus mit dir dingen. xa erchande ich niht den ancher din. Miner mvͦmen man Gandin. Hat in gefvͦret ſelten vz. Do erchande aber ich wol dinen ſtrvz. Andem ſchilde ein ſarapandrateſt. Din ſtrvͦz ſtvͦnt hohe ſvnder neſt Jch ſach an diner gelegenhâit. Dir waſ div ſicherheit vil leit. Die mir taten zwene man. Die hetenz da vil guͦt getan. Mir liht alſam geſchehen. Jch wil deſ einem tievel iehen. Deſ fvͦre ich nimmer wider fro. Hiet er den priſ behalten do. An frechen helden ſo den lip. Fvͦr zvker ezen in div wip. Dem mvnt mit lobeſ ze vil vergiht. Nein ichn chan geſmæichen niht. Nim ander miner helfe war. Si riefen Razalige dar. Mit zvhten ſprach do kaylet. Hat ivch min neve Gamvret Mit ſiner hant gevangen. Herre daz iſt ergangen. Jch han den helt da fvͦr erchant. Daz im azagavch daz lant. Mit dienſt nimmer wirt verſpart. Sit vnſer herre yſenhart. Da niht chrone ſolde tragn. Jn ir dienſt er wart erſlagen. xiv nv iſt iwerſ neven wip. Vmbe ir minne er gab den lip. Daz hat min chvſ an ſi ~~verl*n~~verkorn. Jch herren vnd maͦch verlorn. Wil nv iwer mvͦmen ſvͦn. Rittirliche fvͦr tvͦn. Daz er vnſ wil ergezen ſin. So valde ich im die hende ~~ſin.~~min. So hat er richeit vnde pris. Vnd al da mit Tanchanis. Yſenharten ge erbet hat. Der gebalſet indem her dort ſtat. Alſ ich ſine wunden ſach. Sit im daz ſper ſin herze brach. Daz zoch er avz dem bvͦſem ſin. An einer ſnvͦr ſydin. Hin wider hiez der helt ſnel. Fvͤr ſine brvſt an ein blozez vel. Ez iſt noch wol mitter tach. Wil min herre kyliriacach. Jns erwerven alſ ich in bite. So ritent in die fvrſten mit. Ein vingerlin er ſande dar. Die nach der helle waren gevar. Die chomen ſwaz fvrſten waſ Dvrch die ſtat avf den palas. Da lech mit vanen hin ſin hant Von azagovch der fvrſten lant. Jeſlicher waſ ſineſ orteſ gæil Jedoch beleip der bezer tæil. xAmvret ir herren. Die ſelben waren die erren. Naher drvngen die von zazamanc. Mit grozer fvͦre niht zechranch Si enphiengen alſ alſ ir frowe hiez. Von im ir lant vnd deſ geniez. Alſ iſlecchen an gezoch. Div armvͦt ir herren floch. Nv het Portizalas Der von arte ein fvrſte waſ. Lazen ein herzogntvͦm Daz lech er dem der mangen rvͦm Mit ſiner hant beiagte. An ſtrite er nie vezagte. Lafilliroſt ſchatecunt. Nam ez mit vanen ſa zeſtvnt. Von azagavch die fvrſten her. Namen die ſchoten hvͦteger. Vnd Gatſchiern den Norman. Sie giengen fvͦr ir herren. ſtan. Der lie ſi ledich dvrch ir bet. Deſ danchten ſi do Gamvret Hvͦtegern den ſchotten. Si baten in ſvnder ſpotten. Lat minen herren diz gezelt Hie vmb aventiwer gelt. Ez zvchte vnſ yſenhartes leben. Daz fridebrande wart gegeben. Div gezierde vnſerſ landeſ. Sin frevde div ſtvnt phandeſ. xr ſtet hie ſelbe nach andem re. Vnv̉ergolten dienſt im tet ze we. Auf erde niht ſo guͦteſ waſ. Der helm von art ein adamaſ. Diche vnde herte. An dem ſtrite ein gvͦte geverte. Nv lobt hvͦtegerſ hant Swenne er chom in ſinſ herren lant. Daz erz wolde erwerben gar. Vnd ſenden wider wol gevar. Daz tet er vnbetwungen. Nach urlovbe drvngen Ze dem chvnige ſwaz do fvrſten waſ. Do rovmten ſi den palas. Swie gar verwæiſet wer ſin lant Doch chvnde Gamvreteſ hant. Swenchen ſolher gabe ſolt. Sam alle die pavme trvͦgen golt. Er teilte groze gabe. Sine man ſine mage. Namen von im deſ herren gvͦt Daz waſ der chvniginne mvͦt Der brvͦfte hoh gezit. Het da vor mangen ſtrit. Die wurden ſvſ ze ſvͦne braht. Jch han mirſ ſelbe niht gedaht. Man ſagt mir daz yſenhart. Chvnichlich beſtatet wart. Daz taten die in er chanden. Den zinſ von ſinen landen. Swaz der vergelten moht ein iar. Den ſelben liezenſ im dar gar. Daz totenſ vmbe ir ſelber mvͦt Gamvret daz groze gvͦt. Sin volch hiez behalden. Die mvͦſenſ ſvnder walten. Deſ morgenſ vor der veſte. Rovmptenz da die geſte. Sich ſchieden die da waren. Vnd fvͦrten mange baren. Daz velt ſtvͦnt herberge albloz. Wand ein gezelt das waſ vil groz. Daz hiez der chvnich zu ſchiffe tragn. Dem volch er do begvnde ſagn. Er wolde iz in azagovch. Mit der rede er ſi betravch. Do waſ der chvͦne ſtolze man. Vnz er ſich vaſte ſenen began. Daz er niht riterſchefte vant Deſ waſ ſin frevde ſorgen phant. Jedoch waſ im daz ſwarze wip. Lieber denne ſin ſelbeſ lip. Ez wart nie wip geſchiket baz. Der frowen herze nie vergaz. Jm fvͤr ein werdev volge mit. An rehter chevſche weiplich ſit. Ze ſibilie avz der ſtat Waſ geborn den er bat Dan cherenſ ze einer wîle. Er hat in mange mîle. xa vor gefvͦret er braht in dar Er waſ niht alſ ein mor gevar. Der morner wîſe Sprach ir ſvlt iz heln lîſe Var den die da tragnt daz ſwarze vel. Mine chochen ſint ſo ſnel. Sine mvgen vnſ niht genahen. Wir ſvln von hinne gahen. Sin golt hiez er ze ſchiffe tragn. Nv mvͦz ich iv von ſchaiden ſagn. Die naht fvͦr dan der werde man. Daz wart verholn getan. Do er entran dem wibe. Do het ſi inir libe. Zelwf wochen lemtich ein chint. Vaſte ment in dan der wint. Div frowe inir bevtel vant. Einen brief den ſchreib ir manneſ hānt En franzoyſ daz ſi chvnde. Div ſchrift ir ſagn begvnde. Hie enbivtet lieb einēn ander lieb. Jch pin dirre vert ein diep. Die mvͦz ich dir dvrch iamer ſteln. Jch mach dich frowe nih verheln. Wer din orden in miner .ê. So wer noch dir immer we. Jch han ſvſ immer noch dir pin. Wer vnſer zweier chindelin. An dem antlvze einem mān gelich. Deſwar der wirt ellent rich. xr iſt geborn von anſchawe. Div minne wirt ſin frowe So wirt aber an ſtrite ein ſchvre. Den veinden ein herter nahgebvr. Wizen ſol der ſvn min. Sin en der hiez Gandin. Der lach an riterſchefte tot. Deſ vater leit die ſelben not. Der waſ geheizen Adanz. Sin ſchilt beleib vil ſelten ganz. Vnde waſ von art ein britvͦn. Er vnde utpandragv̂n. Waren zweier prvͦder chint. Die beide al hie geſchriben ſint. Daz waſ einer Lazaliez. Bricvrſ der ander hiez. Der zweier vater hiez mazadan. Den fvͦrte ein femvrgan. Div hiez div ~~Dalaſ~~Dalahſoy. Er waſ ir herzen poy. Von in zwein chom daz geſlehte min Daz immer geit liehten ſchîn Jeſlicher ſin chrone trvͦch Vnd heten werdicheit genvͦch Frowe wil dv tavfen dich. Dv maht avch noch erwerben mich Deſ engert ſi deheinen wandl niht. Awe wie balde daz geſchiht. Wil er wider wenden. Vil ſchier ſol ichz enden. xem hat ſin menlichiv zvht. Ver lazen hie ſine frvht. Awe lieplich geſelleſchaft. Sol mir nv riwe vnde ir chraft. Jmmer twingen. minen lip. Sinen goten zeren ſprach daz wip. Jch mich gerne tavfen ſolde. Vnde leben ſwie er wolde. Der iamer gab ir herzen wic. Jr frevde vant den dvrren zwic. Alſ noch div tvrteltavbe tvͦt Div het ie den ſelben mvͦt. Swenn ir an ir travtſchaft gebraſt Jr triwe choſ einen dvrren aſt. Div frowe an rehter zit genaſ. Einſ ſvnſ der zweier varbe waſ. An dem got wunderſ wart en ein. Weiz vnd ſwarzer varwe erſchein. Div chvnigine chvſt in ſvnder twal. Vil dich an ſiniv blanchen mal. Div mvͦter hiez ir chindelin. Feirefiz anſevin. Der wart ein walt ſwende. Die tyost ze ſiner hende. Vil manich ſper zebrachen. Die ſchilde dvrch ſtochen. Alſ aglſter wart gevar. Sin har vnd avch vel vil gar. Nv waſ ez vber deſ iareſ zil. Daz Gamvret gepriſet vil xaſ von den zazamanch Sin hant da ſignvft erranch. Dannoch ſwebt er avf dem ſe. Die ſnelle winde im taten we. Einen ſydinen ſegel ſach roten Den trvͦg ein choche vnde die boten Die von ſchotten fridebrant. Fravn belacanen het geſant. Er bat daz ſi avf in ver kvr Swie maͦch dvrch ſi verlvͦr Daz ſi von im geſvͦchet waſ. Da fvͦrten den adamaſ. Ein ſwert. einen halſperch zwo hoſen. Hie mvgt ir grozeiv wunder loſen. Daz im der choch wider fvͦr. Alſ mir div aventiwer ſwuͦr. Si gabenz im do lobt avch er. Sin mvnt der botſchefte ein wer. Wer. ſo er wider chom zir. Si ſchieden ſich man ſagt mir. Daz mêr in trvͦge in ein habe. Ze ſibilie chert er drabe. Mit golde galt der chvͦne man. Sinen marneren ſan. Vil harte wol ſin arbeit. Si ſchieden daz dem læit. xeſpanie indem. lande. Den chvnich er erchande. Daz waſ ſin neve kaylet Nach dem cherte er zedolet. Er waſ nach riterſchaft gevarn. Da man niht ſchilde dorfte ſparn. Da hiez avch er bereiten ſich. Svſ wert div aventiwer mich. Mit ſpern wol gemalen. Von grvͦnen zendalen. Jeſlicher het ein banier. Dri hermîn ancher fier Daz man iach fvͦr richeit. Si waren lanch vnde breit. Vnd ræichten vaſte vnz avf die hant. So manſ ze deſ ſperſ yſen bant. Da nider halb ein ſpanne. Der wart dem chvͦnen manne. Hvndert do beraitet. Vnde wol hin nach geleitet. Von ſineſ neven livten. Eren vnde travten. travten:Über r befindet sich ein c, dessen Sinn nicht zu erschließen ist. Begvnden ſi in mit werdecheit. Daz waſ ir herren niht zeleit. Er ~~strich~~streich ichn weiz wie lange nah Vnz er geſt herbergen ſach. Jndem lande ze waleiſ. Do waſ geſlagn vor convaleiz. Manich pavilv̂n avf die plane. Jchn ſag ez niht nach wane. Gebietet ir ſo iſt ez war. Sin volch hiez er auf halden gar. Der herre ſande vor in in. Den chlvͦgen chnappen mæiſter ſin. xr ſolde alſ in ſin herre bat. Herberge nemen inder ſtat. Do waſ im ſnellichen gach. Man zoch im ſavmere nach. Sin avge ninder hvſ da ſach. Schilt waſ ſin ander dach. Vnd die ~~hende~~bende alſam behangen. Mit ſpern gar vmbe vangen. Div chvniginne von waleiſ. Geſprochen het ze kanvoleiz. Einen tvrnei ſo gezilt. Deſ noch mangen zagen bevilt. Swa er dem gelich werben ſiht. Von ſiner hant ez niht geſchit Si waſ ein magt niht ein wip. Div bot zwai lant vnd ir lip. Swer da den prîſ bezalte. Dize mer manich valte. Hinderz orſ auf dem ſamen. Die ſelich gevelle namen. Der ſchanz wart ze flvſt geſagt. Deſ phlagen helde vnverzagt. Si taten riterſ ellent ſchin. Mit hvrtichlicher rabin. Wart do manich orſ erſprenget. Vnd ſwert vil erchlenget. Ein ſchif brvk an ein plan. Gie vber ein wazerſ tran. Mit einem. tor beſlozen. Der chnappe vnverdrozen. Setz vf alſ im zemvͦte waſ Setz: Das S ist zwar "fett" hervorgehoben, füllt aber nicht die zwei für die Initiale ausgesparten Zeilen. Dar obe ſtvnt der palaſ. Vnd ſaz div chvniginne. Ze den fenſtern dar inne. Mit mangen ſchonen frawen. Die begvnden ſchawen. Waz diſe chnappen tæten. Si heten ſich beraten. Vnd ſlvͦgen vf ein gezelt. Vmbe vnvergolten minne gelt. Wart e*ez ein chvnich ane. Deſ twanch in Belacane. Mit arbeit wart vf geſlagn. Daz drizech ſavmer mvͦſen. tragn. Ein gezelt daz bezæigt richeit. Do waſ der plan wol ſo breit Daz ſich die ſnvͦre ſtracten dran. Gamvret der werde man. Die ſelben zit dort vz er beizt Da nach er ſich mit flize fleiz. Wie er hvbſlich chome geriten. Deſ en wart do lenger niht gebiten. Sine chnappen an den ſtvnden. Siniv ſper zeſamene bvnden. Jeſlicher fvmfiv an ein bant. Daz ſehſte fvͦrt er an der hant Mit einer baniere. Svſ gevarn chom der fiere. Vor der chvniginne wart vernomen. Wie ein gaſt dar ſolde chomen. xz verrem lande Den niemen da er chande. Sin volch daz iſt cvrtoyſ. Beidiv haidenſ vnde franzoyſ. Etſlicher mach ein anſchvin. Mit ſiner ſprach ie doch wol ſin. Jr mvͦt iſt ſto*ſtolz ir wat iſt clar. Wol geſniten al fvr war. Jch waſ ſinen chnappen bi. Die ſint vor miſſewende fri. Vnde iehnt ſwer habe gervͦche Ob er ir herren ſvͦche. Den ſcheide er von ſwere. Von im fragt er der mere. Do ſagtn ſi mir ſvnder wanch. Ez wer der chvnich von zazamānch. Div mêr ſagt ein garzvͦn. Awi welch ein pavilvn. Ewer chrone vnde ewer lant. Weren da fvr niht halbez phant. Dv darft mir ſo lonen niht. Min mvnt hin wider dich deſ giht. Ez mach wol ſin æineſ werden man. Der niht armvͦte chan. Alſo ſprach div chvnigin. Awe wenne chumt er ſelbe drin Jr garzvn ſi deſ fragen bat Hvbſlichen durch die ſtat. Der helt begvnde treken Die ſlafenden we*wechen. Vil ſchilde ſach er ſchinen. Vil: Die Initiale V ist zwar durch "Fettschreibung" hervorgehoben, erstreckt sich aber nicht über die dafür vorgesehenen zwei Zeilen. Die hellen bvſinen. Vor im mit chrache gaben doz. Mit wuͦrfen vnd von ſlegen groz. Zwene tambvren *gaben ſchal. Der galm al dvrch die ſtat er hal. Der don iedoch gemiſchet wart. Mit floytiern avf der vart. Ein ræiſ not ſi blieſen. Nv ſvl wir niht verlieſen. Wie er her chomen ſi. Dem riten fidelere bi. Do leit der degen wert. Ein bein fvr ſich avf daz phert. Zwene ſtival vber blozez ~~vel.~~bein. Sin mvnt alſ ein rvbin ſchein. Vor rote alſ er brvnne. Er waſ diche vnde niht zedvnne. Sin lip waſ allenthalben chlar. Lieht raideloht waſ ſin har. Swa manz vor dem hvͦte ſach. Der waſ ein tiwr havbt dach. Grvͦne ſamit waſ der mandel ſin. Ein zobl der gab vor ſwarzen ſchin Ob einem hemede daz waſ blanch. Von ſchawen wart do groz gedranch. Vil diche do gevragt wart. Wer wer der ritter ane bart. Der fvrte al ſolhe richeit. Vil ~~ſcier~~ſchier wart daz mer breit. xi ſagtenz im fvr vngelogn. Do begvndenſ vber die bvrge zogen. Von dem liehten ſchine. Der von der chvniginne erſchein. Dv zvht er neben im ſin bein. Reht alſ ein vederſpil daz gert. Vf rihte ſich der degen wert. Div herberge dvht in gvͦt. Alſo ſtvͦnt deſ heldeſ mvͦt Si dolte avch div wirtin. Von waleiſ div chvnigin. Nv frieſch der chvnich von ſpanie Daz vf der lewe planie. Stvͦnde ein gezelt daz Gamuret. Dvrch deſ chvͦnen Razaligeſ bet Beleip vor patelamvnt. Daz tet im ein riter chvnt. Do fvͦr er ſpringende alſ ein tier. Vnde waſ der frevden ſoldier. Der ſelbe ritter aver ſprach. Jwer mvͦmen ſvn ich ſach. Chomende alſ er ie waſ fier Ez ſint hvndert. banier. Ze einem ſchilt vf ein grvͦne velt Geſtozen fvr ſin hoh gezelt. Die ſint avch alle grvͦne. Avch hat der helt chvͦne. Dri hermin ancher lieht gemal Vf iſlichem zendale. Jſt er gezimiert hie. Awe ſo ſol man ſchawen wie. Sin lip den poyndir irret. Wie erz mit hvrte wirret. Der ſtolz chvnich Bardiz. Der hat mit zorne ſinen vliz. Nv lange vaſte an mich ge want. Den ſol die Gamvreteſ hant. Mit ſiner tioſt naigen. Min ſelde iſt niht der veigen. Sine boten ſande er ſan. Da Gatſhier der Norman. Mit grozer meſſeneie lach. Vnd der liehte kyliriacach. Die waren da dvrch ſine bet. Ze dem pavilvn ſi mit kaylet Fvren mit geſelleſchaft. Do enphiengen ſi dvrch liebe chraft. Den werden chvnich von zazamanch. Si dvht ein beiten gar zelanch. Daz ſi in niht ê geſahen. Deſ ſi mit triwen iahen. Do vragt er ſi der mere. Wer da ritter were. Do ſprach ſiner mvͦmen chint. Vz verren landen hie ſint. Ritter die div minne iagt. Vil chvͦner helde vnverzagt. Hie hat mangen britvn. Royſ utpandragvn. xin mêr in ſtichet alſ ein dorn. Daz er ſin wip hat verlorn Div artvſeſ mvͦter waſ. Ein phaphe der wol zvber laſ. Mit dem div frowe iſt hin gewant Dem iſt artvſ nach gerant. Ez iſt nv indem driten iar. Daz er ſvn vnde wip verloſ vurwar. Hie iſt avch ſiner tohter man. Der wol mit riterſchefte chan. Lot von Norwege. Gein valſcheit der trege. Vnd der ſnelle gein dem priſe. Der chvͦne helt wiſe. Hie iſt avch Gawan*Gawan ſvn. So chranch daz er niht mach getvͦn Riterſchaft deheine. Er waſ pi mir der chleine. Vnde giht moht er einen ſchaft. Zebrechen vn̄de troſt in deſ ſin chraft. Er worhte gerne riterſ tat. Vil frv eſ ſin ger begvnnen. hat. Hie hat der chvnich patrigalt. Von ſpern einen grozen walt. Deſ fvͦr iſt wider den ein wint. Die von portigal hie ſint. Die heizen wir die frechen. Die wellent dvrch ſchilde ſtechen. Hie habnt die provenzale. Schilde wol gemale. xaz ſi behabten ir reiſe. Hie ſint die waleiſe. Dvrch den poynder ſiſ gernt. Von der chraft ir landeſ wernt. Hie iſt manich ritter durch div wip. Deſ niht erchennen mach min lip. Wan die ich dir hie benennen chan. Wir ligen mit warheit ſvnder wan. Mit grozer fvre inder ſtat. Alſ vnſ div chvnigine bat. Jch ſag dir wer ze velde ligt Die vnſer wer vil ringe wigt. Der werde chvnich von aſchalvn. Vnd der werde chvnich von arragvn. Do iſt zitegaſt von orileiſ. Vnd der chvnich von pvntvreiſ. Der heizet Brandlidelin. Do iſt avch der chvͦne Lehelin. Do iſt Morholt von Jerlant. Der brichet ab vnſ div geben phant. Da ligent vf der planîe. Die ſtolzen almanîe Der herzoge von Brabant. Der iſt geſtrichen in dize lant. Dvrch den chvnich hardiezen. Sine ſweſter aliezen. Gab im der chvnich von aſcon. Sin dienſt hot vor enphangen. lon. Die ſint mit zorn hie gein mir. Nv ſol ich vil wol getrawen dir. Gedenche an die ſippe din. G: Das G ist zwar "fett" hervorgehoben, beansprucht aber nicht beide ausgesparten Zeilen. Dvrch rehte liebe warte. min. Do ſprach der chvnich von zazamanch. Dvne darft mir wizen dehæinen danch. Swaz dir min dienſt ze ern tvͦt Wir ſvln haben ein mvͦt Stet din ſtrvz noch ſvnder neſt. Dv ſolt den ſarpandrateſt. Gein ſinem halben griffen tragen. Min ancher vaſte wirt geſlagen. Dvrch lenden in ſinſ poyndir hvrt. Er mvͦſe ſelbe ſvͦchen fvrt. Hinder dem orſ avf dem grieze. Der vnſ ~~zesumene~~zesamene lieze. Jch valte in oder er valte mich. Deſ wer ich an den triwen dich. Kaylet ze herbergen reit. Mit grozen frævden ſvnder lâit. Sich hvͦb ein groyern. Von zwein helden fieren. Von Poytowe Tſchielarz. Vnd Gvrnamanz der Graharz. Die tyoſtiertn auf der plan. Sich hvͦb div veſperie ſan. Hie riten ſehſ. dort wol dri. Den fvͦr vil liht ein tropel bi Si begvnden rehter riterſ tat. Deſ enwaſ ot do deheinander rat. Ez waſ dannoch wol miter tach. Der herre in ſinem gezelt lach. Do frieſch der chvnich von zazamanch. D: D ist zwar "fett" hervorgehoben, erstreckt sich aber nicht über zwei Zeilen. Daz die poynder wit vnd lanch. Ze velde waren worden. Al nach riterſ orden. Er hvͦp ſich avch deſ endeſ dar Mit maniger banier liht gevar. Er chert ſich niht an gehez ſehen. Er wolde mvͦzlichen erſehen. Wie ez zebeder ſite da were getan. Sinen tepich leit man im avf den plan. Do ſich div poȳnder wurren. Vnd div orſ von ſtichen chvrren. Von chnappen wart vmb in ein rinch. Da pi von ſwerten chlinga chlinch. Wie ſi nach priſe rvngen. Der chlingen alſuſ chlvngen. Von ſpern waſ groz chrachen. da. Ja en dorft niemen vragen wa. Poynder waren ſine wende. Die worhten riterſ hende. Div riterſchaft ſo nahen waſ. Daz die frowen avf den palaſ. Sahen der helde arbeit. Do waſ der chvniginne leit. Daz ſich der chvnich von zazamanch. Bi den andern da niht en dranch. Si ſprach owe war iſt er chomen. Von dem ich wunder han vernomen. Ez wart harte guͦt getan. Von manigem chvͦnem armēn man. Iie doch der hohe gertten niht. I: I ist zwar "fett" hervorgehoben, erstreckt sich aber nicht über zwei Zeilen. Deſ der chvniginne zil vergiht. Jr libeſ noch ir lande. Si gerten anderre phande. Nv waſ ovch Gamvreteſ lip. Jn harnaſche daz ſin wip. Wart einer ſvͦne bi gemant. Daz ir von ſchoten Fridebrant Ze gelde ſande fvr ir ſchaden Mit ſtrite het er ſi verladen. Vf erde niht ſo guͦteſ waſ. Do ſchawet er den adamaſ. Vnd einen helm dar vͦf man ~~vant~~bant. Einen ancher da man inne vant. Verwiret edel geſteine. Groz niht zechleine. Daz waſ iedoch ſin ſwerer laſt. Gezimiert waſ der gaſt. Wie ſin ſchilt geheret ſi. Mit golde von arabi. Ein richiv bvckl drvf geſlagen. Swere die er mvͦſe tragen. Div gab von rot ein ſolhez prehen. Daz man ſich drinne hiet erſehen. Ein zoblin ancher drvnde. Mir ſelben ich wol gvnde. Deſ er het an den lip gegert Wan ez waſ maniger march wert. Nv waſ avch Royſ d̉er franze tot. Deſ wip in dike groze not. xraht mit ir minne. Div werde chvniginne. Het nach im dar geſant. Ob er noch wider in daz lant. Wer chomen von der heiden ſchaft. Deſ twanch ſi groz liebe chraft. Sin wafen roch waſ harte wit. Jch wene deheinēn ſo gvͦten ſit. Jemen zeſtrite fuͦrte Sin lenge den tepich. rvͦrte. Ob ichz gebrvͦven chvnne. Er ſchein alſ ob er hie brvnne. Bi der naht ein chechez fivr. Verblichen varbe waſ im tivr Sin ~~gaſt~~glaſt di bliche niht vermeit. Ein boſez avge ſich dran verſneit. Mit golde er gebildet waſ. Daz zeder montanie kavkaſaſ. Von einem velſe zarten. Grifen chla. diez da ~~bewaren~~bewarten. Vnd iz noch hivt al da bewarnt. Von arabie Levte varnt. Die er werwent ez mit liſten da. So tivrz iſt ni*ninder ander ſwa. Vnd fvrentz bider zearabie Do man die grvͦnen achmardi. Wurchent vnd die phelle rich. Ander wat iſt er vngelich Den ſchilt nam er zehalſe ſan. Hie ſtvͦnt ein orſ vil wol getan. xewafent vaſte vnz avf den fvͦz Hie garzvͦn rvͦfa rvof Sin lip ſpranch drvf wan erz da vant. Vil ſtarcher ſper deſ heldeſ hant. Mit hvrte verſwande. Die poynder zetrande. Jmmer durch ander halben vz. Dem ancher volgt nach der ſtrvz. Gamvret ſtach hnderz orſ. Poytwinen Prinlahiorſ. Vnd ander manigen werden man. An dem er ſicherheit gewan. Swaz da ge chrevzter ritter reit. Die gnvzen deſ heldeſ arbeit. Die gewunnen. orſ gab er in. An im lach ir groz gewin. Gelicher baniere. Gein im fvrte man fiere. Chvͦne ritter drvnde. Jr herre ſtriten chvnde. An ieſlicher ein griffen zagel. Vnde daz hinder teil waſ avch ein hagel. Gein riterſchaf deſ waren die. Daz voder teyl. deſ griffen hie. Der chvnich von Goſcon trvͦch. Andem ſchilde ein riter chlvͦch Gezimiert waſ ſin lip. Sam wol brvͦven chvnn div wip. Der nam ſich vor der anderen vz. Do er auf dem helm ſach den ſtrvz. xer ancher chom doch vor an in. Do ſtach hinderz orſ dort hin. Der werde chvͦne von zazamanch. Vnde viench in. do wart groz gedrānch Hohe fvrhe ſleht getennet ~~Mit ſwerten vil gechemphet.~~ ~~Da wart verſwendet der walt~~ Mit ſwerten vil gechemphet. Do wart verſwendet der walt. Manich riter abe gevalt. Si wunden ſich ſo hort ich ſagen. Hin anden ort dort hielden zagen. Der ſtrit waſ wol ſo nahen. Daz gar die frawen ſahen. Wer da mit priſe ſolde ſin. Der minne gernde Riwalin. Von deſ ſpern ſnit ein ~~niwaleiſ~~nivwaleiſ Daz waſ der chvnich von Johneiſ. Sine hvrte gaben chranchen ſchal. Morholt in einen ritter ſtal. Vz dem ſatel er in fvr ſich hvͦb. Daz waſ ein vngefvͦger vob. Der hiez kyliriacach. Von dem her der chvnich lach. Da vor enphiengen ſelbe en ſolt. Den er vallende ander erde holt. Vnd hetz avch da vil guͦt getan. Do loſte diſen ſtarchen man. Daz er in twunge ſvnder ſwert. Alſuſ viench er den degen wert. Hinderz orſ ſtach kayleteſ hant. Den herzogen von Brabant. xer fvrſte hiez Lamechin. Waz do teten die ſin. Si beſchvtten in mit ſwerten. Die helde ſtriteſ gerten. Do ſtach der herre von Arragvn. Den alten utpandragvn. Hinderz orſ vf die planîe. Den chvnich von Britanie. Do ſtvnt do blvͦmen vil vmb in. We wie gefvͦge ich doch bin. Daz ich den werden britaneis. So ſchone lege vor canvolaiſ. Do nie getrat vilaneſ fvͦz Ob ich îv rehte ſagen mvͦz Noch lihte nimmer da geſchiht. Ern dorft ſin geſezen niht. Vf daz orſ. da er .ê. ſaz. Niht lenger man ſin da vergaz. Jn beſchvten die ob im ſtriten. Da wart groz hvrten niht vermiten. Da chom der chvnich von pontvrteiſ. Der wart al hie vor canvoleiſ. Gevellet vf ſineſ orſeſ ſla Daz er der hinder lach alda. Daz tet der ſtolz Gamvret. Wetta herra wetta wet. Mit ſtrite wurden ſi geweten. Siner mvͦmen ſvn kayleten. Den viengen pv*pvnttvrteiſe. Da wart vil rivch div reiſe. xo der chvnich Brandlidelin. Wart gezvchet von den ſin. Ein andern chvnich ſi viengen. Hie lieffen vnde giengen. Manich vorder man inyſen wat. Den wart da galoͮnt ir brat. Mit treten vnd mit chvͦle. Jr vel trvͦch ſwarze bvͦle Die helde gehiwer Die er wurben quatſchiwer. Jch ſagz iv niht fvr wehe. Da wart div Ruͦwe ſmehe Die werden twanch div minne dar. Vil manigen ſchilt wol gevar. Vnd manigen gezimierten helm. Deſ dach waſ worden da der melm. Daz velt etſwa gebluͦmet waſ. Chvrz chleine grvͦne graſ Da vielen vf die werden man. Den div ein teil. waſ getan. Sin gir chan ſolh wunſch doln. Daz ich geſaz et avf den voln. Do reit der chvnich von zazamanch Her dan da in niemen vant dranch. Nach einem orſ daz gervwet waſ. Man bant von im den adamaſ. Niht wan durch deſ windeſ lvft. Anderſ dvrch deheinen gvft. Man ſtrvͦft im abe ~~ſini~~ſin herſnier. Sin mvnt waſ rot vnde fîer. xin wip die ich ê genennet han. Alhie chom ein ir chappelan. Vnd chleiner ivncherren dri. Den riten ſtarche chnappen. bi Zwen ſævmer giengen an ir hant Die boten het dar geſant. Div chvniginne amphleiſe. Jr chapelan waſ wiſe. Alſ ſchier er chande diſen man. Ein franzeis er in grvͦzte ſan. Ben ſoe vnſ venvz bea ſir. Miner frowen vnde mir. Daz iſt la Raoine der franze. Die rvͦrt din minne lanze Dem helde gab er in die hant Einen brief dar an grvͦzen vant Vnde ein chlein vingerlin. Daz ſolde ein ~~warzacchen~~warzaichen ſin. Wan ez enphie ſin frowe. Von dem von anſchawe. Er neich do er die ſchrift erſach. Nv mvgt ir horen wie er ſprach. Dir enbivtet minne vnde grvͦz. Min lip dem nie wart chvmberſ bvͦz. Sit ich diner minne enphant. Din minne iſt ſloz vnde bant. Sol mir din minne verren. So mvͦz mir minne werren. xvm wider nim von miner hant. Chrone cepter vnd ein lant. Daz iſt mich an erſtorben. Daz hat div minne erworben. Hab dir ze ſoldemente. Die richen preſente. Nim div vier ſavm ſchrîn. Dv ſolt avch min ritter ſin. Jn dem lande ze waleis Vor der havp ſtat ze canvolaiſ. Jchn rvͦch avch daz iz div chvniginne ſiht. Ez mach vil geſchaden niht. Jch bin ſchoner vnd richer. Vnd chan avch minnechlicher. Minne enphahen vnde minne geben. Wil dv nach werder minne leben. So hab dir mine chrone. Nach minne zelone. An diſem prief er niht mer vant. Sin herſnier eineſ chnappen hant. Wider avf ſin havpt zoch. Gamvreten travren floch. Man bant im vf den adamaſ. Der diche vnd herte waſ. Er wolde ſich arbeiten. Die boten hiez er leiten. Dvrch rvͦwe vnderz bavilvn. Swa gedrenge waſ do macht er rvͦm Dirre vlôſ der gewan. Da macht er holt ſich ein man. xet verſvͦmet ſin getat Al hie waſ gnvͦger rat. Si wolden tyoſtieren. Dort mit rote pvngieren. Si gelavbten ſich der ſliche. Div man do haizet der vrivnde ſtich Heinlich gevaterſchaft. War zefvͦrt mit zorneſ chraft. Do wart div chrvmbe ſelten ſleht. Man ſprach wenich ritterſ reht. Swer iht gewan der habt im daz. Ern rvchte hietz der ander fvr haz. Si waren vz manigen landen. Die da mit ir handen. Schildeſ ampt worhten. Vnde ſchaden lvzel vorhten. Do wart avch da von Gamvret. Geleiſtet amphiliſen bet. Daz er ir ritter were. Ein brief ſeit im daz mere. Awe da wart er lazen an. Ob minne vnd ellent in deſ man. Groz lieb vnde ſtarchiv triwe. Sin chraft im frvmt alniwe. Nv ſach er wo der chvnich lot. Sinen ~~cchilt~~ſchilt gein der herte bot. Der waſ vmbe nach gewant Daz werte Gamvreteſ hant. Mit hvrte er den poynder brach. Den chvnich von arragvn er ſtach. xinderz orſ mit dem ror. Der chvnich hiez tſchafillor. Daz ſper waſ ſvnder banier Da mit er valt den degen fier. Er braht ez von der haidenſchaft. Die ſine werten in mit ir chraft. Je doch vie er den werden man. Die innern taten die vzen ſam. Vaſte ritende vber daz velt. Jr veſperie gab ſtriteſ gezelt. Ez mohte ſin ein tvrnei Wan da lach manich ſper enzwei. Do begvnde zvrnen Lehelin. Svl wir ſvſ enteret ſin. Daz machet der den ancher treit. Vnſer einer den andern leit. Noch hivte da er vnſanfte ligt. Si habnt vnſ vil nach an geſigt. Jr hvrte gab in rvͦmeſ vil. Do gie ez vz der chinde ſpil. Si worhten mit ir henden. Daz den walt begvnde ſwenden. Diz waſ gelich ir beider ger. Spera herre ſpera ſper. Do mvͦſe dvlten Lehelin. Einen ſchemelichen pin. Jn ſtach der chvnich von zazamanch. Hinderſ orſ wol ſperſ lanch. Daz inden ror geſchifft waſ. Sin ſicherheit er an ſich laſ. xoch leſe ich ſanfter ſvͦze birn. Swie die ritter vor im nider riern. Der krîe do vil maniger wielt. Swer ie gein ſiner tyoſt hielt. Hie chvmpt der ancher pfia pfi. Engegen chom hie im gehvrtet hi. Ein fvrſte vz anſchowe. Div riwe waſ ſin frowe. Mit avf gecherter ſpize. Daz lert in iamerſ wize. Diſiv waffen er erchande. War vmbe er von im wande. Welt ir ich beſcheide ivch deſ. Si gab der ſtolze Galoeſ. Fil lo Royſ Gandin. Der vil getriwe brvder ſin. Da vor im div minne erwarp. Daz er an einer tyoſt er ſtarp. Man bant im abe ſinen helm. Wederz graſ noch den melm. Sin ſtrit da ni mer bante. Groz iamer in deſ mante. Mit ſinem ſinne er bagte. War vmbe er niht dicher fragte. Kayleten ſiner mvͦmen ſvn. Waz ſin brvͦder wolde tvn. Daz er niht tvrnierte hie. Do en weſſer leider wie. Er ſtarp vor monthori. Da vor waſ im ein chvmber bi. xen riet div werde minne. Einer werden chvniginne. Div chom avch ſît von im in not. Si lach an chlagnden triwēn tot. Gamvret waſ avch mit chlage. Doch het er in dem halben tage. Gefrvmt ſo vil der ſper en zwei. Wer worden der tvrnæi. So wer verſwendet der walt. Geverbet hvndert im waren gezalt. Die gar vertet der fiere. Sine liehten baniere. Waren den grogiereren worden. Daz waſ wol inir orden. Do cherte er gein dem pavilv̂n. Der chvniginne garzv̂n. Hvͦb ſich nach vf die vart. Der tivr waffen roch im wart. Dvrch ſtochen vnde verhaͮwen. Den truͦg er fv̂r die frawen. Der waſ von golde dannoch gvͦt vn̄de glaſte ſam ein glvͦnde glvͦt. Dar an choſ man richeit. Do ſprach div chvnigīnne gemeit. Dich hat ein werdez wip geſant. Bi diſem ritter in dize lant. Nv mant mich div fvͦge min. Daz die andern iht ver chrenchet ſin. Di div aventiwer brahte dar. Jeſlichiv nem mineſ ~~wvnccheſ~~wvnſcheſ war. Si ſint mir alle ſippe. Von adameſ rippe. Doch wene ich Gamvreteſ tat. Den hoſten priſ da er worben hat. Die andern taten riterſchaft. Mit ſo getaner zornſ chraft Daz ſiz wielchen vnz indie naht. Di innern heten die vzern braht. Mit ſtrt vnz an ir bavilvn. Wan der chvnich von Aſchalvn . Vnd Morholt von ierlant. Dvrch die ſnvͦre in wer gerant. Da wart gewunnen vnd verlorn. Genvͦge heten da ſchaden erchorn. Die andern priſ vnde ere. Nv iſt zit daz man chere. Von ein ander niemen da geſiht Sine wert der phander liehteſ niht Wer ſol avch vinſterlingen ſpiln. Ez moht die mvͦden doch beviln. Der vinſter man vil gar vergaz. Da min her Gamvret dort ſaz. Alſ ez wer tach deſ waſ ez ~~niht~~nieht. Da waren aber vngefvͦgiv ~~liht~~lieht Von chleinen cherzen manich ſchavp. Geleit vͦf olbavmeſ lavp. Vnd manich golter riche. Geſtrechet vlizichliche. Da fvͦr manich tepich breit. Div chvniginne an die ſnvͦre reit. xit liehten ivnch frowen. Si wolde gerne ſchawen. Den werden chvnich von zazamanch. Vil mvͦder ritter nach ir dranch. Div tiſch lachen waren ab genomen. .Ê. ſi widerz pavilvn wer chomen. Der wirt ſpranch vf vil ſchîre ii iii Vn gevangner chvnige viere. Jm fvͦr avch etſlich fvrſte mit Do enphie er ſiv mit zvhte ſit Er geviel ir wol do ſi in erſach. Div chvniginne mit frevden ſprach. Jr ſit hie wirt da ich ivch vant. So pin ich wirtinne vberz lant. Gervͦchet ir daz ich ivch chvſſen ſol. Ez iſt mit minem willen wol. Ewer chvſ ſol weſn min. Mvgen diſe herren gechvſſet ſin. Sol chvnich oder fvͦrſte deſ en bern Son getar ichſ von iv niht gegern. Si ſprach daz ſol avch geſchehen. Jchn han ir deheinen .ê. geſehen. Si chvſte alle die deſ woren wert. Deſ het Gamvret gegert. Er bat ſizen die chvnigin. Min her Brandelidelin. Mit zvhten zv der frawen ſaz. Grvͦne pimz von tawe naz. Vf die tepich waſ geſtrevt. Dar vf ſaz deſ ſich hie frevt. xiv werde waleiſinne. Si twanch iedoch ſin minne. Er ſaz vor ir ſo nahen nider. Daz ſi begreif vnde zoch in nider. Ander halb hin an ir leip. Si waſ ein magt vnde niht ein wip. Div in ſo nahen ſizen liez. Nv mvgt ir horen. wie ſi hiez. Div chvniginne herzelavde. Vnde ir baſe Richavde. Die het der chvnich kaylet Deſ mvͦmen ſvn waſ ~~Gamoret~~Gamvret. Frav herzelavde gab ſchin. Weren gar erloſchen die cherzen ſin. Da wer doch lieht vor in genvͦch. Wan daz iz groz iamer vnder flvͦch. Div hohe an ſiner fravde breit. Sin minne wer in vil bereit. Si ſprahen groz nach zvhten kvͦr. Bi einer wile gie ſchenchen fv̂r. Mit gezierde von azagovch. Dar an groz richeit niht betravch. Die trvͦgen ivnchherren in. Ez mvͦſen tivr nephe ſin. Von edelem geſteine. Wît niht zechleine. Si waren alle ſvnder golt Daz waſ deſ lant zinſeſ ſolt. Den yſenhart vil diche bot. Fravn Belanen fvr groz not. xan het in daz trinchen dar. Mangen ſtein wol. gevar. Smaragde vnde ſardin. Etſlicher waſ ein Rvbin. Fvr daz pavilvn do reit Zwene ritter vf irricherheit. Die waren hin vz gevangen. Vnde chomen dar in gegangen Daz waſ einer kaylet. Er ſach den chvnich Gamvret. Sizen alſ er wer vn fro. Er ſprach wie gebareſt du ſo. Din priſ iſt avch da fvr erchant Frav herzenlavden vnde ir lant Hat din lip errvngen. Deſ iehent dir gar die zvngen. Ez ſi Britvn. oder irſchman. Oder ſwer hie welſche ſprache chan. Franzoyſ oder Brabant. Die iehent vnde volgent diner hant Daz dir an ſo gewanten ſpiln. Geliche niemen mvͦge geziln. Deſ liſe ich hie den waren prief Din chraft mit ellent do niht ſlief Do diſe helde chomen in not. Der hant nîe ſicherheit gebot. Der ſtolze Brandlidelin. Vnde avch der chvne Lehelin. Hardiez vnde tſchafillor. Awe Razalich der mor. xem dv vor patelamvnt Tete avch fianze chvnt. Deſ gert din priſ an ſtrite. Der hohe vnde der wite. Min frowe mach wenēn daz dv tobſt Sit du mich ſvſ alſo lobſt. Dv maht min doch ver chavffen niht Wan etſwer wandel an mir ſiht. Din mvnt iſt lobſ zevil vernomen. Sage etwie biſtv wider chomen. Div werde diet von pontvrteiſ. Habnt mich vn̄de den tſchamponeiſ. Lazen ledich vber al. Morholt der minen neven ſtal. Von dem ſol er ledich ſin. Mach min herre Brandlidelin. Werden ledich von diner hant Wir ſin noch anderſ bede phant. Jch vnde miner ſweſter ſvn. Dv ſolt an vnſ genade tvn. Hie iſt ein veſperie erliten. Daz tvrniern wirt vermiten. Andirre zit vor canvoleiz. Die rehten warheit ich deſ weiz. Gar div vzer herte div iſt hie. Nv ſprich etwa odvon od wie. Si vnſ vor mohten halten. Dv mvͦſeſt vil priſeſ walten. Div chvnigin ſprach ze Gamvret. Von herzen ein ſvͦze bet. xwaz mineſ rehteſ an iv ſi. Da ſvlt ir mich lazen bi. Dar zv min dienſt gnaden gert. Wird ich der beder hie gewert. Svl mir daz priſ ver chrenchen. So lat mich fvder wenchen. Der chvniginne amphileiſen. Der chevſſen vnd der wiſen. Vf ſpranch balde ir chapelan. Er ſprach in ſol zerehte han. Min frawe div mich in diz lant. Nach ſiner minne hat geſant. Si lebet an in inſ libeſ zer. Jr minne hat an im gewer. Si ſol behalten ſinen priſ. lip. priſ. lip.: Eine eventuelle Streichung des Wortes lässt sich meines Erachtens nach nicht erkennen. Wan ſi iſt im holt ~~fvn~~fvr elliv wip. Hie ſint ir boten fvrſten dri. Chint vor miſſewende fri Der haizet einer Lancidant. Von hoher art vz grvͦne lant. Der iſt her zecherlingen chomen. Vnde hat die ſparach an ſich genomen. Der ander heizet Liadarz. Fil lo chvmt der Tſchihelarz. Wer der dritte were. Deſ ſeit er avch ein mere Deſ mvͦter div hiez Beaflvrſ. Vnde ſin vater Beſamvrſ. Die waren von der phien art. Daz chint hiez liahtvrteltart. Div liefen elliv driv fvr in. Si ſprachen herre h*haſt du ſin. Dir zelt Royn der Franze. Der werden minne ſchanze. So maht dv ſpiln ſvnder phant Din frevde iſt chvmberſ ledich zehant. Div botſchaft waſ avch vernomen. Kaylet der waſ .ê. chomen. Vnde ſaz der chvniginne vnder deſ mandelſ ort. Si ſprach hinz im diſiv wort. Sag an iſt dir iht mer geſchehn. HJch han flege an dir geſehen. Do begreif in div gehiwer. Sine quatſchiwer. Mit ir linden handen wiz. An den lach der goteſ fliz. Da waſ im gemiſieret. Vnde ſere quatſchieret. Hvffel chinne vnde an der naſen. Er het der chvniginne baſen. Div diſe ere an im begiench. Daz ſi in mit handen zv ir geviench. Si ſprach mit zvhte lere. Ze Gamvreten mere. Div werde franzoyſinne. Jv bivtet vaſte ir minne. Nv eret an mir elliv wip. Vnde lat zerehte minen lip. Sît hie vnz ich min reht genem. Jr lat anderſ mich in ſchem. xaz lobt ir do der werde man. Si nam vrlovp do fvͦr ſi dan. Sî hvͦp kaylet der degen wert. Svnder ſchemel vf ir pfert. Vnde kert von ir wider in. Al da er vant die frevde ſin. Er ſprach ze hardize. Jwer ſweſter alize. Mir minne bot di nam ich da. Div iſt nv beſtetet ander ſwa. Vnde werdechlicher danne ze mir. Dvrch iwer zvht lat zornſ gir. Si hat der fvrſte lamechin. Vnde ſol niht gechronet ſin. So hat berdecheit bechant. Heͮnawe vnde Brabant Jr dient. ~~vnde~~ manich ritter guͦt. Chert mir zegrvͦzen iwern mvͦt Lat mich in iwern hvlden ſin. Vnde nempt hin wider den dienſt min. Der chvnich von Gaſchvn ſprach. Alſ im ſin menlich ellent iach. Jwer rede waſ .ê. ſvͦze. Swer ivch dar vmbe grvͦze. Dem ir groz laſter habt getan. Der wolde iz iedoch dvrch vorhte lan. Jch viench iwern mvͦmen ſvͦn. Der chan an niemen miſſe tvͦn. Jr wert wol ledich von Gamvret. Daz ſol ſin min erſtiv bet. xwenne aber ir vmbetwungen ſit. So gelebt min dienſt wol die zit. Daz ir mich zefrivnde nempt. Jr moht ivch nv ~~moht~~wol han ver ſchemt. Swaz halt mir von iv geſchiht. Mich ſlvͦch doch iwer ſweſter niht. Doch wart getrvͦbet im der ~~cchal~~ſchal. Der rede ſi lachten vber al. Den wirt ſin triwe mente. Daz er ſich wider ſente. Jamer iſt ein ſcharfer gart Jr ieſlicher innen wart Daz ſin lip mit chvmber ranch. Vnde alle ſin vrevde waſ ze chranch. Er ſprach dv chanſt vngefvͦge tvͦn. Do zvrnde ſiner mvͦmen ſvͦn. Nein ich mvͦz mit riwen ſin. Jch ſen mich nach der chvnigin Die ich lie daz patelamvnt. Von der iſt mir min herze wunt Jn ræiner art ein ſvͦze wip. Jr werdev chevſſche minen lip. Nach ir minne iamerſ mant. Si gab mir lip vnde lant Mich tvͦt frov Belacane. Manlicher frevden ane. Ez iſt iedoch vil menlich. Swer minne wancheſ ſchampt ſich. Der frowen hvͦte mich vf bant. Daz ich niht riterſchafte vant. xo wande ich daz mich riterſchaft. Nem von vngemvͦteſ chraft. Der han ich ſît ein teil getan. Nv wenet manich vngewiſſer man. Daz mich ir ~~ſ*e~~ſwerze iagte dan. Die ſach ich fvr die ſvnnen an. Jr wiplich priſ mir fvͦgte leit. Si iſt ein bvchel ob der werdecheit. Jch mvͦz einz vnde daz ander chlagn. Jch ſach mineſ brvͦder waffen tragn. Mit vͦf gechertem orte. Awe mir diſer worte. Daz mêr wart do iemerlich. Von wazer wurden div avgen rich. Dem werden ſpanole. Ein chvnigin. amphole. Dvrch dine minne gab den lip. Galoeſ den elliv wip. Von herzen chlagen ſolten. Mit triwen ob ſi wolden. Daz ir ſite bræhte. Lop ſwa manſ gedehte. Chvniginne von averre. Swie wenich iz dir werre. Den maͦch ich dvrch dich verloſ. Der riterlichen ende choſ. An einer tyoſt div in ſlvͦch. Da er din chlainode trvͦch. Fvrſten die geſellen ſin. Tvͦnt herzenlicher chlage ſchin. xi habnt ir ſchildeſ breite. Nach iamerſ geleite. Zvͦ der erde gecherte. Groz trvͦren ſi daz lerte. Aſvſ tvͦnt ſi riterſchaft. Vnde ſint verladen mit iamerſ chraft Sit Galoeſ miner mvͦmen ſvͦn. Nach minne dienſt niht ſolde tvͦn. Do er gefrieſch deſ brvͦder tot. Daz waſ ſin ander herze not. Mit iamer ſprach er diſiv wort. Wie hat ſvſ mineſ ancherſ ort. Jn riwe ergriffen landeſ habe. Der waffen tet er ſich do abe. Groz riwe im grozeſ chvmberſ iach. Der helt vz waren riwen ſprach. Von anſchawe der Galoeſ. Fvrbaz darf niemen vragen deſ. Ezn wart nie manlicher zvht. Geborn de warn milte frvht. Vͦz einem herzen blvete. Nv erbarmde mich din gvͦte. Wie gehabt ſich tſchvet. Er ſprach ze kaylet. Min mvͦter frevden arme. So daz ez got erbarme. Do ir erſtarb Gandin. Vnde Galoeſ der brvder din. Vnde do ſi dich bî ir niht ſach. Der tot avch ir herze brach. xo ſprach der chvnich Hardiz. Nv chert an manheit iwern fliz. Ob ir manheit chvnnet tragn. So ſvlt ir leit mit zmaze chlagn. Do waſ ſin chvmber al zegroz. Ein gvſſe im von den avgen floz. Er ſchvͦf den ritern ir gemach. Vnde gie do er ſin chamer ſach. Ein wenigz gezelt von ſæmit. Die naht er dolt in iamerſ zit. Deſ morgenſ do der tach erſchein. Si wurden alle gelich en ein. Die innern vnde daz vzer her. Daz da waſ mit ſtriteſ wer. Si weren ivnch oder alt. Oder ~~blvge~~blvege. oder balt. Si ſolten tyoſtiern niht. Do ſchein der werde morgen lieht Si waren mit ſtrite alſo verriben. Vnde div orſ mit ſporn vertriben. Daz alle die urechen ritterſchaft Je dannoch twanch der minne chraft Div chvniginne reit do ſelbe. Nach den werden ze velde. Vnde fvͦrt ſiv mit ir indie ſtat. Die beſten ſi dort inne bat Daz ſi ze der lewe planîe riten. Da wart ir bet niht vermiten. Si fvͦren da man meſſe ſanch. Dem trvrigen. chvnige von zazamanch. xo der benedicite wart getan. Frov herzelavde chom dv ſan. An Gamvreteſ lip ſi ſprach. Vnde gert alſ ir div volge iach. Do ſprach er frowe ich han ein wip. Dîv iſt mir lieber danne der lip. Ob ich der ane were. Dannoch weſt ich ein mere Da mit ich iv en breſte wol. gar. Næme iemen mineſ rehteſ war. Jr ſvlt di morinne. Lan dvrch mine minne. Der tavffe ſegn hat bezer chraft. Nv anet ivch der heidenſchaft. Vnde minnet mich nach vnſer .ê. Wan mir iſt nach iwer minne we. Oder ſol mir gein iv ſchade ſin. Der franzeiſer chvnigin. Der boten ſprachen ſvͦziv wort. Vnde ſpilten ir mær vnz in den ort. Seht div iſt min wariv frowe. Jch braht in anſchawe. Jr rat vnde miner zvhte ſite. Mir wont nach hivte ir helfe. mite. Da von daz mich min frowe zoch. Div wibeſ miſſewende floch. Wir waren beidiv chinder do. Vnde doch ze ſehn ein ander fro. Div chvniginne amphiliſe. Wont an wiplichem priſe. xir gab div gehivre. Von dem lande die beſten ſtivre. Do greif ich willichlichen zvͦ. Jch waſ do ermer danne nvͦ. Zelt mich fvͤr die armen. Jch ſolt iv frowe erbarmen. Mir iſt min werder brvͦder tot. Dvrch iwer zvht lat mich en not. Chert minne do frevde ſi. Mir wont niht wan iamer bî. Lat mich den lip niht lenger zern. Sagt an wa mit ir ivch welt wern. Jch ſage nach iwer vrage ger. Ez wart ein tvrnei da her. Geſprochen deſ en wart hie niht. Manich gezivch mir deſ giht. Den hat ein veſperie er lemt. Hie ſint die frechen ſo gezemt. Daz der tvrnei da von verdarp. : Der Vers ist umrahmt von zwei spitzen Häkchen. Vergleichbar mit denen, die der Schreiber bei Nachträgen benutzt. Weiterhin ragt Spalte 19ra ab hier um 4 Verszeilen über Spalte 19rb hinaus. Könnten die Verse 95.19-95.22 also nachgetragen worden sein? : Möglicherweise war hier ein Bild vorgesehen. Jwer ſtêt wer ich warp. Mit den diz gvͦt habnt getan. Jr ſvlt mich not rede erlan. Den hat ein veſperie erlemt Hie ſint di frechen ſo gezemt Daz der tvrnei da von verdarp. Jwer ſtet wer ich warp. Mit den diz gvͦt habnt getan. Jr ſvlt mich not rede erlan. vſque huc n̄on Ez tet hie manich riter baz. hic Jwer reht iſt gein mir laz. Niht wan iwer gemæiner grvͦz. Ob ich den von iv enphahen mvͦz Alſ vnſ div aventiwer ſagt. Do nam der riter vnde div magt. Einen rihter vber der frowen chlage. Da nahet ez dem mitem tage. xan ſprach ein vrteil da zehant. Swelich riter hie helm vf bant. Der her. dvrch riterſchaft waſ chomen Hat er den priſ hie genomen. Den ſol div chvniginne. han. Da nach div volge wart getan. Da ſprach ſi herre ſo ſit ir min. Jch tvͦn iv dienſt nach hvlden ſchin. Vnde fvͤge iv ſolher vrevden tæil. Daz ir nach iamer werdet geil. Er het iedoch von iamer pin. Do waſ deſ abrvllen ſchin. Zergangen. da nach chomen was. Chvrz chlein grvͦne graſ. Daz velt waſ gar vergrvͦnet Daz blode herze mvd* chvͦnet. Vnde in geit hoh gemvͦte. Vil bavme ſtvͦnt in blvͦte Von deſ ſvͦzen lufteſ mâien. Sin art von der pfêien. Mvͦſe minnen oder minnen gern. Deſ wolde in frivndin da gewern. An frovn herzenlavden er erſach. Sin ſvͦzer mvnt mit zvhtēn ſprach. Frowe ſvl ich mit îv geneſen. So lat mich ane hvͦte weſen. Wan verlat mich immer iamerſ chraft. So tet ich gern ritterſchaft. Lat ir niht tvrniern mich. So chan ich noch den alten. ſlich. xlſ do ich minem wibe entran. Di ich avch mit riterſchaft gewan. Do ſi mich vf ſtrite bant Jch liez ir lvͤte vnde lant. Sie ſprach herre nemt îv ſelbe zil. Jch laze iv iwerſ willen vil. Jch wil frvmen noch vil d̉er ſper enzwei Aller mænlich einen tvrnei. Deſ ſvlt ir frowe rvͦchen. Daz ich den mvͦze ſvͦchen. Daz lobt ſi. wart mir geſagt. Ern phie div lant vnde di magt. Diſiv drev ivnch herrelin. Amphiliſen der chvnigin. Die ſtvͦnden vn̄de ir kapelan. Da volge vnde vrteil wart getan. Der phaffe ez hort vnde ſach. Heimlîchn er ze Gamvreten ſprach. Man tet miner frowen chvnt. Daz ir vor Patelamvnt. Den beſten prîſ behieltet. Vnde da zweir chrone wieltet. Si hat avch lant vnde mvͦt. Vnde git iv lip vnde gvͦt. Do ſi mir gab die riterſchaft Do mvͦſe ich nach der orden chraft. AſAlſ mir daz * ſchildes ampt ſagt. Da bi beliben vnverzagt. Wan daz ich ſchilt von ir gewan. Ez wêr noch anderſ vn getan. Jch werde ſin trvrich oder geil. Vart widerſagt den dienſt min. Jch ſvl iedoch ir riter ſin. Ob mir alle chrone weren bereit. Jch han nach ir minn hohſtev leit. Er bot in ſine grozev habe. Siner gab taten. ſi ſich abe. Die boten fvͦren zelande. Gar an ir frowen ſchande. Sine gertn vrlov*vrlovbeſ niht. Alſ liht inzorne noch geschiht. Jr chnappen fvrſten diſiv chint. Waren von weinen vil nach blint. Die den ſchilt vercherten da heten getragn. Den begvnde ir frivnde zevelde ſagn. Frov herzenlavde div chvnigin. Hat behabt den anſhevin. We wer waſ von anſchawe da. Vnſer herre iſt leider ander ſwa. Dvrch riterſ priſ ze den ſarrazin. Daz iſt nv vnſer hoſter pin. Der da den priſ hat bezalt Manigen riter ab gevalt. Der ſo ſtach vnde ſo ſlvͦch. Der den tiwern ancher trvch. Vͦf dem helm lieht geſteint. Daz iſt den ir da mêint. Vnde ſeit der chvnich kaylet. Der anſhevin wer Gamvret. Dem ſî da wol gelvngen. Ze den orſen ſi da ſprvngen. Jr wat wart von den avgen naz. Do ſi chomen da ir herre ſaz. Si enphiengen in er enphie avch ſîe. Frevde vnde iamer daz waſ hîe. Do kvſt er die getriwen. Er ſprach ivch ſol niht rivwen. Ze vnmaze der brvͦder min. Jch mach ivch wol ~~ergezen~~ergetzen ſin. Chert vf den ſchilt nach ſiner art Vnde habt ivch ander frevden vart. Jch wil minſ vater waffen tragen. Sin lant min ancher hat beſlagen. Der ancher iſt ein rechen zil. Den trage vnde neme in ſwer der wil. Jch mvͦz nv lebeliche. Gebaren ich bin riche. Wan ſold ich volcheſ herre ſin. Dem tete we der iamer min. Frov herzenlavde helfet mir. Daz wir biten ich vnde ir. Chvnige vnde fvrſten die hie ſin. Daz ſi dvrch den dienſt min. Belîben vnz ir mich gewert Deſ minnen werch ze minne gert. Di erwarb ir beder mvnt. Die werden lobtenz ſa ze ſtvnt. Jeſlicher fv̂r an ſinen gemach. Div chvnigine ze ir vrivnden ſprach. xv habt ivch an mine phlege. Si weiſte hæimliche wege. Siner geste phlach man wol zefrvmen. Swar halt ir vrivnde weren chomen. Daz geſinde wart gemeine. Doch fvͤr er dan aleine. Wan zwei ivnchherrelin. Jvnch frowen vnde div chvnigin. Jn fvͦrten da er frevde vant. Vnde ob ſin trvren gar verſwant. Enſchvmphiert wart ſin riwe. Vnde ſîn hoh gemvͦte al niwe. Daz mvͦſe iedoch vor liebe ſin. Frov herzenlavde div chunigin. Jr magtvͦm da ane wart. Die mvnde waren vngeſpart. Die begvnden ſi mit chvſſen zern. Vnde dem trovren von dem vrevdēn wern. Danach er eine zvht begiench. Si wurden ledich di er da viench. Hardiz. vnde Kaylet. Seht die verſvͦnte Gamvret. Da er gie ein ſolch hoh gezit. Swer der hat gelicher ſit. Deſ hant iedoch gewalteſ phlach. Gamvret ſich deſ be wach. Sīn hab div waſ vngeſpart. Arabiſchez golde geteilet wart. Armen ritern al gemeine. Den chvnigen edel geſteine. teilte Gamvreteſ hant. Vnde avch ſwaz er da fvrſten vant. Da wart daz varnde volch vil geil. Si enphiengen richer gabe teil. Lat nv riten die geſte ſin. Den gab vrlovb anſhevin. Daz pantel daz ſin vater trvͦch. Von zobl man vf ſinen ſchilt ſlvͦch. Al chleine wiz ſŷdin. Ein hemde der chvnigin. Alſ ez rvͦrte ir blozen lip. Div nv worden waſ ſin wip. Daz waſ ſinſ halſpergeſ dach. Ahcehnev man dvrch ſtochen. ſach. Vnde mit ſwerten gar durch hawen. Er ſchiet von der vrowen. Daz legte ſi an ir bloze hvt So chom von riterſchefte ir trvt. Der manigen ſchilt vil dvrchl ſtach. Jr zweier minne triwen iach. Er het werdecheit genvͦch Do in ſin menlich ellent trvͦch Hin vber gein der herte. Mich iamert ſiner verte. Jm chom div war potſchaft. Sin herre der Barvch wer mit chraft. Vber riten von Babilon. Einer hiez ypomidon. Der ander Pompeiruſ Den nennet div aventiwer ſvſ xaz waſ ein ſtolzer werder man. Niht der von Rom en tran. Jvlivſ da be vor. Der chvnich nabvchodonoſor. Siner mvͦter brvͦder waſ. Der an trvgelichen bvͦchen laſ. Er wolde ſelbe ſin ein got. Ez wer nv der werlde ſpot. Jr lip. ir gvͦt waſ vngeſpart. Die brvͦder waren von hoher art. Von linvſ der walteſ phlach. .Ê. wurde geſtiftet der Baldach. Der ſelbe ſtifte avch Ninnive. Jm tet ſchade vnde laſter we. Der iach den Barvch zvrborn. Deſ wart gewunnen vn̄de verlorn. Genvͦch ze beden ſſiten. Man ſach die helde ſtriten. Da ſchiffet er ſich vber mer. Vnde vant den Barvch mit wer. Mit frevden er enphangen wart. Swie mich iamer ſiner vart. Swaz da geſchehe wie ez dort erge. Gewin vnde flvſt wie daz geſte. Deſ waiz vrov herzelavde niht. Div waſ alſo dîv ſvnne lieht. Vnde het minnechlichen lip. Rîcheit bi ivgent phlach daz wip. An frevden mer danne ze vil. Si waſ gar ob deſ wunſcheſ zil. xi chert ir herze an gvͦte chvnſt. Deſ beiagte ſi der werlde gvnſt. Frov herzenlavde dîv chvnigin. Jr ſit ane lobe vant gewin. Jr chevſche waſ fvr priſ erchant. Dîv chvnigin vber driv lant. Waleiſ vnde anſchawe. Dar vber waſ ſi frowe. Si trvͦg avch chrone ze Nvͦrgalſ. Jnder havp ſtat ze Gingrivalſ. Jr waſ avch wol ſo lieb ir man. Ob ie dehein frowe mer gewan. So werden frivnt waz war ir daz. Si mohte ez lazen ane haz. Do er vͦz beleip ein halbz iar. Sineſ chomenſ wart ſi fvr war. Daz waſ ir lip gedinge. Do braſt ir frevden chlinge. Miten in dem hefte en zwei. Awe vnde heia hei. Daz gvͦt alſolhen chvmber tregt. Vnde immer triwe iamer regt. Alſuſ vert div menſcheit. Hivt vrevde. morgen leit. Dîv frawe vmbe einen mitten tach. Eineſ angſtlichen ſlaffeſ ſi phlach. Jr chom ein vorhtlicher ſchrich. Sî dvͦhte wie ein ſterneſ blich. Si gein den lvften fuͦrte Da ſi mit chreften rvͦrte xanich fivrin doner ſtrale. Flvgen al ze male. Gein ir. do ſvnkelt vnde ſangte. Von ganſtern ir zophe lanch. Mit chrache gab der doner doͮz. Brinnende zeher waſ ſin flvz. Jr lip ſi dannoch wider vant. Jr zvhte ein griffe ir zeſwe hant. Daz wart verchert ir hie mite. Si dvhte wunderlicher ſite. Wie ſi were eineſ tiereſ amme. Daz ſit zer fvrte ir wambe. Vnde wie ein trach ir brvſt ſvge. Vnde daz der gahſ von ir flvge. So daz ſi in nimmer mer geſach. Daz herze er ir vz dem libe brach. Die vorhte mvͦſe ir avge an ſehen. Ez iſt ſelten wibe mer geſchehen. Jn ſlaffe chvmber dem gelich. Da vor waſ ſi riterlich. Ach wenche daz wirt vercheret gar. Si wart nach iamer nv gevar. Jr ſchade wirt lanch vnde breit. Jr nahent chomen dîv herzen leit. Dîv frawe da begvnde. Deſ ſi da vor niht chvnde. Beidiv zabln vnde wuͦffen. Jn ſlaffe lvͦte rvͦffen. Vil ivnch frawen ſazen hîe. Die ſprvngen dar vnde wachten ſîe xo chom geriten *ampaniſTampaniſ. Jr manneſ maiſter ein chnappe wiſ. Vnde chleiner ivncherren vil. Do giengez vz der vrevden zil. Si ſagten chlagnde ir herren tot. Deſ chom vrav herzelavde in not. Si viel hin vnverſvnnen. Die ritter ſprachen wie iſt gewunnēn. Min herre in ſinem harnaſch. So wol gewaffent er waſ. Swie den chnappen iamer iagte. Den helden er doch ſagte. Minen herren lebenſ lenge ~~floch~~vloch. Sin herſnier von *im er zoch. Deſ twanch in ſtarchiv hize. Gevnertev heidenſ wize. Hat vnſ verſtoln den helt gvͦt Ein riter het bocheſ plvͦt Genomen in ein langez glaſ. Daz ſlvͦg er vf den Adamaſ. Da wart er wæicher danne ein ſwambe. Den man noch malet fvr ~~ein~~daz ~~lambt~~lamb Vnde daz chrevze in ſinen chlan. Dem erbarme daz da ſi getan. Da ſi mit ſcharn zvͦ ein ander ~~chomen.~~riten. Awe wie da wart geſtriten. Deſ warvcheſ riterſchaft. Sich wol wert mit ellenſ chraft. Ze Baldach vf dem gevilde. Dvrch ſtochen wart vil ſchilde. Do ſi zv ein ander gahten. Die poyndir ſich da flahten. Sich wurren die banier. Da viͤl manich degen fîer. Da warht al da minſ ~~herzen~~herren hant. Da von ir aller priſ verſwant. Svſ chom gevarn ypomidon. Mit tode er minem herren lon. Gab. daz er in nider ſtach. Daz manich tvͦſent ritter ſach. Vor alexandrîe. Min herre valſcheſ frêi. Gein dem chvnige herte. Deſ tyoſt in ſterben lerte. Sinen helm ſneit deſ ſperſ ort. Dvrch ſin havpt wart gebort. Daz man daz drvmzel drinne vant. Jedoch geſaz der wigant. Ettewenne er vz dem ſtrite reit. Vf einen plan der waſ breit. Do chom vber in ſin chappelan. Er ſprach mit chvrzen worten ſan Sine bihte vnde ſande her. Dize hemde vnde dize ſper. Daz vnſ von im geſchæiden hat. Er ſtarp ane alle miſſetat. Jvncherren vnde den chnappen ſin. Enphalch er die werden chvnigin. Er wart geleit ze Baldach. Div choſte den Baruch ringe wach. Mit golde wart er geheret. Groz richeit dran gecheret. Von edlm geſtæine. Dar inne lît der ræine. Gewalſemt wart ſin ivnger rê. Von iamer wart vil levten we Ein tivr Rvbin iſt der ſtein. Ob ſinem grab da dvrch er ſchein. Vnſ wart gevolgt hie mite. Ein ~~crvce~~crevce nach der marter ſite. Alſ vnſ chriſteſ tot erloſte Lie man ſtozen im zetroſte. Ze ſcherme der ſele vber daz grab. Der Barvch die choſte gab. Ez waſ ein tivr ſmarat. Wir tatenz ane der heiden rat. Ĵr orden chan niht chrevzeſ phlegen. Alſ chriſteſ tot vnſ lie den ſegen. Ez bettent hæiden ſvnder ſpot. Jn an alſ ir werden got. Niht durch deſ chrevzeſ ere. Nach dvrch deſ tavffeſ lere. Der ze dem vrtellichem ende. Vnſ loſen ſol der gebende. Div manleiche triwe ſin. Git vnſ zehimel liehten ſchin. Vnde avch ſin riwich bihte. Der valſch waſ an im lihte. Jn ſinem helm der adamaſ Epvtafvm ergraben waſ. xer ſigelt vf daz chrevze ob dem grabe Svſ ſagnt die bvͦch ſtabe. Dvrch diſen helm ein tioſt ſlvͦch. Den werden der ellent trvͦch. Gamvret waſ er genant. Gewaltich chvnich drier lant. Jeſlicher im der chrone iach. Da giengen riche fvrſten nach. Er waſ von anſchowe geborn. Vnde hat vor Baldach verlorn. Den lip den Barvch. Sin priſ gab ſo hohen rvch. Niemen richeit an ſin zil. Swa man nv ritter brvͦfen wil. Er iſt von mvͦter vnge born. Ze dem ſin ellent habe geſworn. Jch maine der ſchilteſ amt hat. Helfe vnde manlichen rat. Gab er mit ſtete den vrivnden ſin. Er leit dvrch wip vil ſcharfen pin. Er trvͦch den tavf vnde chriſten. ê. Sarrazinen tet ſin ſterben we. Ane liegen diz iſt war. Siner zit waſ er verſvͦnlichiv iar. Sin ellent ſo nach priſe warp. Mit riterlichem priſ er ſtarp. Er het valſchheit an geſigt. Nv wunſchet im heileſ der hie ligt. Diz waſ alſo der chnappe iach. Waleiſe vil man weinen ſach. xi mvͦſen wol von ſchvlden chlagen. Di frawe het getragen. Ein chint daz inir libe ſtiez. Die man an alle helfe ligen liez. Ahzehen wochen het gelebt. Deſ mvͦter mit dem tode ſtrebt. Herzelavde div chvnigin. Die andern heten chranchen ſin. Daz hvlfen niht dem wibe. Wan ſi trvͦch inir libe. Der aller riter blvͦme wirt. Ob in ein ſterben da verbirt. Do chom ein alt wiſe man. Dvrch chlagen vber die frawen ſan. Al da ſi mit dem tode ranch. Di zende er ir von ein ander dranch. Man goz ir wazer in den mvnt. Do wart ir verſinnen chvnt. Si ſprach awe wa chom min trv̂t. Div frawe in chlagte vber lv̂t. Mineſ herzen frevde b*breit Waſ Gamvreteſ werdecheit Den nam ſimir ſin vrecher ger. Jch waſ vil ivnger denne er. Vnde bin ſin mvͦter vn̄de ſin wip. Jch trage alhie doch ſinen lip. Vnde ſineſ verheſ ſamen. Den gaben vn̄de namen. Vnſer zweier minne. Habe got getriwe ſinne. xo laze mir in zefrvhte chomen. Jch han doch ſchaden vil genomen. An minem ſtolzen werden man. Wie hat der tot ze mir getan. Der enphie nie wibeſ minne teil. Er wer all ir frevden geil. Jn mvͦte wibeſ riwe. Daz riet ſin menlich triwe. Er waſ gar valſcheſ lere. Nv horet ein ander mere. Waz div frawe da begiench. Chint vnde wilip ſi zv ir viench. Mit armen vnde mit henden. Si ſprach mir ſol got ſenden. Die werden frvht von Gamvret. Daz iſt mineſ herzen bet. Got wende mich ſo tvmber not. Ez wer Gamvreteſ ander tot. Ob ich mich ſelben ſlvͦge Die wile daz ich trvͦge Daz ich von ſiner minne enphiench. Der manneſ triwe an mir begiench. Div frowe en rvͦchte wer daz ſach. Daz hemde ſi von der brvſte brach. Jr brvſt linde vnde wîz. Dar an cherte ſi ir flîz. Si drvhte ſi an ir roten mvnt. Si tet wiplich fvr chvnt. Alſo ſprach div wiſe. Dv biſt kaſte eineſ chindeſ ſpiſe. xie hat er ~~von~~vor im her geſant. Sit ichz lebndich in minem libe vant. Div frawe ir willen dar an ſach. Daz ir ſpiſe waſ ir herzen dach. Die milch in ir tvtelin. Drvhte dar vz div chvnigin. Si ſprach dv biſt von triwen chomēn. Hiet ich deſ tavfeſ niht genomen. Dv wereſt wol min tavfel zil. ~~SichMich~~Jch ſol mich begiezen vil. Mit dir vnde mit den avgen. Offenlich vnde tavgen. Wan ich wil Gamvreten chlagen. Div frawe hiez dar naher tragen. Ein hemde nach blvͦte var. Dar inne indeſ Barvcheſ ſchar. Gamvret den lip verloſ. Der werlichen ende choſ. Mit riter manlicher ger. Div frawe avch fragte nach dem ſper. Daz Gamvreten gab den re. Jpomidon von Ninnive. Gab alſvſ werlichen lon. Der ſtolz werde Babilon. Daz hemde waſ ein ~~ha*der~~hader von ſlegen. Div frawe wolde ez an ſich legen. Alſ ſi da vor hat getan. Swenne chom von riterſchefte ir man. Do brachen ſiz ir vz der hant. Die beſten vber al daz lant. xLeſtaten ſper vnde avch daz blvͦt xLeſtaten: Das Majuskel-L steht einzeilig an der Stelle, an der offensichtlich eine zweizeilige Initiale vorgesehenen war. Zedem mvnſter alſ man die toten tvͦt. Jn Gamvreteſ lande. Man iamer do bechande. Da nach vber den vierzehenden tach. Div frawe einſ chindelinſ gelach. Einſ ſvnſ der ſolher lide waſ. Daz ſi vil chvͦm dran genaſ. Hie iſt der aventiwer ~~wrf~~worff geſpilt. Vnde beginneſ gezilt. Wan er iſt al reſt geborn. Dem ~~iſt~~ dize mer wart erchorn. Sinſ vater frevde vnde deſ ~~tot.~~not. Beidev ſin leben vnde ſin tot. Deſ habt ir .ê. ein teil vernomen. Nv wizet wa von iv ſi chomen. Dizſe merſ ſah walte. Vnde wie man den behalte. Man barch in von ritterſchaft. Ê. er choͤme an ſiner wize chraft. Do div chvnigin ſich verſan. Vnde ir chindelin wider zir gewan. Si vnde ander frawen. Begvnden in allen thalben ſchowen. Zwiſchen beinen ſin viſelin. Daz mvͦſe vil getrevtet ſin. Der het manlichiv lit. Er wart mit ſwerten ſit ein ſmit. Vil fîvrſ er von helme ſlvͦch. Sin herze manlich ellent trvͦch. xine mvͦter deſ gelvſte. Daz ſi in vil dike chvſte Div chvnigin ſprach in allen wiſ. Bon. fiz. tſchie. fiz. Bea. fiz. Div chvnigin nam ſvnder twal. Jr rotiv velbelohtiv mal. Selbe waſ ſin amme. Div in trvͦch inir wamme. An ir brvſt ſi in zoch. Div wibeſ miſſewende floch. Si dvhte ſi het Gamvreten. Wunder an ir arme gebeten. Si chert ſich niht an loſheit. Diemvͦt waſ ir bereit. Frov herzenlavde ſprach mit ſinne. Div hohſte chvniginne. Jê. ſvſ ir brvſt bot. Der ſit dvrch vnſ vil ſcharfen tot. Menſchlich an dem chrevze enphiench. Vnde ſi triwe an vnſ begiench. Sweſ lip ſin zvͤrnen ringet. Deſ ſele vnſanfte dinget. Wie chevſche er ſi vnde were. Deſ waiz ich wariv mere. Sich begoz deſ landeſ frawe. Mit ir herzen iamerſ tawe. Jr avgen regen vf den chnaben. Si chvnde wibeſ triwe haben. xeidiv ſvften vnde lachen. Chvnde ir mvnt vil wol gemachen. Si vrevt ſich ir ſvnſ gebvrt. Jr frevde er tranch in iamerſ fvrt. Swer nv wiben ſprichet baz. Deſ war daz laze ich ane haz. Jch frieſche gern ir frevde breit. Wan einer bin ich vmbe reit. Dienſtlicher triwe. Sin zorn iſt iamer niwe. Gein ir ſit ichſ an wanche .ê. ſach. Jch bin wolfram von eſſchenpach. Jch chan ein teil mit ſange. Jch bin ein habndev zange. Mit zorn gei einem wibe. Div hat minem lîbe. Erboten ſolhe miſſetat. Jch han ſi hazenſ deheinen rat Dar vmbe han ich der andern haz. Awe war vmbe tvͦnt ſi daz. Aleine iſt mir ir hazen leit. Ez iſt iedoch ir wipheit. Sit ich mich verſprochen han. Vnde an mir ſelben miſſetan. Daz lihte nimmer mer geſchiht. Doch ſvln ſi ſich vergahen niht. Mit hvrte an min hamit. Si vindent werlichen ſtrit. Jchn han deſ niht vergezen. Jchn chvnne wol gemezen. xeidiv ir gewerde vnde ir ſite. Swelhem wibe volgt chevſche mite. Der lobeſ chempfe wil ſin. Mir iſt von herzen leide ir pîn. Sin lob hinchet ane ſpat. Swer allen frawen ſprichet mat. Dvrch ſin æineſ frawen. Swelhev mit reht wil ſchowen. ~~Bedev~~Beidev wil ſehen vnde horen. Die wil niht betoͤren. Schildeſ ampt iſt min art. Swa min ellent ſi geſpart. Swelhev mich minnet durch geſanch. Div dvnchet mich an wize chranch. Ob ich werdeſ wibeſ minne ger. Mvͦge ich mit ſchilt vnde mit ſper. Verdienen niht ir minnen ſolt. Al dar nach ſi ſei mir holt. Vil hoheſ topelſ er doch ſpilt. Swer mit riter nach minne zilt. Hetenz div wip niht fvr ein ſmæichen. Jch wolde iv fvrbaz ræichen. An diſem mær vnchvndiv wort. Jch ſprach iv dîv aventiwer vort. Swer deſ von mir gervͦche. Der zel ſi ze heinem bvͦche. Wan *ich chan dehæinen bvͦch ſtab. Da nement genvͦge ir *vrhab. Diſiv aventiwer Vert ane der bvͦche ſtiwer. x man ſi hiet fvr ein bvͦch. Jch wer. ê. nachet ane tvͦch. So ich indem bade ſeze. Ob ichſ deſ choſten niht vergeze. Ez machet trvrich mir den lip. Daz ſo manigiv hæizet wip. Jr ſtimme ſint geliche hel. Genvͦge ſint gein valſche ſnel. Etſlichiv valſcheſ lere. Da teilent ſich div mere. Daz ſi geliche ſint genamt. Deſ hat min herze ſich verſchamt. Wipheit inordenlichem ſite. Der vert vnde fv̂r ie triwe mite. Genvͦge ſprechent armvͦt Daz div ſi ze nihte gvͦt ſwer div dvrch triwe lidet. Helle fîvr di ſele midet. Die ſolt ein wip dvrch triwe. Deſ wart ir gabe nivwe. Ze himel mit endeloſer gebe. Jch wene ir nv vil wenich lebe. Die ivngēn. der erde rihtvͦm. Lazen dvrch deſ himelſ rvͦm. Jch er chenne ir deheine. Man vnde wip ſint mir aleine. Die mvͦtenz alle geliche Frov herzenlavde dîv riche. Jr drier lande wart ſi en gaſt. Si trvͦch der frevden mangelſ laſt. xer valſch vil gar anir verſwant. Avge noch ore in nie da vant. Jr waſ ein nebel div ſvnne. Si floch der werlde wunne. Jr waſ gelich naht vnde tach. Jr herze niht wan iamerſ phlach. Sich zoch div frawe iamerſ balt. Vz ir lande in einen walt. Ze der wuͦſten ſoltanîe Niht dvrch die blvͦmen vf die planîe Jr herzen iamer waſ ſo ganz. Si cherte ſich an dehæinen chranz. Er wer rot oder val. Si brahte dar dvrch flvht ſal. Deſ werden Gamvreteſ chint. Levte di bi ir da ſint. Mvͦſen bvͦwen vnde rvͤten Si chvnde wol getrvͤten Jr ſvn .ê. daz er ſich verſan. Jr volch ſi gar fvr ſich gewan. Ez weren man oder wip. Den gebot ſi allen an den lip. Daz ſi immer wurden riterſ lv̂t Wan gefrieſch daz minſ herzen trvt. Welch riterſ leben were. Daz wurde mir vil ſwere. Nv habt ivch an der wize chraft. Vnde helt in alle riterſchaft. Der ſit fvr angeſliche vart. Der chnappe alſvſ verborgen wart. Ze der waſten ſoltanîe er zogen. An chvnichlicher fvͦre betrogen. Ezn mohte niht an einem ſite ſin. Bogen vnde bolzelin. Sneit er mit ſin ſelbeſ hant. Vnde ſchoz vil vogel die er vant. Swenne aber er den vogel er ſchoz. Deſ ſchal von ſange .ê. waſ vil groz. So weinet er vnde raufte ſich. An ſin har chert er gerich. Sin lip waſ chlar vnde fîer Bi dem plan an dem rivier. Twuͦch er ſich alle morgen. Er chvnde niht geſorgen. Ez wer ob im der voglein chlanch. Div ſvͦze in ſin herze dranch. Daz erſtraht im ſiniv brvſtelin. Al wæinunde lief er ze der chvnigin. So ſprach ſi wer hat dir getan. Dv wer hin vz vͦf den plan. Er chvnde ir geſagen niht. Alſ liht chinden noch geſchiht. Dem mer gie ſi lange nach. Eineſ tageſ ſi in chaphen ſach. Vf die bvͦme nach der vogel ſchal. Si wart wol inne daz er ſwal. Von der ſtimme ir chindeſ brvſt. Deſ twanch in art vnde ſin gelvſt. Frov herzenlavde chert ir haz. An die vogel ſi weſt vmbe waz. xi wolde ir ſchal verchrenchen. Jr bvlvͤte vnde ir enchen. Hiez ſi balde gahen. Vogel wurgen vnde vahen. Die vogel waren baz geriten. Etſlicher ſterben wart ver miten. Jr beleib da le*lebendich ein teil. Die ſit mit ſange wurden geil. Der chnabe ſprach ze der chvnigin. Waz wizet man den vogelin. Er gert in frideſ ſa ze ſtvnt. Sin mvͦter chvſte in an den mvnt. Si ſprach we weſ wende ich ſin gebot. Der doch iſt der hoſte got. Svln vogel dvrch mich frevde lan. Der ~~chabe~~chnabe ſprach ze der mvͦter ſan. Awe mvͦter waz iſt got. Svn ich ſage dir ane ſpot. Er ſtiſt noch liehter danne der tach. Der antlvzeſ ſich bewach. Nach manneſ antlvze. Svn merche ein wize. Vnde flehe in vmbe dine not. Sin triwe der werlde iê. helfe bot. So hæizet einer der helle wirt. Der iſt ſwarz vntriwe in niht verbirt. Von dem chere dine gedanche. Vnde avch von zwifelſ wanche. Sin mvͦter vnder ſchied im gar. Daz vinſter vnde daz lieht gevar. xar nach ſin ſnelheit verre ſpranch. Er lernt den gabiloteſ ſwanch. Da mit er manigen hiͤrz er ſchoz. Deſ er vnde ſin mvͦter wol genoz. Ez wær æber oder ſne. Dem wilde tet ſin ſchiezen .we. Nv horet fromdiv mere. Swenne er ſchoz daz ſwere. Deſ wer ein mvͦle geladen gnvͦch Alſo vnzerworht erz hin heim trvͦch. Eineſ tageſ gie er den wæide ganch. An eine halden div waſ lanch. Er brach dvrch blat ſtimme ein zwic Bi im nahen gîe êin ſtich. Da waſ ein ſchal von hvͦfſlegen. Sin Gabilot begvnde er wegen. Da ſprach er waz han ich vernomēn. Wan wolde ot nv der tivel chomen. Mit grimme zorneſ riche. Den beſtvͦnde ich ſicherliche. Min freiſe von ~~mir~~im ſagt Jch wene ir ellent ſi verzagt Alſvſ ſtvͦnt er ſtriteſ ger. Nv ſeht dort chomen geſchavftet her Drie riter nach wunſche var. Von dem fvͦze vͦf gewaffent gar. Der chnappe wande ſvnder ſvnder. ſpot. Daz ieſlicher wer ein got. Do ſtvͦnt er niht lenger hîe. Jn dem pfade viel *er nider vf div chnîe xil lvte rief der chnappe ſan. hilf got dv maht wol helfe han. Der vod̉er zornſ ſich bewach. Do der chnappe in dem pfade lach. Diͤrre torſche waleiſe. Vnſ wendet gehe reiſe. Den priſ den wir paier tragen. Mvͦz ich von waleiſe ſagen. Die ſint torſcher danne pairſch her. Vnde doch bi manlicher wer. Swer in den zwein landen wirt. Gefvͦge wunder an im birt Do chom geleiſiert. Vnde wol gezimiert. Ein ritter dem waſ hart gach. Er reit in ſtrîtlichen nach. Die verre von im waren chomen. Zwene riter heten in benomen. Eine frawen in ſinem lande. Den helt ez dvhte ſchande. Jn mvͦt der ivnchfrowen leit. Div iemerlichen ~~von~~vor im reit. Diſ drie waren ſine man. Er reit ein ſchone kaſtelan. Sinſ ſchildeſ waſ vil lvzel. ganz. Er hiez karnakarnanz. Ze chvͦnſ vterlech. Der ſprach wer irret vnſ den wech. Svſ fvͦr er ze dem * chnappen ſan. Den dvhte er alſ ein got getan. x *rr het ſo lichteſ niht er chant. Vf dem tawe den waffenroch er vānt Mit gvldinen ſchellen chleine. Vor ietwederm beine. Waren die ſtegereife er chlenget. Vnde ze *rehter maze er lenget. Sin zeſwer arm von ſchellen chlanch. Swar er in bot oder ſwanch. Der waſ dvrch ſwerteſ ſlege ſo hel. Der helt waſ gein priſe ſnel. Svſ fvr der mvͦteſ riche. Gezimiert wunnechliche. Aller manne ſchoͮne ein ~~bl*vmēn~~blvͦmēn chranz. Der fragte karnakarnanz. Jvnchherre ſaht ir fvr ivch varn. Zwene ritter di ſich niht bewarn. Chvnnen an ritterlicher zvmft. Si ringēnt mit der not nv̄nft. Vnde ſint an werdecheit verzaget. Si fvrent ravbet eine magt. Der chnappe wande ſwaz er ſprach. Ez wer ein got alſ im veriach. Frov herzenlavde div chvnigin. Do ſi im vnder ſchiet den liehten ſchin. Do rief lvͦte ſvnder ſpot. Nv hilf mir helfe richer got. Vil diche viel er an ſin gebet. Fil li Royſ Gamvret. Der fvrſte ſprach ich bin niht got. Jch leiſte aver gerne ſin gebot. Dv maht hie vier ritter ſehen. Ob dvz zerehte chvndeſt ſpehen. xer chnappe vragte vurbaz. Dv nenneſt ritter waz iſt daz. Haſt niht gotlicher chraft. So ſage mir wer gît ritterſchaft. Daz tvͦt der chvnich Artvſ. Jvnch herre chompt ir in deſ hvſ. Er bringet ivch an ritterſ namen. Daz irſ ivch nimmer dvrfet ſchamen. Jr mvget wol ſin von ritterſ art. Von den helden er beſchawet wart. Do lach div goteſ chvnſt anim. Von der aventiwer ich daz nim. Div mich mit warheit deſ beſchiet. Nie manneſ varwe waſ ſo lieht. Vor im ſît adameſ zit. Deſ wart ſin lob von wiben wit. Aber ſprach der chnappe ſan. Da von ein lachen wart getan. iii iiii Hei ritter gvͦt waz maht dv ſin. Dv haſt ſvſ manich vingerlin. An dinen lip gebvnden. Dort oben vnde hie vnden. Da begreif deſ chnappen hant. Swaz er yſenſ an dem fvrſten vant. Daz harnaſch begvnde er ſchawen. Miner mvͦter ivnch frawen. Jr vingerlin an ſnvͦrne tragnt. Div ſo niht an ein ander ragnt. xer chnappe ſprach dvrch ſinen mvͦt. Ja herre war zv iſt dize gvͦt. Daz dich ſo wol chan ſchiken. Jch chanſ niht abe zwichen. Der fvrſte zaigt im ſin ſwert Nv ſich ſwer ſtriteſ an mich gert. Deſ ſelben wer ich mich mit ſlegen. Fvͦr di ſine mvͦz ich an mich legen. Vnde fvͤr den ſchvz vnde fvͤr den ſtich. Mvͦz alſvſ waffen mich. Aber ſprach der chnappe ſnel. Ob di hirze ſvſ trvͦgen ir vel. So ver wundet ir niht min Gabilot. Der vellet manger vor mir tot. Die ritter zvͦrnden daz er hielt. Bi dem chnappen der vil tvmbe hiet. Der fvrſte ſprach got hvͦte din. Awe wan wer din ſchone min. Dir het got den wunſch geben. Ob dv mit wizen ſoldeſt leben. Div goteſ chraft dir verre leit. Die ſine vnde avch er ſelbe reit. Vnde gahten alle balde. Ze einem velde indem walde. Da ſach der ge fvͦge. Frov herzenlavden pflvege. Ir volche leider nîe geſchach. Dîe er vil balde eren ſach. Si begvnden ſên vnde da nach êgen. Ir gart ob ſtarchen ohſen wegen. xer fvrſte in gvͦten margen bot. Vnde fragt ſiv obſi ſehen not. Eine ivnch frowen lîden. Sine enchvnden niht ver mîden. Sweſ er ſi fragt ez wer geſagt. Zwen ritter vnde ein magt. Hie riten hivte morgen. Div frawe fvͦr mit ſorgen. Mit ſporn ſi vaſte rvͦrten. Die die ivnch frawen fvͦrten. Daz waſ Melyakanz. Den er gahte karnakarnanz. Mit ſtrite er im die frawen nam. Div waſ da vor an frevden lam. Sie hiez Jmenîe. Von der Beafantanîe Die bovlevte ſere verzagten. Do di helde fvr ſi iagten. Si ſprachen wie iſt vnſ geſchehen. Hat vnſer ivnchherre er ſehen. Vf diſem ritter helmſchart. So haben wir vnſ niht wol bewart. Wir ~~haben~~ſvln der chvniginne. haz. Von ſchvlden horen vmbe daz. Wan er mit vnſ da her lief. Hevt morgen do ſi dannoch ~~ſle~~ſlief Der chnappe en rvͦchte wer do ſchoz. Die hirze chleine oder. groz. Er hvͦp ſich gein der mvͦter wider Vnde ſagt ir mêr da viel ſi nider. Siner worte ſi ſo ſere er ſchrach. Daz ſi vnverſvnnen vor im lach. Do div chvniginne. Wider chom ze ir ſinne. Swie ſi da vor verzagte. Da ſprach ſi ſvn wer hat geſagte Dir von ritterſ orden. Wa biſtv deſ innen warden. Mvͦter ich ſach vier man. Noch liehter danne got getan. Die ſagten mir von ritterſchaft. Artvſeſ chvnichlichev chraft. Sol mich noch ritterſ eren. An ſchildeſ ampt cheren. Sich hvͦp ein niwer iamer hie. Div frawe en weſte rehte wie. Daz ſi ir der liſte er dehte. Vnde im von dem willen brehte. Der chnappe tvmp vnde wert. Jeſch von der mvͦter ein pfert. Daz begvnde ſi inir herzen chlagen. Si gedaht ich wil niht ~~verz~~verſagen. Ez mvͦz aber harte boſe ſin. Do dahte mer div chvnigin. Der levte vil bi ſpote ſint. Toren chleider ſol min chint. Ob ſinem liehtem libe tragen. Wirt er geravfet vnde geſlagen. So chvmpt er mir her wider wol. Awe der ier*iemerchlichen dol. Div frawe nam ein ſach tvͦch. Si ſneit im hemde vnde brvͦch. Daz doch an einem ſtvche er ſchein. Vnz en mitten an ſin blozez bein. Daz wart fvr toren chleit erchant. Ein gvgelin man oben drvfe vant. Al rvch ~~fricch~~friſch chelberin. Vz einer hvte zwâi riwalin. Nach ſinem bein wart geſniten. Da wart iamer niht vermiten. Div chvnigin waſ alſo bedaht. Si bat beliben in die naht. Dv ſolt niht hinnen cheren. Jch wil dich liſte leren. An vngewanten ſtrazen. Soltv tvnchel fvͤrte lazen. Die ſihte ~~vnder~~vnde lvter ſin. Da ſolt albalde riten in. Dv ſolt dich ſite nieten. Der werlde grvͦze bieten. Ob dich ein alt wiſ man. Zvht wil leren alſ er wol chan. Dem ſoltv gerne volgen. Vnde wiſ im niht erbolgen. Svn la dir bevolhen ſin. Swa dv gvͦteſ wibeſ vingerlin. Mvgeſt erberwen vnde ir grvͦz. Daz nim ez macht dich chvmberſ bvͦz. xv ſolt ze ir chvſſen gahen. Vnde ir lip vaſte vmbe vahen. Daz git dir gelvch vnde hohen mvͦt Ob ſi chvſche iſt vnde gvͦt. Dv ſolt avch wizen ſvn min. Der ſtolz chvͦn lehelin. Dinen fvrſten ab er vaht zwei lant Di ſolden dinen diner hant Waleiſ vnde Nvͦrgalſ. Ein din fvrſte tvrkentalſ. Den tot von ſiner hende enphie. Din volch er ſlvͦch vnde vie. Daz riche ich mvͦter rvͦcht ſin got. Jn verwundet noch min Gabilot. Deſ morgenſ dv der tach er ſchein. Der chnappe wart vil balde en ein. Jm wart gein artvſe gach. Frov herzenlavde in chvſte vnd lief im nach. Der werlde riwe hie geſchach. Do ſi ir ſvnſ niht mer ſach. Der vert von ir wem iſt deſter baz. Do viel div frawe valſcheſ laz. Vf di erde da ſi iamer ſneit. So daz ſi ſterben da niht vermeit. Jr vil getrevlicher tot. Der frawen wert die helle not. O wol ſi daz ſi mvͦter wart. Svſ fvͦr die lonſ bernden vart Ein wurzel der gvͦte. Ein ſtam der dimvͦte. Awe daz wir nv niht han. Jr ſippe vnze an den ein leſten ſpan. Deſ wirt gevelſchet manich lip. Doch ſolten nv getriwe wip. Heilſ wunſchen diſem nchnaben. Der ſich von ir hie hat er haben. xo chert der chnappe wol getan. Gein dem foreſt gein Breſiliam. Er chom an einen bach geriten. Jn het ein han wol vber ſchriten. Swie da ſtvnden blvmen vnde graſ. Dvrch daz der flvz ſo tvnchel waſ. Der chnappe den fvrt dar an ver meit. Den tach er gar da neben reit. Alſ iz ſinen wizen tohte. Er belæib die naht ſwie er mohte. Deſ morgenſ do der tach er ſchein. Der chnappe hvͦp ſich dan al ein. Ze einem fvͦrt lvter vnde wol getan. Da waſ ander halb der plan. Mit einem gezelt geheret. Groz richeit dran gecheret. Von drier hande varwe ſamît. Ez waſ hoht vnde wît. Vf den neten lagen porten gvͦt Da hiench ein lideriner hvͦt Den man dar vber ziehen ſolde. Jmmer ſwanne ez regen wolde. xvrch Orilvſ ~~der~~de la lander. Deſ wip dort vnder vander. Ligen wunnechliche. Die herzoginne riche. Gelich eineſ ritterſ trvͦt Div frawe hiez ieſcvͦt Div frawe waſ en ſlafen. Si trvͦch der minne waffen. Einen mvnt dvrch luhtich rot. Vnde gernde ritterſ herzen not. Jnnen deſ do div frawe ſlief. Der mvnt ir von ein ander lief Der trvͦch der minne hize fîvr. Svſ lach deſ wunſcheſ aventiwer Mit ſne wizen beinen. nahēn beÿ ainand̉ern chlainen Svſ ſtvͦnden ir di lihten zen. Jch wen mich iemen chvſſeſ wen. An einem ſo wol gelobten mvnt. Daz iſt mir ſelten worden chvnt. Ein dech lachen zobelin. Er vant an ir hvffelin. Daz ſi dvrch hize von imir ſtiez. Die der wirt aleine liez. Si waſ geſchiket vnde geſniten. An ir waſ chvnſt niht vermiten. Got ſelbe worht ir ſvͦzen lip. Avch het daz minnechliche wip. Langen arme vnde blanche hant. Der chnappe ein vingerlin do vant. Daz in gein dem bette twanch. Do er mit der chvnigine ranch. xo daht er an di mvͦter ſin. Div riet im an gvͦteſ wibeſ vingerlin. Do ſprānch der chnappe wol getan. Von dem tepch vf daz bette ſan. Div ſvͦze chevſche vnſanfte erſchrach. Do der chnappe an ir arme lach. Si mvͦſe iedoch er wachen. Mit ſcham begvnde ſie lachen. Div frawe zvht gelerte. Vnde ſprach wer hat mich enterte. Jvnch herc*herre iv iſt ſin gar zevil. Jr mohte iv nemen ein ander ſpil. Div frawe lvte chlagte. Er en rvͦhte waz ſi ſagte. Jr mvnt er an den ſinēn twanch. Dar nach waſ noch niht zelanch. Er drvht an ſich die ~~chvnigin.~~herzogin. Vnde nam ir avch ein vingerlin. An ir hemde er ein fvͦrſpan ſach. Vngefvͦge erz dannēn brach. Div frawe waſ mit wibe wer. Jr waſ ſin chraft ein ganzez her. Do wart vil ringenſ da getan. Der chnappe chlagte hvnger ſan. Div frawe waſ ir libeſ lieht. Si ſprach ir ſvlt *mich ezen nieht. Wert ir zefrvmen wiſe. Jr næmet îv ander ſpiſe. Dort ſtet brot vnde win. Vnde avch zwei legelin. Alſ ein ivnchfrawe brahte. Div iv ſin wenich gedahte. Done rvͦchter wa div wirtinn ſaz. Einen gvͦten chrofpf er im az. Dar nach er ſwer trvnche tranch. Die frawen dvht al zelanch Sinſ weſenſ in dem bavilv̂n. Si ~~wanten~~want er wer ein garzv̂n. Geſchæiden von den wizen. Jr ſcham begvnde ſwizen. Jedoch ſprach div herzogin. Jvncherre ir ſvlt min vingerlin. Hie lazzen vnde min fvͦrſpan. Hebt ivch en wech wan chvmpt min mān Jr mvͦzet zorn lîden. Daz ir gerner moͮhtet mîden. Do ſprach der chnappe wol geborn. Waz fvrht ich iwerſ manneſ zorn. Wan ſchadet iz îv an eren. So wil ich hinnen cheren. Do ſpranch er gein dem bette ſan. Ein ander chv̂ſ da wart getan. Daz waſ der frawen leit. Der ~~chappe~~chnappe an vrlovb danne reit. Jedoch ſprach er got hvͦte din. Alſvſ riet div mvͦter min. Der chnappe deſ ravbeſ waſ gemeit. Do er eine wile von dannen reit. vil nahen gein der mîle zil. Do chom von dem ich ſprechen wil. Er ſpvrt andem ~~tawe~~tavwe. Daz geſvͦchet waſ ſin frawe. Der ſnvͦre ein teil waſ vz getreten. Do het ein chnappe daz graſ geweten. xer fvrſte wert vnde er chant. Sin wip dort al trv̂rich vant. Do ſprach der herzoge orilvſ. Awe frawe wie han ich ſvſ. Min dienſt gein iv gewendet. Mir iſt nach laſter gendet. Manich riterlicher priſ. Jr habt ein ander amyſ. Div frawe bot ir lavgen. Mit wazer richen avgen. So daz ſi vnſvldich were. Er gelavbt niht ir mere. Jedoch ſprach ſi mit vorhten ſiten. Do chom ein tor her zv geriten. Swaz ich levte erchennet han. Jch geſach nie lip ſo wol getan. Min fvrſpan vnde min vingerlin. Nam er an den willen min. Hei ſin lip iv wol gevellet. Jr habt ivch *zv im geſellet. Do ſprach ſi nv en welle got. Siniv Rabalin vnde ſin Gabilot. Waren mir gar ze nahen. Div rede iv ſol verſmahen. Fvrſtinne ez vbel gezême. Ob ſi da minne nême. Aber ſprach der fvrſte.ſan. Frawe ich han iv niht getan. Jrn welt ivch einer ſite ſchamen. Jr liezet chvnigīnne namen. Vnde hiezet dvrch mich ein herzogin. Der chavf der git mir vngewin. Sin manheit div iſt doch chech. Daz iwer brvͦder erech. Min ſwager fil der Roy lach. Jvch wol dar vmbe hazzen mach. Mich er chennet avch der wiſe. An ſo gewantem priſe. Der ninder mach enteret ſin. Wan daz er ~~mich~~ vor Brvrin. Mit ſiner tyoſt valte. An im ich ſich bezalte. Vil hohen priſ vor karnant. Ze rehter tyoſt ſtach in min hant. Hinderz orſ dvrch vianze. Durch ſinen ſchilt min lanze. Jwer cleinode brahte. Vil Lvzel ich do gedahte. Jwer minne einem anderm trv̂t Min frawe L*Jeſchvte. Frawe ir ſvlt gelavben deſ. Daz der ſtolze Galoeſ. Fil lo Royſ Gandin. Tot lach von der tyoſte min. Jr hieltet avch da nahen bi. Da min herre plihori. Gein mir dvrch tyoſtiern reit. Vnde mich ſin ſtriten niht ver meit. Min tyoſt in hinderz orſ ver ſwanch. Daz in der ſatel ninder dranch. Jch han diche priſ bezalt. Vnde mangen riter abe gevalt. Deſ en moht ich geniezen niht. Ein hohez laſter mir deſ vergiht. xi hazzent mich beſvnder. Die *von der tavelrvnder. Der ich æhte nider ſtach. Daz manich ivnchfrawe an ſach. Vmbe den ſparwer ze kanadich. Jch behielte îv priſ vn̄de mir den ſich. Daz ſahet ir vnde artvſ. Der mine ſweſter hat zehvſ. Die ſvͦzen Gvnwaren. Der mvnt niht chan gebaren. Mit lachen .ê. ſi den geſiht. Dem man deſ beſten priſeſ giht. Wan chome mir nv der ſelbe man. So wuͤrde ein ſtrît hie getan. Alſ hivt morgen do ich ſtreit. Vnde einem fvrſten frvmte leit. Der mir ſin tyoſtiern bot. Von miner tyoſte lag er tot. Jch wil iv niht von zorn ſagen. Daz maniger hat ſin wip geſlagen. Het ich dienſt oder hvlde. Vmbe michelſ chrencher ſchvlde. Daz iv ſolde bieten. Jr mvͦſt ivch mangelſ nieten. Jchn ſol niht mer er warmen. An iwern blanchen armen. Da ich etwenne dvrch minne lach. Vil manigen wunnechlichen tach. Jch ſol velben iwern roten mvnt. Vnde iwern avgen rote machen chvnt. Jch ſol iv frevde enteren. Vnde iwer herze ſvften leren. xiv fvrſtinne an den fvrſten ſach. Jr mvnt do iemerlichen ſprach. Nv eret an mir ritterſ priſ. Jr ſit getriwe vnde wiſ. Vnde doch ſo gewaltich min. Jr mvͦget mir geben hohen pin. Jr ſvlt .ê. min gerihte nemen. Dvrch elliv wip lat ivchſ gezemen. Jr mvͦget mir dannoch fvͦgen not. Leg ich von andern handen tot. Daz iv niht priſ geneigte. Swie ſchier ich danne væigte. Daz wer mir ein ſvͦzîv zît. Sit iwer hazzen an mir lit. Aber ſprach der fvͤrſte mere. Frawe ir waret mir ze here. Deſ ſol ich an ivch mazen. Geſelleſchaft wirt lazen. Mit trinchen vnde mit ezen. Bî ligenſ wirt ver gezen. Jr enphahet mer dehein gewant. Ni wan alſ ich ivch ſizen vant. Jwer zvͦm movz ſin ein beſtein ſeil. Jwer pfert begiagt wol hvng̉er teil. Jwer ſatel wol gezieret. Wirt enſchvmpfieret. Vil balde er zart vnde brach. Den ſamit drabe do daz geſchach. Er zer ſlvͦch da ſi inne reit. Jr chevſche vnde ir wipheit. Sin hazzen liden mvͦſten. Mit beſtînen bvͦſten. Bant er in aber zvͦ Jr chom ſin hazzen ge*gar zefrvͦ xo ſprach er an den ziten. Frawe nv ſvl wir riten. Cheͦme er mir deſ wurde ich geil. Der hie nam iwer minne teil. Jch beſtvͦnde in vf aventîwer. Ob ſin adem geb fîvr. Alſ einſ wilden trachen. Al wæinende ſvnder lachen. Div frawe ~~iar~~iamerſ riche. So ſchiet dannen trvrichliche. Si mohte niht ſwaz ir geſchach. Niht wan ir manneſ vngemach. Deſ trvͦren gab ir ſolhe not. Daz ſi noch ſanfer were tot. Nv ſvlt ir ſi dvrch triwe chlagen. Si beginnet nv hohen chvmber tragen. Wer mir aller wibe haz bereit. Mich mvͦt frovn Jeſchvten leit. Svſ ritenſ vf der ſla hin nach. Dem chnappen waſ avch vor in gach. Do en weſte der vnverzagte. Niht daz man in iagte. Wan ſwen ſin avgen ſahen. Dem er begvnde nahen. Den grvͦzte der chnappe i*gvͦter. Vnde iach ſvſ riet min mvͦter Alſvſ chom vnſer torſcher chnabe. Geriten eine halden abe. Wibeſ ſtimme er horte. Vor eineſ velſeſ orte. Ein frawe vz rehtem iamer ſchrei. Jr waſ div rehte frevde en zwei. xer chnappe reit ir balde zvͦ. Nv horet waz div frawe tvͦ. Do ~~ſprach~~prach div frawe Sigv̂ne Jr lange zopfe brv̂ne. Vor iamer vz der ſwarten. Der chnappe begvnde warten. *Tſchionachtolander Den fvͤrſten tot vander. Der ivnchfrawen in ir ſchoz. Alleſ ſchimpfeſ ſî verdroz. Er ſi trv̂rich oder frævde var. Die bat min mvͦter grvͦzen gar. Got halde ivch ſprach deſ chnappen mvnt. Jch han hie iemerlichen fvnt. Jn iwer ſchoze fvnden. Wer gab iv den ritter wunden. Der chnappe vn verdrozen. ſprach wer hat in erſchozen. Geſcha*Geſchachz mit einem Gabilot. Mich dvnchet frawe er lige tot. Chvndet ir iht mir von im geſagen. Der iv den ritter hat erſlagen. Ob ich in mvge errîten. Jch wolde gerne mit im ſtrîten. xo greif der chnappe mêre. Ze ſinem chochære. Vil ſcharpfiv Gabilot er vant. Er fvͤrt avch dannoch beidiv pfant. Die er von Ieſchvten brach. Vnde im ein tvmpheit da geſchach. Het er gelernt ſinſ vater ſite. Div werdicheit im volgte mite. Div bvkel wer gehvrtet baz. Do div herzoginne al eine ſaz. Div ſit vil chvmberſ dvrch in leit. Mer danne ein ganzez iar ſi meit. Grvͦz von ir manneſ libe. Vnreht geſe*geſchach dem wibe Nv horet avch von ſygvnen ſagen. Div chvnde ir leit mit leide chlagen. Si ſprach ze dem chnappen dv haſt tvgende. Geret ſi din ſvͦziv ivgende. Vnde din antlvze minnechlich Deſwar dv wîrdeſt noch ſelden rich. Diſen ritter mêit daz Gabilot. Er lach ze tyoſtiern tot. Dv biſt gebarn von triͮwen. Daz er dich ſvſ chan riͮwen. .Ê. ſi den chnappen riten lieze. Si vragte in wie er hieze. Si iach er trvͦg den goteſ fliz. Bon. fiz. ſchere. fiz. bea. fiz. Alſvſ hat mich genennet. Swer mich da heime er chennet. Do div rede waſ getan. Si er chande in bei dem namen ſan. Jr roter mvnt ſprach ſvnder twal. Deſſwar dv ~~hæizet~~hæizeſt Parcifal. Din nam iſt rehte en mitten dvrch. Groz lieb ir ſelich herzen fvrch. Mit diner mvͦter triͮwe. Din vater liez ir riͮwe. Jch gihe dir niht zervͦme. Din mvͦter iſt min mvͦme. Jch ſage dir ſvnder valſchen liſt. Di rehten warheit wer dv biſt. Din vater waſ ein anſhevin. Ein waleis von. der mvͦter din. Biſt dv geborn von kanvoleiz. Die rehten warheit ich deſ weiz. Dv biſt avch chvnich ze Nvͦrgalſ. Jn der werden ſtat ze kingrivalſ. Sol din havbt chrone tragen. Dirre fvͤrſte wart dvrch dich er ſlagen. Wan er din lant ie werte. Sin triͮwe in nie ver zerte. Jvnch fletich ſvͦzer man. Die gebrvͦder hant dir vil getan. Zwei lant nam dir Lehelin. Diſen ritter vnde den veter din. Ze tyoſtiern ſlvͦch Orilvſ. Der lie avch mich inſorgen ſvſ. xir dient an alle ſchande. Dirre fvrſte von dem lande. Do zoch mich din mvͦter Lieber neve gvͦter. Nv hore waz diſiv mere ſin. Ein brachen ſeil gab im den pin. Jnvnſer zweir dienſt den tot. Hat er beiagt vnde immer iſt not. Mir ~~m*ch~~nach ſiner minne. Jch hete chranche ſinne. Daz ich im niht minne gab. Deſ hat der ſorgen vrhab. Mir frevde verſchroten. ~~Vnde~~Nv minne ich in alſo toten. Da ſprach er niftel mir iſt leit. Din chvmber vnde min laſter breit. Swenne ich daz mach gerechen. Daz wil ich gerne zechen. Do waſ in gêin ſtrîte gach. Si wiſte in vnrehte nach. Si vorhte daz er den lip verlvͦr. Vnde daz ſi grozern ſchaden kvͦr. Eine ſtraze er da geviench. Div gein Britaneiſe giench. Div waſ geſtrichet vnde breit. Swer im wider gie oder reit. Ez wær ritter oder chavf man. Die ſelben grvͦzter alle ſan. Vnde iach iz wær ſiner mvͦter rat. Div gab im ane miſſetat. xer abent begvnde nahen. Groz mvͦde gein im gahen. Do ſach der tvmpheit genoz. Ein hv̂ſ *zeze gvͦter maze groz. Dar inne waſ ein arger wirt. Alſ noch vf vngeſlehte birt. Daz waſ ein viſchære. Maniger gvͦte lere. Den ~~chappen~~chnappen hvnger lerte. Daz er der gegen cherte. Vnde chlagte dem wirt hvngerſ not. Der ſprach ich *gebe iv ein halbez brot. Niht ze drîzech iaren. Swer miner milte varen. Vnde vergeben wil. der ſvͦmet ſich. Jch ſorge vmbe niemen nvn vmbe mich. Dar nach vmbe miniv chindelin. Jr chomet talanch do her in. Hiet ir pfenninge oder pfant. Jch behielt ivch al ze hant. Jm bot der chnappe wol getan. Frovn Ieſchv̂ten fvͤrſpan. Do daz der vilan erſach. Sin mvnt do lachte vnde ſprach. Wil dv beliben ſvͦzez chint. Dich erent alle die hie ſint. Wil dv mich hînt wol ſpiſen. Vnde morgen rehte wiſen. Gein Artvſe dem bin ich holt. So mach beliben dir daz golt. Daz tvͦn ich ſprach der vilan. Jch gesach nie lip ſo wol getan. Jch bringe dich dvrch wunder. Fvͤr deſ chvnigeſ tavelrvnder. xie naht beleip der chnappe do. Man ſach in deſ morgenſ ander ſwaͦ. Deſ tagſ er chvͦme erbeitte. Der wirt avch ſich bereite. Vnde lief im vor. der chnappe nach. Reit. do waſ in beiden gach. Min her hartman von awe. Frov Ginover iwer frawe. Vnde iwer herre her Artvſ. Den chvmt ein min vrivnt ze hvſ. Bitet hvͦten ſin vor ſpote. Er iſt gige noch div rote. Si ſvln ein ander gampel nemen. Deſ lazen ſich dvrch zvht gezemen. Anderſ iwer frowe enîte. Vnde ir mvͦter karſinifîte. Werdent dvrch di mvl gezvchet. Vnde ir lob gebvchet. Sol ich den mvnt mit ſpotte zern Jch minen frivnt mit ſpotte wern. Do chom der viſchære. Vnde der chnappe mere. Einer havpſtat ſo nahen. Al da ſi nantiſ ſahen. Do ſprach er got hvͦte din. Nv ſich do ſolt dv riten in. Da ſprach der chnappe an witzen laz. Dv ſolt mich wiſen fvrbaz. Hei wi wol min lip daz bewart. Div meſſenie iſt ſolher art. Genahet ir immer vilan. Daz iſt vil ſere miſſetan. Der chnappe al eine fvrbaz reit. Vf einen plan niht zebreit. Der ſtvͦnt von blvͦmen. lieht gemal. Jn zoch dehein cvrvenal. Ern chvnde kvrtoyſe niht. Alſ vngevarnem man geſchiht. Sin zavm der waſ bæſtein. Vnde harte chranch ſin pferdelin. Daz tet von ſtrvͦchen manigen val. Avch waſ ſin ſatel vber al. Vmbe ſlagen mit niͮwen ledern. Samit herminer vedern. Der zweier man lvzel an im da ſiht. Er bedorfte der mandel ſnvͦre niht Fvr ſvggenie vnde fvr ſvrckot. Da fvr nam er ſin Gabilot. Deſ ſite man gein priſe maz. Sin vater waſ gechleidet baz. Vf dem tepich vor kanvoleiz. Der gelie nie vorhtlichen ſweiz. Jm chom ein ritter wider riten. Den Grvͦzt er mit gvͦten ſiten. Got halde ivch riet min mvͦter mir. ~~Jvnchere~~Jvncherre got lone iv vn̄de ir. Sprach Artvſeſ baſen ſvn. Jn zoch vtpandragvn. Avch ſprach der werde wigant. Êrbeſchaft ze britanie vf daz lant. Daz waſ ~~Jhte~~Jther von kahaviez. Den roten ritter man in hiez. xin harnaſch waſ gar ſo rot. Daz ez den avgen rote bot. Sin orſ waſ rot vnde ſnel. Al rot waſ ſin gvgerel. Rot ſamit waſ ſin covertîvr Sin ſchilt noch roter danne eīn fîvr Al rot waſ ſin cvrſit. Vnde wol an im geſniten wît Rot waſ ſin ſchaft vnde ſpſin ſper Al rot nach deſ heldeſ ger. Waſ im ſin ſwert gerotet. Gein der ſcharfen herte geloͤtet Al rot von golde vzvf ſiner hant. Dem chvnige von cvcumerlant. Stvͦnt ein chophe wol er graben. Ob tavelrvnder vf er haben. Blanche waſ ſin vel rot waſ ſin har. Er ſprach zedem chnappen ſvnder var. Geret ſi din ſvͦzer lip. Dich braht zeder werld êin ſelich wip. Wol der mvͦter div dich gewar. Jch geſach nîe lip ſo wol gevar. Dv biſt ~~dewaren~~derwaren minne blich. Jr tſchvmpfentiwer vnde ir ſich. Vil wibſ frevde an dir geſigt. Dar nach der iamer ſwer wigt. Lieber frivnt wil dv da hin in. So ſage mir dvrch den willen min. Artvſen vnde den ſînen. Jch ſvl niht flvhtich ſchînen. Jch wil hie gerne bîten. Swer zer tyoſt ſich ſol berêiten. xr deheiner hab ez fvr wunder. Jch reit fvr tavelrvnder. Mineſ landeſ ich mich vnder want. Diſen chopf min vngevuͦgev hant. Vͦf zvht daz der win vergoz. Frovn Ginovern. in ir ſchoz. Vnder winden mich deſ lerte. Ob ich ſchavbe vmbe cherte. So wuͦrde rvͦzich mir min vel. Daz mêit ich ſprach der helt ſnel. Jch han avch niht dvrch ravb getan. Deſ hat min chrone. mich er lan. Frivnt nv ſage der chvnigin. Jch begvze ſî ane den willen min. Al da die werden ſazen. Die rehter wêr vergazen. Ez ſin chvnige oder fvͤrſten. Weſ lazent ſi ir wirt er dvͤrſten. Wan holnt ſie hie ir golt vaz. Jr ſneller prîſ wirt anderſ laz. Der chnappe ſprach ich wirbe dîr. Swaz dv geſprochen haſt ze mîr Er reit vor im zeNantis in. Do volgten im div chindelin. Vf den hof fv̂r den palaſ. Da maniger hande fver waſ. Vil ſchier wart vmbe in gedranch. Jwanet dar nach erſpranch. Der chnappe valſcheſ frîe. Vnde bot im kampanîe Do ſprach ~~got~~der gaſt got halde dich. Alſvſ bat reden min mvͦter mich. .Ê. daz ich ſchied von ir hvſ. Jch ſihe hie mangen artvſ. Wer ſol mich riter machen. Jwanet begvnde lachen. Er ſprach dv ſihſt deſ rehten niht. Daz aber ſchier nv geſchiht. Do fvrt er in ze dem palaſ Da div werde meſſenîe waſ. Svſ vil chvnige er vant mit ſchalle. Er ſprach got halde ivch alle. Benamen den chvnich vnde ſin wip. Mir gebot min mvͦter an den lip. Daz ſi ich grvͦzte ſvnder. Vnde die ob der tavelrvnder. Mit rehtem prîſ heten ſtat. Die ſelben ſi mich grvͦzen bat. Dar an ein chvnſt mich verbirt. Jch weiz niht wer hinne iſt wirt. Dem hat ein ritter her enboten. Den ſach ich allenthalben roten. Er welle ſin da vͦze biͤten. Mich dvnchet er welle ſtrîten. Jm iſt avch leit daz er den win. Goz vf die chvnigin. Awe wan het ich ſin gewant. Enpfangen von deſ chvnigeſ hant. So wer ich frævden riche. Wan ez ſtet ſo ritterliche. xer chnappe vmbe twungen Wart harte vil gedrvngen. Gehvrtet hær vnde dar. Si namen ſiner varwe war. Daz waſ ſelb ſchawet. Geheret noch gefrawet. Wart nie minnechlicher frvht. Got waſ an einer reinen zvht. Do er Parcifaln worhte. Der freiſe wenich vorhte. Svſ wart fvr artvſen braht. Andem got wun*wunſcheſ ~~her~~het erdaht Jm chvnde niemen vint geſin. Do geſach in avch div chvnigin. .E. ſi ſchiede von dem palaſ. Dar ufe ſi begozen waſ. Der chvnich an dem chnappen ſach. Zvͦ dem tvmben er do ſprach. Jvncherre got vergelte îv ew̉ern grvͦz. Den ich vil gerne dienen mvͦz. Mit lîbe vnde mit gvͦte Deſ iſt mir wol zemvͦte Daz wolde got vnde wer daz war. Der wile dvnchet mich ein iar. Daz ich niht ritter weſen ſol. Daz tvͦt mirſ wirſ danne wol. Nv ſvͦmet mich niht mere. Pflegt min nach ritterſ ere. Ob werdecheit ivch niht verbirt. Daz tvͦn ich gerne ſprach der wirt. xv biſt wol ſo gehivre. Riche an koſtiwere. Wirt dir min gabe vndertan. Deſſwar ich ſolz vngerne lan. Dv ſolt biz morgen bæiten. Jch wil dich wol beræiten. Der wol geborne chnappe. Hielt gagernde alſ ein trappe. Er ſprach ich wil hîe nihteſ bîten. Mir chom ein ritter wider rîten. Mach mir deſ harnaſch werden niht. Jchn rvͦch wer chvnigeſ gabe giht. So git mir aber div mvͦter min. Jch wen doch div iſt ein chvnigin. Artvſ ſprach zedem chnappen ſan. Den harnaſch hat an ein man. Daz ich dirſ niht getroſte geben. ~~Mich~~Jch mvͦz doch ſvſ mit chvmb̉er leben. Ane alle mine ſchvlde. Sit ich darbe ſiner hvlde. Ez iſt Jther von kahaviez. Der trvͦren mir dvrch frevde ſtiez. Jr wert ein chvnich vnmilte. Ob ivch ſolher gabe bevilte. Gebt ez im ſo ſprach kay ſan. Lat in zvͦ im vf den plan. Sol iemen bringen vnſ den chopf. Hie haldet Gaiſlher dort der topf. Lat daz chint in vmbe triben. So lobt manz vor den wiben. Ez mvͦz doch diche bagen. Solhe ſchanze wagen. Jch ſorge vmbe ir twerderſ leben. Man ſol hvnde vmbe eberſ havbt gebn. xngerne ſold ich im verſagen. Wan daz ich fvrhte er ~~werd~~werde erſlagen. Dem ich helfen ſol der riterſchaft. Sprach Artvſ vͦz triwen chraft. Der chnappe iedoch die gabe enphiench Da von ein gabe ſit er giench. Da waſ im von dēm chvnige gach. Jvnge vn̄de alte im drvngen nach. Jwanet in and̉er hende zoch. Fvr ein lavben div waſ niht zehoch. Da ſach er fvͤr vnde wider. Div lavbe waſ wol ſo nider. Daz er drvfe hort vnde ſach. Da von ein trvren im geſchach. Da wolde avch div chvnigin. Selbe in dem venſter̄n ſin. Mit ritern vnde mit fraͮwen. Die begvnden in alle ſchaͮwen. Da ſaz vrov kvnaware. Div fîer vnde div chlare. Dîv lachte deheinen wiſ. Sine ſehe der den hoſten prîſ Het. oder ſolt erwerben. Div wolde .ê. ſvſ er ſterben. Allez lachen ſie ver meit. Biz daz der chnappe fvr ſî reit Do er lachte ir minnechlicher mvnt. Deſ wart ir rvke vngeſvnt. xo nam kay zehant. Frovn kvnwaren der la lant. Mit ir ræiden hære. Jr lange zopfe chlare. Wander vmbe ſine hant. Er ſpengteſ an ein tv̂r bant. Jr rvke wart dehein eit geſtabt. Doch wart ein ſtab ſo dran gehabt. Biz daz ſin ſevſen gar verſwānch Dvrch wat vnde dvrch vel iz dranch. Do ſprach der vn wiſe. Jwerm werden priſe. Wirt gegeben ein ſmehiv letze. Jch bin ſin vinchen neze. Vnde ſol in hin wider în ſmiden. Daz irſ enpfindet vf den liden. Ez iſt dem chvnige artvſ. Vf ſinen hof vnde in ſin hvſ. Manich werder man geriten. Dvrch den ir lachen habt vermiten. Vnde lachet nv dvrch einen man. Der niht mit riter fvͦre chan. Jn zorn wunderſ vil geſchiht. Sinſ ſlageſ wær im erteilet niht. Vor dem riche vf diſe maget. Div vil von frivnden wart gechlaget. Ob ſi halt ſchilde ſolde tragen. Div vngefvͦge iſt hie geſlagen. Wan ſi waſ von art ein fvͤrſtin. Orilvſ vnde lehelin. Jr brvͦder hetenz die geſehen. Der ſlege minner wær geſchehen. xer verſwigen ~~Anator.~~Antanor. Der dvrch ſwigen dvht ein tor. Sin rede. vnde ir lachen. Waſ gezilt von zwein ſachen. Er wolde nimmer wort geſagen. Sinen lachte .ê. div wart geſlagen. Do ir lachen waſ getan. Sin mvnt ſprach ze kay ſan. Got weiz her key ſenetzant. Daz frov kvnwar der la lant. Dvrch den chnappen iſt gebert. Jwer frævde wirt verzert. Noch von ſiner hende. Er ſi noch nîe ſo ellende. Sît iwer erſtiv rede mir drêvt. Jch wen ivchſ wenich gefrevt. Sin brat wart galv̂net. Mit ſlegen vil gerv̂net. Dem wizehaften toren. Mit fvͤſten inſinîv oren. Daz tet key ſvnder twal. Da mvͦſe der ivnge Parcifal. Diſen chvmber ſchaͮwen. Antanorſ. vnde der fraͮwen. Jm waſ von herzen leit ir not. Vil diche er greif zedem Gabilot. Var dem chvnige waſ ſolich gedranch. Daz er dvrch daz vermeit den ſwanch. Vrlovp nam do ywanet. Ze fil li Royſ Gamvret. Div reiſe al eine wart getan. Hin vz gein *Jther vf den plan. xem ſagte er ſolhiv mære. Daz da inne wære. Der tyoſtiernſ gerte. Der chvnich mich gabe gewerte. Jch ſagt alſ dv mir iehe. Wi ez ane danch geſchehe. Daz dv den win vergvze. Vngefvͦge dich verdrvze. Jr deheinen lvſtet ſtrîteſ Gib mir daz dv rîteſ. Dar zvͦ alle din harnaſch. Daz empfie ich vf dem palaſ. Dar inne ich ritter werden mvͦz. Wider ſagt ſi dir min grvͦz. Ob dv mirz vngerne giſt. Gewer mich ob dv wizich ſiſt. ~~Ghvnich~~Chvnich von cvcumerlant. Sprach. hat Artvſeſ hant. Dir min harnaſch gegeben. Deſſwar daz tet er vf min leben. Mohteſt dv mirz an gewinnen. Svſ chan er frivnt minnen. Waſ aber er dir .ê. iht holt. Din dienſt gedient ſo ſchier den ſolt. Jch getar wol diͤnen ſwaz ich ſol. Avch hat er mich gewert vil wol. Gib her vnde la din ~~lanreht~~lantreht. Jch wil niht lenger ſin ein chneht. Jch ſol ſchildeſ am han. Er greif im nach dem zavm ſan. Dv maht wol weſen lehelin. Von dem mir chlagt div mvͦter min. xer ritter vmbe chert den ſchaft. Vnde ſtach den chnappen ſo mit chraft. ~~Dez~~Daz er vnde ſin pferdelin. Mvͦſe vallen vf der blvͦmen ſchin. Der helt waſ zornſ dræte. Er ſlvͦch in daz ~~wete imwete er im~~im wete. Von dem ſchopfe vz der ſwarte daz blvͦt Parcifal der helt gvͦt Stvͦnt al zornich vf den plan. Ze dem Gabilot greif er ſan. Da der helm vnde div barbier. Sich lvhten ob dem herſnier. Dvrch daz avge in ſneit daz Gabilot. Vnde dvrch den nach ſo daz er tot. Viel der valſche wider ſatz. Bibeſ ſvften herzen iamerſ kraz. Gab Jtherſ tot von kahaviez. Der wibeſ avgen naziv liez. Swelhiv ſiner minne enpfant. Dvrch der frævde er waſ gerant. Vnde ir ſchimpf waſ entſchvmpfieret. Gein der riͮwe ge condewieret. Parcifal der tvmbe. Cherte in diche vmbe. Er chvnde im abe gezihen niht. Daz waſ ein wunderlich geſchit. Helm ſnvͦr noch ſiniv tſchillier. Mit ſinen ~~blaͤnchen~~blanchen ar*armen fîer. Chvnde erz niht vf geſtrichen. Noch ſvſ her ab gezwichen. xil diche erz doch verſvͦhte. Mit wiͤſheit der vmbervͦhte. Daz orſ vnde ſin pferdelîn. Er hvͦben einen ſo hohen grîn. Daz daz ywanet erhorte. Von der ſtat vnz anſ Graben orte. Frovn Ginovern chnappe vn̄de ir mach. Do er von dem orſe hort den bach. Vnde daz er niemen drvfe ſach. Von ſinen triͮwen daz geſchach. Die er nach parcifale trvͦch. Do gaht er do der helt chlvͦch Do vant er ~~ithern~~Jthern tot. Vnde Parcifalen in tvmber not Snellich er ze in bæiden ſpranch Vnde ſagt parcifalen danch. Priſeſ den er warb ſin hant. Andem von kvcumerlant. Got *lon dir nv rat waz ich tvͦ Jchn chan harte wenich hiezvͦ. Wie bringe ichz ab im vn̄de an mich. Daz chan ich wol geleren dich. Sprach der ſtolze ywanet. Zvͦ fillo Royſ Gamvret. Entwaffent wart der tote man. Al da vor Nantiſ vf dem plan. Vnde anden lelebendigen ~~geleit~~gelegt. Den dannoch groziv tvmpheit regt. Jwanet ſprach div ribalin. Svln niht vnderm yſen ſin. xv mvͦſt nv tragen ritterſ chleit. Div rede waſ parcifalen leit. Do ſprach der degen gvͦter. Swaz mir gab min mvͦter. Deſ ſol wenich von mir chomen. Ez erge zeſchaden oder zefrvͦmen. Daz dvhte wunderlich genvͦch. Jwaneten der waſ ſo chlvͦch. Jedoch mvͦſe er im volgen. Er waſ im niht erbolgen. Zwo liehte hoſen yſenin. Schvte er im vber div ribalin. Svnder leder mit zwein porten. Zwene ſporn dar zvͦ horten. Er ſpien im vmbe daz golt werch. Vnde bot im dar den halſperch. Er ſtræich im an div tſchillier. Svnder twal wart harte ſchier. Von fvͦze vf gewaffent wol. Parcifal mit gernder dol. Do ieſch der chnappe mere. Sinen kochære. Jch ræiche dir deheinen Gabilot. Div ritterſchaft dir daz gebot. Sprach Jwanet der chnappe wert. Der gvͦrt im vmbe ein ſcharfez ſwert. Daz lert er in vz ziehen. Vnde wider riet im fliehen. Do zoch er im dar naher ſan. Deſt toten manneſ kaſtelan. Daz trvͦch bein hoh vnde lanch. Gewaffent er inden ſatel ſpranch. Er gerte ſtegereife niht. Dem man noch ſnelleheit giht. xwaneten niht bevilte. Er lerte in vnder dem ſchilte. Chvnſtlîch gewaren. Vnde der viende ſchaden varen. Er bot im indie hant ein ſper. Daz waſ gar ane ſine ger. Doch fragt er war zvͦ iſt dize frvͦm. Swer gein dir ze tyoſtiern chvͦm. Da ſolt dvz balde brechen. Dvrch ſinen ſchilt verſtechen. Wil dv deſ vil triben. Man lobt dich vor den wiben. Alſ vnſ div aventiwer giht. Von koͤln noch mvon maſtriht. Dehein ſchiltær entwarf. baz. Danne ſo *er ze orſe ſaz. Da ſprach er ze Jwaneten ſan. Lieber frivnt min gvmpan. Jch han hie erborwen deſ ich bat. Dv ſolt min dienſt indie ſtat. Dem chvnige artvſe ſagn. Vnde min hohez laſter chlagn. Bringe im wider ſin golt vaz. Ein ritter an mir vergaz. Daz er die ivnchfrowen ſlvͦch. Dvrch daz ſi lachenſ min gewvͦch Mich mvͦnt ir iemerlichi*iemerlichiv wort. Div enrvͦrent mir deheinen herzen ort. Ja mvͦz en mitten drinne ſîn. Der fraͮwen. vngedienter pîn. xvͦ ez dvrch din geſellecheit. vn̄de la dir ſin min laſter læit. Jthern von kahaviez Er iemerlichen ligen liez. Der waſ doch ſo minnechlich. Lebende waſ er ſelden rich. Wær ritterſchaft ſinſ endeſ wer. Zder tyoſt dvrch ſchilt mit einem ſper Wer chlagt danne die wunderſ not. Er ſtarp von einem Gabilot. Jwanet vf in do brach. Der liehten blvͦmen ze einem dach. Er ſtiez den Gabiloteſ ſtil. Zv im nach der marter zil. Der chnappe chævſche vn̄de ſtolz. Drvht en chrevzen wîſ ein holz. Dvrch deſ Gabiloteſ ſniden. Ern wolde niht vermiden. Jndie ~~ſtagt~~ſtat er ſagte. Daz manich wip verzagte. Vnde manich ritter weinde. Der chlagende triͮwe beſcheinde. Da wart iamerſ vil gedolt. Der tote ſchone wart geholt. Div chvnigin reit vͦz der ſtat. Daz heiltvͦm ſi fvͦren bat. Ob dem chvnige von kvcumerlant. Den tote Parcifalſ hant. Frov Ginover div chvnigin. ſprach iemerlicher worte ſchin. Awe vnde heia hei. Artvſeſ werdecheit en zwei. Sol noch brechen dize wunder. Der ob der tavelrvnder. Den hoſten priſ ſolde tragen. Daz der von Nantiſ hat erſlagen. Sinſ erbetæilſ er gerte. Do nam in ſterbenſ werte. Er waſ avch mæſfeneie. hîe. Alſo daz dehein ore nîe. Dehein ſin vntat vernam. Er waſ von wildem valſche zam. Der waſ vil gar von im geſchaben. Nv mvͦz ich al ze frvͦ begraben. Ein ſloſ ob dem priſe. Vnde ſin herze an zvhten wiſe. Obe ſloze ein hant veſte. Riet im benamen daz beſte. Swa man nach wibeſ minne. Mit ellenthaftem ſin*ſinne. Solt er zæigen manneſ triͮwe. Ein berndev frvht al niͮwe. Jſt trvrenſ vf div ~~frvht~~wip geſagt. Vz diner wunden iamer wagt. Dir waſ doch wol ſo rot din r*har. Daz din blvͤt die blvͦmen chlar. Niht roter dorfte machen. Dv ſwendeſt wiplich ez lachen. xther der lobeſ riche. Wart beſtatet chvnichliche. Sin rot ſchvͤf ſvften div wip. Sin harnaſch im ver loſ den lip. Dar vmbe waſ ſin endeſ we Deſ tvmben parcifalſ ger. Sit do er ſich baz ver ſan. Vngerne het erz do getan. Daz orſ einer ſîte phlach. Groz arbæit ez ringe wach. Ez wer chalt oder heiz. Jz lie dvrch reiſe deheinen ſwaiz Ez træte ſtæin oder ronen. Man dorfte im deheineſ gvrtēnſ wonēn. Doch einſ locheſ naher baz. Swer zwene tage drvffe ſaz. Gewaffent reitz der tvmbe man. Den tach ſo verre erz hete lan. Ein bloze wiſer ſold erz han geriten. Zwene tage ez wær ver miten. Ez wold ſchavften oder draben. Er chvnde im wenich vf gehaben. Gein dem abent er do ſach. Einſ tvrnſ gvpf vnde deſ dach. Den tvmben dvhte ſere. Wie der tvͤrn wuͦhſe mere. Der ſtvͦnt da vil vf einem hvſ. Da wande er ſi ſæte Artvſ. Deſ iach er im fvr heilicheit. Vnde daz ſelde wære breit. xlſo ſprach der tvmbe man. Miner mvͦter volch niht bvͦwen chan. Ezn wehſet niht ſo lanch ir ſat. Swaz ſi ir indem walde. hat. Groz regen ſi ſelten da verbirt. Gvrnemanz der ~~Gaharz~~Graharz hiez d̉er wirt. Vf der bvrch dar zvͦ er reit. Da vor ſtvͦnt ein linde breit. Vf einem grvͦnen anger. Er waſ breiter noch langer. Nie wan ze rehter maze. Daz orſ vnde div ſtraze. In trvͦgen da er ſitze vant. Ein groziv mvͦde in deſ betwanch. b Deſ waſ div bvrch vnde daz lant. a Daz er den ſchilt vnrehte ſwanch. Ze verre hinden oder fvͤr. Et ninder nach der ſite kvͤr. Die man da gein priſe maz. Gvrnemanz der fvͤrſte eine ſaz. Avch gab der linden tolde. iiii v Jr ſchaten alſ ſi ſolde. Dem havp man der waren zvht. Deſ ſite waſ *vor valſchem flvht. Er en pfie den gaſt daz waſ ſin reht. Bi im waſ riter noch der chneht. Deſ antwuͦrte im do parcifal. Vz tvmben wizen ſvnder twal. Mich bat min mvͦter nemen rat. Ze dem der grabe loche hat. Da wil ich iv dienen nach. Sit mir min mvͦter deſ ver iach. xit ir dvrch rateſ ſchvlde. Her chomen. iwer hvlde. Mvͤſt ir mir dvrch rate lan. Vnde welt ir rateſ volge han. Do warf der fvrſte mære. Einen gemvͦzten ſparwere. Von der hende indie bvrch er ſwanch. Ein gvldîn ſchelle dran er chlanch. Daz waſ ein bot. do chom im ſan. Vil ivncherrren wol getan. Er hiez den gaſt den er da ſach. Jn fvren. vnde ſchafen ſin gemach. Er ſprach min mvͦter ſagt al war. Alteſ manneſ rede ſtet niht ze var. Hin in ſi in fvͦrten al zehant. Da er mangen riter werden vant. Vf dem hove an einer ſtat. Jeſlicher in er beizen bat. Do ſprach an dem waſ tvmpheit ſchin. Mich hiez ein chvnich ritter ſin. Swaz halt drvfe mir geſchiht. Jch chvm von diſem orſe niht. Manger bet ſi in gedahten. Vnz ſi in von dem orſe brahten. Jn eine chemenaten. Si begvnden im alle raten. Lat daz harnaſch von îv bringen. Vnde iwern liden rîngen. xlſch ſchier er mvͦſt entwaffent ſin. Do ſi div rvͦhe ribalin. Vnde die toren chleit erſahen. Si er ſchrachten die ſin pflagen. Vil balde ez wart zehove geſagt. Der wirt vor ſcham nach waſ verzagt. Ein ritter ſprach dvrch ſine zvht. Deſſwar ſo werdichliche frvht. Choſ nîe miner avgen ſehe. An im leit der ſælden ſpehe. Mit reiner ſvͦzen art. Wie iſt der minnechlich ſvſ bewart. Mich iamert immer daz ich vant. Ander werlde frævde ſolich gewant. Wol doch der mvͦter div in trvͦch An im deſ wunſcheſ lît genvͦch. Sin zimiere iſt riche. Daz harnaſch ſtvͦnt riterliche. Ez chom von dem gehivren. Von einer quatſchiwern. xlvtich amiſiere. Choſ ich an im ſchiere. Der wirt ſprach zdem riter ſan. Ez iſt lihte dvrch wibe gebot getan. Nein er iſt mit ſolhen ſiten. Er chvnde nimmer wip gebiten. Daz ſi ſin dienſt næme. Sin varwe der minne zeme. Do ſprach der wirt nv ſvln wir ſehēn An deſ wat ein wund̉er ist geſchehen. xi giengen da ſi fvnden. Parcifaln den wunden. Von einem ſper daz beleip doch ganz. Sich vnder want ſin cvrnamanz. Selich waſ ſin vnder winden. Daz ein vater ſinen chinden. Der ſich triwe chvnde nieten. Moht imz niht baz erbieten. Sin wunden wuͦſch vn̄de bant. Der wirt mit ſin ſelbeſ hant. Do waſ avch vf geleit daz brot. Deſ waſ dem ivngen gaſte not. Wan in groz hvnger niht vermeit. Al vaſtende er deſ morgenſ reit. Von dem viſchære. Sin wunde vn̄de ſin harnaſch ſwere. Die vor Nantiſ er beiagte. Im mvͦde vnde hvnger ſagte. Vnde div verre tage reiſe. Von Artvſe dem pritaneiſe. Da man in allen thalben vaſtēn liez. Der wirt in mit im ezen hiez. Der gaſt ſich do gelabte. Inden barn er ſich do habte. Daz er der ſpiſe ſwante vil. Daz nam der wirt im zeinem ſpil. Do bat in flizichliche. Gvrnemanz der triͮwen riche. Daz er vaſte æzze. Vnde der mvͦde ſin vergezze. xan hvͦp den tiſch do deſ waſ zit. Jch wene daz ir mvͦde ſit. Sprach der wirt wart ir iht frvͦ Got weiz min mvͦter ſlief nvͦ Si chan ſo vil niht wachen. Der wirt begvnde lachen. Er fvͦrt in an die ſlaf ſtat. Der wirt in ſich ab ziehen bat. Vngerne erz tet doch mvͦſe iz ſin. Ein dechlachen z*hermin. Wart geleit vber ſinen blozen lip. So werde frvht gebar nie wip. Groz mvͦde vnde ſlaf in lerte. Daz er ſich ſelten cherte. Vmbe an die andern ſîten. Svſ chvnder tag*tagſ biten. Do gebot der fvrſte mære. Daz ein bat beræit wære. Reht vmbe den miten morgenſ tach. Zende an dem tepch da er lach. Daz mvͦſe deſ morgenſ alſo ſin. Man warf roſen oben drin. Swie wenich man vmbe in da rief. Der gaſt er wachte der do ſlief. Der ivnge werde ſvͦze man. Gie ſitzen indaz bade ſan. Jch weiz wær ſi deſ bete. Jvchfrawen in richer wæte. Vnde libeſ varwe minnechlich. Die chomen mit zvhten ſitechlich. xi twungen vnde ſtrichen ſchier. Von im ſin amiſier. Mit blanchen linden henden. Ja dorf in niht ellenden. Der da waſ wize ein weiſe. Svſ dolt er frævde vnde æiſe. Tvmpheit er gein in niht en galt. Jvnchfrawen chevſche vnde balt. Jn alſvſ cvnrierten. Swa von ſie parlierten. Da chvnde er wol. geſwigen zvͦ. Jane dorft in dvnchen niht ze frvͦ Wa von in ſchein der ander tach. Der ~~glaſt~~gaſt alſvſ inſtrite lach. Sin varwe laſchte beidev lieht. Deſ waſ ſin lip verſvmet niͤht. Man bot ein badelachen dar. Deſ nam er vil chleine war. Svſ chvnder ſich bi frawen ſchaͤmen. Vor in wolde erz niht vmbe nemen. Die ivnchfrawen mvͦſen gen. Si getorſten do niht lenger ſten. Jch wene ſi gerne heten geſehen. Ob im dort vnder iht wer geſchehen. Wipheit vert mit triwen. Si chan frivndeſ chvmber riͮwen. Der gaſt andaz bette ſchreit. Al wiz gewant waſ im bereit. Von golde vnde von ſydin. Eine brvch gvrtel zoch man im drin. xArlacheſ hoſen man im da an ſtreich. An indem ellende nie geſweich. Awi wie ſtvͦnden ſiniv bein. Reht geſchit ab im ſchein. Brv̂n ſcharlachen wol geſniten. Dem waſ fvrrieren niht vermiten. Beidiv innen hermin blanch Roch vnde mandel. waren lanch. Breit ſwarz vnde gra. Zobl man dar vf choſ al da. Daz leit an der gehivre Vnder einen gvlter tivre Wart er gefeitiert. Vnde wol gezimiert. Mit einem tivren fvrſpan. Sin mvnt da bi von roͤte. bran. Do chom der wirt mit triwen chraft. Nach dem gîe ſtolziv ritterſchaft. Er grvͦzt den gaſt do ern geſach. Der ritter ieſlicher ſprach. Si geſehen nîe ſo ſchonen lip. Mit triwen lobten ſi daz wip. Div gab der werlde ſolhiv frvht. Dvrch warheit vnde vmbe ir zvht. Si ſprachen er wirt wol gewert. Swa ſin dienſt gnaden gert. Jm iſt minne vnde grvͦz bereit. Mag er geniezen werdecheit. Jeſlicher im deſ do ver iach. Vnde dar nach ſwer in *îe geſach. Der wirt in bi der hende vie. Geſellechlich er dannen gîe. xn fragte der wirt mære. Wie ſin rvͦwe were. Deſ nahteſ bi im geweſen. Herre dane wær niht geneſen. Wan daz min mvͦter her mir riet. Deſ tageſ do ich von ir ſchiet. Got mvͦze lonen iv vnde ir. Herre ir tvͦt gnade an mir. Svſ gie der helt mit witzen chranch. Da man got vnde dem wirte ſanch. Der wirt zeder meſſe in lerte. Daz noch die ſele nerte. Opfern vnde ſegen ſich. Vnde gein dem tyvel cheren gerich. Dar nach giengnſ vf dem palaſ. Al da der tiſch gedechet waſ. Der gaſt zvͦ dem wirte ſaz. Die ſpiſe er vngeſmæhet az. Der wirt ſprach dvrch hvbſheit. Herre iv enſol niht weſen leit. Ob ich ivch frage mære. Wannen iwer reiſe were. Er ſagt im gar die vnder ſcheit. Wie er von ſiner mvͦter reit. Vmbe daz vingerlin vnde daz fvrſpan. Vnde wie er daz harnaſch gewan. Der wirt er chant den ritter rot. Er erſvfte vnde erbarmt im ſin tot. Den gaſt erſ namen niht er liez. Den roten ritter er in hiez. xo man den tiſch her dan genam. Do nach wart wilder mvͦt vil zām Der wirt ſprach zedem gaſte ſin. Ir ret alſ ein chindelin. Wan geſwiget ir iwer mvͦter gar. Vnde nempt ander mêre war. ~~Hab~~Habt ivch an minen rat. Der ſchæidet ivch von miſſetat. Svſ heb ich an lat ivchſ gezemen. Jr ſvlt nimmer ivch verſchemēn Ver ſchampter lip waz tavch d̉er mære. Der nwont inder mvͦze rere. Da im ~~bede~~werdecheit entriſet. Vnde in gein der helle wiſet. Mich entriege geſiht vnde ſchin. Jr mvget wol volcheſ herre ſin. Jſt hoch oder hohet ſich iwer art. Lat iwern willen deſ ſin bewart. Jvch ſol erbarmen notich her. Gein deſ chvmber ſit ze wer. Mit milte vnde mit gvͦte. Flizet ivch diemvͦte. Der chvmberhaft werde man. Wol mit ſcham ringen chan. Daz iſt ein vnſvͦzev arbeit. Dem ſvlt ir helfe ſin bereit. Wan ſo ir den tvͦt chvmberſ bvͦz So nahet iv der ~~chvm~~goteſ ~~goteſ~~grvͦz ~~chvm~~goteſ ~~goteſ~~grvͦz: Das zweite "goteſ" wurde wohl nachträglich getilgt, da hierbei das Superskript-o von "grvͦz" zum Teil mit gelöscht wurde. Jm iſt noch wirſ danne di do gent. Nach brot do div venſter ſtent. xr ſvlt beſchæidelichen ~~ſin arme~~ Sin armen. vnde riehen. Wan ſwa der herre gar vertvͦt Daz iſt niht herlicher mvͦt Sament ir aber ſchazeſ ere. Daz ſint avch vnere. Gebt rehter maze ir orden. Jch bin wol innen worden. Daz ir rateſ dvrftich ſît Nv lat der vngefvͦge ir ſtrît Jr ſvlt niht vil ge fragen. Avch en ſol ivch niht betragen. Bedahter rede gein der div gê. Reht alſ enſ frage ſtê. Swer ivch wil mit worten ſpehen. Jr chvnnet horen vnde ſehen. Entſehen vnde drahen. Daz ſol ivch witzen nahen. Lat die erbærmde bi der frævel ſin. Svſ tvͦt mir rateſ volge ſchin. An ſwem ir ſtriteſ ſicherheit. Bezalt. er habe iv ſolch leit. Getan. div herzen chvmber weſen. Die nempt vnde lat in geneſen. Jr mvͦzet doch diche waffen tragen. So ez von iv chom. daz ir getwagen. Vnder den avgen vn̄de an den handen ſit. Deſ iſt nach yſenſ rame zit. So wert ir minnechlich gevar. Deſ nement wibeſ avgen war. xeſt mænlich vnde wol gemvͦt. Daz iſt zeder werlde priſe gvͦt. Lat iv liep ſin div wip. Daz tivret ivngeſ manneſ lip. Gewenchet nimmer tach an in. Daz iſt rehte manlicher ſin. Welt ir in gerne liegen. Jr mvgt ir vil betriegen. Gein werder minne valſcher liſt Hat ze priſe chvͦrze friſt. Da wirt der ſlicher chlage. Daz dvrre holz in dem hage. Ez briſtet vnde chrachet. Der wahter er wachet. Vngeverte vn̄de hamit. Dar gediht manich ſtrit. Daz mezet gein der minne. Div werde ſhat ſinne. Gei valſche liſtechliche chvnſt. Swenne ir beiagt ir gvnſt. So mvͦzet ir gvn eret ſin. Vnde immer dvlten ſchanden pin. Diſe lere ſvlt nahen tragen. Jch wil mere iv von wibeſ orden ſagen. Man vnde wip ſint allein. Alſam div ſvnne div hivte ſchein. Vnde avch der mane hæizet tach. Der twerderz ſich geſcheiden mach. Si blvͦnt uz einem cherne gar. Deſ nempt chvnſtlichen war. xer gaſt dem wirt dvrch raten neich. Siner mvͦter er geſweich. Mit rede vnde indem herzen niht. Alſ noch getriwen man geſchiht. Der wirt ſprach ſin ere. Noch ſvlt ir lernen mere. Chvnſt an riterlichen ſiten. Wie chomet ir zv mir geriten. Jch han beſchawet manich want. Da ich den ſchilt baz hangen vant. Danne er iv ze halſe tæte. Ez iſt vnſ niht ze ſpæte. Wir ſvln zevelde gahen. Da ſvlt ir chvnſte nahen. Bringet im ſin orſ. vn̄de mir daz mine. Vnde ieſlichem ritter daz ſine. Dar ſvln avch ivncherren chomen. Der ieſlicher habe genomen. Einen ſtarchen ſchaft vn̄de bringe in dar. Der nach der niͮwe ſi gevar. Svſ chom der fvͤrſte vf den plan. Da wart mit rittern chvnſt getan. Sinem gaſte er ze raten gab. Wie erz orſ vf dem walap. Mit ſporn grvͦzeſ pîne. Nach ſchenchelnſ fliegen ſchîne. Vf dem poynder ſolde wenchen. Vnde den ſchaft zerehte ſenchen. Den ſchilt er zer tyoſt fvr ſich ſolde nemen. Er ſprach deſ ſol ivch avch gezemen. xngefvͦge er im ſvſ werte. Baz danne ein ſwanchel gerte. Div argen chinden brichet vel. Do hiez er chomen ritter ſnel. Gein im durch tyoſtiern. Er begeinde in condwiern. Einen gegen im an den rinch. Da braht der ivngelinch. Sin erſte tyoſt dvrch einen. ſchilt. Deſ von in allen wart bevilt. Vnde daz er hinderz orſ erſwanch. Einen ſtarchen ritter niht ze chranch. .E. in ander tyoſtier waſ chomen. Nv het avch parcifal genomen. Einen ſtarchen niwen ſchaft. Sin ~~ivn~~ivgent het ellent vn̄de chraft. Der ivnge ſvͦze ane bart. Deſ twanch in Gamvreteſ art. AnVnde an geborniv manheit. Daz orſ von rabine er reit. Mit vollechlicher hvrte dar. Er nam der vier nagel war. Deſ wirteſ ritter niht geſaz Al vallende er den aker maz. Do mvſen chleiniv ſtvchelin. Al da von drvmzeln ſin. Alſo ſtach er ir fvmfe nider. Der wirt in nam vn̄de fvͦrt in wider. Seht da behielt er ſchimpfeſ priſ Vnde wart avch ſit an ſtrite wiſ. xie ſin riten ſahen. Die wiſen im deſ iahen. Da fvͦre chvnſt vnde ellent bî. Nv wirt min herre iamerſ frî. Sich mach wol ivngen nv ~~min~~ſin leben. Er ſol im zewibe geben. Sine tohter vnſer frawen. Ob wir in bi witzen ſchawen. So erliſchet im ſin iamerſ not. Fvr ſiner drier ſvͦne tot. Jſt im ein gelt zehvſ geriten. Nv hat in ſelde niht vermiten. Svſ chom der fvͤrſte wider in. Der tiſch gedechet mvͦſe ſin. Der wirt hiez zetiſche chomen. Sin tohter ſvſ han ich vernomen. Do er die magt chomen ſach. Nv horet wie der wirt ſprach. Zeder ſchonen Liazen. Nv ſolt dv chvſſen lazen. Diſen ritter vnde er bivte im ere. Er vert mit ſelden lere. Avch ſol an ivch gedinget ſin. Daz ir der magt ir vingerlin. Liezet ob ſiz mvhte han. Nv hat ſiſ niht noch fvͤrſpan. Wer gæbe ir ſolhen volleiſt. ſam der frawen in dodem foreiſt. Div het et wen von dem ſi ~~enpfiengt.~~enpfie Daz ev zenpfahen. ſit ergie. Jr mvget Liazen niht genemen. Der gaſt begvnde ſich deſ ſchemen. ~~xiedoch~~xedoch chvſt er ſi an den mvnt. Dem waſ wol fivrſ varwe chvnt. Liazen lip waſ minnechlich. Da bi der waren chevſche rîch. Der tiſch waſ nider vn̄de lanch. Der wirt mit niemen. ſich da dranch. Er ſaz aleine an dem orte. Den gaſt liez er ſitzen dorte. Zwiſchen im vnde ſinem chinde. Jr blanchen hende linde. Mvͦſen ſniden ſo der wirt gebot. Den man do hiez den riter rot. Al daz er *ezzen wolde. Niemen ſi wenden ſolde. Sie gebarten heimlich. Div magt mit zvhten riche. Leiſt ir vater w*willen wol gar. Si vnde der gaſt *waren wolgevar Dar nach ſchier gie div magt wider Alſvſ pflach man deſ heldeſ ſider Vnz an den vierzehenden tach. Bi ſinem herzen chvmber lach. Anderſ niht wan vmbe daz. Er wolde .e. geſtriten baz. .E. daz er da wurde warm. Daz man do heizet frawen arm. Jn dvhte wert gedinge. Daz wær ein hohiv linge. Ze diſem libe hie vnde dort. Daz ſint noch vngelognev wort. xinſ morgenſ vrlovbſ er bat. Do rvͦmder Graharz die ſtat. Der wirt mit im zevelde reit. Hie hvͦp ſich niwez herzen leit. Do ſprach der fvrſte vz triwe er chorn. Jr ſit min vierder ſvn v̉erlorn. Ja wande ich ergezet weære. Drier iemerlichen mere. Der waren dannoch niht wan drîv. Der nv min herze en vierev. Mit ſiner hende ſlvͦge. Vnde ieſlich ſtvch trvͦge. Daz dvhte mich ein groz gewin. Einz fuͤr ivch. ir ritet hin. Div driv fvr miniv werdev chint. Div ellenthaft erſtorben ſint. Svſ lont iedoch div riterſchaft. Jr zagel iſt iamerſ ſtricheſ haft. Ein tot mich lempt an frævden gar. Mineſ ſvneſ wol gevar. Der waſ geheizen Jentaflvͦrſ. Da frav Gondwiramvͦrſ. Lip vnde lant niht wolde geben. Jnir helf er verloſ daz leben. Von Clamide vnde von kinigrvn. Deſ iſt mir dvrchel alſ ein zvn. Min herze von iamerſ ſniten. Nv ſit ir al ze frvͦ geriten. Von mir troſt loſen man. We daz ich niht ſterben. chan. Sit liaz daz ſchone ~~wip.~~magt Vnde min lant iv niht be hagt. xin ander ſvn hiez kvnſcot. Den ſlvͦch mir Jther fil not. Vmbe einen ſparwære. Deſ ſten ich frævden lære. Min driter ſvn hiez kvrzgri. Dem reit mahvte bi. Mit ir ſchonem libe. Wan im gab ſei zewibe. Jr ſtolzer brvder Ekvnat. Gein. Der Brandigan der havpſtat. Chom er nach ſchoy de lacvrt geriten. Deſ wart ſin ſterben niht vermiten. Do ſlvͦch in Mabonagrin. Deſ verloſ mahvte ir liehten ſchin. Vnde lach min wip ſin mvͦter tot. Groz iamer ir nach im gebot. Der gaſt nam deſ wirteſ iamerſ war. Wan erz im vnder ſchiet ſo gar. Do ſprach er herre ich bin niht wiſ. Bezalt aber ich immer ritterſ priſ. So daz ich wol mach minne gern. Jr ſvlt mich Liazen wern. Jwer tohter der ſchonen magt. Jr habt mir al ze vil ~~gechlat~~gechlagt. Mag ich iv iamer danne entſagen. Deſn laze ich ivch ſo vil niht tragen. Vrlovp nam der ivnge man. Zedem getriwen furſten ſan. Vnde al zeder mæſſenîe. Deſ fvͤrſten iamer drîe. Waſ reͮwich andaz quater chomen. Die vierden flvſt het er genomen. xAnnen ſchiet do Parcifal. Ritterſ ſite vnde ritterſ mal. Sin lip mit zvhten fvͦrte Awe wan daz in rvͦrte. Vil manich vnſvͦziv ſtrenge. Jm waſ div wite ze enge. Vnde avch div breite gar ze ſmal. Elliv grvͦne in dvhte val. Sin rot harnaſch in dvhte blanch. Sin herze div avgen deſ betwanch. Sît er tvmpheit ane wart. Done wolde in Gamvreteſ art. Denchenſ niht erlazen. Nach der werden Liazen. Der meide ſelden riche. Dev im geſellechliche. Svnder minne bot vnde ere. Swar ſin orſ nv chere. Ern mach ſin von iamer niht enthaben. Ez welle ſpringen oder draben. Groz vnde chleine ſtvden ſtrich. Dar zvͦ der wagenleiſe bich. Sine walt ſtraze meit. Vil vngeverteſ er do ~~meit~~reit ^^ Da lvzel wegericheſ ſtvͦnt Tal vnde berge waren im vn chvͦnt Genvͦge habnt deſ einen ſite. Vnde iehent deſ ſwer irre rite. Daz der den ſlegel fvnde. Slegelſ vrchvnde. Lach da ane maze vil. Svln groze ronen ſin ſlegelſ zil. xoch reit er lvzel irre. Wan die ſlihte an der virre. Chom er deſ tageſ von Graharz. Jn daz chvnich riche ze Brvbarz. Dvrch wilde gebirge hohc hohc:Punkt über c; vermutlich ein Tintenfleck. Der tach do gein dem abent zoch. Do chom er an ein wazer ſnel. Daz waſ von ſinem dvze hel. Ez gaben die velſe ein ander. Daz reit er nider do vande er. Die ſtat ze Pelrapeir. Der chvnich Tampvnteir. Het ſî gerbet vf ſin chint. Bî der vil levte in chvmber ſint. Dize wazer fvͦr nach bolzeſ ſiten. Die wol gevidert vnde geſniten. Sint deſ deſ armbrvſteſ ſpan. Mit ſenweſ ſwanche tribet an. Dar vber gie ein brvken ſlach. Da manich hvrte vf gelach. Ez floz alda indaz mêr. Pelrapeir waſ wol zewer. Nv ſeht wie chint vf kochen varn. Die man ſch*ſchokeſ niht wil ſparn. Svſ fvr div brvke ane ſeil. Div waſ von ivgende niht ſo geil. Dort anderhalp ſtvͦnden. Mit helm vf gebvͦnden. Sehzech ritter oder mer Die riefen alle kera her. Mit vf geworfen ſwerten. Die kranche ſtriteſ gerten. xvrch daz ſi diche ſahen. ê. Si wanden ez wære clamide. Wan er chvnichlichen reit. Gein der brvke vf dēm velde breit. Do ſi diſen ivngen man. Svſ mit ſchalle riefen an. Swie ſere erz orſ mit ſporn v̉erſneit. Dvrch vorhte ez doch die brvke mæit. Den rehtev zageheit îe floch. Der er bæizte nider vn̄de zoch. Sin orſ vf der brvke ſwanch. Einſ zagen mvͦt wær al ze chranch. Solder gein ſolhem ſtrîte varn. Da zvͦ mvͦſe ein dinch bewarn. Wan er vorht deſ orſeſ val. Do er laſch andehalb der ſchal. Die ritter trvͦgen wider in. Helm ſchilt ir ſwerteſ ſchin. Vnde*Vnde ſlvzen zvͦ die porten. Grozer her ſi vorhten Svſ zoch hin vber Parcifal. Vnde chom geriten an ein wal. Do manger ſinen tot choſ. Vnde dvrch ritterſ priſ den lip verloſ. Vor der porte gein dem palaſ. Der hoch vnde wol geheret waſ. Einen rinch er an der porten vant. Den rvͦrt er vaſte mit der hant. Sinſ rvͦffenſ nam da niemen war. Wan ein ivnchfrawe wol gevar. Von einem venſter ſach div magt. Den helt halden vnverzagt. xiv ſchoͤne zvhte riche. Sprach. ſit ir viͤntliche. Her chomen herre deſt ein not. An ivch man vnſ vil hazzenſ bot. Von den landen vnde von dem mer. Zornich ellenthaftez her. Do ſprach er frawe hie haldet ein man. Der iv dient ob er chan. Jwer grvͦz ſol ſin min ſolt. Jch bin iv dienſtlichen holt. Do gie div magt mit ſinne. Fvͤr die chvniginne. Vnde half im daz er chom dar in. Daz imin ſit wande hohen pin. Svſ wart er in verlazen. Jtwerhalb der ſtrazen. Stvͦnt von povel ein langiv ſchar. Die werliche chomen dar. Slingær patelirære. Der waſ ein langiv viͤrre. Vnde arger ſchvzen harte vil. Avch choſ er andem ſelben zil. Vil chvͦner ſariande. Der beſten von dem lande. Mit langen ſtarchen lanzen. Scharpfēn vnde ganzen. Alſ ich daz mêr vernomen han. Da ſtvͦnt avch manich chavf man. Mit hatſchen vnde mit Gabilot. Alſ in ir mæiſterſchaft gebot. Die trvͦgen alle ſlachen balch Der chvniginne marſchalch. Mvſe in dvrch ſi leiten. Vf den hof mit arbeiten. Der waſ mit ~~reh* b~~wer beraten. Tvͦrn ob den chemenaten. Wichhvſ perfride ærhcger. Der ſtvͦnt do ſicherlichen mer. xanne er da vor geſehe îe. Do chomen allenthalben hie. Ritter die in enpfiengen. Die riten vnde giengen. Avch waſ div iemærliche ſchar. Elliv nach aſchen var. Oder valber leim. Der grave von wertheim. Wer vngerne ſoldier da geweſen. Er moht ir ſoldeſ nith ſin geneſen. Der zadel fvͦgt in hvngerſ not. Si heten chæſe vleiſch noch brot. Ze ezzen zen ſtvͦrn ſin. Si ſmalzigten avch deheinen win. Mit ir mvnde ſo ſi trvnchen. Die wambe in nider ſvnchen. Jr hvffe hohc vnde mager. Verrvmpfen alſ ein vngerſ zager. Waſ in div hv̂t zeriben. Der hvnger het in daz fleiſch ver triben. Da mvͦſen ſi dvrch zadel doln. Jn travf vil lvzel indie choln. Deſ twanch ſiv ein werder man. Der werde chvnich von Brandigan. Die arnden Clamideſ bet. Sich vergoz do ſelten mit met. Der zvber oder div channe. Noch drvhendinger pfanne. Mit chrapfen ſelten da erſchrei. Jn waſ der ſelbe don en zwei. Solde ich daz nv wizen. in. So hiet ich harte chranchen ſin. Wan da ich dike bin erbæizet. Vnde da man mich nv herre hæizet. Da heime in min ſelbeſ hvſ. Da wirt gefrævt vil ſelten mv̂ſ. ~~Dan~~Wan div mvͦſe ir ſpiſe ſteln. Sich dorfte niemen var mir heln. Jch vinde ir offenliche niht. Al ze diche daz geſchiht. Dir wolfram von eſchenpach. Daz ich dvlde al ſolhen gemach. Miner chlage iſt vil vernomen. Nv ſol dize mêr wider chomen. Wie Pelrapair ſtvnde iamerſ vol. Do gab div diet von iamer zol. Die helde iamerſ riche. Lebten chvmberliche. Jr wariv wipheit daz gebot. Nv ſolt ivch erbarmen ir not. Jr lip iſt nv benennet *pfant. Si loͤſe danne drvz div hoſte hant. Horet mere von den armen. Die ſolden ivch erbarmen. Die enpfiengen ſchemelichen. Jr gaſt ellenſ richen. Er dvht ſi anderſ wol ſo wert. Daz er niht dorfte hant gegert. Jr herberge alſ ez in ſtvͦnt. Jr groziv not waſ im vnchvͦnt. Man leit ein tepch vf daz graſ. Da ver mvͦret vnde geleitet waſ. Dvrch den ſchat ein linde. Do entwaffent in daz geſinde. Er waſ in vngelich gevar. Da er den rom von im ſo gar. Twuͦch mit einem brvnnen. Do het er der ſvnnen. Verchrenchet nach ir liehten glaſt. Deſ dvhte er ſi ein werder gaſt. Man braht im einen mandel ſan. Gelich alſo der roch getan. Der edeſ andem helde lach. Deſ zobel gab wilden niwen ſmach. Si ſprachen welt ir ſchawen. Die chvniginne vnſer frawen. Do iach der helt ſtete. Daz er daz gerne tete. Si giengen gein dem palaſ. Da hoch hin vf gegredet waſ. xin minnechlich antlutzeſ ſchin. Dar zvͦ der avgen ſin. Von der chvniginne giench. Ein liehter glaſt .ê. ſi in enpfiench. Von katlangen kyot. Vnde der werde Manfiliot. Herzogen beide waren dîe. Jr brvͦder kint ſi brahten hie. Des landeſ chvniginne. Dvrch die goteſ minne. Heten ſi vf gegeben div ſwert. Da giengen die fvͤrſten wert. Gra vnde wol gevar. Mit grozer zvht ſi brahten dar. Jr frawen en miten an die ſtegen. Do chvſte ſi den werden degen. Die mvnde waren beide rot. Div chvniginne ir hant im bot. Parcifal ſi fvrte wider. Alda ſi ſazen beidev nider. Frawen vnde ritterſchaft. Die heten alle ſwache chraft. Die da ſtvͦnden vn̄de ſazen. Si heten frevde lazen. xaz geſinde vnde div wirtin. Kvndwiramvrſ ir ſchin. Doch ſchiet von diſen ſtriten. Jeſchvten. eniten. Vnde Gvnwarn der lalant. Oder ſwa man lobſ die beſten vant. Swa man frawen ſchone gewuͦch. Jr glaſteſ ſchin vaſte vnder ſlvͦch. Vnde beider yſalden. Div da mvͦz priſeſ walden. Kvndwiramvrſ. Div trvͦch den ſchoͤnen. Beacvrſ. Der nam iſt devtſche ſchoner lip. Ez waren wol nvͦtziv wip. Die diſev zwei gebaren. Div da bi ein ander waren. Do ſchvͦpf wip vnde man. Niht mer nv daz ſi ſehen an. Div zwei bi ein ander. Gvͦte frivnde do vander. Der gaſt gedaht ich ſag iv wie. Liaze iſt dort. Liaze iſt hie. Mich wil got ſorgen mazen. Nv ſich ich Liazen. Deſ werden kvrnemanzeſ chint. Liazen ſchoͤne waſ ein wint. Gein dirre mæide div hie ſaz. Ander got ~~wunccheſ~~wunſcheſ niht vergaz. Da waſ deſ landeſ fraͮwe. Alſ von dem ſvͦzzen taͮwe. Div roſe vz ir belgelin. ~~Enblenchet~~Enblechet niwen werden ſchin. Der beidiv wiz iſt vnde rot. Daz fvͦgte ir gaſte groziv not. Sin manlich zvht waſ im ſo ganz. Sit in der werde kvrnemanz. Von ſiner tvmpheit geſchiet. Vnde im fragen wider riet. Wan beſcheideliche. Bi der chvniginne riche. Saz ſin mvnt gar ane wort. Nahen alda niht verre dort. Maniger chan noch rede ſparn. Der mer zefrævden iſt gevarn. xiv chvniginne gedaht ſan. Jch wene mich ſmæhet dirre man. Dvrch daz min lip vertwalt iſt. Nein er tvͦt ez dvrch einen liſt. Div erſtev rede wære min. Er iſt gaſt vnde ich ich div wirtin. Dar nach er gvͦtlichen an ſi ſach. Sit vnſ zeſitzent heͥ geſchach. Er hat ſich zvht geim mir *barterbart. Min rede iſt al zevil geſpart. Hie ſol niht mer geſwigen ſin. Zv ir gaſte ſprach div chvnigin. Herre ein wirtin reden mvͦz. Ein kvſ er warb mir iwern grvͦz. Avch en bvtet ir dienſt daher in. Alſo ſeit ein ivnchfrawe min. So hant vnſ geſte niht gewent. Deſ hat min herze ~~mich~~ſich verſent. Herre ich frage ivch mære. Wannen iwer reiſe were. Frawe ich reit bi diſem tage. Von einem man der mich mit chlage. Lie mit triwen ane ſchranz. Der fvͤrſte heizet kvrnemanz. Von Graharz iſt er genant. Dannen reit ich hivt inditze lant. Alſvſ ſprach div werde magt. Hietz anderſ iemen mir geſagt. Der volge wurde im niht veriehen. Daz einſ tageſ moht geſchehen. xan ſwelich min bot ie baldeſt reit. Die reiſe er zwene tage meit. Min mvͦter waſ div ſweſter ſin. Jwerſ wirteſ ſiner tohter ſchin. Sich avch von iamer chrenchen mach. Wir haben mangen ſvͦren tach. Mit nazen avgen vber chlagt. Jch vnde Liaz div magt. Sit ir iwerm wirt holt. So lidet hint alſ wirz gedolt. Hie haben. lange wip vn̄de man. Ein tæil ir im dient dor an. Jch mvͦz vnſern chvmber chlagn. ~~Mir~~Wir mvͦzen ſtrengen zadel tragen. Do ſprach ir veter kyot. Frawe ich ſende ev zwelf brot. Schvltern vnde hammen dri. Da ligent æhte chæſe bi. Vnde zwei bvzel mit wine. Jvch ſol der brvͦder mine. Hînt ſtevrn deſ iſt not. Do ſprach manfiliot. Frawe ich ſende iv alſ vil. Do ſaz div frawe an frævden zil. Jr grozer danch wart niht vermiten. Si namen vrlovp vnde riten. Da bi ze ir weide hvſen. Ze wilder alben chlvſen. Die alten ſazen ſvnder wer. Vnde heten fride von dem her. Jr boten wider chomen gedrabt. Deſ wart div chranchev diet gelabt. Do waſ der bvrgere nar. Gedigen andie ſpiſe gar. Jr waſ von hvnger manger tot. .E. daz im cheͦme daz brot. Teilen ez hiez div chvnigin. Dar zvͦ den chæſe daz fleiſch den win. Jr chrefte loſen diete. Parcifal ir gaſt daz riete. Die teiltenſ ane bagenſ ſit. Ez beleib in zwein vil chvͦm ein ſnit. Div wirtſchaft waſ avch verzert. Da mit mangeſ tot er wert. Den der hvnger leben liez. Jr gaſte man do betten hiez. Sanfte deſ ich wenen wil. Wern die bvrgær veder ſpil. xine wern vber rvpfet niht. Deſ noch ir tiſch gerihte giht. Si trvͦgen alle hvnger mal. Wan der ivnge Parcifal. Der nam ſlafeſ vrlovb. Ob ſine cherzen wæren ein ſchovp. Nein ſi waren bezzer gar. Do giench der ivnge wol gevar. An ein bette riche. Gehert chvnichliche. Niht nach armvͦte kvͦr. Ein tepch wart geleit da fvr. Er hiez die ritter wider gen. Die liez er do niht lenger ſten. Chint in entſchvhten ſan er ſlief. Vnz im deware iamer rief. Vnde liehter avgen herze regen. Die wachten ſchier den w̉erden degen. xie chom alſ ich iv ſagen wil. Jz brach niht wiplichiv zil. Mit ſtete chevſche trvͦch div magt. Von der ein teil wirt hie geſagt. Si twanch vrlivgeſ not. Vnde lieber helfer tot. Jr herze an ſolhez chrachen. Daz ir avgen mvͦſen wachen. Do giench div chvniginne. Niht nach ſolher minne. Div ſolhen namen reizt. Der mæide wip heizet. Si ſvͦht helfe vnde frivndeſ rat. Anir waſ werlichiv wat. Ein hemde wiz ſydîn. Waz mohte chamflich̉er ſin. Denne gein man ſvſ chom ein wip. Do ſwanch div frawe vmbe ir lib. Von ſamit einen mandel lanch. Si gie alſ ſi der chvmber twanch. Jvnchfrawen chamerære. Swaz der da bi ir wære. Di lie ſi ſlafen vber al. Da ſleich ſi liſe an allen ſchal. Jn eine chemenaten. Jz ſchvͦfen die iz da taten. Daz Parcifal aleine lach. Von kerzen lieht alſo der tach. Waſ vor ſiner ſlaf ſtat. Gein ſinem bette gie ir pfat. Vf den tepch chniet ſi nider fvr in. Si heten beidev chranchen ſin. Er vnde div chvniginne. An bi ligender minne. xie wart alſvſ geworben. An frevden verdorben. Waſ div magt deſ twanch ſi ſchem. Ob er ſiv hin an iht nem. Leider deſ enchan er niht. Ane chvnſt ez doch geſchiht. Mit einem ſo bewarrem fride. Daz ſi dev ſvͦnweren lide. Niht zeſamen brahten. Wie wenich ſi deſ gedahten. Der meide iamer waſ ſo groz. Vil zæher von ir avgen floz. Vf den ivngen Parcifal. Der hort ir weinenſ ſolhen ſchal. Daz er ſi lachende an ſach. Ditze het er fvr einen vngemach. Vf rihte ſich der werde man. Zder chvniginne ſprach er ſan. Frawe ich bin iwer ſpot. Jr ſoltet chnien ſvſ fvr got. Gervͦchet ſitzen zvͦ mir her. Daz waſ ſin bet vnde avch ſin ger. Oder legt ivch hie alda ich lach. Lat mich beliben alda ich mach. Si ſprach welt ir mich eren. Solhe maze gein mir cheren. Daz ir mit mir ringet niht. Min ligen bi iv alda geſchiht. xeſ wart ein fride von in getan. Si ſmvchet ſich an daz bette ſan. Ez waſ dannoch ſo ſpæte. Daz ninder hvͦn da chræte. Die hane bovm ſtvͦnden bloz. Der zadel hvͦner ab in ſchoz. Div magt iamerſ riche. Fragt in zvhtichliche. Ob er horen wolde ir chlage. Jr fvrht herre ob ich iz iv ſage. Ez wende iv ſlaf daz tvͦt iv we. Mir hat der chvnich clamide. Vnde kingrvn ſin ſenetſachant. Verwuͦſt bvrge vnde lant. Vnz an pelrapeire. Min vater Tampvteire. Liez mich armen wæiſen. Jn vorhtlichen freiſen. Fvrſten magt mine man. Riche vnde arme vndertan. Waſ mir groz ellenthaftez her. Die ſint erſtorben ane wer. Halbe oder merer teil. Weſ moht ich armiv weſen geil. xv iſt ez mir chomen an daz zil. Daz ich mich ſelbe toͤten wil. .E. daz ich magtvͦm. vnde lip. Gebe. vnde Glamideſ wip. Werde. wan ſin hant mir ſlvͦch. Scehentaflvͦr deſ herze trvͦch. Mangen ritterlichen priſ. Er manneſ ſchoͤne ein blvͦndez riſ. Er chvnde ſien valſcheit mazzen. Der brvͦder Lyazen. Do Lyaze waſ genant. Nach ir vil kvmberſ wart gemant. Der dienſt gebende Parcifal. Sin hohe chom in ein tal. Deſ twanch in ir minne. Er ſprach zer chvniginne. Frawe hvlf ivch iemenſ troſt. Ja herre ob ich wurde erloſt. Vor kingrvn ſenetſachant. Ze rehter tyoſt hat mir ſin hant. Gevellet manigen ritter nider. Der chvmpt morgen da her wider. Vnde went daz der herre ſin. Svl ligen an dem arme min. Jr ſaht wol minen palaſ. Der ninder ſo gehoͤhcht waſ. Jchn viel .ê. nider inden graben. e clamide ſolde hab̄en ~~.E. er mir nam~~mit gewalt minen magtvͦm ~~.E. er mir nam~~mit gewalt minen magtvͦm: Fehlender Vers vom Schreiber durch ergänzten Verseinstieg ausgeglichen? Rasur des "falschen" Versanfangs deswegen vermutlich auch vom Leser. Svſ wolde ich wenden ſinēn rvͦm. xo ſprach er frawe iſt kyngrvn. Franzoyſ oder britvn. Oder vz welhem lande er vert. Von miner hant ir ſit gewert. Alſ ez min lip wol bringen mach. Div naht hêt ende vn̄de chom der tach. Div Chvniginne ſtvͦnt avf vn̄de neich. Jr grozen danch ſi niht verſweich. Do ſleich ſi wider lîſe. Niemen waſ ſo wiſe. Der wuͦrde ir genſ dar gewar. Wan Parcifal der wol gevar. Der ſlief niht lenger do der nach. Der ſvnne waſ gein hohe gach. Jr glaſt dvrch div wolchen dranch. Do hort man mangen gloken chlanch. Kyrichen mvnſter ſvͦht div diet. Die Glamide von frævden ſchiet. Vf riht ſich der ivnge man. Der chvniginne kappelan. Sanch got vnde ſiner frawen. Jr gaſt ſi wolde ſchawen. Biz daz der benedicite ~~geſa~~geſchach. Nach ſinem harnaſch er ſprach. Da wart er wol gewaffent in. Er tet avch riterſ ellent ſchin. Mit rehter manlicher wer. Do chom Glamideſ her. Mit maniger baniere. Kyngrvn chom ſchiere. Vor den andern verre. Vf einem orſe von yſen terre. Alſ ichz mære han vernomen. Do waſ avch ~~dvr~~fvr die porten chomēn. Fil li Royſ Gamvret. Der het der bvrgær gebet. Daz waſ ſin erſter ſwerſt̉er ſtrît Er nam die poyndier wol ſo wit. Daz ſiner tyoſt hvͦrte. Beden orſen wart ēngvͦrte. Darmgvͦtel brachen vmbe daz. Jwerdez orſ vf hæhſen ſaz. Die edeſ vf in ſazen. Der ſwert ſi niht vergazen. Inden ſchæiden ſi fvnden. Kyngrvn trvͦch wunden. Dvrch den arme vnde die brvſt. Div tyoſt lerte in flvſt. An ſolhem priſe deſ er phlach. Vnz an ſinen hohvart ſwindenſ tach. Solhc ellen waſ vf in gezalt. Sehſ ritter ſolde er haben gevalt. Die gein im choͤmen vf ein velt. Parcifal im brahte gelt. Mit ſiner ellenthafter hant. Daz kyngrvn tſchinetſchalt. Wande fromder mêre. Wie ein pfetærere. Mit wuͦrfen an in ſeigte. Ander ſtrit in neigte. Ein ſwert dvrch den helm erchlanch. Parcifal in nider ſwanch. Er ſatz im an die brvſt ein chnîe. Er bot daz wart geboten nîe. Dehæinem man ſin ſicherheit. Jr wolde niht der mit im ſtreit. Er bat in fafianze. Bringen Gvrnamanze. Nein herre dv maht mir gerne tvͦn. Den tot. ich ſlvͦch im ſinen ſovn. Tſchentaflvr. ich nam ſin leben. Got hat dir eren vil geben. Swa man ſagt daz von dir. Din chraft erzæigt ſi ammir. Daz dv mich haſt betwungen. So iſt dir wol gelvngen. xo ſprach der ivnge parcifal. Jch wil dir lan ein ander wal. So ſicher der chvnigin. Der din herre hohen pin. Hat getan mit zorne. So wære ich der verlorne. Mit ſwærten wær min lip verzert. Alſ daz inder ſvnnen vert. Jch han ir herzenlæit getan. Dar inne manigem chvͤnen man. So fvͦrte von diſem plane. Jn ditze lant Britane. ~~Din~~ Din riterlichiv ſicherheit. Einer meide div dvrch mich leit. Deſ ſi niht leiden ſolde. Der fvͦg erchennen wolde. Vnde ſag ir ſwaz halt mir geſcheh. Daz ſimich immer fro geſehe. .E. daz ich ſei gereche. Alda ich ſchilt dvrch ſteche. Vnde ſag von minem libe. Artvſe vnde ſinem wibe. Dar zvͦ der mæſſenîe gar. Daz ich nimmer wil chomen dar. .E. daz ich laſterſ mich entſag. Daz geſellechichen trag. Mit ir div mir lachen bot. Deſ chom ir lip in groziv not. Sag ir ich ſei ir dienſt man. Dienſtlicher dienſt vnder tan. xer rede ein volge ~~wart~~do geſchach. ^^ ^^: Korrekturzeichen findet sich zur Rechten von Vers 199.15. Die helde man ſich ſchæiden ſach. Hin wider chomen gegangen. Da ſin orſ waſ gevangen. Der bvrgære champfeſ troſt. Si wurden ſît von im erloſt. Zwiuelſ pflach daz vzer her. Daz kyngrvn an ſiner wer. Waſ entſchvmpfieret. Da wart gecondwiert. Parcifal zer chvnigin. Si tet im vmbe vahen ſchin. Si drvht in vaſte an ir lip. Vnde ſprach ich wirde nimmer wip. Vf der erde dehæineſ man. Wan den ich vmbe vangen han. Si half daz er entwaffent wart. Jr dienſt waſ vil vngeſpart. Nach ſiner grozen arbeit. Waſ chranchiv wirtſchaft bereit. Di bvrgær ſo gefvͦren. Daz ſi im alle hvlde ſwuͦren. Vnde iahen er mvͦſe ir herre. ſin. xo ſprach avch div chvnigin. Er ſolde ſin ir amiſ. Sit daz er ſo hohen priſ. Bezalt an ~~kyngrvne~~kyngrvn. Zwene ſegel ~~brvne~~brvn. Koſ man von der wer her ab. Die ſlvͦch groz wint vaſte indie hab. Die kiel waren geladen ſo. Deſ die brvgær waren fro. Si trvͦgen niht wan ſpiſe. Daz fvͦgt got der wiſe. Her von den zinnen vielen. Vnde gahten gein den kyelen. Daz hvngrige her dvrch den ravp. Do mohten vliegen ſo div lavp. Die dvrren vnde die ſihten. Von fleiſche die lihten. Jn waſ lære ir balch. Der chvniginne marſchalch. Tet den ſchiffen ſolhen fride Daz er gebot bi der wide. Daz ſi dehæiner rvͦrte. Die chvflvͦte er fvͦrte. Fvr ſinen herren in die ſtat. Parcifal in gelten bat. Jr chavf mit zwiſpilde. Die ſchiflvͦte deſ bevilde. Svſ waſ vergolten in ir chavf. Den bvrgæren in ir kolen travf. Jch wær da nv wol ſoldnier. Wan da trinchet niemen bier. Si habent ſpiſe wineſ vil. Da warp alſ ich iv ſagen wil. Parcifal der ræine. Von erſte die ſpiſe chleine. Teilt er mit ſin ſelbeſ hant. Do ſazt er alle die er vant. Ern wolde niht ir læren magen. Vber chrvpfe lazen tragen. Er gab in rehter maze teil. Si wurden ſineſ rateſ geil. Hinz naht ſchvͦf er in mere. Der vnloſe niht zehere. Bi ligenſ wart gefraget da. Er vnde div chvniginne ſprachēn ia. Er lach mit ſolhen fvͦgen. Daz nv niht wil genvͦgen Manigiv wip der in ſo tvͦt. Daz ſi dvrch arbeitlichen mvͦt Jr zvht ſvſ parrierten. Vnde ſich dar gein zierten. xor geſten ſintſ an chevſchēn ſiten. Jr herzen wille hat verſniten. *azWaz mach an ~~der~~den gewerden ſin. Jr frivnt ſi herzenlichen pin. Fvͦgent mit ir zarte. Deſ maze ſich îe bewarte. Der getriwe ſtete man. Wol frivndinne ſchonen chan. Er denchet alſ ez liht iſt war. Jch han gedient manigiv iar. Nach lone diſem wibe. Div hat minem libe. Er boten troſt nv lig ich hie. Ez het mich genvͦget ie. Ob ich mich mit miner blozēn hant. So ſoſolt rvren ir gewant. Ob ich giteſ gerte. Vntriwe fvr mich werte. Solde ich ſi arbeiten. Vnſer bæider laſter breiten. Vor ſlafe ſvͦziv mære. Sint frawen niht vnmere. Svſ lach der walæiſe. Chranch waſ ſin freiſe. Den man den roten ritter hiez. Die chvniginne er magt liez. Si wande doch ſi wære ſin wip. Dvrch ſinen minnechlichen lip. Deſ morgenſ ſi ir hovpt bant. Do gab im lvͤte vnde lant. Diſiv magtbæriv brv̂t. *anWan er waſ ir herzen trv̂t. xi waren mit ein ander ſo. Daz ſi dvrch liebe waren fro. ~~Zentag~~Zwentag vnde die driten naht. Von im dike wart gedaht. Vmbe vahen daz ſin mvͦter riet. Gvrnamanz im vnder ſchiet. Man vnde wip waren al ein. Si flahten arm vnde bein. Ob ichz iv ſagen mvͦz. Er vant daz nahen ſovz. Der alten vnde der niwen ſit. Wont al do in beiden mit. Jn waſ wol vnde niht ze we. Nv horet mer wie Glamide. An chreftichlicher her vart. Mit mærn vngetroſtet wart. Ditze begvnde im ein knappe ſagen. Deſ orſ zden ſîten ~~war~~waſ dvrch ſlagen. Vor Pelrapaire vf dem plan. Jſt werdiv riterſchaft getan. Scharpf genvͦch von riterſ hant. Betwungen ſi iſt der ſchenechant. Deſ herſ mæiſter kyngrvn. Vert gein Artvſe dem britvn. Der lît noch vor der ſtat. Do er dannen ſchiet alſ er ſi bat. Er vnde ir beidiv her. Vindent Perapeire ze wer. Dort inne iſt ein ritter wert. Der anderſ niht wan ſtriteſ gert. Die ſoldier iehent beſvnder. Daz von der tavelrvnder. Div chvniginne habe geſant. Ythern von kvcumerlant. Deſ waffen chom zder tyoſt fvͦr Vnde wart getragen nohc priſeſ kvͦr. xer chvnich ſprach zdem chnappen ſan. kvndwiramvrſ div wil mich han. Vnde ich ir lip vnde ir lant. Kyngrvn mîn ſchenechant. Mir mit worheit en bot. Si geben di ſtat dvrch hvngerſ not. Vnde daz div chvniginne. Mir bv̂t ir werde minne. Der chnappe er warp da niht wan haz. Der chvnich reit mit hêr fvrbaz. Jm chom ein ritter wider varn. Der ovch daz orſe niht chvnde ſparn. v vi Der ſagt div ſelben mære Glamide wart ſwere Frævde vnde ritterlicher ſin. Ez dvht in groz vngewin. Deſ chvnigeſ man ein fvͤrſte ſprach. Kyngrvnen niemen ſach. Striten vor vnſer manheit. Niht wan fvr ſich ſelben er do ſtreit. Nv lat in ſin zetode erſlagen. Svln dvrch daz zwei her verzagen. Ditze vnde genz vor der ſtat Sinen herren er trvren lazen bat. Wir ſvlnz noch baz verſvͦchen. Vnde wellent ſi wer gervͦchen. Wir geben in noch ſtriteſ vil. Vnde bringenz vz ir frævden ſpil. Man vnde mage ſvlt ir manen. Vnde ſvͦcht die ſtat mit zwein vanen. Wir mvgen ane liten. Wol ze roſe zv in riten. Di porten ſvͦch man ze fvͦze Deſſwar wir tvn in ſchimpfeſ bvͦze Den rat gab kalocandreſ. Der herzoge von ſchiponeſ. Der braht die bvrgære in not. Vnde avch an ir letze den tot. xam tet der grave Narrant. Ein fvrſte vz vkerlant. Vnde manich wert arm man. Den man trvͦch toten von dan. Nv horet ein ander mære. Wie die bvrgære. Jr letze taten govme. Si namen lange bovme. Vnde ſtiezzen ſtarch ſtechen drin. Daz gab den ſvͦcheren pin. Mit ſeilen ſi hiengen. Die ronen in redern giengen. Ditze waſ gebrvͦvet allez .ê. Sit ze ſtvrme ſvͦcht Glamide. Nach kyngrvneſ tſchvmpfentiwer Ovch waſ ein hæideniſ wilt fiwer Mit der ſpiſe braht indaz lant. Daz vzer antwerch wart verbrant. Eben hoh ir mangen. Soz vf redern chom gegangen. Jgel chatzen in den graben. Daz chvnde daz fivr her dan wol ſchaben. Kyngrvn ſchenetſcant. Waſ chomen ze Britanie in daz lant. Vnde vant den chvnich Artvſ. Jn brezian ze dem weide hv̂ſ Daz waſ geheizen kvrnvnal. Do warp er alſ in Parcifal. Gevangen het dar geſant. Frovn kvnewarn delalant. Braht ſin ſicherheit. Div ivnchfrowe waſ gemeit. Daz mit triwen chlagt ir not. Den man da hiez den ritter rot. xber al daz mære wart vernomen. Do waſ ovch fuͤr den chvnich chomen. Der betwungen werde man. Jm vnde der mæſſenie ſan. Sagt er waz in waſ enboten. Key ſprach vnde begvnde roten. Do ſprach er biſt dvz kyngrvn. Awe wie manigen britvn. Hat entſchvmpfiert din hant. Dv Glamideſ ſenechant. Wirt mir din mæiſter nimmer holt. Dineſ ampteſ dv geniezen ſolt. Die kezzel ſint vnſ vnder tan. Mir hîe. vnde dir ze Brandigan. Hilf mir dvrch dine werdecheit. Kvnwaren hvlde vmbe chrapfēn breit. Ern bot ir anderſ wandelſ niht. Die rede lat ſin waz geſchiht. Da wir daz mære liezen .ê. Fvr Pelrapeire chom Glamide. Do grozzez ſtvͦrmen niht wart vermiten. Die innern mit den vzern ſtriten. Si heten troſt vnde chraft. Man vant di helde ~~wehaft~~werhaft. Da vor behabten ſi daz wal. Jr landeſ herre Parcifal. Streit den ſinen verre vor. Do ſtvnden offen gar div tor. Mit ſlegen er die arme erſwanch. Daz ſwert dvrch di herte helm erclanc. Swaz er da ~~nider ritter~~ritter nider ſlvͦch Di fvnden arbeit genvͦch Die chvnde man ſi leren. Ze der halſperge geren. Di bvrgær taten rache ſchin. Si ſtachen ſi zen ſlitzen in. Parcifal in wert daz. Do ſi dar vmbe hetēn ſinen haz. Zweinzech ſi lemtich ~~liezen~~fiēngen. .E. ſi von dem ſtrite giengen. Parcifal wart wol gewar. Daz Glamide mit ſiner ſchar. Ritterſchaft zden porten meit. Vnde daz er ander halden ſtreit. Der ivnge mvͦteſ herte. Chert an daz vngeverte. Hin vmb begvnder gahen. Deſ chvnigeſ vanen nahen. xeht do wart Glamideſ ſolt. Alreſt mit ſchanden do geholt. Di bvrgær ſtrîten chvnden. So daz in gar verſwunden. Di herten ſchilt von d̉er hant Parcifaleſ ſchilt verſwant. Von ſlegen vnd von ſchvzen. Swie wenich ſi deſ genvzen. Die ſvchære di daz ſahen. Deſ priſeſ ſi im alle gahen. Colocanderſ den vanen. Trvch der chvnde daz her wol manen Der lach andeſ chvngeſ ſiten tot. Glamide chom ſelbe in not. Jm vnde den ſinen wart do we. Den ſtvrm verbot Glamide. Parcifal der werde degen. Bat der gevangen ſchone pflegen. Vnz anden dritten morgen. Daz vzer her pflach ſorgen. Der ivnge ſtolz werde gemeit. Nam der gevangen ſicherheit. Er ſprach alſ ich iv en bivte. Kompt wider gvͦte lv̂te. Jr harnaſch er behalten bat. Vnz ſi cherten fvr di ſtat. Swie ſi wæren von trinchen rot. Di vzern ſprachen hvngerſ not. Habt ir gedolt ir armen. Lat ivch vnſ niht erbarmen. Sprach div gevangen ritterſchaft. Dort inne iſt ſpiſe alſolhiv chraft. Welt ir noch ligen hie ein iar. Si behaltent ivch mit in fvr war. Div chvnigin hat den hohſten man. Der ſchilteſ ampt ie gewan. Er mach wol ſin von hoher art. Ja iſt riterſ ere an im bewart. xo daz erhort Glamide. Alreſt tet im ſin arbeit we. Boten ſande er wider in. vn̄de enbot ſwer bi der chvnigin. Do gelegen wære Jſt er champf were. Daz ſi in da fvr hat erchant. Daz er ir ſtat vnde ir lant. Mir mit champf tvrre wern. So ſi ein fride von beiden hern. Parcifal deſ wart alfro. Daz im div botſchaft alſo. Gein ſin einſ champf wart geſeit. Do ſprach der ivnge vnverzeit. Da fvr ſi min triwe pfant. Deſ innern herſ dehein hant. Dvrch min not chvmpt zewer Zwiſchn dem graben vnde dēm vzern her. Wart geſtæt diſer fride. Do waffentn ſich die champf ſmide. Do ſaz der chvnich von Brandigan. Vf ein gewaffent kaſtelan. Daz waſ geheizzen ſchvfert ſchvͦrz Von ſinem Grehvͦrz. Dem chvnige von ypotente. Mit richer preſente. Waſ ez chomen Glamide. Nordern vber den vker ſe. Jz braht der grave narrant. Vnde ~~daz~~dar zvͦ tvͦſent ſargant. Mit harnaſch alle ſvnder ſchilt. Deſ waſ ir ſolt ſvſ gezilt. Vollechlichen zwei iar. Ob div aventiwer ſagt war. Gregvrz im ſande ritter chlvͦge Fvnfhvndert yſlicher trvͦge Helm vf ſinem havpt gebvnden. Die wol mit ſtrite chvnden. xo het Glamideſ her. Von dem lande vnde von dem mer. ~~Perrapere~~Pelrapere alſo belegen. Die pvrgær mvͦſen chvmberſ pflegen. Vz chom geriten Paricifal. An daz vrtelliche wal. Da got erzeigen ſolde. Ob er im lazen wolde. Deſ chvnigeſ Tampvteirſ barn. Stolzlich er chom gevarn. Wan alſ daz orſ den walap. Vor der rabin gab. Ez waſ gewaffent wol fur not. Von ſamit ein deche rot. Lach vf der yſeninen. An im lîe er ſchinen. Rot ſchilt. rot cvrſit. Glamide erhvͦb den ſtrit. Chvrz ein vmbe ſniten ſper. Brach dvrch tyoſt vellen her. Da mit er nam den pin. Schvfertſchvrz vn̄de hvrteſ ſchin. Wol da getyvſtiert wart. Von den zwein ivngen ane bart. Svnder failieren. Von lv̂ten. noch von tieren. Wart nie geſtriten herter champf. Jetwederſ orſ von mvͦde tampf. Svſ heten ſi gevohten. Daz div orſ nimer mohten. Da ſtvrzten ſi dar vnder. Enſampt niht beſvnder. Jr ieweder deſ gervͦchte Daz erz fivr in helme ſvhte. Sine mohten virenſ niht gepflegen. Jn waſ ze werch al da gegeben. Do zer ſtvben in die ſchilde. So der mit ſchimpfe ſpilde. Vnde veder wuͦrfe inden wint. Dannoch waſ Gamvreteſ chint. Ninder mvͦde an deheinēm lide. Do wande Glamide der fride Wer zerbrochen vz der ſtat. Sinen kampfgenoz er bat. Daz er ſich ſelben êrte. vn̄de mangem werfen wêrte. Ez giengen vf in ſlege groz Die warn manigeſ ſteinſ genoz. Svſ antwurt im deſ landeſ wirt. Jch wæn dich manich wurf v̉erbirt. Wan da fvr iſt min triwe pfant. Hetſt et fride von miner hant. Dirn brech mangen ſwenchel. Brvſt. havpt. nach den ſenchel. Glamide dranch mvͦde zvͦ. Div waſ im dannoch gar ze frvͦ. Sich gewunnen ſic verlorn. Wart ſvnder da mit ſtrite ~~v̉erkorn.~~erkorn. Doch wart der chvnich Glamide. Jn tſchvmpfentiwr geſchawet .ê. Von einem nider zvche. Von Parcifaleſ drvche. Blvͦt wæt vz oren vn̄de vz naſen. Daz macht rot den grvͦnen waſen. Er enblozt im daz havpt ſchiere. Von helm vnde von herſnier. Gein ſlag ſaz der betwungen lip. Der ſigehaft ſprach min wip. Mach nv beliben vor dir frî. Nv lern waz ſterben. ſî. xæine mær degen balt. Din ere wirt ſvſ drizechvalt. Vaſt an mir erzeiget. Sit dv mich haſt geneiget. Wa mach dir hoher priſ geſchehen. Kvndwiramvrſ mach iehen. Daz ich der vnſelige bin. Vnde din gelvche hat gewin. Dein lant iſt erloſet. Alſ der ſin ſchif veroeſet. Ez wirt vil diche lihter. Min gewalt iſt worden ſihter Reht manlicher wunne. Jſt worden an mir dvnne. Dvrch waz woldeſt dv mich ſterben. Jch mvͦz doch laſter erben. Vf alle min nach chomn. Dv haſt den priſ vn̄de den frvmn. Tvͦſt du mir mer deſt ane not. Jch trag den lebentigen tot. Sit ich von ir geſcheiden bin. Div mir herze vn̄de ſin. Je mit ir gewalte beſloz. Vnde ich deſ nie gein ir genoz. Deſ mvͦz ich vnſelich ~~ſin.~~man. Jr lip. ir lant. ir ledich lan. xa gedaht der den ſic hat. An Gvrnemanzeſ rat. Daz ellenthaftiv manheit. Zer barmde ſolde ſin bereit Svſ volg er dem rat nach. Hinz Glamide er ſprach. Jch wil dich niht erlazzen. Jr vater Lyazzen. Dv bringeſt im din ſicherheit. Nein herre ich han im herzenleit. Getan. ich ſlvͦch im ſinen ſvn. Dv ſolt mit mir niht alſo tvn. Dvrch kvndwirn amvrſ. Vaht ovch mit mir ſchentaflvrſ. Ovch wær ich tot von ſiner hant. Wan daz mir half min ſchenechant. Jn ſande indaz lant ze Brvbarz. Gvrnemanz von Graharz. Mit werdechlicher herſ chraft. Die taten gvͦte riterſchaft. Nivn hvndert ritter die wol ſtriten. Gewaffent orſ alle ſi riten. Vnde fvnfzehen hvndert ſariant. Gewaffent ich in ſtrite vant. Jn gebraſt niht wan ſchilde. Sinſ herſ mich bevilde. Jr chom doch chvͦme der ſame. wider Mer helde ver loſ ich ſider. Nv darbe ich frævde vn̄de ere. Weſ gerſt dv von mir mere. xch wil ſenften dine freiſe. Var gein dem britaneiſe. Do vert ovch vor dir kyngrvn. Gein artvſe dem britvn. Dem ſolt dv min dienſt ſagen. Bit in daz er mir helfe chlagen. Laſter daz ich fvrte dan. Ein ivnchfrowe mich lachet an. Di man dvrch mich zeblov. So ſere mich nie dīnch gerov. Der ſelben ſag iz ſi mir leit. Vnde bring ir din ſicherheit. So daz dv leiſteſt ir gebot. Oder dv nim hie den tot. Sol daz geteilte gelten. So wil ich niht beſchelten. Svſ ~~ſprar~~ſprach der chvnich von Brandigan. Jch wil die reiſe hinnen han. Mit vrlovb er danne ſchiet. Den .e. ſin hohvart verriet. Parcifal der wigant. Gie da er ſin orſ al mvͦde vant. Sin fvͦz dar nach nie gegreif. Er ſpranch drvf ane ſtegereif. Daz vmbe gegvnden zirben. Sineſ ſchildeſ ſchirben. Deſ warn die bvrgær gemeit. Daz vzer her ſin herzenleit. Brat vn̄de bein im taten we. Man lert den chvnich Glamide. xa ſin helfer waren. Die toten mit den baren. Frvmt er an ir reſte Da rvmptenz da die geſte Glamide der werde Reit gein zovier vf di erde. Enſampt niht beſvnder. Gie von der tavelrvnder. Waren die von Nazarv̂n. Bi Artvſ dem britv̂n. Ob ich iv niht gelogen han. Vor dienazarvn der plan. Mvͦſe zeltſtangen wonen. Mer danne imme ſpchiſhart ſi ronen. Mit ſolhier meſſenie lach. Dvrch hohzit den pfinſtg tach. Artvſ mit maniger frowen. Ovch maht man da ſchowen. Manige banier verſchilt. Den ſvnder waffen waſ gezilt. Vnde mangen wol geherten rinch. Ez dvhten nv vil groziv dinch Wer moht der reiſe lachen. Solhem wibſ her gemachen. Ovch wande do ein frawe ſan. Si ſolt den priſ verlorn han. Het ſi da niht ir amiſ. Jchn têt ez niht deheinen wiſ. Ez waſ do manich tvmber lip. Jch breht vngerne nv min wip. Jn alſo groz geſtrenge. Jch vorht vnchvnt gemenge. Etſlicher hinz ir ſpræhe. Da in ir minne ſteche. Vnde im die ſinne blande. Ob ſi die not erbande. Doch dient er vor vn̄de nach. Mir wer mit ir dannen gach. Jch han geeret vmb ir dinch. geeret: Punkt über dem zweiten "e". Könnte damit Tilgung gemeint sein? geeret: Sieht am Original eher nach einem Fleck aus. Nv horet wie Artvſeſ ~~dinch~~rinch. Svnder waſ er chennechlich. Vor vz mit manger tho rich Div meſſenie vor im vͣz. Manich werder man gein valſche laz. Vnde manich ivnchfrowe ſtolz. Daz niht wan tyoſt waſ ir bolz. Jr frivnt ſi gein ir veinde ſchoz. Wart ſin arbeit do groz. Svſ ſtvͦnt lihte ir gemvͦte. Daz ſi daz galt mit gvͦte Glamide der ivngelinch. Reit en mitten in den rinch. Verdechet orſ. gewaffent lip. Koſ an im Artvſeſ wip. Sinen helm ſinēn ſchilt v̉erhawēn. Daz ſahen gar die frowen. Alſvſ waſ er zehove chomen. Jr habt .ê. wol vernomen. Daz er deſ wart betwungen. Er erbeizt vil gedrvngen. Wart ſin lip .e. er ſitzen vant. Frowen kvnwaren der lalant. Da ſprach er frowe ſit ir daz. Der ich ſol dienen ane haz. Ein teil twinget mich ſin not. Dienſt iv enbot der ritter rot. Vnde wil ganze pflihte han. Swaz iv ze laſter iſt getan. Ovch hiez erz Artvſen chlagen. Jch wæn ir ſit dvrch in geſlagen. xrowe ich bringe iv ſicherheit. Svſ enbot iv der mit mir ſtreit. Nv leiſt ichz gern ~~ſwen~~ſwe ir welt. Min lip gein tode waſ geſelt. Frowe kvnware de lalant. Greif an di ſichernde hant. Alda frov Gynover ſaz. Div ane den chvnich mit ir az. Key vor dem tiſche ſtvͦnt Alda im wart ditze mære chvͦnt Er wider ſaz ez im ein teil. Deſ wart frov kvnware geil. Do ſprach er frawe dirre man. Swaz er hat gein iv getan. Deſ iſt er vaſte vnder zogen. Jch wæn er iſt an gelogen. Jch tetz dvrch ~~bvbſchlichen~~hvbſchlichen ſit Vnde wold ivch han gebezzert mit. Dar vmbe ich han iwern ~~zorn.~~haz. Jedoch wil ich iv raten daz. Heizt entwaſten diſen gevangen. Jn mach hie ſtenſ belangen. Jn bat div ivnchfrowe ſchier. Ab nemen ſin herſnier. Der man ab im ſtravf div bant. Glamide wart ſchier er chant. Kyngrvn ſach diche. An in chvnchliche bliche. Do wart an den ſtvnden. Sin hende alſo gebvnden. Daz ſi begvnden chrachen. Alſam die dvrren ſpachen. xnder ſtvnt ſin frævde ſwant. Den tiſch ſtiez er von im zehant. Sinen herren fragt er mære. Den vande er frævden lære. Er ſprach ich bin zeſchaden geborn. Jch han ſo werder her verlorn. Daz mvͦter nie gebot ir brvſt. Dem der erchande hoher verlvſt. Mich riwet niht minſ herſ tot. Da gegen minne mangelſ not. Læſt vf mich ſolhen laſt. Mir iſt frævde vnde hoher mvͦt gaſt. Kvndwiramvͦrſ mich frvmt. gra. Pylatvſ von pontya. Vnde der arme Jvdaſ. Der bi einem kvſſe waſ. Ander triwe loſen vart. Da ieſvſ verraten wart. Swie daz ir ſchæpher reche. Die not ich niht verſpreche. Daz ze Brvbarz der frowen lip. Sold ſi in hvlden ſin min wip. So daz ichſ vmbe vienge. Swie ez mir dar nach ergienge Jr minne iſt læider verre. Dem chvnige von yſen terre. Min hant vnde zlant von Brandigan. Mvͦzenſ immer ſchaden han. Minſ vetern ſvn ~~Mv*onagrin~~Mvbonagrin. Leit alda zelangen pin. xv bin ich chvnich Artvſ. Her geriten indin hvſ. Betwungen von ritterſ hant. Dv weiſt vil wol daz ich min lant. Dir manich laſter hat getan. Deſ vergiz nv werder man. Die wil ich hie gevangen ſi. La mich ſolheſ hazzeſ fri. Mich ſol frov kvnware. ſchæiden von dem vare. Div min ſicherheit enpfiench. Do ich gevangen fvͤr ſi giench. Artvſeſ vil getriwer mvnt. Verkoſ di ſchvlde ſa zeſtvnt. Do frieſch wip vnde man. Daz der chvnich von Brandigan. Waſ geriten inden rinch. Nv dar naher dringa drinch. Vil ſchier wart daz mære breit. Mit zvhten ieſch geſellecheit. Glamide der frævden ane. Jr ſvlt mich Gawane. Bevelhen frowe bin ichn wert. So weiz ich wol daz erſ ovch gert. Leiſt er dar an ovch iwer gebot. Er ert ivch vnde den ritter rot. xrtvſ bat ſiner ſweſter ſvn. Geſellecheit dem chvnige tvn. Er wær iedoch ergangen. Do wart wol enpfangen. Won der werden meſſenie. Der betwungen valſcheſ frie. Glamide ſprach kyngrvn. Owe daz iedehein britvn. Dich gevangen ſach ze hvſ. Noch richer danne Artvſ. Wær dv helfe vnde vrbor. Vnde het doch dine ivgende vor. Sol Artvſ da von priſ nv tragen. Daz key hat dvrch zorn geſlagen. Ein edel fvͤrſtinne. Div mit herzen ſinne. Jr mit lachen het erwelt. Der ane liegen iſt gezelt. Mit warheit fvr den hoſten priſ. Die britaneiſe ir lobſ riſ. Wænent nv hohe geſtozen han. An ir arbeit iſt getan. Daz tote her wider wart geſant. Der chvnich von kvcvmerlant. Vnde daz min herre im ſigſ iach. Den man gein im en chempfe ſach. Der ſelbe hat betwungen mich. Gar ane hælichen ſlich. Man ſach da fîvr vz helme wæn. Vnde ſwert in henden vmbe dræn. Do iahenſ alle geliche. Arme vnde riche. Daz key het miſſetan. Hie ſvln wir dize mær lan. Vnde chomen wider an die vart. Daz wuͦſte lant erbowen wart. Do chrone trvͤch Parcifal. Man ſach da ſelten frævden ſchal. Sin ſweher Tampvnteir. Liez im vf Pelrapeir. Liht geſtein rot golt. Daz teilt er ſo daz man im holt. Waſ dvrch ſine milde. Vil banier niwer ſchilde Wart ſin lant gezieret. Vnde vil getvrnieret. Von im von den ſinen. Er liez diche ellent ſchinen. Ander march ſineſ landeſ ort. Der ivnge degen vn er vorht. Sin getat waſ vor den geſten. Gebrvͦvet ze der beſten. xv ſprechet von der chvnigin. Wie moht der immer baz geſīn Div ivnge ſvͦze werde. Het den wunſch vf der erde. Jr minne ſtvͦnt mit ſolher chraft. Gar ane wancheſ ane haft. Si het ir man da fvr erchant. Jr ietwederz an dem anderm vant. Er waſ ir lieb alſ ſi im. Swenn ich daz mer an mich nv nim. Daz ſi ſich mvͦzen ſcheiden. Da wæhſt ſchade in beiden. Avch riwet mich daz ſvͦze wip. Jr lvͤte. ir lant. dar zvͦ ir lip. Schiet ſin hant von groz̉er not. Da gein ſi im ir minne bot. Einſ morgenſ er mit zvhtēn ſprach Manich ritter ez hort vn̄de ſach. Ob ir gebietet frowe. Mit vrlovbe ich ſchawe. Wie ez vmbe min mvͦter ſte. Ob der wol oder we. Si. daz iſt mir vn chvnt. Dar wil zeiner chvrzen ſtvnt. Vnde ovch dvrch aventiver zil. Mach ich iv gedienen vil. Daz gilt iwer minne wert. Svſ het er vrlovbſ gegert. Er waſ ir liep ſo daz mære giht. Si wolde im verſagen niht. Von allen ſinen mannen. Schiet er al eine dannen. xwer rvͦchet horen war nv chvmpt. Den aventivr hat vz gefrvmt. Der mach groziv wunder. Merchen al beſvnder. Lat riten Gamvreteſ chint. Swa nv getriwe lvte ſint. Die wunſchen im heilſ wan daz mvͦz ſin. Daz er nv lidet hohen pin. Etſwenne frevde vnde ere. Ein dinch mvͦt in ſere. Daz er von in geſchæiden waſ. Daz man von wiben ie gelaſ. Noch ſvſ ſagte mære. Div ſchoner vn̄de beſzer wære. Gedanch nach der Chvnigin. Begvnden chrenchen im den ſin. Den mvͦſe er gar verlorn han. Wærz niht ein herznhaft man. Mit gewalt den zovm daz roſ. Trvͦch vber ronen vn̄de vber moſ. Wan ezn weſſe niemenſ hant. Vnſ ~~trvͦch~~tvͦt div aventivr erchant. Daz er bi dem tage reit. HEin vogel hêt ſin arbeit. Solde erz haben ervlogen. ~~Vnſn~~Vnſ hab div aventivr betrogen. Sin reiſe vnnach waſ ſo groz. Deſ tageſ do er Jthern ſchoz. Vnde ſît do er von graharz. Chom in daz lant ze Brvbarz. xelt ir nv horn wie ez im geſte. Er chom deſ abendeſ an einen ſê. Da heten geankert wæide man. Den waſ daz wazzer vndertan. Do ſi in riten ſahen. Si waren dem ſtade ſo nahen. Daz ſi wol horten ſwaz er ſprach. Einen er in dem ſchife ~~waſ~~ſach. Der het an im alſolch gewant. Ob im dienten elliv lant. Daz iz niht bezzer mohte ſin. Gefvrriert ſin hvt waſ phewin. Den ſelben viſchere Begvnde er ~~tragen~~fragen mere Daz er im riet dvrch got. Vnde ovch dvrch ſiner zvhte gebot. Wa er herberge mohte ~~ſin~~han. Deſ antwurt im der trvrige man. Er ſprach herre mir iſt vmbe chant. Daz weder wazzer noch lant. Jnner drizech milen erbvͦwen ſî. Nie wan ein hvſ liͤt hie bî. Mit triwen ich iv rate dar. War moht ir talanch anderſwar. Dort andeſ veldeſ ende. Do chert zeder zeſwen hende. So ir hin vf chomt an den grabn. Jch wene da mvͦzt ir ſtille haben. Bitet di brvk iv nider lazzen. Vnd ofen die ſtrazzen. xr tet alſ im der viſchære riet. Mit vrlovb er danne ſchiet. Er ſprach chomt ir rehte dar. Jch nim iwer hint ſelbe war. So dancht alſ man iwer pfleg. Hvͦt ivch da gent vnchvnde weg. Jr mvgt ander liten. Wol miſſe riten. Deſſwar deſ ich iv niht gan. Parcifal der hvͦb ſich dan. Do begvnde er ~~warcherlichēn~~wacherlichēn draben. Daz rehte pfat vnz an den grabn. Do waſ div brvk vf gezogen. Div bvrch an veſte niht betrogen. Si ſtvnt reht alſ ſi wer gedret. Ezn flvg oder hiet d̉er wint gewet. Mit ſt*ſtvrm ir niht geſchadet waſ. Vil tvrne mangev palaſ. Stvnden da mit werdechlicher wer. Ob ſiv ſvhten elliv her. Sinen gaben fvr di ſelben not. Ze drizech iaren niht ein brot. Ein chnappe deſ gervͦchte. Vnde fragt in waz er ſvhte. Oder wannen ſin reiſe were. Er ſprach der viſchære. Hat mich von im her geſant. Jch han genigen ſiner hant. Niht wan dvrch der herberge wan. Er bat die brvc nider lan. Vnde hiez zvͦ iv riten in. Herre ir ſvlt willechomen ſin. Sit deſ der viſchære veriach. Man erbivtet iv ere vnde gemach. Dvrch in der ivch ſande wider. Sprach d̉er ~~chappe~~chnappe vn̄de lie die brvke nid̉er. xn die bvrch der chvͤne reit. Vf einen hof wit vn̄de breit. Mit ſchimpf er niht zetretet waſ. Da ſtvͦnt al kvrz grvne graſ. Da waſ bvhvrdiern vermiten. Mit baniern ſelten vber geriten. Alſ der anger ze ambenberch. Selten frolichiv werch. Waſ da gefrvmt zelanger ſtvnt. Jn waſ wol herzen iamer chvnt. Wenich er deſ gein in engalt. Jn enpfiengen ritter ivnge vn̄de alt. Vil chleiner ivncherrelin. Sprvngen gein dem zavme ſin. Jeſlichez fvr daz ander greif. Si habten ſinen ſtegereif. Svſ mvͦſe er von dēm orſe ſten. Jn baten ritter fvrbaz gen. Si fvͦrten in an ſinen gemach. Harte ſchier daz geſchach. Daz er mit zvht entwaffent wart. Do ſi den ivngen ane bart. Sahn alſvſ minnechlich. Si iahen er wær ſelden rich. Ein wazer ieſch der ivnge man. Er twuͦch den raͦm von im ſan. Vnder den avgēn vn̄de an den handen. Alt vn̄de ivnge wanden. Daz von im ein and̉er tach erſchin. Da ſaz der minnechlich win. Gar vor allem tadel frî. Mit pfelle von arabi. Man braht im einen mandel dar Den leit an ſich der wol gevar. Mit offener ſnvͦre. Daz waſ im ein lobſ gefvͦre Do ſprach der chamerære chlvͦch Vrrepanſch detſchoy in trvͦch. Min frawe div chvnigin Ab ir ſol er iv gelihen ſin. Jv iſt niht chleider noch geſniten. Ovch moht ir ſis mit eren biten. Wan ir ſit ovch ein werder man. Ob ichz gebrvͦvet rehte han. Got lon iv herre daz irſ ieht. Ob ir mich ze rehte ſpeht. So hat min lip gelvche erholt. Div goteſ chraft git ſolhen ſolt. xan ſchancht im vn̄de pflach ſin wol. Di trvrigen waren mit im fro. Man bot im wirde vn̄de ere. Wan da waſ rateſ mere. Danne er ze Pelrapeire vant. Die da von chvmber ſchiet ſin lant. Sin harnaſch waſ von im getragen. Daz begvnder ſider *chlagen. Do er ſich ſchimpfeſ niht verſach. Ze hohe ein rede ſpeher man ſprach. Er bat chomen freveliche. Den gaſt ellenſ riche. Zem wirt alſ ob im were zorn. Deſ het er nach den lip v̉erlorn. Von dem ivngen Parcifal. Do er ſin ſwert wol gemal. Bi im ninder ligen vant. Zder fevſte twang er ſo di hant. Daz blvͦt vz den negeln ſchoz. Vnde im die ermel gar begoz. Nein herre ſprach div ritterſchaft. Ez iſt ein man der ſchimpfeſ chraft. Hat. ſwie trvrich wir anderſ ſin. Tvͦt iwer zvht an im ſchin. Jr ſvltz niht anderſ han vernomen. Wan daz der viſchære ſi chomen. Zdem get ir ſît ein werder gaſt. Vnde legt abiv zornſ laſt. Si giengen in ein palaſ. Hvndert chrone da gehangen waſ. Vil cherzen dar vf geſtozen. Ob den hvſ genozzen. Vil chleiner cherzen vmb ander want. Hvndert bette er ligen vant. Ez ſchvͦffen di deſ pflagen. Hvndert Golter drvfe lagen. xe vier geſellen ſvnder ſitz. Da enzwiſchen waſ ein vnd̉ervitz. Da fvͤr ein tepch ſinwel. Filli Royſ frimvtel. Der moht wol geleiſten daz. Einſ dingen man da niht vergaz. Si het niht betvret. Mit mermel waſ gemvret. Dri viereke fiwer ram. Da vffe waſ deſ fivwer nam. Holz hiez lignvm aloe. So groziv fivwer ſit noch .ê. Sach niemen hie ze wildeberch. Jenz warn choſtlichiv werch. Der wirt ſich ſelben ſitzen bat. Gein der mitrn vivrſtat. An ein ſpanbette. Ez waſ worden wete. Zwiſchen im vn̄de der frevde. Ern lebt niht wan toͮde. Jn den palaſ chom gegangen. : Unterhalb dieses Verses hat der Schreiber fälschlicherweise die Verse 231.25/231.27-232.02 und anschliessend nochmals 230.21 niedergeschrieben. Zur Rechten der ersten Niederschrift von 230.21 und des darunterstehenden Verses (231.25) befindet sich je ein gräulicher Schrägstrich, der vermutlich von einer späteren Hand stammt. Daz volch von drizech landen. Er trvͦch in ſinen henden. Zallen vier wenden. Vnz aber wider hinz d̉er tvͦr Der chnappe ſpranch hin vz d̉er fvͤr. Geſtillet wart deſ volcheſ not. Alſ in iamer .e. gebot. Jn den palaſ chom gegangen. Da wart da wol enpfangen. Parcifal der lieht gevar. Von im der in ſande dar. Jn bat der wirt naher gen. Er lie in da niht lenger ſten. Sitzet zvͦ mir da her an. Sazt ich ivch verre dort hin dan. Daz wer iv gar ze geſtlich. Do ſprach der wirt iamerſ rich. xer wirt ſprach dvrch ſicherheit. Groziv fîvr vn̄de warmiv chleit. Wit vnde lanch zobelin. Svſ mvͦſt vzen vn̄de innen ſin. Ein belz vn̄de ein mandel darob. Der ſwechſt balch ~~wal~~waſ wol zelob. Der waſ doch ſwarz vn̄de gra. Deſ ſelben waſ ein hvbe da. Vf ſinem havpt zwivalt. Von zobl den man tivr ~~vant.~~galt. Sinwel arabiſch ein borte. Oben drvfe gehorte. Daran waſ ein chnopfelin. Ein dvrch lvtich rvbin. Da ſaz manich ritter chlvch. Da man iamer fvr ſiv trvch. Ein chnappe ſpranch zder tvͦr dar in. Der trvch eine clavin. Der ſit waſ zetrvren guͦt. An der ſnide hvͦb ſich blvͦt Vnde lief den ſchaft vnz vf die hant. Daz an dem ermel wider want. Da wart geweint vn̄de geschrît. Jn dem palaſ wit. Daz volch von drizech landen. Moht den avgen niht enblanden. Er trvͦch in ſinen henden. Zallen vier wenden. Vnz aber wider fvr di tvͤr. Der chnappe ſpranch hin vz dafvr. Geſtillet wart deſ volcheſ not. Alſ in iamer .e. gebot. Deſ ſi div ~~glæver~~glævei het ermant. Die trvͦch ein chnappe in ſiner hant. Wil ivch nv niht belangen. So wirt iv hie an gevangen. Daz ich ivch bringe an di vart Wie da mit zvht gedienet wart. xende an dem palaſ. Ein ſtehlin tvr entſlozen waſ. Da giengen vz zwei w̉erdev chint Nv hort wie div gebrvͦvet ſint. Daz ſi wol gaben minnen ſolt. Swerz da mit dienſt her v̉erholt. Daz waren ivnchfrowen chlar. Zwei tſchapel vber bloze*blozez har. Blvͦmen waſ ir gebende. Jewerdriv vf ir hende. Trvͦgen gvldin kerzenſtal. Jr har waſ reit lanch vn̄de val. Si trvͦgen brinnvndiv lieht. Hie enſvln wir vergezen niht. Vmb der ivnchfrawen gewant. Da man ſi chomen inne vant. Div grævin von Tenebroch. Brvn ſchalr*ſcharlach waſ ir roch. ^^ Deſ ſelben trvͦch avch ir geſpil. Jn warn gevitſchiert vil. Mit zwein gvrteln an der chrench. Ob der gvrtel an dem gelench. Nach der gie div herzogin. Vnde ir geſpil zwei ſtollelin. Die trvͦgen von helfenbein. Jr mvnt nach fiwerſ roͤte ſchein. Die nigen alle viere. Die zwo ſazten ſchiere. Fvr den wirt di ſtollen. Da wart gedient mit vollen. xi ſtvͦnden ſampt an eine ſchar. Vnde waren alle wol gevar. Den vieren waſ gelich ir wat. Seht wa ſi niht verſavmet hat. An dirre frawen virſtvnd zwo. Di waren do geſchaffet zvͦ. Vier trvͦgen cherzen groz. Di andern deſ niht verdroz. Si trvͤgen einen tivrn ſtein. Da tageſ div lieht ſvnne dvrch ſchein. Da fvr waſ ſin nam erchant. Ez waſ ein granat Jochant. Beidiv lanch vnde breit. Dvrch div lieht in dvnne ſneit. Swer in zeinem tiſche maz. Dar ab der wirt dvrch richeit az. Si giengen alle rehte Fv̂r den wirt alle æhte. Gein nîgen ſi ir havpt wegten. Vier di tavel rlegten. Vf helfenbein wiz alſ ein ſne. Stollen di dar chomen .ê. Mit zvhten ſi chvnden wider gen. Zvͦ den erſten vieren ſten. xn den aht frowen waſ. Roch grvͦner danne ein graſ. Von Azagvͦch ſamît. Geſniten lanch vn̄de wît. Da mitten ſi zeſamen twanch. Gvrtel tivr vnde lanch. Die aht frowen chlvͦch. Jeſlichiv ob ir har trvͦch. Ein chlein blvͦmin tſchapel. Der grave zwelf von nonel. Vnde Gerniſ von Kẏle. Ez waſ vber mile. Ze dienſt ir toht̉er dar genomen. Man ſach di zwo fvrſtīnne chomen. Jn hart wunnechlich̉er wat. Z*Zwelf mezzer ſnident alſ grat. Trvͦgen ſi dvrch wunder. Jn zwein taveln beſvnder. Daz waſ ſiber harte wiz. Dar an lach ein ſpeher fliz. Jm waſ ſi ſcherfe niht v̉ermiten. Jz het ſtahel *wol verſniten. Vorm ſilber chomen frawen wert. Der da zedienſt wart gegert. Die trvͦgen lieht dem ſilber bi. Vier chint vor miſſewende frî. Sie giengen alle ſehſe zvͦ. Nv horet waz ieſlichiv tvͦ. Ez nigen zwo vn̄de trvͦgen dar. Vf die taveln wol gevar. Daz ſilber vn̄de ~~lgtenz~~legtenz nider. Do giengen ſi mit zvhten wider. Zwo den erſten zwelfen ſan. Ob ichz gebrvͦvet rehte han. Hie ſvl*ſvln ahtzehen frowen ſten. Awe nv ſiht man ſehſe gen. Jn wêt di man tivr galt. Ez waſ halbez plialt. Daz ander pfelle von ninive. Diſe vnde di andern ſehſe .ê. Trvͦgen zwelf choche geteilet. Gein tivrr choſt gevailet. xach den gie div chvnigine. Der antlvze gab den ſchin. Si wolden alle ez wolde tagen. Man ſach die magt an ir tragen. Pfelle von arabi. Vf einen grvͦnen Achmardi. Trvͦch ſi den wunſch von paradiſ. Beidiv wurz vn̄de riſ. Daz waſ ein dinch daz hiez d̉er gral. Erden wunſch vberval. Repanſe deſ hoie hiez. Die man den gral tragen liez. Der gral waſ von ſolher art. Wol mvͦſe ir chevſche ſin bewart. Div ſin zerehte ſolde pflegen. Div mvͦſe valſcheſ ~~mich~~ſich bewegen. Vor dem gral chomen lieht. Div warn von armer choſt niht. Sehſ glaſ lvͦter wol getan. Dar inne balſem der wol bran. Do ſi chomen von der tvͤr Ze rehter maze ſvſ her fvͤr. Mit zvhten neich div chvnigin. Vnde alle di ivnchfrowelin. Di da trvͦgen balſem vaz. Div chvniginne valſcheſ. Sazt fvr den wirt den gral. Daz mær giht daz Barcifal. Sach an ſich vn̄de dahte. Div den gral da brahte. Er het ovch ir mandel an. Mit zvht die ſiben giengen dan. Zvͦ den ahzehen erſten. Do liezen ſi di herſten. Zwiſchen in man ſagt mir Zwelfe iwerderhalben ir. xiv magt mit der chrone. Stvͦnt do harte ſchone. Swaz riter da geſezzen waſ. Vber allen den palaſ. Den waren kamerære. Mit gvldinen pechen ſwere. Jr vieren einer geſchaf dar. Vnde ein ivnchherre wol gevar Der ein wizze tweheln trvͦch. Man ſach do richeit genvͦch. Der taveln mvͦſen hvndert ſin. Di man da trvͦch zder tvͦr h̉erin. Man ſazt ieſliche ſchiere. Fvr werder ~~viere. rittere~~rittere viere. Tiſlachen var nach wuwizze. Wuͦrden drvf geleit mit flizze. Der wirt daz wazzer ſelbe do nam. Der waſ an hohem mvͦte lam. Mit im twuͦch ſich Barcifal. Ein ſidin twehel wol gemal. Bot eineſ graven ſvn darnach. Dem waſ zechomen fvr ſi gach. Swa da der taveln einev ſtvͦnt Da tet man vier chnappen chvͦnt. Daz ſi ir dienſteſ iht vergezzen. Den die darobe ſezzen. Zwene chnieten nider vn̄de ſniten. Di andern zwene niht vermiten. Si trvͦgen trinchen vn̄de ezzen dar. Vnde namen ir mit dienſte war. Horet mær von richeit ſagen. Vier karrotſchen mvͦſen tragen. Manich tivr golt vaz. Jeſlichem ritter der da ſaz. xi zvgen ze vier wenden. Vier ritter mit ir henden. Man ſi vf di tavel ſiͤtzen ſach. Jeſlichem gie ein ſchivbær nach. Der ſich dar zvͦ ~~bereite.~~arbeite. Vnde ſi wider vf bereite. So da gedienet wære. Nv horet andriv mære Hvndert chnappen man gebot. Die namen inwizze twehln brot. Mit zvhten vor dem grale. Si giengen al zemale. Vnde teilten fvr di taveln ſich. Man ſeit ez mir daz ſag ovch ich. Vf iſlicheſ *êit. Daz vor dem gral waſ beræit. Sol ich deſ niemen triegen. So mvͦzet ir mit mir liegen. Wan ſwa nach einer bot di hant. Daz al beræit vant. Spiſe warme. ſpiſe chalt. Spiſe niwe vnde da zvͦ alt. Daz zam vnde daz wilde. Ezn wuͦrde nie dehein bilde. Beginnet maniger ſprechen. Der wil ſich vbel rechen. Wan der gral waſ der ſælden frvht. Der werlde ſelde ein ſolich genvht. Er wach vil nach geliche. Alſ man ſagt von himelriche. xn chleiniv golt vaz man nam. Alſ ieſlicher ſpiſe zam. Salſen. pfeffer. Agraz. Da het der chevſche vn̄de fraz. Alle ~~genv~~gelich genvͦch. Mit grozzer zvht man fvr ſi trvͦch. Moraz. win. ſiropl rot. Swar nach den napf ieſlicher bot. Swaz er trinchenſ chvnde genennen. Daz moht er drinne erchennen. Allez von deſ graleſ chraft. Div werde geſelleſchaft. Het wirtſchaft von dem gral. Wol gemarht Parcifal. Di richeit vnde daz wunder groz. Dvrch zvht in vragenſ doch v̉erdroz. Er gedaht mir riet Gvrnamanz. Mit gvͦten triwen ane ſchranz. Jch ſolde vil gefragen niht. Waz ob min weſen da geſchiht. Der maze dort alſ bi im. Ane fragen ich vernim. Wie ez vmbe di mæſſenie ſtet. Jn dem gedanch naher get. E : Hier hat der Schreiber zunächst Vers 239.19 begonnen, hat es sich dann aber anders überlegt und diesen in die erste Zeile von Spalte b geschrieben. Ein chnappe der trvͦch ein ſwert Deſ balch waſ tvͤſent march wert. Deſ gehilz waſ ein Rvbin. Ovch moht wol div chlinge ſin. Grozer wunder vrhap. Der wirt iz ſinem gaſte gab. xr ſprach herre ich bratz in not. An maniger ſtat .ê. daz mich got. Andem libe hat geletzet. Nv ſit da mit ergetzet. Ob man iwer hie niht wol pflege. Jr mvgtz wol fvͦren alle wege. Swenn et ir gebrvnet ſinen art. Jr ſit an ſtrit da mit bewart. Awe daz er niht fragt do. Deſ bin ich fvr in vnfro. Wan daz erz enpfie in die hant. Da waſ er fragenſ da mit gemānt Ovch riwet mich ſvͦzer wirt. Vngenade in niht verbirt. Deſ im von fragen wære rat. Genvͦch man da gegeben hat. SDie ſin pflagen ſi griffenz an. Vnde trvͦgenz gervſte wider dan. Vier tſcharroten man do lvͦt. Jſlichiv varwe ir dienſt tvt. Die .ê. di ivngeſten nv di erſten. Do liezen ſi di herſten. Wider zvͦ dem grale. Dem wirt vn̄de Parcifale. Mit zvhten neich div chvnigin. Vnde al di ivnchfrowelin. Si brahten wider zer tvͦr. Daz ſi mit zvhten trvͦgen fvr. Barcifal in blihte nach. An einem ſpanwette er ſach. Jn einer kemenæten .Ê. ſi nach in zvͦ taten. Den aller ſchonſten alten man. Deſ er chvnde îe gewan. Jch mvͦz wol ſprechen ane gvft. Er waſ grawer denne ein tvft. xer der ſelbe were. Deſ freiſcht ir her nach mære. Dar zvͦ der wirt. div pvrch ſin lant. Div werdent iv von mir genant. Her nach ſo deſ wirt zit. Beſcheidenlichen ane ſtrit. Vnde allez fvͦr gezogen. Jch ſag di ſen*ſenwen ane bogen. Div ſenwe iſt biſpel. Ovch dvnchet ivch d̉er boge ſnel. Nach iſt ſneller daz div ſenwe iagt. Ob ich iv reht han geſagt. Div ſenwe gelichet mæren ſleht. Div dvnchet ovch di levte ~~ſleht~~reht. Wan ſwer iv ſeit von d̉er chrvmbe. Der wil ivch leiten vmbe. Wan ſwer den bogen geſpānnet ſiht. Der ſenwe man d̉er ſlehte giht. Sine welle ſich zeder lvge denen. So ſi den ſchvz mvͦz nemen. Swer dem ſin mær er*engivzet. Da inſ dvrch not verdrivzet. Wan ezn hat da ninder ſtat. Nach gervmlichen pfat. Zeinem oren in zem andern fvͤr. Min arbeit ich gar verlvͤr. Ab dem min mære drvnge. Jch ſagt oder ſvnge. Daz iz noch baz v̉ernem ein boch. Oder ein vlmiger ſtoch. Jch mvͦz iv mer bedevten. Von diſen iamerbarn levten. Dar chom geriten Parcifal Man ſach da ſelten frævden ſchal. Ez wer bvhvrt oder tanz. Jr chlangnde ſtete waſ ſo ganz. Si cherten ſich an ſchimpfen niht. Swa man noch minner volcheſ ſiht. Den tvͦt etſwenne frævde wol. Dort warn die winchel alle vol. Ein teil man ir ze hove ~~ſach~~erſach. Der wirt ze ſinem gaſte ſprach. Jch wen man iv gebettet hat. Sît ir mvͦde ſo iſt min rat. Daz ir get legt ivch ſlaffen. Nv ſolde ich ſchreien wafen. Von ir ſchæiden daz ſi tvͦnt. Deſ wirt groz ſchade in bæiden chvnt. Von dem ſpanwette trat. Vf den deppich an ein ſtat. Parcifal d*der wol geſlaht. Der *wirt der bot im gvͦte naht. Div ritterſchaft da gar vf ſpranch. Einer im dar naher dranch. Do wiͤſten ſi den ivngen man. Jn eine kemanæten ſan. Div waſ alſo gehert. Mit einem bette kert. xaz mich min armvͦt immer mvͤt Sit div r*erde ſolich richeit blvͤt. Dem bette waſ armvͦt tiwre. Alſ er gleſte vz einem fiwre. Lach drvfe ein pfelle lieht gemal. ~~Der~~Die ritter bat do Parcifal. Wider varn an ir gemach. Do er da niht mer bette ſach. Mit vrlovb ſi ſchieden dan. H*Hie hebt ſich ein ander dienſt an. Vil kerzen vn̄de div varwe ſin. Di gaben ze gegenſtrite ſchin. Waz moht liehter ſin danne d̉er tach. Vor ſinem bette ein anderz lach. Dar vfe ein golter da er ſaz. Jvncherren ſnelle vn̄de niht zelaz. Ein teil ir im dar naher ſpranch. Die entſchvͦchten bein div warn blanch. Avch zoch im mær gewandeſ ab. Manich wol geborn̉er chnab. .Ê. ledich waren diſiv chindelin. Nv ſeht dort chom zer tvͤr her in. Vier chlare ivnchfrowen. Die dannoch wolden ſchawen. Wie man deſ heldeſ pflege. Vnde ob er ſanfte læge. Alſ mir div aventiwer gewuͦch. Vor ieſlicher ein chnappe trvͦch. Ein kerzen div wol bran. Parcifal. der ſnelle man. Spranch vnderz dechlachen. Si ſprachen ir ſvlt wachen. Dvrch vnſ noch eine wile. Ein ſpil mit der yle. Het er vnz an den ort geſpilt. Daz man gein liehter varwe zilt. Daz begvnde ir ovgen ſvͦzen. .Ê. ſi enpfiengen ſin grvͦzen. Ovch fvͦgt im gedanche not. Daz im der mvnt waſ ſo rot. vn̄de daz vor ivgende niemen dran. Koſ gein einer halben gran. Die vier ivnchfrowēn klvͦch. Nv horet waſ ieſlichiv trvͦch. Moraz. win. Lvͦter tranch. Trvͦgen dri vf henden blanch. xiv vierde ivnchfrowe wiſ. Trvͦch obz der art von paradiſ. Jn einer taveln lieht gevar. Div ſelbe chniet fvͤr in dar. Er bat ſi alle ſitzen. Si ſprach lat mich mit witzen. So wært ir dienſteſ vngewert. Alſ min her fvr ivch iſt gegert. Svͦzer rede er gein ir niht vergaz. Der herre tranch ein teil er az. Mit vrlovb ſi ſchieden wider. Parcifal ſich leite nider. Avch ~~ſazen~~ſazten ivnchherrelin. Vf den tepich di kerzen ſin. Do ſi in ſlafen ſahen. Si begvnden dannen gahen. Parcifal niht eine lach. Geſellechlich vnz an den tach Baſ bi im ein ſtrengev arbeit. Jr kvnftigiv leit. Sanden im in ſlafe dar So daz der ivnge wol gevar. Siner mvͦter travm gar wider wach Deſ ſi nach Gamvreten pflach. Svſ wart geſtept im ſin travm. Mit ſwertſlegen in den ſavm. Di er mit manger tyoſte riche. Von rabine burtichleiche. Er leit in ſlafe ſolhiv not. Moht er drizech ſtvnt ſin tot. Daz het er wachende .ê. gedolt. Svſ teyl im vngemach den ſolt. Mvͦſe er dvrch not erwachen. Mit diſen ſtrengen ſachen. Jm ſwitzten âder vn̄de bein. Der tach ovch dvrch div venſt̉er ſchein. Da ſprach er we wa ſint div chint. Daz ſi hie vor mir niht ſint. Wer ſol mir bieten min gewant. Svſ wartet in der wigant. V : Folgevers fälschlicherweise hier begonnen. Vnz er an der wæide entſlief. Niemen do redet noch enrief. Wan ſi waren gar verborgn. Reht an dem miten morgen. Do erwacht aber der ivnge man. Vf rihte ſich der chvnich ſan. xfem tepich vant der ~~werde degēn~~degēn werde Li*Ligen ſin harnaſch vn̄de ſin ſwert. Daz ein der wirt im geben hiez. Daz ander waſ von Gaheviez. Da ſprach er zim ſelben ſan. Awe war zvͦ iſt ditze getan. Deſſwar ich ſol mich waffen drîn. Jch leit in dem ſlafe ſolhen pin. Daz mir wachende arbeit. Noch hivte wæn ich iſt beræit. Hat der wirt vrlivgeſ not. So leiſt ich gerne ſin gebot. Vnde ir gebot mit triwen. Div diſen mandel niwen. Mir læch dvrch ir gvͦte. Wan ſtvͦnde ir gemvͦte Daz ſi dienſt wolde nemen. Deſ ſolde mich dvurch ſi gemen. Vnde niht durch ir minne. Wan min wip div chvniginne. Jſt an ir libe wol ſo clar. Oder fvrbaz daz iſt war. Er tet alſ er tvͦn ſol. Van fvze vf wafent er ſich wol. Gein ſtriteſ antwurte. Zwei ſwert er vmbe gvrte. Zder tvͦr vz gie der werde degen. Do waſ ſin orſ an di ſtegen. Geheft. ſchilt vn̄de ſper. Leint dabi daz waſ ſin ger. .Ê. Parcifal der wigant. Sich deſ orſeſ vnderwant. Mangez er d̉er gadm erlief. So daz er nach den lv̂ten rief. Niemen er hort noch enſach. Vngefvͦgez leit im dran geſchach. Dize het im zorn gereizet. Er lief daz er waſ erbeizet. Deſ abendeſ do er chomen waſ. Da waſ erde vnde graſ. Mit tretten gervͦret. Vnde daz tov gar zefuͦret xl ſchriende lief der ivnge man. Wider zvͦ ſinem orſe ſan. Mit bagenden worten. Saz er dar vf die porten. Vande er wit offen ſten. Dardvrch ovch groz ſla gen. Niht lenger ern habte. Vaſte vf di brvke er drabte. Ein verborgen chnappe daz ſeil. Zvhte daz der ſlegbrvke ein teil. Hetz orſ vil nach gevellet nider. Parcifal der ſach hin wider. Do wold er han gefragt baz. Jr ſvlt varn der ſvnnen haz. Sprach der chnappe ir ſit ein ganſ. Moht ir gervret han den flanſ. Vnde hiet den wirt gefraget. Vil priſeſ ivch hat betraget. Nach den mæren ſchrei. der gaſt. Gein rede im gar gebraſt. Swie vil er nach geriefe. Er tet ſam er ſliefe. Vnde warf der chnappe di porten zvͦ. Do waſ ſin ſcheiden gar ze frvͦ. An der flvſtbærn zît. Dem der den zinſ von frævden gît xa waſ an im verborgen. Vmb den wurf der ſorgen. Waſ getopelt do ern gral vant. Mit ſinen ovgen ane hant. Vnde ane wurfelſ ekke. Ob in nv chvmber weche. Deſ waſ er da vngewent. Er het ſich niht vil geſent. Parcifal der hvͦp ſich nach. Vf di ſla die er ſach. Er daht die vor mir ritent Di wen ich hivte ſtritent. Manlich vmb mineſ wirteſ dinch. Rvͦhten ſiſ ſon wer ir rinch. Mit mir niht verchrenchet. Da wurde niht gewenchet. Jch hvlfe in an der ſelben not. Daz ich gediente mine brot. Vnde daz wunnechlich ſwert. Daz mir gab ir herre wert. Vnde gedient ich daz trage. So wenent ſi izich ſi ein zage. Sich hvͦb deſ valſcheſ wider ſatz. Vf der hvͦf ſlege chraz. Sin ſchæiden dan daz riwet mich. Alreſt nv aventiwert iz ſich. Do begunde chrenchen ſich daz ſpor. Sich ſchieden di da riten vor. Jr ſla wart ſmal div .ê. waſ breit. Er verloſ ſi gar daz waſ im leit. Mær frieſch do der ivnge man. Da von er herzenlæit gewan. Da vernam der helt ellenſ riche. Einer frowen ſtimme iemærliche. xz waſ dannoch von tawe naz. Vor im vf einer linden ſaz. Ein magt der fvͦgt ir triwe not. Ein gebalſenter ritter tot. Leint ir zwiſchen den armen. Dem ez niht wold erbarmen. D*Der ſi ſo ſitzen ſehe. Vntriwen ich im iehe. Sin orſ er do gein ir wande. Der vil wenich ſei bechande. Si waſ doch ſiner mvͦmen chint. Al irdigen triwen waſ ein wint. Wan die man an ir libe ſach. Parcifal ſi grvͦzt vnde ſprach. Nv wizzet frowe mir iſt leit. Jwer ſenlichiv arbæit. Bedvrft ir mineſ dienſteſ iht. Jn iwerm dienſt man mich ſiht. Si dancht im vz iamerſ ſiten. vn̄de fragt in wanne er choͤme geriten. Si ſprach ez iſt wider zæme. Daz iemen an ſich næme. Sin reiſe in diſem waſte. Vnchvndem gaſte. Mach hie wol groziv ſchande geſchehen. Jch hanz gehort vnde geſehen. Daz hie vil levte den lip verlvrn. Die werlichen ende kvrn. xert hinnen ob ir welt geneſen. Sagt .ê. wa ſit ir hint geweſen. Dar iſt ein mile oder mere. Jch geſach nie bvrch ſo here. Mit aller ſlahte richeit. Jn kvrzer zit ich dannen reit. Si ſprach der iv getrvͦwet iht. Den ſvlt ir gerne triegen niht. Jr tragt doch eineſ gaſteſ ſchilt. Jvch moht deſ waldeſ han bevilt. Von erbovweme lande her geriten. Jnner drizech milen wart nie v̉erſnitēn. Ze deheinem bowe holz nach ſtein. Niwan ein bvrch div ſtet al ein. Div iſt erden wunſcheſ riche. Swer di ſvͦchet vliͤzichliche. Leider der envindet ir niht. Vil levte manz doch werben ſiht. Ez mvͦz vnwizende geſchehen. Swer di bvrch ſold erſehen. Jch wæne herre div iſt iv vn̉erchant. Mvntſalvatſche iſt ſi genant. Der bvrge wirt Jſt boiam. Der deſalvatſche waſ ſin nam. Daz brahte der alte tytvrel. An ſinen ſvn Royſ frimvntel. Hiez der werde wigant. Vil manigen priſ erwarb ſin hant. xer lach an einer tyoſte tot. Alſ im ein chvngin dar gebot. Der ſelbe lie vier werdev chint. Bi richeit. driv mit iamer ſint. Der vierde der hat armvͦt. Dvrch got fvr ſvnde er daz tvͦt. Der iſt geheizzen treurezzent Anfortaſ ſin brvͦder lent. Der enmach geriten noch gegen. Noch geligen noch geſten. Der iſt vf mvntſalvatſche wirt. Vngenade in niht verbirt. Si ſprach herre wart ir chomēn dar. Zvͦ der iemerlichen ſchar. So wær dem wirt warden rat. Vil chvmberſ den er lange hat. Der waleiſ zvͦ der mæide ſprach. Grozer wunder ich da geſach. Vnde mange frowen wol getan. Bi der ſtimme erchande ſi den man. Si ſprach dv biſt ez Parcifal. Nv ſage ſæhe dv den Gral. Vnde den wirt frævden lere. La horen libiv mære. Ob wendich ſi ſin freiſe. Wol dich der ſælden reiſe. Wan ſwaz di lvfte hant beſlagen. Dar ob mvͦſt dv hohe tragen. Dir dient zam. vnde wilt. Gein riche iſt dir wunſch gezilt. xArcifal der wigant. Sprach wa von habt ir mich erchant. Si iach im da bin ichz div magt. Div dir .ê. chvmber hat gechlagt. Vnde div dir ſagte dinen namen. Dvnen darft dich der ſippe niht ſchamen. Daz din mvͦter iſt min mvͦme. Wiplicher chevſche ein blvͦme. Jſt gelevtert ane tov. Got lone dir daz dich do ſo rav. Min frivnt der mir zer tyoſt lach tot. Jch han alhie nv bi iv not. Die mir hat got an im gegeben. Daz er niht lenger ſolde leben. Er pflach manlicher gvͦte. Sin ſterben mich da mvͦte. Ovch han ich von tage ze tage. Fvrbaz erchennet niwe chlage. Owe war chom din roter mvnt. Biſtvz Sygvne div mir chvnt. Tet. wer ich waſ an allen var. Din reideloch lanch brvnez har. Deſ iſt din havp bloz geſtan. Zem forſt in Breziliam. Sach ich dich do vil minnechliche. Swie dv wæreſt iamerſ riche. Dv haſt verlorn varwe vnde chraft. Diner herten geſelleſchaft. Verdrvzze mich ſolde ich ſi haben. Wir ſvln den toten man begraben. xo natzten ovgen ir di wat. Ovch waſ frovn Lvneten rat. Ninder da bi ir geweſen. Div riet ir frowen. lat geneſen. Diſen man der iwern ſlvͦch Er mach ergetzen ivch genvͦch Sigvne gert ergetzenſ niht. Alſ wip di man in wanche ſiht. Manger der ich wil gedagn. Horet mere von ſygvne triwen ſagn. vi. vii. Si ſprach ſol mich iht gefrovn. Daz iſt ein dinch daz in ſin tvͦn. Lazet den vil trorigen man. Schiede dv hvfſlichen dan. So iſt din lip wol priſeſ wert. Dv fvͦrſt ovch vmbe dich ſin ſwert. Haſt dv gelernt deſ ſwerteſ ſegen. So maht an angeſt ſtriteſ pflegen. Sin ekke ligent im rehte. Von edelm geſlehte. Worht iz Trebvrcheteſ hant. Ein brvnne ſtet bi karrant. Dar nach der chvnich heizet lac. Daz ſwert beſtet ganz einen ~~tac.~~ſlac. Andem anderm iz zevellet gar. Wil dvz danne wider bringen dar. Ez wirt ganz von deſ wazzerſ tran. Dv mvͦſt deſ vrſpringeſ han. Vnder dem velſe .ê. ez beſchein der tach. Der ſelbe brvnne hæizet lach. xint div ſtvche niht verreret. Swer ſi rehte zeinander cheret. So ſi der brvnne machet naz. Ganz vnde ſtercher baz. Wirt im valz vnde ekke ſin. vn̄de verlieſent niht div mal ir ſchin. Daz ſwert bedarf wol ſegenſ wort. Jch fvrhte dv habſt lazen dort. Hat ſi aber din mvnt gelernt. So wehſt vnde bernt. Jmmer ſælden chraft an dir Lieber neve gelavbe mir. So mvͦz gar diͤnen diner hant. Swaz din lip da wunderſ vant. So maht dv tragen ſchone. Jmmer ſælden chrone. Hoh ob den werden. Den wunſch vf der erden. Haſt dv gewaltichliche. Niemen iſt ſo riche. Der gein dir choſte mvge han. Haſt dv frage ir reht getan. Er ſprach ich han gevraget niht. Owe daz ~~mich~~ivch min ovge ſiht. Sprach div iæmerliche magt. Daz ir fragenſ ſit verzagt. Jr ſaht doch ſelch wund̉er groz. Daz ivch fragenſ do verdroz. Da ir wart dem Grale bi. Mange frowen valſcheſ fri. Di werden Gatſchilogen. Vnde vͤrrepanſ adeſchoyen. Vnde ſnidich ſilber vn̄de plvͦtich ſper. Owe waz wold ir zvͦ m*mir hêr. Gevnerter lip verflvͦchet man. Jr trvͦget den eiter wolfeſ zan. Do div galle in triwe. An iv beleib ſo niwe. Jvch ſolde iwer wirt erbarmet han. An dem got wunder hat getan. Vnde hiet gefraget ſiner not. Jr lebt vnde ſît an ~~frævden~~ſeldēn tot. Do ſprach er libiv niftel min. Tvͦt bezzern willen an mir ſchin. Jch wandelz han ich iht getan. Jr ſvlt wandelſ ſin erlan. Sprach div mir iſt wol bechant. Ze mvntſalvatſche an iv verſwant. xre vnde riterlicher priſ. Jrn vindet nv dehæinen wiſ. Deheine ſin rede an mir. Parcifal do ſchiet von ir. xAz er fragenſ waſ ſo laz. Do er bi dem trvͦrigem wirte ſaz. Daz rav do grozliche. Den helt ellenſ riche. Dvrch chlage vn̄de den tach ſo heiz. Begvnde netzen in der ſweiz. Dvrch den lvft von im er bant. Den helm vn̄de fvͦrte in in d̉er hant. Ern ſtriht die vinteilen ſin. Dvrch yſen ram waſ ~~liht~~lieht ſin ſchīn. Er chom vf eine * niwe ſla. Wan iz gie vor im alda. Ein orſ daz waſ wol beſlagen. Vnd parfvͦz pferht daz mvſe tragēn. Eine frowen die er ſach. Nach dem ze rîten im geſchach. Daz pfert nach chvmber waſ geſelt. Man hiet im wol dvrch hvt gezelt. Elliv ſiniv rippe gar. Alſ ein harm iz waſ gevar. Ein bæſtein halfter lach daran. Vnz vf den fvͦz ſwanch im div mān. Sin ovgēn tief die grvͦben wît Ovch waſ der frowen rvnzit. Vertvalt vn̄de vertrechet. Dvrch hvnger diche erwechet. Er waſ dvrre alſ ein zvnder. Sin gen daz waſ ein wunder Wan ez ~~waſ~~ reit ein frowe wert. Div ſelten kvnrierte pfert. xa lach vf ein geræite. Smal an alle breite. Geſchelle vn̄de bogn. verreret. Groz zadel daran gemeret. Der frowen trovrich niht ze geil. Jr fvrzingel waſ ein ſæil. Dem waſ ſi doch ze wol geborn. Ovch heten di eſt. vn̄de eſtlich dorn. Jr hemede zefvͦret. Swaz mit zerren waſ gervͦret. Da erſach er vil der ſtriche. Dar vnder liehte bliche. Jr hvt nach wizzer danne ein ſwan. Sine fvͦrte niht wan chnoden an. Swa die waren ~~der~~deſ velleſ dach. Jn blancher varwe er daz ſach. Daz ander leit von ſvnnen not. Swie ez ie chom *ir mvnt waſ rot : Möglicherweise nur durch einen Wasserfleck verwischt. Der mvͦſe alſolhe varwe tragen. Man hiet daz fivr wol drvz geſlagen. Swa man ſi wolde an riten. Daz waſ ze blozen ſiten. Nant ſi iemen vilan. Der het ir vnreht getan. Wan ſi het Lvtzl. an ir. Dvrch iwer zvht nv gelovbet mir. Si trvͦch vngedienten .haz. Wibeſ gvͦte ſi nîe vergaz. Jch ſagt vil ir armvͦt. War zvͦ. ditze iſt alſ gvͦt. xoch naͤm ich ſolhen blozen. lip. Fvr etſlich wol gechlæidet wip. Do Parcifalſ grvͦz gein ir ſprach. An im ſi erchenlichen ſach. Er waſ der ſchoniſt vber elliv lant. Da von ſin ſchier het erchant. Si ſprach ich han ivch .ê. geſehen. Da von iſt leide mir geſchehen. Doch mvͦz iv frævde vnde ere. Got immer geben mere. Danne ir vmbe mich gedient hat. Ez iſt nv ermer min wat. Danne ir ſi ivngeſt ſaht. Wert ir mir niht genaht. Mir an der ſelben zit. So het ich ere an ſtrit. Do ſprach er frawe wizet daz. Gein wem ir cheret iwern haz. Ja wart von minem libe. Jv noch deheinem wibe. Laſter nîe gemeret. So het ich mich gvneret. Sit ich den ſchilt alreſt gewan. Vnde ritter fvͦr an mich verſan. Mir iſt ander * iwer chvmber leit. Al wæinende div frawe reit. Daz ſi begoz ir brvſtelin. Alſ ſi gedræt ſolden ſin. Div ſtvͦnden blanch hoh ſinwel. Ja wart nîe dræhſel alſo ſnel. xer ſi gedræte hete baz. Swie minnechlich frowe ſaz. Si mvͦſe iedoch erbarmen. Mit henden vnde mit armen. Begvnde ſi ſich dechen. Vor Parcifal dem rechen. Do ſprach er frowe nemt dvrch got. Vf rehten dienſt ſvnder ſpot. An ivren lip min curſit. Herre wære daz ane ſtrit. Daz alle min frævde læge daran. So getorſt ichz doch niht grifen an. Welt ir vnſ machen todeſ frî. So ritet daz ich verre ſi. Doch chlagt ich wenich minen tot. Wan daz ich fvrht ir chomtſ in not. Er ſprach frowe wer nem vnſ daz leben. Daz hat vnſ goteſ chraft gegeben. Ob deſ gert ein ganzez her. Man ſæhe mich fvr vnſ ze wer. Si ſprach ſin gert ein werder degēn Der hat ſich ſtriteſ ſo v̉erwegen. Jwer ſehſ choͤmenſ in arbeit. Mir iſt iwer riten bi mir leit. Jch waſ etſwenne ſin wip. Nvne moht min v̉ertwalt lip. Deſ heldeſ dirn niht geſin. Svſ tvͦt er gein mir zorneſ ſchîn xo ſprach er zv der frowen ſan. Wer iſt hie mit iwerm man. Wan flvh ich nv dvrch iwern rat. Daz dvhte ivch liht ein miſſetat. Wan ſwenne ich fliehen lerne. So ſtirbe alſo gerne. Do ſprach blvͦze herzogin. Er hat hie niemanſ denne min. Der troſt iſt chranch gein ſtriteſ ſige. Ni wan chnoden vnz der rige. Waſ an der frowem hemde ganz. Wiplicher zvhte lobeſ chranz. Trvͦch ſi mit armvͦte. Si pflach der waren gvͦte. So daz der valſche an in v̉erſwant. Die finteiln er fvr ſich bant. Gein ſtrite er wolde fvͦren. Den helm mit den ſnvͦren. Er ebene ze ſehene rvhte. Jnen deſ daz orſ ſich bvhte. Mit dem pferde ez ſchreien niht v̉ermeit. Dar vor Parcifal da reit. Vnde vor der blozen frawen. Der hort vnde wolde ſchawen. Wer bi ſinem wibe rit. Daz orſ warf er mit zornſ ſit. Vaſte vz dem ſtîge. Gein ſtritechlichem wîge. Hielt der helt Orilvſ. Bereit zeiner tyoſt alſvſ. Mit rehter menlicher ger. Von Gahaviez mit einēm ſper. Daz waſ geverwet genvͦch Reht alſ er ſiniv wafen trvͦch. Sinen helm worht Trebvchet. Sin ſchilt der waſ ze dolet. Jn kayleteſ lande. Geworht dem wigande. Rant vnde bvkel. heten chraft. Ze alexandrie in der heidenſchaft Waſ geworht ein pfelle gvͦt Deſ tet fvrſte hoh gemvͦt Trvͦch cvrſit vn̄de wafenroch. Sin deche waſ ze tenebroch. Geworht vz ringen herte. Sin ſtolzheit in lerte. Der yſeninen deche dach. Daz waſ ein deche deſ man iach. Daz der tiwer wære. Rich vnde doch niht ſwære. Sin hoſn. halſperch. herſnier. vn̄de ein yſeneyn tſchillier. Waſ gewaffēnnt der chvͦne man. Geworht ze beazenan. Jn der havpſtat ze anſchawe. Diſiv blozev frowe. Trvͦg im vngelichiv. chleit. Div da ſo trvrich nach im reit. Do het ſiſ niht bezzer ſtat. Ze ſeſſvn waſ ~~ſin geſlagen~~geſlagen ſin blat. xin orſ von Brabanîe. Der ſevatſche montanie. Mit einer tyoſt Royſ Lehelin. Beiagetēnſ do der brvͦder ſin. Parcifal waſ ovch bereit. Ditze orſ mit walap er reit. Ein Orilvſ der lalander. Vf deſ ſchilde vander. Einen trachen alſ er lebt Ein ander trache der ſtrebt. Vf ſinem helm gebvnden. An den ſelben ſtvnden. Manich gvldin trache chlêin. Mit manigem edelm ſtêine. Die mvͦſen wol gehel*geheret ſin. Jr ovgen waren rvbin. Vf der deche vn̄de an dem cvrſit. Da wart genomen. der poynder wît. Von den zwein. helden vnv̉erzagt. Dwederhalb wart widerſagt. Si warn doch ledich ir triwe. Trvnzvͦn ſtarch al niwe. Von in ~~wetet~~weten gein den lvften. Jch wolde mich deſ gvfen. Hiet ich die ſelbe tyoſt geſehen. Alſ mir ditze mær hat veriehen. Da wart von rabine geriten. Ein ſolch tyoſt niht v̉ermiten. Frovn Jeſchvͦten mvͦt v̉eriach. Schoner tyoſt ſi nîe geſach. xiv hielt da bar ir hende. Si frevden ellende. Chvnde twederm riter ſchaden. Div orſ in ſweizze mvͦſen. baden. Briſeſ ſi bede gerten. Die bliche von den ſwerten. vn̄de fivr daz von den helmen ſpranch. vn̄de manich ellenthafter ſwanch. Die begvnden verre gleſten. Wan da warn ſtriteſ di beſten. Mit hvrt an ein ander chomen. Ez gê. ze ſchaden od̉er ze frvmen. Den chvͦnen helden mærn. Swie willich div orſ in wern. Da ſi bede vf ſazzen. Der ſporn ſi niht v̉ergazen. Vnde ir ſwerte lieht gemal. Brîſ gedient hie Parcifal. Daz er ſich alſvſ wern chan. Wol hvndert trachen. vn̄de eineſ man. Ein trache wart v̉erſeret. Vnde ſin wunden gemeret. Der vf orilvs helme lach. So dvrch lvhtich alſ d̉er tach. Vollechlichen alſ der tach. dvrch in ſchein. *Drab wart geſlagen manich edel ſtein. Ditze ergie zeorſ niht ze fvͦz. Frovn Jeſchvten wart der grvͦz. Mit ſwerteſ ſchimpfe alda beiagt. Von heldeſ handen vnv̉erzagt. xit hvrte ſi diche zein ander flvgen. Daz di ringe vor den ringēn zeſtvben. Owe wie ſi waren yſenin. Rvͦhte irſ ſi waren vn̄de taten. ſtriteſ ſchin. Jch wil iv ſagen deſ einen zorn. Daz ſin wip wol geborn. Da vor waſ genofflogt. Er waſ doch ir rehter vogt. So daz ſi ſchermeſ wart gewert. *an in. Er wande ir wiplicher ſin. Wer gein im vercheret. Vnde daz ſi gvneret. Het ir chevſch vn̄de ir priſ. Mit einem andern amyſ. Deſ laſterſ nam er pflihte. Doch ergiench ſin gerihte. Vber ſi daz grozer not Nie wip erleit an den tot. Vnde an alle ir ſchvlde. Ern moht ir ſine hvlde. Verſagen ſwenne er wolde. Niemen daz wenden ſolde. Ob man deſ wibeſ het gewalt. Parcifal der degen balt. Orilvſ hvlde gerte. Frovn Jeſchvͦten mit dem ſwerte. Deſ hort ich ie gvͦtlichen biten. Ez chom doda gar von ſmeicheſ ſiten. Mich dvncht ſi habn bede reht. Der bede chrvmbe vn̄de ſleht. xeſchvͦfe. kvnne er ſcheiden. So wender daz an beiden. *Daz ez ane ſterben da erge. Si tvͦnt doch ſvſ an ein and̉er we. Da ergie di ſcharpfe herte. Jetweder vaſte werte. Sinen priſ vor dem ander. Orilvſ der lalander. Streit nach ſinem gelerten ſit. Jch wæn iemen ſo vil geſtrit. Er het chvnſt vnde chraft. Deſ wart er diche ſigehaft. An maniger ſtat ſwie ez da*da ergiēnc Dvrch den troſt er zvͦ im viench. Den ivngen ſtarchen Parcifal. Der begreif ovch in ſvnd̉er twal. Vnde zvht in vͦz dem ſatel ſin. Alſ ein garbe hæberin. Vaſte ern vnder den arm ſwanch. Mit im er von dem orſe ſpranch. Vnde drvhte in vber ein ronen. Da mvͦſe er tſchvmpfentiw̉er wonēn. Der ſolher not niht waſ gewent. Dv garnſt daz ſich hat verſent. Div frowe von dinem zorne. Nv biſt dvz der v̉erlorne. Dvne lazeſt ſi dine hulde han. Daz wirt ſo ſchier niht getan. Sprach der herzog Oriluſ. Jch bin doch niht betwungēn ſvſ. xArcifal der werde degen. Drvht in an ſich daz blvͦteſ regn. Spranch dvrch di Barbiere. Do wart der fvͤrſte ſchiere. Betwungen ſweſ mān an in warp. Er tet alſ der vngerne ſtarp. Er ſprach ze parcifal ſan. Owe chvͦner ſtarcher man. Wan gedient ich diſe not. Daz ich vor dir ſol ligen tot. Jch laze dich vil gerne leben. Sprach parcifal ob dv wil geben. Dirre frowen dine hvlde. Jch tvͦn ſin niht ir ſchvlde. Jſt gein mir ze grozlich. Si waſ werdecheit rich. Di hat ſi gar vrechrenchent. Vnde mich in not geſenchet. Jch leiſt anderſ ſweſ dv gerſt. Ob dv mich deſ lebenſ gewerſt. Daz het ich etwenne von got. Nv iſt din hant deſ worden bot. Daz ichſ danche dinem priſe. So ſprach der fuͤrſte wiſe. Min leben chavf ich ſchone. Jn zwein landen ch*chrone. Treit gewaltichliche. Min brvͦder der iſt riche. Der nim dir ſwederz dv welleſt. Daz dv mich ze tode niht velleſt. xch pin im lieb er loeſet mich. Alſ ich gedinge wider dich. Dar zvͦ nim ich min herzogntvͦm. Von dir din priſlicher rvͦm. Hat an mir werdecheit bezalt. Nv erla mich chvͦner degēn balt. Svͦn gein diſem wibe. Gebivt minem libe. Anderſ ſwaz din ere ſin. Gein der gvnerten herzogin. Mag ich gepflegen ſvͦne niht. Swaz halt anderſ mir geſchiht. Parcifal der hoh gemvͦte. Sprach. levt. noch lant. noch varnde gvͦte. Der dehæinez mach gehelfen dir. Dvne tvͦſt deſ ſicherhæit gein mir. Daz dv gein Britanie varſt. Vnde die reiſe niht langer ſparſt. Gein einer meide die ſlvͦch dvrch. mich. Ein man gein dem iſt min gerich. Ane bet niht verchorn. Dv ſolt der meide wol geborn. Sichern vn̄de min dineſt ~~gebe~~ſagen. Oder dv wirſt alhie erſlagen. Sage Artvſe vn̄de dem wibe ſin. Beiden von mir dienſt mi*min. Daz ſi minen di*dienſt ſo letzen. Vnde die magt der ſlege ergetzen. Da*Da zvͦ wil ich beſchowen Jn dinen hvlden diſe frowen. xit ſvͦne ane vare. Oder dv mvͦſt ein bare. Tot hinnen riten. Wil dv michſ widerſtriten. Merch div wort vn̄de wiſ d̉er werch ein wer. Deſ gib mir ſicherhæit alher. Do ſprach der herzoge orilvſ. Zedem chvnge Parcifal alſvſ. Mach niemen da fvr niht gegeben. So leiſt ichz wan ich wil noch leben. Dvrch vorhte von ir man. Frowe Jeſchvͦte wol getan. Jr ſchæidenſ gar v̉erzagt. Jr vindeſ not ſi chlagt. Parcifal in vf v̉erliez. Do er Frovn Jeſchvͦten ſvͦn gehiez. Der betwungen fvrſte ſprach. Frowe ſit ditze dvrch ivch geſchach. Jn ſtrite div entſchvmpfntiwer min. Wol her ir ſchvlt gechvſſet ſin. Jch han vil priſeſ dvrch ivch verlorn. Waz danne ez iſt iedoch verchorn. Div frowe mit ir blozem vel. Waſ zedem ſprvnge harte ſnel. Von dem pferde vf den waſen. Swie daz blvͦt von der naſen. Den mvnt im hiet gemachet rot. Si kvſte in do er chvſ gebot. Ez wart niht lenger da gebiten. Si bæide vn̄de ovch div frowe riten. xeiner clvͦſen in eineſ velſeſ want. Eine chefſen Parcifal do vant. Ein gemaltez ſper da bi da lent. Der einſidel hiez Trevezent. Parcifal mit triwen fwͦr Er nam daz heiltvͦm dar vͦfe er ſwͦr Svſ ſtalt er ſelbe ſinen êit. Er ſprach han ich werdecheit. Jch habſ oder ich han ir niht. Swer mich bi dem ſchilde ſiht. Der brvͦvet mich gein riterſchaft. Deſ namen ordenlichiv chraft. Alſ vnſ deſ ſchildeſ ampt. ſagt. Hat diche hohen priſ beiagt. Ez iſt ovch noch ein hoher nam. Min lip gein werdechlich̉er ſcham. Jmmer ſi gewenchet. Vnde alle min priſ vrechrenchet. Dirre wort ſi mit werchen pfant. Min gelvche vor der hoſten hant. Jch hanz da fvͦr di treit got. Nv mvͦz ich fvrſtlichen ſpot. Ze bæiden leben immer han. Von ſiner hant ob miſſetan. Diſiv frowe hab do daz geſchach. Daz ich fvͤrſpan van ir brach. Ovch fvͦrt ich ir mer goldeſ dan. Jch waſ ein ein tore vn̄de niht ein man. Gewahſen bi witzen. Vil weinenſ do bi ſwitzen. xit iamer vil gedolt ir lip. Si iſt benamen ein vnſchvldich wip. Dane ſchæide ich vͦz niht mere. Ez ſi min pfant. ſeld vn̄de ere. Gervͦcht irſ ſi ſol vnſvldich ſin. Set gebt ir wider ir vingerlin. Jr fuͤrſpan wart ſo v̉ertan. Daz ez min torheit danch ſol han. Die gab enpfie der helt gvͦt. Do ſtreich er von dem mvnd daz blvͦt Vnde chvſt ~~mineſ~~ſineſ h̉erzen trv̂t. Ovch wart verdechet ir bloziv hv̂t. Oriluſ der fvͤrſte erchant. Stiez daz vingerlin wider an ir hant. Vnde gab ir an ſin cvrſit. Daz waſ von richem pfelle wit. Mit heldeſ hant verhawen. Jch han doch ſelten frowen. Geſehen waffenroch an tragen. Die warn in ſtrite ſvſ zerſlagen. Von ir crîe wart nîe tvrney. Geſampt noch ſper enzwei. Geſtochen. ſwa daz ſolde ſin. Der gvͦte chnappe vn̄de læmikin. Die tioſt zeſamne trvͦgen baz. Svſ wart div frowe trvrenſ laz. Do ſprach der herzog Orilvſ. Aber ze parcifal ſvſ. Helt din vmbetwungen eit. Geit mir groz liebe ane leit. xch han tſchvmpfentiwer gedolt. Div mir frævde hat er*erholt. Ja mach mit eren nv min lip. Ergetzen ditze werde wip. Daz ich ſi miner ſvͦn verſtiez. Do ich die gvͦten liez. Waz moht ſi daz ir geſchach. Do aber ſi von diner ſchone ſprach. Jch wande da wær ein frivntſchaft bi. Nv lon dir got ſi iſt wandelſ frî. Jch han vngefvͦge an ir getan. Dvrch forſt in Brezilian. Reit ich do in manie von poyſ. Parcifal. diz ſper von troyſ. Nam vn̄de fvͦrt itz mit im dan. Ez vergaz der wilde Toyrian. Toclicieſ brvͦder da. Nv ſprechet wie oder wa. Di helde deſ nahteſ mvgin ſin. Helm vn̄de ir ſchilde heten pin. Die ſach man gar zerhawen. Parcifal zder frowen. Nam vrlovb vn̄de zir amyſ. Do ladet in der fvͤrſte wiſ. Vil ofte an ſine vivͤr ſtat. Ezn half in niht *ſwie vil erſ bat. Da ſchieden die helde ſich. Div aventiwer wert mer mich. xo Orilvſ der fvͤrſte erchant. Chom da er ſin pavilvn vant. Vnde ſiner meſſenie ein teil. Daz volch waſ geliche geil. Daz ſvͦn waſ worden ſchin. Gein der ſelden bernden h̉erzogin. Ez wart niht lenger da geſpart. Do Orilvſ entwafent wart. Blvͦt vn̄de ram von im mān twuͦch Er nam di herzoginne chlvͦch Vnde fvͦrt an di ſvͦn ſtat. Vnde hiez bereiten in ein bat. Da lach frov Jeſchvte. Al weinende bi ir trvte. Vor liebe vn̄de doch vor leide niht. Alſ gvͦtem wibe noch geſchiht. Ovch iſt genvͦgen chvnt. Weinvndem ovgen hant ſvͦzēn mv̄nt Da von ich mer noch ſprechen wil. Groz liebe iſt frevde vnde iamerſ zil. Swer vor der liebe ir mere. Treit vf den ſæigere. Ob erſ immer wolde wegen. Ezn chvnde niht ander tſchanze pflegen. Da ergie ein ſvͦn deſ wæen ich. Doch fvͦren ſi ſvnder baden ſich. Zwelf chlare ivnchfrowen. Man moht bi ir ſchawen. Die pflagen ir ſît ~~ſin~~ſi gewan. Zorn ane ſchvl*ſchvlde von liebem man. Jr deche .ê. nahteſ waſ bereit. Swie bloz ſi bi dem tage reit. xi batten do mit frævden ſîe Rvͦchet ir nv horen wîe. Orilvſ deſ inne wart. Aventiwer von Artvſ vart. Svſ begvnde im ein ritter ſagen. Jch ſach vf einem blan geſlagen. Tvſent bavilvn oder mer. Artvſ der riche chvnich her. Der Britaneiſen herre. Lît vnſ hie niht verre. Mit wunnechlich̉er frowen ſchar. ~~Vnge*teſ~~Vngeverteſ iſt ein mile dar. Do iſt von rittern grozzer ſchal. Bi dem Blimvlzol ze tal. Ligentſ an iewedrem ſtade. Do gaht balde vz dem bade. Der herzoge Orilvſ. Jeſchvͦte vn̄de er di wurben ſvſ. Div ſenfte ſvͦze wol getan. Gie ovch vz ir bade ~~ſvſ.~~ſan. An ſin bette da wart travrenſ rat. Jr lide dienten bezzer wat. Danne ſi da vor trvͦch lange. Mit nahem vmbevange. Behielt ir minne frævden priſ. Der fvrſtinne vn̄de deſ fvͤrſten wiſ. Jvnchfrowen chleiten ir frowen ſan. Sin harnaſch trvͦch man dar dem man. Jeſchvͦten wat man mvͦſe loben. Vogel gevangen vf dem chloben. Si mit frævden azen. Da ſi an ir bette ſazen. xeſchvte etſlichen chvſ Enpfie. den gab ir Orilvſ. Da zoch man der frowen wert. Ein wol ſchone gende pfert. Geſatelt vnde gezavmet wol. Man hvͦp ſi drvf div riten ſol. Dan. mit ir chvͦne man. Sin orſ wart gewafent ſan. Reht alſ erz gein ſtrite reit. Sin ſwert da mit er deſ tageſ ſtreit. Man vor an den ſatel hiench. Von fvͦz vf gewafent giench. Orilvſ zdem orſe ſin. Er ſpranch drvf vor der chvnigin. Jeſchvͦte vn̄de er ſchieden ſich dān zehant. Die meſſenie gein lalant. Bat er alle cheren. Wan ein ritter ſolde in leren. Gein Artvſe riten. Er bat daz volch deſ biten. Si chomen Artvſe ſo nahen. Daz ſi ſin pavilvͦn ſahen. Vil nach eine mile daz wazzer nider. Der fvͤrſte ſande den ritter wider Der in gewiſet het dar. Frov Jeſchvͦte div wol gevar. Waſ ſin geſinde vn̄de niemēn mer. Der vnloſe Artvſe niht ze her. Waſ gegangen da er deſ abenſ gaz. Vf einen blan vmb in da ſaz div werde mæſſenîe Orilvſ der valſcheſ frîe Chom an den ſelben rinch geriten. Sin helm. ſin ſchilt waſ ſo verſnitēn. Daz niemen choſ dran deheiniv mal. Die ſlege frvmt Parcifal. Von orſe ſtvͦnt der chvͦne man. Frov Jeſchvͦte enpfie iz ſan. Vil ivncherren dar nah̉er ſpranch Vmbe in vn̄de vmb ſi wart groz gedranch. Si iahen wir ſvln d̉er orſe pflegen. Orilvſ der werde degen. Læit deſ ſchildeſ ſchirbe vf daz graſ. Nach ir dvrch di er chomen waſ. Begvnde er fragen al zehant. Frowen kvnwaren de lalant. Zeiget man im da div ſaz. Jr gvͦte man gein priſe maz. Gewafent er ſo nahen giench. Der chvnich vn̄de div chvnigin in enphiench Er dancht vnde vianze ſan. Siner ſweſter wol getan. Bi dem trachen an dem cvrſit. Erchande ſi in ane ſtrit. Si ſprach dv biſt der brvͦder min. Orilvſ oder læhelin. Jchn nim iwer twederſ ſich̉erheit. Jr wart mir bede ie bereit. Mit dienſt ſweſ ich ivch îe bat. Mir wær vf den triwen mat. Solde ich gein iv kriegen. Vnde min ſelbeſ zvht betriegen. xer fvͤrſte kniet fvr di magt. Er ſprach dv haſt al war geſagt. Jch bin din brvͦder Orilvſ. Der rote ritter betwanch mich ſvſ. Daz ich dir ſicherheit mvͦz gebn. Da mit chavft ich min lebn. Die enpfach ſo wirt hie gar getān. Alſ ich gein im gelobt han. Do enpfie ſi triwe vn̄de wize hant. Von dem d̉er trvͦch den ſerpant. vn̄de lie in ledich do daz geſchach. Do ſtvͦnt er vf vn̄de ſprach. Jch ſol vnde mvͦz mit tiriwēn chlagēn Owe wer hat dich geſlagen. Dine ſlege tvͦnt mir niht wol. Wirt ſin zit daz ich dich rechēn ſol. Jch ginreſ deſ dēn ſw̉er rvͦchet ſehēn. Daz leide dran mir iſt geſchehēn. Ovch hilft mir chlagn d̉er chvͦnſte mān. Den mvͦter îe gewan. Der nennet ſich den ritter rot. Her chvnich frov chvngīn er iv ēnbot Jv bæiden ſamt den dienſt ſin. Dazvͦ benamēn der ſweſter min. Er bitet ivch ſin dienſt letzen. Vnde die magt der ſlege ergetzen. Ovch hiet ſi do genozzen. Gein dem helde vnv*vnverdrozzen. Weſt er wie ſi mich beſtet. vn̄de mir ir leit ze herzen get. xey. erwarp da niwan haz. Von ~~ritr~~rittern vn̄de frowen ſwaz ir da ſaz. Andem ſtade bi dem Blimizol. Gawan vn̄de Tſchovrit viſidol. Von deſ not ir habt gehoret .ê. Der gevangen chvnich Glamide. Vnde manich werde ander man. Die ich wol genennen chan. Wan daz ichz niht wil lengen. Die begvnden ſich mengen. E dienſt mit zvht wart gedolt. Frowe Jeſchvͦte wart geholt. Vf ir pferde alda ſi ſaz. Artvſ der chvnich niht vergaz. vn̄de div chvniginne ſin wip. Si enpfiengen Jeſchvͦten lip. Von frawen do manich chvſ geſchach. Artvſ ze Jeſcvͦten ſprach. Jwern vater den chvnich von karnant. Lachen han ich den erchant. Daz ich iwern chvmber chlagete. Sit man mir erſte ſagete. Ovch ſit ir ſelbe ſo wol getan. Er ſolde ivch fromde erlazen han. Wan iwer minnechlich̉er blich. Behielt den priſ ze ~~kar~~kamadich Dvrch iwer ſchone mære Beleib iv der ſparwære. Jwer hant er dannen reit. Swie mir von Orilvſe leit Geſchehe ichn gvnde iv trvͦrenſ niht Noch entvͦn halt nimmer ſwaz geſchiht. Mirſt lieb daz ir di hvlde hat. Vnde daz ir fraweliche wat. Tragt nach iwer grozzen not. Herre daz vergelt iv got. Daran ir hohet iwern priſ. Frowen Jeſcv̂ten vn̄de ir amyſ. Frowe kvnware der lalant Dannen fvͦrt al zehant. Einhalb an den chvnigeſ rinch Vber eineſ brvnnen vrſprinch. Stvͦnt ir pavilvn vf dem plan. Alſ ez oben ein trache in ſinēn chlan. Hiet deſ ganzen halben apfelſ teil. Den trachen zvgen vier wintſeil. Reht alſ er lebendich da flvge. Vnde daz pavilvn gein dēn lvften zvge. Da bi erchande iz Orilvſ. Wan ſiniv wafen waren ſvſ. Er wart entwafent drvnde. Sin ſvͦzziv ſweſter chvnde. Jm bieten ere. vn̄de gemach. Vber al div mæſſenîe ſprach. Deſ roten riterſ ellen. Nempt den priſ zeſellen. Deſ iahen ane ruͦnen. Key bat kyngrvnen. Orilvſ dienen an ſiner ſtat. Er chvnde iz wol den erſ da bat. Wan er hetz vil getan. Vor Glamide ze brandigan. xey dvrch daz ſin dienſt liez. Vnſælde in deſ fvrſtēn ſweſt̉er hiez. Alvnen mit einem ſtab. Dvrch zvht entweich er dienſteſ ab. Ovch waſ div ſchvlde niht verchorn. Von der mæide wol geborn. Doch ſchvͦf er ſpiſe dar genvͦch. Kyngrvn ez fvr Orilvſ trvͦch. Frov kvnware div lobſ wiſe Sneit ir brvͦder ſine ſpiſe. Mit ir blanchen linden hant. Frov Jeſcv̂te von karnant. Mit wiplichen zvhten az. Artvſ der chvnich niht vergaz. Ern choͤm da div zwai ſazzen. Vnde lieplichen azzen. Do ſprach er ~~geit~~gezt ir vbel hîe Daz enwart iedoch min wille nîe Jrn g*geſazt nîe vber wirteſ brot. Der ivz mit bezzerm willen. bot. So gar ane wancheſ var Min frawe kvnwar. Jr ſvlt iwerſ brvͦderſ hie wol pflegn. Gvͦt naht geb iv der goteſ ſegen. Artvſ fvr ſlafen do. Orilvſ wart gebettet ſo. Do ſin frowe Jeſcv̂te pflach. Geſellechlich vnz an den tach. xelt ir nv horen wie Artꝰus. Zecaridol vz ſinēm hvſ. vn̄de von ſinem lande ſchiet. Alſ im div mæſſenie riet. Svſ reit er mit den werden. Sinſ landeſ vn̄de ander erden. Ditze mær giht naht vn̄de tach. Alſo daz ſi ſvͦchenſ pflach. Den man den ritter rot. Nande. vn̄de im ſolh ere bot. Daz er in ſchiet von chvmb̉er groz. Do er den chvnich Jthern ſchoz. vn̄de Glamiden vn̄de kyngrvne. Ovch ſande gein britvne. Jnſinen hof beſvnder. Vber die ta*tavelrvnder. Wolde er in dvrch ~~geſchelleſchaft~~geſchelleſcheit ~~geſchelleſchaft~~geſchelleſcheit: cheit steht oberhalb der rasierten Stelle. Laden dvrch daz er nach im ~~ret.~~reit Alſo beſcheidenliche. Beide arme vn̄de riche. Die ſchildeſ amt ane want. Die lobten Artvſeſ hant. Swa ſi ſæhen ritterſchaft. Daz ſi dvrch ir glvbdeſ ch*chraft. Dehæine tioſt entæten. EnEzn wer ob ſi bæten. Daz er ſi lieze ſtriten. Er ſprach wir mvͦzen riten. Jn manich lant daz riterſ tat. Vnſ wol zegegen ſtrite hat. xf gerihtiv ſper wir mvͦzēn ſehen. Welt ir da fvr einand̉er ſchehen. Alſ freche rvden in maiſterſ hant. Ab zvchende ir iv bant. Dar zvͦ han ich w niht willen. Jch ſol den ſchal geſtillen. Jch hilfe iv ſwa ſin niht mach rat ſin. Deſ wartet an daz ellent min. Diſiv gelvbd habt ir wol v̉ernomēn Welt ir nv horen war ſi chomēn. Parcifal der waleiſ. Von ſnewe waſ nv niwe lêiſ Deſ nahteſ vaſte vf in geſnît Ezn waſ iedoch niht ſneweſ zit. Jſt iz alſ ich vernomen han. Artvſe der mægebere man. Swaz man ie von im geſprach. Zeinen pfingſten daz geſchach. Oder indeſ mæien blvͦmen zit. Waz man im ſvͦzeſ lvfteſ giht. Daz mær iſt vaſte vnder ſnîten. Ez barriert ſich mit ſneweſ ſiten. Sine valchnere von karidol. Ritenſ habenden vorm brimizol. Dvrch beizen da ſi ſchaden chvrn. Jr beſten valchen ſi verlvrn. Der gahte von in balde. Vnde ſtvͦnt zenaht zewalde. Von vber chrvpfe daz geſchach. Daz im waſ *von den levten gach. xie naht bi parcifal er ſtvͦnt Da in beden der walt waſ vnchvnt. Vnde do ſi bede ſere froſ. Da parcifal den tach erchoſ. Jm waſ verſnît deſ pfadeſ pa*pan. Vil vngeverteſ reit er dan. Vber ronen vn̄de vber mangein ſtein. Der tach hie lanch hoh erſchein. Ovch begvnde lovhten ſich d̉er ~~tach.~~walt. Wan daz ein rone waſ gevalt. Vf einen plan zvͦ dem er fleich. ^^ Artvſeſ valche mit im ſtreich. Da wol tvnſent genſe lagen. Da wart ein michel gragen. Mit herte flovch er vnder ſi. Der valche vn̄de ſlvͦch ir eine hi. So harte daz ſi im chvͦme enbraſt. Vnder deſ gevallen ronen aſt. An ir hohen flvge wart ir we. Vz ir wunden vzvf den ſne. Vieln dri blvͦteſ zæher rot. Die Parcifaln fvͦgten not. Von ſinen triwen daz geſchach. Do er die blvͦteſ zæher ſach. Vf dem ſne der waſ al wiz. Do daht er wer hat ſinen vliz. Gewendet an diſe varwe dar Gvndwir amvͦrſ ia mach fvr war. Diſe varwe dir gelichen. Mich wil got ſelden richen. xit ich dir hie gelichen vant. Ge ert ſi div goteſ hant. Vnde alle div creatvre ſin. Kvndwiramvrſ hie lit din ſchin. Sit der ſne dem blvͦte wize bot. Vnde iz den ſne ſo machet rot. Kv*Kvndwir amvͦrſ. Dem gelichet ſich din Beacvrſ. Deſ biſtv niht er lazen. Deſ heldeſ ovgen mazen. Waz dort waſ ergangen. Zwene zeher an ir wangen. Den driten an ir chinne Er ſprach der warn mīnne. Gein ir gar ane wenchen. Svſ ~~b*gvnde~~bgvnde er ſich bedenchen. So daz er vnv̉erſvnnen hielt. Div ſtarche minne ſîn da h wielt ^^ Alſolher not half im ſin wip. Dirre varwe trvͦch gelichen lip. Von Pelrapeire div chvnigin. Div enzv*enzvhte im wizzelichen ſin. Svſ hielt er alſ er ſlieffe. Wer da zvͦ im liefe. Kvnawaren garzvn waſ genant. Der ſolde gein lalan. Er ſach anden ſtvnden. Einen helm mit manig̉er wunden. Vnde einen ſchilt gar v̉erhawen. Jndienſt deſ chnapen frawen. Da hielt gezimiert ein degen. Alſ er tyoſtiernſ wolde pflegen. Gewærwet mit vf gerihtem ſper. Der garzvͦn hvͦp ſich wider her. Hiet in der chnappe erchant enzît. Er wær von im vmbeſchrît Daz ſiner ſiner frawen ritter wære Alſ gein einem æhtere. Schvͦf erz volch hin vz an in. Er wolde im werben vngewin. Sin kvrtoyſe er dran v̉erloſ. Lat ſin. ſin ~~orſ~~frawe waſ waſ avch loſ. Selich waſ der chnappen krîe. Fîa fia fîe. *Fi ir vertane. Zêlt ſi Gawane. Vnde ander ſiner ritterſchaft. Gein werde*werdechlich̉er priſeſ chraft. vn̄de Artvſ dem Britvͦn. Alſvſ ~~lief~~rief der garzvn. Div tavelrvnder iſt geſchant. Jv iſt hie dvrch di ſnvͦre gerant. Do wart von ritern grozer *ſchal. Si begvnden fragen vber al. Ob ritterſchaft da wær getan. Do frieſchen ſi daz ein man. Da hielt zeiner tyoſt gereit. Genvͦgen waſ gelvbde leit. Die artvſ von im enpfiench. So balde daz er niht ergiench. xæidiv lief vnde ſpranch Segremorſ der îe nach ſtrite ranch. Swa d̉er vehten wande vinden. Da mvͦſe man in binden. Ob er wolde dar mit ſin. Ninder iſt ſo breit der rin. Sehe er ſtriten andem andern ſtade. Da wurde wenich nach dem bade. Geraſt ez wær warm oder chalt. Er vielle ſvſ dar an der helt balt. Svſ chom der ſnelle ivngelinch. Zehofe an artvſeſ rinch. Der werde chvnich vaſte ſlief. Segremorſ im dvrch di ſnvͦre lief. Zer pavilvnſ tvr drange er in. Ein dechlachen zobelin. Zvht er ab in di da lagen. Vnde ſvͦzeſ ſlafeſ pflagen. So daz ſi mvͦſen wachen. Vnde ſiner vngefvͦge lachen. Da ſprach zvͦ der niftel ſin. Kynover frowe chvnigin. Vnſer ſippe waſ deſ er chant. W*Man weiz wol vber lant. Daz ich genaden wart an dich. Nv hilf frowe vn̄de ſprich. Gein Artvſe dinen man. Daz ich von im mvͦz han. Ein aventivr div iſt hie bi. Daz ich zder tyoſt der erſte ſi. xrtvſ ze ſegremorſe ſprach. Din ſicherhæit mir deſ v̉eriach. Dv ſoldeſt nach minem willēn varn. vn̄de din vmbeſcheidenhæit bewarn. Wîrt hie ein tyoſt von dir getan. Da nach wænt manich w̉erder man. Daz ich in laze rîten. Vnde ovch nach priſe ſtriten. Da mit chrenchet ſich min wer. Wir nahen Anfortaſ her. Daz van Mvntſalvafſe vert vn̄de ditze foreſt mit ſtrite wert. Welt ir niht wizzen wa daz ſtet. Ze arbæiten ez liht vnſ er get. Gynover ſprach ze artvſe ſ*ſo. ſ*ſo: o steht oberhalb der rasierten Stelle. Deſ ſegremorſ wart al fro. Do ſi im di *aventivr er warp. Wan daz er niht von liebe ſtarp. Daz ander waſ do gar geſchehen. Vngerne het er do ver iehen. Sinſ chomenden priſeſ pflihte. Jemen an der geſihte. Der ſtolze ivnge ane bart. Sin orſ vn̄de er gewafent wart. Ez chom ſegremorſ der toyſ. Galopiernde vber vlterlovonpoyſ. Sin orſ vber hohe ſtvden ſpranch. Manich ſchelle gvldin dar an er chlanch. Vf der deche vn̄de vf dem man. Man moht in wol geworfen han. Zem vaſhan indaz dornæch. Swem ſin zeſvͦchen wær gach. Der fvnde in von den ſchellen. Die chvnden lvͦte hellen. xvſ fvr der vmbeſcheiden helt. Zvͦ dem der minne waſ v̉erſelt. Weder ern ſlvͦch noch en ſtach. .E. er wider ſagen zvͦ im ſprach. Vnv̉erſvnnen hielt Parcifal. Daz fvͦgtem im div blvͦteſ mal. Vnde avch div ſtrenge minne. Div mir diche nimpt di ſinne Vnde mir daz herze vnſanfte regt. Ach. ein wip noch an mich legt. Wil ſi mich alſvſ twingen. Vnde ſelten helfe bringen. Jch mvͦz ſiſ wider ziehen. Von ir troſte vliehen. Horet nv von ienen bæiden. Vmb ir chomen vn̄de vmb ir ſchæiden. Segremorſ ſprach alſo Jr gebaret herre alſ ir ſit vnfro. Daz hie ein chvnich mit volch ligt. Swie vn hohe ivch daz wigt. Jr mvͦzt im wandel drvmbe geben. Oder ich verlivſe min leben. Jr ſit dvrch ſtrît zenahen geriten. Nv wil ich ivch dvrch zvht deſ biten. Jr gebt ivch in mine gewalt. Oder ir ſit ſchier von mir bezahlt. Daz iwerm willen rvͦrt den ſne. Svſ tvͦt irz mit eren .ê. Parcifal dvrch dro niht ſprach. Frov minne im anderſ chvmberſ iach. Dvrch tyoſt ſpringen warf ſin orſ. Von im der chvnich ſegremorſ. Vmbe want ovch ſich daz kaſtelan. Da Parcifal der wolgetan. Vn v̉erſvnnen vfe ſaz Do er daz blvͦt vber maz. Sin ſehen wart drabe gecheret. Hie wart ſin priſ gemeret. Do er di zæher niht enſach Frow witze im aber ſinneſ iach. Hîe chom ſegremorſ der Royſ. Parcifal ſin ſper von troyſ. Daz veſte vn̄de daz zæhe. Mit varwe daz wæhe. Alſ erz do vor der chlvſen vant. Daz begvnde er ſenchen mit d̉er hant. Ein tioſt enpfie er dvrch den ſchilt. Siner tyoſt wider wart gezilt. Daz ſegremorſ der werde degen. Satel rvͦmenſ mvͦſe pflegen. vn̄de daz daz ſper doch ganz beſtvnt. Da mit wart im gevelle chvnt. Parcifal reit ane fragen. Do di blvͦteſ zæher lagen. Do er di mit den ovgen vant. Frovn minne ſtriht man ir bant. Sin mvnt ſprach weder ſvſ noch ſo. Wan er ſchiet von den wizzen do. Segremorſeſ caſtelan. Hvͦp ſich gein dem barn ſan. xr mvͦſe vf dvrch triwe ſten. Ob er iender wolde gen. Sich legent genvͦge dvrch rvͦwe nid̉er Deſ habt îr vil gefræiſchet ſider. Waz rvwe choſ er indem ſne. Mir tet ein ligen drinne we. Der ſchadhaft er warb îe ſpot. Sælden pflihtere half îe got. Ditze her lach wol ſo nahen. Daz ſi parcifaln ſahen. H*Halden alſ im waſ geſchehen. Der minne mvͦ*mvͦſer ſigeſ iehen Div ſalomonen ovch ~~betrvrch~~bewanch. ~~betrvrch~~bewanch: wanch steht oberhalb der rasierten Stelle. Dar nacha waſ ovch niht zelanch .Ê. Segremorſ dar zvͦ in giench. Dern hetz oder wol enpfiench. Den waſ al geliche holt. Svſ tæilt Er bagnſ grozen ſolt. Er ſrſprach ir habt gefræiſchet vil. Ritterſchaft iſt topl ſpil. vn̄de daz ein mān von tyoſt viel. Ezn ſinchet halt ein merſ kiel. Lat mich nimmer niht geſtritēn Daz er torſt enmin en biten. Ob er bechande minen ſchilt. Deſ hat mich gar imam inim bevilt. ^^ Der dort noch vzze tyoſte gert. Sin lip iſt doch wol priſeſ wert. Key der chvͦne man. Braht daz mær fvr dēn chvnch ſan. xegremorſ wær geſtochen ab. vn̄de dort vze hielt eīn ſtrēng̉er chnab. Der gert tyoſt alſ .ê. Herre ſprach er mir tvͦt we. Sol erſ ganzer *Ganzer ſchæidēn hin Ob ich iv ſo wirdich *bin. Lat mich v̉erſvͦchen weſ er ger. Sit er mit vf gerihtem ſper. Dort habt vor iwerm wibe. Nimmer ich belibe. Jn iwerm dienſt mere. Tavelrvnder hat vnere. Ob man imz niht enzit wert. Vf vnſern priſ ſin ellen zert. Gebt mir ſtriteſ vrlovp. Wer wir alle blint od̉er tovp. M : Wahrscheinlich handelt es sich hier um den Anfang von Vers 290.21, der schliesslich zu Beginn von Spalte 290.21 realisiert wurde. Man ſolde imz wern deſ wer zit. Artvſ erlavpt keyn den ſtrit. Gewafent wart der ſinetſchalt. Do wolde er ſwenden den ~~gewalt~~walt. Mit tioſt vf den chomenden gaſt. Der trvͦch der minne ſwern laſt. Daz fvͦgt im ſne vn̄de blvͦt. Ez iſt ſvnde ſwer im nv iht mer tvͦt. Frov minne wie tvͦt ſo. Daz ir nv den trvrigen machet. fro. Mit chvrzer werder frovde. Jr tvͦt in ſchiere tovde. Wie ſtat daz vrov minne. Daz ir manliche ſinne. xnde herzenhafen hohen mvͦt Alſvſ entſvmpfiern tvͦt Daz ſmæhe vn̄de daz werde. Vnde ſwaz vf der erde. Gein iv deheineſ pfligt. Dem habt ir ſchier an geſigt. Wir mvͦzen ivch vbi chreften lan. Mit rehter ~~waheit~~warheit ſvnder wan. Frov minne ir habt ein ere. vn̄de wenich deheine mere. Frowe lieb iv git geſelleſchaft. Anderſ wær vil dvrchl iwer chraft. Frowe minne ir pflegt vntriwen. Mit alten ſiten niwen. Jr zvcht manigem wibe ir priſ. vn̄de ratet inſippiv amyſ. vn̄de daz manger herre an ſinem man. Von iwer chraft hat miſſetan. vn̄de der frivnt an ſinem geſellen. Jwer ſit der chan ſich hellen. vn̄de der man an ſinen herren. .vii. .viii. Frowe minne iv ſolde werren. Daz ir den lip der gir gewent. Da von ſich div ſele *ſent. Frov minne ſit ir habt gewalt. Daz ir di ivngde ſvſ machet alt. Der man do zelt vil chvr*chvrziv iar. Jwer werch ſin halſcharlicher ~~iar.~~var. Div rede enzem dehæinem man. Wan der nie troſt von iv gewan. Het ir mir geholfen baz. Min lob wer gein iv niht ſo laz. Jr habt mir mangel vor gezilt. Miner ovgen ekke alſo ver ſpilt. Daz ich niht gervͦwen mach. Min not ivch îe ringe wach. Doch ſeit ir mir ze wol geborn. Daz gein iv min chrancher zorn. Jmmer ſolde bringen wort. Jwer trv̂ch hat ſo ſtrengen ort. Jr ladet vf herze ſweren laſt. Her heinrich von veldek ſinēn bovmeſ aſt. Mit chvnſt gein iwerm arme maz. Het ir vnſ do beſchæiden baz. Wie man ivch ſolde behalden. Er hat her dan geſpalden. Wie man ivch ſvl er werben. Von tvmpheit mvͦz ver terben. Mangeſ toren hoher fvnt. Waz oder wie mir daz nv chvnt. Daz wize ich iv froͮ minne. Jr ſît ein ſloz ob dem ſinne. Ez hilfet gein iv ſchilt noch ſwert. Snellez orſ. hohiv bvrch mit tvrn wert. Jr ſit gewaltich ob aller wer. Beidiv vf der erde vn̄de indem mer. Waz entrinnet iwerm chriege. Ez flieze oder fliege. Frov minne ir ratet ovch gewalt. Do Barcifal der degen balt. Dvrch ivch von ſinen witzen ſchiet. Alſ im ſin triwe do geriet. xaz werde ſvͦze clare wip. Sand ivch zeboten an ſinen lip. Div chvnigīnne von Pelrapeire. Paradiz fiz. Tampvrteire. Jr brvͦder nampt ir ovch ſin leben. Sol man ſolhe zinſe geben. Wol mich daz ich von iv niht han. Jr welt mir bezzer ſenfte lan. Jch han geſprochen vnſer aller wort. Nv horet wie ez ergienge dort. Key der ellenſ riche. Chom gewafent riterliche. Vz alſ er ſtriteſ gerte. Jch wen in ſtriteſ werte. Deſ chvnigeſ Gamvreteſ chint. Swa twingende frowen ſint. Di ſolden im hæileſ wunſchen nvͦ Wan in braht ein wip da zvͦ. Daz minne witze von im ſpielt. Key ſiner tyoſt en thielt. Biz er zeBarcifal ſprach. Herre ſit iv ſvſ geſchach. Daz ir den chvnich gelaſtert habt. Welt ir im wandeln ſo iſt min rat. Vnde dvncht mich iwer beſtez heil. So nempt ivch an enein brachen ſeil. vn̄de lat ivch fvͦr in ziehen. Jr mvget mir niht enpfliehen. Jch bringe ivch doch gevangen dar So nimpt man iwer vnſanfte war. xen waleiſ twanch der minne chraft. Swigenſ. Key ſinen ſchaft. Vz zoch vn̄de frvmt in einen ſwanch. Vͦf daz havbt daz d̉er helm er chlanch. Do ſprach er dv mvͦſt wachen. Ane lilachen. Wirt dir din ſlafen hie benant. Ez zilt al anderſ min hant. Vf den ſne dv wierſt geleit. Der den ſach von d̉er mvͦl treit. Wolde man in alſvſ blîwen. Jn moht lazheit riwen. Frvͦ minne hie ſecht ir zvͦ Jch wen man ivz zelaſter tvͦ Wan ein gebûre ſpreche ~~êê~~ê ſan. Minem herren ſi daz getan. Er chlagte ovch ~~niht~~moht er ſprechen. Frvͦ minne lat ſich uch rechen. Den werden waleiſe. Wan liez in iwer priſe Vnde iwer ſtrenge vnſvͦzer laſt. Jch wan ſich werte dirre gaſt. Key hvrt vaſt an in. Er dranch imz orſ al vmbe hin. So daz der waleiſe vber ſach. Sin ſvͦzze ſvrez vngemach. Sinſ wibeſ gelichen ſchin. Von Pelrapæire div kvnigin. Jch mæine den parrierten ſne. Do chom aber witze alſ .ê. xiv im ſin her wider gab. Key lie daz orſ inden walap. Der chom dvrch tyoſtiern her. Von raben ſanchten ſiv div ſper. Key ſine tyoſt brahte. Alſ im der ovgen mez gedahte. Dvrch deſ waleiſ ſchilt ein venſter wit Jm wart vergolten der ſtrit. Key Artvſeſ ſenetſchalt. Ze gen tyoſt wart gevalt. Vbern ronen da div ganſ en tran. So daz daz orſ vn̄de der man. Beidiv ſamt liden not. Der man waſ wunt daz orſ waſ tot. Zwiſchem ſatelpogen vn̄de einem ſtein. ~~Kyſ~~Keyſ zeſwer arm ſin vinſter bein. Ze braſt von diſem gevelle. Svrzigel vn̄de ſatelgeſchelle. Von dirre hvrt gar zebraſt. Svſ galt zwæi ~~blwen~~bliwen der gaſt. Daz eine leid ein magt dvrch in. Dem andern mvͦſe ſelbe ſin. Barzifal der valſchæit ſwant. Sin triwe in lerte daz er vant. Snebich plvͦteſ zeher dri. Die in machten witze fri. Sin penſiern vmb den gral. Vnd der chvniginne gelichiv mal. Jetwerdez waſ ein ſtrengev not An im wach fvr der minnen lot. xRvͤten vnde minne. Brichet zæhe ſinne. Sol daz aventiwer ſîn. Si mohtenz bede hæizen pîn. Chvͦne livte ſolden cha*chein not. Chlagen ſin manheit im gebot. Gnendichlichen an mangen ſtrît. Man ſagt in mangen landen wît Daz Key Artvſeſ ſenetſchalt. Mit ſiten were *ein ribalt. Deſ ſagt in diſ mær bloz. Er waſ der werdichæit genoz. Swie chlæine ich deſ di volge han. Getriwe vn̄de ellenthafter man. Waſ Key deſ giht mein mvnt Jch tvͦn noch mere von im chvnt. Artvſeſ hof waſ ein zil. Dar chom fremder lvͤte vil. Die werden vnde die ſmæhen. Mit ſiten die wehen. Swelher partîernſ pflach. Der ſelben key ~~krîegenſ~~krîegen p* wach. ^^ An ſwem dîv kvrtôyſe. Vnde dîv werde camponîe Lach. den chvnde er eren. Sin dienſt gein im cheren. Jch gich von im der mære. Er waſ ein merchere. Er tet vil rvheſ willen ſchin. Ze ſcherm dem herren ſin. xArtîrer vn̄de valſche dîet. Von den werden er die ſchîet Er waſ ir fvͦre ein ſtrenger hagel. Noch ſcherfer denne der pîn d̉er zagel. Seht die vercherten keyn prîſ. Er waſ mænlicher triwen wiſ. Vil hazzeſ er von in gewan. Von dvringen fvrſte Herman. Etſlich *din ingeſinde ich maz. Daz vz geſinde hieze *azbaz. Dir wer o*ovch eineſ key not. Sit wariv milt dir gebot. So manich valten * anehanch. ^^ Etſwa ſmæhlich gedranch. vn̄de etſwa werdez dringen. Deſ mvͦz *et walther ſingen. Gvten tach boſe vn̄de gvͦt. Swa man ſolhen ſanch nv tvͦt. Deſ ſint die valſchen geret. Key hetſ in niht geleret. Noch her heinrich von riſpach. Horet wnderſ mær waz dort geſchach. Vͦf dem Brimizolſ plan. Key wart geholt dan. Jn Artvſeſ pavilvͦn getragen. Sine frivnde begvnden in da chlagen. Vil frowen vn̄de manich man. Dar chom ovch min Gawan. Vber keyn al da er lach. Er ſprach owe vnſelich tach. Daz diſiv tyoſt îe wart getan. Da von ich frivnde ver lorn han. xr chlagt in ſeneliche. Key der zornſ riche. Sprach herre erbarmet iv min lip. Svſ ſolden chlagn altiv wip. Jr ſît minſ herren ſweſter ſvͦn. Moht ich iv dienſt nv getvͦn. Alſ ich etwenne gert. So mich got der lide wert. So hat ~~mit~~min hant daz niht v̉ermiten. Si hab vil dvrch ivch geſtriten. Si tet ovch noch moht ez ſîn. Chlagt niht mer lat mir dæn pîn. Jr ſit mir rache ze wol geborn. Het ir aber einen vinger ver lorn. Da wagt ich gein min havbet. Seht ob ir mirz gelovbet. Chert ivch niht an min hetzen. Er chan vnſanfte letzen. Jwer ohêim der chvnich her Gewinnet nimmer dehæinēn key mer Der dort noch vnflvhtich habt. Weder ern ſchavftet noch en drabt. Ovch en iſt ninder frowen har We*Weder ſo ~~mvrme~~murwe noch ſo chlar. Ez wer iv doch ein veſtez bant. Jwerm ſtrît zewerr hant. Swelch man tvͦt ſolch dimvͦt ſchin. Der *eret iedoch di mvͦter ſin. Vater halb ſolder ellen han. *Kertt mvͦter halb her Gawan. So wêrt ir ſwerteſ bliche bleich. vn̄de mænlicher herte weich. Svſ waſ der wol gelobt man. Gerant ze blozen ſîten an. Mit rede er chvnde gelten niht. Alſ wol gezogenem man geſchiht. Dem verſlivzet ſcham ſinen mvnt. Daz dem verſchampten iſt vnchvnt. Gawan iedoch zv keyn ſprach. Swa man ie geſtrîten ſach. Swaz deſ iſt von mir ge ſchehen. Der mîne varwe chvnde ſpehen. Div wen ich îe erbliche. Von ſlage oder von ſtiche. Dv zvrneſt mit mir ane not. Jch bin der dir ie dienſt bot. Zdem pavilvͦn gie her Gawan. Sin orſ hiez er ym bringen ſan. Svnder ſwert vn̄de ane ſporn. Saz drvf der helt wol geborn. Er chert vz da er den waleiſ vant. Deſ witze waſ der minne pfant. Der *trug drew venſter dvrch den ſchilt. Mit hendeſ hant dar gezilt. Svſ het in Orilvſ verſniten. Gawan chom zvͦ im geriten. Svnder galopiern. Vnde ane pvnieren. Er wolde gvͦtlich er ſehen. Von wem der ſtrit wer geſchehen. xo ſprach er grvͦzliche dar. Barcifal deſ chleine war. Nam. daz mvͦz et alſo ſin. Do tet frov minne ir ellen ſchin. An im der herzen lavde bar. Vngezaltev ſippe gar. Schiet von den witzen ſin. vn̄de ovf gerebter pin. Von vater vn̄de von mvͦter art. Der waleiſ wenich inne wart. Waz mineſ hern Gawaneſ mvnt. Mit worten im da tet chvnt. Do ſprach deſ chvnigeſ loteſ ſvn. Herre ir welt gewalt nv tvͦn. Sit ir mir gewalt wider ſagt. Jch bin ſo gar doch niht verzagt. Jch bringz an ander vrage. Jr habt man vnde mage. Vnde den chvnich ſelbe enteret. Vnſer laſter gemeret. Deſ erbirwe ich îv di hvlde. Daz der chvnch læt dîe ſchvlde. Welt ir nach minem rat leben. Vnde geſelleſchaft her fvr in geben. Deſ chvnigeſ Gamvreteſ chint. Dron vn̄de flehn waſ im ein wint. Der tavelrvnder hohſter prîſ. Gawan waſ dirre not al wiſ. Er hetz vnſanfte erchant. Do er mit dem mezzer die hant. Stach. deſ twanch in minne chraft. Vnde wert wiplich geſelleſchaft. xN ſchiet von tod ein chvnigin. Do der chvͦne Læhelin. Mit einer tyoſt rîche. Jn twanch ſvſ vollichliche. Div ſenfte ſvͦze wol gevar. Zepfande ſazt ir havpt dar. Rôin ingv̂ze phaterliez. Alſvſ div getriwe hiez. Do ſprach min her Gawan. Waz ob div minne diſen man. Twinget alſ ſi mich do twanch. V*Vnde ſin getrivlich gedanch. Der minne mvͦz ich ſigeſ gehen. Er marhte deſ waleiſeſ ſehen. War ſtvͦnden div *ovgen ſin. Einſ væilen tvͦcheſ von ſvrin. Gefvrrit mit gelwem zendale. Die ſwanch er vber di plvͦteſ male. Do di zeher wart der zeher dach. Daz ſi Barcifal niht enſach. Jm gab her wider witze ſin. Von Pelrapaire div chvnigin Div behielt iedoch ſin herze dort. Nv rvͦchet horen diſiv wort. Er ſprach frowe vn̄de wip. Wer hat benomen mir den lip. ErEz warp mit riterſchaft ~~ſin~~mīn hant. Din werde minne chrone vn̄de lant ~~xin~~Bin ichz der dich von Glamide. Loſt. ich vant ach vn̄de awe. Vnde ſevften manich herze frebel. Jn diner helfe ovgen nebel. Hat dich bi lihter ſvnnen hie. Nv benomen nv ne waiz ich wie. Er ſprach owe war chom min ſper. Daz ich mit mir braht her. Da ſprach min her Gawan. Herre ez iſt mit tyoſt vertan. Gein wem. ſprach der degen wert. Jrn tragt hie ſchilt noch ſwert. Waz moht ich priſeſ an iv beiagen. D*Doch wil ich iwer ſpotten tragen. Jr erbietet mirs *lihtliht her nach baz. ^^ Et ſwenne ich ovch vor tyoſt geſaz. Vinde ich nimmer an iv ſtrît Doch ſint div lant wol ſo wît Jch mach do priſ vn̄de arbeit holn. Beidev frevde vn̄de angeſt doln. Deſ chvngeſ loteſ ſvn do ſprach. Swaz hie mit rede *gein iv geſchach. Div iſt lvter vn̄de minnechlich. Niht mit valſcher trvͦbe rich. Jch ger alſ ichz genden wil. Hie lît ein chvnich vn̄de riter vil. Mit wunnechlich̉er frowen ſchar. Geſelleſchaft gib ich iv dar. Lat ir mich mit iv riten. So bewar ich ivch vor ſtriten. xot lone iv herre ir ſprechet wol. Daz ich vil gerne dienen ſol. Sit ir cvmpanie bietet mir. Wer iwer herre oder ir. Jch heiz herre einen man. Von dem ich manch vrbor han. Ein teil ich der benenne hie. Er pflach gein mir deſ willēn ie Daz er mirz riterliche bot. Sin ſweſter hat der chvnich lot. Div mich zder werlde brahte. Sweſ got an mich gedahte. Daz bivtet dienſt ſiner hant. Der chvnich Artvſ iſt er genant. Ovch iſt min nam vil vnv̉erſtoln An manger ſtat vil vnve*vnverholn. Lv̂te di mich erchennent. Gawan mich die nennent. Jv dient min lip vn̄de ovch min nām. Welt irz cheren mir von ſcham. Do ſprach er biſtvz Gawan. Vil chranchen priſ ich deſ han. Ob dv mirz wol erbivteſt hîe. Jch hort von dir ſprechen îe. Dv erbietſt ez allen levten wol. Din dienſt ich doch enpfahen ſol. Ni wan vf dienſteſ gelt. Nv ſage mir weſ ſin diſiv gezelt. Der manigez iſt dort vf geſlagen. Lît Artvſ do ſo mvͦz ich chlagen. xaz ich in mit den eren min. Niht mach geſehn. vn̄de ovch di chvngīn. Jch ſol rechen .ê. ein bliwen. Daz ich ſit mit riwen. Fvͦr von ſolhen ſachen. Ein werdiv magt ir lachen. Mir bot die ſlvͦch der ſenetſchalt. Dvrch mich daz von ir reiſ d̉er walt. Vnſanft iſt daz gerochen. Sprach Gawan. im iſt geſtochen. Der zeſwe arm daz vinſter bein. Rît her ſchawet orſ vn̄de den ſtein. Hîe ligent ovch drvnzel vͦf dēm ſne. Deinſ ſperſ. nach dēm dv urageſt .ê. Do Barcifal di warheit ſach. Do dahte er mer vn̄de ſprach. Ditze lazze ich an dich Gawan. *ich: Federansatz? Ob daz ſi der ſelbe man. Der mir hat laſter her gezilt. So rîte ich mit dir ſwa du wilt. Jch mach gein dir niht liegenſ pflegen. Sprach Gawan. hie iſt von tyoſt gelegen. Segremorſ ein ſtriteſ helt. Deſ tat gein prîſe ie wart gezelt. Daz waſ .ê. key wuͦrt gevalt. An in beiden haſt du priſ bezalt. Si ritent mit ein ander dan. Der waleiſ vn̄de Gawan. Vil volcheſ ze orſ vn̄de ze fvͦz Dort inne bot in werden grvͦz Gawan vn̄de dem riter rot. Wan in ir zvht daz gebot. *xAwan cherte da er ſin paviluͦn vant. Frovn Gvnwaren der lalant. Der ſnvͦre vnz an di ſine giench. Si wart fro mit frevden pfiench. Div magt den riter der ſi rach. Daz ir von key .ê. geſchach. Si nam ir brvͦder an di hant vn̄de frovn Jeſcvten von carnant. Svſ ſach ſi chomen Barcifal. Der waſ gevar dvrch yſen mal. Alſ tovwich roſen wêrn dar geflogen. Jm waſ ſin harnaſch ab gezogen. Er ſparanch vͦf do er ſi chomen ſach. Nv horet wie kvnware ſprach. Got alreſt. da nach mir. Sit willichomen ſit daz ir. Belibt bi manlichen ſiten. Jch het lachen gar vermiten. .Ê. ivch min herze erchande. Sit mich an frevden pfande Key der mich do ſo ſlvͦch Daz habt gerochen ir genvͦch Jch chvſte ivch wer ich chvſſeſ wert. Deſ hiet hivt ſan gegert. Sprach Barcifal. getorſt ich ſo. Wan ich bin iwerſ enpfahenſ fro. Si chvſt in vn̄de ſa*ſazt in nider. Ein ivnch frowen ſi ſande wider. Vnde hiez im bringen rîchiv chlæit. Div waren geſniten al gemæit. xzOz pfelle von ninive. Si ſolde der chvnich Glamide. Jr gevangen han getragen. Div magt ſiv braht vn̄de begvnde chlagen. Der mandel wer ane ſnvͦr Kvnwar alſvſ gefvͦr Vz blancher ſîte ein ſnvͦrelin. Si lvht vn̄de zoch daz dar in. Mit vrlovb er ſich do twͦch Den ram von im der ivnge trvͦch Bi rotem mvnde liehtez vel. Gechleit wart der degen ſnel. Do waſ er fîer vnde chlar. Swer in ſach der iach fvͦr war. Ge blvͦmet fvͦr alle man. Daz lob ſin varwe mvͦſe han. Barcifal ſtvͦnt wol ſin wat. Einen tivren ſmarat. Spien ſi im fvͦr ſin hovploch. Kvnware gab im mere dannoch. Einen tivren gvrtel fîer. Von edelem geſteine manich tîer *Mvͦſe vzen vͦf dem borten ſin. Div rinke waſ ein rvbin. Wie waſ der ivnge ane bart. Geſchichet do er gegvrtet wart. Ditze mær ~~iht~~giht wol genvͦch Daz volch im holdez herze trvͦch. Beidiv man vn̄de wip. Die heten wert ſinen lip. xer chvnich meſſe het gehort. Man ſach Artvſen chomen dort. Mit der tavelrvnder diet. Der deheiner valſcheit nîe geriet. Die heten .ê. Alle vernomen. Der rote ritter wer chomen. Jn Gawanſ pavilvn. Dar chom Artvſ der britvn. Der zeblvͦwen ~~Anaͥtor.~~Antanor. Spranch dem chvnige allez vor. Vnz er den waleiſ er ſach. Den fragt er ſit irz der mich rach. vn̄de Gvnwaren ~~der~~de lalant. Vil priſeſ giht man iwer hant. Key hat verpfendet. Sin drovn iſt nv gelendet. Der zeſwe arm iſt im zechranch. Jch fvrht wenich ſinen ſwanch. Do trvͦch der ivnge Barcifal. Ane flvgel engelſ mal. Svſ geblvͦt vf der erden. Artvſ mit den werden. Enpfiench in riterliche. Guͦteſ willen waren riche. Alle die in geſahen da. Jr herce volge ſprachen ia. Gein ſinem lob ſprach niemēn nein. Svſ reht manlich er ſchein. xrtvſ zvͦ im ſprach ſan. Jr habt mir lieb vn̄de leit getan. Doch habt ir mir der ere. Braht vn̄de geſendet mere. Danne ich ir ie vōn manne enpfiēnch Min dienſt do gein noch chleine giēnch. Het ir priſ niht mere getan. Wan daz div herzoginne ſol han. Frov Jeſcvte di hvlde. Ovch wer iv key ſchvlde. Gewandelt vngerochen. Het ich ivch .e. geſprochen. Artvſ ſagt im ſweſ er bat. War vmbe er andie ſelben ſtat. Vnde ovch mer landeſ waſ geriten. Si begvnden in do alle biten. Daz er gelobte ſvnder. Den von der tauelrvnder. Sin riterlich geſellecheit. Jm waſ ir bet niht ze leit. Er mohteſ ſin von ſchvlden fro. Barcifal ſi werte do. Nv ſprechet horet vnde ieht. Ob tavelrvnd̉er mvͦg ir reht. Deſ tageſ behalten wan ir pflach. Artvſ bi dem ein ſi lach. De hæin ritter vor im az. Deſ tageſ ſwenne aventivr .vergaz. Daz ſi ſinen hof vermæit. Jm iſt nv aventiwer berait. xaz lob mvͦſe tavelrvnder han. Swie ſi wart ze Nantiſ lan. Man ſprach ir reht vf blvͦmen velt. Da ien irte ſtvͦde noch daz gezelt. Der chvnich Artvſ daz gebot. Ze eren dem riter rot. Svſ nam ſi werdecheit do lōnn. Ein pfelle von achgregon. Vz heidenſchefte verre braht. Deſ waſ da zeinem zil gedaht. Niht breit ſinwel geſniten. Al nach der tavelrvnder ſiten. Wan ir zvht deſ ver iach. Nach gêin ſtvͦl. da niemen ſach. Jr geſitze waſ al geliche her. Der chvnich Artvſ gebot in mer. Daz man werde ritter vn̄de werde frowen. Andem ringe ſolde ſchawen. Die man da gein priſe maz. Magt. wip. man. daze hove az. Ovch chom frov Gvnover dar Mit maniger frowen liht gevar. Mit maniger edelen fvͤrſtin Die trvͦgen minnechlichen ſchin. Der rinch waſ wol genomen ſo wît Daz ane gedrenge vn̄de ane ſtrit. Manich frowe bi ir amyſ ſaz. Artvſ der valſcheſ laz. Braht den waleiſ ander hant. Frov kvnware der lalant. Giench anderthalb ~~bi im~~im bi. Div waſ do worden trvrenſ fri. Artvſ an den waleiſ ſach. Nv ſvlt ir horen wie er ſprach. Jch wil iwern chlaren lip. Lazzen chvſſen min altez wip. Deſ en dvrft ir doch hie niemen biten. Sît ir von pelrapaire geriten. Wan da iſt deſ chvſſeſ hoſte zil. Eineſ dingeſ ich biten wil. Chom ich immer in iwer hvͦſ. Gelt diſen chvſ. ſprach Artvſ. Jch tvͦn ſweſ ir mich bitet da. Sprach der waleiſ vn̄de ander ſwa. Ein wenich ſi naher im do giench. Div chvniginne in mit chvſſe enpfiench. Nv verchvſſe ich hie mit triwen. Sprach ſi daz ir ~~mir~~mit riwen. Liezzet di het ir mir gegeben. Do ir dem chvnige Jthern namt ſin lebēn. Von dirre ſvͦne ~~wrden~~worden naz. Der chvniginne ovgen vmbe daz. Wan ~~Jte~~Jtherſ tot tvͦt wiben we. Man ſazte den chvnich Glamide. An daz ower zvͦ dem primizol. Bi im ſaz tſchovrit vizidol. Zwiſchen Glamide vn̄de Gawan. Der waleiſ ſitzen mvͦſe han. Alſ mir div aventivr giht vn̄de maz. Andem ringe niemen ſaz. Der mvͦter brvſt nîe geſovch. Deſ werdichait ſo wenich trovch. Chraft mit ivnge wol gevar. Der waleiſ mit im brahte dar. xwer in zerehte chvnde ſpehen. So hat ſich manich frowe erſehen. Jn trvͦberm ſpiegl danne wer ſin mvnt. Jch tvͦn von ſinem velle chvnt. Andem chinne vn̄de anden wangen. Sin varwe zeiner zangen. Wer gvͦt div mohte ſtete hehaben. Der zwivel wol hin dan chan geſchabēn Jch main wip div wenchent. Vnde an ir ~~frivnſchaft~~frivntſchaft vber dench ent. Sin glaſt waſ wibeſ ſtæte ein bant. Jr zwifel gar gein im v̉erſwant. Jr ſchin in mit triwen enpfiench Dvrch div ovgen in ir herze giench. Man vn̄de wip im waren holt. Svſ hat er werdecheit gedolt. Vnz avf daz ſvftwere zil. Hie chom von der ich ſprechen wil. Ein magt gein trivwen wol gelobt. Wan daz ir zvht waſ vertobt. Jr mære tet vil levten leit. Horet wie div ivnchfrowe reit. ~~Eim~~Ein mvͦl hoh alſ ein kaſtelan. Val vn dannoch ſvſ getan. Naſ ſneitich vn verbrant. Alſ vngeriſchiv march erchant Jr zovm vn ir gereite. Waſ geworhte mit arbeite. Tîvr vnde riche. Jr mvͦl gie vollechliche. i waſ niht frowelich gvar. Awe waz ſold ir chomen dar Si chom ŷdoch daz mvͦſ et ſin. Artvſeſ her ſi brahte pin. Der mæide ir zvht deſ ver iach. Alle ſprache ſi wol ſprach. Latin. Hæideniſch. Franzoyſ. Si waſ der witze cvrtoyſ. Dyaletik vn Giometri. Jr warn di liſte bi. Von Si hiez kvndrie. Svrzir waſ ir zvͦ nam. Jndem mvnde niht zelam. Wan er geredet ir genvͦch. Vil hohe frevde ſi nider ſlvͦch Div magt witze riche. Waſ gevar dem vngeliche. Div man da hæizet Beatſchent. Ein brvtlachen von gent. Noch blawer danne ein lazvͦr. Het an ir der frevden ſchower. Daz waſ ein chappe wol geſniten.