Parzival

Parzival Transkription des Textzeugen i Wolfram von Eschenbach Parzival-Projekt Bern Parzival-Projekt Bern Bern 19.12.24 München Bayerische Staatsbibliothek Cgm 61 i

Hs. I (Gᵐ) München, Bayerische Staatsbibliothek, Cgm 61 Pergament – 130 Blätter – Format: 22 x 16 cm (Schriftraum 18 x 14,5 cm), zwei Spalten zu 33–34 Zeilen (frühgotische Buchschrift), Verse nicht abgesetzt – zweites Viertel des 13. Jhs. – bairisch – Inhalt: Wolframs ›Parzival‹ (Text beginnt mit Vers 45.3) – Abschnittsgliederung durch rote Initialen, gelegentlich rote Überschriften – Fassungszugehörigkeit: *G [*GI] – vgl. zur Hs. auch die Angaben im Handschriftencensus.

Leser Leser Rubrikator Schreiber Schreiber

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Transkribiert von OBA am Bildschirm (Fotos Studio) im Juni 2009. Die Verse 1.01-45.02 fehlen. Die Handschrift setzt erst ab Vers 45.03 ein. Autopsie am Original im Januar 2010 von OBA. Buch II Abschnitt 58.27-103.14 transkribiert von OBA am Bildschirm (Fotos Studio) im Juni 2009. Abschnitt 103.15-116.04 transkribiert von RSo am Bildschirm (Fotos Studio) im Juni 2004. Autopsie am Original im Januar 2010 von OBA. Buch III 154.01-161.30 transkribiert von SFa ab Farbfotos (Studio) am 14.04.2015. 154.01-161.30 gegengelesen von brusa ab Farbfotos (Studio) am 20. April 2015. 116.01-153.30 und 162.01-179.12 transkribiert von SFa ab Farbfotos (Studio) im Oktober 2015. 116.01-153.30 und 162.01-179.12 gegengelesen von CK ab Farbfotos (Studio) im Januar 2016. Autopsie am Original von SFa am 11.11.2015. Buch IV Abschnitt 179.13-223.30 transkribiert von OBA am Bildschirm (Fotos Studio) im Juli 2010. Achtung! Unleserliche Stellen im Bereich der Fälze. Stellen mit markiert. Überprüfung am Original steht noch aus. Autopsie am Original im März 2012 durch SFa. Kritische Stellen im Falz soweit wie möglich geklärt. Versumstellungen korrigiert. CG 01.06.2015 179.13-223.30 gegengelesen von SiLa ab Farbfotos (Studio) im Juli 2016. Buch V Abschnitt 249.1-255.30 wurde ab einer Mikrofilmkopie nach den Richtlinien von August 2002 transkribiert und am digitalen Faksimile korrigiert. Gegengelesen von RSo am Bildschirm im Mai 2004. Autopsie im August 2004. 224.01-248.30 und 256.1-279.30 transkribiert von SFa ab Farbfotos (Studio) im September 2013. Gegengelesen von JKl ab Farbfotos (Studio) im Oktober 2013. Autopsie am Original von SFa am 15.10.2014. Buch VI Transkribiert von SFa ab Farbfotos (Studio) Februar 2014. Gegengelesen von JKl ab Farbfotos (Studio) im März 2014. Autopsie am Original von SFa 15.10.2014. Buch VII Transkribiert von SFa ab Farbfotos (Studio) im Juli 2015. Gegengelesen von CK ab Farbfotos (Studio) im September 2015. Buch VIII Abschnitt 398.01-432.30 transkribiert von OBA am Bildschirm (Fotos Studio) im August 2011. Achtung! Unleserliche Stellen im Bereich der Fälze. Stellen mit markiert. Überprüfung am Original steht noch aus. Autopsie am Original durch SFa im März 2012, bis auf 57vb. Stellen im Falz bestmöglich aufgelöst. 57vb nachgetragen am 11.11.2015. Gegengelesen von SiLa ab Farbfotos (Studio) im September 2016. Buch IX Transkribiert nach einer Mikrofilmkopie nach den Richtlinien vom August 2002 von sbu. Korr. von mst bis 436.30. Bespr. den 6.1.2003. Gegengelesen am Bildschirm von RSo im Juli 2004. Autopsie durch RSo im August 2004. 453.01-455.30 transkribiert von OBA ab Farbfotos(Studio). Juli 2009. Autopsie am Original im Januar 2010 von OBA. 469.01-469.30 transkribiert von OBA ab Farbfotos (Studio). Juli 2009. Autopsie am Original im Januar 2010 von OBA. Transkribiert von 443.06-452.30, 456.01-468.30, 470.01-499.30, 502.01-502.30 ab Farbfotos (Studio) von SFa. Januar 2012. Gegengelesen von JKl, Februar 2012. Autopsie am Original im März 2012 von SFa. Buch X Transkribiert von SFa ab Farbfotos (Studio) Juli 2012. Gegengelesen von JKl ab Farbfotos (Studio) Oktober 2012. Autopsie am Original von SFa 15.10.2014. Buch XI Transkribiert von SFa ab Farbfotos (Studio). November 2012. Gegengelesen von JKl ab Farbfotos (Studio). Februar 2013. Autopsie am Original von SFa 15.10.2014. Versumstellungen korrigiert. CG 01.06.2015 Buch XII Transkribiert von SFa ab Farbfotos (Studio) im Oktober 2014. Gegengelesen von brusa ab Farbfotos (Studio) im Februar 2015. Autopsie am Original von SFa 15.10.2014. Versbezifferungen "-b" etc. zu "-a" vereinheitlicht. CG 01.06.2015, Stellen: 597.12, 599.29, 604.27, 617.18, 626.20 Buch XIII Transkribiert von SFa ab Farbfotos (Studio) im September 2015. Autopsie am Original von SFa am 11.11.2015. Gegengelesen von CK ab Farbfotos (Studio) im Oktober 2015. Buch XIV Transkribiert von SFa ab Farbfotos (Studio) im September 2015. Autopsie am Original durch SFa am 11.11.2015. Gegengelesen von CK ab Farbfotos (Studio) im Dezember 2015. Buch XV Transkribiert von RSO am Bildschirm im Mai 2004. Autopsie im August 2004. Versumstellungen korrigiert. CG 01.06.2015 Buch XVI Transkribiert von RSO am Bildschirm im Mai 2004. Autopsie im August 2004. !826.28 (fol.130ra) bei nächster Autopsie überprüfen! Versumstellungen korrigiert. CG 01.06.2015 Hs. I in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 21.04.2016. Korrekturen durchgeführt von CG am 11.11.2016. Korrekturen ergänzt von SiLa am 17.11.2016. Korrekturen ergänzt von SiLa am 14.12.2016. Autopsie am Original durch SiLa am 29.03.2017 und 11.04.2017. Korrekturen aus Autopsie eingearbeitet von SiLa am 25.07.2017. Endredaktion 1 abgeschlossen von SiLa am 06.09.2017. Endredaktion II abgeschlossen am 24.11.2017 durch SiLa. Alle -a entfernt am 4.12.2018 von MiGe MiGe, April 2019: -a, die für Verse, welche mit einer gezielten Kürzung zusammenhängen können, eingefügt. TL, am 17.07.2019: Alle ct-tags entfernt. Die Überschriften in Hs. I sind tatsächlich rot, auch wenn sie auf den Scan auf den ersten Blick nicht so aussehen. Bonath vermutet, dass die ersten zwei Überschriften der Handschrift auf den Schreiber zurückgehen, und die letzten zwei Überschriften auf einen anderen Schreiber. Die verleibenden Überschriften ordnet sie einem dritten Schreiber zu. Vgl. Bonath II S. 265. Mit roter Tinte vorgenommene Korrekturen werden durchgängig ru zugeordnet. Wol. v. Eſchenbach Heldengedicht ii dem kunch razalige. der ſhiet von dem wige. daz leiſt er wan er truͤc triwe. doch waſ ſin iamer niwe. Nach ſinem hern yſenhart. do der burcgraue innen wart. daz er waſ chomen da wart ein ſchal. dar chomen die vurſten vb̉eral. der kunginne von zazamanc. vnd ſeit im deſ briſeſ danc. Den er het al da bezalt. ze rehter tioſt het er geualt. Vier vnd zwainzec rit̉er nider. vnd zoch iriu orſ almaiſtich wider. da waren geuangen vurſten dri. den reit auch me rit̉er bi. zehofe vf den palaſ. entſhlafen vnd enbizzen was. vnd wunnechlichen gepheit. mit cleidern hart wol beræit. waſ deſ obrſten wirteſ lip. diu ê waſ magt diu iſt nu wip. diu in her vz vuͤrt an der hant. ſi ſprach min lute vn̄d min lant. iſt diſem riter vnd̉ertan. ob imſ die veinde wellēnt lan. Do wart geuolget hahmuret. einer hoͤfſlichen bet. Get her min her razalic. ir ſult kuſſen min wip. ſam tuͤt ir her chatſchier. huͤtgern den ſhotten fier. bat er ſi kuſſen an den muͤnt. der waſ von ſin̉er tioſt wūnt. er bat ſi all ſizzen. alſteind er ſprach mit wizzen. Ich ſehe auch gern den neuen min. meht ez mit ſinen hulden ſin. der in hie geuangen hat. ichn hanſ vor ſippe dehainen rat. Ich muͤz in ledig machen. die kunginne begund lachen. ſi hiez in balde bringen. dort her begunde dringen. der minnechliche beahkunt. der waſ von ein̉er tioſt wunt. vnd het ez auch da *Gut getan. *Gut getan.: unsicheres Zeichen über "u". Gatſchiͤr der norman. braht in er waſ kurroyſ. ſin vat̉er waſ ein fronzoyſ. vn̄d was Gahileteſ barn. in wibe dienſt er waſ gevarn. er hiez chlariacac. alle manne ſchoͤn er wid̉erwac. Alſ in Gahmuret erſhach. ir antluzze ſippe iach. diu warn ein and̉er vil geliche. er bat die kunginne riche. in kuſſen vn̄d vahen in zuͤ ir. er ſprach nu Genc her zuͤ mir. der wirt in ſelbe kuſte do. ſi warn zeſehen ein and̉er fro. Gahmuret ſprach auer ſan. Awe iung̉er ſuzzer man. waz wolt her din crancher lip. ſag ân gebôt dir daz ein wip. herre die gebietent wenc mir. mich hat min vet̉er Gatſchier. her braht er waiz wol ſelbe wie. ich han im tuſent rit̉er hie. die ſtent im dienſtlichen *bi. ze Rovme in Normandi. chom ich zuͤ der ſamnunge. ich braht im ~~h̉ere~~held iunge. ch vuͤr von ſhanpange durc in. nu wil chunſt vnd ſin. ir ſchaden an in chern. Irn welt euch ſelb ern. gebiet irz ſo lat in min. geniezzen ſenft ſinen pin. er ſprach den rat nim gar ziv dir. var du vn̄d h̉er Gatſchier. vnd bring Gahilet her. do wurben ſi deſ *heldeſ gêr. ſi brahten in nach ſiner bet. do wart auch er von hahmuret. vil dich vnbeuangen. vnd minnechlich enphangen. von der kunginne rîch. do chuſt den degen minechlich. ſi moht ez wol mit ern tuͤn. er waſ ir manneſ muͤ=menſun. vn̄d waſ von art ein kunc her. der wirt ſprach lachunde mer. Got wizz. her Gahilet. ob ich ev nem dolet. vnd ewer lant zeyſpanien. durc den kunc von waſhonien. der eu diche tuͦt zornſ gir. daz wer ein vntriwe an mir. ir ſit doch miner muͤmenſun. die beſten gar mit eu hie ſint. der riterſchaft herte. waz twanc evch mi*dirre verte. ſprach der ſtolz degen iunc. mir gebot min vet̉er ſhiltunc. deſ toht̉er vridbrant da hat. daz ich im dient daz wer ſin rat. er hat von ſinem wibe. hie von minem einſ libe. ſehſ tuſent riter wol bechant. die tragent werlich hant. hie warn durc in die ſhotten. die werlich rotten. Hie waſ von gruͤnlanden. helde zuͤ ir landen. zwen chunge mit ir craft. di vleut von der riterſchaft. ſi vurten im mangen chiel. ir rot mir wol geviel. hie waſ auch morholt durc in. deſ ſtrit hat craft vn̄d ſin. die ſint nu hin gekert. ſwie mich min frowe nu lert. alſo tuͤn ich mir den minen. ir ſchol min dienſt ſchinen. dune ſolt mir dienſteſ danchen nih. wand ez diu ſippe alſuſ vergiht. die vrechen helde ſint nu din. warn ſi getaufet ſam die min. vnd ander lute ſo getan. ſone wart gecronet nie dehain man. dun hetiſt im ſtriteſ gnuͤc. mich wundert waz dich her truͤc. Daz ſage mir reht vnd wie. ich chom geſt̉ern hiut bin ich hie. worden h̉erre vber al daz lant. mich vie diu chunginne mit ir hant. do w̉ert ich mich mit minnen. ſuſ rieten mine ſinne. ich wein dir hat din manlich wer. betwungen bedentwalp daz her. do meinſt daz ich dir entran. vaſte rufftſt du mich an. waz woldeſt du an mir betwingen. la mich. ſuſ mit dir dingen. Da bechand ich nih deſ anch̉erſ din. min̉er muͤmenman kandin. hat in geuuͤrt ſelten vͤz. ſo erchande auer ich wol dinen ſtruͤz. An den ſchilt ein ſh̉erpandrateſt. din ſtruz der ſtuͤnt ſunder neſt. ich ſach an dinr gelegenhait. dir waſ diu ſhich̉erhait vil lait. die mir taten zwen man. die hetenz auch da guͤt getan. mir wer liht alſam geſehen. ich wil deſ einem tiͮvel iehen. deſ fuͤr ich nimm̉er wirde vro. het er den briſ behalten ſo. An vrechen helden ſo den lip. vur zuch̉er ezzen in diu wip. Din munt mir lobſ vil vergiht. Nein ich chan geſmaichent nih. Nim anderſ mineſ dienſtes war. ſi riefen Razalîgen dar. do ſprach der kunc Gahilet. hat euch min neue Gahmuret. mit ſin̉er hant gevangen. herre daz iſt ergangen. ich han den helt da vuͤr erchant. daz im Azagoͮc daz lant. mit dienſt nimmer wirt verſpart. ſit vnſ̉er h̉erre yſenhart. Alda nih ſol crone tragen. in ir dienſt er wart erſlagen. diu iſt nu ew̉erſ neuen wip. vmb ir minn. er gap den lip. daz hat min kuſ gein ir verchorn. ich han herren vnd mâc v̉erlorn. wil nu ew̉er muͤmenſun. rit̉erliche vuͤr tuͤn. daz er vnſ wil ergezzen ſin. ſo vald ich im die hende min. So hat er êre vnd briſ. vnd all damit danchanyſ. yſenhart Gerbet hat. der gebalſamt in dem her dort ſtât. ſit im daz ſper ſin herz brach. alſ ich ſine wunden ſhach. daz ſper zoch er vz dem buͤſme ſin. An einer ſnuͤr ſidin. heinc ez hin wider der helt ſnel. vur ſin bruſt ~~ein~~an blozez vel. ez iſt nu wol mitt̉er tac. wil min h̉erre. kilyriagach. in daz her w̉erben deſ ich in bite. ſo riten im die helde mit. ein vingerlin er ſande dar. die nach der helle warn geuar. choͤmen ſwaz da vurſten waſ. zehoue fur den palaſ. do lech mit vanen hin ſin hānt. von Azagoͮc der herren lant. Ieglicher waſ ſinſ orteſ geil. doch belaip der bezzer teil. Gahmureten ir herren. die ſelben warn der êren. Nach erdrungen die vo zazamanc. mit grozz̉er vuͤr nih zecranc. vnd enphien gen alſ ir h̉erre hiez. von im ir lant vnd deſ geniez. alſ ieglichen angezoch. diu armuͤt ir hern vloch. do hete ~~protizalaſ~~Protizalaſ. der von art ein vurſte waſ. Lazzen ein herzogentuͤm. daz lech er dem der mangen ruͤm. mit ſin̉er hant beiagete. an ſtrit er nie v̉erzagete. lafiz royſcatelacunt. nam ez mit vanen da zeſtuͤnt. Von azagauc die vurſten her. den ſhotten namen huͤtiger. vnd Gantſchiern den Norman. ſi Giengen vur ir hern ſtan. der lie ſi ledic durc ſine bet. deſ ~~danchen~~danchetn ſi do Gahmuret. huͤtigern den ſhotten. ſi baten ſund̉er ſpotten. Lat minem h̉erren diz gezelt. hie vmb auentuͤre gelt. ez zucht vnſ yſenharteſ leben. daz vridbrande wart gegebn. diu gezierde vnſerſ landeſ. ſin vreude ſtuͤnt do phandes. er ſtet hie ſelb an dem re. vnủergolten dienſt im tet wê. vf erde nih ſo guͤteſ waſ. der helm von art ein Adamaſ. diche vnd herte. an ſtrit ein Guͤt geủerte. d*d o lopte huͤtegerſ hant. ſwenn er chom in ſinſ hẻrren lant. daz er ez wolde erw̉erben gar. vnd wid̉er ſenden wol geuar. daz tet er vnbetwungen. nach vrlaup do drungen. zvͤ dem kunge ſwaz da vurſten waſ. do Ruͤmten ſi den palaſ. Swie verwuͤhtſtet wer ſin lant. doch chunde Gahmureteſ hant. ſwenden ſolh̉er gabe ſolt. Alſ alle die baum truͤgen golt. er tailte groze gabe. ſinen mannen vnd ſinen magen. namen da deſ kungeſ guͤt. daz waſ der chunginne muͤt. Man ſagt vnſ daz yſenhart. kunclichen beſtatet wart. daz taten die in erchanden. den zinſ von ſinen landen. ſwaz der vergelten moht ein iar. den ſelben liezen ſi im da gar. daz taten ſi durch ir ſelb̉er muͤt. Gahmuret daz grozze guͤt. ſin volch hiez behalten. die muͤſtens ſund̉er walten. deſ morgenſ vor der veſte. do ruͤmtn ez die geſte. ſich ſchieden die da warn. vnde vurten mange barn. daz velt herb̉erge wart al bloz. wan ein gezelt daz waſ vil groͤz. daz hiez der kunc zeſeffe tragen. ſim volch er begunde ſagen. er wolde ez vuͤrn zeazagoͮc. mit der rede er ſi betrauc. do waſ al da der chuͤne man. vnz er ſich ſere ſenen began. Daz er nih rit̉erſhefte vant. deſ waſ ſin vreude worden phant. doch was im daz ſwarze wip. lieber dan ſin ſelbeſ lip. ezn wart nie wip geſhichet baz. der vrowen herz nie vergaz. irn vuͤr rehtiuͤ vuͤr mit. An rein̉er zuht wiplich̉er ſit. zeſibille vz der ſtat. waſ geborn der er da bat. dannan kerten ſi ze ein̉er wile. er het im manger mile. da vor gevuͤrt vnd braht in dar. er waſ nih alſ ein mor geuar. der marner wiſe. ſprach nu helt ez liſe. von den die tragent daz ſwarz vel. Mine chochen diu ſint ſnel. den mac niht nih genahen. wir ſuln von hinnēn gahen. ſin golt hiez er zeſheffe tragen. nu muͤz ich ev von ſaiden ſagen. die naht vuͤr dan der werde man. verholn daz wart getan. Do er entran dem wibe. do hete ſi in ir libe. zwelf wochen lebendic ein kint. vaſt traip in der wint. diu frowe in ir butelvant. einen brief den ſraip ir manneſ hant. fronzoyſ daz ſi chunde. diu ſrift ir do ſagen begunde. hie enbuͥtet liep an and̉er liep. ich bin dir dirr vert ein diep. die muͤſ ich dir durch iam̉er ſteln. ich mach dich vrowe niht verheln. wer din orden in min̉er ê. ſo wer mir imm̉er nach dir wê. Vnde han ſuſ imm̉er nach dir pin. werde vnſ̉er zwaiger kindelin. an dem libe eim manne gelich. deiſwar der wirt ellenſ riche. vnd iſt geborn von antſwauͤ. diu minne wirt ſin ~~frowe~~frawe. ſo wirt auch er an ſtrît ein ſhuͤr. den viͤnden ein h̉erter nahgebuͤr wizzen ſol der ſun min. ſin ên der hiez chandin. der lac an riterſhefte tot. deſ vater læit die ſelb̄en not. der waſ gehaizzen âdanz. ſin ſchilt belaip vil ſelten ganz. vnde waſ von art ein brituͤn. er vnde vterpandracuͤn warn zwaigerbruͤd̉er kint. die beide al hie geſriben ſint. Daz waſ einz lazaliez. brikuſ der and̉er hiez. der zwaier vat̉er hiez mazadân. den vuͤrt ein vaimurgan. diu hiez der da latſchoy. er wart ir h̉erzen poy. von den zwain chom daz geſlehte min. daz imm̉er me git liehten ſchin. Ieglich̉er ſund̉er cron truͤc. vn̄d heten w̉erdecheit genuͤc. frowe wil du taufen dich. ſo maht du wol erw̉eruen mich. deſ engert ſi deheinen wandel niht. Awi wie ſchier daz geſhit. wil er widerwenden. vil balde ſol ichz enden. wem hat ſin manlicheu zuht. verlazzen hie ſiner minne vruht. Awe vil lieblich geſelleſhaft. ſol mir nu riwe mit ir craft. imm̉er twingen minen lip. ſinēm got zern ſprach daz wip. ich mich gerne taufen ſolde. vnde leben ſwie er wolde. der iam̉er gab ir herzen wîc. ir vreude choſ den durren zwîc. Alſ noch din turteltuͤbe tuͤt. diu hat auch den ſeben muͤt. ſwenne ir an vriuntſchaft gebraſt. ir triwe choſ den durren aſt. diu vrav zerehter zit genaſ. einſ ſunſ der zwaier varwe waſ. andem got wunderſ wart ein ein. wiz vn̄d ſwarzer varwe er ſhein. Diu kunginne kuſt in ſund̉er twâl. dike an ſiniu blancew mal. diu muͤter hiez ir kindelin. Feirafiz antſcheuin. der wart ein waltſwende. die tioſt zuͤ ſinen hende. manc ſper zer brachen. vnde ſchilt durchel ſtachen. alſ ein agelſter wart er geuar. ſin har vnd auch ſin vel vil gar. nu waſ ez vb̉er deſ iarſ zil. daz Gahmuret gebriſet vil. wart daz zazamanc. ſin hant ſignunft erranc. dannoch ſwebt er vf dem ſe. die ſnellen winde im taten we. do ſach er ein ſegel roten. der chok truͤgt die gabe vnd auch die boten. die von ſhotten vridbrant. frowen bellicanen het geſant. er bat ſi daz ſi vf in v̉erchuͤr. ſwie er den mâc durch ſi v̉erluͤr. daz ſi von im geſhuchet waſ. do furten ſi den adamaſ. ſw̉ert halꝑperc vnde zwuͤ hoſen. hie mugt ir grozzez wunder loſen. daz im der choke wid̉eruuͤr. alſ im diu auentiwer ſwuͤr. ſi gabnſ im do lop auch er. ſin munt der botſhefte ein wer. wer ſwenn er chome zuͤ ir. ſi ſhieden ſich man ſeit mir. daz mer wurf in in eine habe. zeſibiligen kert̉er ab. mit Golde galt der chuͤne man. ſinen marnern ſan. harte wol ir arbeit. ſi ſhieden ſich daz waſ in leit. zeſpangen in dem lande. den kunc er wol erchande. daz waſ ſin neue Gahilet. nach dem kert er zedolet. der waſ durc rit̉erſhaft gevarn. daman ſchilt niht dorfte ſparn. Auentiwer wie gahmuret vrowen Herzenlavdn gewan. Du hiez auch er beraiten ſich. ſuſt wert diu auentuͤre mich. mit ſpern wol gemaln. von Gruͤnen zendaln. An iegeſhlichem ein banîer. dri hermin ancher dar an ſo fier. daz man ir iach vur richeit. ſi warn lanc vnde breit. vnde raichten vaſt vnz vf die hant. da man ſi zvͤ den iſen bant. nid̉erhalb ein ſpanne. der wart dem chuͤnem manne. wol hundert da bereitet. vnd wol hin nach geleitet. von ſinſ neuen luͤten. eren vnde getruten. kunden ſi in mit w̉erdecheit. daz waſ ir hern niht zeleit. Do ſtraich er im ſo lange nach. vnz er der geſt h̉erberge ſach. in dem lande ze walayſ. do waſ geſhlagen vor kanfolaiſ. vil manc pauelun vf den plan. ichn ſage ez ev nih vur wan. gebietet ir ſo iz war. ſin volch hiez er vf halden gar. vnde ſant vor im hin in. den kluͤgen knappen maiſt̉er ſin. er ſolde alſ in ſin h̉erre bat. h̉erberge nemen in d̉er ſtat. do was ſnellic gach. man zoch im ſaum̉er nach. ſin auge nind̉er huſer ſach. ſchilt warn ir and̉er dach. vnd die wende al umb hangen. mit ſpern vnbeuangen. Diu kunginne von walaiſ. geſprochen het vor ganfolaiſ. einen turnai ſo gezilt. deſ mangen zagen noch beuilt. ſwa der dem geliche w̉eruen ſhiht. von ſiner hānt ez nih ~~geſhit~~geſhiht. ſi waſ ein magt vnde nih en wip. ſi bot zwai lant vnde ei lip. der da den priſ bezalte. diz mer mangen valte. hinder daz orſ vf den ſamen. die ſolch geuelle namen. der ſhanz wart zevluſte ~~bezalt.gezalt~~geſagt. deſ phlagen helde vnủerzagt. ſi taten rit̉erſ ellen ſchîn. mit hurtechlicher rabîn. wart da manc orſ erſprenget. vnd ſw̉ert vil erchlenget. Ein ſhif brukge vb̉er einen plan. waſ gerihtet vb̉er einſ wazzerſ ſtram mit einen tor beſlozzen. der chnappe vnủerdrozzen. tet ez vf alſ im zemuͤte waſ. dar obe ſtuͤnt der palaſ. da ſtuͤnt diu kunginne. zuͤ dem venſt̉er dar inne. mit manger iuncfrowen. die begunden alle ſhawen. waz diſe knappen taten. die heten ſich beraten. ſi ſlugen vf ein gezelt. vmb vnủergolten minnen gelt. wart ſin ein chunne nih ân. deſ twanc in bellicân. Mit arbeit war vf geſlagen. daz drizzec ſaumer muͤſen tragen. ein gezelt daz zaigte richeit. do waſ der ang̉er wol ſo breit. daz ſich die ſnuͤre ſtracten dran. Gahmuret der w̉erde man. al die wil da *zez enbeiz. dar nach er ſich mit vlizze vleiz. wie er ſtolzechlichen choͤm geriten. deſ wart da nih lang̉er v̉ermiten. ſine chnappen da zeden ſtunden. ſiniu ſper zeſamne bunden. Ieglich̉er vunfen an ein bant. daz ſheſte vuͤrt er in der hant. mit einer baniere. alſuſ chom der fiere. von der kunginne wart vernomen. wie dar ein rit̉er ſolde chomen. Vz v̉erre dem lande. den niemen da erchande. in volch daz wêr kurtoyſ. beidiu haid niſ vnd fronzoiſ. ~~etſchlich̉er~~eteſchlich̉er mac ein antſcheuin. mit ſin̉er ſprache wol ſin. Ir muͤt iſt ſtolz ir wat iſt clar. wol geſnite all vur war. ich waſ ſinen chnaben bi. die ſint vor miſſewēnde vri. vnd iehent ſw̉er hab ruͤche. ob der ir hern ſhuche. den ſhaid̉er von ſwere. von im fragt ich der mere. do ſeiten ſi mir ſund̉er wanc. ez were der chunc zazamanc. diſiu mer ſeit ein garzuͤn. Avoy welch ein babilun. ew̉er crôn vnd ewer lant. wer da vur nih halbez phānt. dun bedarft mir ez ſo lobn niht. min munt hin wider deſ verieht. ez mach wol ſin einſ w̉erden man. der nih mit armuͤte kan. Alſo ſprach diu kungin. Awe wenne chumt der ſelbe drin. ir garzun ſi deſ fragen ~~bet~~bat. hofſhlichen durc die ſtat. der helt begunde ſhrechen. die ſlafunden wechen. vil ſchilde ſach er da ſchinen. die hellen puſinen. vor im mit crache gaben doͤz. von ſlegen vnd mit wurfen groͤz. zwen Tanbuͤr gaben ſchal. der galm vb̉er al die ſtat erhal. der doͤn idoch gemiſchet wart. mit floitiern vf die vart. ein reiſenot ſi plieſen. nu ſuln wir niht velieſen. wie ir herre chomen ſi. dem riten videllere bi. do leite der degen w̉ert. ein bain vur ſich vf daz phert. Zwein ſtiual vb̉er blozev bein. ſin munt alſ ein rubin ſhein. von rote alſ ob er brunne. er waſ diche niht zedunne. ſin lip waſ allenthalben clar. lieht raide loc ſin har. ſwa manz ob dem haupte ſach daz waſ ein tiur haubt dach. ein grun̉er ſamit waſ d̉er mantel ſin. einen zobel da vor gab ſwarzen ſchin. ob einem hemde daz waſ blanc. da wart von ſhawen groz gedranc. vil diche do geuraget wart. w̉er were der iunge ane bart. der vurte ſolhe richeit. vil ſchier wart daz mere breit. ſi ſeitenz in vur vngelogen. do begunden vb̉er die brukke zogen. and̉er uolch vnd die ſine von dem vil liehtem ſchiͤne. der von der kunginne ſchein. zucht er im ein bein vf daz bein. Vf rihte ſich der w̉ert. rehte alſ ein vederſpil daz Gert. diu herberge in duhte guͤt. alſ ſtuͤnt deſ heldeſ muͤt. ez dolt auch wol diu wirtin. von waloiſ diu kunigin. nu vrieſch der kunc von ſpange. daz vf der lewen plange. ſtunͤt ein gezelt daz Gahmurete. durc deſ kuͤnen Razaligeſ bete. belaip vor pantalamunt. daz tet im ein ſin rit̉er chunt. do vuͤr er ſpringende alſ ein tier er waſ der ~~frowen~~frawen ſoldier. der ſelb rit̉er aber ſprach. ew̉ern muͤmenſun ich ſach. chomen alſ er ie waſ fier. ez ſint wol hundert panier. geſtozen vur ſin hoch gezelt. zuͤ einen ſchilt vf gruͤnem velt. Die ſint auch alle gruͤn. ez hat der helt chuͤn. dri harmin anch̉er wol gemal. vf iegelichem zendal. iſt ez gezimiͤrt hie. Auoy ſo ſol man ſhowen wie. ſin lip den poind̉er wirret. wie erz mit hurtenn firret. der ſtolz kunc hardiz. hat mit hazze ſinen vliz. nu lange vaſt an mich gewant. den ſol hie Gahmureteſ hant. mit ſin̉er tioſt neigen. min ſelde iſt nih der ueigen. Sinēn boten ſande er ſan. da Gatſchier der norman. mit ſin̉er maſſenie lac. vnde der liehte kiliriachac. die warn da mit ſin̉er bet. zuͤ dem pauelun ſi mit Gahilet. fuͤrn mit geſelleſchaft. do enphiengēn ſi mit lieb̉er craft. den w̉erden kunc von zazamanc. ſi duht ein beiten gar ze lanc. daz ſi in niht ê geſahen. deſ ſi mit triwen iahen. do vragt er ſi der mere. wer der rit̉er w̉ere. do ſprach ſin̉er muͤmenkint. vzer verrem lande hie ſint. rit̉er die diu minne iagt. vil chuͤner helde vnủerzagt. Hie hat vil mangen pritun. Royſ vter prandiguͦn. ein mer in ſtichet alſ ein dorn. daz er ſin wip hat verlorn. diu Artuſeſ mut̉er waſ. ein phaffe der wol zaub̉er laſ. mit dem iſt diu frowe hin gewant. dem iſt artuſ nach gerant. ez iſt nu daz dritte iar. daz er ſuͤn vnde wip v̉erloſ vur war. hie iſt auch ſin̉er tohter man. der wol mit rit̉erſhefte chan. loht von norwege. gegen valſchait der trege. vnde der ſnell gegen dem briſ. der ſtolz degen wîſ. hie iſt auch Gawen der ſuͦn. ſo cranc daz er nih mac getuͦn. Rit̉erſhaft deheine. er waſ bi mir der cleine. Vnd giht meht er einen ſhaft. zerbrechen troſt in deſ ſin craft. er worht gern riterſ tat. wie vruͤ er ſin begunnen hat. hie habnt die von patrigalt. von ſperen einen ganzen walt. der vuͤr iſt wider die ein wint. die hie von portigale ſint. die haizzen wir die vrechen. die welnt durch ſchilte ſtechen. hie habent die provenzal. ſcilte wol gemal. hie ſint die walleiſe. daz ſi behabent die reiſe. durc den poinder ſwa ſiſ gernt. vor der craft ir landeſ ſi deſ wernt. hie iſt manc rit̉er durc diu wip. deſ nih erchennen mach min lip. wan die ich dir genennet han. wir ligen mit warhait ſunder wan. Mit grozz̉er vuͤr in der ſtat. alſ vnſ diu kunginne bat. ich ſag dir wer zeuelde ligt. die vnſ̉er ſtrit vil ringe wigt. deſ w̉erde chunc von aſchalun. vnd der vreche kunc von arragun. da iſt zitegaſt von orileiſ. vnd der chunc von pontorteiſ. der haizet brandelidelin. hie iſt der kunc lehelin. da iſt morholt von irlant. der bricht vnſ ab gebiu phant. hie ligent vf der plany. die ſtolzen almange. der herzoge von brabant. iſt gestrichen in dizze lant. Durc den kunc hardizen. ſin ~~weſt̉er~~sweſt̉er alizen. gab im der chunc von Gatſchon. ſin dienſt het vor enphangen lon. die ſint mit zorn hie gein mir. nu ſol ich wol getruwen dir. Gedench an die ſippe din. durch rehte triwe wart min. do ſprac der chunc von zazamanc. dun darft mirſ wizzen dehainēn danc. ſwaz dir min dienſt zeern tuͤt. wir ſuln haben einen muͤt. ſtet din ſtruz noch ſund̉er neſt. du ſolt dinen ſherpandrateſt. Gein ſim halbn grifen tragen. min anch̉er vaſte wirt geſhlagen. durch lendenſ in ſinſ poinderſ hurt. er muͤz ſelbe ſchuchen vurt. hind̉er daz orſ vf dem griezze. der vnſ zeſamen liezze. ich valt in oder er valte mich. deſ w̉er ich an den triwen dich. Gailet ze herbergen ræit. mit grozzen vreuden ſund̉er leit. ſich huͤb ein groiern. von zwain helden fiern. von poitau ſcrinarz. vnd gurnemanz von zgraharz. die tioſterten vf den plan. ſich huͤb diu veſprie ſan. hie riten ſheſh dort wol dri. den fuͤr vil liht ein troppel bi. die begunden reht̉er riterſ tât. deſ waſ et do dehain and̉er rat. ez waſ dannoch wol mitt̉er tach. der h̉xere in ſim ~~zelte~~gezelte lach. Do vrieſh der chunc von zazamanc. daz die poind̉er wit vnd lanc. zeuelde warn worden. all nach riterſ orden. er huͤb auch ſich deſ endeſ dar. mit mang̉er banier lieh geuar. ern kert ſich nih an gæheſ ſpehen. er wolde muͤzzechlich beſehen. wie ez zebeid̉er ſite w̉er getan. ſin teppich leit er vf den plan. da ſich die poind̉er wurren. diu orſ von ſtichen churren. von knappen wart vmb in ein rinc. von ſw̉erten grozz̉er chlinga chlinc. wie ſi nach priſe rungen. der klingen alſuſ chlungen. Von ſpern waſ groz crachen da. ezn dorft niemen vragen ~~da.~~wa. poind̉er warn ſine wende. die worhtan riterſ hende. diu riterſchaft ſo nahen waſ. daz die vrawen vf dem palaſ. Shahen all ir arbeit. do waſ der kunginne leit. daz ſich der chunc von zazamanc. da bi den andren nih endranc. ſi ſprach awe war iſt er chomen. von dem ich wunder han vernomen. ez wart da hart guͤt getan. von mangem chvͤn arm man. die doch der hohe gerten niht. der der chunginne zil v̉ergiht. ir libeſ noch ir lande. ſi gerten anderr phande. Nu waſ Gahmureteſ lip. in harnaiſch da ſin wip. wart ein̉er ſuͤne bi gemant. daz ir von ſhotten vridbrant. zegelte ſande vur ir ſchaden. mit ſtrite het erſ vb̉erladen. vf erde nih ſo guͤteſ waſ. do ſhawet er den adamaſ. daz waſ ein heln dar vf man bant. ein ancher da man inne vant. vur wiert edel ge ſteine. groz nih zeclein. daz waſ idoch ein grozz̉er laſt. gezimiert wart der gaſt. wie ſin ſhilt geheret ſi. von golde vz arabi. ein richeu buchel druf geſhlagen. ſw̉er die er muͤſte tragen. diu gab von rote ein ſolhen prehen. daz man ſich drinne het erſehen. ein zoblin anch̉er drunde. mir ſeben ich wol gunde. deſ er het an ſinen lip gegert. wand ez waſ manger march wert. Nu waſ auch royſ der vranze tot. deſ wip in dich in groz not. braht mit ir minne. diu werde chunginne. het darumb dar geſant. ob er wider in daz lant. wer chomen von der haidenſhaft. deſ twanc ſi grozzer liebe craft. ſin wapenroͮc waſ hart wut. ich wene niht daz ſo guͤten ſit. ieman zeſtrite vurte. ſin lenge den tepich ruͤrte. ob ichz rehte bruͤven chunde. er ſchein reht alſ ob hie brūnne. bidernaht ein kerzen viwer. verblichen varwe waſ in tiw̉er. Mit golde er gebildet waſ. daz zemuntange in Gaugelſhaſh. ab einem velſe zarten. crifen cla die ez bewarten. vnd ez noch hiute al da bewarnt. von arabi luͤte varnt. die erw̉erbent ez mit liſten da. ſo tiwerz iſt ninder and̉erſwa. vnd vuͤrnt ez wid̉er zearabî. da man die gruͤnen achmardi. wurchet vnd die phelle breit. and̉err wat vngelich ſo man ſeit. den ſchilt nam er zehalſe ſan. hie ſtuͤnt ein orſ wolgetan. gewapent vaſt vnz vf den ~~vuͤz~~huͤf. hie garzun ruͤofa ruͤf. ſin lip ſpranc druf wande erz da want. vil ſtarch̉er ſper deſ heldeſ hant. mit ſiner hurt verſwande. die poinder er zertrande. ein halb in and̉erthalb vͤz. dem anch̉er volget nach der ſtruͤz. Gahmuret ſtach hind̉er daz orſ. potewunen von brinlaſcorſ. vnd ander mangen w̉erden man. andem ſicherhait gewan. ſwaz da armer rit̉er reit die gnuzzen ſiner arbeit. diu gewunnen orſ diu gab er in. an im lac goz. ir gewin. gelicher baniere. man vurt gein in vier. chuͤn rottēn riten drunden. ir ~~h̉ereren~~heren ſtriten chunden. an ielich̉er einſ griffen zagel. vn̄d daz andertail auch waſ ein hagel. Gein riterſhaft deſ warn die. daz vordertail deſ griffen hie. der chunc von Gaſhoni truͤc. an ſim ſhilt ein rit̉er cluech. Gezimiert waſ ſin lip. alſ wol bruͤven kunden wip. Der nam ſich von den andren vͤz. do er vf dem helm ſach den ſtruͤz. der ancher chom doch vor an in. do ſtach in hinder daz oͤrſ dort hin. der w̉erde chunc von zazamanc. vnde vienc in da wart groz gedranc. hohe vurhe ſleht ge tennet. mit ſw̉erten vil bechlenget. da wart v̉erſwendet der walt. vnd manc rit̉er ab geualt. ſi wunden ſich ſuſ hort ich ſagen. hin anden ort dort hielten zagen. Der ſtrit waſ noh ſo nahen. daz gar die vrowen ſahen. wer da mit briſe ſolde ſin. der minn gernde ribalin. von deſ ſpern ſnit ein niwiu leiſ. daz waſ der chunc von iohaneiſ. ſin hurte gaben crache ſchal. morholt in ein riter ſtal. vz dem ſatel er in huep. daz waſ ein vngevuͤg̉er vͤp. der hiez kaliriacac. von dem het der chunc lach. da vor enphangen ſolhen ſolt. den eruallende vf d̉er erde holt. vnde het ez auch da guͤt getan. do luſt diſen ſtarchen man. daz er in twunge ſund̉er ſwert. alſuſ vienc er den degen wert. hind̉er daz orſ ſtach kaileteſ hant. den herzogen von brabant. der vurſt hiez lamizin. waz do taten die ſin. ſi beſhutten in mit ſw̉erten die helde ſtriteſ gertten. do ſtach d̉er chunc von arragun. der alt vtrepandagun. hind̉er daz orſ vf die planie. der chunc von britanien. do ſtuͤnt dabluͤm̄en vil vmb in. awe wie gefuge ich doch bin. daz ich den w̉erden britaneiſ. ſo ſchoͤn leg vur champoneiſ. da nie getrat vilanſ vuͤz. ob ich ez reht ſagen muͤz. niemen me ez da geſhit. ern dorft ſin geſezzen niht. vf dem orſ da er ê da ſhaz. niht lang̉er man ſin da vergaz. in beſhutten die vmb in da riten. da wart groͤz hurten nih v̉ermiten. do chom der chunc von pontturteiſ. da wart alda vor chanpoleiſ. Geualt vf ſinſ orſeſ ſla. daz er da nid̉er lac alda. daz tet der ſtolz Gahmuret. weta herre wetta wet. mit ſtrit wurden ſi geweten. ſin̉er muͤmenſun Gahileten. viengen punturteiſe. do wart vil ruͤch diu reiſe. do der chunc brendelidelin. wart gezuchet von den ſin. ein and̉ern kunc ſi viengen. hie liefen vnde giēngen. manc w̉ert man in iſenwat. den Galunt wart ir brat. Mit tretten vnd mit koln. ir velt truͤc ſwarz buln. die helde gehiure. erwurben qualſ kuͤre. ich ſagz ev nih vur wehe. da wart diu ruͤwe ſmehe. die w̉erden twanc ir minne dar. mangen ſchilt wol geuar. vnd mangen gezierten helm. deſ dach da worden waſ der melm. daz velt etſwa gepluͤmet waſ. kurz. chlein gruͤne graſ. da vieln vf die w̉erden man. den diu êr entail waſ getan. doch chan min gir die wunſche doln. daz ich geſaz vf den voln. Do reit d̉er kunc von zazamanc. her dan da in niemen dranc. nach eim orſ daz geruwet waſ. man bant von im den adamaſ. Niwan durc deſ windeſ luft. vnd anderſ dehain guft. man ſtrichet im ab ſin herſnier. ſin ~~muͤt~~muͤ̄nt waſ rot vnd fier ein wip die ich ê genennet han. dort her chom ein ir kapelan. vnd clein̉er iunch̉erren dri. den riten ſtarche chnappen bi. zwen ſaum̉er zugen ſi and̉er hant. die boten het dar geſant. diu kunginne anpheliſe. ir chappelan waſ wiſe. vil ſcier erchande er diſen man. in ~~fronzoyſ~~franzoyſ gruzt er in ſan. Bencſheueni min ſir. min̉er frowen vnde mir. daz iſt roine diu franz. die rurt din minnen ſhanz. Dem helde gab er in die hant. einen brief dar an er gruͤzzen vānt. vnde ein clainez ving̉erlin. daz ſolt ein war geleite ſin. wan ez enphienc diu frowe. von dem antſchawe. er neich do er die ſrift erſach. nu hort wie diu ſprach. dir enbiut minn vnd gruͤz. dem nie wart chunberſ buͤz. ſit ich diner minn enphant. din minn iſt ſloz vnde bant. minſ h̉erzen vnde deſ vreude. din minne tuͤt mich deunde. ſol mir din minne vêrren. ſo muͤz mir minne w̉erren. chum wid̉er vnd nim von miner hant cron zepter vnd daz lant. Daz iſt mich an erſtorben. daz hat din minne erworben. hab dir zeſoldiment. diſe riche p̉reſente. diſiu vier ſaum ſrin. du ſolt auch min riter ſin. in dem lande zewalaiſ. von der haupt ſtat zeganfoloiſ. Ichn ruͤch ob ez diu kunginne ſiht. ezn mac mir vil gew̉erren niht. ich bin ſchoͤner vnde richer. vnd chan auch minneclicher. minne enphahen vnd gebn. wil du nach w̉erder minne lebn. ſo hab dir min crone. nach minne zelone. Andem briefe er nih mer vant. ſin h̉erſnier einſ chnappen hant. wid̉er vf ſin haubt zoch. Gahmureten truren vloch. man bant im vf den adamaſ. der diche vnd hert waſ. er wolt ſich arbeiten. die boten hiez er leiten. durc rūen vnd̉er daz baieluͤn. ſwa gedrenge da macht er in rum. dirre verloſ ein̉er gewan. da moht erholn ſich ein man. al het er v̉erſumet ſine tat. alda waſ gnuͤcer rat. ſi ſolden tioſtiern. mit hurten buniern. Si gelauptan ſich der ſtiche. die man da heizet vriundeſliche. haimlich gevat̉erſchaft. wart da zerfruͤret mit zornſcraft. da wart diu crunbe ſelten ſleht. man ſprach da ſelten riterſ reht. ſwer iht gewan der habt im daz. ern ruch het ſin der ander haz. ſi warn vͤz verren landen. die da mit ir handen. ſchilteſ ampt worhten. vnde ſaden wenc forhten. do wart auch von Gahmuret. Geleiſtet anphaliſen bet. daz er ir rit̉er w̉ere. ein brief ſeit im daz mere. Auoy do wart er lazen an. ob minne vnde ellen in deſ man. groͤz lieb vnd ſtarcheu triwe. ſin craft im vrumt al niwe. Nu ſach er wa d̉er chunc lot. ſinen ſhilt gein der hert bot. der waſ vil nach alumb gewant. daz w̉erte Gachmuretiſ hant. mit hurt er den poind̉er brach. den kunc von arrogûn er ſtach. hinder daz orſ mit einem rôr. der chunc ſhiuilor. der ſper waſ ſund̉er banier. da mit valt er den degen fier. er braht ez von der heidenſchaft. die ſinen w̉ertten in mit craft. idoch vienc er den w̉erden man. die inren taten die vzren ſam. vaſt riten vberuelt. die veſprie gab ſtriteſ gelt. ez ~~mollt~~molht wol ſin ein turnei. da lac mangeſ ſper enzwei. Do begunde zurnnen lehelin. ſuln wir alſuſ entêret ſin. daz machet der den anch̉er treit. vnſ̉er ainweder den andren leit. noch hiut da er vnſanfte ligt. ſin hant vnſ vil nach hat angeſigt. Groz hurten gab in rumeſ vil. do gienc ez vber der chinde ſpil. ſi worhten mit ir henden. daz den walt begunde ſwennen. daz waſ gelich ir beider ger. ſpera h̉erre ſpera her. do muͤſt dulten lehelin. einen ſmehlichen pin. ~~ein~~dein ſtach der chunc von zazamanc. hinder daz orſ wol ſꝑperſ lanc. daz in den rôr geſiffet ~~wart~~waſ. ſin ſich̉erheit er an ſich laſ. doch lêr ich ſanft̉er ſuͤzze birn. ſwie die rit̉er vor in riren. deder groier da vil mang̉er wielt. ſwer hie gein ſiner tioſt hielt. Hie chūmt der anch̉er fi a fi. Gein im chom gehurtet pi. ern vurſt vz antſchauwe. diu riwe waſ ſin vrowe. mit vfgekerten ſpizze. daz lert in iam̉erſ wizze. diu wappen er bechande. warumb er von im wande. welt *ir ich beſhaid evch deſ. ſi Gab der ſtolze galoeſ. Fili royſ chandin. der vil liebe bruͤd̉er ſin. da uor im diu minne erwarp. daz er an einer tioſt erſtarp. man bant im ab ſinen heln. weder daz orſ noch der melm. ſinen ſtrit da nind̉er bant. groz iamer in deſ mant. mit ſinen ſinnen er bâchte. warumb er niht dicher vrâgte. Gahileten ſiner muͤmenſun. waz ſin bruͤd̉er wolde tuͤn. Daz er niht turnierte hie. don weſt er laͥder rehte wie. er ſtarp ~~von~~vor muntorie. da vor waſ im ein chunber bie. demriet ein w̉erdiu minne. einer richen kunginne. diu chom auch ſit von im in not. an clagenden riwen lac ſi tot. Gahmuret waſ auch mit chlage. doch het er an dem ſelben tage. gevrumt ſo vil der ſper ein zwai. vnd w̉ere worden der turnai. ſo wer verſwendet der walt. hund̉ert ſper im wart gezalt. diu gar vertet der fier. ſin lieht panier. den Groierern warn worden. daz waſ wol im mer orden. do chert gein der pauilun. der chungin Garzun. huͤp ſich nach im vf die vart. der tiuͤr wapenroch ~~in ben.~~im wart. durc ſtochen vnd verhawen. den truͤc er vur die frowen. der waſ dannoch von Golde guͤt. vnd glaſt alſ ein gluͤndiu gloͮt. dar an choſ man richeit. do ſprach diu kunginne gemeit. dich hat ein werdez wip ~~erchant.~~geſant. bi diſem rit̉er in daz lant. nu mant mich diu vuͤge min. daz die andern niht verchrenchet ſin. diu die auenture brahte dar. ieglicher nem minſ wunſcheſ war. ſi ſint mir ſippe. von Adamſ rippe. doch wen ich Gahmureteſ tat. den hoſten briſ behalten hat. die andern taten riterſhaft. mit ſo getan̉er zornſ craft. daz ſiz wielchen vaſt vnz in die naht. die inren hetn die vzren braht. mit zorn vnd̉er die pauilûn. wan der chunc von arraguͤn. vnde morholt von irlant. durc die ſnuͤr in wer gerant. da wart gewunnen vnde verlorn. gnuͤge heten ſchaden erchorn. die andren briſ vnd êre. nu iſt zit daz man ſi chêre. von einand̉er nieman da geſhit. ſin w̉ert der phander liehteſ niht. Uer ſolde auch vinſterlinge ſpiln. ezn mohte die muͤden wol beuiln. der vinſter man vil vergaz. da min her Gahmuret ſhaz. alſ ez wer tach daſ waſ ez niht. da warn ſuſ vngevuͤgiu lieht. von chleinen cherzen manec ſhaup. geleit vf olbaumeſ laup. vn̄d manc gulter riche. geſtrechet vlizchliche. da vur manc tepich breit. diu kunginne an die ſnuͤre reit. mit manger iuncfrowen. ſi wolde gerne ſhawen. den werden chunc von zazamanc. vil muͤder riter nach ir dranc. Diu tiſlachen warn ab genomen. do ſi vnder die pauilun warn chomen. der wirt ſpranc vf vil ſchier. vnde geuangern riter vier. den vuͤr auch etſlich vurſte mit. do enphienc er ſi mit zuhtechlichem ſite. er geviel ir wol do ſi in ſhach. diu kunginne mit vreuden ſprach. ir ſit hie wirt da ich evch vant. ſo bin ich wirtin vber daz lant. geruͤcht ir daz ich evch chuſſen ſol. ez iſt mit minem willen wol. ew̉er kuſ ſol weſen min. mugen diſe h̉erren gechuſſet ſin. Sol chunc oder vurſte deſ enbern. ſon getar ichſ von ev niht gern. ſi ſprach daz ſol auch geſhehen. ichn han ir dehainn ê geſehen. ſi chuſt all die ſin warn wert. deſ het Gahmuret gegert. erbat ſizzen die chungin. min her brandalidelin. mit zuhten zvͤ der vrowen ſaz. Gruͤn pimz von tawe naz. ~~dunn~~dunne vf den tepich waſ geſtreut. dar vf ſaz der ſich hie vreut. diu w̉erde waleiſinne. ſi twanc idoch ſin minne. der ſaz vor ir ſo nahen nid̉er daz ſi in begreif vnd zoch in wid̉er Anderthalp an ir lip. ſi waſ ein magt vnd niht ein wip. diu in ſo nahen ſizzen liez. nu horet wie diu hiez. Diu kunginne herzelaude. vnde ir bâſ riſchoide. frov herzenlaude gabt den ſhinͤ. warn erloſcen gar die cherzen ſin. da wêr auch lieht von in genuech. wan daz ez grozzer iam̉er vnderſluͤc. diu hohe an ſiner vreuden breit. ſin minne warn ir vil bereit. ſi ſprachen gruͤz nach zuhte kuͤr bi ein̉er wile giengen ſchenchen vuͤr. mit Gezierde von azagoͮc. dar an groz richait nienen trauͮc. die trugen iuncherren in. iz muͤſen tiw̉er nephe ſin. von edelem geſteine. wit nih zechleine. ſi warn all ſund̉er golt. daz waſ deſ landeſ zinſeſ ſholt. Den yſenhart vil dikke boͤt. frowēn bellicanen vur grozze not. man bot ir daz trinchen dar. in mangem ſtain wol gevar. Smaraide vnd ſardin. etlich̉er waſ ein rubin. vuͤr daz pauilun do reit zwen rit̉er vf ſich̉erheit. die warn hin vz geuangen vnde chomen hin in gigangen. daz waſ ein̉er Gahilet. er ſach den kunc Gahmuret. ſitzen alſ er vnvro. er ~~ſprah~~ſprach wie gebareſt du ſo. din briſ iſt doch da vuͤr erchant. ~~frow~~frowe h̉erzenlavde vnde ir lant. din lip hat betwungen. deſ iehent dir all die zungen. ez ſi britun od̉er yriſk man. od̉er ſw̉er hie weliſch ſprache chan. fronzoyſ vnd brabant. die iehent vn̄d volgent din̉er hant. daz dir an ſo gewanden ziln. Gelich nieman muge ~~geziln.~~geſpiln. deſ liſ ich hie den warn brief. din craft mit ellen do nih ſlief. do diſe helde chom̄en in not. der hant nie ſich̉erhait gebot. D̉er ſtolz brandelidelin. vnde der chuͤn lehelin. hartiz vnde ſcaphilor. owe vn̄d Razalic der môr. den du vor patelamunt. tete fianz chunt. deſ g̉ert den briſ an ſtrite. der hoch vnd̉er wite. xin frowe mach wenen daz du Tobſt. daz du mich vor ir ſo lobſt. dun maht min doch verchaufen niht. wan etwer wande et an mir ſiht. dinem munde iſt lobſ zevil v̉ernomen. ſag an wie biſtu wid̉erchom̄en. diu w̉erde diet von ponturtoyſ. hat mich vnd diſen ſchanponois. Lazzen ledich vb̉eral. morholt der minen neuen ſtal. von dem ſol er ledec ſin. mach nin h̉er brandalidelin. w̉erden ledec von diner hant. wir ſin noch anderſ beide phant. ich vnde min̉er ſweſt̉er ſuͤn du ſolt an vnſ genade tuͤn. hie iſt ein veſperi erliten. daz turniern wirt v̉ermiten. an dirre zit vor kanfolaiz. die rehten warhait ich deſ wei*weiz. Harduz d̉er h̉erre ſitzet hie. nu ſich er wa von vnde wie. ſi vnſ mohten vor gehalten. du muͤſt michelſ briſeſ walten. diu kunginne ſprach zuͤ Gahmuret. von herzen ein ſuzze bet. ſwaz minſ rehteſ an ev ſi. da ſult ir mich lazen bi. dar zuͤ min dienſt genade gert. wirde ich d̉er bet hie gew̉ert. ſol mir daz briſ v̉erchrenchen. ſo lat mich ſund̉er wenchen. der chunginne anphiſen. der kuſchen vnd d̉er wiſen. Vf ſpranc balde ein kappelan. in ſol zerehte han. min frowe diu mich her in daz lant. hat nach ſin̉er minne geſant. ſi leb nach im in liebeſ lêr. ir minne hat an im gewêr. ſi ſol behalten ſin lip. wande ſi iſt im holt vur elliu wip. hie ſint irboten furſten dri. driu kint uor miſwende vri. der haizzet ~~ein~~ein̉er. von lanzidant. von hoh̉er art vz granlant. der iſt her zekairingen chomen. vnde hat die ſprach an ſich genomen. der and̉er haizzet. liadarz. fily chunt de ſchialarz. w̉er d̉er dritte w̉ere. deſ ſeit er auch ein mêre. deſ muͤt̉er hiez beaflurſ. vnd ſin vat̉er Gauſamurſ. die warn vond̉er phain art. daz kint hiez liekurteltart. diu liephen ellev driu vur in. ſi ſprach h̉erre haſt tu ſin. dir zelt Roy de franze. die w̉erden minne ſhanze. ſo mahtu ſpiln ſund̉er phant. din vreude iſt chunb̉erſ ledec zehant. Diu botſchaft waſ auch v̉ernomen. Gahilet der ê waſ chomen. ſaz d̉er kunginne vnd̉er deſ manteſſ ort. ſi ſprach zuͤ zim diſiu wort. ſage an iſt dir iht me geſhehen. ich han ſlege an dir geſehen. do begreif im diu gehiw̉re. ſin quaſkure. mit ir liehten handen wiz. an den lac d̉er goteſ vliͤz. do waſ im zemaſciert. vnd ſere zequaſciert. hufel chinne vnd ander naſen. er het d̉er kunneginne baſen. diu diſ êr an im begienc. daz ſi in mit handen zuͤ ir gevienc. ſi ſprach mit zuht lere. ze Gahmureten mere. diu w̉erde fronzoiſinne. ev vaſte biutet ir minne. Nu ert an mir elliu wip. vnde lat zerehte minen lip. ſit hie vnz ich min reht genem. ê ir lat mich in reht̉er ſchæm. daz lopt ir d̉er w̉erde man. ſi nām vrlaup vnd vuͤr von dan. ſi hueb Gahilet d̉er degen w̉ert. ſund̉er ſhamel vf ir phert. vnd chert von ir wid̉er in da ervant die vreude ſin. er ſprach zehardize. ew̉er ſweſt̉er alize. mir minne bot die nam ich da. diu iſt beſtatet and̉erſwa. w̉erdechlich̉er dan zvͤ mir durc ew̉er ~~chuht~~czuht lat zornſ gir. ſi hat d̉er furſt lambekin. ſol ſi nih gecroͤnet ſin. ſi hat doch w̉erdecheit bechant. henoͮwe vnde brabant. ir dient vnde manich rit̉er guͤt. chert mir zegruͤz ew̉ern muͤt. lat mich in ew̉er hulden ſin. nemt hin wid̉er den dienſt min. der kunc von kaſchonie ſprach. alſ im ſin manlich ellen veriach. ew̉er rede waſ ie ſuzze. d̉er evch dar vmbe gruͤzze. dem ir laide habt getan. der wolde ez doch durc vorhte lan. mich viench ew̉er muͤmenſun. der chan an niemen miſſetuͤn. ir w̉erdet wol ledic von Gahmuret. daz ſol ſin min erſtev bet. Swenne ab̉er ir unbetwungen ſit. ſo gelept min dieneſt wol die zit. daz ir mich wol zevriunde nemet. ir meht evch ê wol haben v̉erſchæmt. Swaz halt mir von ev geſiht. mich enſluͤg ew̉er ſweſt̉er niht xer rede ſi lacheten vb̉eral. doch wart getruͤbt in d̉er ſchal. den wirt ſin triwe manthe. daz er ſich ſere ſent. Jamer iſt ein ſherph̉er gart. ir ieglich̉er innen wart. daz ſin lip mit mit chunb̉er ranc. iii vnde al ſin vrede waſ zechranc. do zurnte ſin̉er muͤmenſun. er ſprach du chanſt vngevuͤge tuͤn. nein ich muͤz bi riwen ſin. ich ſene mich nach d̉er chungin. die ich liez ze patelamunt. von d̉er iſt min h̉erze wunt. von rain̉er art ein ſhuzze wip. ir w̉erde chuͤſch minen lip. nach ir minne iam̉erſ mant. ſi gab mir lip vnd lant. mich tuͤt vro bellicân. manlich̉er vreuden ân. Ez iſt idoch vil manlich. ſwer minnen wancheſ ſhamet ſich. der vrowen huͦt mich vf bant daz ich nih rit̉erſhefte vant. der han ich hie ein teil getan. nu went min vnwiſe man. daz mich ir ſw̉erze iagete dan. die ſach ich vur die ſunen an. ir wiplich briſ mir vuͤget leit. ſi iſt ein buͮchel ob d̉er warheit. ich muͤz einz vnd daz ander clagen. ich ſach minſ vat̉er waphen tragen. mit vfgech̉ertem ort. weawe mir dirre wort. Diu rede wart nu iamerchlich. von wazz̉er wurden diu augen rich. dem w̉erden ſpangole. haia kunginne anphole. durc dine minne gab den lip. Galoeſ den elliu wip. von h̉erzen clagen ſolten. mit triwen ob ſi wolten. daz ir ſit brehte. lop ſwa manſ gedehte. kunginne von anferre. ſwie wenc ez dir w̉erre. den mâc ich doch durc v̉erloſ. d̉er rit̉erlichen ende chôſ. an ein̉er tioſt diu in ſluͤc. do er die cleinode truͤc. Furſten die die geſellen ſin. tuͤt h̉erzechlich klagen ſchin. ſi habent ir ſhilteſ breit. nach iam̉erſ geleit. zuͤ der erden gechert. groz trurn ſi lert. alſ tuͤnt ſi rit̉erſchaft. vn̄d ſint v̉erladen mit iamerſ craft. ſit Galoeſ min̉er muͤmenſuͤn. nach minne dienſt niht ſolte tuͤn. Do er gevrieſch deſ brud̉er tot. daz waſ ſin andriu not. mit iam̉er ſprach diſiu wort. wie hat ſuſ minſ anch̉erſ ort. in riwe ergriffen lendes habe. der wappen tet er ſich do ab. Groz riwe im herteſ chunberſ iach. der h̉erre vz grozzen triwen ſprach. von antſchoͮe Galoeſ. vurbaz endarf nieman fragen deſ. ezn wart nie manlich̉er zuht. geborn reht̉er milte fruht. vz dim h̉erzen bluͦt. nu erbarmt mich diu guͦt. er ſprach ze Gahilete. wie gehabt ſich ieſkutte. min muͤter froͮden arme. daz ez got erbarme. daz ir erſtarp candin. vn̄d Galoeſ der bruͤd̉er min. vnde ſit ich bi ir nih enſhach. der tot ir auch h̉erze brach. do ſprach der kunc hardiz. nu chert an manhait ew̉ern vliz. ob ir manhait chunnet tragen. ſo ſult ir leit zerehte chlagen. do waſ ſin chunb̉er al ze groͤz. ein guſſ im von den augen vloͤz. er ſhuͤf den ritern ir gemach. vnd gie da er ſin kamariͤe ſhach. ein wenic Gezelt von ſamit. die naht er dolt iam̉erſ ſit. Deſ morgenſ do d̉er tach erſhein. ſi wurden allgelich enein. die inren vnd daz vzer her. daz da waſ mit ſtritlich̉er wer. ſi w̉ern iunc od alt. od̉er broͤde od̉er balt. ſin ſolten tioſtiern niht. do ſhain der mitte morgen lieht. ſi warn mit ſtrit alſuſ v̉erriben. vnde diu orſ alſuſ mit ſporn v̉ertriben. daz al die w̉erde rit̉erſhaft. twanc idoch der muͤde craft. diu kunginne reit do ſebe. nach den w̉erden hin zeuelde. vnd furt ſi mit ir in die ſtat. die beſten ſi dort inne bat. daz ſi zuͤ ir lewen plangen riten. da wart diu bet nih v̉ermiten. ſi fuͤrn da man miſſe ſanc. den trurigen von zazamanc. xo d̉er benediz do wart getan. vro h̉erzenlaude chom do ſan. an Gahmuretes lip ſi ſprach. vnde gert alſ ir diu volge iach. do ſprach er frow ich han ein wip. diu mir iſt lieber dan min lip. ob ich der ane w̉ere. dannoch wiſ ich ein mere. da mit ich ev enbreſte gar. nem iemen minſ rehteſ war. ir ſult die morinne. lan durc mine minne. deſ taufeſ ſegen hat groze craft. nu anet evch der heidenſhaft. vnde minnet mich nach vnſerr ê. mir iſt nach ewerr minne wê. od̉er ſol mir Gein ev ſade ſin. der fronzloiſer kungin. Der boten ſprachen ſueziu wort. vnde ſpilten ir mer biz anden ort. er ſprach diu iſt min frowe. ich braht in antſchoͮe. er rat an min̉er zuht ſite. mir wont noch hiut ir helfe mit. da von daz mich min frowe zoch. diu ~~wibeſſewende~~wibemiſſewende vloch. wir warn chint beidiu do. vnde doch zeſhehen an and̉er do froͤ. diu kunginne anphiſe. wont in wibeſ briſe. mir gab diu gehiure von lande die beſten ſtiure. do greif ich willechlichen zuͤ. ich waſ do ermer danne nu. zelt mich nu vur die armen. ich ſol ev frowe erbarmen. mir iſt min w̉erde bruͤd̉er tot. durch ewer zuht lat mich an not. kert minne da diu freude ſi mir wont nih wan chunb̉er bi. Lat mich den lip niht lang̉er zern. ſagt an wie woltet ir evch erw̉ern. ich ſage nach ew̉er vrage ger. ez wart ein turnai da her. ge ſprochen deſ en wart niht. manc geziuc mir deſ giht. den hat diu veſꝑperi ſo gelemt. daz die vrechen ſint gezemt. daz d̉er turnay da von verdarp. ewerr ſtate w̉er ich warp. mit den die ez guͤt habent getan. ir ſult mich notrede erlan. ez tet hie manec rit̉er baz. ew̉er re iſt gein mir laz. niwan ew̉er gemain̉er gruͤz. ob ich den von ev enphahen muͤz. alſ vnſ diu auenture ſagt. do nam der rit̉er vnv̉erzagt. einen rihter vnb ir beid̉er chlag. do nahent ez dem mittem tag. an ſprach ein vrteil da zehant. ſwelch rit̉er helm da vf haubet bant. der her durc rit̉erſchaft waſ chomen. hat er den briſ hie genomen. den ſol diu kunginne ~~gie~~hie han. deſ wart ein vrtailde getan. ſi ſprach h̉erre nu ſit min. ich tuͤn ev dienſt nach hulden ſchin. vnde vuͤg ev ſolh̉er vreuden teil. daz ir nach ~~vreud~~iam̉er w̉erdet geil. er het idoch von iam̉er bin. ez waſ deſ abrellen ſchin. zergangen dar nach chomen waſ. churz clein Gruͤnz graſ. daz velt waſ gar gegruͤnt. daz bluͤ diu h̉erze chuͤnt. von dem ſuͤzzem luft deſ meien. ſin art von d̉er phain. muͤſ minnen od̉er minnen g̉ern. deſ wolde in ſin friundinne da giw̉ern. An frowen h̉erzenlauden er ſach. ein ſuͤzz̉er munt mit zuhten ſprach. Frowe ſol ich mit ev geneſen. ſo lat mich an huͦte weſen. wan v̉erlat mich imm̉er iamerſ craft. ſo tet ich gerne rit̉erſhaft. lat ir niht tur niern mich. ſo chan ich noch den alten ſic. alſo ich minem wibe entran. die ich auch mit riterſheft gewan. do ſi mich vf von ſtrite bant. ich liez ir lip vnde lant: ich wil noch vil vruͤmen d̉er ſper enzwei. manodliche einen turnei. deſ ſult ir frowe ruchen. daz ich den muzze ſuͤchen. h̉erre nemt ev ſelb ein zil ich laz ev ewerſ willen vil. diz lop ſi im iſt mir geſeit ern phie die lant vnde die meit. diſiu driu iuncherlin. anphiſen der chungin. Hie ſtuenden vnd ir kapelan. da volge vn̄d vrtailde waſ getan. d̉er phaffe ez hort vnd ſach. haimlich er Gahmureten geſprach. man tet min̉er frowen chunt. daz ir von patalamunt. den hoſten priſ behieltet. vn̄d zwaỉer lande wieltet. ſi hat auch lant vn̄d muͤt. vnde git ev lib vn̄d guͤt. do ſi mir gab die rit̉erſhaft. do muͤſ ich nach ordenſ craft. alſ mir deſ ſhilteſ ampt ſagt. der bi beliben vnv̉erzagt wan daz ich ſhilt vor genam. ez w̉er noch anderſ vngetan. ich w̉erde ſin vro od̉er Geil mich behabt hie riterſ vrteil. Vart wid̉er ſagt ir den dienſt min. ich ſol idoch ir rit̉er ſin. ob mir all crone w̉ern bereit. ich han nach ir minne hoheſtez leit. er bot in ſin ~~grozz~~grozze habe. ſin̉er gabe taten ſi ſich abe. die boten vuͤren zelande. Gar ân ir frowen ſchande. ſin g̉erten vrlaubeſ nih. alſ dich in zorn noch geſhit. ir knappen furſten diſiu kint. warn nach von iamer blint. die den ſchilt v̉erchert hant her getragen. den begunde ir vriunt zeuelde ſagen. frowe h̉erzenlau diu kungin. hat behapt den antſcheuin. owe w̉er waſ von antſchoͮe da. vnſ̉er h̉erre iſt leid̉er and̉erſwa. ze rit̉erſhaft zeſarrazin. daz iſt nu vnſ̉er hohſt̉er bin. Der da den briſ hat bezalt. vnd mangen rit̉er ab geualt. vnde d̉er ſo ſtach vn̄d d̉er ſo ſluͤc. vn̄d d̉er den hohen anch̉er truͤc. vf dem helm lieht geſteinet. daz iſt d̉er den ir meinet. vnſ ſagt d̉er chunc Gahilet. d̉er antſcheuin w̉er Gahmuret. dem ſi da wol gelungen. ze orſ ſi do ſprungen. ir wat wart von den augen naz. do ſi chomen da ir h̉erre waſ. ſi giengen in ernphienc auch ſi. vreude vnde iam̉er waſ da bi. do kuſt er die getriwen. er ſprach evch ſol nih riwen. zunmazzen der bruͦder. min. ich mach evch wol ergezzen ſin. Kert vf den ſhilt nach ſin̉er art. vnd habt evch and̉er freuden vart. ich wil minſ vat̉er wapen tragen. ſin lant min anch̉er hat beſlagen. der anch̉er iſt ein rechin zil. den trag vn̄d nem ſw̉er dir wil. ich muͤz nu leblich. gebarn ich bin riche. wan ſol ich landeſ h̉erre ſin. dem têt we der chunb̉er min. fro herzenlaude helft mir. daz wir biten ich vnde ir. kunge vn̄d vurſten die hie ſin. daz ſi durch den dienſt min. beliben vnz ir mich gew̉ert. deſ minnen w̉erc zeminnen gert. die bet warb ir beid̉er munt. die w̉erden lopten ez zeſtunt. **licheriglicher vur an ſin gemach. diu chunginne zuͤ ir friunde ſprach. Nu hapt evch an mine phleg. ſi wiſt in heimliche weg. d̉er ſinen geſte phlac man wol zefrumen. ſwar halt ir wirt w̉ere chomen. daz geſinde wart gemein. doch vuͤr er dan aleine. wan zwa iunch̉erlin. iuncfrowen vnd diu kungin. in vurten da er vreude vant. vn̄d al ſin truren gar v̉erſwant. entſhunfphiert wart ſin riwe. ſin hocgemuͤt al niwe. daz muͤſ idoch von liebe ſin. vro h̉erzelaude diu kungin. irn magtuͤn da anwart. die munde warn da vngeſpart. die begunden ſ*ſich mit kuſſen zern. vnd dem iam̉er von den vreuden w̉ern. Dar nach er eine zuht begienc. ſi wurden ledic die er da vienc. hardiz vnd Gahilet. die v̉erſuͤnte Gahmuret. da ergienc ein ſolheu hochgezit. ſw̉er d̉er hat gelicher ſit. deſ hant idoch gewalteſ phlac. Gahmuret ſich deſ bewac. ſin habe diu waſ vngeſpart. arabiſchez golt getailet wart. Armen rit̉ern algemein. der kunginne edel gestein. Teilte Gahmureteſ hant. vnd auch ſwaz er da vurſten vant. da wart daz varnde volch geil. die enphiengen rich̉er gabe teil. Lat ſi riten die da geſte ſin. den Gab vrlop d̉er antſheuin. daz bantel daz ſin vat̉er truͤc. von zobel vf ſinen ſchilt man ſluͤc. ein cleinwiſ ſidin. ein he*hemde daz diu kungin. al da ez rurt ir blozzen lip. diu nu worden waſ ſin wip. daz waſ ſinſ halſꝑpergeſ dach. ahtzehenev man ir durch ſtochen ſach vnde mit ſw̉erten gar zerhawen. ê er ſchied von der vrowen. ſi leit ez ie an bluͤzze huͤt. ſo ie von dem ſtrit chom ir truͤt. d̉er mangen ſhilt durchel ſtach. ir zwaier minne trurenſ iach. erhet w̉erdecheit gnuͤc. do in ſin manlich ellen truͤch. hin vb̉er gein der herte. mich iamert ſin̉er v̉erte. Im chom ein warev botſchaft. ſin h̉erre d̉er baruch w̉ere mit craft. vb̉er riten von babilon. ein̉er hiez ypomedon. der and̉er ponpeiuſ. den nent diu afenture alſuſ. daz w ein ſtolzer w̉erd̉er man. niht der von rom entran. Iuliuſ da beuor. der chunc nabochodonoſor. ſin̉er muͤt̉er bruͤd̉er waſ. der an truglichen buͤchen laſ. er wolt ſelb ſin ein got. ez wer nu der lute ſpot. ir lip ir guͤt waſ vngeſpart. die gebruͤd̉er warn von hoh̉er art. Linuſ gewalteſ phlac. ê geſtiftet wurde baldac. der ſelbe ſtifte auch ni*niniue. dem tet ſhad vnd laſt̉er we. der iach d̉er baruch zurbor. deſ wart gewunnen vnd v̉erlorn. Genuͤc ze beiden ſiten. man ſach da helde ſtriten. do ſift er ſich vber mêr. vnd vant den baruch mit wer. mit freuden er enphangen wart. ſwie mich iamert ſin̉er vart. Auentiwer wie Gahmuret den leib v̉erloſ ze dem barrvch Vaz da geſhehe wie ez dort erge. Gewin vnd vluſt wie daz geſte. deſ enweiz vro h̉erzelaude niht. diu waſ alſo diu ſunne lieht. vnde het minneclichen lip. richeit bi iugent phlac daz wip. frovde mere danne vil. ſi waſ gar ob deſ wunſcheſ zil *. ſi chert ir herz an guͤte chunſt. deſ beiagte ſi der w̉erlde gunſt. vro h̉erzelaude diu chungin. ir ſite an lobe hant gewin. Ir chuͤſche waſ vuͤr briſ erchant. chungin vb̉er ~~diuͤ~~driuͤ lant. waloiſ vnd antſchoͮe. ſi truͤc auch cron zernorgalſ. ind̉er hauptſtat ze ~~kungrigalſ~~kungrigvalſ. ir waſ auch ſo lieb ir man. ob ie dehain frowe me gewan. ſo lieben vriunt waz wirret daz. ſi moht ez lazen ane haz. ſwen er vz belaip ein halbez iar. ſinſ chomenſ wart ſi vur war. daz waſ ir liep gedinge. do braſt ir vreuden clinge. in mitten in dem hefte en zwæi. Awi vnd haia hei. daz Guͤt alſolhen chunb̉er treit. vnd rein̉er triwe iam̉er reget. alſuſ vert diu menſcheit. hiute vro morgen leit. Diu frowe vmb einen mitten tach. einſ anſlichen ſlaffeſ phlac. ir chom ein vorhtechlicher ſhrich. ſi duht wie ein ſtern blic. ſi gein den luftten vurte. da ſi mit creften ruͤrte. manc fiurin dornſtral. vlugen al zemal. Gein ir do ſunet vnde ſcanc. von Ganaiſtern ir zophe lanc. mit craf gabt der dorn duͤz. brinninde zah̉er waſ ſin guͤz. ir lip ſi dar nach wid̉ervant. ir zuchte ein grif ir zeſwen hant. daz wart v̉erchert hie mit. ſi duhte wund̉erliche ſite. wie ſi w̉er einſ tierſ amme. daz ſit zervuͦrte ir wambe. vnd ein drache ir bruſte ~~ſuͦge~~ſuge. vnde wie d̉er Gaheſ von ir fluͤge. ſo daz ſi in nimm̉er me geſhach. daz h̉erze er ir vͤz dem libe brach. xie vorht muͤſ ir auge ſehen. ez iſt ſelten ê wib geſchehen. in ſhlafe chunb̉er dem gelich. da vor waſ ſi rit̉erlich. Ach wenc daz wirt v̉erchert gar. ſi wart nach iamer nu geuar. ir ſchad wirt lanc vnde breit. ir nahen chomen ir h̉erze leit. diu frowe do begunde. deſ ſi da uor nih chunde. beidiu zaplen vnde wuͦfen. in ſlafe luͤte ruͦfen. Vil iuncfrowen ſazen hie. die ſprungen vf vnd wactan ſi. do chom geriten Tanponeiſ. ir manneſ maiſt̉er ein chnabe wiſ. vnde clein̉er iunch̉erren vil. do Giez vz d̉er freuden ſpil. ſi clagten vaſt ir h̉erren ~~tot~~ ~~tot~~: Auch am Original ist die Rasur nicht eindeutig zu lesen, nur Konturen erkennbar. deſ chom vro h̉erzelaude in not. diu viͤl hin vnv̉erſunnen. die rit̉er ſprachen wie iſt gewunnen. min h̉erre in ſinem harnaſh. ſo wol gewapent er waſ. ſwiͤ den chnappen iam̉er iagete. den helden er do ſagete. minen h̉erren lebenſ lenge vloͤch. daz h̉errſnier er von im zuͤch deſ twanc in ſtarchiu hizze. Guͤnertiu hadniſch wizze. hat vnſ v̉erſtoln den helt guͤt. ein rit̉er het bocheſ bluͤt. ~~genomey~~genomen in ein langez glaſ. daz ſluͤc er vf den Adamaſ. do wart er waich̉er dan ein ſwamp. den man doch malet vur daz lamp. vnd daz cruͤz in ſinen clân dem erbarm daz ez hie ſi getan. xo ſi mit ſharn zvͤ ein and̉er riten. Awoy wie da wart geſtriten. deſ barucheſ rit̉erſchaft. ſich w̉erte mit ellenſ craft. vor baldac vf dem geuilde. durc ſtochen wart vil der ſchilde. do ſi zuͤ einand̉er gahten. die poind̉er ſich do vlahten. ſi ~~churn~~churrn die baniere. deſ viͤl vil manc degen fier. do war*warb alda minſ h̉erren hant. da von ir all̉er briſ v̉erſwant. Suſt chom ~~geuan~~geuarn ypomidon. mit tode er minem h̉erren lon. Gap daz er in nid̉er ſtach. daz manc tuſent rit̉er ſach. von alexandri. min h̉erre vaſcheſ vri. gein dem chunge kerte. diu Tioſt in ſt̉erben lerte. xin heln v̉erſneit deſ ſperſ ort. durch ſin haubet wart gebort. daz man den drunzen drinne vant. idoch geſaz der wigant. al dewende vz dem ſtrit er reit. vf einen plan d̉er waſ breit. do chom vbrin ſin chappelan. vnd ſprach mit churzen worten ſan. ſine biht vnd ſande her. daz hemde vnde daz ſper. daz vnſ von im geſhaiden hat. er ſtarp an alle miſſetat. Junch̉erren vnde die chnaben ſin. bevalch er der chungin. Er wart geleit ze baldach. diu choſt den baruc nih ringe wac. mit golde wart ſi ſarc gehert. groz richait dran gechert. von edlem geſtein. dar inne lit d̉er rein. Gebalſamt wart der iunge re. ſin tot tet den ſarrazinen we. ein tiur rubin iſt d̉er ſtein. ob ſime grab da durc er ſhein. vnſ wart gevolget hie mit. ein cruz nach der mart̉er ſit. al vnſ criſt erloſte. lie man ſtozzen im zetroſte. der ſel zeſh̉erme vb̉er daz grap. der baruch die choſt gap. ez waſ ein duͤrrer ſmarade. wir tatenz an der haiden rat. Ir orden chan niht cruzeſ phlegen alſ criſteſ tuͤt vnſ liez den ſegen. ez betent haiden ſund̉er ſpot. an an alſ an ir w̉erden got. niht durch deſ cruzeſ ere. noch durch deſ taufel lere. der zuͤ dem vrtailichem ende. vnſ loſen ſol gibende. diu manlich triwe ſin. git in zehimel liehten ſchin. vnde oͮch ſin riwec biͤhte. d̉er valſch waſ an im ſiͤhte. an ſinem helm d̉er adamaſ. ein epitafiūm ergraben waſ. verſigelt vf daz cruz vbob dem grabe. ſuſ ſagent die buͤchſtabn. durc diſen helm ein tioſte ſluͤc. den w̉erden d̉er ie ellen truͤc. Gahmuret waſ er genant. Gewaltich vb̉er driu lant. ieglichez im der crone iach. da Giengen riche vurſten nach. Der waſ von antſchau geborn. vnd hat vor baldac v̉erlorn. den lip durc den baruc. ſin briſ gap ſo hohen ruͤc. nieman raicht an ſin zil. ſwa man noch rit̉er bruͤven wil. er iſt von muͤt̉er vngeborn. zuͤ dem ſin ellen hab geſworn. ich mein der ſchildeſ amp hat. helf vnd manlich̉er rat. gab er mit ſteten vriunden ſin. er lait durch wip vil ſharphen pin. er truͤc den tauf vnd criſten ê. ſin tot tet den ſarrazinen we. an liegen iſt ez war. ſiniu zit v̉erſwundenlichiu iar. ſin ellen ſo nach briſe warp. mit rit̉erlichem briſ er ſtarb. er het valſchait angeſigt. nu wunſhet im heileſ d̉er hie ligt. daz waſ alſo d̉er chnabe iach. walæiſ man da vil weinen ſach. Si muͤſen wol von ſchulden clagen. diu frowe het getragen. ein chint daz in ir libe ſtiez. die man ân helf ligen liez. daz chint ahtzehen wochen in ir het gelept. deſ muͤt̉er hie mit dem tode ſtrep. vro h̉erzenlaude diu chungin. die and̉ern heten cranchen ſin. daz ſi nih hulfen dem wibe. wande ſi truͤc in ir libe. der all̉er rit̉er ein bluͤme wirt. ob in ein ſt̉erben hie verbirt. do chom ein alt wiſe man. durch clage vb̉er ſin vrowen gigan. alda ſi mit dem tode ranc. die zende er ir vf twanc. man goͤz ir wazz̉er in den munt. do wart ir v̉erſumen chunt. Si ſprach awe war chom min truͤt. diu vrowe chlagt in vberlut. minſ h̉erzen vreude breit. waſ gahmureteſ w̉erdecheit. den nam mir ſin vrechev ger. ich waſ vil iung̉er dann er. vnd ſin muͤt̉er vnd ſin wip. vnd trag alhie doch ſinen lip. vnde ſinſ h̉erzen ſamen. den gaben vnd namen. vnſ̉er zwaig̉er minne. hat got getriwe ſinne. ſo laz er mir zefreuden chomen. ich han doch ſchaden vil genomen. An mim w̉erden ſtolzen man. wie hat der tot zuͤ mir getan. ern gewan nie wibeſ minnre teil. minnre: Schwierig, hier zwischen "r" (ohne den signifikanten horizontalen Strich) und "t" zu unterscheiden. Habe mich für die logischere Variante entschieden. ern wer all̉er ir freuden Geil. in muͤte wibeſ riwe. daz riet ſin manlich triwe. er waſ gar valſheſ lere. nu hoͤrt ein and̉er m̉ere. Vaz diu frowe do begienc. kint vnde lip ſi zuͤ ir gevienc. mit armen vnde mit henden. ſi ſprach mir ſol got ſenden die w̉erden fruht von Gahmuret. daz iſt minſ h̉erzen bet. Got wende mich ſo tunb̉er not. daz w̉ere Gahmureteſ and̉erre tot. ob ich mich ſelben ſluͤge. die wil daz ich truͤge. daz ich von ſin̉er minne enphienc. d̉er manneſ triwe an mir begienc. diu frowe enruͤcht w̉er daz ſach daz hemde ſi von d̉er bruſte brach. ir bruſte linde vnde wîz. dar an ch̉erte ſi ir vliz. Si druchte ſi an ir roten munt. ſi tet wipplich vuͤr chunt. alſo ſprach diu wiſe. diu biſt gaſt vnde chindeſ ſpiſe. die hat ez h̉er vor im geſant. ſit ez lebende in dem liͤbe vant. diu vrowe ir willen dran erſhach. daz diu ſpiſe waſ deſ chindeſ dach. diu milch ir tutelin. drukte druͤz diu kungin. ſi ſprach du biſt von triwen chomen. het ich den tauf nih genomen. du werſt wol minſ taufelſ zil. ~~dich~~ich ſol mich begiezzen vil. mit dir vnd mit den augen. offenlich vnd taͮgen. wande ich wil Gahmureten clagen. ſi hiez dar nah̉er tragen. ein hemde nach pluͤte var. da er indeſ barucheſ Shar. Gahmuret den lip v̉erloſ. der rit̉erlichez ende choſ. Mit reht̉er manlich̉er ger. diu frowe vraget auch nach dem ſper. daz Gahmureten gabt den re. ypomidon von niniue. Gab alſuſ w̉erlichen lon. der ſtolz w̉erde babilon. daz hemde ein hader waſ von ſlegen. diu frowe woltz an legen. alſ ſi da vor diche ê het getan. ſo ie von ſtirite waſ chomen ir man. do brachen ſiz ir vz der hant. die beſten vb̉er al daz lant. beſtatten ſper vnde daz bluͤt. zuͤ dem munſt̉er ſo man toten tuͤt. in Gahmureteſ lande. den iamer mang̉er da bechande. dar nach andem vierzehendem tage diu frowe einſ kindeſ gelage. einſ ſunſ der ſolh̉er lide waſ. daz ſi vil chuͤm daran genaſ. Hie iſt d̉er avetvvre wurf geſpilt. vnde ir beginnenſ Gezilt. wande er iſt alreſt geborn. dem dizz mêr wart erchorn. ſinſ vat̉er vreude vnde not. beidiu ſin leben vnde ſin tot. deſ habt ir ein teil v̉ernomen. nu wizzet wa von ev ſi chomen. diſ merſ ſhawalte. vnd wie man in behalte. man barc in vor rit̉erſchaft. ê daz er koͤm zeſin̉er wizze craft. do diu kungin ſich v̉erſan. vnde ſi ir chint zuͤ ſich gewan. ſi vnde and̉er ir frowen begunden allenthalben ſchoͮwen. vnd̉er den bainn ſin viſelin. do muͤſt er vil getrutet ſin. Daz er het manlicheu lit. er wart mit ſw̉erten ſit ein ſmit. vil fiw̉erſ er von helmen ſluͤc. ſin h̉erze manlich ellen truͤc. ſin mut̉er deſ geluſt. daz ſim vil gekuſt. diu muͤt̉er ſprach in allem fliz bonfiz ~~verafiz~~veirafiz beanfiz. diu kungin nam do ſund̉er twal. iriu roten valwohten mal. ich mein ir ~~roͤten~~roten ~~waſ~~Granſ. ſi ſhaub imz in ſinen vlanſ. : Zeile am Ende der Spalte nachgetragen. ſelbe ſi waſ amme. diu in truͤc in ir wamme. an ir bruſt ſi in zoch. diu wibeſ miſſewende floch. ſi daht ſi het Gahmureten. wid̉er an ir arm erbeten. Sin ch̉ert ſich nih an loſhait. demuͤt waſ ir berait. fro h̉erzelaude ſprach mit ſinne. diu hoheſt chunginne. Jeſuſ ir bruſte bot. der ſit durch vnſ vil ſharphe not. an dem cruz menſlichen enphienc. vnde ſine triwe an vnſ begienc. ſweſ lip ſin zorn ringet. deſ ſel vnſanfte dinget wie chuͤſch er ſi vnde were. deſ waiz ich warev mere. ſich beguͤz deſ landeſ frowe. mit ir h̉erzen iam̉erſ tawe. irev augen regenten vf den chnaben ſi chunde wibeſ triwe haben. beidiu ſuften vnd lachen. chunde ir munt vil wol machen. ſi freut ſich ir kindeſ geburt. ir ſchinph ertranc in riwen vuͤrt. Swer nu wibe ſprichet baz. deſwar daz laz ich ân haz. ich vrieſe g̉ern ir freude breit. wan ein̉er bin ich vnbereit. dienſtlich̉er triwe. min zorn iſt ir niwe. Gein ir ſit ich ſi in wanche ſach. ich bin Wolvram von Eſchenbach vnd chan ein teil mit ſange. ich bin ein habendiu zange. mit zorn Gein eim wibe. diu hat minem libe. erboten ſolhe miſſetat. ich han hazzeſ dehainn rat. dar vmb han ich der ander haz. owe warunb tuͤnt ſi daz. allein iſt mir ir hazzen leit. ez iſt idoch ir wipheit. Sit ich mich v̉erſprochen han. vnde an mir ſelben miſſetan. daz liht nimm̉er me geſhiht doch ſuln ſi ſich v̉ergahen niht. mit hurten an min hamit. ſi vindent vreiſlichen ſtrit. ich han deſ niht v̉ergezzen. ich chunne wol gemezzen. beidiu ir geberde vnde ir ſit. ſwelhem wibe volget chuſſe mit. d̉er lobeſ chenphe wil ich ſin. mir iſt von h̉erzen ir pin. ſin lop hinchet andem ſpat. ſw̉er alden wiben ſprichet mat. durch ſin einſ frowen. ſwelhiu min reht wil ſchowen. beidiu ſehen vnde horn. din wil ich niht betorn. ſhilteſ ampt iſt min art ſwa min ellen ſi geſpart. Swelhiu mich minnet vnb ſanc diu dunchet mich an wizzen cranc. ob ich w̉erdeſ wibeſ minne ger. muͤg ich mit ſchilt vnde mit ſper. v̉erdienen nih ir minne ſolt. al dar nach ſi ſi mir holt. vil hoheſ topelſ er doch ſpilt. ſw̉er mit rit̉erſchaft nach minne zilt. hetenz diu wip nih vuͤr ein ſmaichen. ich wolde vurbaz raichen. andiſem mere vnchundiu wort. e ſprech diu auentiure vorht. ſw̉er deſ vor mir Geruche. dern zel ſi ze dehainem buͤche. wan ichn chan dehainen buͤchſtab. da nement genuͤge ir vrhap. diſiu auenture v̉ert ân d̉er buͦche ſture. ê man ſi hete vur ein buͤch. ich w̉er ê nachent ane tuͤch. ſo ich indem bade ſezze. vnde ich deſ choſten niht v̉ergezze. Ez mac machen trurec mir den lip. daz ſo mangev haizzet wip. ir ſtimme ſint Geliche hel. Genuͤge ſint Gein valſche he*~~ſnel.~~ſnel. etlichev valkeſ lere. hie Tailent ſich diu mere. daz ſi Gelich ſint genamt. deſ hat min h̉erze ſich Geſhamt. wipphait in ir ordenlichem ſit. d̉er vert vnd vuͤr ie triwe mit. Genuͤge ſprechent armuͤt. diu ſi zvͤ nihtev guͤt. die dolt ein wip durc triwe. deſ wart ir gabe niwe. Ze himel mit endeloſ̉er gæbe. ich wen ir nu wenc lebe. die ioch d̉er erden Richtuͤm. Lazzen durc den himeliſchen ruͤm. Jch erkenn iR dehein. Man vnd wip sint mir alein. Die maint ez algeliche. vro h̉erzelaude diu Riche. Jr drier lande wart ein Gaſt. ſi truͤc d̉er vreuden mangelſ laſt. d̉er ~~valch~~valſch vil gar an ir v̉erſwant. Avͦge noch ore ni me da vant. ir waſ ein nebel diu ſunne. ſi vloͤch d̉er w̉erlte wunne. ir waſ Gelich naht vnde tach. ir h̉erze niht wan iamerſ phlac. ſi zoch diu vrowe iamerſ balt. vz ir lande in einen walt. zvͤ d̉er wuͤſten ſaltange. nih durc pluͦmen vf dem plange. Ir h̉erzen iam̉er waſ ſo Ganz. ſin ch̉erte ſich andehainen cranz. er w̉er rot od̉er val. ſi brahte dar durc vluͤhteſal. deſ w̉erden Gahmureteſ kint. luͦte die bi ir da ſint. muͤſten buͦwen vnd Ruͤten. ſi chunde wol ~~ger~~getruͤten. ir ſun ê daz er ſich v̉erſan. ir volc ſi Gar vur sich Gewan. ez w̉er man od̉er wip. den Gebot ſi allen an den lip. daz ſi nimm̉er Riterſ wurden luͤt. wan gevriͤſche daz vil lihte minſ herzen truͤt. welch rit̉erſ leben w̉ere. daz wurde mir vil ſwere. Nu habt evch and̉er wizze craft. vnd helt in alle Rit̉erſhaft. der ſit voͮr anGeſliche vart der chnappe alſuſ erzogen wart. zvͤ der wuͤſten ſaltunge erzogen. an kunclich̉er vuͤr gar betrogen. Ez machte indem ſite ſin. bogen vnde bolzelin. daz ſneit er mit ſin ſelbeſ hant. er ſhoͤz vil vogelin die er vant. ſwenne ab̉er er ein voge*vogell erſhoͤz. der ſhal von ſange ê waſ ſo groͤz. ſo waind er vnd raufte ſich. vb̉er ſin har kert er Gerich. sin lip waſ clar vnde fier. bi dem plan an eim Rifier. Twuͤc er ſich alle morgen. er chunde wenic ſorgen. izn w̉er ob im d̉er vogel ſanc. die ſuͤzz in ſin h̉erze dranc. daz erſhract im diu bruſtelin. alweinende lief er zuͤ d̉er chungin. Si ſprach w̉er hat dir Getan. du w̉er hin vnz vf den plan. Ern chunde irz Geſagen nih. alſ liht chinde noch geſhit. dem mêr Gienc ſi lange nach. einſ tageſ ſi in chaphen ſach. vf die Baum nach der vogel ſhal. ſi wart wol innen daz er ſwal. von d̉er ſtimme irſ chindeſ bruſt. deſ Twanc in art vnd Guͤt Geluſt. froͤw herzelaude chert ir haz. andie vogel ſin weſt vmb waz. ſi wold ir ſhal crenchen. ir buͦluͤt vnd ir enken. hiez ſi balde Gahen. vogel wurgen vnde hahen. die vogel warn baz Geriten. Etlicheſ ſterben wart v̉ermiten. ir belaip da lebendich ein teil. die ſit mit ſange wurden Geil. Der chnappe ſprach zuͤ der chungin. waz wizet man den vogelin. er gertn frideſ ſa zeſtunt. diu muͤter kuſt in an den munt. ſi ſprach weſ wende ich ſin Gebot. d̉er doch iſt der hoͤhiſte Goͤt. suln vogel durch mich ir ſingen lan. der chnappe ſprach zvͤ ſin̉er muͤt̉er ſan. owe muͤt̉er waz iſt Got. ſun ich ſage dirz ane ſpot. er iſt noch lieht̉er dan d̉er Tac. d̉er antluzzeſ sich bewach. nach menſchen antluzze. sun m̉erche eine wizze. vnd vlege in vmb din not. wand er ie der w̉erlt helfe bot. so heizzet ein̉er d̉er helle wirt. d̉er iſt ſwarz vntriwe in nih v̉erbirt. von dem kere diͤn gedanc. vnde auch von deſ zwiuel Gewanc. sin muͤt̉er vnd̉erſchiet im Gar. Die vinſt̉er vnd daz lieht Geuar. Dar nach ſin ſnelhait v̉erre erſpranc. er lernt deſ Gabilotes ſwanc. da mit er mangen hirz erſhoͤz. ~~da mit er~~ deſ ſin muͤt̉er vnd ir volch genoͤz. ez wer eber od̉er ſne. dem wilde tet ſin ſhiezzen we. Nu hoͤrt ein froͤmdez mere. swenn er Geſhoz daz ſwere. deſ ein muͤl w̉er vGeladen genuͤc. alſ vnz̉erworht hin haim er ez truͤc. Einſ tageſ Gie er den waide Ganc. an eine halde diu waſ lanc. er brach durc platſtimme ein zwic. bi im nahen Gienc ein ſtich. da hort er ſchal von huͤfſlegen. ſin Gabilot begunde er wegen. Do ſprach er waz han ich v̉ernomen. wan wolde et nu ded̉er tiefel chomen. mit grimm zornſ rich. ich beſtuͤnde in ſicherlich. min muͤt̉er freiſe von im ſaget. ich wen er ellenſ ſi v̉erzagt. alſ ſtuͤnt er in ſtriteſ ger. nu ſeht dort chomen Geſhufet her. drie Rit̉er nach wuncſche Geuar. Von vuͤzzen vf Gewapent Gar. der chnappe wande ſund̉er ſpot. daz ir ieglich̉er wer ein Got. do ſtuͤnt auch er nih lang̉er hie. indem phad viel er vur ſi an diu chnie. Vil lute Rief d̉er knappe ſan. hilf Got du maht wol helfe han. der vorder zornſ ſich bewac. do d̉er chnappe indem phade lac. dirr Toͤrſh waleiſe. vnſ wendet Gah̉er Reiſ. den briſ den wir baiere taragen. mac ich wol von waleiſen ſagen. die ſint Torſh̉er denne baieriſch her. vnde doch bi manlich̉er wer. ſwer in den zwain landen wirt. Gefuͤge ein wund̉er drane birt. Do choͤm Geliſiert. vnd wol Gezimiert. ein rit̉er dem waſ harte Gach. er rait in ſtritlichen nach. die vier von im warn chomen. zwen rit̉er heten im Genomen. ein frowen in ſim lande. den helt ez duhte ſchande. in muͤt der iuncfrowen leit. diu iem̉erliche vor im reit. diſe dri warn ſine man. er rait ein ſchoͤn kaſtelan. sinſ ſchilteſ waſ wenc Ganz. er hiez karnagar nanz. lech chunc vltrec. ſprach wer irret vnſ den wec. suſ vuͤr er zvͤ dem knappen ſan. den duht er alſ ein Got Getan. Ern het ſo liehteſ niht erchant. vf dem tauͤ der wapenroch erwant. mit Guldinen ſhellen clein. Vor ietwedrem bein. warn im die ſtegræife erchlenget. vnd zereht̉er maze erlenget. Sin zeſw̉er arm von ſhellen clanc. ſwa ern bot od̉er ſwanc. der waſ durc ſwerteſ ſlege ſo hel. d̉er helt waſ Gein priſnel. suſ fuͤr d̉er vurſte riche. Gezimiert wunnechliche. xller manne ſchoͤn ein bluͤm cranz. den vragt ~~karnachantanc~~karnachgantanc. Junch̉erre ſaht ir vuͤr evch varn. zwen rit̉er die ſich niht bewarn. kunnen an Rit̉erlich̉er zuht. ſi ringent mit der notnuft. vnd ſint an w̉erdechait verzagt. ſi vurnt raubeſ eine magt. der knappe wand ſwaz er ſprach. er w̉er ein Got alſ im v̉eriach. froͮ herzenlaude diu chungin. do ſiim vnd̉erſhiet den liehten ſhin. do Rief luͤt ſund̉er ſpot. hilf mir helflich̉er got. vil diche viel er an ſin Gebet. Fili Royſ Gahmuret. Der ſprach ich bin niht Got. ich leiſt ab̉er Gern ſin gebot. du maht hie me rit̉er ſehen. ob du ſi zerehte chanſt ſpehen. der chnappe fragte vurbaz. du neneſt Rit̉er waz iſt daz. habſt du niht Gotlich̉er craft. ſo ſag mir w̉er git rit̉erſchaft. daz tuͤt der chunc Artuſ. iuncherre chemet ir indeſ huſ. er bringet evch an rit̉erſ namen. daz irſ evch nind̉er durfet ſchamen. ir mugt wol ſin von Rit̉erſ art. von den helden er beſhawet wart. do lac diu Goteſ chunſt an im. von d̉er auentvvre ich daz nim. diu mich der warhait deſ beſchiet. nie manſ varwe baz Geriet. vor im ſit Adameſ zit. deſ wart ſin lop von wiben wit. aber ſprach der chnappe ſan. da von ein lachen wart getan. Hei rit̉er guͤt waz mahtu ſin. du haſt ſo manc Guͤt ving̉erlin. an dinen lip Gebunden. dort oben vnd hie vnden. do begreif deſ chnappen hant. ſwaz er yſenſ andem vurſten vant. den harnaiſch begunde er ſhawen. min̉er muͤt̉er iuncfrowen. iriu vingerlin an ſnuͤrn tragent. diu niht alſuſ aneinand̉er ragent. der chnappe ſprach durch ſinen muͤt. Jch pieh d diz wegent vayg ſey dy ſ ia h̉erre war zuͤ iſt daz guͤt. daz dich ſuſ wol chan ſichen. ich mach ſin niht h̉er ab gezwichen. Der vurſte zaiget im ſin ſw̉ert. nu ſich ſw̉er ſtriteſ an mich gert. deſ ſelben wer ich mich mit ſlegen. vur die ſinen muͤz ich an mich legen. vur den ſhuͤz vnde fuͤr den ſtich. muͤz ich alſuſ wappen mich. aber ſprach d̉er chnappe ſnel. ob die hirze ſuſ tragen iriu vel. So v̉er*v̉erwunt ir nih min Gabilot. ir lit vil mang̉er von mir tot. xie Rit̉er ~~zunten~~zurnten *daz er hielt. bi dem der vil tunphait wielt. d̉er furſte ſprach Got huͤt din. owe wan w̉ere din ſchoͤne min. dir het got den wunſh Gigeben. ob du mit wizzen ſoldeſt leben. diu Goteſ craft dir v̉erre leit. din ſin vnd auch er ſelbe reit. vnd Gahent dannan balde. zvͤ einem velde indem walde. da erſach d̉er Gefuͤge. fron herzelaude phluͤge. ir volche laid̉er nie geſhac. daz er vil balde ern ſach. ſi begunden ſein vnd darnach egen. ir Gart ob ſtarc ohſhen wegen. der vurſt in guͤten morgen bote. vnd vragt ob ſi ſehen not. ein magt liden. ſin chunden niht v̉ermiden. Sweſ er ſi vraget ez wart giſagt. zwen rit̉er vnd ein magt. hie riten hiut enmorgen diu frowe fuͤr mit ſorgen. mit ſporn ſi vaſte ruͤrten. die di iuncfrowen fuͤrten. daz waſ MeliaGantz. den ergahte karnach Garnanz. mit ſtrit er im die frowen nam. diu wart ſit an vreuden lam. ſi hiez ymanGe. von d̉er beafuntanie. die buͤlute ſer v̉erzageten. do die Rit̉er vur ſi iageten. ſi ſprachen wie iſt vnſ ſuſt Geſchehen. hat vnſer iunch̉erre erſhehen. vf diſen ritern helm ſchar. ſon haben wir vnſ nih wol wir ſchuln der kunginne haz. von ſchulden dulten vmb daz. wande er dah̉er mit vnſ lief. hiuͤten morgen do ſi dannoch ſlief. Der chnappe enruͤcht w̉er da mer ſhoͤz. die hierzen clein vnd Groͤz. er huͤp ſich Gein d̉er muͤt̉er wid̉er. vnd ſeit ir mêre do viel ſi nid̉er. sin̉er worte ſi ſo ſer erſrac. daz ſi vnủerſunnen vor im Gelac. do die kunginne. wid̉er chom ze ſinne. ſwie ſi da vor w̉ere v̉erzaget. do ſprach ſi ſun w̉er hat geſagt. dir von rit̉erſ orden. wa biſtuz innen worden. Muͤt̉er ich ſach vier man. lieht̉er danne Got getan. die ſeiten mir von rit̉erſhaft. Artuſeſ kunclicheu craft. ſol mich nach riterſ eren. an ſh*ſhilteſ ampt keren. ſich huͤb ein niw̉er iam̉er hie. diu frowe enweſt reht wie. daz ſi ir der liſte erdehte vnd in von dem willen brehte. der chnappe tunb vn̄d w̉ert. ieſh von d̉er muͤt̉er dich ein phert. daz begunde ſi in ir herzen clagen. ſi Gedaht ich wil ſim nih ~~v̉ertragen~~v̉erſagen. ez muͤz aủer harte boſe ſin. do Gedaht ir diu chungin. der liute vil bi ſpotte ſint. Torn cheid̉er ſol min chint. ob ſinem liehtem libe tragen. wirt er geraufet vnde geſhlagen. ſo chumt er mir her wid̉er wol. owe der iam̉erlichen dol. Diu frowe nam ein ſachtuͤch. ſi ſnait im hemede vn̄d bruͤch. daz tuͤch an einem *ſtuche ſhein. vnde anmitten an ſin blanchez bein. daz wart vuͤr to ren hant. Ach lieb ein ende ende h ein Gugel man druͤfe vant. Al ruͤch vriſh kelb̉erin. vz ein̉er hut zwai ribalin. nach ſinen bain wart geſniten. da wart groͤz iam̉er niht v̉ermiten. diu chungin waſ alſ bedaht. ſi bat beliben in die naht. dun ſol niht hinnan chern. ich wil dich ſite lern. an vnGebanten ſtrazzen. ſolt tu tunchel vurte lazen. die ſiht vnd lut̉er ſin. da ſolt al balde riten in. Du ſolt tich ſite nieten. d̉er w̉erlte gruͤz bieten. ob dich ein alt wiſe man zuht wil lern alſ er chan. dem ſoltu gern volgen. vnd wiſ im niht erbolgen. ſun la dir enpholhen ſin. ſwa du Guͤteſ wibeſ ving̉erlin. mugeſt erw̉erben vnde ir gruͤz. daz nim ez tuͤt dir chunb̉erſ buͤz. du ſolt zuͤ ir chuͤſſ diche nahen. ir lip vaſt vnbeuahen. daz Git dir geluche vnde hohen muͤt. ob ſi chuͤſch iſt vnde Guͤt. du ſolt wizzen ſun min. daz d̉er ſtolz lehelin. dinen vurſten aberuaht zwai lant. die ſolten dienen din̉er hant. Waleiſ vnde norgalſ. ein din furſte tuͦrkedalſ. den tot von ſin̉er hende enphienc. din volc er ſluͤc vnde vienc. daz rich ich mut̉er ruͤch ſin Got. in v̉erwundet noch min Gabilot. deſ morgenſ do der tach erſhein. der chnappe balde wart ein ein. im waſ Gein Artuſe gach. h̉erzelaude lief im nach. der w̉erlte riwe alhie geſchach. do ſi ir ſun nih me Geſach. der vert von ir wem iſt deſt̉er baz. do viel diu frowe valſheſ laz. vf die erden da ſi iam̉er ſneit. ſo daz ſi da ein ſt̉erben nih v̉ermeit. ir vil Getriwechlich̉er tot. d̉er frowen w̉erte helle not. owol ſi daz ſi ie muͤt̉er wart. ſuſ fuͤr diu lonſb̉ernde vart. ein wurzel d̉er guͤte. ein ſtam d̉er demuͤte. Awe daz wir nu nih enhan. ir ſippe vnz anden eiliften ſpan. Deſ ~~wir~~wirt geuelſhet manc lip. doch ſolten nu getriwiu wip. haileſ wunſhen diſem chnaben. d̉er ſich von ir nu hat erhaben. doDo ch̉ert d̉er chnappe wolgetan. Gein dem foraiſ in briziliam. er chom an einen bach geriten. den het ein han wol vb̉erſhriten. ſwie da ſtuͤnden bluͤmen vnde graſ. *Durc daz d̉er fluͤz ſo tunchel waſ. der chappe den vurt da Gar v̉ermeit den tach er gar da neben reit. alſ ez ſinen wizzen tohte. erbelaip die naht ſwie er mohte. deſ morgenſ do d̉er Tach erſhein. d̉er chnappe huͤp ſich dan eAllein. zvͤ einem vurtte wolgetan. do waſ and̉erthalp ein plan. mit einem gezelt geheret. groz richait daran Gekeret. Von drier varwe ſamit. ez waſ hoch vnde wit. vf den nêten lagen borten guͤt. da hienc ein lidrin huͤt. den man drub̉er ziehen ſolte. imm̉er ſo ez regenen wolte. ducoriluſ d̉er land̉er. deſ wip dar vnd̉er vand er. ligen wunnechliche. diu h̉erzoginne riche. Gelich einem riterſ truͤte. diu frowe diu hiez ieſchuͤte. xiu frowe waſ entſlafen. ſitruͤc d̉erminne waphen. einen munt durch luhtec rot. Gerndeſ rit̉erſ h̉erzen not. innan deſ do diu frowe ſlief. der munt ir von einand̉er lief. d̉er truͤc d̉er minne heizev viuͤr niwe. ſuſ lac deſ wunſcheſ auentvvre. mit ſne wizzen zenden bain nahen bi einand̉er ~~ſhein.~~klein. ſuſ ſtunden ir die liehten ~~zede~~zēnde. ich wein mich iemen chuſſenſ wende. an einen ſuſt wol gelopten munt. daz iſt mir ſelten worden chunt. ein declachen zobelin. daz erwant ain ir huffelin. daz ſi durc ir hizze von ir ſtiez. do ſi der wirt aleine liez. Si waſ geſhicket vnde geſniten. an ir waſ chunſt niht v̉ermiten. Got ſelb worht ir ſuͤzzen lip. och het daz minnechliche wip. lange arm vnd blanc hant. d̉er knappe ein vingerlin da vant. daz in Gein dem bette twanc. do er mit d̉er kunginne ranc. do Gedaht er an die muͤt̉er ſin. diu riet an wibeſ ving̉erlin. do ſpranc d̉er chnappe wol getan. von dem Tepich vf daz bette ſan. diu ſhuͤz chuͤſch vnſanft erſrach. do d̉er chnappe an ir arme lac. si muͤſ idoch erwachen. mit ſhamen alſund̉er lachen. diu frowe zuht geleret. ſprach w̉er hat mich entêret. iunch̉erre ez iſt ev gar ze vil. ir meht ev nemen ein and̉er ſpil. Diu frowe lute chlagete. ern rucht waſ ſi ſagete. ir munt er an den ſinen twanc. dar nach en waſ ez niht zelanc. er dructe an ſich die h̉erzogin. vnd nam ir auch ein ving̉erlin. an irhemde ein vurſpan er ſach. vngevuͤge er ez danne*dannen brach. diu frowe waſ mit wibeſ w̉er. ir waſ ſin craft ein Ganzez h̉er. doch wart vil ringenſ da Getan. der chnabe chlagte hung̉er ſan. diu frowe waſ irſ libeſ lieht. ſi ſprach irn ſhult min ezzen nieht. w̉ert ir zefrumen wiſe. ir nemt ev ein ander ſpiſe. dort ſtet brot vnd win. vnd auch zwai parelin. Alſ ez ein iuncfrowe brahte. diu ev ſin wenc gedahte. Do enrucht er wa diu wirtinne ſaz. einen Guͤten crofp er az. dar nach er ſw̉ere drunche tranc. diu frowe duhte gar zelanc. ſinſ weſenſ vnd dem pauilun. ſi wand er w̉er ein Garzun. Geſhaiden von den wizzen. ir ſcham begunde ſwizzen. idoch ſprach diu h̉erzogin. iunch̉erre ir ſult min ving̉erlin. hie lazzen vnde min vurſpan. vnde heuet evch hin dan. wan chumt min man ir muͤzet zorn liden. daz ir gerner mehtet v̉ermiden. do ſprach der chnabe wol geborn. we waz vurht ich ew̉erſ manneſ zorn. wan ſhat ez ev anden ern. ſo wil ich hinnen chern. Do o ſpranc er Gegen dem bette ſan. Do o: Eigentlich hätte der Rubrikator vor der 12. Zeile der Spalte nur ein Majuskel-D ergänzen müssen, er hat aber auf der 11. Zeile am Ende gleich das ganze Wort, Do, mit roter Tinte hingeschrieben. Aus diesem Grund beginnt der Vers in I fäschlicherweise Do o ſpranc. ein and̉er chuſſen wart Getan. daz waſ d̉er h̉erzoginne leit. ân vrlaup er dannen reit. idoch ſprach er got huͤte din. alſo riet diu muͤt̉er min. d̉er knappe deſ raubeſ waſ Gemeit. do er ein wile von dannen reit. vil nahen Gein d̉er mile zil. do chom von dem ich ſprechen wil. er ſpurt an dem toͮwe. daz Geſuchet waſ ſin ~~frowe~~frawe. d̉er ſnuͤr ein tail auch waſ Getreten. da het ein knappe daz graſ gewetin. d̉er furſte w̉ert vnde erchant. ſin wip dort in altruren vant. do ſprach d̉er h̉erzoge o*oriluſ. owe frowe wie han ich ſuſ. min dienſt Gein ev gewendet. mir iſt nach laſt̉er Gendet. vil manic loblich̉er briſ. ir habt ein and̉er Amiſ. Diu frowe bot ir laugen. mit ~~wazz̉erlichen~~wazz̉errichen ~~augen~~ougen. ſo daz ſi vnſuldic w̉ere. er Gelaupte nih ir m̉ere. idoch ſprach ſi mit vorhten ſiten. ein tore chom h̉er zuͤ geriten. swaz ich luͤte erchennet han. ich geſhach nie lip ſo wolgetan. min vurſpan vnde min ving̉erin. nam er ân den willen min. hat ſin lip ev wol Geuellet. ir hapt evch zuͤ im Geſellet. ſi ſprach nun welle Got. ſin ribalin ~~ſint~~ſin Gabilot. warn mir doch zenahen. diu rede ev ſol v̉erſmahen. Vurſtinne daz nih wol zeme. ob ſi da minne neme. ab̉er ſprach d̉er furſte ſan. ~~frowe~~frawe ich han ev nih Getan. irn welt evch ein̉er ſite ſhamen. ir liezt kunginne namen. vnd haizet durch mich h̉erzogin. d̉er chauͤf Git mir vngewin. ſin manhait iſt wol ſo quech. daz ew̉er bruͤd̉er eRec. min ſwag̉er filydeRoilac. evch drumbe wol hazzen mach. mich erkennet auch der wiſe. an ſogewantem briſe. d̉er nind̉er mach enteret ſin. wan daz er mih vor prurin. mit ſin̉er Tioſte valte. an im ich ſite bezalt. vil hohen briſ vor charnant. mit reht̉er tioſte ſtach in min hant. Hind̉er daz orſ durch ~~fanze~~fianze. durch ſinen ſhilt mit lanze. do ich eweriu cleinode brahte. vil wenc ich Gedahte. ew̉er minne eimandrem trute. min frowe ieſchute. frowe ir ſult Gelauben des. daz der ſtolz Galoeſ. fili roiſcandin. tot lac von d̉er Tioſt min. ir hieltet auch dabi. do plioblecheri. Gein mir durch Tioſtiern reit. vnde mich ſin ſtrit nih v̉ermeit. min Tioſt in hind̉er daz orſe ſwanc. daz in d̉er ſatel nind̉er dranc. ich han diche briſ bezalt. vnd mangen rit̉er ab Gevalt. deſ enmoht ich nu Geniezzen niht. ein hohez laſt̉er mir deſ giht. xihazzent mich beſund̉er. die von d̉er Tauelrund̉er. der ich ehte nid̉er ſtach. da ez manec w̉erdiu frowe ſach. vmb den ſparwer ze Ganadic. ich behielt ev den briſ vnde mir den ſic. daz ſahet ir vnd artuſ. d̉er mine ſweſt̉er hat zehuſ. die ſuͤzzen *Guͤniwarn. d̉er munt chan nih Gebarn. mit lachen ê ſi den Geſiht. dem man deſ hoͤſten briſeſ giht. wan choͤm mir nu d̉er ſelbe man. ſo wurde ein ſtriten hie Getan. alſ hiuͤten morgen do ich ſtreit. vnd̉er einem furſten vrumte leit. d̉er mir ſin Tioſtiern bot. von min̉er tioſt lac er tot. Ich wil ev nih von zorn ſagen. daz mang̉er ſin wip hat Geſlagen. vmb clein̉er ſhulde. het ich dienſt od̉er hulde. daz ich ev ſolde bieten. ir muͤſtet evch mangelſ nieten. ich ſol nih me erwarmen. an ew̉ern blanchen armen. da ich etſwenne durch minn ane lac. vil mangen wunneclichen tac. ich ſol velwen ew̉ern roten munt. vnd ew̉ern augen rote machen chunt. ich ſol ev freud v̉erchern. ew̉er h̉erze ſuͤ*ſuͤften lern. Diu furſtin anden furſten ſach. ir munt do iam̉erlichen ſprach. *Nvnu ert an mir rit̉erſ briſ. ir ſit Getriwe vnde wiſ. vnde oͮch ſo Gewaltich min. ir mugt mir Geben hohen pin. ir ſult ê min Gerihte nemen. durch ellev wip lat ſin evch Gezemen. ir mugt mir dannoch fuͤgen not. lege ich von andren handen tot. daz ev nih briſ genaicte. ſwie ſchier ich danne vaigte. daz w̉er mir ein ſuzzev zit. ſit ew̉er hazzen an mir lit. ab̉er ſprach d̉er vurſte mer. frowe ir wart mir Gar zehêr. deſ ſol ich an ev mazen. Geſellechæit wirt lazzen. mit trinchen vnd mit ezzen. biligenſ wirt v̉ergezzen. irn enphat mer dehein Gewant. wan alſ ich evch ſizzen vant. Iwer zaum wirt ein beſtin ſeil. ew̉er phert beiagt wol hungerſ teil. ew̉er ſatel wol Geziert. wirt entſhunphiert. vil balde er zart vnd brach. den ſamit drabe do daz Geſchach. er zerſluͤc den ſatel da inne reit. ir kuͤſh vnd auch ir wipheit. ſin hazzen liden muͤſten. mit baſtinen buſten. bant er in wid̉er zvͤ. ir chom ſin hazzen alzefruͤ. do ſprach er an d̉er ziten. frowe nu ſuln wir riten. choͤm er mir nu deſ wurd ich geil. der hie nam ew̉er minnen teil. ich beſtuͤnd in vf auentiur. ob ſin atem Gebe fiur. alſ einſ wilden drachen. al weinunde ſund̉er lachen. Diu frowe iam̉erſ riche. ſhiet dannen trurechliche. ſin mo*moht niht ſwaz ir geſchach. wan ir manneſ vngemach. deſ trurn gab ir ſelhe not. daz ſi noch ſanfter were tot. nu ſult ir ſi durch triwe clagen. ſi beginnet nu hohen chunb̉er tragen. wer mir all̉er frowen haz bereit. mich muͤt fron ieſkuten leit. ſuſ riten ſi vf der ſla hin nach. dem chnappen waſ auch vor in nih Gach. don weſt niht d̉er vnủerzagete. daz man in ſo ſere iagete. wan ſwen ſin augen ſahen. ſo er dem begunde nahen. den gruͤzt der chnappe Guͤt̉er. er ſprach ſuſ riet min muͤt̉er. alſuſ chom vnſ̉er torſher chnab. Geriten eine halden ab. Wibeſ ſtimme erhorte. vor e*einſ velſen orte. ein frowe vz rehtem iam̉er ſrai. ir waſ diu ware freude enzwai. der chnappe rait ir ba*balde zvͤ. nu horet waz diu frowe tuͤ. ſi hiez froͤw ſigûne. ſi brach ir zophe brune. vor iam̉er vͤz ir ſwarten. der chnappe begunde warten. ſhinaduland̉er. den furſten toten vande er. d̉er iuncfrowen in ir ſhoz. alleſ ſhinpheſ ſi v̉erdroz. er ſi trurec od̉er freuden var. die bat min muͤt̉er gruͤzzen Gar. Got halde evch ſprach deſ chnappen munt. ich han hie iam̉erlichen vunt. in ew̉er ſhozze vunden. w̉er Gap ev den rit̉er wunden. Der chnappe ſprach vnủerdrozzen. w̉er hat in erſhozzen. Geſhach ez von einem Gabilot mich dunchet frowe er lige tot. chunnet ir mir iht da von Geſagen. wer hat den rit̉er erſlagen. ob ich in moht erriten. ich wil g̉erne mit im ſtriten. do greif d̉er chnappe mere zuͤ ſinem choch̉erere. vil ſharpf er gabilot do vant. er furte dannoch beidiu phant. diu er von fron ieſkuten brach. vnd im ein tunphait dran Geſhach. het er gel̉ernt ſinſ vat̉er ſit. der w̉erdecheit im wonte mit. diu buchel w̉er Gehurtet baz. do diu h̉erzogin aleine ſaz. diu ſit vil chunb̉erſ durch in leit. mer dann ein iar ſi reit. an gruͤz von ir manneſ libe. vnreht geſchach dem wibe. Nu hort auch von ſigunen ſagen. diu chunde ir leit mit iam̉er chlagen. ſi ſprach zuͤ dem chnappen du haſt tugent. Geeret ſi din ſuͤzzev iugent. vnd din antluzze minnechlich. deſwar du wirſt noch ſelden rich. diſen rit̉er meit daz Gabilot. er lach von ein̉er Tioſte tot. du biſt geborn von triwen. daz er dich ſuſ chan riwen. ê ſi den chnappen riten lieze. ſi fragt in wie er hiez. ſi iach er truge den Goteſ vliz. bonfiz. ſcheraphiz. beanfiz. alſuſ hat mich genennet. d̉er mich dahaim erchennet. iiiirum. Do diu rede waſ Getan. ſi bechande in bi dem namen ſan. ir rot̉er munt ſprach ſundert twal. deſwar ſo biſtuz Parzifal. der nam iſt rehte enmitten durch. Groz lieb ier ſolch h̉erzen wurch. ich gihe ſin nih zeruͤm. din muͤt̉er iſt min muͤm. din muͤt̉er vil getriwe. din vat̉er liez ir riwe. ich ſage dir ſund̉er valſhen liſt. die rehten warhait wer du biſt. din vat̉er waſ ein antſheuin. ein waleiſ von der muͤt̉er din. biſtu ~~Gebon~~Geborn von Ganfoleiſ. die rehten warhait ich deſ weiz. du biſt chunec ze NorGalſ ind̉erhaupſtat ze kingrifalſ. ſol din haup crone tragen. dirr furſt wart erſlagen. daz er din lant w̉erte. ſin triwe er nie v̉er*v̉erCerte. Iunc fletich ſuzz̉er man. die Gebruͤd̉er hant dir vil Getan. zwai lant nām dir lehelin. diſen rit̉er vnd den vetren din. ze Tioſtiern ſluͤc ſi oriluſ. d̉er liez auch in iamer mich alſuſ. mir dient an alle ſchande. dirr vurſt von dem lande. do zoͤch mich din muͤt̉er. lieb neue Guͤt̉er. nu hoͤr waz diſiu m̉ere ſin. ein brachen ſeil Gab im den pin. in vnſer ~~zwaỉer~~zwaier dienſt den tot. hat er beiagt vnde iamerſ not. mir nach ſin̉er minne. ich hete cranche ſinne. daz ich im nih minne Gap. deſ hat er ſorgen vrhap. mir freude v̉erſroten. deſ minn ich in alſ toten. Do ſprach er niftel mir iſt leit. din chunb̉er vnd min laſt̉er breit. ſwenn ich daz mac gerechen. daz wil ich Gern zechen. do waſ im gegen ſtrite Gach. ſi wiſt in vnrehte nach. ſi vorhte daz er den lip v̉erluͤr. vnd da Grozzen ſhaden ~~erl~~erkuͤr. ein ſtraze er Geuienc. diu Gein den pritonoiſen Gienc. d̉er waſ Geſtrichen vnde breit. ſw̉er im wid̉er fuͤr od̉er wid̉er reit. ez wer rit̉er od̉er chaufman. die ſelben Gruzt er alſam. vnd iach ez wer ſin muͤt̉er rat. diu Gab in im ane miſſetat. Der abent begunde nahen. Groz muͤde Gein im Gahen. do ſach d̉er Tunphait genoz. ein huſ zeguͤt̉er maze Groz. dar inne waſ ein arger wirt. alſ noch vf vngeſlehte birt. daz waſ ein viſchere. vnd all̉er Guͤte lere. den chnappen hung̉er lerte. daz er da Gein ch̉erte. vnd chlagt dem wirte hungerſ not. er ſprach ich Geb ev ein halb ez brot. nih zedrizec iarn. ſwer min̉er milt wil varen. verGeben der ſumet ſich. ich ſorge vmb nieman nuͤn vmb mich. dar nach vmb minev kindelin. irn chomet talanc da her in. Het ir phenninge od̉er phant. ich behielt evch zehant. im bot der chnappe wolgetan. fron ieſchuten vurſpan. do daz der vilan erſach. ſin munt do lachet vnde ſprach. wildu beliben ſuͤzez chint. dich ernt alle die hie ſint. wil du mich hint wol ſpiſen. vnd morgen rehte wiſen. Gein Artuſ dem bin ich holt. ſo mac beliben dir diz Golt. daz tuͤn ich ſprach der vilan. ich geſach nie lip ſo wolGetan. ich bringe dich durc wund̉er. fur deſ chungeſ tauelrund̉er. die nacht belaip der chnappe da. man Geſhac in morgen and̉erſwa. Aventiwer wie Parzifal von vrvͦn ſygnen ſchiet Vnde den roeten riter ſlvͦch Deſ tageſ er vil chuͤm erbeit. der wirt auch ſich bereit. vnd lief fur den chnappen der rait nach. in waſ beiden vil Gach. min her hartman von owe. fro Ginuffere ew̉er frowe. vnd ew̉er h̉erre der chunc artuſ. ev chumt ein min vriv̄nt zehuſ. bittet huͤten ſin vor ſpot. ern iſt Gige noch rot. ſi ſuln ein and̉er Gunpel nemen. deſ lazen ſich durch ir zuht Gezemen. Anderſ ew̉er frowe enite. vnd ir muͤt̉er Garſinifite. w̉erdent durc die muͤle Gezuchet. vnd ir lop Gebruchet. ſol ich den lip mit ſpote zern. ich wil minen friunt mit ſpotte wern. do chom d̉er viſchere. vnd der chnappe mere. ein̉er haupſtat ſo nahen. a*alda ſi nanteſ ſahen. do ſprach er chint Got huͤte din. dort ſolt du riten in. do ſprach d̉er chnappe an wizzen laz. du ſolt mich wiſen vurbaz. hey min lip wol bewart daz. diu maſſenie iſt ſolh̉er art. Genahet ir imm̉er vilan. daz w̉er ſere miſſetan. der chnappe aleine vurbaz reit. vf einen plan nih zebreit. der ſtuͤnt von pluͤmen lieht Gemal. in zoch dehain kurvenal. er chunde curtoiſe nih. alſ alſ vnGeuarn mann Geſhicht. ſin zaum der waſ beſtin. alt vnd cranc ſin pheridlin. daz tet von ſtruchen mangen val. auch waſ ſin ſatel vb̉er al. vnbeſlagen mit nwem led̉ere. ſamit h̉ermin vedere. der zwaier wenich man da ſiht. ern bedorfe der mantel ſnuͤre nih. vuͤr roch vnd vur ſurkot. da vur nam er ſin Gabilot. deſ ſit man Gegen briſe maz. ſin vat̉er waſ gecleidet baz. vf dem tepich vor chanfolaiſ. der Gelie nie vorhtechlichen ~~ſweiz~~ſwaiz. Im chom ein rit̉er wid̉erriten. den gruͤzt er nach ſinen ſiten. Got halde evch riet min muͤt̉er mir. Juncherre got lon ev vn̄d ir. ſprach artuſeſ baſenſuͤn. in zuͤch vtrepandraguͤn. oͮch ſprach d̉er w̉erde wigant. erbeſchaft zebritanie vf daz lant. daz waſ Ith̉er von kahauiez. den roten rit̉er man in hiez. ſin harnaiſch waſ gar ſo rot. daz ez den ~~augen~~ougen rote bot. ſin roſ waſ rot vnde ſnel. rot waſ ſin lip Gugurel. rot ſamit waſ ſin chouertiͮur. ſin ſhilt waſ rot̉er dann ein viͤur. Al rot waſ ſin kurſit. .: evtl. Federansatz über dem Reimpunkt. vnde wol an im geſniten wit. rot ſhaft vnd ſper. rot nach deſ heldeſ ger. waſ im ſin ſw̉ert Gerotet. Gein d̉er hert ſharf Gelotet. Der chunc von chukunb̉erlant. alrot von Golde vf ſin̉er hant. ſtuͤnt ein chopf vil wo*wol ergraben. ob Tauelrundare vf erhaben. blanc waſ ſin vel rot waſ ſin har. er ſprach zuͤ dem chnappen ſund̉er vâr. Geert ſi din ſuͤzz̉er lip. dich braht zuͤ d̉er werlte ein reinez wip. owol d̉er muͤt̉er diu dich Gebar. ich geſach nie lip ſo wol Geuar. du biſt der warn minne blich. ir ſhunphenture vnd ir ſtrich. vil wibeſ vreude an dir Geſigt. d̉er nach dir iamer ſware wigt. lieb̉er vriunt wildu da hin in. ſo ſage mir durch den dienſt min. Artuſen vnde den ſinen. ichn ſul nih vluhtich ſhinen. ich wil hie g̉erne baiten. ſw̉er zuͤ der Tioſt ſich wil ~~beraten~~beraiten. Ir dehain̉er hab ez vur wund̉er. ich rait vuͤr die tauelrund̉er. minſ landeſ ich mich vnd̉erwant. diſen chopf min vngefuͤgev hant. vf zuchte daz der win v̉erGoͤz. fron Ginofern in ir ſhoͤz. vnd̉erwinden mich daz lerte. ob ich ~~ſhaub~~ſhoub vmb ch̉erte. ſo wurde ruͤzech mir min vel. daz mait ich ſprach d̉er degen ſnel. ich han ez nih durc raup getan. deſ wil min crone mich erlan. friunt nu ſage d̉er kungin. ich beGuzz ſi an den willen min. al da die w̉erden ſazzen. die reht̉er w̉ere v̉erGazen. ez ſi chunc oder vurſten. weſ lat ſi ir wirt erdurſten. wan holnt ſim hie ſin Goltuaz. ir ſneller briſ wirt anderſ laz. Der chnappe ſprach ich wirbe dir. ſwaz du Geſprochen haſt zuͤ mir. vnd rait von im zenanteſ in. vnd volgetan im diu kindelin. vf den hof fuͤr den palaſ. da manger hande vuͤr waſ. vil ſchier wart vmb in Gedranc. ywein dar naher ſpranc. der chnappe vaſheſ vrie. vn̄d bot im Gunpanie. do ſprach der Gaſt got halde dich. alſo bat min muͤt̉er mich. ê dann ich ſhiede von ir huſ. ich ſihe hie mangen artuſ. wer ſol mich rit̉er machen. ywan beGunde lachen. Er ſprach dun ſiheſ deſ rehten nih. daz ab̉er ſchier Geſhit. do furt ern hinz dem palaſ. d*da diu w̉erde maſſenie waſ. ſuſ enchunde er nih mit ſhalle. er ſprach got halde evch h̉erren alle. benamen den kunc vnde deſ ~~lip~~wip. mir Gebot min muͤt̉er anden lip. daz ich ſi Gruzte ſund̉er. vnd die ob der tauelrund̉er. *mit rehtem briſe heten ſtat. die ſelben ſi mich gruͤzzen bat. dar an ein chunſt mich v̉erbirt. ich waiz nih wer hinne iſt wirt. dem hat ein rit̉er her enboten. den ſach ich ~~allenthab~~allenthalben roten. er well ſin da vz biten. mich dunchet er welle ſtriten. im iſt auch lait daz er den win. v̉erGoz vf die chungin. Owe wan het ich ſin gewant enphangen vondeſ kungeſ hant. ſo w̉er ich freuden riche. ez ſtet im rit̉erliche. Der chnappe vnbetwungen. wart hart vil Gedrungen. Gehurtet her vnd dar. ſi namen ſiner varwe war. daz waſ ſebe geſhawet. Gehert noch gefrowet. wart nie minneclich̉er fruht. Got waſ an ein̉er reinen zuht. do er ~~parziualn~~Parziualn wohrte. d̉er vreiſe wenc forhte. ſuſ wart vur Artuſen braht. andem Got wund̉er het Gedaht. im chunde nieman vint ſin. in Geſhach ſelb diu chungin. ê ſi ſhied von dem palaſ. dar vf ſi beGozzen waſ. der chunc an den chnappen ſhach. zuͤ dem Tunben er do ſprach. Junch̉erre Got v̉ergelt ev gruͤz. den ich vil g̉erne dienen muz. mit libe vn̄d auch mit Guͤte. deſ iſt mir wol zemuͤte. Daz wolde Got wer daz war. d̉er wil dunchet mich ein iar. daz ich nih rit̉er weſen ſol. daz tuͤt mir wirſ danne wol. vnd ſumet mich nih mere. phlegt min nach rit̉erſ ere. daz tuͤn ich gerne ſprach der wirt. ob w̉erdechait mich nih v̉erbirt. du biſt wol ſo gehiure. in rich̉er choſte tiur. wirt dir min Gabe vndertan. ~~dewar~~deswar ich ſol ez vng̉erne lan. du ſolt biz morgen beiten. ich wil dich wol beraiten. Der wol geborne chnappe. Gie Gagernde alſ ein drappe. er ſprach ich wil hie nimm̉er biten. mir chom ein rit̉er wid̉erriten. mach mir deſ harnaiſch werden nit. ichn ruch w̉er chungeſ ga be ſiht. ſo Git mir ab̉er diu muͤt̉er min. diu iſt idoch ein chungin. Artuſ ſprach zuͤ dem chnappen ſan. den harnaiſch hat ein man. daz ich dirſ nih getar Geben. ich muͤz doch ſuſ mit chunb̉er leben. ân alle min ſhulde. ſit ich darbe ſin̉er hulde. ez iſt ith̉er von kahauiez. der truren mir durc freude ſtiez. ir w̉ert ein chunc vnmilte. ob evch ſolher Gabe beuilte. Gept ez im ſprach Gey ſan. lat in zuͤ im vf den plan. er ſol vnſ bringen h̉er den chopf. hie haldet Gaiſel dort d̉er toph. lat daz chint in vmbe triben. ſo lopt manz vor den wiben. ez wMuͤz doch diche wagen. vn̄d ſolhe ſhanz bagen. ich ſorge niht vmb ir dewederſ leben. man ſol hunt vmb eberſhaup Geben. vng̉erne ſolde ich *imz v̉erſagen. wand ich furht er w̉erde erſlagen. dem ich helfen ſolde rit̉erſauft. ſprach artꝰus vz triwen craft. d̉er chnappe idoch die Gabe enphienc da von ein druren ſit ergienc. Do waſ im von dem chunge gach. iunge vnd alt im liefen nach. ywanet in and̉er hende zoͮch. vuͤr eine lauben nih zehoͮch. da ſhach er vuͤr vnd wid̉er. diu laube diu waſ wol ſo nid̉er. daz er druffe erhort vnd erſach. da von ein truren im Ge*Geſchach. do wolde auch diu chungin. ſelbe in dem venſt̉er ſin. mit rit̉ern vnd mit ~~frowen~~frawen. die begunden alle ~~ſchawen~~ſchowen. dasaz fro*frogunwar. diu fier vnd diu clar. diu lacht niht dehein wiſ. ſin ſehe der den hoͤſten briſ. hete od̉er ſolde erw̉erben. ſi wolde auch ê erſterben. allez lachen ſi v̉ermeit. biz daz der chnappe fuͤr ſi reit. do erlacht ir minnechlich̉er munt. deſ wart ir rukke vngeſunt. Do nam Gay thſenethſant. fron Gunwarn delalant. mit ir raidem hare. ir lange zophen *chlare. want er vmb ſin hant. vnd ſpanteſ an ein tuͤrbant. vf ir ruche wart dehain ait geſtabt. doch wart einſ ſtab ſo dran gehabt. biz daz ſin ſuſen gar verſwanc. durch wat vnd durc fel er dranc. do ſprach d̉er vnwiſe. ew̉erm w̉erdem briſe. iſt Gigeben ein ſmehev lezze. ich bin ſin vencnezze. vnd ſol in wid̉er in evch ſmiden. daz ir ſin enphindet vf den liden. ez iſt dem chunge artuſ. in ſinn hof vnd in ſin huſ. ſo manc w̉ert man Geriten. durch den ir lachen hapt v̉ermiten. vnd lachet nu durch einen man. der niht mit rit̉erſ vuͤre chan. In zorne wund̉erſ vil Geſhiht. ſinſ ſlahenſ wer im erlauptet niht. vor dem riche vf diſe magt. diu wart von friunden vil Gechagt. ob ſi halt ſchilt ſolde tragen. diu vngefuͤge iſt hie Geſlagen. wand ſi waſ von art ein vurſtin. oRiluſ vn̄d lehelin. ir bruͤd̉er het inz die Geſehen. der ſlege minn̉er w̉ere ~~geweſen~~geſhehen. der v̉erſwigen antanor. d̉er durch ſwigen duht ein tor. ſin rede vn̄d ir lachen. waſ Gezilt mit zwain ſachen. ern wolt nie wort Geſagen. ſin lachet diu da wart geſhlagen. do ir lachen wart getan. ſin munt ſprach zuͤ chain ſan. Got weiz h̉er ſenethſalt. daz fro gunwar delalant. durc diſen chnappen iſt gebert. ew̉er frevde drumbe wirt v̉erzert. noch von ſin̉er hende. ern iſt nie ſo ellende. Sit ew̉er erſtev red mir dreut. ich wen irſ luzzel evch gefreut. ſin brat wart Galunet. mit ſlegen vil Gerunet. dem wizhaften torn. mit ſuſen in ſinev orn. daz tet Gey ſundertwal. do muͤſ der iunge ~~parzifal~~Parzifal. diſen chunb̉er ſchawen. antanorſ vnd die frowen. im waſ von h̉erzen lait ir not. vil diche greif er zuͤ dem Gabilot. vor der chunginne waſ ſo Groz gedranc. daz er durch daz megtin ſwanc. vrlaup nam er ze iuuanet. ye fili Royſ Gahmuret. deſ reiſ aleine wart Getan. hin vͤz gein itern vf den plan. Dem ſeit er ſolhiu m̉ere. daz da inne nieman w̉ere. d̉er Tioſtiern Gerte. der chunc mit Gabe w̉erte. ich ſeit alſ du mir iehe. wie ez an din danc Geſhehe. daz du den win v̉erguzze. vngefuge dich v̉erdruͤz. ir dehain luſtet ſtriteſ. Gib mir da du vf riteſt. dar zuͤ aldin harnaiſch. daz enphie ich vf dem palaſ. dar inne ich riter w̉erden muͤz. wid̉erſeit ſi dir min gruͤz. ob du mirz vng̉erne giſt. Gew̉er mich ob du wizzich ſiſt. Der chunc von kukunberlant. ſprach hat Artuſeſ hant. dir min harnaiſch Gigeben. deſwar daz tet er auch min leben. mohteſt du mirz angewinnen. ſuſ chan er friunde minnen. waſ ab̉er er dir ê iht holt. din dienſt hat ſo ſhier gedient ſolt. ich Getar wol dienen ſwaz ich ſol. auch hat er mich gew̉ert vil wol. Gip h̉er vnd la din lant reht. ich wil nih lang̉er ſin din chneht. ich ſol ſchildeſ ampt han. *er graif im nach dem zame ſan. du wol ſin lehelin. von dem mir claget diu muͤt̉er min. Der rit̉er vmbech̉ert den ſhaft. vnd ſtach den chappen ſo mit craft. daz er vnd ſin pheridlin. muͤſen ir val an der erde ſin. der helt waſ ~~zorſ~~zornſ drete. er ſluͤc in daz im wete. von dem ſhafte vz der ſwarte bluͤt. Parzifal der chnappe Guͤt. ſtuͤnt al zornic vf dem plan. zuͤ dem Gabilot Graif er ſan. da der helm vnd der barbier. ſich luchent vmb den ~~herſnier~~herſcnier. durc daz ~~auge~~ouge in ſneit ſin Gabilot. vnd durc den nach alſo daz er lac tot. viel der valſcheſ wid̉er ſazt. wibe ~~ſuͤſſen~~ſuͤfcen h̉erzen iamerſ craft. Gab it̉erſ tot von Gahafiez. der wiben nazev augen liez. Swelhev ſin̉er minn enphant. durc die freude ir waſ Gerant. vnde ir ſhinph entſhumphieret. Gegen der riwe chonduwieret. ~~parzifal~~Parzifal der tunbe. chert in diche vmbe. ern chunde ab im Geziehen niht. daz waſ ein wunderlich Geſh*Geſhiht. helm ſnuͤr noch diu thſillier. mit ſinen handen blanchen vnd fier. chunde erz nih ab Geſtrichen noch ſuſt her ab gezwichen. Vil diche erz doch v̉erſuͤchte. wiſhait d̉er vnberuchte. daz orſ vnde pheridelin. erhuͤben einem hohen Grin. daz ez ywanet erhorte. von d̉er ſtat andeſ Graben orte. ~~von~~ fron Gunwarn chnappe vnd mâc. * do er von den orſhen hort den bach. vnd daz er niemen druffe er ſach. von ſinen triwen daz Geſhach. die er zu ~~parzifaln~~Parzifaln truͤc. Parzifal tr Meinn dinnſt wizze Von lieber h̉er ichla ewch wizz daz do Gahte dar d̉er chnappe chluͤc. do vant er ytern tot. vnde ~~parzifal~~Parzifal in tunb̉er not. ſnellich er zvͤ in beiden ſpranc. vnde ſeit Parzifalen danc. briſeſ deſ er warp ſin hant. andem von chukunb̉erlant. Got lon dir nu rat waz ich tuͤ. ich chan hie hart wenic zvͤ. wie bringe ichz ab *im vnde an mich. daz chan ich wol Gelern dich. ſprach der ſtolz iuuanet. fili Royſ Gahmuret. entwapent wart der tote man. al da vor nanteſ vf dem plan. vnd anden lebenden Geleit. den dannoch Groz tunphait reit. Juuaneſ ſprach diu Ribalin. ſuln nih vnd̉er dem yſen ſin. du muͤſt nu tragen rit̉erſ chleit. daz waſ ~~parzifalen~~Parzifalen leit. Do ſprach der chnappe Guͤt̉er. ſwaz mir Gab min muͤt̉er. deſ ſol vil wenc von mir chomen. ez ſi zeſhaden ode zevrumen. daz duht in wund̉erlich genuͤc. Juuanet d̉er waſ chluͤc. idoch muͤſt er im volgen. er waſ im nih erbolgen. zwuͤ liehte hoſen iſenin. ſhuht er vb̉er diu ribalin. ſund̉er leder mit zwain porten. zwen ſpor drub̉er horten. er ſpien im vmb daz Goltw̉erc. er bot im dar den halſperc. er ſtricte im diu thſilliͤr. ſund̉er twal wart harte ſchier. vor vuͤzen vf Gewappent wol. Parzifal mit Gernd̉er dol. Do ieſch der chnappe mere. ſinen chochere. ichn raich dir dehain Gabilot. diu rit̉erſchaft dir daz Gebot. ſprach iuuanet d̉er chnappe w̉ert. er Gurt im vmb ein ſharfez ſw̉ert. daz lert in vͤz zihen. vnd wid̉er riet im vliehen. do zoch er in dar nach ſan. deſ toten manneſ ~~ſtaſte~~caſte lan. das truͤc bain hoch vnde lanc. do er in den ſatel ſpranc. er Gerte ſtegraife niht. den man noch ſnelhait ~~niht~~giht. Juuaneten niht beuilt. er l̉erte in vnd̉er dem ſchilte. chunſtechlich gebarn. d̉er viande ſchaden varn. erbot im in ſin hānt ein ſper. daz waſ Gar ân ſine Ger. Do vragt er zwiu iſt mir dize vruͤm. ſw̉er Gein dir zeTioſtiern kome. da ſolt duͤz balde brechen. durc ſinen ſhilt ſolt duͤz ſtechen. wil du deſ vil Getriben. man lopt dich w̉erden wiben. alſ vnſ diu auenture giht. von choln noch von maſtriht. dehain ſhilt̉er entwurfin baz. dann alſ er vf dem orſe ſaz. do ſprach er zeiuuanete ſan. vil lieb̉er vriunt min Gunpan. Jch han erworben deſ ich bat. du ſolt min dienſt indie ſtat. dem chunge ſagen. vnd min hohez laſt̉er chlagen. bring im wid̉er ſin Goltuaz. ein rit̉er ſin an mir v̉ergaz. daz er die iuncfrowen ſluͤc. durc ſi lachenſ Gegen mir Gewuͤc. mich muͤnt ir iam̉erlichev wort. daz enruͤrt mir nih deſ h̉erzen ort. ia muͤz ez enmitten drinne ſin. d̉er frowen vngedient er pin. Duͤz durc din Geſellecheit. la dir min laſt̉er weſen leit. Jtern von kahaviez. er iem̉erlichen ligen liez. d̉er waſ doch wol ſo manlich. lebende waſ er ſelden rich. wer riterſhaft ſinſ endeſ wer. zvͤ der tioſt durc ſhilt mit eime ſper. w̉er chlagt dann diu wunderſ not. erſtarp von einen Gabilot. Juuanet vf in do brac. der liehten bluͤmen zeinem dach. er ſtiez den Gabilotes ſtil. zvͤ im nach d̉er marter zil. Der chnappe chiuſch vnde ſtolz. ein cruzwiſ ein holz. ſtiez durc deſ Gabiloteſ ſniden. er wolte nih v̉ermiden. in die ſtat er ſagete. deſ manc wip v̉erzagete. vnd manc rit̉er wainende. chlagende triwe er ſchainde. da wart iamerſ vil gedolt. d̉er tote ſchoner wart Geholt. diu chungin rait vz der ſtat. da*daz hailctuͤm ſi vuͤrn bat. ob den kunge von kukum̉erlant. den tote ~~parzifalſ~~Parzifalſ hant. fro Ginofer diu chungin. ſprach mit iam̉er daz wort ſin. Owe vnd eia hey. Artuſeſ w̉erdecheit in zwei. ſol brechen noch daz wund̉er. d̉er ob d̉er Tauelrund̉er. den hohiſten priſ ſolte tragen. daz d̉er vor nantiſ lit erſlagen. ~~Minſ~~Sinſ erbteilſ er g̉erte. do man in ſt̉erbenſ w̉erte. er waſ doch maſſenie hie. alſo daz dehain ore nie. dehain vntat von im v̉ernan. er waſ vor wildem valſche zam. d̉er waſ vil Gar von im Geſhaben. nu muͤz ich alzefruͤ begraben. ein ſloz ob dem briſe. vnd ſin h̉erze nach zuhten wiſe. ob dem ſlozze ein hantveſte. riet im benamen daz beſte. ſwa man nach wibeſ minne. mit ellenthaftem ſinne. ſolt erzaigen manneſ triwe. ein berndiu fruht al niwe. iſt trurenſ vf diu wip geſagt. vz dinen wunden iam̉er wagt. dir waſ doch wol ſo rot din har. daz din bluͤt die bluͤmen gar. niht lieht̉er dorfte machen. du ſwendeſ wibeſ lachen. ~~Jht̉er~~Iht̉er d̉er lobeſ riche. wart beſtatet minnechliche. ſin tot ~~ſhaup~~ſhoup ſuͤffcen in diu wip. ſin harnaiſch im v̉erloſ den lip. darumbe waſ ſin endeſ wer. deſ tunben parzifaleſ Ger. ſit do er ſich baz v̉erſan. vng̉ern het er ez Getan. e*daz orſ ein̉er ſite phlac. groz arbeit ez ringe wac. ez w̉er chalt od̉er heiz. ez liez durc reiſe dehain ſweiz. ez traͤte ſtain od̉er ronen. ez dorft niemm̉er dehainſ Gurtenſ wonen. noch einſ locheſ nah̉er baz. ſw̉er ioch zwen tage drvffe ſaz. ~~Newapent~~Gewapent rait ez d̉er tunbe man. den tach ſo ſere ez hete lan. ein bloz wiſer ſolt er ez han geriten. zwen tage w̉er v̉ermiten. er wolte ſhûfften od̉er draben. er chun im wenec *vf gehaben. hin Gein abent er erſchach. einſ turneſ chuphen *vnd deſ tach. den tunben duhte ſere. wie d̉er tur wuſhe mere. tur: Am Original ist nur ein Strich nach r zu erkennen, der Rest ist zu tief im Falz. der ſtuͤnt da vil vf einim huſ. er wande daz ſi ſæte Artuſ. deſ iach im er durch hailicheit. vnſ ſin ſelde w̉ere breit. Alſo ſprach d̉er tunbe man. min̉er muͤt̉er volch ſo wol nih buͤwen chan. ezn waſhet nih ſo lanc ir ſat ſwaz ſi ir indem walde hat. Grozz̉er regen ſi ſelten da v̉erbirt. Gurneman de Graharz hiez d̉er wirt. Aventiwer wie Parzifal hinz Gurnamanz bequam d̉er in leit rit̉erſ amt. deſ er ſich ſeit nicht ſchamt. Vf der burc dar zuͤ er reit. da vor ſtuͤnt ein linde breit. vf einem Gruͤnem ang̉er. ern waſ breit̉er noch lang̉er. niwan ze reht̉er meͣz. daz orſ vnd diu ſtraze. in truͤgen da er ſizzen vant. deſ waſ diu burc vnd daz lant. ein Groͤz mude in deſ betwanc. daz er den ſhilt vnrehte ſwanc. zev̉erre hin hind̉er od her vur. den ern tet nind̉er nach d̉er ſite chuͤr. die man Gein dem briſe maz. Gurnemanz der furſte alein Geſaz. auch gap der linden tolde. ir ſhat alſ ſi wolde. dem haupt man d̉er warn zuht. deſ ſite waſ vor valſche ein vluͤht. enern enphie den Gaſt daz waſ ſin reht. bi im waſ rit̉er noch chneht. deſ antwurt im do ~~parzifal~~Parzifal vͤz tunben wizzen ſund̉er twal. Mich bat min muͤter nemen rat. zuͤ dem der grawe loche hat. da wil ich ev dienen nach. ſit mir min muͤt̉er deſ v̉eriach. ſit ir durc rateſ ſhulde. her chomen. ew̉er hulde. muͤzt ir mir durch raten lan. vnde welt ir rateſ volge han. do warf der furſte mere. einen muͤz ſparw̉ere. von der hende in die burc er ſwanc. ein guldin ſhell dran erchlanc. daz waſ ein bot do chomen in ſan. vil iunch̉erren wol getan. ER hiez den Gaſt den er da ſach. in fuͤren vnd ſaffen ſin Gemach. er ſprach min mut̉er ſeit al war. Alteſ manneſ rede ſtet niht zeuar. hin in ſi in furten al zehant. da er mangen w̉erden rit̉er inne vant. vf dem houe an ein̉er ſtat. ieglich̉er in erbaizzen bat. do ſprach andem waſ tunphait ſchin. mich hiez ein chunc rit̉er ſin. ſwaz halt mir druf ~~Geſhit~~Geſhiht. ich chum von dem orſe niht. mang̉er bet ſi in Gedahten. vnz ſi in von dem orſe brahten. in eine kemenaten. ſi begunden im alle raten. lat daz harnaiſch von ev bringen. vnd ew̉ern liͤden ringen. Vil ſhier er muͤſt entwapent ſin. do ſi die ruhen ribalin. vnd diu roten chleit erſahen. ſi erſrachen die ſin phlagen. vil pluͦgeſ wart zehoue Geſagt. der wirt vor ſham nach waſ v̉erzagt. ein rit̉er ſprach durch ſine zuht. deſwar ſo w̉erdeliche fruht. erkoſ nie min̉er augen ſehe. an im lit der ſelden ſpehe. von rain̉er ſuͤz hoh̉er art. wie iſt der minne blic bewart. mich iamert imm̉er daz ich vant. and̉er w̉erlt freude ſolch Gewant. wol doch d̉er muͤt̉er diu in truͤc. an im doch lit wunſcheſ gnuͤc. ſin zimier iſt riche. daz harnaiſch ſtuͤnt auch Rit̉erliche. ez choͤm von dem Gehiurn. von einer quaſcure. blutic Amiſiere. koſ ich an im ſhiere. Der wirt ſprach zuͤ dem rit̉er ſan. ez iſt liht durch wibe Gebot Getan. nein h̉erre er iſt nind̉er inſolhen ſiten. ern chunde nimm̉er wip Gebiten. daz ſi ſin dienſt neme. ſin varwe d̉er minne zeme. do ſprach d̉er wirt nu ſuln wir ſehen. an deſ varwe ein wund̉er iſt Geſehen. ſi Giengen da ſi vunden. ~~parzifaln~~Parzifaln den wunden. von einem ſper daz belaip doch ganz. ſin vnd̉erwant ſich Garnomanz. ſolch waſ ſin vnd̉erwinden. daz ein vat̉er ſinem chinde. der ſich triwe chunde nieten. moht imz *niht baz erbieten. Sin wunden wuſk man vnd bant. d̉er wirt mit ſin ſelbeſ hant. nu waſ vf Geleit daz brot. daz waſ dem iungen Gaſte not. wand in groz hung̉er nih v̉ermeit. Auaſtunde er deſ morgenſ reit. vondem viſhere. ſinen wun vnd ſin harnaiſch ſwere. die er vor nanteſ beiagete. im muͤde vnd hung̉er ſagete. vnd diu verrev tagereiſe. von artuſ dem pritoneiſe. da man in allez vaſten liez. der wirt in mit im ezzen hiez. d̉er Gaſt ſich da Gelabte. in den barn er ſich ſo habte. d̉er er d̉er ſpiſe ſwande vil. daz nam d̉er wirt vuͤr ein ſpil. do bat in flizzechliche. Gurnemanz d̉er triwen riche. daz er vaſt eze. vnde d̉er muͤde ſin v̉erGeze. Man huͤp den Tiſ do deſ waſ zit. ich wen daz ir muͤde ſit. ſprach d̉er wirt wart ir iht vruͤ. Gotwaiz min muͤt̉er ſlaffet nu. ſin chan ſo vil nih wachen. der wirt begunde lachen. er fuͤrt in an die ſlaf ſtat. d̉er wirt in ſich vͤz ſlaͤfen bat. ſwie vngern erz tete doch muͤſt ez ſin. ein dechlachen h̉ermin. wart Geleit vb̉er ſinn lip. ſo w̉erde fruht Gebar nie wip. Groz muͤde vnde ſlaf in l̉erte. daz er ſich ſelten ch̉errte. vmb andie andren ſiten. ſuſ chunde er deſ tageſ biten. do Gebot der vuͤrſte mere. daz ein bat berait w̉ere. rehte an dem mittem morgenſ Tach. Zende an dem bette da er lac. daz muͤſ deſ morgenſ alſ ſin. man warf roſen obnan drin. wie wenc man vmb in da rief. d̉er gaſt er wachete da er ſlief. d̉er iunge werde ſuͤzze man. Gie ſizzen indie chuͦphen ſan. ichn weiz w̉er ſi deſ bete iuncfrowen in richer wete. andeſ libeſ varwe minnechlich. die chomen zuhte ſit Gelich. ſi twuͤgen vnde ſtrichen ſhier. von im ſin amiſier. mit ir blanchen linden henden. in endorfte nih ellenden. d̉er da waſ wizze ein weiſe. ſuſ dolt er freude vnd eiſe. Tunphait er wenic Gein in engalt. Juncfrowen chuͤſh vnd balt. in alſuſ kunrierten. ſwa von ſi parlierten. da chunde er wol Geſwigen zuͤ. ia endorft in dunchen nih zefruͤ. von im ſchein d̉er and̉er tac. d̉er glaſt alſuſ inſtrite lac. ſin varwe laſht beidiu lieht. deſ waſ ſin lip v̉erſumet nieht. man bot im badlachen dar. deſ nam er vil chleine war. ſuſ chunde er ſich vor frowen ſchemen. vor in erz niht wolde vmb nemen. die iuncfrowen muͤſen Gen. ſin getorſten da nih lang̉er ſten. die wen ich gern heten geſehen. ob im dort vnden iht w̉ere Geſhehen. Wiphait vert mit triwen. ſi chan vriundeſ chunb̉er riwen. der Gaſt andaz bette ſhreit. al w gewant waſ im bereit. von Golde vn̄d von ſidin. einen bruͤcgurtel zoch man drin. ſharlachenſ hoſen rote man ſtreich. An in dem nie ellen entweich. Avoy wie ſtuͤnden im ſ*ſinev bein. reht Geſhichet ab im ſhein. brun ſharlat wol Geſniten. dem waſ furrieren nih v̉ermiten. beidiu innen h̉ermin blanc. roc vnd mandeſ warn im lanc. brun ſwarz vnd Gra. zobel da vor choſ man ſa alda. daz leit an d̉er gehiure. vnd̉er einen gurtel tiure. wart er Gephiſchiert. vnde wol gezimiert. mit einen tiuren vurſpan. ſin munt dabi von roͤte bran. Do chom der wirt mit triwen craft. nach dem Gie groz riterſhaft. er gruͤzt den Gaſt do daz Geſhac d̉er rit̉er ieglich̉er ſprach. ſin Geſehen nie ſo ſchoͤnen lip. mit triwen loptan ſi daz wip. diu da gap d̉er w̉erlte ſolhe fruht. durc warhait vnd durch ir zuht. ſi ſprachen er wirt wol Gew̉ert. ſwa ſin dienſt Gnaden gert. im iſt minne vn Gruͤz bereit mach er geniezzen w̉erdecheit. ieglich̉er im deſ da v̉eriach. vnd darnach ſw̉er in ſach. der wirt in bi d̉er hant Gevienc. Geſellechlich er dannen Gienc. In fragte d̉er furſte mere. welch ſin ruwe were. deſ nahteſ da bi im geweſen. h̉erre dan w̉er ich nih Geneſen. wan daz min muͤter h̉er mir riet. deſ tageſ do ich von ir ſhiet. Got muͤz lonen ev vnd ir. h̉erre ir tuͤt Genade an mir. ſuſ gienc d̉er helt mit wizzen cranc. da man Got vnde dem wirt ſanc. dir wirt in zuͤ der meſſe l̉erte. daz noch die ſelde merte. oph̉ern vnde ſegnen ſich. vnd Gein dem tiuvel ch̉ern Gerich. dar nach giengen ſi vf den palaſ da der tiſh Gedechet waſ. der Gaſt zuͤ dem wirte ſaz. die ſpiſ er vngeſmacht az. ~~Dir~~Der wirt ſprach durc hoͤfſheit. h̉erre ev ſol niht weſen leit. ob ich evch frage mêre. wannan ew̉er reiſe were. er ſeit im die warheit. wie er von ſin̉er mut̉er reit. vnd vmb daz ving̉erlin. vnde vmb daz vurſpan. vnd wie er daz harnaiſch Gewan. der wirt erchande den rit̉er rot. er ſufte vnd erbarmt im ſin tot. den Gaſt erſ namen nih erliez. den roten rit̉er er in hiez. do man den tiſ h̉er dan Genam. dar nach wart wild̉er muͤt vil zam. d̉er wirt ſprach zuͤ dem Gaſte ſin. ir redet reht alſ ein chindelin. wan ſwigt ir ew̉er muͤt̉er gar. vnde nemet and̉erre mere war. hapt evch an minen rat. d̉er ſheidet evch von miſſetat. Suſt heue ichz an lat evch ſin Gezemen. ir ſult evch nimm̉er v̉erſchemen. v̉erſchampter lip waz toͮc daz mere. da wont ind̉er muͤze rere. da im w̉erdechait entriſet. vnde in gegen d̉er helle wiſet. mich entrige geſhiht vnde ſhin. ir muget wol volcheſ herre ſin. i*iſt hoch od̉er hohet ſich ew̉er art. lat ew̉ern willen ſin deſ bewart. evch ſol erbarmen notic her. Gein deſ chunb̉er ſit zew̉er. vnd flizt evch demuͤte. mit milt vnd mit Guͤte. d̉er kunb̉erhaft w̉erd̉er man. wol mit armuͤt ringen chan. daz iſt vnſuͤzev arebeit. dem ſult ir helfe ſin bereit. wan ſwenn ir dem tuͤt chunb̉erſ buͤz. ſo nahet imev der Goteſ gruͤz. im iſt noch noch wirſ dann den die Gent. nach brote da diu venſt̉er ſtent. Ir ſult beſhaidenliche. ſin arm vnd riche. wan ſwa der herre gar v̉ertuͤt. daz iſt niht h̉erlich̉er muͤt. ſament er ab̉er ſhaſzeſ êre. daz ſint auch vnere. Gebt reht̉er maze ir orden. ich bin wol innen worden. daz ir rateſ durftic ſit. nu lat d̉er vngefuͤge ir ſtrit. irn ſult nih vil Geuragen. ~~och~~ach enſol evch nih betragen. Gedaht̉er Gegen red diu gereht alſ ienſ vragen ſte. ſw̉er evch wil mit worten ſpehen. ir chunnet horn vnd ſehen. entſten vnd trahen. daz ſol ev witzen nahen. lat erbar*erbarmde bi d̉er freuele ſin. ſuſt tuͤt mir rateſ volge ſchin. an ſwen ir ſtriteſ ſicherheit. bezalt ern hab ev ſolhiu leit. Getan daz ez muge ân deſ herzen chunb̉er weſen. die nemt vnd lat in Geneſen. Ir muzet auch diche wappen taragen. ſo ez von ev choͤm daz ir Getwagen. vnd augen vnd an den handen ſit. daz iſt nach iſenſ farwe zit. ſo w̉ert ir minnechlich geuar. deſ nement wibeſ augen war. weſt manlich vnd wol Gemuͤt. daz iſt ze w̉erdem briſe Guͤt. lat ev liep ſin diu wip. daz tiuret iungeſ manneſ lip. Gewenchet nīmm̉er tac an in. daz iſt reht manlich ſin. welt ir in Gerne liegen. ir mugt ir vil betriegen. Gein w̉erd̉er minne valſcher liſt. hat zebriſe churze vriſt. da wirt der ſlichere clage. daz turre holz in dem hage. hage: Federansatz zwischen a und g. Iz briſtet vnd crachet. der wathere erwachet. vngev̉erte vnd hamit. dar Gediht manec ſtrit. daz mezzet Gein d̉er minne. diu w̉erde diu hat ſinne. Gegen valſc w̉erdecliche kunſt. ſwenn ir beiagt ir vn*vnkunſt. ſo muͤzet ir Guneret ſin. vnd imm̉er dulten ſhamenden pin. diſe lêr ſult ir nahen tragen. ich wil ev me von wiben ſagen. Man vnd wip die ſint alein. alſam diu ſunn diu hiut da ſhein. vnd auch d̉er man d̉er haizzet tac. d̉er dewederz ſich Geſaiden mac. ſi bluͦnt vz einem kerne Gar. deſ nemet chunſteclichen war. der Gaſt dem wirte durc raten naic. ſiner muͤt̉er er vGar geſwaic. mit rede vnd in dem h̉erzen niht. alſnoch Getriwem man Geſhit. d̉er wirt ſprach ſin ere. noch ſult ir lernen mere. chunſt an rit̉erlichen ſiten. wie chomt ir zuͤ mir Geriten. ich han beſwawet mange want. da ich den ſhilt baz hangen vant. dan er ev zehalſe tete. ez iſt vnſ nih zeſpete. wir ſuln zeuelde gahen. da ſolt ir kunſte nahen. Bringet im ſin orſ vnd mir daz min. vnd iegli rit̉er daz ſin. iegli: Zu tief im Falz, um etwas zu erkennen, aber es scheint, als ob nach i keine weiteren Buchstaben stehen. dar ſuln auch iunch̉erren chomen. d̉er ieglich̉er habe Genomen. ein ſtarchen ſhaft vnd bring in dar. d̉er nac d̉er niwe ſi geuar. ſuſ chom d̉er furſte vf den plan. da wart mit riten chunſt Getan. ſim Gaſt er raten gab. wie er daz orſ vf dem walab. mit ſporn Gruͤzeſ pine. nach ſhenchlen vliegen ſhine. vz dem poind̉er ſoltu wenchen. vnde den ſhaft zerehte ſenchen. den ſhilt gein d̉er Tioſt vur ſich nemen. er ſparach deſ lat evc ſo Gezemen. Vngefuͤge er im ſuſ w̉erte. baz dann ein ſwanchel g̉erte. diu argen chinden brichet vel. do hiez er chomen rit̉er ſnel. Gein im durch tioſtiern. er begunde in conduwiern. einen zegegen an den rinc. do brahte d̉er iungelinc. ſin erſte tioſt durc einen ſhilt. deſ von in allen wart beuilt. vnd daz er hind̉er daz orſ v̉erſwanc. einen rit̉er niht zecranc. einand̉er tioſtiern waſ chomen. nu het auch ~~parziual~~Parziual Genomen. einen ſtarchen niwen ſhaf ſin iugent het ellen vnd craft. d̉er iunge ſuͤz ane bart. deſ twanc in Gahmureteſ art. vnd anGeborner manhait. daz orſ von rubin er reit. mit volleclich̉er hurte dar. er nam d̉er vier nagel war. DſDeſ wirteſ rit̉er nih Geſaz. al vallende er den ker maz. do muſten cleiniv ſtuchelin. al da von drunzunen ſin. alſuſ ſtach er ir vunfe nid̉er. der wirt in nam vnd vurt in wid̉er. ſeht da behielt er ſhinpheſ priſ. vnd wart auch ſit an ſtrite wiſ. die ſin riten da Geſahen. die wiſen im deſ iahen. da vuͤr chunſt mit ellen bi. min h̉erre wirt nu iam̉erſ vriͤ. ſich mac nu iungen wol ſin leben. er ſol im ze wibe Geben. ſin toht̉er vnſ̉er frowen. ob wir in bi wizzen ſhawen. ſo erliſht im ſinſ iamerſ not. vur ſin̉er drier ſune tot. im iſt ein Gelt zuhuſ geriten. nu hat in ſelde niht v̉ermiten. Suſ chom d̉er furſte wid̉erin. d̉er tiſh Gedechet muͤſe ſin. d̉er wirt hiez zetiſſe chomen. ſin toht̉er han ich v̉ernomen. do er die maget chomen ſach. nu horet wie d̉er wirt ſprach. zuͤ d̉er ſhonen liazzen. du ſolt chuſſen lazen. diſen rit̉er vnd biut im ere. er v̉ert mit ſelden lere. Auch ſolt an evch gedinget ſin. daz ir der megde ir ving̉erlin. lazzet ob ſiz mohte han. nun hat ſiz niht noch ir vurſpan. w̉er Gab ir ſolhe volleiſt. ſam d̉er frowen in dem foraiſt. diu het etſwen von dem ſi enphienc. daz ev zenphahen ſit ergienc. irn mugt liazzen nih Genemen. der gaſt begunde ſich deſ ſhemen. Idoch chuſt er ſi anden munt. d̉er waſ fiͤurſh varwe chunt. liazenlip waſ wunneclich. da bi d̉er warn ~~chuͤſſe~~chuͤſſhe rich. d̉er tiſh waſ nid̉er vnd lanc. der wirt ſich da mit niemen dranc. er ſaz alein an dem orte. ſinen Gaſt liez er ſizzen dort. zwiſhen im vnd ſim chinde. ir blanchen hende linde. muͤſen ſniden ſo d̉er wirt gebot. den man da hiez den rit̉er rot. allez daz er ezzen wolde. niemen ſi wenden ſolde. ſin Gebarten haimlichen. diu magt zuhten riche. laiſt ir uat̉er willen gar. ſi vnde der Gaſt warn wolgeuar. Darnach gie diu maget wid̉er. alſuſ phlac man deſ heldeſ ſider. vnz anden vierzehenden tac. bi ſime herzen chunb̉er lac. and̉erſ niht wan vmb daz. er wolde ê Geſtriten baz. ê daz er dar an wurde warm. daz man da heizet frowen arm. induhte ein w̉ert gedinge. daz w̉er ein hocheu linge. zuͤ diſem libe vnde dort. daz ſint noch vn*vngelogeniu wort. einſ morgenſ er vrlaubeſ bat. do rumpt er Graharz die ſtat. d̉er wirt mit im zevelde reit. hie huͤp ſich niwez h̉erzeleit. Der furſte ſprach vͤz triwen erchorn. ir ſit min vierd̉er ſun v̉erlorn. ia wande ich ergezt w̉ere. dirre iem̉erlichen mere. dern warn dannoch nih wan driu. d̉er nu min h̉erze in vierev. mit ſin̉er hende ſluͤge. vnd ieglich ſtuche truͤge. daz duht mich an grozz̉er Gewin. einz vur ew̉er riten hin. diu driu vur minev w̉erden chint. diu ellenthafte erſtorben ſint. ſuſ loͤnt idoch diu rit̉erſhaft. ir zagel iſt iam̉erſ ſtrichaft. ein tot mich an freude gar. minſ ſunſ wolgeuar. der waſ gehaizen. ſhentaflorſ. diu frowe kunduwir amorſ. lip vnd ir lant niht wolde Geben. in ir helf er v̉erloſ ſin leben. von clamide vnd von kingrun. deſ iſt mir durchel alſ ein zuͤn. Min h̉erze von iam̉erſ ſiten. nu ſit ir alzefruͤ Geriten. von mir troſtloſen man. owe daz ich nih ſt̉erben chan. ſit liaz diu ſchone maget. vnd auch min lant ev nih behaget. min and̉er ſun hiez filiſchot. den ſluͤc mir ith̉erſ vilinot. vmb einen ~~ſprarw̉ere~~ſparw̉ere. deſ ſten ich freuden lere. min dritt̉er ſun hiez gurzgri. dem rait mahoͮde bi. mit ir ſchonem libe. wande ſi Gab im zewibe. ir ſtolz̉er bruͤd̉er ehkunat. Gein brandigan der haubſtat. chom er nach ſchoy delachurt geriten. deſ wart ſin ſt̉erben nih v̉ermiten. Do ſluͤc in Mobonagirim. deſ v̉erloſ mohot ir liehten ſhin. vnd lac min wip ſin muͤt̉er tot. Groz iam̉er ez ir nach im gebot. d̉er gaſt nam deſ wirteſ iam̉er war. wande erz im vnd̉erſhiet ſo gar. do ſprach herre ich bin nih wiſ. bezal aủer ich imm̉er rit̉erſ briſ. ſo daz ich mach minne Gern. ir ſult mich liazen w̉ern. ew̉rer tohter d̉er ſhoͤnen magt. ir habt mir al ze vil gechlagt. mac ich ev dann iam̉er entſagen. deſn laz ich evch nih lang̉er tragen. vrlaup nam do d̉er iunge man. zvͤ dem Getriwen furſten ſan. vnd zuͤ d̉er maſſenie. deſ furſten iamerſ drie. waſ riuwic andaz quuatt̉er chomen. die vierden vluſt het er genomen. Dannen ſhiet do Parzifal. rit̉erſ ſitte vnde Rit̉erſ mâl. ſin lip mit zuhten vuͤrte. owe wan daz in rurte. vil manc vnſuͤzzev ſtrenge. im waſ diu wite ze enge. vnd auch diu braite gar zeſmal. alliu gruͤn idoch zeual. ſin rot harnaiſch in duhte blanc ſin h̉erze ſiniu augen deſ betwanc. ſit er tunphait ane wart. don wolt in Gahmureteſ art. Gedenchenſ nih erlazen. nach d̉er w̉erden liazen. der meigde ſelden richen. diu im Geſellechlichen. ſund̉er minne bot ere. ſwar ſin orſ nu kere. er magſ vor iam̉er niht enthaben. ezn welle ſpringen od̉er draben. cruz vnd ſtuden ſtrich. dar zuͤ d̉er waleiſen blich. ſine waltſtraze meit. vil vngeủerteſ er do reit. Aventiw̉er wie Parzifal frovn ~~Gundwiramuſ~~Gundwiramurſ gewan die liecht gemal. Daz luzzel wegericheſ ſtuͤnt. tal vnd b̉erc warn im vnkunt. Genuge habent deſ ein ſite. vnd iehent ſw̉er irre rite. daz er den ſlegel vuͦnde. ſlegelſ vrchunde. do rait er luzel irre. wand die ſhlihte an d̉er virre. chom er deſ tageſ von graharz. in daz chuncriche zibriebarz. durc wilde gebirge hoͤch. der tac do Gein dem abent zoch. do chom er an ein wazz̉er ſnel. daz waſ von ſime duͤzze hel. ez gab die velſe ein and̉er. daz rait er nid̉er do vand̉er. Die ſtat zepailrapaier. d̉er chunc tanpantaier. hiet ſich gerbet vf ſiniu chint. bid̉er vil luͤte in chunb̉er ſint. daz wazzer vuͤr in bolzeſ ſiten. die wol Geuid̉ert vnde Geſniten. ſint ſo ſi deſ armbruſteſ ſpan. mit ſenuen ſwanc tribet dan. dar vb̉er Gienc ein brukken ~~ſwa~~ſlac. da manc hurt vflac. ez vloz alda in daz mer. pailrapier waſ wol zew̉er. nu ſehet wie chint vf ſhokken varn. die man ſhokkenſ niht wil ſparn. ſuſt fuͤr diu prukke ane ſeil. dun waſ von iugende nih ſo geil. dort and̉erhalben ſtuͤnden. mit helmen vf Gebunden. ſehzech rit̉er od̉er mer. die riefen alle chera ker. mit vf Geworfen ſw̉erten. die crancheſ ſtriteſ gerten. Durc daz ſi in diche ſahen ê. ſi wanden ez wer chlamide. wand er chunſtechlichen reit. Gein der brukke vf dem velde breit. do ſi diſen iungen man. ſuſ mit ſhalle riefen an. ſwie vil er daz orſ mit ſporn v̉erſneit. vor vo*vorhte ez doch die bruchen meit. d̉er rehte zaghait ie vloch. d̉er erbaizte nid̉er vnde zoch. ſin orſ vb̉er der bruchen ſwanc. einſ zagen muͤt wer al zecranc. ſolde er Gein ſolhem ſtrite varn. dar zuͤ muͤſt̉er ein diche bewarn. wand er vorhte deſ orſeſ val. do erlaſh oͮch and̉erthalp d̉er ſhal. Die rit̉er trugen wid̉er in. helm ſhilt vnd ſw̉erteſ ſhin. vnd ſluzzen zvͤ die porten. Groz h̉xer ſi vorhten. ſuſ zoch hin vb̉er Parzival. vnde chom Geriten an ein wal. da mang̉er ſinen tot erchoſ. vnd durch rit̉erſ priſ den lip v̉erloſ. vor der porten Gein dem palaſ. der hoch vnde Geheret waſ. ein rinc er and̉er porten vant. den rurter vaſte mit d̉er hant. ſinſ ruͦfenſ nam da nieman war. wan ein iuncfrowe wolgeuar. von einem venſt̉er ſach diu magt. den helt halden vnủerzagt. Diu ſchoͤne zuht riche. ſprach ſit ir wicliche. her chomen daz iſt an not. ân evch man vnſ vil hazzeſ bot. von dem lande vnd vf dem mer. zornec ellenthaftez her. do ſprach er frowe hie haldet ein man. d̉er ev dient ob ich chan. ew̉er gruͤz ſol ſin min. ſolt. ich bin ev dienſtlichen holt. do Gienc diu magt mit ſinne. vur die Guneginne. vnd half im daz er chom hin in. daz wande im ſit hohen pin. ſuſ wart er in v̉erlazzen. ietdwed̉erthalp d̉er ſtrazen. ſtuͤnt bouel ein grozzeu ſhar. die w̉erlichen chom̄en dar. lingare patelirre. d̉er waſ ein langen virre. O auch koſ man an dem ſelben zil. arger ſhuzzen harte vil. vil chuͤn̉er ſariande. der beſten von dem lande. mit langen ſtarchen lanzen. ſharphen vnd Ganzen. alſ ich daz mere v̉ernomen han. da ſtuͤnt auch manic chaufman. mit vnd mit Gabilot. mit vnd: Zwischen "mit vnd" lässt der Schreiber einen Freiraum. Vermutlich sollte hier das fehlende Wort "hâschen" nachgetragen werden. mit vnd: Lücken-Tag "lk" einfügen? alſ in ir maieſt̉erſaft Gebot. die truͤgen alle ſalcheſ balc. d̉er chunginne MArſhalc. muͤſ in durc ſi laiten vf den hof mit arbeiten. d̉er waſ Gein w̉er beraten. tvvrne ob den kemenaten. Wich huſ perfrit ergere. d̉er ſtuͤnt da ſich̉erlichen mere. dann er da vor geſehe ie. do chom ellenthaften hie. rit̉er die in enphiengen. die riten vnd Giengen. oͮch waſ diu iemerliche ſhar. alliu nach aſhen geuar. od̉er alſ ein valw̉er leim. Graue bopbe von w̉erthaim. wer vngern ſoldier da geweſen. er meht ir ſoldeſ nih ſin geneſen. der zadel vugt in hungerſ not. ſin heten cheiſ. fleiſh. noch brot. ſi liezen zende ſturn ſin. vnd ſmalzegeten auch dehainen win. mit ir munde ſo ſi trunchen. die wamben in nid̉er ſunchen. Ir huf hoch vnde mag̉er. Gerunphen alſ einſ vngerſ zager. waſ in diu huͤt zuͤ den rippen. d̉er hung̉er het in ir fleiſh v̉ertrippen. den muͤſten ſi durc zadel doln. in trauf vil luzzel indiu choln. Deſ twanc ſi ein vil ſtolzer man. d̉er w̉erde kunc von prandigan. ſi arnten chlamideſ bet. ſich verGoz da ſelten mit dem met. d̉er zuͤber od̉er diu channe. der Truͤhend̉er phanne. mit chraphen ſelten da erſrei. in waſ d̉er ſelbe don enzwei. ſolt ich daz nu wizen in. ſo het ich harte cranchen ſin. wan da ich diche bin erbaizet. vnd da man h̉erren haizet. dahaim in min ſelbeſ huſ. da wirt Gefreut ſelten muſ. die muͦſe muzzen ir ſpiſe ſteln. ſin durfen nimm̉er vor mir v̉erheln. ich vinde ir offenlichen niht. alze diche daz Geſhiht. irHer wolfram von eſkenbac. daz ich dulte al ſolhen gemach. min clage iſt vil vnủernomen. nu ſol diz mere wid̉er chomen. wie pailrapier ſtuͤnt iamerſ vol. da Gab diu diet von freuden zol. die helde iam̉erſ riche. leptan chunb̉erliche. ir warev manhait daz Geboͤt. nu ſolde erbarmen ev ir not. ir lip iſt nu benennet phant. ſin loſe druͤz diu hoheſtev hant. horet mer von den armen. ſi ſolden ev erbarmen. ſi enphiengen ſhamlichen. irn Gaſt ellenſrichen. er duhte ſi anderſ wol ſo wert. daz er niht dorft han Gigert. ir h̉erreb̉erge alſ ez in ſtuͤnt. ir grozzev not waſ im vnchunt. Man leit einen Tepich vf daz Graſ da v̉ermuret vnd Geleitet waſ. durc den ſhat ein linde. do entwappet in daz Geſinde. er waſ in vngeliglich geuar. do er den ram von im ſo Gar. Getwuͤc mit einen brunnen. do het den liehten ſunnen. v̉erkrenchet nach ir liehten glaſt. deſ duht er ſi ein w̉erder Gaſt. man braht im einen mantel ſan. Gelich alſam d̉er roch Getan. d̉er êdeſ an dem helde lac. d̉er zobel willden niwen Gab ſmac ſi ſprachen welt ir ſhawen. die chunginn vnſ̉er frauwen. Do iach der helt ſtete. wie g̉erne er daz tete. ſi Giengen hin ze dem palaſ. da hoch hin Gegredet waſ ein minnechliͤz antluzze ſhin. dar zuͤ d̉er augen ſuͤzze ſin. von d̉er chunginne Gienc. ein liehter glaſt ſi ê enphienc. von katalangen chiot. vnd der w̉erde manfiliot. h̉erzogen bede warn die. ir bruͤd̉er kint ſi brahtan hie. deſ landeſ chunginne. durch die Goteſ minne. heten ſi vf Gigeben ir ſw̉ert. do giengen die furſten w̉ert. Gra vnd wolgeuar. mit grozzer zuht ſi brahten dar. ir ~~frowen~~frawen en mitten an die ſtegen. do chuſt ſi den w̉erdn deGen. Die munde warn in beiden rot. diu kunginne ime ir hant bot. Parzifaln ſi vuͤrt wid̉er. ada ſi ſazen beidiu nid̉er. frowen vnd rit̉erſhaft. die heten alle ſwache craft. die da ſtuͤnden vnd ſazen. die heten alle freude lazen. daz Geſinde vnd auch diu wirtin. conduwiramurſ ir ſhin. doch ſhiet von diſem ſtrite. ieſkuten vnde eniten. vnd kunwarn de lalant. od̉er ſwa man lobſ die beſten vant. vnd ſwa man frowen ſhoͤn Gewuͤc. ir Glaſteſ ~~ſin~~ſhin vnd̉er ſluͤc. vnd beid̉er iſalden. diu da muͤzzen priſeſ walden. conduwiramurſ. diu truͤc den rehten beachurſ. d̉er nam tuſchen ſhoͤn̉er lip. ez warn wol nuzzer wip. v. Vvie diſiu zwai Gebarn. di da bi ein and̉er warn. dan ſhuͤf wed̉er wip noch man. niwan daz ſi ſi ſahen an. diu zwai bi an and̉er. Guͤt vriunt da vand̉er. erder Gaſt Gedaht ich ſage ev wie. liaz iſt dort liaz iſt hie. auch wil got leideſ mazzen. nu ſih ich liazen. deſ w̉erden ~~kurnanzeſ~~kurnmanzeſ chint. liazen ſhoͤn waſ ein wint. Gein dirre meide diu hie ſaz. ander Got wunſcheſ nie v̉ergaz. do waſ deſ landeſ frowe. alſ von dem ſuͤzzem tawe. diu roſe vz ir belgelin. endechet niwen werden ſchin. der iſt beidiu wiz vn̄d rot. daz vuͤget ir Gaſte Groze not. Sin manlich zuht ie waſ ſo Ganz. ſit in d̉er w̉erde kurnemanz. von ſin̉er tunphait ſhiet. vnd im vragen widerreit. wan beſhaidelichen. bi d̉er kunginne richen. ſaz ſin muͤnt Gar ane wort. nahen nih Gar ủerre dort. mang̉er chan noch rede Geſparn. der mer ze frowen iſt geuarn. diu chungin Gedahte ſan. ich wen mich ſmehet dirre man. durch daz min lip v̉ertwelt iſt. nein er duͤt ez durch ein liſt. her Gaſt ich bin wirtin. diu erſte rede were min. dar nach er guͤtlichen an mich ſach. ſit vnſ zeſizzen hie Geſhach. er hat ſin zuht Gein mir gewart. min red iſt alzeuil Geſpart. Hie ſol niht mer geſwigen ſin. zuͤ ir Gaſt ſprach diu chungin. h̉erre ein wirtin reden muͤz ein kuͤſh erwarp mir ew̉ern Gruͤz. oͦch but ir dienſt da h̉er in. alſ ſeit mir ein iuncfrowe min. ſon habent mich Geſte nih Gewent. da von hat ſich min h̉erze ~~v̉erſent~~v̉erſhent. h̉erre ich frage evch mere. wannan ew̉er reiſe w̉ere. frowe ich rait bî diſem tage. von einem man d̉er mich mit chlage. liez mit triwen ane ſranz. d̉er furſte haizet Gurnamanz. von Graharz iſt er genant. dannan rait ich hiut in daz lant. Alſuſ ſprach diu w̉erde magt. het ez and̉erſ iemen mir Geſagt. der volge im nimm̉er wurde v̉eriehen. daz ez einſ taGeſ mohte Geſhehen. wan ſwenn min bot ie baldeſt reit. die raiſ er zwene tage meit. min muͤt̉er waſ diu ſweſt̉er ſin. ewerſ wirteſ ſiner toht̉er ſhin. ſich auch von iamer crenchen mac. wir haben mangen ſw̉eren tac. mit nazzen oͮgen vb̉er chlagt. ich vnde liaz diu magt. ſit ir ewerm wirt iht holt. ſo lidet. alſ wirz Gedolt. hie lange han wib vnd man. ein teil ir im dienet dran. Ich muͤz ev unſ̉ern chunber clagen. wir muͤzen ſtrengen zadel haben. do ſprach ir vet̉er kiot. frowe ich ſende ev zwelf brot. ſhult̉ern vnde hammen dri. da ligent auch aht keſe bi. vnd zwai buzzel mit win. evch ſol auch der bruͤder min. hinaht ſtiurn deſt ev not. do ſprach Malfilot. frowe ich ſende alſo vil. do ſaz diu magt an freuden zil. Ir Grozz̉er danc wart nih v̉ermiten. ſi namen vrlaup vnd riten. da bi zvͤ ir waide huſe. zuͤ d̉er wilden alben chluſe. die alten ſazen wer. vnd heten friunde von dem her. ir botten chomen wid̉er Gedrabt. deſ wart diu cranche diet Gelabt. do waſ d̉er burgere nar. Gedigen an diſe ſpiſe Gar. ir waſ von hung̉er mang̉er tot. ê daz in chome daz brot. Tailen hiez ez diu kungin. den cheſe fleiſh brot vnd win. dirr creftloſen diet. Parzifal d̉er Gaſt daz riet. ez belaip in zwain vil chuͤm ein ſnit. die tailtan ſi an bagenſ ſit. Diu wirtſhaft waſ auch v̉erzert. da mit mangeſ tot erw̉ert. den d̉er hung̉er leben liez. ir gaſte man do betten hiez. ſanft deſ ich wenen wil. w̉ern die burgere ved̉erſpil. ſin w̉ern vb̉er cruphet niht. deſ noch ir tiſh gerihtet giht. ſi truͤgen alle hung̉er mal. wan d̉er iunge Parzifal. d̉er nam ſlafenſ vrlaup. ob ſin ch̉erzen w̉ern ſhaup. nein ſi warn bezz̉er gar. do gie d̉er iunge wol geuar. an ein bette riche gehert wunnechlichen. nih nac auentvvre kuͤr. ern Tepich wart geleit da vuͤr. er hiez die rit̉er wid̉er gen. ern liez ir da nih lang̉er ſten. chint entſhuͤctan im ſa er ſlief. vnz im d̉er war iam̉er rief. vnd lieht̉er auͦgen h̉erzen regen. die wachtan ſhier den w̉erden degen. Hie chom alſ ich nu ſagen wil. ez brach nih wipliche zil. mit ſtêt chiuſche truͤc diu magt. von d̉er ein teil hie wirt geſagt. ſi twanc vrleugeſ not. vnde lieb̉er helfere tot. ir h̉erze ein ſolhez crachen. daz ir ~~ovgen~~avgen muͤſten wachen. do gie diu chunginne. nih nach ſolh̉er : Reimwort fehlt. diu ſolhen namen raizet. d̉er megde wip haizet. Si ſhuͤcte helf vnd rat. an ir waſ ~~herlichev~~werlichev wat. ein ~~hemde~~hemede wiz ſidin. waz mohte chanphilich̉er ſin. den Gein dem man ſuſ chomendem wip. do ſwanc diu frowe vmb den lip. einen ſamit mantel lanc. ſi gie alſ ſi der chunb twanc. chunb: nach n zu tief im Falz, am ehesten noch ein b/h erkennbar. iuncfrowen chamarere. ſwaz der da w̉ere. die lie ſi ſlafen vb̉er al. do ſlaich ſi ân allen ſhal. in eine kemenaten. ez ſuͤffen die ez taten. daz Parzifal eine lac. von kerzen lieht alſam d̉er tac. waſ vor ſin̉er ſhlafſtat. gein ſinem bett gie ir phat. vf den tepich chniet ſi vuͤr in. ſi heten bediu cranchen ſin. er vnd diu kunginne. an bi ligend̉er minne. Hie wart alſuſ Geworben. an vreuden v̉erdorben. waſ diu magt deſ twanc ſi ſhem. ob er ſi hin an iht nem. leid̉er deſ enchan er nih. an chunſt ez doch geſhiht. mit einem ſo benanden vrid. daz ſi diu ſuͦnbaren lid. nih zuͤ einand̉er brahten. wi wenc ſi deſ gedahten. d̉er meide iam̉er waſ ſo groz vil zeh̉er von ir augen vloz. vf den ſhoͤnen parzifal. der hort ir wainenſ ſolhen ſhal. daz er ſi lachende an geſach. lait vn̄d liep im dran Geſchach. vf riht ſich der iunge ſuͤzz̉er man. zuͤ d̉er chunginne ſprach er ſan. frowe bin ich ew̉er ſpot. ir ſoldet chn ſuſ vuͤr Got. Geruchet ſ*ſizzen zuͤ mir her. daz waſ ſin bet vnde auch ſin ger. od̉er leit evch hie al da ich h*hac. h*hac: Schwer zu entscheiden, ob hier eine Schreiberkorrektur zu "lac" vorliegt. "h" und "a" stehen ungewöhnlich weit zusammen. Lachmann las hier "lac". lat mic beliben ſwa ich mac. Si ſprach welt ir mich eren. ſolhe * maze Gegen mir cheren. daz ir mit mir ringet nih. min ligen alda bi ev geſhiht. deſ wart ein vride von im getan. ſi ſmauc ſich an daz bette ſan. ez waſ dannoch ſo ſpate. daz nind̉er huͤn da krate. die ſtuenden bloz die hanbaume. die hanbaume: Scheint ein Nachtrag des Schreibers zu sein. Vorher könnte vermutlich ein Freiraum dafür gelassen worden sein. d̉er zadel huͤnr ab in ſhoz. diu magt iam̉erſ riche. vragt in zuhtechliche. ob er horn wolde ir clage. ich ~~vuhte~~vurhte h̉erre ob iz ev ſage. ez wende evch ſlafeſ daz tuͤt ev we. mir hat d̉er kunc clamide. vnd chingruͤn ſchineſhant. v̉erwuhſtet burge vn̄d lant. vnz an pailrapeir. min vat̉er tanpufitaủer. lie mich armen weiſen. in vorhlichen freiſen. Furſten mage vnde man. rich vnd arm vnd̉ertan. waſ mir groz ellenthaftez her. die ſint geſtorben and̉er w̉er. halb od̉er daz merre teil. weſ moht ich arm weſen Geil. nu iſt ez mir chomen an daz zil. daz ich mich ſelben toten wil. ê daz ich magtuͦm vnd lip. Geb vn̄d clamideſ wip. w̉erde wan ſin hant mir ſluͤc. thſentafluͦr deſ h̉erze truͤc. mangen rit̉erlichen priſ. er manneſ ſhoͤn ein bluͤnde riſ. er chunde valſhait mazen. d̉er bruͤd̉er liazen. do liaz waſ genant. nach ir vil iam̉erſ wart er gemant. Der dienſt Gebende parzifal. ſin hoh̉er muͤt chom in ein Tal. deſ twanc in doch ir minne. er ſprach zvͤ d̉er kunginne. frowe hulf evch iemanſ troſt. ia h̉erre ob ich wurde erloſt. von kingrun ſeneſchalt. ze reht̉er Tioſt hat mir gevalt. ſin hant mangen rit̉er nider. der chumt morgen da h̉er wid̉er. vnd wenet daz der herre ſin. ſul ligen an dem arme min. er ſahet wol den minen palaſ. d̉er nind̉er ſo Gehohet waſ. ich viel ê nid̉er in den graben. ê clamide ſolde haben. mit gewalt minen magetuͦm. ſuſ wolde ich wenden ſinen ruͤm. Do ſprach er frowe iſt kingrun. ein fronzoiſ od̉er ein pritun. od̉er vz ſwelhem lande er vert. ir ſit von min̉er hant gew̉ert. al ez min lip vol bringen mac. diu naht het ende do chom d̉er tac. diu kunginne ſtuͤnt vf vnd naic. ir grozen danc ſi niht v̉erſwaic. do ſleich ſi wid̉er liſe. don waſ hie nieman ſo wiſe. d̉er wurd ir genſh da gewar. wan parzifal d̉er wol geuar. ern ſlief nih leng̉er dar nach. d̉er ſunnen waſ gein hohe gach. ir gleſten durc die wolchen dranc. do hort er mangen Gloggen clanc. chirchen munſt̉er ſuͤcht diu diet. die chlamide von freuden ſhiet. Vf riht ſich d̉er iunge man. d̉er chunginne kapelan. ſanc got vnd ſin̉er frowen. ir gaſt ſi wolte ſhauwen. biz daz benediz geſhach. nach ſinem harnaiſch er do ſprach. da wart er wol gewapent in. er tet do rit̉erſ ellen ſhin. mit reht̉er manlich̉er w̉er. do chom clamideſ h̉er. mit mang̉er banier. chingrun chom ſhier. von den andren verre. vf einem orſ von iſenterre. alſ ich daz mer han v̉ernomen. do waſ auch vur die porten chomen. filiroyſ Gahmuret. d̉er het d̉er burgere bet. xaz waſ ſin erſte ſw̉erteſ ſtrit. er nam die poind̉er wol ſo wit. daz von ſin̉er Tioſte hurt. beiden orſen wart engurt. die darnGurtel braſten vmb daz. daz ietdwed̉erſ orſ and̉er haſhen Geſaz. die edeſ vf in ſazen. d̉er ſw̉ert ſi nih v̉ergazen. inden ſhaiden ſi ſi vunden. kingrun truͤc wunden. durc den arm vnd in die bruſt. diſiu Tioſt in lert v̉erluſt. an ſolhem priſe des er phlac. vnz an ſinſ hochủarteſ ſwindeſ tac. ſolch ellen waſ vf in bezalt. ſehſ rit̉er ſolde er haben erualt. die Gein im chomen vf ein velt. Parzifal im brahte gelt. mit ſin̉er ellentwaft̉er hant. daz chingrun thſeneſchalt. wande vromd̉er mere. wie ein phettrere. mit wurfen gein im ſagete. and̉er ſtrit in naigete. Ein ſw̉ert im durc den helm erchlaanc. Parzifal in nid̉er ſwanc. er ſazt im an die bruſt ein chnie. er bot daz wart Geboten nie. deheim man ſin ſich̉erheit. ern wolt nih d̉er mit im ſtreit. er bat in fianze. bringen kurnamanz. nein herre du maht mir g̉ern̉er tuͤn. den tot wan ich ſluͤc im ſinen ſun. ſentafloͮrn ich nam im ſin leben. Got hat dir ern vil gegeben. ſwa man ſagt daz von dir. daz ſi din craft erzaiget an mir. daz du mich habeſt betwungen. ſo iſt dir wol gelungen. do ſprach d̉er iunge parzifal. ich wil dir lazen ein and̉er wal. So ſich̉er d̉er chungin. d̉er din h̉erre hohen pin. hat getan mit zorne. ſo w̉er ich d̉er v̉erlorne. mit ſw̉erten w̉er min lip v̉erz̉ert. clein alſ daz ind̉er ſunnen v̉ert. ich han h̉erzenlait getan. dar inne mangem chuͤnem man. ſo var von diſem plangen. in daz lant zeprittangen. Gip din rit̉erlich ſich̉erheit. ein̉er megde. diu durc mic leit. deſ nih liden ſolde. d̉er fuͤge erchennen wolde. vnd ſage ir ſwaz halt mir geſhehe. daz ſi mich nimm̉er froͤ Geſehe. ê daz ich ſi gerech. alda ich ſhilt durch ſteche. Vnd ſage von minem libe. artuſ vnd ſinem wibe. vnd d̉er maſſnie gar. daz ich nimm̉er wil chomen dar. ê daz ich laſt̉erſ mich entſag. daz ich geſellechlichen trage. mit ir diu mir lachen bot. deſ chom ir lip in Groze not. ſage ir ich ſi ir dienſtman. dienſtlich̉er dienſt vnd̉ertan. d̉er rede ein volge da geſhac. die helde man ſich ſheiden ſach. hin wid̉er chom Gegangen. da ſin orſ waſ geuangen. d̉er burgere chanpheſ treͦſt. ſi wurden ſit von im erloſt. zwiuelſ phlac daz vz̉er her. daz kingrun an ſin̉er w̉er. waſ entſhunphieret. do wart Geconduwieret. Parzifal zvͤ d̉er chungin. ſi tet im vmbeuahenſ ſchin. Si ~~druch~~drucht in in vaſte an ir lip. vnd ſprach ich wirde nimm̉er wip. vf d̉er erde dehaineſ man. wan den ich vmbeuangen han. ſi half daz er entwapent wart. ir dienſt waſ vil vngeſpart. nach ſin̉er grozen arebeit. waſ crancheu wirtſhaft bereit. die burger ſo gevurn. daz ſi im alle hulde ſwuͤrn. vnd iahen er muͤſt ir h̉erre ſin. do ſprach auch diu kungin. er ſolde ſin ir amiſ. ſit daz er ſolhen briſ. bezalt an chingrune. zwene ſegel brune. choſ man von d̉er were her abe. die ſluͤc groz wint in die habe. Die chiel warn geladen ſo. daz ſin die burgere warn froͤ. ſin trugen nih wan ſpiſe. daz vuͤgte got d̉er wiſe. her von den zinnen vieln. vnd gahten Gein den chieln. daz hungrige her durc den raup. ſi mohten vliegen ſam diu laup. die *urndurn vnd die ſihten. von flaiſhe. die lihten. in waſ erſhoppet nih ir balc. ~~d̉er~~Dd̉er chungin m̉arſchalc. ſhuͤf den ſolhen vrid. daz er gebot bi d̉er wid. daz ſi ir dehain ruͤrten. die ſheflute er vurte. vur ſinen h̉erren an die ſtat. Parzifal in gelten batt. ir chauf zezwiſbilde. die ſeflute deſ beuilde. suſ wart v̉erGolten in ir chauf. den burg̉eren do indie choln ~~tuf~~tauf. ich w̉ere nu da wol ſoldier. wan da trincchet nieman bier. ſi habent win vnd ſpiſe vil. do warp al ich ev nu ſagen wil. Parzival d̉er reine. von erſt er die ſpiſe cleine. Tailte mit ſin̉er hant. do ſeit er allen die er da vant. ern wolt niht erlern ir magen. vb̉ercruphe lazen tragen. Er Gab in reht̉er maze teil. ſi wurden ſineſ rateſ Geil. hinz naht ſhuͤf er in mere. d̉er vnloſe vnd nih d̉er here. bi ligenſ wart gefraget da. er vnd diu chunginne ſprachen waia. er lac mit ſolhen vuͤgen. deſ nu nih wil Genuͤgen. mangeu wip d̉er in ſo tuͤt. daz ſi durch. arbaitlichem muͤt. ir zuht parrierent. vnde ſich da Gein zierent. ew̉er geſt ſint an chuͤſchen ſiten. ir h̉erze willen hat v̉erſniten. waz mach anden Gebarn ſin. ir friunt ſi haimlichen pin. fuͤget mit ir zarte. d̉er maze er ſi bewart. d̉er Getriwe ſtete man. d̉er wol friundinne ſhonen chan. Er denchet liht alſ ez iſt war. ich han gedient minev iar. nach lon diſem wibe. diu hat minem libe. erboten troſt nu lige hie. ez het mich genoͮget ê. ob ich mit min̉er blozen hant. ſolde ruͤren ir gewant. ob ich nu guͤteſ gerte. vntriwe ez vur mich w̉erte. ſolde ich ~~ſarbeiten~~ſi arbeiten. vnſ̉er zweỉer laſt̉er breiten. vor ſlafe ſuzen mere. ſint frowen ſite b̉ere. Suſ lac d̉er waleiſe. cranc waſ ſin freiſe. den man den roten rit̉er hiez. die chungin er maget liez. ſi wanden idoch ſi w̉er ſin wip. durc ſinen minnechlichen lip. deſ morgenſ ſi ir haubet bant. do Gab im luͤte vnd lant. diſiu mageberev fbruͤt. wande er waſ ir h̉erzen truͤt. ſi warn mit anand̉er ſo. daz ſi durc liebe warn fro. zwen tage vn̄d dri naht von im diche wart Gedaht. vnbeuahen daz ſin muͤt̉er riet. Gurnemanz ez im vnd̉erſhiet. Man vnd wip warn alein. ſich vlahten arme vnd bein. ob ichz eu ſagen muͤze. er vant daz nahen ſuͤze. d̉er alt vnd d̉er niwe ſit. wonte da in beiden mit. in waſ wol nih zewe. nu horet auch wie clamide. an creftechlich̉er hochuart. mit mern Gein im troſtet wart. daz begunde im ein chnappe ſagen. deſ orſ ze den ſiten waſ durchſhlagen. vor pailrapeir vf dem plan. iſt w̉erdiu rit̉erſhaft Getan. von einen chuͤnem degen balt. betwungen iſt d̉er ſchiniſchalt. deſ herſ maieſt̉er chingrun. v̉ert Gein artuſ dem pritun. die ſoldier ligent noch vor der ſtat. do er dannan ſhiet alſ er ſi bat. ir tiwer beid̉er her. vindet pailrapaier ze wer. dort inne iſt ein rit̉er w̉ert. d̉er niht wan ſtriteſ gert. die ſoldier iehent beſund̉er. daz von d̉er Tauelrund̉er. diu kunginne hab Geſant yt̉ern von kukumerlant. deſ wappen chom zuͤ d̉er Tioſte vuͤr. vnd wart Getragen nach briſeſ chuͤr. Der kunc ſprach zvͤ dem chnappen : Reimwort fehlt. Gondwiramurſ wil mich han. vnd ich ir lip vnd ir lant. kingrun min ſchiniſcalt. mir mit warheit enbot. ſi geben die ſtat von hung̉erſ not. vnd daz diu kunginne. mir vaſte bot ir minne. d̉er knappe do im wid̉erſaz. d̉er chunc mit her rait vurbaz. im chom ein rit̉er wid̉eruarn. d̉er auch daz orſ nih chunde ſparn. d̉er ſeit diu ſelben mere. clamide wart ſwere. freude vnd rit̉erlich ſin in duhte Groz vngewin. Deſ kungeſ man ein vurſte ſprach chingruͤn nieman ſach. ſtriten vuͤr vnſer manheit. nih wan vuͤr ſich einen er ſtreit. nu lat ſin zetode erſlagen. ſuln durch daz zwai h̉er v̉erzagen. dizz vnd ienz vor d̉er ſtat. ſin h̉erren er zurn lazen bat. wir ſuln noch baz v̉erſuchen. vnd wellent ſi w̉er Geruͦchen. wir geben in noch ſtriteſ vil. vnd bringenſ vz ir freuden zil. man vnd magen ſult ir mann. vnd ſuchen die mit zwain vann. wir mugen an einer liten. ze orſen wol zvͤ in riten. die porten ſuͤche man ze uuz. deſ war wir tuͤn in ſinpheſ buͤz. Den rat Galogandreſ. d̉er h̉erzoGe ſhinponeſ. d̉er braht die burgere in not. vnd lac och an ir lezze tot. ſam tet d̉er Graue Narrant. ein vurſte vͤz akerlant. vnde manec w̉ert arm man. den man truͤc toten h̉er dan. Nu hort an and̉er mere. wie di burgere. ir lezze taten Gaume. ſi namen lange baume. vnd ſtiezen lange ſtechen drin. daz Gab den ſuftebern pin. mit ſeilen ſi ſi hiengên. daz waſ gebruͤvet allez ê. ſi zeſturme ſeucht klamide. Nach kingrunſ ſhunphenture. oͮch waſ in hadniſch wilde viur waſ: Evtl. hochgestelltes s aus Platzgründen? mit d̉er ſpiſe braht in daz lant. daz vzer antwerc wart v̉erbrant. Eben hohe vnd ir mangen. ſwaz vf redren chom gegangen. igel kazzen in dem graben. daz chunde daz fiur h̉er dan wol ſhaben. kingrun ſchineſchalt. waſ zebritanie chomen in daz lant. vn̄d vant den chunc artuſ. in brizzian ze ſinem huſ. daz waſ Geheizen charminal. do warb er alſ in parzifal. Geuangen het dar geſant. fron kunuwarn dalalant. braht er ſine ſich̉erheit. diu iuncfrowe waſ Gemeit. daz mit triwen clagt ir not den man da hiez den rit̉er rot. vb̉er al daz mere wart v̉ernomen. nu waſ auch fuͤr den chunc chomen. d̉er betwungen w̉erde man. im vnd d̉er maſſnie ſan. ſagt er waz in waſ enboten. kay erſhrac vnd begunde roten. Do ſprach er biztuz kingrun. Auoy wie mangen pritun. hat entſhunphiert din hant. durch clamide ſhiniſchalt. wirt mir din maieſt̉er nimm̉er holt. dinſ ampteſ du doch Geniezen ſolt. die chezzel ſint vnſ vnd̉ertan. mir hie vnde dir ze brandigan. hilf mir durch dine w̉erdecheit. chunwarn hulde vmb craphen breit. er bot ir and̉erſ wandeſ niht. hort lat ſin waz Geſhiht. da wir daz mere liezen ê. vur pailrapier chom clamide. da groz ſturm niht wart v̉ermiten. die inren mit den vzren ſtriten. ſi heten troſt vnde craft. man vant die helde w̉erhaft. da uor hielten ſi daz wal. ir landeſ h̉erre Parzifal. Strait den ſinen v̉erre vor. do ſtuͤnden offen in diu tor. mit ſlegen er die arm erſwanc. daz ſw̉ert durc h̉erte helm erclanc. ſwaz er d̉er rit̉er nid̉er ſluͤc. die gewunnen arbait genuͦc. die chunde man ſi lern. zuͤ den halſꝑpergen gern. die burg̉ere taten rache ſhin. ſi ſtachen ſi zuͤ den ſlizzen in. Parzifal w̉ert in daz. do ſi darumbe horten ſinen haz. zwainzec ſi ir lebende Geviengen. ê ſi von dem ſturme ~~gigen~~gingen. Parzifal wart wol gewar. daz clamide mit ſiner ſhar. rit̉erſhaft zvͤ d̉er porten meit. vnd daz er and̉erthalben ſtreit. d̉er iunge muͤteſ h̉erte. ch̉ert an daz vngeuerte. Hin vmb begunder Gahen. deſ chungeſ vanen nahen. ſeht do wart clamideſ ſholt. alreſt mit ſchaden da Geholt. die burger ſtriten chunden. ſo daz in Gar v̉erſwunden. die herten ſchilt von d̉er hant. Parzifalſ ſchilt v̉erſwant. von ſlegen vn̄d von ſhuzzen. ſwie *wenc ſi deſ genuzzen. die ſuchere die daz ſahen. deſ priſeſ ſi alle iahen. Galogandreſ den vanen. Truͤc d̉er chunde daz her wol manen. d̉er lac an deſ chungeſ ſiten tot. Glamideſ chom ſelb in not. im vnd den ſinen war da we. den ſturm v̉erbot do clamide. Parzifal d̉er w̉erde degen. bat d̉er Geuangen ſchoͤne phlegen. vnz anden dritten morgen. daz vzer her phlac ſorgen. d̉er iunge ſtolz wirt Gemeit. nam d̉er Geuangen ſich̉erheit. er ſprach ſwenne ichz ev enbuͤte. ſo chomt wid̉er guͤte luͤte. ir harnaiſch er behalten bat. vnz er ſi ch̉erte vur die ſtat. ſwie ſi w̉ern von truncheſ rot. die vzren iahen hung̉erſ not. habt ir Gedolt ir armen. lat evch vnſ niht erbarmen. ſprach diu Geuangneu rit̉erſhaft. dort inne iſt ſpiſe ſolhev craft. welt ir beliben noch ein iar. ſi behaltent ev vur war. diu chungin hat den ſhoͤniſten man. d̉er rit̉erſ namen ie gewan. er mac wol ſin von hoh̉er art. io iſt rit̉erſ ere an im bewart. Do dizz erhort clamide. alreſt tet im ſin arbait we. botten ſant er wid̉er in. vnd enbot ſw̉er bi d̉er chungin. vnd: Federansatz. da Gelegen w̉ere. iſt er kamfbere. daz ſi in da vur hat erchant. daz *rer die ſtat vnd ir lant. mit kanphe Geturre wern. ſo ſi ein vride von beiden h̉ern. Parzifal deſ wart alfro. daz im diu botſhaft alſo. Gein ſinſ einſ chanpf wart Geſeit. do ſprach d̉er iunge vnủerzeit. da vur ſi min triwe phant. deſ inren h̉erſ dehein hant. durch min not chom zew̉er. zwiſhen dem Graben vnde dem vͤzrem her. wart geſtecget dirre vrid. do wappenten ſich die chanpheſ ſmid. Do ſa*ſaz d̉er chunc von prandigan. vf ein Gewappent kaſtelan. daz waſ Gehaizen kuuerſcurz. von ſinem neuen Gregruz. von dem chunge von ſpotente. mit rich̉er p̉reſente. waſ ez chomen clamide. nordern vb̉er den vchen ſe. ez braht d̉er Graue Narrant. vnd dar zuͤ Tuſent ſariant. mit harnaiſk all ſund̉er ſhilt. den waſ ſolt ſuſ bezilt. vollechliche zwai iar. ob diu auenture ſeit war. GreGruz im ſande rit̉er kluͤc. vunfhund̉ert ieglich̉er truͤc. helm vf haup Gebunden. die wol mit ſtrite chunden. do het klamideſ h̉er. von lande vnde vf dem mer. Pailrapeir alz belegen. die burgere muͤſen chunb̉erſ phlegen. vͤz chom geriten Parzifal. an daz vrtailiche wal. da got erzaigen wolte. ob er im lazen ſolte. deſ chungeſ Tampanterſ barn. ſtolzeclichen er chom Gevarn. niwan alſ daz orſ den walap. von der rabine Gap. ez waſ Gewappent wol vur not. von ſamit ein Guͤt Teche rot. lac vf d̉er iſeninen. an im ſelben liez er ſchinen. Roten ſhilt rot kurſit. clamide erhuͤb den ſtrit. churz ein vmbeſniten ſper. braht er durc Tioſt eruellen her. da mit er nam den poind̉er lanc. kuủerſhurz mit hurte ſpranc. wol da GeTioſtiert wart. von den zwain iungen ane bart. ſund̉er valiern. von luten noch von tiern. wart nie Geſtriten h̉erter chanph. ietdwerſ orſ von muͤde danf. ſuſ heten ſi Geuohten. daz diu orſ nih me mohten. do ſturzten ſi dar vnd̉er. enſampt vnd nih beſunder. ietdwed̉er deſ geruhte. daz er daz ſw̉ert in dem helme ſhuͤchte. ſi mohten virenſ nih gephlegen. in waſ zew̉erc alda ~~Giſheh~~Gigeben. do zerſtuben in die ſhilte. ſo alſ d̉er min ſhinphe ſpilte. vnde vedren wurfe in den wint. dannoch waſ Gahmureteſ chint. Nind̉er muͤd an dehainen liden. do wande clamide d̉er vrid. w̉ere zerbrochen vz der ſtat. ſinen champhgenozen erbat. daz er ſich ſelben erte. vnd mangem wurfe w̉erte. ez giengin vf in ſlege groz. die w̉ern mangen ſlegen Genoz. ſuſ antwurt im deſ landeſ wirt. ich wen dich mangen wurf v̉erbirt. wan da vor iſt min triwe phant. het ir ein vrid von min̉er hant. dirn breche mangen ſwenchel. bruſt haubet noch den ſhenchel. klamide dranc muͤde zvͤ. diu waſ im dannoch al ze vruͤ. ſich Gewunnen ſich v̉erlorn. wart ſund̉er da mit ſtrite erchorn. Doc wart d̉er kunc clamide. in ſhunphenture geſhawet ê. von einem nid̉er ~~buͤche~~buche. von parzifalſ druche. bluͤt wiel vz orn vnde vz der naſen. daz machte rot den Grunen waſen. er enblozt im daz haubet ſchier. von helm vnd von h̉erſnier. Gegen ſlege ſaz betwungen lip. d̉er ſigehafte ſprac min wip. mach beliben nu von dir vri. nu lern waz ſt̉erben ſi. neina merr degen balt. din ere wirt ſuſ drizzecualt. vaſt an mir erzeiget. ſit du mich haſt Geneiget. wie mac dir hoh̉er briſ geſhehen. Gonwiramurſ mac wol ſehen. daz ich d̉er vnſelige bin. vnd din Geluche hat Gewin. Din lant iſt erloſet. alſ d̉er ſin ſhef v̉eroſet. daz wirt vil deſte lihter. min Gewalt iſt worden ſiht̉er. rehtev manlich wunne. iſt an mir worden dunne. durch waz ſoldeſt tu mich ſterben. ich muͤz doch laſt̉er erben. vf alle mine nach chomen. du haſt den briſ vnde den frumen. tuͤſt du mir ih me daz iſt an not. ich trage den lebendigen toͤt. ſit ich von ir geſhaiden bin. diu min h̉erze vnd ſin. ie mit ir Gewalt beſloz. vnd deſ nie Gein ir Genoz. deſ muͤz ich vnſelic man. ir lant. ir lip dir ledic lan. Do Gedahte d̉er den ſic da hat. ſan an kurnemanzeſ rat. daz ellenthaft̉er manheit. erbermde ſolde ſin bereit. ſuſ volget er dem rate nach. hinz clamide er ſprach. ich wil dich nih erlazen. ir vat̉er liazen. tun bringeſt im ſicherheit. neina h̉erre ich han im h̉erzeleit. Getan ich ſluͤc im ſi nen ſun. du ſolt alſo mit mir nih tuͤn. durc konduwiramurſ. vaht auch mit mir ſchentaflurſ. Auch w̉ere ich tot von ſin̉er hant. wan daz mir half min Thſeneſcalt. ich ſande in daz lant ze briafarz. Gurnemanz von Graharz. mit w̉erlich̉er h̉erſ craft. die taten Guͤt rit̉erſhaft. Nivn hund̉ert rit̉er die ſtriten. Gewapent orſ ſi alle riten. vn̄d wol Tuſent ſariant. Gewapent ich ſi in ſtrite vant. in Gebraſt niwan d̉er ſhilte. ſinſ herſ mich beuilte. ir chom doch chume d̉er ſaume wid̉er. m̉er helde v̉erloſ ich ſid̉er. nu darb ich freude vnd ere. weſ g̉erſtu von mir mere. ich wil ſenften dine vreiſe. var Gein dem pritoneiſe. da ủert auch vor dir kingrun. Gein artuſ dem britun. dem ſolt du minen dienſt ſagen. bit in daz er mir helfe clagen. laſt̉er daz ich furte dan. ein iuncfrowe mich lachet an. daz man die durch mich zeplau. ſo ſere mich nie dehain dinc gerau. der ſelben ſage auch ez ſi mir leit. vnd bringe ir dine ſhicherheit. ſo daz du ſteſt zuͤ ir gebot. od̉er du nim hie den tot. ſol daz Getailet gelten. ſon wil ich niht beſhelten. ſprach d̉er kunc von brandigan. ich die reiſe hinne han. mit vrlaube er dannen ſhiet. den ê ſin hoh̉er muͤt verriet. Parzifal d̉er wigant. Gie da er ſin orſe vant. ſin vuͤz dar nah̉er nie Gegreif. er ſpranc druf ân ſtegereif. daz vmb in beGunde zirben. ſineſ ſhilteſ ſhirben. deſ warn die burger gemeit. daz vzer h̉er Gwan h̉erzeleit. brat vnd lit in taten we. man leite den chunc klamide. Da ſin helfer warn. die toten mit den baren. furt er an ir reſte. do runtan daz lant die Geſte. klamide d̉er w̉erde. reit Gein louer vf die erde. enſamp nih beſunder. die von d̉er tavelrund̉er. warn zedianazzarun. bi artuſ dem pritun. ob ich ev nih Gelogen han. von dianazzarun d̉er plan. muſe zeltſtange wonen. me dann in dem ſpetheſharte ſten ronen. mit ſolher maſſnie er lac. durc hochezit den phingeſtac. Artuſ mit manger frowen. auch moht man da ſhawen. mange panier vnd ſhilt. den ſund̉er wappen waſ Gezilt. vnd mangen wol geherten rinc. ez duͤhten nu vil Grozeu dinc. Wer mohte d̉er raiſe lachen. ſolhem wibeſ her gemachen. oͮch wand da ein frowe ſan. ſi ſolt ir priſ v̉erlorn han. het ſi da nih ir amiſ. ich tete ſin nih dehein wiſ. ez waſ do manc tunb̉er lip. ich brehte nu min wip. in alſ groz Gedrenge ich vorhte vnchunde Gemenge. etzlich̉er hinz ir ſpreche. daz in ir minne ſteche. vnd im die ſinen blande. ob ſi die not bechande. daz dient er vor vnde nach. mir w̉er ê mit ir dannan gach. ich han Geredet vmb min dinc. nu hort wie Artuſeſ rinc. ſund̉er waſ erchenneclich. vor vz mit mang̉er thſoye rich. Diu maſſnie vor im az. manc w̉ert̉er man Gein valſce laz. vnd manc frowe ſtolz. daz nih ein Tioſt waſ bolz. ir vriunde ſin Gein viende ſhoͤz. deſ wart ſin arbait Groz. ſuſ ſtuͤnt lihte ir Gemuͤte. daz ſi Galt mit Guͤte. klamide d̉er iungelinc. reit en mitten in de rinc. v̉erdechet orſ Gewappent lip. choſ an im artuſeſ wip. ſinen helm ſinen ſhilt v̉erhawen. daz ſahen Gar die frowen. alſuſ waſ ez ir zehoue chomen. ir habt ê wol v̉ernomen. daz er deſ wart betwungen. er erbaizte vil Gedrungen. wart ſin lip. ê daz er ſizzen vant. fro kunware von lalant. Do ſprach er frowe ſit ir daz. d̉er ich ſol dien ane haz. ein teil twinget mich ſin not. dienſt enbiut ev d̉er rit̉er rot. vnd wil Ganze phliht han. ſwaz ev zelaſt̉er iſt Getan. auch hiez erz artuſe clagen. ich wen ir ſit durc in Geſlagen. frowe ich bring ev ſich̉erheit. daz Gebot d̉er mit mir ſtreit. nu leiſt ich gerne ſwen ir welt. min lip ze*zedem tode waſ v̉erſelt. frowe kunware delalant. Greif in die Geſergeten hant. al. da diu kunginne ſaz. diu ân den chunc mit ir az. Kay vor dem Tiſhe ſtuͤnt. alda im wart daz mere chunt. er wid̉erſaz im ein Teil. deſ wart fro kunware Geil. do ſprach er frowe dirre man. ſwaz d̉er Gein ev hat getan. deſ iſt er vaſt vnd̉erzogen. doch wen ich ir ſit vf Gelogen. ich tet ez durc hofliche ſit. vnd wolt evch han Gezogen da mit. darumb han ich ew̉ern haz. idoch wil ich ev raten baz. haizzet entwapen diſen Gevangen. den mach ſtenſ erlangen. in bat diu iuncfrowe fier. ab nemen den helm vn̄d h̉erſnier. do manz ab im nam vnd bant. kamide wart ſhier erchant. kingrun ſach diche. an im chuntliche bliche. Do wart an den ſtunden. ſin hende ſer Gewunden. daz ſi begunden crachen. alſ die durren ſpachen. den Tihſ ſtiez er hin zehant. klamideſ ſhiniſcalt. ſinen h̉erren fragt m̉ere. den vant er freuden lere. er ſprach ich bin ze ſhaden Geborn. ich han ſo wirdic h̉er v̉erlorn. daz muͤt̉er nie Gebot ir bruſt. dem d̉er erchande grozz̉er vluſt. mich enriwet nih minſ h̉erſ ~~not~~tot. da enGein vnd minne mangelſnot. leſtet vf mich hohen laſt. mir iſt freude Geſt in hohem muͤte Gaſt. Gonduwiramurſ mich machet gra. pilatꝰus von ponzia. vnd d̉er arm iudaſ. d̉er bi eim kuſſen waſ. and̉er triwenloſen vart. do Jeſus v̉erraten wart. Swie daz ir ſheph̉er reche. die not ich niht v̉erſpreche. daz briubarz d̉er frowen lip. mit ir hulden w̉ere min wip. ſo daz ich ſi vmbevienge. ſwie ez mir dar nach ergienge. ir minn iſt laid̉er verre. dem chunge von iſenterre. min lant vnd daz volch zeprandigan. muͤzzenſ imm̉er han. mineſ vetren ſun. Mabenagrum. leit oͮch da zelange bin. nu bin ich chunc Artuſ. h̉er Geriten in din huſ. betwungen von riterſ hant. du waiſt wol daz in min lant. dir manc laſt̉er iſt Getan. deſ v̉erGiz nu w̉erd̉er man. Die wil ich hie geuangen ſi. la mich ſolheſ hazzeſ vri. mich ſol fro kunnware. ſhaiden von dem vare. diu min ſich̉erheit enphie. do ich Geuangen vur ſi Gie. Artuſeſ vil getriw̉er munt. v̉erkoſ die ſhulde da zeſtunt. do gefrieſe wip noch man. daz d̉er kunc prandigan. waſ Geriten inden rinc. nu da nah̉er dringa drinc. vil ſchier wart daz mere breit. mit zuht ieſk Geſellecheit. klamide d̉er freuden ane. ir ſult mich Gawane. beuelhen frowe bin ich ſin w̉ert. ſo weiz ich auch daz er ſin gert. Laiſtet er dar an ew̉er Gebot. er eret evch vnd den rit̉er rot. Artuſ bat ſin̉er ſweſt̉er ſun. Geſelleſhaft dem rit̉er tuͤn. ez w̉er idoch ergangen. do wart er wol enphangen. von d̉er w̉erden maſnie. d̉er betwungen valſcheſ vri. klamide ſprach chingrun. Awe daz ie dehain pritun. dich Geuangen ſach zehuſ. noch rich̉er dann artuſ. w̉er din helf vnd vrbor. vnd hetiſt auch dine iugent vor. ſol artuſ da von nu priſ tragen. daz kay hat durc zorn Geſlagen. ein h̉erzoginne. diu mit h̉erzen ſinne. ir mit lachen het erwelt. d̉er ân liegen iſt Gezelt. Mit warhait vurden hohiſten briſ. die pritonoiſ ir lobeſ riſ. wenent nu hohe Geſtozen han. an ir arbeit iſt ez ergan. daz tot h̉er wart wid̉er geſant. d̉er kunc von kukumb̉erlant. vn̄d daz min h̉erre im ſigeſ iach. den man Gein im mit chanphe ſach. d̉er ſelbe hat betwungen mich. Gar an helinge ſlich. man ſach da fiw̉er vz helm wan. vnd ſw̉ert in handen vmbe dran. do iahen al Gelich. beidiu arm vnd rich. daz kay het miſſetan. nu ſuln wir die rede lan. vnd chomenſ wid̉er an die vart. da wuͦſt lant erbuwen wart. da cron truͤc Parzifal. da ſach man ſelten freuden ſhal. Sin ſweh̉er Tanpuntaire. liez im vf pailrapier. lieht geſtein rotez Golt. daz tailt̉er ſo daz man im waſ holt. durc ſine milte. vil panier niwe ſhilte. wart ſin lant Gezieret. vnde vil Geturnieret. von im vnd von den ſinen. er lie diche ellen ſhinen. and̉er march ſinſ landeſ ort. d̉er iunge degen vneruorht. ſin Getat waſ von den ~~beſten.~~Geſten. Gebruͤvet vur die beſten. nu ſprechet von d̉er chungin. wie moht d̉er imm̉er baz Geſin. diu iunge ſuͤzze w̉erde. het den wunſch vf d̉er erde. ir minne ſtunt mit ſolh̉er craft. Gar an wancheſ ân haft. Si het ir man da vur erchant. ietwed̉erz an dem andrem vant. er waſ ir liep alſ waſ ſi im. ſwenn ich daz mere an mich genim. daz ſi ſich muzzen ſheiden. da waſhet ſhad in beiden. oͮch riwet mich ir ſhoͤner lip. ir lut ir lant. daz ſchone wip. ſhiet ſin han von Grozz̉er not. da engegen. ſi im ir minne bot. einſ morgenſ er mit zuhten ſprach. daz ez manec rit̉er ſach. ob ir Gebietet ~~frowe~~frawe. mit vrlaub ich ~~ſhowe~~ſhawe. wie ez *vnbe min̉er muͤt̉er ſte. wed̉er wol od̉er we. ſi daz iſt mir vnchunt. dar wil ich zeein̉er churzen ſtuͤnt. vnd auch durc auenture zil. manc ich ev dan wol gedienen vil. daz Giltet ew̉er minne w̉ert. ſuſ het er vrlaubſ gegert. er waſ ir liep ſo daz mere giht. ſi woltez im v̉erſagen nih. von allen ſinen mannen. ſhiet er eine dannen. Aventiwer wie Parzifal. chom vngefraget zvͦ dem gral. Vnd oͮch vngefraget danne rait. daz waſ Anfortaſ ſeinem wirt lait. Swer ruͤcht war er nu chumet. den afentur hat vz Gefrumt. ~~daz~~d̉er mach groz wund̉er. m̉erchen al beſund̉er. Lat riten Gahmureteſ chint. ſwa nu Getriwe lute ſint. die wun*wunſchent im heileſ wan ez muͤz ſin. daz er von frowen lidet pin. etheswenn freut vnd ere. ein dinc in muͤte ſere. daz er von d̉er geſhaiden waſ. daz munt von wibe nie Gelaſ. noch ſuſ Geſeite mere. diu ſchoͤner vnd bezz̉er w̉ere. Gedanche nach d̉er chungin. begunden crenchen im den ſin. Den muͤſer gar v̉erlorn han. w̉er ez niht ein h̉erzenhaft̉er man. mit Gewalt den zaum daz roſ. truͤc vb̉er ronen vnd vb̉er moſ. wan ez wiſte niemanſ hant. vſvnſ tuͤt diu auenture erchant. daz er bi dem tage reit. ein vogel het ſin arbeit. ſolde erz halbez haben er vlogen. vnſ habe diu auenture betrogen. vnd ſin raiſe im nach waſ ſo groz. ſo deſ tageſ do er jth̉ern ſhoz. vnd ſit do er von croharz. chom in daz lant zebrouarz. welt ir nu horn wie ez Geſte. er chom deſ abenſ an einen ſe. da heten Ganch̉ert waideman. den waz daz wazz̉er vnd̉ertan. do ſi in riten ſahen. ſi warn dem ſtade ſo nahen. Daz ſi wol horten waz er ſprach. einen er in dem ſhefe ſhach. d̉er het an im ſolch gewant. ob im dienten ellev lant. daz ez nih bezz̉er mohte ſin. Gefurriert waſ ſin huͤt phewin. den ſelben viſhere. beGund̉er er fragen mere. daz er im riet durc Got. vnd auch durc ſin̉er zuͤhte Gebot. wa er h̉erb̉erge mohte han. deſ Antwurt im d̉er Trurige man. er ſprach h̉erre mir iſt vnerchant. daz wed̉er wazz̉er noch lant. in drizec miln erbuwen ſi. Niwen ein huſ daz lit hie bi. mit triwen ich ev rate dar. war meht ir talanc and̉erſ varn. dort andeſ velſeſ ende. da ch̉ert zvͤ d̉er zeſwen hende. ſo ir hin vf chomt anden graben. ich wen da muͤzt ir ſtille haben. bitet ev die bruchge nid̉er lazen. vnd offennen ev die ſtrazzen. ER tet alſ im d̉er viſh̉er riet. mit vrlaub er dannan ſhiet. do ſprach chomet ir rehte dar. ſo nim ich ew̉er hint ſelbe war. ſo danchet alſ man ew̉er phlege. huͤtet evch dar Gent vnchunde wege. ir mugt an d̉er liten. vil wol miſſeriten. deſwar deſ ich ev nih Gan. pParzifal d̉er huͤp ſich dan. do begunde er wacherlichen draben. den rehten phad vnz an den graben. do waſ diu brukke vf gezogen. diu burc an veſte nih betrogen. ſi ſtuͤnt reht reht alſ ſi wer Gedreit. ez vluge od̉er wint wete. mit ſturm ir nih Geſhadet waſ. vil tvvrne manc palaſ. ſtuͤnt da mit wund̉erlich̉er w̉er. ob ſi ſuchten ellev h̉er. ſin geben vur die ſelben not zedrizec iarn niht ein brot. ein chnappe deſ Geruchte. vnd fragte waz er ſhuchte. Od̉er wannen ſin reiſe w̉er. er ſprach d̉er viſhere. hat mich von im ~~h̉erſ~~h̉erGeſant. ich han genigen ſin̉er hant. durc d̉er h̉erb̉ergen wan. er hiez die bruchen nid̉er lan. vnd hiez mich zvͤ ev riten in. h̉erre ir ſult willechomen ſin. ſit ez d̉er viſch̉ere v̉eriach. man biuͤt ev ere vn̄d Gemach. *durc in d̉er evch ſande wid̉er. ſprach d̉er chnappe vnd lie die prukken nid̉er. In die ~~bruk~~burc d̉er chuͤne reit. vf einen hof wit vnde breit. mit ſhinphe er nih zertrettet waſ. da ſtuͤnt alkurz gruͤn Graſ. da waſ buhurt gar v̉ermiten. vnd mit paniern ſelten vb̉erriten. ſo d̉er ang̉er da ze babenb̉erc. ſelten vrolichev w̉erc. waſ da Gefrumt ze mang̉er ſtunt. in waſ wol h̉erzen iam̉er chunt. wenc er deſ Gein im enGalt. in enphiengen rit̉er iunc vnd alt. vil cleinev iuncherrelin. ſprungen Gein dem zaume ſin. ieglichez vur daz and̉er Greif. ſi habtan ſinen ſtegreif. Suſt muͤſt er von dem orſe ſten. in baten rit̉er vurbaz Gen. ſi furten in an ſin Gemach. harte ſhier daz Geſhach. daz er mit zuhten entwappent wart. do ſi den iungen ane bart. Geſahen minnechlich. ſi iahen er w̉ere freuden riche. ein wazz̉er ieſk d̉er iunge man. vnd twuͤc den ram von im ſan. vnd̉er den augen vnd an den handen. alt vnde iunge wanden. daz von im ein and̉er Tach erſhine . do ſaz der minnechliche wine. Gar vor allen tadeſ vri. mit phelle von arabi. man braht im ein mande dar. den leit an ſich d̉er wol Geuar. mit ofner ſnuͤre. daz waſ ein lobſ gevuͦre. Do ſprach d̉er kam̉erere chluͤc. diſen mandeſ ſelbe truͤc. min frowe diu chungin. vb̉er evch ſol Gelihen ſin. ev ſint nih cleid̉er noch geſniten. auch mohtet ir iz vil g̉erne biten. wande ir ſit auch an w̉erd̉er man. ob ichz rehte bruͤuen chan. Got lon ev h̉erre ſit ir mirſ ieht. ob ir mich zerehte ſpehet. ſo hat min lip Geluche erholt. diu Goteſ craft git ſolhen ſolt. Man ſancte im vnd phlac ſin ſo die trurigen warn mit im vro. man bot im wird vnd ere. wan da waſ rateſ mere. dan er zepailRapier vant. die da von chunb̉er ſhiet ſin hant. ſin harnaiſch waſ von im getragen. daz begunde er ſid̉er clagen. do er ſich ſhinpheſ nih v̉erſan. ze hofe ein wort ſpeh̉er man. bat chomen vrefelichen. den Gaſt ellenſ richen. zuͤ dem wirt alſ ob im w̉ere zorn. deſ het er nach den lip v̉erlorn. Von dem iungen ~~parzifal~~Parzifal. do er ſi ſw̉ert wol gemal. ninder bi im ligen vant. zuͤ d̉er vuſt twanc er ſo die hant. daz ime daz pluͤt vͤz den naglen ſhoͤz. vnd im den ermel gar begoz. Nein h̉erre ſprach diu rit̉erſhaft. ez iſt ein man d̉er ſhinpheſ craft. hat ſwie Trurec ~~wid̉erwiR~~wir and̉erſ ſin. Tuͤt ew̉er zuht an im ſchin. ir ſult ez nih and̉erſ han v̉ernomen. wan daz d̉er viſher iſt chomen. zvͤ dem Get ir ſit im ein w̉erd̉er gaſt. vn̄d lat ab ev den zornſ laſt. ſi giengen in ein palaſ. hund̉ert cron da Gehangen waſ. vil kerzen druf Geſtozen. ob den huſgenozen. vil clein̉er kerzen vmb and̉er want. hund̉ert bette er ligen vant. ez ſhuffen die ſin da phlagen hund̉ert Gult̉er druffe lagen. ie vier Geſellen ſund̉er zitz. da enzwiſchen waſ ein vnd̉er vitz. da fuͤr Tepich ſinuel. fili Roy vrumuntel. er moht wol Gelaiſten daz. einſ dingeſ man da nih v̉ergaz. Sin het nih betuͤret mit marmel waſ Gemuret. dri wiur ekke Niw̉er Ram. dar vf waſ deſ viw̉erſ nam. holz lingnūm aloe. ſo Groz fiur ſit noch e. ſach niemen hie ze wildeb̉erc. ienz warn koſteclich w̉erc. d̉er wirt ſich ſelb ſizzen bat. Gein d̉er mitren viurſtat. an ein ſpanbette. ez waſ worden wette. zwiſchen im vnd d̉er vreunde. ern lept nih wan Teunde. in den palaſ chom Gigangen. d̉er wart wol enphangen. Parzifal d̉er lieht Geuar. von im d̉er in ſante dar. in bat d̉er wirt nah̉er gen ern lie in da nih lang̉er ſten. ſizzt zuͤ mir da heran. ſeze ich v̉erre dort hin dan. daz wer ev al zeGaſtilich. ſprach d̉er wirt iam̉erſ riche. er het an im durc ſich̉erheit. Grozev fiw̉er vnde warmeu ~~leit~~chleit. wit lanc zobelin. ſuſt muͤſt vͤz vnd innen ſin. ein belliz wit vnd ein mandel drob. d̉er ſwechiſte balc waſ wol zelob. d̉er waſ doch ſwarz vnd gra. deſ ſelben waſ ein huͤbe da. vf ſinem haupte zwiualt. von zobel den man tiure Galt. ſinuel arabiſk ein borte. oben dar vf Gehorte. dar an waſ ein chnoͤphelin. ein durcluht̉er Rubin. Da ſaz manc rit̉er chluͤc. den man iam̉er vuͤr ſi truͤc. ein knappe ſpranc zuͤ d̉er tuͤr h̉er in. d̉er Truͤc ein kl*kleuin. d̉er ſite waſ zetrurren Guͤt. and̉er ſnide huͤp ſic pluͤt. vnd lief den ſhapht vnz andie hant. daz andem ermel wid̉er want. da wart Gewaint vnd geſrit. in dem palaſte wit. daz volch von drizech landen. moht ez den augen nih enblanden. er truͤc ſi in ſinen henden. zallen vier wenden. vnz ab̉er wid̉er andie Tuͤr. d̉er knappe ſpranc hinzuͤ da vuͤr. Geſtillet wart deſ volcheſ not. alſ in d̉er iam̉er ê gebot. weſ ſi diu klauie het ermant. die Truͤc d̉er chnappe in ſin̉er hant. Wil evh nu nih erlangen. ſo wirt hie an Geuangen. daz ich evch pringe an die vart. wie da mit . zuht Gedienet wart. zende an dem palaſ. ein ſtehlin tuͤr entſlozzen waſ. da Giengen vͤz zwai w̉erdiu chint. nu horet wie diu Gebruͤvet ſint. daz ſi wol Gaben minnen ſolt. ſwerſ mit dienſt het erholt. daz warn zwuͤ iuncfrowen clar. zwai ſappel vb̉er blozzez har. bluͦmen warn ir gebende. ietdwedriu vf ir hende. Truͤc von Golde ein kerzſtal. ir har waſ reide vnd val. Si truͤgen brinendiu lieht. nu ſuln wir v̉erGezzen nieht. vmb d̉er iuncfrowen Gewant. da man ſi chomende inne vant. diu greuin von Tenbroc. brun ſharlac waſ ir roc. deſ ſelben truͤc auch ir Geſpil. ſi warn Geviſchieret vil. zwain Gurteln and̉er crenche. ob d̉er huffe an dem Gelenche. nach d̉er gie ein h̉erzogin. ir Geſpil zwai ſtollelin. die truͤgen von helfen*helfenbain. ir munt alſ ein rubin ſhain. die nigen alle vier. die zwuͦ ſaztan ſhier. vur den wirt die ſtollen. da wirt ge dient mit vollen. Si ſtuͤnden enſamp an ein̉er ſhar. vnd warn alle wol geuar. den viern waſ Gelich ir wat. ſheht wa ſi niht v̉erſumet hat. and̉er frowen vierſtūnt zwuͦ. die warn da Geſaffet zuͦ. vier Truͤgen ch̉erzen groz. die andren nih v̉erdroz. ſi Truͤgen ein Tiuren ſten. da diu ſunne lieht durc ſhein. da vur waſ ſin nam erchant. ez waſ ein gruͤn̉er Jochant. Beidiu lanc vnd breit. durc diu lieht in dunne ſneit. ſw̉er in zeinem tiſhe*tiſhe maz. tiſhe*tiſhe: Federansatz. dar obe d̉er wirt durc richait az. Si Giengen alrehte. vur den wirt alle ehte. Gein im ſi diu haubet wegeten. vier die Tauelen legeten. von helfenbain wiz alſ ein ſne. die ſtollen die chomen ê. Mit zuhten ſi chunden wid̉ergen. zuͤ den erſten vieren ~~Gen~~ſten. an aht frowen waſ. roche gruͤn alſ ein Graſ. von azagoͮc ſamit. Geſniten lanc vnde wit. da enmitten ſi zeſamne Twanc. Gurtel tiur ſmal vnd ~~lant~~lanc. Die aht iuncfrowen cluͤc. ieglichev vf ir hare truͤc. ein clein bluͦmen ſappel. d̉er Graue iuvain von lonel. vnd kenniſ von kile. er waſ vb̉er manc mil. zedienſte ir toht̉er dar chomen man ſach die zwuͦ vur*vurſtinne chomen. in harte wunneclich̉er wat. zwai mezz̉er ſniten alſ ein grat. druͤgen ſi durc wund̉er. in zwain taueln al beſund̉er. Dar an lac ein ſpeh̉er vliz. ir ſnide warn von ſilb̉er wiz. in waſ ir ſh̉erfe nih v̉ermiten. ſi heten wol ſtal v̉erſniten. vor dem ſilb̉er chomen frowen w̉ert. kom̄en d̉er da ze ~~dieſte~~dienſte waſ Geg̉ert. die Giengen alle vier zuͤ. nu hort *waz ieglicheu tuͤ. ez nigen zwuͦ vnde Truͤgen dar. vf die taueln wol geuar. daz ſilb̉er vnd leitanz nid̉er. do Giengen ſi mit zuhten wid̉er. zuͤ den erſten zwelven ſtan. ob iz reht Geparliert han. hie ſuln ahzehen frowen ſten. Avoy nu ſiht man ſehſe Gen. in wat die ma tiure Gap. ez waſ halbez pliat. daz ander phell von Niniue. diſ vnd die erſten ſehſ ê. Trugen zwelf roche geteilt. Gein Tiur choſt Geuailt. Nach den Gie diu chungin. d̉er anluzze Gap den ſhin. ſi wanden alle ez wolde tagen. man ſach die magt an ir tragen. phelle von arabiſ. vf einem gruͤn achmardiſ. Si truͤc den wunſch von paratiſ. beidiu wurz vnd riſ. daz waſ ein dinc daz hiez d̉er Grâl. d̉er het den wunſc*wunſch vb̉er al. Luuirpanſchi de ſchoy hiez. die man den Gral da tragen liez. d̉er Gral waſ von ſolh̉er art. er muͤſt chuͤſch ſin bewart. diu ſin zerehte ſolde phlegen. diu muͤſt valſcheſ ſich bewegen. vor dem Gral chomen lieht. diu warn von armer choſte niht. ſehſ Glaſ lut̉er wolgetan. dar inne balſchem d̉er wol bran. Do ſi chomen von d̉er tuͤr zereht̉er maze h̉er vur. mit zuhten neic diu chungin. vnde elliu diu iunfrewelin. diu da truͤgen balſham glaſ. diu kungin valſcheſ laz. ſazt vur den wirt den Gral. dizze mêr giht daz ~~parzifal~~Parzifal. diche an ſi ſach vnd dahte. diu den Gral da brahte. er het auch ir mandel an. mit zuhten die ſelben giengen dan. zwiſhen den ahzehenen den erſten. do liezen ſi die h̉erſten. zwiſchen in man ſeit mir. zwelf ietdwed̉erthalb ir. Diu maget mit d̉er crôn. ſtuͤnt da hart ſchon. ſwaz Rit̉er da Geſezzen waſ. vb̉er an den palaſ. den warn kamarere. mit Guldinen bechen ſwere. ie vier Geſhafet dar. vnd einen iunch̉erren wol Geuar. d̉er ein wize ~~thehel~~thvehel truͤc. man ſach da richait Genuͤc. der Taueln muͤſten hund̉ert ſin. die man da zvͤ den turn in. man ſazta ieglich ſhier. vur w̉erd̉er rit̉er vier. Tiſlachen geuar nach wiͤze. wurden druf Geleit mit vliͤze. d̉er wirt do ſelbe wazz̉er nam. d̉er waſ an hohem muͤte lam. mit im twuͤc ſich parzifal. ein ſidin Thwehel wol gemal. bot einſ grauen ſun darnach. dem waſ zechomen vur ſich Gach. Swa d̉er Taueln deheiniu ſtuͤnt. da tet man vier knappen chunt. daz ſi ir dienſt nih v̉erGezen. den die dar ob ezen. zwen chnieten vnde ſniten. die andren zwen niht v̉ermiten. ſin truͤgen ſpiſ vnd drinchen dar. vnd namen ir mit dienſte war. horet me von richait ſagen. vier karaſcen muͤſen tragen. manc tiur Goltuaz. ieglich rit̉er d̉er da ſaz. ſi zugen ze vier wenden. vier rit̉er mit ir henden. manſ vf die taulen ſezzen ſach ieglichem Gienc ein ſcrib̉er nach. d̉er ſich dar zuͤ arbeite. vnd ſi wid̉er vf bereite. ſo daz Gedienet w̉ere. nu hort ein and̉er mere. hund̉ert knappen man Gebot. vi die namen in wizzen thwehlen brot. mit zuhten vor dem Gral. ſi giengen al ze mal. vnd tailten vur di taulen ſich. man ſeit mir daz ſage auch ich. Vf ew̉er ieglicheſ eit. daz vor dem Gral waſ bereit. ſold ich deſ iemen triegen. ſo muͤſt ir mit mir liegen. wan ſwa nach ien̉er bot die hant. daz er daz alberaitet vant. ſpiſe warm ſpiſe chalt. ſpiſe niwe ſpiſe alt. daz zam vnd daz wilde. ez enwurde innie dehaim bilde. beginnet mang̉er ſprechen. d̉er wil ſich vbel rechen. Wand d̉er Gral waſ ein fruht. d̉er w*w̉erlt ſuͤze ein ſelich genuht. er wac vil nach Geliche. ſo man ſeit vmb daz himelriche. in Glein Goltvaz man nam. alſ ieglich̉er ſpiſe zam. ſalſen pheffer agraz. da het der chuͤſch vnd d̉er vraz. alGeliche trgenuͤc. mit zuhten manz fur ſi truͤc. Moraz vnd ſiropel rot. ſwa nach ieglich̉er ſinen naph bot. daz moht er drin erchennen. ſwaz er drinchenſ mac Genennen. allez von deſ Graleſ craft. diu w̉erde Geſelleſhaft. het wirtſaft von dem Gral. wol ~~Gemarche~~Gemarcte *parzifal. ~~Gemarche~~Gemarcte: vmtl. wurde das h durch übergeschriebenes t ersetzt, aber das h wurde nicht gestrichen/korrigiert. die Richait vnd daz wund̉er Groz. durc zuht in vragenſ doch bedroz. ER dahte mir riet Gurnemanz. mit Guten triwen ane ſhranz. ich ſolde vil Geuragen nih. waz ob min weſen hie Geſhiht. ind̉er maze alſ dort bi im. ane vragen ich v̉ernim. wie ez dirr maſſnie ſtet. indem Gedanche nah̉er get. ein knappe d̉er Truͤc ein ſw̉ert. d̉er balc waſ Tuſent marc w̉ert. daz Gehilz waſ ein Rubin. auch moht wol diu clinge ſin. Grozz̉er wund̉er vrhap. d̉er wirt ez ſinem Gaſte gap. er ſprach h̉erre ich braht ez in not. an mang̉er ſtat ê daz mich got. an dem libe hete Gelezt. nu ſit da mit ergezt. ob man ew̉er hie niht wol phlege. ir mugt ez fuͤrn alle wege. ~~ſwem~~ſwen ir gebruͤvet ſin art*. ir ſit an ſtrit da mit bewart. Owe daz er niht vragte do. deſ bin ich fur in noch vnfro. wan do erz inphie in ſine hant. do waſ er vragenſ da mit Gemant. noch riwet mich ſin ſuzz̉er wirt. vngenade in niht v̉erbirt. deſ im von fragen w̉ere rat. gnuͤc man da Gigeben hat. die ſin phlagen die Griffenſ an. vnd truͤgen daz Geruſte wid̉er dan. Swie er karaſchen man da luͦt. ieglich frowe ir dienſt tuͤt. ê die iungeſten nu die erſten. do ſhuͤfen ſi ab̉er die h̉erſten. wid̉er zuͤ dem Gral. den wirt vnd ~~parzifal~~Parzifal. mit zuhten naich diu chungin. vnd elleu diu iuncfreuwelin. ſi brahten wid̉er in zuͤ d̉er Tuͤr. daz ſi mit zuhten ê truͤgen vuͤr. ~~parzifal~~Parzifal in blicte nach. ein ſpambette er do ſach. in einer kemenaten. ê ſi nach in zuͤ Taten. den aller ſchoniſten alten man. deſ er ie chunde Gewan. ich muͤz wol ſprechen ane Guͦft. er waſ noch graw̉er dann ein Tuͦft. Wer d̉er ſelbe w̉ere. deſ v*v̉raiſcht ir h̉ernach mere. dar zuͤ d̉er wirt ſin burc ſin lant. die w̉erdent ev von mir genant. h̉ernach ſo deſ wirt zit. beſhaidenlichen ane ſtrit. vnd allez vur Gezogen. ich ſage die ſenuwen vngelogen. diu ſenue iſt ein biſpel. auch dunchet euch d̉er boge ſnel. noch ich ſnell̉er daz ~~d̉er boge~~diu ſenue iaget. ob ich ev reht han Geſaget. die ſenue Gelichent meren ſleht. die dunchent auch die lute reht. wande ſw̉er ev ſeit von d̉er crunbe. d̉er wil evch leiten vnbe. ſwer den bogen geſpannen ſiht. d̉er ſenwen er d̉er ſlihte giht. ſin wel ſich zuͤ d̉er buge denen. ſo ſi den ſhuͤz muͤz nemen. ſw̉er denne ſin mere ſhiuͤzet. deſ vnſ durc not v̉erdruͤzet. wande ez hat da nind̉er ſtat. noch vil Gerumez phat. zeinem orn in. daz dem andren vuͤr. min arbeit ich Gar v̉erluͤr. ob den min mere drunge. ich ſeit od̉er ich ſunge. daz ez noch baz v̉ernem ein boch. od̉er ein vil vul̉er ſtoch. Ich muͤz ev iam̉er tuten. von diſen iam̉er luͤten. dar chom Geriten Parzifal. man ſhach da ſelten freuden ſhal. ez w̉ere buhurt od̉er Tanz. ir clagendiu ſtete waſ ſo ganz. ſin ch̉erten ſich an ſhinphen nih. ſwa man noch minn̉er volch ſiht. den tuͤt ethſwenne freude wol. dort warn die winchel alle vol. ein teil man ir zehoue ſach. d̉er wirt zuͤ ſinem Gaſte ſprach. ich wen man ev Gebettet hat. ſit ir muͤde ſo iſt min rat. daz ir Get vnde legt evch ſlafen. nu ſolt ich ſrien wafen. von ir ſheiden daz ſi tuͤnt. deſ wirt groz ſhade in beiden chunt. Von dem ſpanbette trat. vf einen tepich an eine ~~Tepich~~ ſtat. parzifal d̉er wol Geſlaht d̉er wirt pot im do Gute naht. diu rit̉erſhaft do Gar vf ſpranc. ein Teil ir hie dar nah̉er dranc. do wiſten ſi den iungen man. in eine kemenaten ſan. diu waſ alſo Geheret. mit einem bette Geeret. daz mich min armuͤt diche muͤt. ſit diu erde ſolch richeit bluͤt. dem bette waſ armuͤt Tiuͤr. alſ ~~geſte~~geleſte vz dem viuͤr. lac dar vf ein phelle wol Gemal. die rit̉er bat do parzifal. wid̉er varn an ir Gemach. do er da nih mer bette ſach. mit vrlaub ſi ſich ſhieden dan. hie heuet ſich and̉er dienſt an. Vvil k̉erzen vnd diu varwe ſin. die Gaben ze gahen ſtrite ſchin. waz mohte lieht̉er ſin d̉er tac. vor ſinem bette ein ~~andez~~andrez lac. dar vf ein Gult̉er da er *ſaz. iuncfrowen ſnel vnd nih *laz. ein teil ir dar nah̉er ſpranc. ſi enſhuͤhten bain diu warn blanc. oͮch zoch im me Gewandeſ ab. mang̉er wol geborn̉er chab. vletich warn diu chindelin. nu ſeht do chom zuͤ d̉er tuͤr h̉er in. vier clar iuncfrowen. die dannoch wolten ſhawen. wie man deſ heldeſ phlege. vnd ob er ſanfte lege. alſ mir diu Auenture Gewuͤc. vor ieglich̉er ein chnappe. truͤc. ein cherz diu wol bran. parzifal d̉er ſnelle man. ſpranc vnd̉er daz Techlachen. ſi ſprachen ir muͤzt *wachen. durc vnſ noch eine wile. ein ſpil mit d̉er ile. Het er vnz an den ort Geſpilt. daz mangem lieht̉er varwe zilt. daz begunde ir augen ſuͤzzen. ê daz ſi enphiengen ſin Gruͤzzen. oͮch Gefugte im Gedanche not. daz im d̉er munt waſ ſo rot. vn̄d daz vor iugenden nieman dran. koſ Gein ein̉er halben Gran. Die vier iuncfrowen chluͤc. nu hort waſ ieglichev truͤc. Moraz win lut̉er tranc. trugen dri vf henden blanc. Diu vierde iuncfrowe wiſ. truͤc deſ obezſ von paradiſ. in ein̉er Thwehel wiz Geuar. diu ſelbe chniet vur in dar. er bat ſi alle ſizzen. ſi ſprachen lat mich bi wizzen. ſo w̉ert ir dienſtlich Gew̉ert. alſ min h̉er vur evch iſt Gegert. ſuͤzz̉er rede er Gein ir nih v̉ergaz. d̉er h̉erre Tranc ein teil er az. mit vrlaub ſi ſhieden wid̉er. mit vrlaube er leit ſich nid̉er. do ſaztan diu iunch̉errelin. vf den tepich die kerzen ſin. do ſi in ſlafen ſahen. ſi begunden wid̉er gahen. parzifal nih ~~enlac~~einlac. Geſellechlich vnz anden tac. waſ bi im ein ſtrengev arbeit. ir boten ~~chunt~~chvnftigev leit. *Sanden im in ſlafe dar. *Sanden: Initiale am Spaltenrand, im Text roter Fleck, in dem noch ein S erkennbar ist. d̉er iunge wol Geuar. ſin̉er muͤt̉er tram Gar wid̉er wac. deſ nach Gahmurete *Phlac. ſuſt war Geſtabet im ſin traum. mit ſw̉erteſlegen vmb den ſa*ſaum. da vor mit mang̉er Tioſte rich. von rabine hurtechlich. er lait in ſlafe ſolhe not. moht er drizecſtunt ſin tot. daz het er wachende ê Gedolt. ſuſ Tailt im vnGemach den ſolt. von diſen ſtrengen ſachen. muͤſ er durc not wachen. im ſwizten arm vnd bain. d̉er Tac auch durch diu venſt̉er ſhein. do ſprach er we wa ſint diu chint. daz ſi vor mir hie niht ſint. w̉er ſol mir bieten min Gewant. ſuſt wart in d̉er wigant. Vnz er and̉erſtunt entſlief. nieman da niht redte noch rief. wan ſi warn gar v̉erborgen. reht andem mitten morgen. erwachete d̉er iunge man. vf riht ſich d̉er degen ſan. vf dem tepich vant d̉er degen w̉ert. ligen ſin harnaiſc vnde zwai ſw̉ert. daz ein d̉er wirt im geben hiez. daz and̉er waſ von Gahauiez. do ſprach er zuͤ im ſelben ſan. awe warunb iſt diz Getan. deſwar ich ſol mich wappen drin. ich leit in ſlafe ê ſolhen pin. daz mir wachende arebeit. wen ich noch hiut iſt bereit. Hat dirre wirt vrleugeſ not. ſo laiſt ich g̉erne ſin Gebot. vnd ir Gebot mit triwen. diu diſen mandel niwen. mir lech durc ir Guͤte. wande ſtuͤnt ir Gemuͤte. daz ſi dienſt wolte nemen. daz ſolt mich durc ſi Gezemen. vnd doch niht durc ir minne. wande min wip diukunginne. iſt an ir libe wol ſo clar. alſ ſi od̉er vurbaz daz iſt war. er tet alſ er tuͤn ſol. von vuͤz vf wapent er ſich wol. Gein ſtriteſ anwurte. zwai ſw̉ert er vmbe Gurte. zeder Tuͤr Gie vz d̉er degen. do waſ ſin orſ andie ſtegen. Geheftet. ſhilt vnd ſper. laint da bi daz waſ ſin ger. ê Parzifal d̉er wigant. ſich deſ orſeſ vnd̉er want. Mangez er d̉er Gadm erlief ſo daz er nach den luten rief. nieman er horte noch enſach. vngefuͤge lait im dar an Geſhach. dizz het im zorn geraizt. er lief da er waſ erbaizt. deſ abenſ do er chomen waſ. da waſ erde vnde Graſ. mit tretten Geruͦret. daz tau Gar z̉ervuͤrt. al ſriende lief d̉er iunge man. wid̉er zuͤ ſinem orſe ſan. mit bagenden worten. ſaz er druf die porten. vant er wit offen ſten. da durc Groz ſlage gen. nih lange er do habete. vaſt gein d̉er port er drabete. ein v̉erborgener chnappe daz ſeil. zuchte daz d̉er ſlegebruch ein Teil. het daz orſ nach Geuellet nid̉er. parzifal d̉er ſach hin wid̉er. Do wolde er haben Geuraget baz. ir ſult varn d̉er ſunnen haz. ſprach d̉er chnappe ir ſit ein Ganſ. mehtet ir geruret haben den flanſ. het den wirt Geuraget. vil priſeſ evch hat betraget. nach den mern ſrei d̉er Gaſt. Gegen rede im gar gebraſt. ſwie vil er nach geriefe. reht alſ er Gende ~~riefe.~~ſliefe warp d̉er *chnappe vnd ſluͤc die porten zuͤ. do waſ ſin ſhaiden Gar ze uruͤ. and̉er fluhtbarn zit. dem d̉er zinſ von vreuden Git. Do waſ an im v̉erborgen. vmb den ſorgen. waſ Getupelt do er den Gral vant. mit ſinen augen ane ~~bant~~hant. vnd an wurfelſ eke. ob in nu chunb̉er weche. deſ waſ da vor vngewent. ern het ſich nih vil Geſent. ~~parzifal~~Parzifal huep ſich nach. vf die ſtraze die er da ſach. er daht die vor mir riten. die wen ich hiute ſtriten. manlich vmb ſinſ wirteſ dinc. ruͤchten ſiſ ſo w̉er ir rinc. mit mir vngecrenchet. dan wurde nih Gewenchet. ich hulf in and̉er ſelben not. daz ich Gediente min brot. vnd daz wunnecliche ſw̉ert daz mir Gab ir h̉erre w̉ert. vngedient ich daz trage. ſi went lihte ich ſi ein zage. xcͮh huͤb d̉er valſche wid̉erſaz. vaſt vf d̉er huͤfſlege craz. ſin dan ſhaiden daz muͤt mich. alreſt nu auenturt ez ſich Aventiw̉er wie Parzifal. bedwanch Orilluſ ſūnd̉er twal. v̄nd frowēn Ieſcutt̄en hulde gewan Do begunde crenchen ſich ſin ſpor. ſi ſhieden ſich die da riten vor. diu vart wart ſmal diu waſ breit. er v̉erloſ ſi Gar daz waſ im leit. mer v̉rieſch d̉er iunge man. da uon er h̉erze leit Gewan. ez v̉ernam d̉er helt ellenſ rich. ein̉er frowen ſtimm diu waſ iem̉erlich. ez waſ dannoch von tauwe naz. vor im vf ein̉er linden ſaz. ein magt d̉er vugt ir triwe not. einen Gebalſmeten rit̉er tot. leint ir zwiſſhen den armen. dem ez nih wolde erbarmen. d̉er ſi ſo ſizzen ſehe. vntriwen ich im iehe. ſin orſ Gein ir wande. d̉er wenic ſibechande. ſi waſ doch ſin̉er muͦmenchint. alle irdiſche triwe waſ ein wint. wan die man an ir libe ſach. ~~parzifal~~Parzifal ſi gruzt vnd ſprach. Nu wizzet frowe mir iſt leit. ew̉er ſenlichev arebeit. vnd bedurft ir minſ dienſ iht. in ew̉erm dienſt man mich ſiht. ſi danct im nach iamerſ ſiten. vnd vragt in von wannen er chome Geriten. ſi ſprach ez iſt wid̉er zêm. daz iemen an ſich neme. ſine reiſe in diſ̉er wuͦſte. vnchunde me : am Zeilenende Platz für fehlendes "gaste". : Lücken-Tag "lk" einfügen? mach hie wol ſhade Geſhehen. ich han ez Gehort vnd Geſehen. daz vil lute hie den lip v̉erlurn. die w̉erdechlichen ende erchuͤrn. Kert hinnan welt ir geneſen. ſagtan wa ſit ir hin Geweſen. dar iſt ein mil od̉er mer. daz ich Geſach nenie burc ſo h̉er. mit all̉er ſlaht richeit. irin churz̉er zit ich dannan reit. ſi ſprach ſw̉er ev Getruwet iht. den ſult ir triegen niht. ir traget doch einen Gaſteſ ſhilt. evch moht deſ waldeſ haben bevilt. von vn̉erbuwem lande alh̉er geriten. in drizzec milen wart nie v̉erſniten. zuͤ deheim buͦwe holz noch ſtein. wan ein burc diu ſtet alein. diu iſt erde wunſcheſ riche. ſw̉er die ſuchet flizechliche. leid̉er d̉er inuint ir niht vil lute man doch w̉erben ſiht. ez muͤz vnwizzende giſhehen. ſw̉er die burc wil Geſehen. Ich wen diu iſt ev vnbechant. muntſchaluſch iſt ſigenant. d̉er burg̉er wirt iſt Royam. d̉er ſhaluaſche waſ ſin nam. daz braht d̉er alt Titurel. an ſinen ſun frimuntel. hiez d̉er ſelbe wigant. vil mangen priſ erwarp ſin hant. der lac an ein̉er Tioſt tot. alſ im ein kunginne gebot. der lie hie vier w̉erdiu chint. bi richait dri mit iam̉er ſint. der vierde d̉er hat armuͦt. durc Got vur ſine ſunde er daz tuͤt. d̉er iſt Gehaizen treủrezent. Anfrotaſ ſin bruͤd̉er lent d̉er mac Geriten noch gigen. noch geligen noch Geſten. d̉er iſt vf muntſhalvaſche wirt. vngenade in nih v̉erbirt. Here w̉ert ir chomen dar. zuͤ d̉eriam̉erlichen ſhar. ſo w̉er dem wirt worden rat. vil chunb̉erſ den er lange hat. d̉er waloiſ zuͤ d̉er meide ſprach. Groz wund̉er ich da ſach. vnd manc fro we wolgetan. bid̉er ſtimme erchande ſi in ſan. ſi ſprach du biſt parzifal. ſagan ſehe du den gral. vnd den wirt freuden lere. ſag an liebev mere. ob wendic ſi din vreiſe. din: SBu liest hier Sin, was mit Lachmann konform ginge. wol dich dirre reiſe. wan ſwaz die lufte habent beſlagen. dar ob muͤſtu crone tragen. dir dient zam vnd wilt. Gein rihtuͤm iſt dir wunſch bezilt. Parzifal d̉er wigant. ſprach wa von habt ir mich erchant. ſi ſprach da bin iz diu maget diu dir chunb̉er hat Geclagt. vnd diu dir ſeit dinen namen. dun darft dich niht d̉er ſippe ſchamen. daz din muͤt̉er iſt min muͤm. wiplich chiuͤſch ein bluͤm. iſt ſi Gelut̉ert ane toͮ. got lon dir daz dich ſo rauͦ. min vriunt d̉er mir zuͤ d̉er Tioſt lac tot. ich han in al hie nu bruͤuet not. die mir hat got an im gegeben. daz er nih lang̉er ſolde leben. er phlac manlich̉er guͤte ſin ſt̉erben mich do muͤte. oͮch han ich ſit von tage zetage. vurbaz erchennet niwe clag. Owe war chom din rot̉er munt. biſtuz ſigune du mir chunt. Tet w̉er ich waſ an allen var. din raidleht lanc brunez har. deſt din haupt bloz geſtan. indem foreiſte ze brizilian. ſach ich dich do vil minechlich. ſwie du w̉erſt iam̉erſ rich. du haſt v̉erlorn varwe vnd craft. din̉er h̉erten Geſelleſhaft. v̉erdruzze mich ſolde ich ſi haben. wir ſuln den toten man begraben. do naztan diu augen ir wat. auch waſ fron luneten rat. nind̉er da bi ir geweſen. diu riet ir frowen lat geneſen. diſen man d̉er ev den ewern ſluͤc. da von ir h̉erze iamer truͤc. er mach ergezzen evch ſin nih. Ach lieb hiet alſ wip die man bi wanche ſhiht. mang̉er d̉er ich wil gedagen. horet me von ſigunen triwen ſagen. Si ſprach ſol mich iht Geureuwen. daz iſt ein dinc ob ſin toͮen. lat den vil trurigen man. ſhiet du heflichen dan. ſo iſt din lip wol priſeſ w̉ert. du fuͤrſt auch vmb dich ſin ſw̉ert. haſt du Gelernt deſ ſw̉erteſ ſegen. ſo maht du an angeſt ſtriteſ phlegen. ſin ekke im ligent rehte. von edlem geſlehte. worht ez Trebuchundeſ hant. ein brune ſtet bi charnant. dar nach d̉er chunc haizzet lac. daz ſw̉ert beſtet Ganz einēn ſlac. andem andren ez zeruellet gar. wil duz danne bringen dar. ez wirt Ganz von deſ wazzerſ dran. du muſt deſ vrſpringeſ han. Vnd̉er den ~~brun~~ velſe ê in beſhin d̉er ~~dach~~Tach. d̉er ſelbe brunne haizet lac. ſint diu ſtuche nih v̉erreret. d̉er ſi reht zuͤ einand̉er cheret. Ganz vnd ſterch̉er baz. ſo ſi d̉er brunne ie baz. machet im diu ekke ſin. vn̄d v̉erlieſent auch nih ir ſhin. daz ſw̉ert bedarf wol ſegenſ wort. ich vurht diu habeſ du lazen dort. hat aủer ſi din munt Gelernt. ſo wehſet vnd ch̉ernt imm̉er ſelden craft an dir. lieb̉er neue Gelaube mir. ſo muͤz Gar dienen din̉er hant. ſwaz din lip da wund̉erſ vant. ſo maht du tragen ſhoͤne imm̉er ſelden crone. hohe ob den w̉erden. den wunſh vf d̉er erden. Haſtu gewaltichliche. nieman iſt ſo riche. der Gein dir choſte muge han. haſtu vrage ir reht getan. er ſprach ich han geuraget niht. awe daz evch min ~~ovge~~avge ſiht. ſprach diu iam̉erlichev maget. daz ir vragenſ ſit v̉erzagt. ir ſahet doch ſolhev wund̉er groz. daz evch fragenſ do v̉erdroz. do ir wart dem grale bi. mange frowen valſcheſ vri. die w̉erden Garſchiloien. vnd ew̉repanſchi de ſhoien. vnd ſnidic ſilb̉er vnd bluͤttich ſper. owe waz woldet ir zuͤ mir her. Geunert lip v̉erfluchet man. ir traget den andren wolueſ zan. do diu gall ind̉er triwe. an ev belaip ſo niwe. evch ſolde ew̉er wirt erbarmet han. andem got wund̉er hat getan. Vnd het geuraget ſin̉er not. ir lept vnd ſit an freuden tot. do ſprach er liebiu niftele min. tuͦ bezren willen an mir ſchin. ich wandelſ han ich iht getan. ir ſult wandelſ ſin er lan. ſprach diu magt mir iſt wol bechant. zemunſchauaſche an ev v̉erſwant. ere vnd Rit̉erlich̉er briſ ir vendet ev dehain wiſ. dehain gegen rede von mir. parzifal do ſhiet von ir. daz er fragenſ waſ ſo laz. do er bi dem wirte ſaz. daz rau do grozlichen den helt ellenſ richen. durc clage vnd durc den tac ſo heiz. begunde nezen in der ſweiz. Durc den luft er von im bant. den helm vnd vuͤrt in ind̉er hant. er enſtricte die phintalien ſin. durc iſen ram waſ lieht ſin ſhin. er chom vf eine niwe ſla. wan dize Gie. vor ime da. Aventiw̉er wie Parzifal frowen Sigvͦnēn in d̉er chloſen lie Ein orſ daz waſ wol beſlagen. vnd ein ph̉ert daz muͦſe taragen. Ich lieb ein ende hiet ein hende ein frowen die er ſach. nach d̉er zeriten im geſhach. daz ph̉ert Gein chunb̉er waſ geſelt. man het im durc die hut gezelt. ellev ſinev rippe gar. alſ ein harm ez waſ Gevar. ein beſtin halft̉er lac dar an. vnz vf den huͦf im ſwanc diu man. ſinev augen trvͦbe vnd Gruͦben wit. auch waſ d̉er frowen ir runzit. ir twelt vnd v̉ertrechet. vor hung̉er dich erwechet. Ezwaſ durre alſ durre alſ ein zund̉er. *ſin gen daz waſ wund̉er. wand ez reit ein frowe w̉ert. diu ſelten rait kekunriertiu ph̉ert. da lac vf ein Gereite. ſmal vnd al breite. ſatelbogen vnd ſhelle v̉erreret. groz zadel dran gemeret. d̉er frowen trurec nih ze Geil. ir ſurzengel waſ ein ſeil. dem waſ ſi doch zewolgeborn. oͮch heten die eſte von eteſ*eteſlichen dorn. ir hemde zerfuͤret. ſwa ez mit zerren waſ geruͤret. da ſach er auch vil diche. dar und̉er die liehten pliche. ir huͤt wizer dan ein ſwam. ſi uuͤrte niht wan chnoden an. ſwa die warn deſ velleſ da*dach. in blanch̉er varwe er daz ſach. daz and̉er leit von ſunnen not. ſwie ie chom ir munt waſ rot. Der muſt al ſolhe varwe tragen. wan het daz fiw̉er wol druz geſlagen. ſwa man ſi an wolte riten. da waſ ſi ze blozz̉er ſiten. nante ſi ieman vilan. d̉er het ir vnreht getan. wande ſi het wenc an ir. durc ew̉er zuht gelaubet mir. ſi truͤc vngedienten haz. wiplich̉er guͤte ſi nie v̉ergaz. ich ſaget vil ir armuͤt. war zuͤ diz iſt alſo guͤt. doch nem ich ſolhen blozen lip. vuͤr etlich wol geuazt wip. do parzifal Gein ir ſprach. an in ſi erchenneclichen ſach. ER waſ d̉er ſhoͤnſt vb̉er ellev lant. da von het ſi in ſhier erchant. ſi ſprach ich han evch ê geſehen. da von iſt laide mir geſhehen. doch muͤz ev frede vnd ere. got imm̉er geben mere. dann ir vmb ~~evch~~mich verdienet hat. ez iſt nu erm̉er min wat. dan do ir ſi iungſte ſahet. w̉ert ir nih genahet. mir nih and̉er ſelben zit. ſo het ich ere ane ſtrit. do ſprach er frowe wizzet daz. Gein wem ir ch̉ert ew̉ern haz. ion wart von minem libe. ev noch dehaim wibe. laſt̉er nie Gemeret. ſo het ich mich geuneret. ſit ich den ſhilt von erſte gewan. vnd rit̉erſ fuͤre mich v̉erſan. Mir iſt and̉er ew̉er chunb̉er leit. alweinunde diu frowe reit. daz ſi begoz ir bruſtelin. alſ ſi gedrat ſolten ſin. die ſtunden blanc ioch ſinuel. ion wart nie drahſel ſo ſnel. d̉er ſi grat het baz. ſwie minnechlic diu frowe ſaz. ſi muͦſtin idoch erbarmen. mit henden vnd mit armen. begunde ſi ſich dechen. von parzifal dem rechen. do ſprach er frowe me*memt durch got. vf rehten dienſt ſund̉er ſpot. an ew̉ern lip min churſit. h̉erre w̉er daz ane ſtrit. daz al min freude lege dar an. ſon getorſt ich ez nih legen an. welt ir vnſ machen todeſ vri. ſo ritet daz ich ev v̉erre ſi. Doch clagt ich wenc minen tot. wan daz ich vurht ir chomt ſin in not. do ſprach er vrowe w̉er nêm vnſ̉er leben. daz hat vnſ goteſ craft gegeben. ob ſin g̉ert ain Ganzez h̉er. man ſehe mich vur evch zew̉er. a b c d e f g h i k l m o p q r ſ t u x y z ſi ſprach ien̉er g̉ert̉er degen. hat ſich ſtriteſ ſo bewegen. ew̉er ſehſ chomen ſin in arbeit. mir iſt ew̉er riten bi mir leit. ich waſ etſwenn ſi wip. nu maht min v̉ertailt̉er lip. deſ heldeſ dirn nih geſin. ſuſ tuͤt er gein mir zorneſ ſhin. Do ſprach er zuͤ d̉er frowen ſan. w̉er iſt hie mit ew̉erm man. wan fluhe ich nu durc ew̉ern rat. daz duht evch liht ein miſſetat. wan ſwenn ich vliehen lerne. ſo ſtirb ich alſ g̉erne. Do ſprach diu blozen h̉erzogin. ern hat hie nieman denne min. d̉er troſt iſt cranc gein ſtriteſ ſige. niwan ~~choden~~chnoden vnde d̉er rige. waſ and̉er frowen ~~lib~~hemede Ganz. wiplich̉er chiuſche lobeſ c*cranz. truͤc ſi mit ir armuͤte. ſi phlac wibeſ guͤte. ſo daz valſ an im v̉erſwant. die fintalien er fuͤr ſich bant. Gein ſtrit er wolte fuͤrn. den helm mit den ſnuͤren. er ebene zeſamen dructe. inendeſ daz orſ ſich buͤcte. mit dem pherid ez ſrien nih v̉ermeit. d̉er vor parzifal da reit. vnd vor d̉er blozzen frowen. d̉erhort vnd wolt ſhawen. w̉er bi ſinem wibe rit. daz orſ warf er mit zornſ ſite. Vaſt vz dem ſtige. Gein ſtritechlichem wige. hielt d̉er h̉erzoge oriluſ. gerait zuͤ ein̉er tioſte ſuſ. mit reht̉er manlich̉er ger. von Gahauiez mit einem ſper. daz waſ Geủerwet genuͤc. reht alſ er ſin wafen truͤc. ſinen helm worht drebuchet. ſin ſhilt waſ ze dolet. inGahileteſ land. Geworht dem wigande. rant vnd buchel heten craft. zealexandri in haidenſhaft. waſ geworht ein phelle guͤt. deſ der furſte hochgemuͤt. truͤc churſit vnd wap penroͤch. ſi deche waſ zetenebroch. Geworht vz ringen h̉erte. ſin tolzhait in l̉erte. d̉er iſenine deche dach. waſ ein phelle deſ man iach. daz d̉er tiwer w̉ere. rich vnd doch nih ſw̉ere. ſin hoſen halpec h̉erſnier. vnd ſineu ſhillier. Waſ gewapent dirre Guͤt man. geworht zebelzenan. ind̉er haupſtat zeanſhowe. diſiu blozev frowe. truͤc im vngelichev cleit. diu da ſo trurec nach im reit. dan het ſi nih bezz̉er ſtat. zeſeſuͦn waſ geſlagen ſin blat. ſin orſ von brunbainge. deſaluaſhe ahmuntainge. mit ein̉er tioſt royſ leblin. beiagte da d̉er bruͤd̉er ſin. parzifal waſ auch berait. daz orſ mit walappe er rait. Gein oriluſ de land̉er. vf deſ ſhilt vand̉er. einen drachen .alſ er lebete. ein and̉er drache ſwebete. vf ſinem helme gebunden. anden ſelben ſtunden. manc guldin drache cleine. mit mangem edelem geſteine. die muͦſten wol geheret ſin. ir augen warn rubin. vf d̉er deche vnd andem kurſit. do wart genom̄en d̉er poind̉er wit. von den zwain helden vnủerzagt. dewed̉erthalpt wart wid̉erſagt. ſi warn doch ledic ir triwe. trunzun ſtarc al niwe. von inweten Gein denlufften. ich wolt mich deſ guften. het ich ein ſolhe tioſt geſehen. alſ mir daz mer hat v̉eriehen. Da wart von rabin geriten. ein ſolhev tioſt nih v̉ermiten. fron ieſkuten muͤt v̉eriach. daz ſi nie ſchon̉er tioſte geſach. diu hielt da vnd want ir hende. ſi vreuden ellende. gunde ir dewedrem rit̉erſ ſchaden. diu orſ in ſw*ſwaize muͤſten baden. briſeſ ſi bede g̉erten. die pliche von den ſw̉erten. vnd daz fiw̉er daz vz den helmen ſpranc. vnd mang̉er ellenthaft̉er ſwanc. die begunden v̉erre gleſten. wan da warn ſtriteſ die beſten. mit hurte ananand̉er chomen. ez ſi zeſhaden od̉er zeurumen. denchuͤn helden m̉ern. ſwie willich diu orſ in wern. da ſi beide vf ſazen. der ſporn ſi nih v̉ergazen. vnd d̉er ſw̉erte lieht gemal. priſ begie hie parzifal. daz er ſich ſuſ wol w̉ern chan wol hund̉ert drachen vn̄d eineſ man. Ein trache wart v̉erſeret. ſine wunden Gemeret. d̉er vf oriluſ helm lac. ſo durch luhtec daz d̉er tac. vollecliche durch in ſhein. dar ab wart geſlagen manec ſtein. diz ergie zeorſen nih zeuuͤz. fron ieſkuten wart d̉er gruͤz. mit ſw̉erteſ ſhinphe alda beiagt. mit ſw̉ert*heldeſ handen vnu*vnủerzagt. mit hurte ſi diche zuͤ ein and̉er flugen. daz die ringe von dem chnie zerſtuben. ſwie ſi warn iſenin. geruchet irſ ſi taten ſtriteſ ſchin. Ich wil ev ſagen deſ einen zorn. daz ſin wip wolgeborn. da vor waſ genotzogt. er waſ idoch ir reht̉er voget. ſo daz ſi ſh̉ermeſ wart an in. er wand ir wiplich̉er ſin. w̉er Gein im v̉erch̉eret. ~~vnſ~~vnd daz ſi guneret. het ir chuͤſh vnd ir priſ. mit eim andrem amiſ. deſ laſt̉erſ nam er phlihte. do ergie ſin gerihte. vb̉er ſi daz grozz̉er not. nie wip erlait an den tot. vnd an alle ~~ſin~~ir ~~hulde~~ſhulde. er moht ir ſin hulde. v̉erſa*v̉erſagen ſwenn er wolde. nieman daz wenden ſolde. obman deſ wibeſ het gewalt. parzifal d̉er degen balt. oriluſ hulde g̉erte. fron ieſkuten mit dem ſw̉erte. deſ hort ich guͤthlichen biten. ez chom doch gar von ſwachen ſiten. Mich dunchet ſi haben bede reht. d̉er beidiu cr*crunp vnd ſleht. geſuͦf chunb̉er ſeiden ſo wendet daz an beiden. daz ez ân ſt̉erben da ergê. ſi Tuͤnt doch ſuſ einand̉er wê. da ergie diu ſharphe h̉erte. ietdwed̉er vaſte w̉erte. ſinen briſ von dem ander. oriluſ deland̉er. ſtrait nach ſim gel̉erten ſit. ich wen ie man ſo wol geſtrit. er het chunſt vnd craft deſ wart er diche ſigehaft. anmang̉er ſtat ſwie ez da ergienc. durc den troſt zuͤ im er vienc. vnd zucht in vz dem ſatel ſin. alſ eingarbe heb̉erin. vaſt ern vnd̉er die arme ſwanc. mit im vnd̉er daz orſ er ſpranc. vnd truct in vb̉er ein ronen. do muſt er ſunphenture wonen. d̉er ſolh̉er not nih iſt gewent. du garſt daz ſich hat v̉erſent. diſiu frowe von dinem zorn. nu biſtuz d̉er v̉erlorn. dun lazeſt ſi dan hulde han. deſn wirt ſo ſhier niht getan. ſprach d̉er h̉erzoge oriluſ ichn bin noch nih betwungen ſuſ. Parzifal d̉er chuͤne degen. truct in an ſich daz pluteſ regen. ſpranc durc die barbiere. do wart d̉er furſte ſhier. betwungen ſwaz man an in warp. er tet alſ d̉er vng̉erne ſtarp. er ſprach zuͤ parzifaln ſan. owe chuͤn ſtarch̉er man. wa gedient ich diſe not. daz ich hie von dir ſol ligen tot. ich laze dich vil g̉erne leben. ſprach parzifal ob du wil geben. diſ̉er frowen dine hulde. deſ entuͤn ich nih ir ſhulde. iſt gein mir zegrozlich. ſi waſ w̉erdechait rich. die hat ſi gar v̉ercrenchet. vnd mich in not geſenchet. Ich laiſt anderſ ſweſ du g̉erſt. ob du mich deſ lebenſ w̉erſt. daz het ich etſwenne von got. nu iſt din hant deſ worden bot. daz ichſ danche dinem priſe. ſo ſprach d̉er furſte wiſe. min leben chauf ich ſhoͤn. in zwain landen cron. treit min hant gewalticliche. min bruͤd̉er d̉er iſt riche. d̉er nim ſwederz du welleſt. daz du mich nih tot velleſt. ich bin im liep er loſet mich. alſ ich gedinge wid̉er *dich. dar zuͤ nim min h̉erzogen tuͦm. vondir din priſlich̉er ruͦm. hat an mir w̉erdecheit bezalt. nu erla mich chuͤn̉er degen balt. ſuͤn Gein diſem wibe. gebiut minem libe. and̉erſ ſwaz din êr ſin. Gein dirr Gunerten chungin. mac ich gephlegen ſuͤn niht. ſwaz halt mir da von Geſhiht. Parzifal d̉erhochgemuͤt. ſprach lute lant noch varnde guͤt. d̉er dehainz mac gehelfen dir. dun tuͤſt die ſich̉erhait gein mir. daz du Gein pritanne varſt. vnd din reiſe nih lang̉er ſparſt. gein ein̉er meide die bluͦ durc mich. ein man Gein dem han ich gerich. an ir bete nih v̉erchorn. du ſolt d̉er meigde wol geborn. ſi ch̉ern vnd min dienſt ſagen. vnd du w̉erſt alhie erſlagen. ſage Artuſ vnd dem wibe ſin. beiden ſampt den dienſt min. daz ſi min dienſt ſol lezzen. die maget ir ſlege ergezzen. dar zuͤ wil ich ſauwen. in dinen hulden diſe frowen. mit ſuͦn an var. od̉er du muͤſt ein bar. tot̉er hinnan riten. wil du mich ſin wid̉erſtriten. m̉erche diu wort vnd wiſ d̉er w̉erche ein wêr. deſ gip mir ſich̉erhait alh̉er. Do ſprach d̉er h̉erzoge Oriluſ. Gein dem chunge ~~parzifal~~Parzifal ſuſ. mac nieman da vur nih gegeben. ſo laiſt ichz wande ich wil noch leben. durc vorht von ir man. fro ieſkute wolgetan. ir ſhaidenſ gar v̉erzagete. ir uindeſ not ſi k*klagete. Parzifal in vf v̉erliez. do er fron iekuten hulde ~~v̉erliez.~~gehiez. d̉er betwungene furſte ſprach. frowe ſit diz durc evch geſhach. in ſtrite diu ſhunphenture min. wol her ir ſhult gekuſſet ſin. ich han vil briſeſ durc evch ~~v̉erchorn.~~v̉erlorn. waz danne ez iſt doch v̉erchorn. diu frowe mit ir blozzem velt. waſ zuͤ dem ſprunge harte ſnel. vf dem pherde vf dem waſen. ſwie daz pluͤt von der naſen. den munt im het gemachet rot. ſi kuſt in do er chuſ gebot. ezn wart nih lang̉er da gebiten. ſi bede vnd auch diu frowe riten. ze ein̉er cluſ an eineſ velſeſ want. eine chefſen parzifal da vant. ein gemalt ſper da bi leint. d̉er einſidel hiez Treurezent. Parzifal alda mit triwen vuͤr. er nam daz hailctuͤm darvf erſwuͤr. ſuſ ſtabt er ſelbe den eit. er ſprach h̉erre han ich w̉erdecheit. ich habe ſi od̉er ich hab ir nih. ſw̉er mich bi dem ſhilte ſiht. d̉er bruͤuet mich Gein d̉er rit̉erſhaft. deſ namen ordenliche craft. alſ vnſ deſ ſhilteſ amp ſaget. hat diche hohen priſ beiagt. ez iſt auch noch ein hoh̉er nam. min lip Gein w̉erdechlich̉er ſham. imm̉er ſi Gewenchet. vnd al min priſ v̉ercrenchet. dirre wort ſi mit w̉erche phant. min Geluche vor d̉er hohiſten hant. ich hanz da vur diu treit got. nu muͤz ich fluhteclichen ſpot. zebeiden liben imm̉er han. von ſin̉er craft ob miſſetan. diſiu frowe hab do daz geſhach. daz ich ir vurſpan abe brach. oͮch furt ich ir goldeſ mer dan. ich waſ ein tor vnd nih ein man. vil weinenſ da bi ~~ſwizzen~~ſwitzzen. diſe not an ſhult hat gedolt ir lip. ſi iſt benamen ein vnſhuldic wip. dan ſhaide ich vz nih mere. deſ ſi phant min ſelde vnd min ere. Geruchet irſ ſi ſol vnſhuldic ſin. ſeht Gept ir wid̉er ir ving̉erlin. ir vurſpan wart ſo v̉ertan. daz ſin min torhait danc ſol han. die gabe enphie d̉er helt guͤt. doſtraich er von dem munde daz pluͤt. vnd chuſt ſineſ h̉erzen Truͤt. do v̉erdechet ir blozev hut. ORiluſ d̉er furſte erchant. ſtiez daz ving̉erlin an ir hant. vnd gap ir ân ſin churſit. daz waſ von richem phelle wit. mit heldeſ hant v̉erhawen. ich han doch ſelten frowen. Geſehen wappenroͮch ân tragen. die w̉ern inſtrite alſuſ zerſlagen. von ir grie wart nie tvvrnei. geſambeliert noch nie ſper enzwei. Geſtochen ſwa daz ſolte ſin. der Guͤte chnappe lanbechin. die Tioſte trage zeſamen baz. ſuſ waſ diu frowe trurenſ laz. do ſprach d̉er h̉erzoge Oriluſ. aủer ze ~~parzifal~~Parzifal alſuſ. helt din vnbetwungen eit. Git mir grozzez liep vnd cranchez leit. ich han ſunphentur Gedolt. diu mir freude hat geholt. ia mag ich mit ern ergezzen ſie. min frowen diu waſ vnſhuldec hie. : 270.29f. fehlen in G, auffüllende Varianten in I. daz ich ſi d̉er ſuͤne min v̉erſtiez. do ich die guten eine liez. waz mohte ſi ſwaz ir geſhach. do ſi ab̉er von din̉er ſhone ſprach. ich wand da w̉er friuntſhaft bi. nu lon dir got ſi iſt valſeſ vri. ich han vngefuge an ir getan. durc daz foreiſ inbrizilian. rait vor ir alſ von poyſ. ~~parzifal~~Parzifal daz ſper von troyſ. nam ez vnd vurt ez mit im dan. ſin v̉ergaz d̉er wilde tharian. Tocheliuſ bruͤd̉er da. nu ſprechet wie od̉er wa. die helde deſ nahteſ mugen ſin. helm vnd ſhilt hetan pin. die ſach man Gar zerhawen. ~~parzifal~~Parzifal zuͤ d̉er frowen. Nam vrlaup vnd zir Amiſ. doladet in d̉er furſte wiſ. vil ofte an ſin fiurſtat. ezn half in nih ſwie oft er bat. do ſhieden die helde ſich. diu auentvvr w̉erte mich. do Oriluſ d̉er furſte erchant. chom da er ſin paielune vant. vnd ſin̉er maſſenie ein teil. daz volc waſ al geliche geil. daz ſuͤn waſ da worden ſhin. Geind̉er ſeldebarn h̉erzogin. ezn wart nih lang̉er da geſpart. Oriluſ enphangen wart. ~~Buͤt~~Bluͤt vnd ram von im man twuͤc. er nam die h̉erzoginne chluͤc. vnd vurt ſi an die ſuͤn ſtat. er hiez beraiten im ein bat. do lac Fro ieſcute. alwainende bi ir trute. vor liebe vnd auch vor leide niht. alſ noch guͤtem wibe geſhiht. oͮch iſt guͤten luten chunt. wainunden augen habent ſuͤzen muͤnt. da von ich me ſprechen wil. Groz liebe vnd iam̉erſ zil. ſw̉er vond̉er lieb ir mere. treit vf den ſaigere. ob erz imm̉er wolde wegen. ezn chunde niht an der ſhanze phlegen. Da ergie ein ſuͤn deſ wen ich. do furten ſund̉er handen ſich. zwelf clar iuncfrowen. die moht man bi ir ſhawen. die phlagen ir ſit ſi gewan. zorn anſhulde von lieben man. ir deche nahteſ waſ bereit. ſwie bloz ſi bi dem tage reit. ſi badeten do mit frevden ſie. ruͤchet ir nu horet wie. Oriluſ do innen wart. Auentvvr von artuſeſ art. ſuſ begunde im ein rit̉er ſagen. ich ſhach vf einen plan geſlagen. Tuſent pauilun od̉er mer. Artuſ d̉er chunc her. d̉er brittaniſce h̉erre. lit von vnſ nih v̉erre. mit wunnechlich̉er frowen ſhar. vngeủerteſ iſt ein mile dar. da iſt auch von rit̉ern grozz̉er ſhal. bidem blimizol zetal. ligent ſi ietwe*ietwed̉erthalp an dem ſtade. do Gahte balde vz dem bade. Der h̉erzoge Oriluſ. er vn̄d ieſkute wurben ſuſ. diu ſenfte ſuͤze wol getan. Gie auch vz ir bade ſan. an ir bette da wart trurenſ rat. ir libe diente ein bezz̉er wat. dann ſi da vor truge lange. mit nahem vnbeuange. behielt ir minne ſelden briſ. d̉er furſtin vnd deſ furſten wiſ. juncfrowen cleitan ir frowen ſan. ſinharnaiſch truͤc man dem man. ieſkuten wat man muͦſe loben. vogel geuangen vf dem cloben. ſi mit vreuden azen. da ſi an ir bette ſazen. ieſkute *etlichen chuſ. enphie den gab ir Oriluſ. Do zoch man d̉er frowen w̉ert. ſtarc ſheͦn wol gende ein phert. Geſatelt vnd gezaumet wol. man huͤp ſi druf diu riten ſol. dannan mit ir chuͤnen man. ſin orſe waſ gewapent ſan. rehte alſ er Gein ſtrite reit. ſin ſw̉ert da mit er deſ tageſ ſtreit. man vor anden ſatel hienc. von fuͤzzen vf Gewappent gienc. Oriluſ zuͤ dem orſe ſin. er ſpranc truf vor d̉er chungin. Si ſhieden dannen alzehant. die andren wid̉er in ir lant. bat er alle chern. wan ein rit̉er ſolt inlern. Gein artuſ riten. erbat deſ volcheſ biten. ein teil ſi chomen artuſ ſo nahen. daz ſi ſin pauilun ſahen. vil nahen ein mile daz wazz̉er nid̉er. d̉er furſt ſant da den rit̉er wid̉er. d̉er in gewiſet het dar. fro ieſkute diu wolgeuar. waſ ſin geſinde vnd nieman mer. d̉er vnloſe artuſ nih zehêr. waſ gegangen do er deſ abenſ gaz. vf einen plan vmb in da ſaz. diu w̉erde maſſenie. Oriluſ d̉er ualkeſ vri. chom an den ſelben rinc geriten. ſin helm ſin ſhilt waſ ſo v̉erſniten. daz dran choſ nieman dehain mal. die ſlege ſluͤc ~~parzifal~~Parzifal. Von dem orſe ſtunt er ~~ſan.~~dan. fro ieſkute enphienc ez ſan. vil iunch̉erren dar nah̉er ſpranc. vmb in vn̄d vmb ſi wart groz Gedranc. ſi iahen ſi ſolten deſ orſeſ phlegen. Oriluſ d̉er w̉erde degen. leit deſ ſhilteſ ſh̉erben vf daz ~~gar~~graſ. nach ir durc die er chomen waſ. begunde er zeuragen do zehant. froͮn kunduwarn de lalant. zaigte man im da diu ſaz. irguͤte man Gegen briſe maz. Gewapent er ſo nahen Gienc. d̉er chunc vnd diu chunginne in enphienc. er naic in vnd bot fianzen ſan. ſin̉er ſweſt̉er wolgetan. bidem drachen an dem churſit. bechande ſi in wol ane ſtrit. ſi ſprach du biſt d̉er bruͤd̉er min. oriluſ od̉er lehelin. Ichn nim ietwed̉erſ ſich̉erheit. ir waret mir ê bereit. mit dienſt ſweſ ich ie gebat. mir w̉er vf den triwen mat. ſolde ich gein ev criegen. vnd mich ſelben triegen. d̉er furſte chniete vur die magt. er ſprach du haſt al war geſagt. ich binz din bruͤd̉er Oriluſ. d̉er rot rit̉er betwanc mich ſuſ. daz ich dir ſich̉erheit muͤz geben. da mit chauft ich do min leben. die enphach ſo wirt hie getan. alſich ime gelobet han. do enphie ſi triwe in wizze hant. von im d̉er da truͤc den ſh̉erpant. Si lie in ledic do daz geſhach. do ſtunt er vf vnd *ſprach. ich ſol vnd muͤz mit triwen chlagen. owe w̉er hat dich geſhlagen. din ſlege die tuͤnt mir nind̉er wol. wirt deſ zit daz ich dich rechen ſol. ich geunere in ſwenne irz ruchet ſehen. daz mir groz lait iſt dran geſhehen. oͮch hilfet mir clagen d̉er chuͤniſte man. den muͤt̉er ie zuͤ d̉erw̉erlte gewan. d̉er nēnnet ſich den rit̉er rot. h̉erre chunc vnd chunginne ~~dir~~er enbot. ev beiden ſamp den dienſt ſin. dar zuͤ benamen d̉er ſweſt̉er min. ir bit evch ſin dienſt lezzen. vnd die maget ergetzen. ir ſlege auch hetiſ do genozzen. Gein dem helde ~~vnủerdrozen~~vnủerdrozzen. weſt ir wie ſi mich beſtet. vnd daz mir ir leit zeh̉erzen get. Kayn erwarp da niwan haz. von rit̉ern vnd von frowen ſwaz ir da ſaz. an dem ſtade bi dem blimizol. Gawan vnd ſchoffrit fiſidol. vondeſ not vnd ir habt gehoret ê. d̉er Geuangen clamide. vnd and̉er mang̉er w̉erd̉er man. d̉er namen ich wol genennen chan. wan daz ich nih wil lengen. die begunden ſich mengen. dienſt mit zuhten wart gedolt. froͮ ieſkute wart *geholt. vf ir pherit da ſi ſaz. Artuſ do nih v̉ergaz. vnd auch diu kunginn ſin wip. die enhpiengen ieſkuten ~~wip~~lip. von freuden da manc kuſ geſhach. Artuſ zuͤ froͮn ieſkuten ſprach. ew̉er uat̉er d̉er chunc von karnant. lange han ich den erchant. daz ich ew̉ern chunb̉er clagete. ſit man mir in von erſte ſagete. Auch ſit ir ſo wolgetan. Diz ſolt evch vrient erlazen han. wand ew̉er minneclich̉er blic. behielt den priſ zechanadic. durc ew̉er ſhoͤne mere. belaip ev d̉er ſparw̉ere. ew̉er hant er dannan reit. ſwie mir von Oriluſ leit. Geſhach ich gunde ev doch trurenſ niht. vnd entuͤn *ſtvch noch ſwaz mir geſhiht. mir iſt liep daz ir die hulde hat. vnde daz ir vroliche wat. traget nach ew̉erre groz̉er not. h̉erre daz v̉ergeltev got. Dar an ir hohet ew̉ern briſ. froͮ ieſkute vnd ir amiſ. froͮ chunuwar de lalant. dannan vuͤrt al zehant. einhalp an deſ chungeſ rinc. vb̉er einſ brunnen vrſprinc. ſtuͤnt ir pauilun vf dem plan. alſ ez ein trache in ſinen klan. het deſ aphelſ halpben teil. den trachen zugen vier wint ſeil. reht alſ er lebendich da vluge vnd daz pauilun Gein den luften zuge. da bi erchande ez Oriluſ. wande ſin wappen warn ſuſ. er wart entwappent drunde. ſin ſuͤzev ſweſt̉er chunde. im erbieten êr vnd gemach. vb̉er al diu maſſenie ſprach. Deſ roten rit̉erſ ellen. get vuͤr all vnſ̉er geſellen. deſ iahen ſi an ruͤmen. kain bat kingrumen. Oriluſ dien anſin̉er ſtat. er erchundez wol den erſ da bat. wand er het ſin vil getan. vor clamide zebrandigan. kain durc daz ſin dienſt liez. vnſelde in deſ furſten ſweſt̉er hiez. ſo ſer Galunen. mit dem ſtabe durc zuht tet er ſich deſ dienſteſ abe. Auch waſ diu ſhulde nih v̉erchorn. vond̉er meide wolgeborn. doch ſhuͤf er ſpiſe dar genuͤc. kingruͤn vur Oriluſ ez truͤc. froͮ kunuare diu wiſe. ſneit ir bruͤd̉er ſine ſpiſe. mit ir blanchen linden hant. froͮ ieſkute von karnant. mit wiplichen zuhten az. Artꝰus d̉er kunc nih v̉ergaz. ernchoͤm da diu zwei ſazen. vnd lieplichen azen. Do ſprach er gezt ir vbel hie. daz wart idoch min wille nie. ir geſazt nie vb̉er wirteſ brot. d̉erz ev mit bezrem willen bot. ſo gar ane wancheſ vare. min frowe kunuare. ir ſult ew̉erſ bruͤd̉er hie wol phlegen. Guͤt naht die geb ev goteſ ſegen. Artuſ vuͤr ſlafen do. Oriluſ wart Gebettet ſo. daz ſin froͮ ieſkute phlac. Geſellechlichen vnz vf den tac. Wie Parzifal dru plvͦtſtrophen vant vͦf ſne da von er ſinnen wart gephant Welt ir nu horn wie kunc Artuſ. zekaridol in ſinem huſ. Vnd mit im diu w̉erde diet. alſ im diu maſſenie riet. Suſ rait er mit den w̉erden. ſineſ landeſ vnd and̉er erden. daz mer giht naht vnd tac. alz daz er ſuͤchenſ phlac. den man den rit̉er rot. nande vnd ſolhe êr erbot. daz er in ſhiet von chunb̉er groz. do er den chuͤnen Jt̉ern ſhoͤz. daz er in ſhiet von chunb̉er groͤz. vnd clamide vnd kingrunen. auch ſant Gein pritunen. in ſinem hofe beſund̉er. vb̉er d̉er tauelrund̉er. wolde ern durch Geſellecheit. laden durc daz er nach im reit. alſ beſhaidenlich. beidiu arm vnd rich. die ſhilteſ ampt anewant. die loptan Artuſeſ hant. ſwa ſi ſahen rit̉erſhaft. daz ſi durc ir gelubdeſ craft. dehain tioſt da taten. ezn w̉er ob ſi inſ baten. Daz er ſi liez ſtriten. erſprach wir ſuln riten. in manc lant daz rit̉erſ tat. vnſ wol zegegen ſtirite ſtat. vf gerihtev ſꝑper wir muͤzen ſehen. welt ir dann vur ein and̉er ſhen. Alſ vreche ruden in maiſt̉erſ hant. ab zuchtan iriu bant. dar zuͤ han ich nih willen. ich ſol den ſhal ſtillen. ich hilf ev ſwa ez nih rat ſol ſin. deſwar tet an daz ellen min. diz gelubde hapt ir wol v̉ernomen. welt ir nu horn war ſi chom̄en. parzifal d̉er waleiſ. von ſne waſ eniweleiſ. deſ nachteſ vaſt vf in geſnit. ezn waſ doch nih ſnewēnſ zit. ez iſt alſ ich v̉ernomen han. Artuſ d̉er maiebarn man. ſwaz man ie von dem geſprach. zeeinen phingſten daz geſhach. od̉er indeſ bluͤnden maien zit. waz man in Guͤteſ lufteſ git. Daz mere iſt hie vaſt vnd̉erſniten. ez parriert ſich mit ſenuwen ſiten. ſin valchn̉er von karidol. riten deſ abenſ bi dem blimizol. durc baizen da ſi ſhaden churn. irn beſten valchen ſi v̉erlur*v̉erlurn. d̉er Gahte von in balde. vnd ſtuͤnt die naht ze walde. von vb̉ercruphe daz geſhach. daz im was von dem luͤd̉er Gach. die nah bi parzifal er ſtuͤnt. in beiden waſ d̉er walt vnchunt. vnd da ſi beide ſere vroſh. do ~~parzifal~~Parzifal den tac erchoͤſh. im waſ v̉erſnit ſinſ phadeſ ban. vil vngeủerteſ rait er dan. Vb̉er ronn vnd mangen ſtein. d̉er tac ie lang̉er hoh̉er ſchein. oͮch begunde luhten ſich d̉er walt. wan daz ein ~~rvne~~rone waſ Geualt. vf einen plan zuͤ dem er ſleic. Artuſeſ valche mit im ſtreic. da wol tuſent genſe lagen. da wart ein michel bagen. mit hurte vlauch er vnd̉er ſi d̉er valche vnd ervlauc ir eine hie. ſo daz ſi im chum enbraſt. vnd̉er deſ geuallen ronen aſt. an ir hohen fluͤg wart ir we. vz ir wunden vf den ſne. vieln die bluͤt zah̉er rot. die parzifal vuͤgtan not. von ſinen triwen daz geſhach. do er die bluͤt zah̉er geſchach. vf dem ſne d̉er waſ al wiz. Do daht er w̉er hat ſinen vliz. gewent andiſe varwe clar. Condwiramurſ io mac vur war. diſiu varwe dir gelichen. wand mich wil got richen. ſit ich dir hie gelichez vant. geeret ſi diu goteſ hant. vnd allev diu cr*creature ſin. Gondwiramurſ hie lit din ſhiͤn. ſit d̉er ſne dem blute die wizze bot. vnd ez den ſne ſo machet rot. froͮe Gondwiramurſ. dem Gelichet ſich din beacurſ. deſn biſtu nih erlazen. deſ heldeſ augen mazen. wie ez dort waſ ergangen. zwen zah̉er an ir wangen. den dritten an ir chinne. er phlac d̉er warn minne. Gein ir ân wenchen. ſuſ begunde ſich v̉erdenchen. ſo daz er vnủerſunnen *hielt. diu ſtarche minne ſin da wielt. alſolh̉er not gehalf im ſin wip. dirre varwe ~~truͤt~~truͤc gelichen lip. Uon pailrapier diu chungin. diu enzucht im wizechlichen ſin. ſuſ hielt er alſ er ſliefe. w̉erda zuͤ im liefe. kunuwarn garzun wart geſant. d̉er ſolt gegen lalant. er ſach anden ſtunden. einen helm mit mangen wunden. vnd einen ſhilt v̉erhawen. in dienſt deſ chnapen frowen. da hielt gezimiert ein degen. alſ er tioſtiernſ wolde phlegen. gen art mit vf gerihtem ſper. d̉er garzuͤn huͤb ſich wid̉er h̉er. xet ind̉er chnape erchant enzit. er w̉er von im vil vnbeſhrit. daz er ſin̉er frowen rit̉er w̉ere. alſ Gein eim altere. ſhuͤf er daz volc hin vz an in. er wolt im w̉erben vngewin. ſin ku*kurtaſie er dran v̉erloſ. lat ſin ſin frowe waſ doch loſ. ſolch waſ deſ chnappen grie. fia fi fie v̉ertane. zelnt ſi Gawane. vnd and̉er dirr rit̉erſhaft. Gein w̉erdeclich̉er priſeſ craft. vnd artuſ d̉er pritun. alſo rief d̉er Garzun. diu tauelrunde iſt geſhant. ev iſt hie durc die ſnuͤr gerant. Da wart von rit̉ern grozz̉er ſhal. ſibegunden fragen vb̉eral. ob rit̉erſhaft da wer getan. do vrieſhen ſi daz ein man. da hielt zeein̉er tioſt bereit. Genugen waſ daz gelubde leit. die artuſ von in enphienc. ſo balde daz er nih engienc. beidiu lief vnd ſpranc. ſeigremorſ d̉er nah ſtrite ie ranc. ſwa d̉er vehten wande vinden. da muͤſt man in binden. od̉er er wolde da mit ſin. nind̉er iſt ſo brait d̉er rin. ſehe er ſtriten an dem andren ſtade. da wurde wenich nach dem bade. Geraſtet ez w̉er warm od̉er chalt. er viel ſuſ dran d̉er helt balt. Suſ chom d̉er ſnelle iungelinc. zehoue an artuſeſ rinc. d̉er w̉erde chunc vaſte ſlief. ſegremorſ im durch die ſnuͤre lief. zuͤ d̉er bauilunſ tuͤr tranc er in. ein dechlachen zobelin. zucht er ab in die da lagen. vnd ſuͤzeſ ſlafeſ phlagen. ſo daz ſi muͤſtan wachen. vnd ſin̉er vngefuͤge lachen. do ſprach er zuͤ d̉er niftel ſin. Ginouer frowe chungin. vnſ̉er ſippe iſt deſ erchant. man waiz wol vb̉er manc lant. daz ich genade wart an dich. nu hilf mir vrowe vnd ſprich. Gein artuſe dinem man. daz ich von im muͤze han. ein auentvvr diu iſt hie bi. daz ich zuͤ der tioſt d̉er erſte ſi. Artuſ zeſegremorſ ſprach. din ſich̉erheit mir deſ v̉eriach. du ſoldeſt nach minem willen varn. vnd din beſhaidenhait bewarn. wirt hie ein Tioſt von dir getan. darnach wenet manc man. daz ich in laze riten. vnd auch nach priſe ſtriten. da mit crenchet ſich min wer. wir nahen anfrotaſ her. daz von muntſhalvaſch vert. muntſhalvaſch: über tſh schräger Strich mit unklarer Bedeutung. vnd daz foraiſt mit ſtrite w̉ert. welt ir wizzen wa daz ſtet. zearebeit ez vnſ liht erget. Ginoủer ſprach zuͤ artuſe ſo. deſ ſegremorſ wart al fro. do ſi im die auentvvr er warb. wan daz er nih vor liebe erſtarp. daz and̉er gar waſ geſhehen. vng̉erne het er doch v̉eriehen. ſinſ niwen chomenſ phlihte. ieman and̉er geſhihte. d̉er iunge ſtolz ane bart. ſin orſ vnd er gewappent wart. vz chom ſegremorſ de royſ. kalopiert vterlo von poyſ. ſin orſ vb̉er hohe ſtuden ſpranc. manc guldin ſhelle dran erclanc. vf d̉er deche vnd vf d̉er mane. man moht in wol geworfen han. nach faſan in daz dornach. ſwem nach in zeſuchen wart Gach. d̉er vund in von den ſhe*ſhellen. die chunden lute hellen. Suſ fuͤr d̉er vnbeſhaiden helt. zuͤ dem d̉er minne waſ v̉erſelt. wed̉er ern ſluͤc noch en ſtach. ê er wid̉erſagen hinz im ſprach. vnủerſunnen hielt do parzifal. daz vuͤgt im deſ pluteſ mal. vnd auch diu ſtrenge minne. diu mir diche nimt die ſinne. vnd mir daz h̉erze vnſanfte reget. vil not an wib an mich legt. wil ſi mich alſo twingen. vn ſelten helfe bringen. ich muͤz *ſiſ vnd̉erziehen. vnd von ir troſte vliehen. hort auch von ienen bei*beiden. v*vmb ir chomen vnd vmb ir ſheiden. Segremorſ ſprach alſo. ir gebart reht alſ ir ſit vnuro. daz hie ein chunc mit volche liget. ſwie vnho ev daz wigt. ir muzt im wandel dar vmbe geben. od̉er ich v̉erliuſ min leben. ir ſit durc ſtrit ze nahen geriten. nu wil ich evch durc zuht deſ biten. ergept evch in min gewalt. od̉er ir ſit ſhier von mir bezalt. daz ew̉er vallen ruͤrt den ſne. ſo tet irz baz mit ern ê. Parzifal durc dro niht ſprach. froͮ minn im and̉erſ chunb̉erſ iach. durc Tioſt pringen waſ ſin orſ. von im d̉er chuͤne Segremorſ. vmb want auch ſich daz kaſtelan. da ~~parzifal~~Parzifal d̉er wol getan. vnủerſunnen vf ſaz. do er daz pluͤt vb̉ermaz. ſin ſehen wart drab gecheret. ſin wizze hie gemeret. do er d̉er zah̉er niht enſach. froͮ wizze im ab̉er ſinne iach. hie chom ſegremorſ de roiſ. parzifal ſin ſper von troyſ. daz veſt vnd daz zehe. mit varwe daz wehe. alſ erz vor d̉er cluſe vant. daz begunde er ſenchen mit d̉er hant. ein tioſt enphie er durch den ſhilt. ſin tioſt wid̉er wart gezilt. daz Segremorſ d̉er w̉erde degen. ſatel rumenſ muͤſte phlegen. Vnd daz ſper doch ganz beſtuͤt da mit wart im geuelle chunt. ~~parzifal~~Parzifal reit ane fragen. da die bluͤteſ zeh̉er lagen. do er die mit den augen vant. froͮ minne ſtricht in an ir bant. ſi munt ſprach wed̉er ſuſ noch ſo. wande er ſhiet von wizzen do. Segremorſ kaſtelan. huͤp ſich gein ſinem barne dan. er muͤſ vf durch ruwe ſten. ob er ind̉er wolte gen. ſich legent genuge durch ruwe nid̉er. deſ hapt ir vil geuraiſchet ſider. waz ruwe choſ er indem ſne. mir tet ein ligen drinne we. d̉er ſchadehafte warb ie ſpot. ſelden phlicht̉er dem hilfet got. Daz her lac wol ſo nahen. daz ſi parzifal ſahen. halden alſ im waſ geſhehen. d̉er minne muͤſt er ſigeſ iehen. diu ſalomon auch betwanc. dar nach waſ auch nih zelanc. Segremorſ dar zuͤ in gienc. d̉er in wol od̉er vbel enphienc. den waſ er allen Geliche holt. ſuſ tailt̉er bagenſ grozen ſolt. er ſprach ir habt ez geureiſhet vil. Rit̉erſhaft iſt ~~tobel~~topel ſpil. vnd daz ein man von tioſte viel. ez ſinchet halt ein merſ chiel. lat mich nimm̉er nih geſtriten. daz er min getorſte biten. ob er erchande minen ſhilt. deſ het mich gar an im beuilt. Der noch dort tioſte gert. ſin lip iſt vil wol priſeſ w̉ert. kain d̉er chuͤne man. brahte daz mere vur den chunc ſan. Segremorſ w̉er geſtochen abe. vnd dort hielt ein ſtrenger chnabe d̉er g̉ert Tioſt reht alſ ê. erſprach h̉erre mir tuͤ we. ſol er genozzen ſhaiden hin. ob ich ev ſo wirdich bin. ſo lat mich v̉erſuchen weſ er ger. ſit er mit vf gerihtem ſper. dort haldet vor ew̉erm wibe. nimm̉er ich belibe. in ew̉ern dienſt mer Tauelrund̉er habent ſin vnere. ob man im nih enzit w̉ert. vf vnſ̉ern priſ er ſin ellen zert. gept mir ſtriteſ vrlaub. w̉ern wir alle blint od̉er tau man ſolde ez im w̉ern deſ w̉er zit. Artuſ erlaubet im den ſtrit. Gewappent wart d̉er ſhiniſſhalt. vij. do wolt er ſwenden den walt. mit tioſt vf diſem chuͤnen gaſt. d̉er truͤc d̉er minnen ſweren laſt. daz vugt im ſne vnd bluͤt. ez iſt ſunde ſw̉er im iht mer tuͤt. froͮ minne wie tuͤt ir ſo. daz ir den trurigen machet vro. mit churz̉er w̉ernd̉er vreude. ir tuͤt in ſhiere teunde. wie ſtet ev daz froͮ minne. daz ir manliche ſinne. vnde h̉erzenhaften hohen muͤt alſuſ entſhunphiern tuͤt. daz ſmehe vnd daz w̉erde. vnde allez daz vf d̉er erde. Gein ev dehainſ ſtriteſ phligt. dem hapt ir ſhier an Geſigt. wir muͤzen evch bi crefte lan. mit reht̉er warhait ſund̉er wan. froͮ minn ir habt ein ere. vnd wenc dehaine mere. Froͮ liebe ev git geſelleſhaft. and̉erſ w̉er durchel ew̉er craft. froͮ minn ir phlegt vntriwe. mit altem ſite niwe. ir zuchet mangen wib ir priſ. vnd ratet ir ſippev Amiſ. vnd daz manc h̉erre an ſinem man. von ew̉er craft hat miſſetan. vnd d̉er friunt an ſim geſellen. ew̉er ſite chan ſich hellen. vnd d̉er man an ſinem h̉erren. froͮ minne ev ſolde w̉erren. daz ir den lip d̉er gir v̉erwent. da von ſich diu ſele ſent. Froͮ minne ſit ir habt gewalt. daz ir den iungen machet alt. den man doch zelt vil churzev iar. ew̉er w̉er ſint valſchev var. diu rede zem dehainem man. wan d̉er nie troſt von ev gewan. het ir mir geholfen baz. min lob w̉er niht Gein ev ſo laz. ir habt mir mangel vor gezilt. vnde min̉er augen ekke alſo *v̉erſpilt. daz ich ev nih getruwen mac. min not evch ie ringe wac. doch ſit ir mir zewolgeborn. daz Gein ev min cranch̉er zorn. imm̉er ſolte bringen wort. ew̉er druͤch d̉er hat ſo ſtrengen ort. Ir ladet vf h̉erze ſwern ~~baum~~ſaum. h̉er hainrich von veldechin ſinen baum. mit chūnſte Gein ew̉erm arde maz. het er vnſ do beſhaiden baz. wie man evch ſolde behalden. er hat h̉erdan geſpalden. wie man evch ſul erw̉erben. von tunphait muͤz v̉erd̉erben. mangeſ torn hoh̉er vunt. waz od̉er wirt mir daz noch chunt. daz wizz ich ev fro minn. ir ſit ein ſloz ob den ſinn. ez hilft Gein ev ſhilt noch ſw̉ert. ſnellez orſ hohe burge mit turnen w̉ert. ir ſit gewaltich ob d̉er w̉er. beidiu hin erde vnd vf dem mer. waz entrinnet ew̉erm chriege. ez fliehe od̉er ez vliege. Froͮ minne ir tatet auch gewalt. do parzifal den degen balt. durc evch von ſinen wizzen ſhiet. aſſ im ſin triwe do geriet. daz w̉erde ſuͤze clare wip. ſand evch zeboten an ſinen lip. diu chungin von ~~pailrapier~~Pailrapier. kardiz fiz tanpuntaier. ir bruͤd̉er namt ir auch ſin leben. ſol man ev ſolhen zinſ geben. wol mich daz ich vonev nih han. irn woltet mir bezz̉er ſenfte lan. ich han gereit vnſ̉er all̉er wort. nu hort wie ez in ergienge dort. kain d̉er ellenſriche. chom gewappent rit̉erliche. vz alſ er ſtriteſ g̉erte. ich wen in ſtiriteſ w̉erte. Deſ chungeſ Gahmureteſ kint. ſwa nu twingende frowen ſint. die ſul*ſuln im haileſ wunſhen nu. ſuln*ſuln: Federansatz. wan in braht ein wip dar zuͤ. daz minne wizze von im ſpielt. kai zuͤ ſin̉er Tioſte hielt. biz er ze ~~parzifal~~Parzifal ſprach. h̉erre ſit ev ſo geſhach. daz ir den chunc gelaſt̉er hat. welt ir im buͤzen ſo iſt min rat. Vnd dunchet mich ew̉er beſtez heil. lat evch nemen an ein brachen ſeil. vnd lat evch vuͤr in ziͤhen. ir mugt mir nih enphlihen. ich pringe evch doch geuangen ~~war~~dar. ſo nimt man ew̉er vnſanfte war. den waleiſ twanc d̉er minne craft. kai ſwigenſ ſinen ſhaft. vf zoͤch vnd vrunt im einen ſwanc. vf daz haubet daz d̉er helm erclanc. do ſprach er du muͤſt wachen. ân bette vnd ân lilachen. wirt dir min ſhaft hie benant. ez zilt and̉erſ min hant. vf den ſne du wirſt geleit. d̉er den ſach von d̉er muͤle treit. wolt man in alſuſ bliwen. in mohte ~~lazeit~~lazheit riwen. Froͮ minne da ſeht ir zuͤ. ich wen manz ev zelaſt̉er tuͤ. wan ein gebure ſpreche ſan. diz iſt mim h̉erren getan. er clagt auch meht er ſprechen. frowe minne lat ſich rechen. den w̉erden waleiſe. wan liezen in ew̉er freiſe. vnd ew̉er ſtreng̉er vnſhuzz̉er laſt. ich wen ſich w̉erte dirre gaſt. kain hurte vaſt an in. er dranc im daz orſ alumb hin. ſo daz d̉er waleiſ vb̉erſach. ſin ſuͤze ſuw̉erſ vngemach. ſineſ wibeſ gelichen ſhin. von pailrapeir ~~diu~~d̉er chungin. ich main den geparrierten ſne. do chom im ab̉er wizze alſ ê. do diu im den ſin h̉er wid̉er Gap. kay lie daz orſ in den walap. d̉er chom durc tioſtiern her. von rabin ſanctan ſi diu ſper. kain ſin Tioſte brahte. alſ im d̉er augen mez gedahte. durch deſ waleiſen ſhilt ein venſt̉er wit. im wart v̉ergolten dirre ſtrit. Kayn Artuſeſ ſchiniſhalt. wart zegege Tioſt wart geualt. vb̉erden ronen da diu Ganſ entran. ſo daz daz orſ vnd̉er dem man. beidiu ſampt liten not. d̉er man waſ wunt daz orſ lac tot. zwiſhen den ſatelbogen ein ſtein. kain zeſw̉er arm vnd winſt̉er bein. *zer braſt von diſem geuelle. ſurzengel vnde ſatel geſhelle. von dirre hurte gar zebraſt ſuſ galt zwai pliwen diſer gaſt. daz ein maget leit durch in. mit dem andren muͤſt er ſin. Parzifal d̉er valſcheit v̉erſwant. ſin triwe in lerte daz er vant. ſine bluͤteſ zah̉ere dri. die in machtan wizze vri. Sin penſiern vmb den gral. vnd d̉er chunginne gelichev mal. iet*ietdwed̉erz waſ ein ſtrengev not. an im wac vurd̉er minne tot. truren vnde minne. brechent zahen ſhin. ſol daz auenture ſin. ſi mohten beide haizzen pin. chuͤn lute ſoltan clagen kainſ not. ſin manhait im gebot. genedechlich an mangem ſtrit. man ſeit in mangem lande wit. daz kain Artuſeſ ſchiniſhalt. mit ſiten were ein ribalt. deſ ſeit in min mere bloz. er waſ d̉er w̉erdecheit genoz. ſwie clein ich deſ die volge han. getriwe vnd ellentthaft̉er man. waſ kain deſ giht im min munt. ich tuͤn ev noch mer von im chunt. Artuſ hof waſ ein zil. dar chom vromd̉er lute vil. die w̉erden vnd die ſmehen. mit ſiten die wehen. ſwelh̉er partiernſ phlac. d̉er ſelbe chain ringe wac. An ſwem diu kurteſie. vnd diu w̉erde kapanie. lac den chunde er êrn. ſin dienſt Gein im chern. ich gihe von im m̉ere. er waſ ein m̉erch̉ere. er tet vil ruhen willen ſhin. zeſh̉erme dem h̉erren ſin. ~~partierer~~Partierer vnd valſhe diet. von den w̉erden er die ſhiet. er waſ ir vuͤr ein ſtrenger hagel noch ſharph̉er dann ein pigen zagel. ſeht die v̉erch̉erten chain priſ. er waſ manlich̉er triw wiſ. vil hazzeſ er von in gewan. von durin furſte h̉erman. etlichez din geſinde ez maz. daz vz geſinde hieze baz. dir w̉er auch einſ kainſ not. ſit warev milte dir gebot. So mancualtich ane *hanc. ſwa ſmehlich gedranc. vnd etſwa w̉erdez dringen. deſ muͤz h̉er walth̉er ſingen. Guͤten tach boſe vnd Guͤt. ſwa man nu ſolhen ſanc tuͤt. deſ ſint die valſchen geeret. kain het ſin niht geleret. noch h̉er hainrich von riſpac. horet wund̉er waz dort me geſhach. vf den plimizol plan. kain wart gefuͤret ſan. in artuſeſ pauilun getragen. ſine friunde begunden in do chlagen. vil frowen vn̄d manec man. dar chom auch h̉erre Gawan. Vb̉er kain alda er lac. er ſprach we vnſelig̉er tac. daz diſev tioſt ie wart getan. von d̉er ich vriunt v̉erlorn han. er clagt in ſenliche. kain d̉er zornſriche. ſprach h̉erre erbarmt ev min lip. ſuſ ſolten clagen altev wip. ir ſit minſ h̉erren ſweſt̉er ſun. moht ich ev dienſt nu getuͤn. alſ ir etſhwenne g̉ert. do mich got d̉er lide w̉ert. ſon hat min hant daz niht v̉ermiten. ſin habe durc evch vil geſtiriten. ſi tete auch noch ob ez mohte ſin. clagt nih me lat mich den pin. han ir ſit mir zerache ze wolgeborn. het ir einen ving̉er dort v̉erlorn. da wagt ich gein min haubet. ſeht ob ir mirz gelaubet. kert evch niht an min hezzen. er chan vnſanfte lezzen. Iw̉er oheim d̉er chunc h̉er. gewinnet nimm̉er dehain kain mer. d̉er dor vze noch vnfluhtich habt. wed̉er ſhuffet noch endrabt. och iſt nind̉er hie dehain̉er frowen har. wed̉er ſo murwe noch ſo clar. ez w̉er ev doch ein veſtez bant. zebewarn ſtriteſ ew̉er hant. ſwelch man tuͤt ſolh̉er dimuͤte ſhiͤn. d̉er ert idoch die muͤt̉er ſin. vat̉erhalp ſolde er ellen han. k̉ert mut̉erhalp h̉er Gawan. ſo w̉ert ir ſw̉erteſ bliche bleich. vnd manlich̉er h̉erte weich. ſuſ wart d̉er wol gelopte man. Gerant zeblozen ſiten an. mit rede erchunde gelten niht. alſ noch wolgezognem man geſhiht. Dem v̉erſliuzt ſham ſinen munt. dem v̉erſampten iſt vnchunt. Gawan idoch ze kain ſprach. ſwan man mich ie inſtirite ſach. ſwaz deſ von mir iſt geſhehen. ſw̉er mine varwe chunde ſpehen. diu wen ich ie der bliche. von ſlege noch von ſtiche. du zornſt mit mir an not. ich bin d̉er dir ie dienſt bot. vz dem pauilun Gie h̉er Gawan. ſin orſ hiez er pringen ſan. ſund̉er ſw̉ert vn̄d ane ſporn. ſaz druf d̉er helt wol giborn. Er ch̉ert da er den waleiſ vant. ſin wizze waſ d̉er minne phant. d̉er truͤc diu venſt̉er durc den ſhilt. mit heldeſ handen dar gezilt. ſuſ het in Oriluſ v̉erſniten. Gawan chom zuͤ im geriten. ſund̉er kalopiern. vnd an puniern. er wolde guͤtliche erſehen. von wem d̉er ſtrit w̉er geſhehen. do ſprach er gruͤzliche dar. ~~parzifal~~Parzifal deſ clneine war. nam daz muͤſt alſo ſin. da tet froͮ minn ellen ſhin. An in den h̉erzelaude bar. vngezaltiu ſippe in Gar. ſhiet von den witzen ſin. vnd vf geborn̉er pin. von vat̉er vnd von mut̉er art. d̉er waleiſ do innen wart. Waz h̉ern Gawanſ munt. mit worten im tet da chunt. do ſparac deſ chungeſ loteſ ſun. h̉erre ir welt gewalt nu tuͤn. ſit ir mir gruͤzen wid̉erſagt. ich pin doch niht ſo v̉erzagt. ichn bringe ez an an and̉er frage. ir habt hie man vnd mage. vnd den chunc ſelb enteret. vnſ̉er laſt̉er Gimeret. deſ erwirbe ich ev die hulde. daz d̉er kunc lat die ſhulde. welt ir nach minem rate leben. vnd Geſelleſhaft h̉er vur in geben. deſ chunc Gahmureteſ chint. dro vnd vlehen waſ im ein wint. d̉er tauelrund̉er hoſter priſ. Gawan waſ dir not alwiſ. er ~~heſi~~hetſi vnſanft erchant. do mit dem mezz̉er durc die hant. ſtach deſ twanc in minne craft. vnd w̉ert wiplich Geſelleſhaft. In ſhiet von tode ein kungin. do d̉er w̉erde lehelin. mit ein̉er Tioſt riche. intwanc ſuſ vollechliche. diu ſenfte ſuͤze wolgeuar. ir haupt ſazte ſi zephande dar. royn inGwiz de paitt̉er liez. alſuſ diu getriwe hiez. do ſprach min h̉er Gawan. waz ob diu minne diſen man. twinget alſ mich do twanc. vnd ſin getriwelich gedanc. d̉er minne muͤz ir ſigeſ iehen. er marcht deſ waleiſhen ſehen. war ſtunden diu augen ſin. ein vêl von einen ſigelatin. gefurriert mit einem gruͤnen zendal. die ſwanc er vb̉er diu bluͤteſ mal. Do diu vêl wart d̉er zah̉er dach. ſo daz ir parzifal nih enſach. im gab h̉er wid̉er die ~~wize~~witze ſin. von pailrapier diu chungin. diu behielt idoch ſin h̉erze dort. nu hort diſiu wort. er ſprach owe vnde wip. w̉er hat benomen mir den lip. ez erwarp mit rit̉erſhaft min hant. die w̉erden minne croͤn vnd ein lant. bin ichz d̉er dich von clamide. loſt ich vant ach vnd we. vnd ~~ſuff~~ſufcen manc h̉erze frebel. in din̉er helfe augen nebel. hat biliehter ſunnen hie. mir benom̄en nun waizich wie. owe war chom min ſper. daz ich mit mir brahte h̉er. do ſprach min h̉er Gawan. h̉erre ez iſt mit tioſt v̉ertan. Gein wem ſprach d̉er degen w̉ert. ~~irn~~irn traget ſhilt noch daz ſw̉ert. waz meht ich briſeſ an ev beiagen. doch wil ich ew̉er ſpotten tragen. ir erbiet mirz h̉ernach lihte baz. ethwenn ich von tioſte geſaz. vinde ich an ev ſtrit. doch ſint diu lant wol ſo wit. ich mac da briſ vnd arbeit holn. beidiu freude vnde angeſt doln. deſ chungeſ loteſ ſun do ſparah. ſwaz hie rede gein ev geſhach. diu iſt lut̉er vnd minnechlich. nih mit valſch̉er truͤbe rich. ich ger alſ ichz gedienen wil. hie lit ein chunc vnd rit̉er vil. mit wunnechlich̉er frowen ſhar. geſelleſhaft gib ich ev dar. lat ir mich mit ev riten. ſo bewar ich evch von ſtriten. got lon ev h̉erre ir ſprechet wol. daz ich vil g̉erne dienen ſol. Sit ir gunpanie bietet mir. w̉er iſt ew̉er h̉erre od̉er ir. ich haiz in h̉erre vnde bin ſin man. von dem ich manc vrbor han. ein teil ich d̉er benenne hie. er phlach gein mir deſ willen ie. daz er mirz willeclichen bot. ſine ſweſt̉er hat d̉er chunc lot. diu mich zuͤ d̉er welte braht ſweſ got an mich gedahte. daz biutet ~~dieſt~~dienſt ſin̉er hant. d̉er chunc Artuſ ~~ichiſt~~iſt er genant. oͮch iſt min nam vil vnủerholn. an mang̉er ſtat vnủerſtoln. ~~Lute~~Luͤte die mich erchennent. Gawan mich die nennent. vnd dient min lip vnd min nam. weltirz ch̉ern mir von ſham. do ſprach er biſtuz chawan vil cranchen briſ ich deſ han. obdu mirz wol erbiuteſt hie. ich horte vondir ſprechen ie. du erbuteſt ez allen luten wol. din dienſt ich doch enphahen ſol. niwan vf dienſteſ wid̉ergelt. nu ſage mir weſ ſint diu gezelt. d̉er mangez iſt dort vf geſlagen. lit artuſ da ſo muͤz ich chlagen. daz ich in mit den augen min. nih mag geſehen noch die kunegin. ich ſol rechen ê an pliwen. dar vmb ich ſit mit triwen. vuͦr von ſolhen ſachen. ein w̉erdiu magt ir lachen. mir bot die ſluͤc der ſhiniſhalt. durch mich daz von ir d̉er walt. erſhal vnſanfte daz iſt gerochen. ſprach Gawan im iſt zerbrochen. d̉er zeſwe arm vnde daz winſt̉er bein. rit̉er ſhawe orſ vnd den ſtein. hie ligent auch drumzuͤn vf dem ſne. dinſ ſperſ nach dem du vragtaſt ê. Do parzifal die warheit ſhach. do daht er mer vnd ſparah. daz laz ich an dich Gawan. ob ez ſi d̉er ſelbe man. d̉er mir hat laſt̉er vor gezilt. ſo rit ich mit dir ſwar du wilt. ich mach gein dir nih liegen*liegenſ ~~plegen~~phlegen. ſprach Gawan hie iſt von Tioſt gelegen. Segremorſ an ſtriteſ helt. deſ tat gein briſ ie waſ gezelt. daz waſ ê kain wurde Geualt. an beiden haſt du bezalt. priſ ſi riten mit einand̉er dan. parzifal vnde *Gawan. vil volcheſ zeorſ vnd auch zefuͤz. bot in dort inne w̉erden gruͤz. wan in ir zuht daz gebot. Gawan vnde dem rit̉er rot. Gawan ch̉erte da er ſin pauilun vant. frowen Gunwarn de lalant. d̉er ſnuͤr vnz an die ſine Gienc. Si wart fro mit freuden ſi in enphienc. diu magt ir rit̉er d̉er ſi rach. daz ir von kain ê geſhach. ſi nam ir bruͤd̉er an ir hant. vnd froͮn ieſkuten von karnant. ſuſ ſach ſi chomen parzifal. d̉er waſ geuar durch iſen mal. alſ er im twuͦc roſen warn dar geulogen. im waſ ſin harnaiſh ab gezogen. er ſpranc vf do er ſi chomen ſach. nu hort wi Gunware do ſprach. xot alreſt alreſt dar nach mir. willechomen ſit daz ir. belibet bi manlichen ſiten. ich het lachen gar v̉ermiten. ê evch min h̉erze erchande. ſit mich an freuden phande. kain d̉er mich do ſo ſluͤc. daz habt gerochen ir genuͤc. ich kuſt evch w̉er ich kuſſeſ w̉ert. deſ het ich hiutſan gegert. ſprach parzifal getorſt ich ſo. wan ich bin ew̉erſ enphahenſ fro. ſi kuſt in vnd ſazt in nid̉er. ein iuncfrowen ſi ſande wid̉er. vnd hiez ir bringen richev cleit. diu warn Geſniten algereit. vz phelle von niniue. ſi ſolt d̉er chunc clamide. Ir Geuangen haben getaragen. diu magt ſi braht vnd begunde clagen. d̉er mandel w̉er an ſnuͤr. Gunuwar alſuſ geuuͤr. vzer blanchen ſiden ein ſnuͤrlin. ſi zucht vnd zoch im ez drin. mit vrlaup er ſich do twuͤc. den ram d̉er iunge von im truͤc. bi rotem munde lieht ez vel. gekleit wart d̉er degen ſnel. do waſ er fier vnd clar. ſw̉er in ſach d̉er iach vurwar. er w̉er gebluͤmt vur alle man. daz lop ſin lip muſte han. Parzifal ſtuͤnt wol ſin wat. ein tiurn ſmarat. ſpien ſi im vur ſin haubt loch. kunwar Gab im dannoch. ein tiw̉ern gurtel fier. von edlem geſtain manc Tier. muͤſt vzen vf dem porten ſin. diu ringe waſ ein rubin. Wie waſ d̉er iunge ane bart. Geſhichet do er gecleidet wart. daz mer giht wol genuͤc. daz volch im holdez h̉erze truͤc. beidiu man vnd wip. die heten w̉ert ſinen lip. d̉er chunc meſſe het gehort. man ſach artuſen chomen dort. mit d̉er Tauelrund̉er diet. d̉er dehein valſhait nie geriet. die heten alle ê v̉ernomen. d̉er rot rit̉er w̉erre chomen. in Gawanſ pauilun. dar chom artꝰus d̉er Pritun. d̉er zerbluwen antanor. ſcin ſpranc dem chunge allez vor. Vnz er den waleiſ erſhach. den fragt er ſit irz der mich rda rach. vnd kunwarn de lalant. vil priſeſ man giht ew̉er hant. kain hat v̉erfendet. ſin dron iſt nu gelendet. ich furht wenc ſinen ſwanc. d̉er zeſwe arm iſt im zecranc. do truͤc d̉er iunge parzifal. fluͦgengelſ mal. ſuſ gebluͤt vf d̉er erden. Artuſ mit den w̉erden. enphie in rit̉erlich. guͤteſ willen warn riche. alle die in ſahen anda. ir h̉erze volge ſprach en ia. Gein ſinem lobe nieman nein. ſuſ rehte minneclich erſchein. Artꝰus ſprach zuͤ im ſan. ir habt mir lieb vnd leit getan. doch habt ir mir d̉er ere. braht vnd geſendet mere. dan ich ir ie von manne enphienc. min dienſt da engein noch cleine gienc. Het ir priſ nih m̉er getan. wan daz diu h̉erzogin ſol han. froͮ ieſkute hulde. oͮch w̉er kain ſhulde. gewandelt ~~vnd~~vn gerochen. het ich evch ê ~~gebrochen~~gesbrochen. artuſ ſeit im weſ er bat. warumb er an die ſelben ſtat. vnd auch me landeſ waſ geriten. ſi begunden in alle do biten. daz er gelopte ſund̉er. die von d̉er tauelrund̉er. ſin rit̉erlich geſellecheit. im waſ ir bete niht zeleit. er moht ſin von ſhulden fro. ~~parzifal~~Parzifal ſi w̉ert do. nu ſprechet hort vnd ieht. ob tauelrund̉er muge ir reht. deſ tageſ behalten wand ir phlac. Artuſ bidem ein ſite lac. dehain rit̉er vor im az. deſ tageſ ſo er auentvvre v̉ergaz. daz ſinen hof v̉ermeit. nu iſt auentvvre bereit. Daz lop muͤſen tavelrund̉er han. ſwie ſi w̉ern ze nanteſ lan. man ſprech ir reht vf bluͤmen velt. dan irt nieman noch ſtuden noch gezelt. d̉er chunc artꝰus daz gebot zeern dem rit̉er rot. ſuſ nam ſin w̉erdecheit da lon. einen phelle von agraton. vͤz haidenſhaft v̉erre braht. deſ waſ zeinem zil gedaht. nih breit ſinuel geſniten. al nach d̉er tauelrunde ſiten. wande in ir zuht dades v̉eriach nach gegen ſtuͤle da nieman ſprach. ir geſitze waſ algeliche h̉erer. d̉er kunc artuſ gebot in mer. daz man w̉erde rit̉er vnd frowen. an dem ringe ſolte ſhawen. Die man do Gein priſe maz. magt wip vn man zehoue do az. Auch chom froͮ ſhinofer dar. mit manger vrowen liͤht geuar. mit ir manc edel furſtin. die truͤgen lieht geuarwen ſhin. d̉er rinc waſ wol genomen ſo wit. daz ane gedrenge vnd ane ſtrit. Artuſ d̉er valſche laz. manc frowe biir amiſe ſaz. do braht den waleiſ and̉erhant. froͮ kunware delalant. Gein im and̉erhalben bi. diu waſ do worden truͤrenſ fri. Artuſ anden waleiſ ſach. nu ſult ir horn wie er ſprach. ich wil ew̉ern claren lip. lazen chuſſen min wip. deſn durft ir doch hie nieman biten. ſit ir von pa*pailrapier geriten. Da iſt deſ chuſſeſ hohſteſte zil. einſ dingeſ ich evch biten wil. chum ich imm̉er in ew̉er huſ. ſo gelt den chuſ ſprach artuſ. ich tuͤn ſweſ ir mich bitet da. ſprach d̉er waleiſ vnd and̉erſwa. ein wenc nah̉er ſi im do Gienc. diu chungin in mit kuſſen enphienc. nu v̉erchiuſ ich hie mit triwe. daz ir mich mit riwe. ſprach ſi liezt die het ir mir gegeben. do J*Jthern namet daz leben. vor dirre ~~ſhun~~ſhune wurden naz. d̉er chungin augen vmbe daz. wan Jtherſ tot tet wiben we. man ſazte den chunc clamide. andaz geſtuͤl bi dem blimizol. bi im ſaz ſchourit fiſidol. zwiſchen clamide vnd Gawan. d̉er waleiſ ſizzen muͤſte han. Alſ mir diu auenture maz. an diſem ringe nieman ſaz. d̉er muͤt̉er bruſt ie geſauc. deſ w̉erdecheit ſo wenc trauc. craft mit iugent wolgeuar. d̉er waleiſ brahte mit im dar. ſw̉er in zerehte chunde ſpehen. ſo hat ſich manc frowe erſehen. in truͤbrem glaſt dan w̉er ſin munt. ich tuͤn von ſinem velle chunt. an dem kinne vnd an den wangen. ſin varwe zeein̉er zangen. w̉er guͤt diu mehte ſtete haben. die d̉er zwiuel chunde da hin ſhaben. ich main wip die wenchent. vnd mit ir vriuntſhaft vb̉er denchent. ſin glaſt waſ wibeſ ſtete ein bant. ir zwifel gar gein im v̉erſwant. Ir ſehen in mit triwen enphienc. durch diu augen in ir h̉erze er gienc. man vnd wip im warn holt. ſuſ het er w̉erdecheit geholt. vnz vf daz ſuffcebare zil. hie chom von d̉er ich ſprechen wil. ein magt gein triwen wol gelop. wan daz ir zuht waſ v̉ertobt. ir mere tet vil luten leit. horet wie diu iuncfrowe reit. ein mul hoch alſ ein kaſtelan. val vnd dannoch ſuſ getan. naſe geſniten vnd v̉erprānt. alſ vngriſhev march erchant. ir zaum vn̄d ir pherit gereite. waſ geworht mit arbeite. Tiur vnd riche. ir muͦl gie vollechliche. ſin waſ niht freulich geuar. owe waz wolt ir chomen dar. Si chom idoch ez muͤz ſin. Artuſeſ h̉er ſi braht in pin. ichn waiz waz ſi an in rach. alle ſprach ſi wol ſprach. latine hadniſch fronzoyſ. ſi waſ d̉er witze kurtoyſ. dialetiche vnd die iemotri. ſi ſelb hiez kungri. ſurſcier waſ ir zuͤ nam. indem munde niht diu lam. wan er geredete ir genuͤc. vil hoh̉er vreude nid̉er ſluͤc. diu magt witze riche. waſ geuar dem vngeliche. die man da haizet beaſchent. ein brutlachen von gent. noch plaw̉er dann ein lazur. het an ir d̉er froͮwen ſhuͤr. daz waſ ein chappe wolgeſniten. al nach d̉er fronzoyſen ſiten. vnden an ir lipe waſ phelle guͤt. von lund̉erſ ein phawe huͤt. Gefurriert mit einem pliat. d̉er huͤt waſ niwe diu ſnuͤr niht alt. Er ginc ir an den ruche. ir mere waſ ein bruche. daz vb̉er freude iam̉er truͤc. ſi zuhctin ſhinpheſ genuͤc. vb̉er den huͤt ir zoph ir ſwanc. vnz vf den mul d̉er waſ ſo ~~lant~~lanc. ſwarz h̉erte niht zeklar. linde alſ einſ ſwineſ har. ſi waſ genaſet *Alſ ein hunt. zwen eb̉erſ zen ir vurden munt. Giengen wol ſpannelanc. ietdwed̉er wintbra ſich dranc. mit zophen vur die harſnuͤr. mit zuͤht durc warhait miſſeuuͤr. daz ich ſuſ muͤz von frowen ~~chlagen.~~ſagen. dehain andriu darf ez von mir clagen. Gundrie truͤc orn alſ ein ber. niht nach friundeſ minne ger. ruch waſ ir antluze erchant. ein gaiſel vurt ſi an ir hant. d̉er waſ d̉er ſwenchel ſidin. d̉er ſtil waſ ein rubin. geuar alſ ein hauen huͤt. truͤc hende diz gebe Truͤt. ir nagel warn crimp vnd nih lieht. alſ mir diu auentvvre giht. ſi ſtuͤnden alſ einſ lewen klan. vmb ir minne waſ ſelten Tioſt getan. ſuſ chom geriten inden rinc. truͤren erhuͤp freuden thwinc. ſi ch̉ert da ſi den wirt vant. froͮ kunware de lalant. az mit artuſ. diu chungin von lanfuſ. mit froͮn Ginofern. az. d̉er chunc artuſ ſhoͤne ſaz. Gundrie hielt vur den pritoneiſ. ſi ſprach zuͤ im in fronzeiſ. ob ich z ev Tuhſhen ſagen ſol. mir tuͤt ir mere niht zewol. Fily roy u vtrepandaGrun. eͮch vnd mangen pritun. hat ein gew̉erp geſant. die beſten vb̉er ellev lant. ſazen da mit w̉erdecheit. wan daz ein Galle da ir priſ v̉erſneit. Tauelrund̉er ſint entnihtet. d̉er valſch hat dran ~~gepl~~gephlihtet. kunc artuſ du ſtuͤnde zelob. hohe dinen genozen ob. din ſigend̉er priſ nu ſinchet. din ſnellev wir*wirde hinchet. din hohez lop ſich naiget. din priſ hat falſch erzaiget. d̉er Tavelrund̉er priſeſ craft. hat erlemt ein geſelleſhaft. die druͤb̉er Gab h̉er parzifal. d̉er dort Treit diu rit̉erſ mal. ir nent in den rit̉er rot. nach dem d̉er lac vor nanteſ tot. vngelich ir zwaig̉er leben waſ. munt von rit̉er nie gelaſ. d̉er phlege ſo ganz̉er w̉erdecheit. von dem kunge ſi fur den waleiſ reit. Si ſprach ir tuͤt mir ſite buͤz. daz ich v̉erſage minen gruͤz. dem chunge vnd d̉er maſſenie ſin. Gunert ſi ew̉er lieht̉er ſhin. vnd ew̉er manlichiu lide. het ich ~~ſun~~ſune od̉er vride. diu w̉ern ev beidiu tiuͤr. ich dunch evch vngehiuͤr. ich bin gehiurer doch dan ir. h̉er Parzifal wan ſagt ir mir. vnde beſhaidet mich d̉er mere. do d̉er Trurige viſhere. ſaz ane helf vnd ane troſt. warunbe ir in niht ſuͤfcenſ habt erloſt. IR vil vngetriw̉er gaſt. er truͤc ev vor den iam̉er laſt. ſin not ſolt evch erbarmt han. daz ew̉er munt noch w̉erde lam. ich mein d̉er zungen drinne. alſ ew̉er herz iſt guͤt̉er ſinne. Gein d̉er helle ir ſit benant. zehimel vor d̉er hoſten hant. alſ ſit ir vf d̉er erden. v̉erſinnen ſich die w̉erden. ir haileſ ban ir ſelden fluͤch. deſ ganzen priſeſ reht vnruͤch. ir ſit manlich̉er w̉erdecheit ſchiech. vnd d̉er ern ſiech. ich wil deſ vf ew̉er haubet ſw̉ern. dehain arzat mach evch ern̉ern. git mir iemen den eit. daz nie grozz̉er valſch wart berait. dehain alſ ſhonem man. ir ved̉er angel ir natre zan. ev Gab d̉er wirt doch ein ſw̉ert. deſ ew̉er wirde wart nie w̉ert. Da erwarb ev ſwigen ſunden zil. ir ſit d̉er helle hirten ſpil. Guneret lip h̉er parzifal. ir ſahet doch vuͤr evch tragen den gral. vnd ſnidic ſilb̉er vnd bluͤtich ſper. ir freuden lezze ir trurenſ w̉er. w̉er ev zemuntſchalfaſche fragen mite. inhaidenſhaft ze brunete. eineſ landeſ chungin. eineſ: Alle anderen Überlieferungsträger ausser G tradieren ieneſ (zitiert nach D). Ist die Abweichung nicht zufällig entstanden, dann liegt hier ein Kittvers vor. Es kann sich aber ebenso um eine iterierende Variante in *GI handeln. Dementsprechend wurde die Versnummer unter Vorbehalt mit -a ergänzt. feirafiz antſheuin. mit h̉ert̉er rit̉erſhaft er warp. andem diu manhait niht v̉erdarp. die ew̉er beid̉er vat̉er truͤc. ew̉er brud̉er wund̉erſ phlac genuͤc. d̉er iſt beidiu ſwarz vnd blanc. d̉er chunginne ſun von zazamanc. nu dench ich ab̉er an Gahmureten. deſ h̉erze valſcheſ waſ erieten. von antſchev ew̉er vat̉er hiez. d̉er ev and̉er erbe liez. dann alſ ir hapt geworben. ir ſit an briſ v̉erdorben. Het ew̉er muͤt̉er ie miſſetan. ſo wolt ichz da ur han. ir meht ir ſun niht ſin. nein ſi lerte ir trwe pin. gelaubet von ir ~~gut~~gute mere. vnd daz ew̉er vat̉er w̉ere. manlich triwe wiſe. vnd witvenge hoh̉er priſe. er chunde wol mit ſhalle Groz h̉erze vnd cleinev galle. dar vb̉er waſ ſin bruſt ein dach. er waſ ~~ruͦſhe~~ruͦſhce vn̄d vach Sin manlich ellen chunde den priſ .wol ſtellen. nu iſt ew̉er priſ zefalſche chomen. Owe daz ie wart v̉ernomen. von mir daz h̉erzenlauden barn. Antriwen hat ſuſ miſſevarn. die magt l̉ert ir triwe. al clagende h̉erzen riwe. wid̉er fur den chunc ſi ch̉erte. ir mer ſi da gemerte. ſi ſprach iſt hie dehein rit̉er ſo w̉ert. d̉er ellenſ priſeſ hab gigert. vnd dar zuͤ hoh̉er minne. ich waiz vier chunginne. vnde vierhund̉ert iuncfrowen. die man g̉erne mohte ſhawen. vf ſhatermalveile die ſint. alle Aventure iſt ein wint. wan die man da bezeln mac. w̉erd̉er minne hoch beiac. Swie ich dar habe d̉er raiſe pin. ich wil noch hinaht daruffe ſin. diu magt trurec nih gemeit. an vrlaup von dem ringe reit. al weinunde ſi diche wid̉er ſach. nu hort wie ſi ze iungeſt ſprach. Auch muntſhaluaſch iam̉erſ zil. owe daz dich nieman troſten wil. Gundrie laſuſzier. diu vnſuzze vnd doch diu fier. den waleiſ ſi beſw̉ert hat. nu waz half in chuͤneſ h̉erzen rat. vnd warev zuht bi manheit. vnd dannoch me im waſ bereit. ſham ob allen ſinen ſiten. den rehten valſch het er v̉ermiten. wan ſcham git priſ zelone. vnd iſt d̉er ſele crone. ſham iſt ob ſiten reht̉er vͦp. Gunwar daz erſte wainen huͦp. daz parzifaln den degen balt. Gundrie alſuſ beſhalt. vmb alſuſ wund̉erlich geſhaf. h̉erzen iamer augen ſaf. Gab mang̉er werden froͮwen. man muͤſe hie iam̉er ſhawen. Gundrie waſ ir trurenſ w̉er. ſi reit den wec nurait dort her. Avent*Aventiw̉er van Gawan. wie in Gin grimurſel vmb ſeinſ h̉erren tot ſparach an. vmb champheſ not. V̉ergulacht im daz gebot. : Beim Endzeichen handelt es sich um eine rote Tilde. Ein rit̉er d̉er truͤc hohen muͤt. al ſin harnaiſch waſ ſo guͤt. von fuͤze vnz an deſ haupteſ dach. daz manſ vur groze choſte iach. ſin zimier daz waſ riche. Gewapent rit̉erliche. waſ ſin orſ vnd auch ſin lip. manc magt vnd wip. waſ trurich an dem ringe hie. do reit er zvͤ nu horet wie. ſin muͤt ſtuͤnt hoch doch iam̉erſ vol. die beide ſhanz ich nennen ſol. hoffart riet ſin manhait. iam̉er lert in h̉erzeleit. er rait vzen zuͤ dem ringe. ob man in da iht dringe. vil chnappen ſpranc dar nah̉er ſan. do enphiengen ſi den w̉erden man. ſin ſhilt vnd er warn vnbechant. den helm er niht von im bant. d̉er freuden ellende. truͤc daz ſw̉ert in ſin̉er hende. v̉erdechet in d̉er ſheiden. do vragt er nach inbeiden. wa iſt artuſ vnd Gawan. Junch̉erren zaigtin im die ſan. Suſ gie er vur den rinc wi Tiur waſ ſin churſit. mit liehtem phelle wol geuar. fur den wirt deſ ringeſ ſhar. ſtuͤnt er vnd ſprach alſuſ. Got halde den chunc artuſ. vnd darzuͤ frowen vnd man. ſwaz ich der hie geſehen han. den biut ich dienſtlichen gruͤz. wan einem tuͤt min dienſt buͤz. dem wirt min dienſt nimm̉er ſhin. ich wil bi ſinem hazze ſin. ſwaz hazzeſ er gelaiſten mac. min haz im biutet hazeſ ſlac. ich ſolt doch nennen w̉er er ſi. ach ich arman vnd owi. daz er min h̉erze ie ſuſ v̉erſneit. min riwe iſt von im worden breit. daz iſt min h̉er Gawan. d̉er diche briſ hat getan. vnd hohe w̉erdecheit bezalt vnpriſ ſin het alda gewalt. do in ſin gir darzuͤ v̉ertruͤc. in gruze er minēn h̉erren ſluͤc. Ein chuſ den iudaſ tailte. im ſelben den willen vailte. ez tuͤt manc tuſent h̉erzen we. daz ſtrenge mortliche re. an minem h̉erren iſt getan. loͮgent deſ h̉er Gawan. ſo antwurte vf chanpheſ ſlac. von hiut an dem ~~vierzehenden~~vierzegiſten tac. vor dem chunge von aſchalun. ind̉er haupſtat zeſhaphanzuͦn. ich lade in camlichen dar. Gein mir zecomen kanpheſ var. kan ſin lip deſ niht v̉erzagen. ern welle d ſhilteſ ampt tragen. ſo man ich in noch mer. bi deſ helmſ ere. Vnd durch rit̉erſ ord̄enlichez leben. dem ſint zwai richev vrbor Gigeben. rehtev ſcham vn̄d warev triwe. Gebent priſ alt vnd niwe. h̉er Gawan ſol ſich nih v̉erſhemen. ob er geſellechait wil nemen. obd̉er tauelrunde. diu dort ſtet beſund̉er. ir reht w̉er Gebrochen ſan. ſeze drobe ein triweloſer man. ich bin h̉er niht durc ſhelten chomen. gelaup ez ſit irz habt v̉ernomen. ich vord̉er champh vur ſelten. d̉er nih wan tot ſol gelten. od̉er leben nach ern. ſwar ez diu ſelde wil ch̉ern. d̉er kunc ſwigt vnd wart vnfro. doch antwurt er der rede ſo. h̉erre er iſt min̉er ſweſt̉er ſun. w̉er Gawan tot ich wolde tuͤn. den chanphf ê ſin gebeine. ſolde vuln indem meine. ev ſol Gawanſ hant. mit champhe tuͤn daz wol bechant. daz ſin lip mit triwen v̉ert. vnde ſich deſ ral*falſcheſ hat erw̉ert. hat ev iemen and̉erſ leit. Getan ſon machet nih ſo breit. ſin laſt̉er an ſhulde. wan gewint er ew̉er hulde. ſo daz ſin lip vnſhuldic iſt. ir hapt an dirre churzen vriſt. von im geſeit daz ew̉ern briſ. krenchet ſint die lute wiſ. Beacurſ d̉er ſtolze man. deſ bruͤd̉er waſ h̉er Gawan. d̉er ſtuͤnt vf vnd ſprach zehant. h̉erre ich ſol da weſen phant. ſwar Gawan iſt d̉er kamph geleget. ſin valſch mit vnſenfte reget. ich ſol zechanphe vur inſten. ezn mac mit rede nih erget. daz hoh̉er briſ genaiget ſi. d̉er Gawan iſt ledechlichen bi. er chert al da ſin bruͤd̉er ſaz. vuz vallenſ er da nih v̉ergaz. er bat in ſuſ nu horet wie. Gedenche bruͤd̉er daz du ie. mir hulfe reht̉er w̉erdecheit. la mich vur din arebeit. ein kamph*kamphlichez Giſel weſen. ob ich an chanphe ſul geneſen. deſ haſt du mer ere. er bat in vurbaz mêr. Durc prud̉erlichen rit̉erſ briſ. her Gawein ſprach ich bin ſo wiſ. daz ich dich bruͤd̉er nih gew̉er din̉er bruͤd̉erlichen ger. inen waiz warumb ich ſtritenſol. doch tuͤt mir ſtritenſ nih ſo wol. vng̉erne wolde ich dirz v̉erſagen. wande daz ich muͤz daz laſt̉er haben. Beacurſ al vaſte bat. d̉er gaſt ſtuͤnt anſin̉er ſtat. er ſprach mir biutet chanphe ein man. deſ ich dehaine chunde han. ich han doch nih zeſprechen dar. ſtet chuͤne wol geuar. Triwe vnd riche. hat er vollechliche. er mac borgen deſt̉erbaz. ich han gein im dehain haz. er waſ min h̉erre vnd min mac. durc den ich heue diſen bâc. vnſ̉er veter bruͤd̉er hiezen. die nih ein and̉er liezen. ſo hoh̉er man gecronet wart. nie ich het im vollen art. in kampheſ rede ze bieten. nun rache Gein im nieten. Ich bin ein furſte vz aſhaluͤn. d̉er lantgraue von ſchanfanzuͤn. vnd haize kingrunmurſel. iſt h̉er Gawan lobeſ hel. ern mac ſich and̉erſ niht entſagen. ern welle da champhe Gein mir tragen. ich gib im vr*vride vb̉er al daz lant. nih wan von min eineſ hant. mit triwen ich fride gehaize *vzerhalp deſ champheſ kreize. *vzerhalp: Federansatz. Got huͤt all̉er d̉er die ich laze hie. an einſ er ~~waz~~waiz wol ſe*ſelbe wie. ſuſ ſhiet d̉er wolgelopte man. von dem plimizol plan. do kingrimurſel wart genant. otheiz do wart er ſhier erchant. w̉erden virregen priſ. het an im d̉er furſte wiſ. ſi iahen daz h̉er Gawan deſ chanpheſ ſorge muͤſt han. von ſin̉er werden manheit deſ furſten d̉er da von im reit. oͮch wande manec trurenſ not. daz man im da niht ern bot. Do warn ſolhev mere chomen. alſ ir ê habt v̉ernomen. die liht erwande ein gaſt. wan daz wirteſ gruͤz im gebraſt. Angundrien man auch innen wart. ~~parzifalſ~~Parzifalſ namen vnd ſiner art. daz in gebar ein kungin. vnd wie die erwarp d̉er enſheuin. vil mang̉er ſprach wie wol ich z weiz. daz er ſi vor kanpholeiz. Gedient hurtechliche. mit mang̉er poinder riche. vnd daz ſin ellen vnủerzagt. erwarp die ſeldebarn magt. Anfiſe diu geh̉erte. auch Gahmureten l̉erte. Da von d̉er helt wart kurtoyſ. nu ſol ſich ieſglich̉er pritonoiſ. hie freun daz vnſ d̉er helt iſt chomen. da priſ mit warhait iſt v̉ernomen. An im vnd auch an Gahmurete. rehtiu w̉erdecheit waſ ſin Gewete. Artuſeſ h̉er bi dem tage. waſ cho men freude vnd clage. ein ſolch gepariert leben. waſ den helden da Gigeben. ſi ſtuͤnden vf vb̉eral. da waſ trurn ane zal. ſi Giengen mit ein and̉er ſan. da d̉er waleiſ vn̄d Gawan. bi ein and̉er ſtuͤnden. die troſten ſi al ſi chunden. Clamide den wol geborn. duht er hete me v̉erlorn. dan ieman d̉er da mohte ſin. vnd daz ſharph̉er w̉er ſin pin. er ſprach ze ~~parzifale~~Parzifale. wart ir bidem grale. ſo wil ich ſprechen ane ſpot. inhadenſhaft. ~~ripalipot~~tripalipot. da*dar zuͤ daz gebirge in Gaugazac. ſwaſ munt von richait ie gelaſ. dar zuͤ deſ gralſ w̉erdecheit. v̉ergulten nih min h̉erzeleit. daz daz ich vor pailrapaier gewan. auch ich vil vnſelec man. mich ſhiet von freuden ew̉er hant. hie iſt froͮ Gunwar de lalant. auch wil diu edel furſtin. ſo v̉erre in ew̉erm gebote ſin. daz ſi ir nieman dienen lat. ſwie vil ſi dienſt Gelteſ hat. ſi mohte idoch erlangen. daz ich bin ir geuangen. alſ lange hie geweſen. ob ich an freuden wil geneſen. ſo helft mir daz ſi ere ſich. ſo daz ir minne ergezze mich. ein teil ich d̉er von ev v̉erloſ. do mich d̉er freuden zil v̉erchoſ. Ich het ſi wol behalten wan ir. nu helfet dirre meigde *mir. daz tuͤn ich ſprach d̉er waleiſ. ſi iſt bet wol ſo churteiſ. ich ergezze evch g̉erne ſi iſt doch min. bi erder ir welt rbi ſorgen ſin. ich mein diu da treit den beakurſ. diu ſhoͤn condwiramurſ. von lanphuſen diu haidenin. artuſ vnd daz wip ſin. vnd kunware de lalant. vnd froͮ ieſkute von karnant. die giengen do durch troſten zvͤ. waz welt ir daz man nu mer tuͤ. kunwarn ſi gaben klamide. dem waſ nach ir minne we. ſinen lip gab er ir zelone. vnd ir haubet ein crone. Daz ez diu von lanfuſe ſach. diu hadnin zuͤ dem waleiſ ſprach. Gundrie nande vnſ ein man. deſ ich ev wol zebruͦd̉er gan. deſ craft iſt wit vnd breit. zwaig̉er crone richeit. ſtet fortechlich in ſin̉er phlege. vf dem wazzer vnd vf d̉er erden wege. azagauc vnd Zazamanc. diu lant ſint creftich vnd nind̉er cranch. ſim richtuͦm gelichet niht. ân den baruch ſwa man den ſhiht. vnd an Tripalibot. man betet an in reht alſ an einen got. ſin varwe hat ſo ſpehen glaſt. ſi iſt all̉er minne varwe ein gaſt. ſi iſt wiz vnd ſwarz erkant. ich fuͤr da h̉er durch ein ſin lant. do wolt er g̉ern erwendet han. die vart die ich h̉er han getan. Daz warp er don enmoht̉er. ſin̉er muͤth̉er muͦmen toht̉er. bin ich er iſt ein chunc her. ich ſage ev wund̉erſ von im mer. nieman geſaz von ſin̉er Tioſt. ſin priſ hat vil riche koſt. ferafyz anthſeuin. deſ tat durc wip chan liden pin. ſwie vromde ez mir hie w̉ere. ich chom auch her durc mere. vnd zerchenne hie auentiure. nu lit diu ~~hoſte~~hoheſte ſtiure. an ev d̉er getaufte diet. mit priſe ich von laſt̉er ſhiet. ſol guͤt geberde evch helfen iht. vnd daz man ev mit warheit giht. lieht̉er varwe vnd manlich ſite. craft mit iugent vert da mit. diu riche wiſe haidnin. het anchunſt den gwin. daz ſi wol reitte fronzoiſ. do antwurt ir ~~d̉er~~der waleiſ. Selec waſ ſin rede wid̉er ſie. Got lon ev frowe daz ir hie. mir gept ſo guͤtlichen troſt. ich bin doch truͤrenſ niht erloſt. vnd wil ev daz beſhaiden. ich mac ez ſo niht Geleiden. alſ ez mir leide chundet. daz ſich nu mang̉er ſundet. an mir der nih waiz mine clag. vnd ich da bi ſin ſpotten trage. ich wil dehain̉er phlegen. ich wil aralreſt den gral erſehen. diu wil ſi kurz od̉er lanc. mich iaget deſ endeſ min gedanc. da von geſhaid ich nimm̉er. mineſ libeſ iam̉er. ſol ich durch min̉er zuht gebot. horn nu d̉er lute ſpot. ſon mac ſin raten nih ſin ganz. mir riet der w̉erde Gurnemanz. Daz ich freueliche vrage mit. vnd imm̉er Gein vng*vngefuͤge ſtrit. vil w̉erder rit̉er ſich ich hie. durch ew̉er zuht nu ratet mir wie. daz ich e*ew̉rer hulde nahen mich. ez iſt ein ſo ſh̉erph̉er gerich. Gein mir mit worten hie getan. ſweſ hulde ich drum v̉erlorn han. daz wil ich wenc wizen im. ſwenn ich ̉er nach priſ genim. ſo habet mich ab̉er dar nach. mir iſt zeſhaiden von ev gach. ir gabet mir gar geſelleſhaft. die wil ich ſtuͤnde in priſeſ craft. deſ ſit nu ledic vnz ich bezalt. da von min gruͤniu freude iſt val. Min ſol groz iam̉er alſo phlegen. daz h̉erze geb den ~~ovgen~~avgen regen. ſit ich vf muntſchaluaſche liez. daz mich von warn vreuden ſtiez. ohtayz wie manc clarev maget. ſwaz ieman wund̉erſ hat geſagt. dannoch phligt ſin m̉er d̉er gral. d̉er wirt hat ſuffcevbar twal. hai helfeloſer anfrotaſ. waz half dich daz ich bi dir waſ. ſin mugen nu nih lenger ſuſt geſtan. ez muͤz nu an ein ſhaiden gan. Aventiw̉er wie Parzifal trovrich rait. daz bvͦch nicht me vom in ſait. von chvnich artuſ ſchiet er dan nu gent Gawanſ auēntiw̉er an. Do ſprach ab̉er d̉er waloiſ. ze Artuſe dem pritoniſ. ze rit̉ern vnd ze frowen. er wolde ir vrlaup ſhawen. vnd mit ir hulden v̉ernemen. deſn dorft nieman da gezemen. daz er ſo trurec von in reit. ich wene ez w̉er in allen leit. Artuſ lopt im an ſin hānt. chom imm̉er in ſolhe not ſin lant. alſ ez von klamide gewan. deſ chunb̉erſ wolt er phliht han. Im w̉er auch leit daz lehelin. im nem zwuͤ riche crone ſin. vil dienſt im da mang̉er bot. den helt reip von in truͤrenſ not. fro kunware diu klare magt. nam den helt vnủerzagt. mit ir vnd vurt in dan. do chuſt in min h̉er Gawān. vnd ſprach manliche. zuͤ dem helde ellenſ richen. vriunt ich waiz wol *daz din vart. Gein ſtiriteſ raiſe iſt ~~vngeſpr~~vngeſpart. da geb dir got geluche zuͤ. vnd helf auch mir daz ich getuͤ. dir noch den dienſt alſ ich chan g̉erne. deſ muͤz mich ſin craft gew̉ern. Der waleiſ ſprach we waz iſt got. w̉er er gewaltic ſolhen ſpot. het er vnſ beiden nih Gigeben. vnde chunde got mit creften leben. ich waſ im dienſt vnd̉ertan. die wil ich gnade mich v̉erſan. nu wil ich im dienſt wid̉erſagen. hat er haz den wil ich tragen. friunt an dineſ chanpheſ zit. da nem ein wip vur dich den ſtrit. diu muͤz ziehen dine hant. an d̉er du chuſch haſt bechant. vnd wipliche Guͤte. ir minne dich da behuͤte. Ichn weiz wenne ich dich me geſehe. min wunſh ſuſ an dir geſhehe. ir ſchaiden gab truren. zeſtrengen nach geburn. froͮ kunwar de lalant. in vurte da ſi ir pauilun vant. ſin harnaiſch hiez ſi bringen dar. ir blanchen hende wol geuar. wappentan Gahmureteſ ſuͦn. ſi ſprach ich ſol ez von rehte tuͤn. ſit d̉er kunc von prandigan. von ew̉ern ſhulden mich wil han. Groz chunb̉er ew̉er w̉erdecheit. iſt mir vnd ſufcebarez leit. ſwenne ir nih ſit trurenſ erw̉ert. ew̉er ſorge mine freude zert. nu waſ ſin orſ v̉erdechet. ſin ſelbeſ not erwechet. oͮch leit d̉er degen wol getan. lieht wiz harnaiſch an. *Tiur an all̉er ſlahte getroch. ſin kurſit ſin wappenroch. Waſ geheret mit geſteine. ſin helm alleine. het er nih vf gebunden. do chuſt er anden ſtunden. kunware diu klare magt. ſuſt wart mir von ir geſagt. da ergienc ein trurec ſheiden. von den gelieben beiden. hie rait Gahmureteſ chint. ſwaz auenture geſprochen ſint. die endarf hie mezzen niemen zuͤ. irn hort alreſt waz er nu tuͦ. war er nu cher war er nu var. ſwer den lip vor rit̉erſhefte wil ſparn. d̉er denchet niht die wil an in. ob e*ez im rate ſtolzer ſin. kondwiramurſ. diu minnechliche beacurſ. an den wirt diche nu gedaht. daz im wirt auenture braht. Deſ ſhilteſ amp vmb den gral. wirt nu wol guͤbet ſund̉ert thwal. *von im ~~d̉er~~den herzelauden barn. er waſz gar erbe dar. o*ovch chom d̉er maſſenie vil. Gein dem arbaitliche*arbaitlichem zil. ein afentur zeſhawen. da vierhund̉ert iuncfrowen. vnd vier kunginne Gevangen warn inne. vf ſhatelmarvelde. ſwaz im da wart zeteile. daz haben ane minen haz. ich bin doch frowen loneſ laz. Do ſprach der crie kliaſ. ich pin d̉er da v̉erſumet waſ. vor in allen er deſ iach. ein turkoide mich da ſtach. hind̉er daz orſ ich muͤz mich ſhamen. er ſeit mir vier frowen namen. die da k*kronbare ſint. zuuͤ ſint alt zwuͦ ſint kint. d̉er haizet einev itonie. diu and̉er haizet kundrie. diu dritte haizet arniue. diu vierde haizet ſaliue. daz wolde iegeſlicher ſehen. ir raiſe moht ez nih wol ſpehen. ſi muſten ſhaden da beiagen. den ſol ich zemazzen chlagen. wan ſw̉er durc *wip hat arbeit. ez git freude etwenne leit. an dem ort ez furbaz wigt. ſuſ minne diche ir lonſ phligt. Nu beraite ſich auch h̉er Gawan. alſ ein kamphbarer man. hin vur den chunc von aſcalun. deſ truret manc pritun. manc wip vnd magt h̉erzenlichen wart geclaget. von in ſinſ ſtriteſ reiſe. d̉er werdecheit ein weiſe. wart nu diu tauelrund̉er. Gawan maz beſund̉er. wa mit er mehte *wol ~~gedigen~~gesigen. alt h̉erte ſhilte wol gedigen. ern ruchte wie ſi warn geuar. ſi brahtan chauflute dar. vf ir ſauͦmmen doch nih veile. der wurden im dri zeteile. Auch erwarb der ſelbe ſtriteſ helt ſiben orſ zvͤ dem champhe erwelt. ze ſinen friunden er do nam. zwelf ſper von angaram. ſtarch roͤrine ſhefte drin. von oraſte gente ſin. vͤz ein̉er haidniſch̉er muͤr. Gawan nam vrlaub vnd fuͤr. mit vnủerzagt̉er manheit. Artuſ waſ im vil bereit. er gab im rich̉er koſte ſolt. lieht geſtein rotez golt. vnd ſilb̉erſ mangen ſterlinc. Gein ſorgen wiſten ſinev dinc. Der nie gewarb nach ſhanden. Der: Initiale ausgerückt. ein wil zeſinen handen. ſol nu diſe Auentvvre han. der w̉erde erchande Gawan. diu bruͤuet mangen ane haz. d̉er neben od̉er vur in baz. danne deſ merſ herren Parzifal. ſw̉er ſinen vriunt ellev mal. mit worten an daz hohſte iagt. der iſt priſeſ and̉erthalp v̉erzagt. im iſt der lute volge guͤt. d̉er diche lop mit warhait tuͤt. wan ſwaz er ſprichet od̉er ſprach. diu rede belibet ane dach. w̉er ſol ſinſ worteſ behalten. ezn wellen die wiſen walten. valſch lugelich ein mere. daz wen ich baz noch were. ane wirt vf einem ſne. ſo daz dem munde w̉ere we. der ez vz vur die warheit breitet. ſohet in got bereit. alſ guͤter luͦte wunſchen ſtet. den ir triwe ze arbeit erget. ſwem iſt zeſolhem w̉erche gach. da miſſewende horet nach. phlihte w̉erder lip an den gewin. d̉er muͤz in lerēn kger ſin. er midet ez ê chan er ſich ſhemen den ſit ſol er zeuuͤge nemen. Gawan d̉er reht gemuͤte. ſin ellen phlac der huͤte. ſo daz diu ware zageheit. an priſ im nie geurumte leit. ſin h̉erze waſ zeuelde ein burc. Gein ſharphem ſtriten wol ſo kurc in ſtriteſ gedinge man in ſhach. vriunt vient im deſ iach. ſin grie w̉ere Gein priſe ſnel. ſwie g̉ern in kingrimurſhel. mit kamphe het da von genomen. nu waſ auch von artuſe chomen. deſ waiz ich nih wie mangen tac. Gawan d̉er manhait *phlac. ſuſ reit d̉er ware degen balt. ſine rehte ſtraze vur einen walt. mit ſim gezoge in einen grūnt. do wart im vf dem bu*buhel chunt. ein dinc daz angeſt lerte. vnd ſine manhait m̉erte. da ſach d̉er helt vur unbetrogen. nach manger panier zogen. vil grozer fuͦre nih zecranc. do daht er mir iſt d̉er wec ze lanc. fluhtic wider Gein dem walde. do hiez er gurten balde. Sim orſ daz im Oriluſ. Gab daz waſ genennet ſuſ. mit den roten orn kringuliet. er enphiez ân ſine bet. ez waſ von muntſhaluaſch chomen. vnd het ez lehelin genomen. ze brumbame bi dem ſe. eime rit̉er tet ſin tioſt we. den tot dar hind̉er ab ſtach. deſ ſit treuerezente v̉eriach. Gawan daht ſw̉er v̉erzagt. ſo daz er vluiht e man iagt. daz iſt ſinem briſe Gar zefruͤ. ich ſol in nah̉er ſtaphen zvͤ. ich han lute ovch ê geſehen. ſwaz mir da von nu mac geſhehen. deſ ſol gutrat w̉erden. do erbaizt er vf die erden. rehte alſ er habte einen ſtal. die rotten warn ane zal. die da mit Gunpanie riten. er ſach vil cleid̉er wol geſniten. vnd mangen ſhilt wol geuar. daz er ir nih erchande gar. noch dehain baniere vnd̉er in. diſem her ein gaſt ich bin. ſprach der h̉erre Gawan. ſit ich ir deheine chunde han. wellent *ſiz mit vbel wenden. ein tioſt ſol ich in ſenden. deſwar mit min ſelbeſ hant. ê daz ich ſi von in gewant. nu waſ auch kingruliet gigurt. da in manc angeſ*angeſlich̉er vurt. Gein ſtrite waſ zvͤ d̉er Tioſte braht. deſ wart auch da hin zim gedaht. Gawan ſach Gefloriert. vnd wol gezimiert. mit richer koſt helm vil. ſi vurten Gein ir nitſpil. wiz niwiu ſper ein wund̉er. diu gemalet warn beſund̉er. junch̉erren gigeben in die hant. ir h̉erren wappen dran erchant. Gawan fili royſ lot. ſach von gedrenge grozze not. vil mule die harnaiſch m*muͤſen tragen. vnd dar zuͤ mangen wol geladen wagen. den waſ gein h̉erbergen gach. den vuͤr d̉er marchet hinden nach. mit wund̉erlich̉er parat. deſ waſ et do dehain ander rat. er ſach der frowen da genuͤc. etlichev den zwelften gurtel truͤc. ze phande nach ir minne. ez warn nih kunginne. Die ſelben troponeiſen. die ſint in ſolhen reiſēn. hie d̉er iunge dort d̉er alte. da vuͤr vil ribalde. dem macht ir laufen muͤdiu lide. etſlich̉er zem baz an ein̉er wide. danne er daz her da m̉erte. vnd w̉erdez volch vnerte. vur waſ gelaufen vnd geriten. daz deſ Gawan het erbiten. von ſolhem wân daz Geſ*Geſhach. ſw̉er den helt da halden ſach. daz er wande er wer auch deſ ſelben herſ. diſehalp noch enſit deſ merſ. gefuͤr nie ſtolzerev rit̉erſhaft. ſi heten hoheſ muͤteſ craft. da vuͤr in balde hinden nach. vf ir ſla den auch waſ gach. Ein chappe gar vngefuͤge *fri. *fri: Federansatz. Mein dinſt wizz worlich Frou Dich lizs ein *orſe lief im ledic bi. einen niwen ſhilt er vurte. bi beiden ſporn er ruͤrte. an zart ſin runzit. er wolde gahen in den ſtrit. wol geſniten warn ſiniu cleit. Gawan zuͤ dem Chnappen reit. nach gruͤz er vraget in mere. weſ daz geſinde were. der chnappe ſprach ir ſpotet min. h̉erre han ich diſen pin. mit vngefuͤge an evch v̉erſholt. het ich dann and̉er not gedolt. diu ſtuͤnt mir Gein priſe baz. durc got nu ſenftet ew̉ern haz. ir erchennet ein and̉er baz dann ich. waz hilfet daz ir vraget mich. ez ſol ev baz weſen chunt. zeinem male vnd Tuſentſtuͤnt. Gawan bot deſ mangen eit. ſwaz volcheſ da vur in reit. daz er deſ niht erchande. ſin varn w̉ere ſhande. ſit ich mit warhait nih mac iehen. daz ich ir dehainen hab geſehen. vor diſem tage an dehain̉er ſtat. ſwa man mich ze dienſt ie gebat. d̉er chnappe ſprach ze Gawan. h̉erre ſo han ich miſſetan. ich ſolde ez ev haben geſeit. do waſ min beſt̉er ſin v̉erzeit. nu rihtet mine ſhulde. nach ew̉er ſelbeſ hulde. ich ſol ev dar nach g̉erne ſagen. lat mich min vngefuͤge e chlagen. Iunch̉erre nu ſagt mir w̉er ſi ſin. durch ew̉er zuhtbærn ſhin. h̉erre ſuſt haizet d̉er vor ev v̉ert. dem noch ſin raiſe iſt vnerw̉ert. Royſ poy dechomunz. vnd auch kaſtur de luͦuarunz. da v̉ert ein vnbeſhaiden lip. dem minne nie gebot dehain wip. er trait den vngefuͤgen cranz. er haizet meliaganz. ez w̉er wip od̉er magt. ſwaz er da minne hat beiagt die nam er gar in noten. man ſolt in drumbe toͤten. Ez iſt boyde conuinzeſ ſuͦn. er wil auch rit̉erſhaft hie tuͤn. deſ phligt d̉er ellenſ rîche. vnủerzagatliche. waz tuͤt ſin manlich̉er ſite. einſ ſwineſ muͤt̉er lief im mit. ir verhelin diu w̉erte ſie. me gehort man gepriſenſ nie. waſ ſie ellen ane vuͤge. deſ volgeten auch noch genuͤge. h̉erre nu horet ein wund̉er. lat ev daz ſagen beſund̉er. groz her da nach ev vuͤret. den ſin vngefuͤge ruͤret. der kunc Melianz von lîz. ſuftechlichen zornſ vlîz. hat er gefrumt gar ane not. vnrehtev minne im daz gebot. d̉er chnappe an ſine zuht v̉eriach. h̉erre ich ſagev wande ichz ſach. von deſ chungeſ Melianzeſ vat̉er. andeſ tode lege er vur ſich bat er. die furſten ſineſ landeſ. vnerloſet phandeſ. ſtuͤnt ſin ellenthaftez leben. daz muͤſt sich dem tode ergeben. ind̉er ſelben riwe. beualch er vf ir triwe. Melianzen den clarn. allen die da warn. ER choſ im einen ſund̉er dan. d̉er furſte waſ ſin hoh man. Gein triwe alſ beweret. all̉er valſhe er leret. den bat er ziehen ſinen ſuͤn. er ſprach du maht an im nu tuͤn. din̉er triwen hantveſte. bit in daz er die geſt vnd die haimlichen habe w̉ert. ſwenne ez d̉er kunb̉erhafte gert. dem bit in tailen ſine habe. ſuſ wart beuolhen da der chnabe. Do laiſt der furſte libairt. al daz ſin h̉erre d̉er kunc ſchairt. ande totde leg̉er Gein im warp. Min din Min dinſt wizz von lieb lei dich laz Min dinſt wiz viii. hart wenich deſ v̉erdarp. endehaft wart ez gelaiſtet ſider. der furſte vurt den chnappen wid̉er. der het da haime libiu kint. alſ im noch billichen ſint. ein tohter der deſ niht gebrahc. wan daz deſ ir zit iach. ſi were wol Amie. ſi haizet obie. IR ſweſt̉er haizt obilot. Obie vrumt vnſ diſe not. einſ tageſ gedêch ez an die ſtat. daz ſi d̉er iunge kunc bat. nach ſinem dienſt ir minne. ſi v̉erfluͤcht im ſine ſinne. vnde vragt in weſ er wânde. warumb er ſich ſineſ ſinneſ ânde. ſi ſprach hinz im w̉ert ir ſo alt. daz vnd̉er ſhilte w̉er bezalt. in w̉erdechlichen ſtunden. mit helm vf haubet gebunden. gein h̉ertechlichen varn. ew̉er tage Gein vunf iarn. daz ir den pr*priſ da het genomen. wun̄d w̉err ir danne widerchomen. in mim gebot geweſen da. ſprech ich dann alreſt ia. deſ ew̉er wille gerte. alzefruͤ ich evch deſ gew̉erte. IR ſit mir liep w̉er laugent deſ. ſam annoren Gabieſ. diu ſit den tot durc in erchoſ do ſi in an ein̉er Tioſt v̉erloſ. vng̉erne ich ſparah er ~~frowe~~frawe. evch bi liebe ſhawe. daz ew̉er zorn vf mich get. gnade doch bi dienſte ſtet. ſw̉er triwe reht mezzen wil. frowe iſt ez ev gar ze vil. daz ir minen ſin ſuſ ſmahet. ir hapt evch gar v̉ergahet. ich moht doch deſ genozen han. daz ew̉er vat̉er iſt min man. vnd daz er hat von min̉er hant. mange burc vnd ~~min~~ſin lant. Swem ir iht lihet d̉er dien auch daz. ſprach ſprach ſi min zil ſich hohet baz. ich wil von nieman hlehen han. min vrihait iſt ſo ſo getan. ieſlich̉er crone genuͤc. diu ir diſch haubet ie getruͤc. er ſprach ir ſit gelert. daz ir hohuart ſuſ gemert. ſit ew̉er vat̉er gab den rat. er wandelt mir die miſſetat. ich ſol hie wapen alſo tragen. daz wirt geſtochen vnd geſlagen. ez ſi ſtriten od̉er ~~Tunei~~Turnei. hie belibet vil der ſper enzwei. Mit zorne ſhiet er von der magt. ſin zurn ſere wart gechlagt. von all̉er d̉er maſſenie. in clagt auch froͮ Obie. Gein dirr vngeſhihte. bot ſin gerihte. vnd anderſ wandelſ geneuc. libaut der vnſhulde truͤc. ez w̉er crunp od̉er ſhleht. er g̉erte ſin̉er Gnoze reht. hof da die furſten w̉ern. vnd er w̉er zuͤ diſen mern. chomen gar an ſhulde. genedechlich̉er hulde. er vaſt ſinen h̉erren bat. dem tet d̉er zorn vf freude mat. Man chunde da nih gahen. ſo daz libaut wolte ~~nahen~~vahen. ſinen h̉erren wande er waſ ſin wirt. alſ noch getriwer man v̉erbirt. der chunc an vrloͮp dannan ſhiet. alſ im ſin cranch̉er ſin geriet. furſten chnappen ſiniu kindelin. taten wainunde klagenſ ſhin. die mit dem chunge da warn geweſen. vor den mohte libaut wol geneſen. wand er ſi hate mit triwen erzogen. An w̉erder vuͦre nih betrogen. ez ſi dann min h̉erre al ein. an dem doch deſ furſten triwe ſhein. Min h̉erre iſt ein frozoyſ. liſchatelure de beaueiſ. d̉er haizzet liſauand̉er. die vnd auch die and̉er. muͤſten dem wirte wid̉erſagen. do ſi ſhilteſ ampt ſolden tragen. mit dem chunge rit̉er worden ſint. manc furſte vnd andru kint. deſ vordren herſ phligt ein man. d̉er wol mit ſharphem ſtrite chan. d̉er kunc poyde comunz von korſ. vuͤrt manc gewappēnt orſ. Melianz iſt ſineſ bruͤd̉er ſun. die chunnen bede hofhart tuͦn. d̉er iunge vnd auch d̉er alte. daz ez vngefuͤge walte. Suſ hat d̉er zorn ſuſ vurgenomen. bede kunge wellent chomen. vur bearotſce da man muͤz. mit arbait dienen wibeſ gruͤz. man muͤz vil ſper brechen. beidiu hurten vnd ſtechen. bearotſche iſt ſo zew̉er. ob wir heten zwainzech her. ~~iegliz~~ieglichz grozz̉er dan wir han. wir muͤſen ſi vnz̉erfuͤret lan. min raiſ iſt deſ hindren herſ v̉erholn. diſen ſhilt han ich dannan v̉erſtoln. vz von andren kinden. ob min h̉erre mohte vinden. eine Tioſt durc ſin erſten ſhilt. mit hurteſ poynd̉er dar Gezilt. Der chnappe hinder ſich do ſhach. ~~der~~ſin h̉erre vuͤr im balde nach. driu orſ vnd zwelf wizev ſper. Gahtan vaſt mit im her. ich *wen ſin gir deſ nieman truͦge. er wolde gern zeuorvluͦge. die erſten Tioſt da haben beiagt ſo mir diu Auenture ſagt. der chnappe ſprach ze Gawan. h̉erre lat mich vrlaup han. er ch̉ert ſinem h̉erren zuͤ. waz welt ir daz Gawan nu tuͦ. er beſehe waz diſiu mere ſin. doch lert in ſtrengen zwiuelſ pin. ER dahte ſolde ich ſtriten ſehen. vnd ſol deſ nih von mir geſhehen. ſo iſt al min priſ erloſhen gar. chuͤm aủer ich durch ſtriten dar. v wir ich da ~~gelezet~~geletzet. mit warhait iſt entſetzet. al min w̉erdechlich̉er priſ. ich tuͤn ez niht dehain wiſ. ich ſol ê laiſten minen kamph. ſin not ſich in anander chlamf. Gein ſineſ champheſ ~~h̉er~~v̉erte. waſ beliben al ze h̉erte. ern moht auch da nih vur varn. er ſprach nu muͤze got bewarn. die craft an min̉er manheit. Gawan gein beatrotſche reit. Burch vnd ſtat ſo vor im lac. daz nieman bezzerſ huſeſ phlac. auch gleſte gein im ſhoͤn. aller andren burg ein crone. mit turnen wol geziert. nu waſ Geloiſiert. von dem her vur vf den plan daz ſach min h̉er Gawan. mangen rinc wol geheret. da waſ hohfart gemeret. wund̉erlicher panier. koſ er da mange ſhier. vnd mang̉er ſhlahte vreuden pouel. der zwifel waſ ſinſ h̉erzen houel. Da durc in grozzev angeſt ſneit. Gawan enmitten durc ſi reit. doch ieglicheſ gezeltſnuͦre die andren dranc. ir her waſ wit vnd lanc. do ſahch er wie ſi lagen. weſ diſe vnd ene phlagen. ſwer bienſeuenuſ da ſprach. gramerziſ er wid̉er iach. groz rotte an einem orte lac. ſariande von ſemilidac. den lac do ſund̉er nahen bi. durkopele von kabali. Vnchunde diche vnminne ſint. ſuſ reit deſ chunc loteſ chint. belibenſ in da nieman bat Gawan ch̉erte Gein der ſtat. er dahte ſol ich kipper weſen. ich mac vor vluſte wol geneſen. ind̉er ſtat dann hie bi in. ich cher mich an dehain gewin. wan daz ich daz min behalte. ſo daz ich gelucheſ warte. Gawan gein d̉er einen porten reit. der burgere ſit waſ im leit. ſin het deſ niht betuͤret. alle ir porten warn v̉ermuͤret. vnd ir wichuſ ellev w̉erlich. dar zuͤ der zinnen ieglich. mit armbruſt ein ſhutze phlac. der ſich ſhiezzenſ h̉ervz bewac. Si flizzen ſich gein ſtriteſ w̉erc. Gawan k̉ert vf den berc. ſwie wenc er da w̉er erchant. er chert da er die burc vant. ſinev ~~augen~~ougen muſten ſhawen. vil mange w̉erde frowen. diu wirtin ſelbe chomen waſ. durch warten vf den palaſ. mit irn ſhoͤnen tohtern zwain. von den vil lieht̉er varwe ſhein. ſi fragtan w̉er mac vnſ hie chomen. Ay von den het̉er vil ſhier v̉ernomen. ſuſ ſprac diu alte h̉erzogin. was gezogeſ mac dizz ſin. IR alt̉er tohter ſprach do ſan. muͤt̉er ez iſt ein chaufman. nu furt man im doch ſhilte mit. mut̉er ez iſt vil chauflute ſit. ir iungen tohter do ſprach. du ziheſt in daz doch nie geſhach. ſweſt̉er deſ mahtu dich wol ſchamen. er gewan nie chaufmanneſ namen. er iſt ſo minnechlich getan. ich wil in zeinem rit̉er han. ſin dienſt mac hie lonſ gern. deſ wil ich in durc liebe w̉ern. ſin chnappen taten gaume. daz ein linde vnd ~~olbaume~~alboume. vnden bi der mure ſtuͤnt. daz duhte ſi ein geber funt. Waz welt ir daz ſi mere tuͤn. do erbaizte deſ chunc loteſ ſun. da er den beſten ſhate vant. ſin kamerere truͤc im dar zehant. ein gult̉er vnd ein mat̉raz. dar vf der ſtolze werde ſaz. ob im waſ wibe herſ ein fluͤt. ſin kamerer ~~gewan~~gewant man nid̉er luͦt. vnd daz harnaiſch ab den ſaumen. hin dan vnd̉er andren baumen. h̉erberge namen ſie. manc cnappe die da chomen hie. Diu alte herzogin ſprach ſan. Tohter welh chaufman. chunde alſuſ gebarn. dun ſolt ſin ſuſt nih varn. do ſprach diu iunge obilot. vngefuͦge dannoch me gebot. Gein dem chunge Melianze de liz. ſi chert ir hoͮchủerte vliz. do er ſi bat ir minne. Gunert ſin ſolhe ſinne. do ſparah obie. vor zorn nih diu vrie. mir iſt ſin fuͦr vnmere. dort ſizet ein wehſlere. ſin marchet mac hie w̉erden guͤt. ſinev ſaum ſhrin ſint ſo wol behuͤt. dinſ rit̉erſ Torſhev ſweſt̉er min. er wil ir ſelb̉er gevmel ſin. Gar dirre worte hore. chom Gawan in ſin ore. die rede lat ſin alſ ſi nu ſtet. vnd hort wie ez der ſtat erget. ein ſhifrehez wazzer vur ſi vloz. durc ein ſteinin brukke groz. nih Gein der viͤnde want. and̉erhalp waſ vngeủert her daz lant. ein marſchalc chom geriten ſan. vur die brukke vf den plan. nam er h̉erberge wit. ſin h̉erre chom and̉er rehten zit. vnd and̉er die da ſolten chomen. ich ſagz ev habt irz nih v̉ernomen. Der in deſ wirteſ helfe reit. vnd w̉er durc in mit triwen ſtreit. im chom von breuegariez. ſin bruͤder Duc maragliez. durc den chomen zwene rit̉er ſnel. der w̉erde chunc Schirmel. der truͤc cron zelirauoin. alſo tet ſin bruͤd̉er zeauentroin. do die burgere alle ſahen. daz in helfe wolte nahen. daz edeſ waſ ir aller rat. daz duht ſi do miſſetat. der furſte libaut ſelbe ſprach. owe daz bearotſche ie geſchach. daz ir porten ſuln v̉ermuret ſin. wan ſwenn ich Gein dem h̉erren min ſhilteſ amp zeige. min beſtiu zuht iſt veige. ez hulf mich vnd ſtuͤnt auch baz. ſin hulde dan ſin grozz̉er haz. Wie ſtuͤnde ein tioſt durch minen ſhilt. mit ſin̉er hende dar gezilt. od̉er ob v̉erſniden ſol min ſw̉ert. ſinen ſhiht minſ h̉erren w̉ert. gelopt daz imm̉er wiſe wip. diu treit al zeloſen lip. nu lat mich minen h̉erren han. in minem turn ich muͤz in lan. vnd mit im in den ſinen. ſwar er mich wil pinen. deſ wil ich geſten ze ſim gebot. doch wil ich gerne danchen gote. daz er mich nih geuangen hat. ſit in zurnen nih enlat. er well mich hie beſitzen. nu ratet mir mit witzen. ſprach er zuͤ den burgern. Gein diſen ſtrengen mern. Do ſprach da manic wiſe man. moht ir vnſhulde genozzen han. ezn w̉er nih *chomen an diſiu zil. *ſi gaben im deſ rateſ vil. daz er ſin porten vf tete. vnd al die beſten bete. vz Gein der Tioſte riten. ſi iahen wir mugen ſo ſtriten. daz wir vnſ von zinnen w̉ern. Melianzeſ beiden hern. ez ſint doch allez maiſtel chint. die mit dem chunge chomen ſint. wir w̉erben lihte da ein phant. da von ir grozz̉er zorn v̉erſwant. der chunc iſt lihte ſo gemuͤt. ſwenn er hie rit̉erſhaft getuͤt. er ſol vnſ not erlazen. vnd allen ſinem zorn mazen. velt ſtrit ſol vnſ baz gezemen. dann ſi vnſ vz der mure nemen. Wir ſolten wol gedingen. dort in ir ſnuͤre ringen. wan poydecomunzeſ craft. fuͤret die grozen rit̉erſhaft. daz iſt vnſer grozev vreiſe. die gevangen pritoneiſe. der phligt der herzoge aſtor. den ſihet man da in ſtrite vor. da iſt auch ſin ſun Meliaganz. het den erzogen Gurnemanz. ſo w̉er ſin priſ gehohet gar. doch ſhiht man in in ſtriteſ ſhar. da engegen iſt grozev helfe chomen. ir habt ir ir rat wol v̉ernomen. Der furſte tet alſ man im riet. die mur er vz den porten ſhriet. die burger ellenſ vnbetrogen. begunden vz gein velde zogen. hie ein tioſt ein and̉er dort. daz her begunde trechen vort. her gein der ſtat durc hohen muͤt. ir veſꝑperie wart vil guͤt. ze beiden ſiten rotten mancualt. Garzune. Grien vngezalt. beidiu ſhottiſch vnde welſch. wart da geruͤfet ſund̉er velweſh. Die helde ſwungen da diu lide. er rit̉er tat waſ ane vride. wol tatenz auch diu ſelben chint. diu vz dem her da chomen ſint. die begiengen w̉erdechlich getat. die burger phantan ſi vf dem ~~ſtade.~~ſat. der nie gedient an wibe. cleinode deern bedorft an libe. nimm̉er bezz̉er wat getragen. von Melianz hoͤr ich ſagen. ſin zimier w̉ere guͤt. er truͤc auch ſelbe hohen muͤt. er reit auch ſelbe ein ſhon kaſtelan. daz meliaganz dort gewan. Do er kain ſo v̉erre drab ſtach. daz mān in andem aſte hangen ſach. daz Meliaganz dort erſtreit. Melianz von liz ez hie wol reit. ſin tat waſ vor vz ſo bechant. allev ſin tioſt in ir oͮgen vant. obie dort vf dem palaſ. dar ſi durc warten chomen waſ. do ſprach ſi ſiheſt tu ſweſt*ſweſt̉er min. deſwar der riter min vnd tin. begent hie vngelichev w̉erc. d̉er dine went daz wir den b̉erc. in dem auſ da pin ich hol vnd die burc ſuln v̉erlieſen. and̉er wer muͤzen wir vnſ chieſen. diu iunge muſt ir ſpoten doln. ſi ſprach er mac ſiſ wol erholn. ich gib im doch gein ellen troſt. daz er dinſ ſpottenſ wirt erloſt. ER ſol dienſt gein mir chern. vnd ich ſol im vreude mern. er ſol mineſ loteſ marchet han. ſit du gihſt er ſi ein chaufman. ir beid̉er ſtrit der g̉erte. Gawan zemerche horte. alſ ez im do getohte. v̉erſaz erz ſwie er mohte. ſol lut̉er herze ſich nih ſhemen. daz muͤz der tot e im benemen. DAz Groze her da ſtille lac. daz ~~poydokomunz~~Poydokomunz da phlac. wan ein w̉erder iungelinc. waſ indem ſtrite vnd al ſin rinc. der herzoge von lauarunz. do chom poydokomunz. auch nam d̉er alte wiſer man. die ainen vnd die andren dan. diu veſperie waſ erliten. vnd wol durch w̉erdiu wip geſtriten. do ſprach poydokomunz zuͤ dem h̉erzogen von lauarunz. geruͤcht ir min nih biten. ſwen ir ritet durc ruͤmeſ ſtriten. ir went daz ſi guͤt getan. hie iſt der graue lahdoman. hie iſt Meliaganz ſin ſuͤn. ſwaz die bede ſolten tuͤn. vnd ich ſelb ir muſet doch ſtriten ſehen. ob ir ſtriten chundet ſpehen. Ich chum nimm̉er von dirre ſtat. ich gemach evch vehtenſ ſat. od̉er mir git man vnd wip. h̉er vz geuangen beide ir lip. do ſprach der herzoge aſtor. herre ew̉er neue waſ da uor. der chunc vnd al ſin her von liz. ſolt ew̉er her an ſlaffen vliz. die wil ſich haben chert. habt ir vnſ daz gelert. ſo ſlaf ich ſwa man ſtriten ſol. ich kan bi ſtrite ſlaffen wol. wizzet wer ich nih chomen. die burgere heten genomen. vrum vnd priſ zvͤ ir handen. ir bewart evch da von ſhanden. durch got ſenftet ew̉erm zorn. hie iſt me gewunnen dann v̉erlorn. vor ew̉er maſſenie. wil ſin iehen obi. Poydecomunz zorn was ganz. vf ſinen neuen Melianz. doch braht der iunge werder man. mange tioſt durch ſinen ſhilt h̉er dan. deſ endarf ſin niwer priſ nih clagen. nu horet auch von obien ſagen. diu bot ir hazzeſ genuͤc. Gawan d̉er in ane ſhulde da truͤc. ſi wolde im w̉erben ſhande. einen garzuͤn ſi ſande. hinz Gawan da er da ſaz. ſage im vnd vrage in vurbaz. Ob diu orſe veil ſin. od̉er ob in ſinen ſaum ſrin. lige ind̉er w̉erdez cram gewant. wir frowen chaufenz alzehant. der garzuͦn chom gegangen. mit hazz er wart enphangen. Gawanſ augen bliche. in lerten h̉erzen ſchriche. der Garzuͦn ſo v̉erzagete. daz ern fragte nochn ſagete. daz ſin frowe w̉erben hiez. Gawan die rede doch nih liez. er ſprach vart hin ir ribalt. muͦl ſlege alvmb bezalt. ſult ir von mir vil enphahen. welt ir mir vurbaz nahen. der garzuͦn dan vil drate gienc. nu horet wi ez obie an geuienc. Ein iuncherren ſi ſprechen bat. den burcgrauen von der ſtat. der waſ geheizen Scruleſ. ſi ſprach d*du ſolt in biten deſ. daz er durch minen willen tuͦ. vnd manlichen grife zvͤ. vnd̉er dem ~~olbaum~~olbaam an dem graben. ſtent ſiben orſ diu ſol er haben. vnd and̉er richait vil. ein chaufman vnſ hie triegen wil. bit in daz er ez ~~wnde~~wende. ich getruͤ deſ ſin̉er hende. ſi nemenſ vnủergolten. auch hat er vnſ beſholten. der chnappe hin nid̉er ſagete. al daz ſin frowe clagete. Ich ſol von triegen vnſ bewarn. ſprach Scruleſ ich wil da hin varn. er rait hin vf da Gawan ſaz. der ſelten ellenſ ie v̉ergaz. an dem er vant chranche v̉erluſt. leht ~~antluze~~antlutze hohe bruſt. vnd ein rit̉er wol geuar. Scruleſ in bruͤfte gar. ſin arm vnde ietdwe*ietdweder hant. vnd ſwaz geſhikte er da vant. do ſprach herre ir ſit ein gaſt. gut̉er wize vnſ gar gebraſt. ſit ir nih herb̉erge hat. nu bruͦvet ez vnſ vuͤr miſſetat. Ich ſol ew̉er ſelbe marſchalc ſin. guͤt vnd lute vnd ſwaz iſt min. daz cher ich ev Gein dienſteſ ſiten. nie gaſt zvͤ wirte chom geriten. der im ſo gar wer vnd̉ertan. gnade ſprach her Gawan. daz han ich vnủerdienet noch. vnd ſol ev g̉erne volgen doch. Scrules d̉er lobeſ geherte. ſprach alſ in ſin ellen lerte. ſit ez ſich hat vf mich gezoget. ich pin vor vluſte nu ew̉er voget. ezn nem ev daz vb̉er her. da bin ich mit ev an der wer. Sin munt do lachende ſprach zuͤ den cnappen die er da ſach. ladet vf daz harnaiſch vberal. wir ſuln hin nid̉er in daz tal. Gawan fuͤr mit ſinem wirte. obie daz nu nih v̉erbirt. ein ſpilwip ſi ſande. diu ir uat̉er wol bechande. dem enbot ſi ſolhev mere. da vuͤr ein valſch̉ere. deſ hab iſt rich ~~vng~~vnde guͤt. bit in durc rehteſ riterſ muͤt. ſit er vil ſoldierer hat. vf orſ vf ſilb̉er vnd vf wat. daz diz ſi erſtez gelt. ez frunpt wol ſiben vf daz velt. Daz ſpilwip zuͤ dem furſten ~~prah~~Sprah. alſ deſ ſin toht̉er da v̉eriach. ſw̉er ie vrleugeſ phlac. dem waſ vil not ob er ~~mac~~maht. ~~mac~~maht: Vermutlich las der Schreiber bei einer Durchsicht fälschlicherweiser mat und ergänzte dann das Wort mit einem h, so dass daraus maht wurde. an richer choſte mohte han. libauten den getriwen man. ob er loſte ſoldier. daz er gedahte ſhier. ich ſol diz guͤt gewinnen. ab im im mit zorn od̉er mit minnen. die nahreiſ er nih v̉ermeit. Scruleſ im wid̉er reit. er fragt in war im w̉er ſo gach. ich rite einem trieg̉er nach. von dem ſeit man mir mere. ez ſi ein valſkere. Vnſhuldic waſ her Gawan. ez heten niwan ſinev orſ getan. vnd and̉er daz er vurte. Scruleſen. lachen ruͤrte. er ſparah h̉erre ir ſit betrogen. ſw̉er ez ev ſagt er hat gelogen. ez ſi man magt od̉er wip. vnſhuldic iſt minſ gaſteſ lip. ir ſult in and̉erſ priſen. ern wart nie munzyſen. welt ir der rehten mere loſen. ſin lip getruͤc nie valſhen phoſen. ſeht ſin geberde hort ſinev wort. in minen huſ liez ich in dort. kunt ir dann rit̉erſ vure rehte ſpehen. ir muͤzt im reht̉er vuͤr iehen. Sin lip wart nie Gein valſhe balt. ſw̉er im dar vber tete gewalt. ez w̉er min vat̉er od̉er min kint. alle die mit im mit zorn ſint. mine mage od̉er min bruͤd̉er. die muͤſen diu ſtriteſ muͤder. Gein mir ziehen ich wil in w̉ern. vor vnrehtem ſtrite ~~w̉ern.~~nern. ſwa ich h̉erre in ew̉ern hulden mac. vz ſhilteſ amp in einen ſac. wold ich mich îe ziehen. ſo v̉erre vz arde fliehen. da mich nieman erchande. ê daz ir ew̉er ſhande. herre an im begienget. guͤtlich ir in enphienget. vnd alle die her ſint chomen. vnd ein chunb̉er habent v̉ernomen. dan daz ir ſi welt rauben. deſ ſult ir evch gelauben. Der furſte ſprah nu la mich ſehen. dan mac nih argeſ zuͤ geſhehen. er furt in da er Gawan ſach. zwai augen vnd ein h̉erze iach. diu libaut mit im brahte dar. daz der gaſt wer wol geuar. vnd daz reht manlich ſite. ſinen geberden wonten mit. ſwen rehtiu liebe ie erholte. daz h̉erze liebe dolte. Herzen minne iſt deſ bechant. daz h̉erze iſt reht̉er minne phant. alſ v̉erſetzet vnd v̉erſelt. dehain munt ez nimm̉er gar gezelt. waz minn wund̉er vuͤgen chan. ez ſi wip od̉er man. die crenchet h̉erzen minne. vil dich von hohem ſinne. Obie vnd Melianz. der zwaỉer minne waſ ſo ganz. vnd ſtuͤnt mit ſolhen triwen. ſin zorn evch ſolde riwen. daz er ſo zornic von ir reit. deſ gab ir truren ſolhez leit. Daz ir chuͤſch wart von zorn balt. vnſhuldec Gawan deſ engalt. vnd and̉er die ez mit im da liten. ſi chomen dich vz frolichen ſiten. ſuſ flaht ir chuſke ſich in zorn. ez waſ ir beid̉er ~~augen~~ougen dorn. ſwa ſi dem w̉erden man geſach. ir h̉erze Melianzen iach. er ſolt vor vz der beſte ſin. ſi daht ob er mich lerte pin. den wil ich g̉erne von im han. den w̉erden ſuͤzen iungen man. vor all̉er d̉er w̉erlt ich in minne. dar iaget mich h̉erzen ſinne. Von minem zorn noch vil geſhiht. nu wizet ez obien niht. nu horet auch wie ir vat̉er ſprach. do er h̉ern Gawan an geſach. vnd er in in daz lant enphienc. wie erz mit rede an vienc. do ſprach er h̉erre ew̉er chomen. daz mac an ſelden vnſ geurumen. ich bin gevarn manec vart. ſo ſuze in minen ~~augen~~ougen wart. nie von angeſiht. Gein dirr vnge ſhiht. ſol ew̉er chunphelich̉er tach. vnſ troſten wan er vnſ troſten mac. ER bat in tuͤn da rit̉erſ tat. ob ir mangel harnaiſch hat. deſ wil ich evch beraiten gar. welt ir h̉erre ſit ir in miner ſhar. do ſprach der w̉erde Gawan. ich w̉er deſ ein bereit man. ich han harnaiſch vnd ſtarcheu lide. wan daz min ſtriten ſtet mit vride. vnz an ein benande ſtunde. ir liget ob od̉er vnde. daz wolt ich durc euch liden. nu muͤz ichz durc daz miden. vnz ein min kanph erget. da min triwe ſo hohe phandeſ vmbe ſtet. durc all̉er w̉erden lute gruͤz. ich die mit champhe loſen muͤz. obe ich muͤz den lip da lazen ſuſ bin ich vf d̉er ſtrazen. Daz waſ liabut ein h̉erzeleit. er ſparah h̉erre durc ew̉er w̉erdecheit. vnd durch ew̉er zuhte hulde. v̉ernemet min vnſhulde. ich han zwoͮ toht̉er die mir ſint. liep wande ſi ſint minev chint. ſwaz mir got hat an in gigeben. da wil ich bi mit freuden leben. wol mich daz ich ie gewan chunb̉er den ich von in han. den treit idoch diu eine. mit mir algemeine. Vngelich iſt diu geſellecheit. min h̉erre ir tuͤt mit minnen leit. vnd mir mit vnminne. alſ ich mich v̉erſinne. mir h̉erre wil mir gewalt tuͤn. durh daz ich han dehainen ſuͦn. wir ſuln toht̉er lieb̉er ſin. waz darumbe ob ich ſin lide pin. den wil ich mir zeſelden zeln. ſwer ſol mit ſin̉er toht̉er weln. ſwie ir v̉erboten ſi daz ſw̉ert. ir wêr iſt and̉erſ ab̉er w̉ert. waz will di lach ſi erwirbet ir chuſlichen. einen ſuͦn vil richen. deſ ſelben ich gedingen han. nu gewerſ evch got ſprach Gawan. Libaut der furſte al vaſte bat. herre durc got die rede lat. ſparah deſ kunc loteſ ſuͦn. durc ew̉er zuht ſult ir dat tuͤn. vnd lat mich triwe nih enbern. eineſ dingeſ wil ich evch gew̉ern. ich ſagev hinaht bi dirre naht. weſ ich mich darumbe han bedaht. Libaut im danchte vnd vur zehant. vf den hof da er ſin toht̉er vant. vnde deſ burcgrauen toht̉erlin. diu zwai ſnalten vingerlin. Do ſprach er obiloten zuͤ. Toht̉er wannan chumſt du. vat̉er ich var da nid̉er her. ich *getruͤ im wol daz er mich wer. ich wil den fromeden rit̉er biten. dienſt nach loneſ ſiten. toht̉er ſo ſi dir geclagt. ern hat mir an noch ab geſagt. chum min̉er bet an daz ende nach. der meigde waſ zvͤ dem gaſte gach. do ſi in die chemenaten gienc. Gawan ſpranc vf do er ſi enphienc. zvͤ der ſuzen er geſaz. er danct ir daz ſi nih v̉er*v̉erſaz. Sin do manz im miſſebot. er ſprach gelait ie rit̉er not. durc ein alſuſ clein ~~vingerlin.~~vreuwelin. da ſol ich durch evch inne ſin. Diu iunge ſuͤzev clare. ſprach an alle vare. Got ſich deſ wol v̉erſinnen chan. h̉erre ir ſit der erſte man. der ie min rede geſelle wart. iſt min zuht dar an bewart. vnd ~~auch~~ouch min ſhamlich̉er ſin. daz git an freuden mir gewin. wand mir min maiſt̉erinne gach. diu rede w̉ere deſ ſinneſ dach. h̉erre ich bit ew̉er vnd min. daz lert mich endehaft̉er pin. den nenne ich ev geruchet irſ. habt ir mich nih deſt̉er wirſ. ich var doch vf der maze phat. wand ich ev min ſelbeſ bat. ir ſit mit d̉er warhait ich. ſwie die namen tailen ſich. minſ libeſ namen ſult ir han. nu ſit maget vnd man. ich han ew̉er vnd min gigert. lazet ir mich h̉erre vngew̉ert. nu ſhemlich von ev gen. darumbe muz zerehte ſten. ew̉er priſ vur ew̉er ſelb̉er zuht. ſit min magetlichev fluht. gnade an evch ſuchet. ob ir deſ h̉erre ruͤchet. ich wil ev geben minne. mit h̉erzenlichem ſinne. Ob ir manlich ſite hat. ſo waiz ich wol daz ir nih lat. irn dient mir ich bin dienſteſ w̉ert. ſit auch min vat̉er helfe gert. an friunden vnde an magen. lat evch deſ nih betragen. ir dient vnſ beiden vf min einer lon. er ſprach frowe ew̉er mundeſ don. wil mich von triwen ſheiden. entriwen ev ſolde leiden. min triwe ie dolte phandeſ not. iſt ſi vnerloſet ich bin tot. Doch lat mich dienſt vnd ſinne. ch̉ern Gein ew̉er minne. ê daz ir minne mugt gegeben. ir muͤzet funf iar ê leben. daz iſt ew̉er minne zit ein zal. do dahter deſ wie parzifal. wiben baz getruwete danne Got. ſin beuelhen waſ dirre meigde gebot. Gawan in daz h̉erze ſin. do lop er dem frewelin. er wolte da wappen durc ſi tragen. er begunde ir doch vurbaz mere ſagen. in ew̉rer hende ſi min ſw̉ert. ob ieman tioſt gein mir gert. den poynd̉er ſult ir riten. ir muͤzt da vur mich ſtiriten. man mac mich da in ſtrite ſehen. der muͤz min halp von ev geſhehen. Si ſprach wenec mich deſ beuilt. ich bin ew̉er ſh̉erm vnd ew̉er ſhilt. vnd ew̉er herz vnd ew̉er troſt. ſit ir mich zwiuelſ hap erloſt. ich bin vur vngeuelle. ew̉er gelait vnd ew̉er geſelle. vur vngelucheſ ſhur ein dach. bin ich ev ſenftechlich ~~ein dach.~~gemach. min minne ſol ev fride bern. Gelucheſ vur angeſt w̉ern. daz ew̉er ellen niht v̉erbirt. irn wert evch vaſt vnz anden wirt. ich bin wirt vnd wirtin. vnd wil bi ev in ſtirite ſin. ſwenn ir deſ gedingen hat. ſelde vnde ellen evch nih v̉erlat. Do ſprach der w̉erde Gawan. frowe ich wil ſi beidiu han. ſit ich in ew̉erm gebote lebe. ew̉er minne vn̄d ew̉er troſteſ gebe. die wil waſ ir handelin. zwiſhen den handen ſin. do ſprach ſi nu lat mich varn. ich ſol auch mich dar an bewarn. wie fuͤrt ir an minen ſolt. dar zuͤ bin ich ev ze holt. ich ſol mich arbeiten. mit cleinoͤde bereiten. ſwenn ir daz traget nehain wiſ. vb̉er ~~haubet~~hohet ev dehain priſ. da vur diu magt vnd ir geſpil. ſi buͤten bede ir dienſt vil. Gawan dem gaſte. der neic ir hulden vaſte. ER ſprach vnd ſult ir w̉erden alt. truge dann nih wan ſper der walt. alſ erz an andrem holze hat. daz wer ev zwain ein ringeu ſat. kan ew̉er iugent ſuſ twingen. welt irz in daz alt̉er pringen. ew̉er minne lert noch riterſ hant. da von ie ſhilt von ſper v̉erſwant. dannan fuͦren die megde beide. mit vreude ane leide. deſ burcgrauen toht̉erlin. ſprach nu ſagt mit frowe min. waz habt ir im zegbne wan. ſit daz wir Tochen han. ſint die mine iht ſchoͤn baz. die gept im ane minen haz. Da wirt vil wenc nach geſtriten. d̉er furſte libaut chom geriten. an dem b̉erge en mitten. obilo vnd Glauditten. ſach er vor im vf gen. die bat er bede ſtille ſten. do ſprach diu iunge obilot. vat̉er mir wart nie ſo not. din̉er helfe darzu gip mir rat. d̉er rit̉er mich gew̉ert hat. Toht̉er ſweſ din wille g̉ert. han ichz deſ biſtu gew̉ert. owol d̉er fruht diu andir lac. din geburt waſ der ſelden tac. vat̉er ſo wil ich dirz ſagen. haimlich minen chunber clagen. nach dinen gnaden darzv ſprich. er bat ſi heuen vur ſich. ſi ſprach war choͤm dann min geſpil. do hielt da bi im rit̉er vil. die ſtriten w̉er ſi ſolte nemen. deſ moht ieglichen wol gezemen. doch bot man ſi einem dar. Glauditte waſ auch wol geuar. al ritende ſprach der furſte zvͤ ir. obilot nu ſage mir. ein teil von din̉er not. da han ich cleinot. dem fromdem rit̉er gelop. ich wen min zuht ſi v̉ertobt. Han ich im niht zegebene. waz tuͤc ich dann zelebene. ſit er mir dienſt hat geboten. nu muͤz ich ſhemlichen roten. ob ich im nih zegeben han. nie megde wart ſo liep ein man. do ſprach er toht̉er wart an mich. ſo mallſ S ich ſol deſ wol beraten dich. ſit du dienſt an in gerſt. ich gib dir daz tuͤ in gew̉erſt. ob dich halt din mut̉er lieze. Got gebe daz ichſ genieze. Awe der ſtolze w̉erder man. waz ich gedingen von im han. nie wort ich dannoch zuͤ im geſprach. in minem ſlafe ich in hint ſach. Libaut rait zvͤ d̉er herzogin. vnde obilot diu toht̉er ſin. do ſprach er ~~frowe~~frawe ſtiuͤret vnſ zwei. min h̉erze nah freuden ſrei. do mich got dirre meigde beriet. vnd mich von vngemuͦte ſhiet. diu alte h̉erzogin ſprach ſan. waz welt ir mineſ guͤteſ han. frowe ſit ir ſin vnſ bereit. obilot wil bezriu cleit. ſi dunchet ſiſ mit wirde w̉ert. ſit ſo w̉erd̉er man ir minne gert. vnde er ir biutet dienſt vil. vnd auch ir chleinode wil. do ſparah der meigde muͤt̉er. er ſuͤzz̉er man vil guͤt̉er. Ich wen ir mainet den fromden gaſt. ſin minn iſt reht ein maigen glaſt. do hiez dar tragen diu wiſe. ſamit von entyſe. vnủerſniten wat truͤc man da mit. phelle von tanprunit. vz einēm lande von Tribalibot. inGauguſhaſch daz golt iſt rot. dar vz die haiden manc wat. wurchent die vil ſpehe ſtat. Von reht̉er art vz ſiden. libaut hiez balde ſniden. ſiner toht̉er chleid̉er. er miſhte g̉ern beid̉er. den boſten vnd den beſten. von golde ein phlelle veſten. ſneit man andaz freuwelin. ir muͤſe ein arm enblozet ſin. da waſ ein ermel von genomen. d̉er ſolte gawane chomen. daz waſ ir p̄reſente. phelle von grigente. Verre vz haidenſhaft gefuͤret. er het ir zeſwen arm geruͤret. vnd doch nih an den roch genat. da newart nie vadem zvͤ gedrat. den brahte clauditte dar. Gawan dem wol geuar. do wart ſin lip ſorgen fri. ſin̉er ſhilt warn dri. vf einen ſluͤc ern ſa zehant. al ſin truren gar v̉erſwant. ſinen grozzen danc er nih v̉erſweic. vil dich er dem wege neic. den diu iuncfrowe gienc. diu in ſo guͤtlich enphienc. vnd in ſo manliche. an freuden machet riche. Der tach het ende vnd chom diu naht. zebeid̉er ſîte waſ grozev maht. manc w̉erlich rit̉er guͤt. warn deſ vzren herſ nih ein ſolhev fluͤt. ſo heten die inren ſtriteſ vil. do mazen ſi ir letze zil. bi dem liehten maͤn. ſi chunden ſich wol aneᷠ. vorhtechlich̉er zageheit. vor tageſ wart von in berait. zwelf zingel wite. v̉ergraben Gein dem ſtrite. daz ieglich zingel muͤſe han. ze orſe vz dri barbigan. kardeſ abelt dei mor. deſ marſchalc nam da vier tor. Do man ſmorgenſ ſach ſin her. mit ellenhaft̉er wer. der herzoge riche. ſtreit da rit̉erliche. diu wirtin waſ ſin ſweſt̉er. er waſ deſ muͤteſ veſt̉er. der and̉er manc ſtritic man. der wol mit ſtriteſ fuͤre chan. daz lait er diche in ſtriteſ pin. ſin her zogete da deſ nahteſ in. er waſ v̉erre dar geſtrichen. wan er ſelten waſ entwichen. ſtritlicher h̉erte. vier porten er da w̉erte. ſwaz herſ and̉erhalp der pruccen lac. daz zoget auch vber ê chom der tac. Zebeatrotſce in die ſtat. libaut der vurſte ſi deſ bat. auch warn die von amor. geriten vb̉er die prukken vor. man beualch iegliche porten ſo. daz w̉erliche do. ſtuͤnt alſ der tac erſhein. Scruleſ erchoſ im ein. die er vn̄d h̉er Gawan. nih vnbehuͤt wolten lan. man erhort da von den geſten. ich wên daz w̉ern die beſten. Si clagtan daz da was geſhehen. rit̉erſhaft. gar an ir ſehen. vnd daz diu veſꝑperi ergienc. daz dehain̉er Tioſt enphienc. diu clage waſ gar an not. wan vngezalt manſ in da bot. allen den die ſin geruchten. vnd ſi zeuelde ſuͤchten. in den Gazzen koſ man groze ſla. oͮch ſach man h̉er vnd da. manc panier trekken in. allez bi deſ manen ſhin. vnd mangen helm von rich̉er Koſt. man wolt ſi fuͤren gegen Tioſt. vnd manc ſper wol gemal. ein regenbvvrg̉er zendal. wer zeſwachem w̉erde. vor beatrotſch vf der erde. Man ſach da wapenroche vil. wol rich̉er an der choſte zil. diu naht tet nach ir altem ſite. d̉er tac zogete ir an dem orte mite. den choſ man bi lerchen ſanc. manc hurt da vil luͤt erchlanc. daz chom von ſtriteſ ſachen. man hort vil ſper erchrachen. reht alſ ez w̉er ein wolchen riz. da waſ daz iunge her von liz. komen an die von lirayon. vnd an den chunc von liuendroyn. da erhal manc rich Tioſt guͤt. alſ d̉er wurfe in ein groze gluͤt. Ganze kaſtangen. Auoy wie vf den plangen. Von den geſten wart geriten. vnd von den burgern geſtriten. Gawan vn der ſchahtaluͤr. truͤc der ſelden auentuͤr. vnd truͤc ir ſelden vrhab. ein phaffe in eine meſſe ſanc. er ſanc ſi beidiu got vnd in. do nahent in. w̉erdechait gewin. daz waſ ir geſetze. do riten ſi in die letze. ir zingel waſ da vor behuͤt. mit mangem werdem rit̉er guͤt. daz warn Scruleſ man. von den wart ez da Guͤt getan. Waz welt ir daz ich ſpreche mer. wan poydomunz waſ her. dar reit dar zuͤ mit ſolh̉er craft. w̉er ſwarzwaldeſ ieglich ſtude ein ſhaft. dan dorft man nih mer waldeſ ſehen. der ſine ſhar wolte ſpehen. d̉er rait mit ſehſ vanen zuͤ. vor den man ſtriteſ begunde vruͤ. ~~buſun̉er~~Buſun̉er Gaben gedozeſ klac. alſ d̉er toren d̉er ie da phlac. vil angeſlich̉er vorhte. manc tanbure worhte. Mit den buſun̉eren galm. wart ind̉er da dehain ſtophel halm. getrettet deſ moht ich niht. ertfurt̉er wingart̉er giht. von tretten noch die ſelben not. vil orſ fuͤze die ſla da bot. nu chon d̉er h̉erzoge aſtor. mit ſtrit an die von amor. da wurden Tioſt gewetzet. manc w̉erder man geſezzet. hind̉er daz orſ vf den acher. ſi warn ir ſtriteſ wach̉er. vil vromde grie man da rief. manc volch an ſinen maiſt̉er lief. d̉er h̉erre dort ze vuͤzen ſtuͤnt. ich wen im waſ geuelle chunt. Nu ſach min h̉er Gawan. daz geflohten waſ d̉er plan. die vriunde ind̉er vinde ſhar. er huͤb auch ſich deſ endeſ dar. muͤlich waſ ſin ze warten. diu orſ do wenc ſparten. Scurleſ vnd alle die ſine. Gawan ſi braht in pine. waz er da rit̉er nid̉er ſtach. waz er da ſtarch̉er ſper zerbrach. die w̉erde Tauelrund̉er bot. het er die craft nih von gote. ſo w̉er da priſ vur in gigert. da wart erchlenget manic ſw̉ert. Im warn aleine beidiu her. Gein den waſ ſin hant zew̉er. die von liſ vnd die von gorſ. *zebeid̉er ſiten er manc orſ. gezogen braht̉er ſhiere. zuͤ ſineſ wirteſ paniere. vnd fragt ob ſi iemen wolte da. ir waſ gnuͤc die ſprachen ia. ſi wurden al geliche. ſin̉er geſelleſhefte riche. nu chom ein rit̉er dar geuarn. der auch diu ſper nih chunde ſparn. vnd Gawan d̉er churtoyſ. vnde d̉er burcgraue beafoyſ. die chomen an an nand̉er. daz der iunge liſamand̉er. hind̉er dem orſ vf dem pluͦmen lac. wan er von Tioſte geuellelleſ phlac. Daz iſt mir durc den chnappen leit. d̉er deſ vordren tageſ mit zuhten reit. vnde Gawan ſeit mere. wie diz komen were. d̉er erbaizte vb̉er ſinen h̉erren nid̉er. Gawan in erchande vnd gap im wid̉er. daz orſ daz da wart beiagt. d̉er chnappe im neic wart mir geſagt. nu ſeht wa charde fabulet. ſelbe vf den ach̉er ſtet. von ein̉er Tioſt mit hurt erchant. die tet meliaganzeſ hant. Do zuchten in die ſin enbor. do wart diche amor. bi h̉erten ſw̉ert ſlegen geſcrit. da waſ enge vnde nih ze wit. da hurt Gein hurte dranc. manc helm in in diu orn clanc. Gawan mant ſin geſelle ſhaft. do ergienc ſin poynd̉er mit craft. mit ſineſ wirteſ panier. beſhucht̉er hart ſhier. von amor dem w̉erden. do wart vf die erden. manc rit̉er nid̉er geuellet. gelaupt irz ob ir wellet. mir ſint geziuge gar v̉erzagt. wan alſo diu auenture ſaget. Lehkonſ emontange. fur Gein Gawange. da wart ein richev Tioſt getan. daz d̉er riche lohdeman. hind̉er dem orſe lac vf dem ach̉er. dar nach er ſich̉erheite phlach. der ſtarche rit̉er wert erchant. diu ergienc in Gaweneſ hant. do ſtreit d̉er h̉erzoge aſtor. den zingel allernehſte vor. da ergienc manc h̉ertilich̉er ſtrit. vil diche nandeſ war geſhrit. ARtuſeſ h̉erzaichen. die h̉erten nih die waichen. waſ da manc ellenthaft̉er pritonoys. vnd ſoldier von deſtrigoys. vz erchel lande. da tet man der bechande. der phlac duclanuamurſ. oͮch mohte poydecomunz. die pritonoyſ alle ledic lan. ſo wart ez da von in getan. ſi wurden Artuſe. zuͤ der montan*montanien chluſe. ab geuangen da man ſtriten ſhac. im ſturme daz geſhac. ſi ſriren nanteſ nach ir ſiten. da vnd̉er ein and̉er ſwa ſi ~~riten~~striten. ez waſ ir gri vnd ir art. ieglich̉er truͤc grawen bart. Ez furt auch ieglich pritun. durc bechantniſ ein Gabilun. ietdwed̉err vf helm od̉er vf ſhilt. vf cleinodeſ wappen gezilt. d̉er artuſeſ w̉erd̉er ſweſt̉er ſun. waz mac Gawan nu getuͦn. ern ſuͤfte do er diu wappen ſach. wan im ſin h̉erze iam̉erſ iach. ſinſ ohaimſ ſuͦnſ tot. braht Gawān in *iam̉erſ not. er bechande wol diu wappen ~~ſin~~ſhin. do vb̉erliefen im diu augen ſin. er liez die von pritangen. turen vf dem plangen. ER wolte mit in ſtriten niht. alſ man friuntſhefte ~~niht~~giht. er rait Gein meliananzeſ her. die burger warn ſo zew̉er. daz man in danchen mohte. wand in do nih getohte. daz velt Gein vb̉er craft zehab̄en. ſi warn enthwichen Gein den graben. den burgern manc tioſt da bot. ein rit̉er allenthalben rot. d̉er hiez d̉er vngenande. wande in da nieman erchande. ich ſagz ev alſ ichz han v̉ernomen. er waſ Gein melianze chomen. da vor andem driten tage. deſ chom̄en die burger in clage. Melianz helfe ſich bewac. dem er warp auch er von ſenblitac. zwelf chnappen die ſin namen war. zuͤ d̉er Tioſte vnd in d̉er poind̉er ſhar. ſwaz ſper Gebieten moht ir hant. die wurden von im gar v̉erſwant. ſin tioſt warn mit hurte ſnel. wande er den chunc ſcrinel. vnd ſinen bruͤd̉er da vienc. dannoch mer von im ergienc. ſich̉erhait er nih v̉erliez. den h̉erzogen Marangliez. die warn deſ orteſ h̉erte. ir volch ſich dannoch w̉erte. Melianz der chunc ſelbe ſtreit. ſwem er liep od̉er leit. hete getan d̉er muſte iehen. daz ſelten ê waſ geſchehen. von dehaim alſ iungem man. alſ ez von im da wart getan. Sin hant vil veſt̉er ſhilte zerchlaup. waz ſtarch̉er ſper von im zerſtaup. da ſin poynd̉er in die poynd̉er ſloz. ſin iungez h̉erze waſ ſo groz. daz er ſtriteſ muͦſe g̉ern. deſn moht in nieman da gew̉ern. vollechliche daz waſ ein not. vnz er Gawan Tioſte bot. von ſinen chnappen er do nam. der zwelf ſper einz von angaram. alſ erz erwarp zuͤ dem plimizol. Melianzeſ crie waſ babigol. diu w̉erde haupſtat von liz. Gawan nam ſin̉er Tioſte vliz. diu lert Melianzen pin. von oraſtegenteſin. der ſtarche rorine ſhaft. wart da getriben mit hurte craft. Daz tet Gawan d̉er w̉erde gaſt. durc den ſhilt in den arm er braſt. ein richev tioſt da geſhach. Gawan in flugelingen ſtach. ein wenc hind̉er ſinen ſatelbogen. daz die helde vnbetrogen. hind̉er den orſen ſtunden. do taten ſi alſ ſi da chunden. mit den ſw̉erten turn. da w̉er zwain geburn. GrGetroſhen mer dann genuͤc. ir ietdwed̉er deſ and̉ern garbe truc. die wurden ſtuchot hin ~~getragen~~geſlagen. Melianz ein ſper muͦſe tragen. daz ſtach den helt durch den armen. bluͤtich ſwaiz im machte warm. do zucht in min h̉er Gawan. inparbirazare barbigan. vnd twanc in vmb ſich̉erheit. d̉er waſ er im vil bereit. wer der iunge man nih wunt. dane w̉er ſo gaheſ nieman chunt. daz er im wurde vnd̉ertan. man muͦſt in da leng̉er ledic lan. Libaut deſ landeſ wirt. ſin manhait ellenſ nih v̉erbirt. mit dem ſtreit d̉er chunc von chorſ. mit dem muſten beidiu lut vnd orſ. *von geſhozze liden pine. da die kahadine. vnd die ſariande von ſamblidac. ieglich̉er ſin̉er chunſte phlac. durkopole chunden wenchen. die burger muſten denchen. waz viende von ir letze ſhiet. ſi heten ſariande anbiet. ſwelch w̉ert man den lip v̉erloſ. ob in zorn vnſanft erchoſ. wan ir tumbiu loſhait. vil lute braht in arebeit. ezn clagt ir vat̉er libaut. ſin h̉erre d̉er chunc Scohut. hetez in erlazen gar. do begunden muͤden alle ſhar. dannoch ſtreit vaſte Miliaganz. ob ſin ſhilt noch iht w̉ere ganz. ſin waſ nih hende breit beliben. do heten v̉erre hin dan getriben. der h̉erzoge kat de fablet. d̉er Turnei al ſtille ſtet. vf einem pluͤmen plan. do chom min h̉er ~~ywan~~Gawan. Des chom melianz in not. want im d̉er w̉erde lanzelot. nie ſo vaſte zuͤ getrat. do er von d̉er ſwere pruche phat. kom dar nach mit im ſtreit. im waſ fanc*fancnuſſe leit. diu frowe Ginoferre dolte. die er da mit priſe holte. do punierte loteſ ſun. waz mac Melianz nu tuͤn. ern tribe auch daz orſ mit ſporn dar. vil lute nam ir Tioſte war. w̉er hind̉er dem orſ gelege. den d̉er von norwege. Geuellet ~~heueſeue~~het vf die owe. vil manc rit̉er vnde frowe. diſe tioſt erſahen. Gawan ſi priſeſ iahen. den frowen ez guͤt zeſehen waſ. h̉er nid̉er von dem palaſ. daz Meliaganz wart getret. durc ſinen wapenroch gewet. manc orſ daz ſit nie graſ enbeiz. da viel vf in der bluͤtes ſweiz. da ergienc d̉er orſe ſuͤn tac. dar nach den giren ir beiac. do nam d̉er h̉erzoge aſtor. ~~Melianzen~~Meliganzen den von Amor. die heten in nach geuangen. der turnai waſ ergangen. Wer da nach priſe wol rite. vnd nach d̉er wibe lone ſtrite. lat mich ſi wol erchennen. ſolde ich ev ſi alle nennen. ich wurde ein vnmuzic man. innerthalben wart ez guͤt getan. durch die iungen obilot. vnd vzerhalp ein rit̉er rot. die zwen behielten da den priſ vnd vur ſi nieman dehain wiſ. do deſ vzren herſ gaſt. innen wart daz im gebraſt. dienſ dancheſ von dem maiſter ſin. d̉er waſ gevangen hin in. er rait da er ſin chnappen ſach. zvͤ ſim geuangen er do ſprach. IR h̉erren ir gabet mir ſich̉erheit. mir iſt hie wid̉eruarn leit. geuangen iſt d̉er chunc von liz. ch̉eret allen ew̉ern vliz. ob er ledic hie muge ſin. mac er dar an geniezen min. ſprach er zuͤ dem chunge von auetroyn. vnd ſcriuiel von lirauoyn. vnd zuͤ dem h̉erzogen von marangliez. mit ſpehen gelubde er ſi liez. von im riten in die ſtat. Melianzen er ſi loſen bat. od̉er daz ſi im wurben vmb den gral. ſin chunden im zedehaim mal. Gezeigen nind̉er wa er waſ. wan ſin phlac ein kunc d̉er hiez anfortas. Do diſiu rede von im geſhach. d̉er rote rit̉er ab̉er ſprach. ſo vart da pailrapeir ſtet. ob min̉er bete nih erget. bringet d̉er kunginne ew̉er ſich̉erheit. vnd ſagt ir d̉er durch ſi da ſtreit. mit kingrun vnd mit clamide. dem ſinu nach dem grale we. vnd auch wid̉er nach ir minne. nach beiden ich imm̉er ſinne. ſagt ir von mir ich ſande evch dar. ir helde daz evch got bewar. mit vrlaup ſi riten in. do ſprach auch er zuͤ den chnappen ſin. wir ſin gewīnneſ nih v̉erzagt. nemt ſwaz orſ ich hie han beiagt. wan einz lat mir andirre ſtunt. ir ſeht wol daz min iſt wunt. Do ſprachen die chnappen guͤt. Gnade h̉erre daz ir vnſ tuͤt. ew̉er helf ſo grozlich. wir ſin imm̉er rich. er erwelt im einz vf ſin vart. mit den *kurzen orn luzguliart. daz dort von Gawan gienc. innen deſ do er melianzen vienc. da erholz deſ roten riterſ hant. deſ wart durchel ~~etlichich~~ſhilteſ rant. mit vrlaub tuͤt er dannan chere. niunzehen orſ od̉er mere. liez er in ane wunden. die chnappen danchen chunden. vnd baten in beliben vil. vurbaz geſtozen waſ ſin zil. Do ch̉ert d̉er gehiure. da guͤt gemach waſ tiure. ern ſhuchte nih wan ſtriten. ich wen bi ſinen ziten. ie dehain man ſo vil geſtrit. zuht vnd maht im wonte mit. daz v*vzer her alzogeſ reit. ſo daz ez ſtriten gar v̉ermeit. Gein h̉erbergen durc gemach. dort inne d̉er furſte libaut ſprach. vnd fragte wiez da w̉ere chomen. ich wen er hete v̉ernomen. Melianz w̉ere geuangen. daz waſ im liep ergangen. wande ez chom im ſit zetroſte. Gawan den ermel loſte. ane zerren von dem ſhilte. ſinen priſ er hoh̉er zilte. den gab er clauditten. an dem orte im da en mitten. waſ er durchſtochen vnd durch ſlagen. den bat er obiloten tragen. Do wart d̉er meigde freude groz. ir arm waſ planc vnd bloz. dar haft ſi in do ſan. ſi ſprach w̉er hat mir diz getan. imm̉er ſo ſi vur ir ſweſt̉er gie. diu diſen ~~zorn~~ſhinph mit zorne vie. den rit̉ern waſ ruwe not. groz muͤde in daz Gebot. Scurleſ nam Gawan. vnd den grauen lohodeman. dan noch mer rit̉er er da vant. die Gawan mit ſin̉er hant. deſ tageſ vf dem velde vienc. da manc h̉erte ergienc. do ſazte ſi rit̉erliche. d̉er burcgraue riche. er vnde al ſin muͤdiu ſhar. ſtunden vur den chunc gar. vnz daz Melianz enbeiz. gut̉er handelunge er ſich vleiz. Des duhte Gawan zeuil. ob ez ev d̉er chunc erlauben wil. her wirt ſo ſult ir ſizzen. ſprach Gawan mit witzen. ſin zuht in da zuͤ iagete. d̉er wirt die bet v̉erſagete. er ſprach min h̉erre iſt deſ chungeſ man. ediſen dienſt het er getan. ob den chunc deſ gezeme. daz er ſin dienſt neme. min h̉erre ſin durc zuht nih ſhiht. wande er hat ſin̉er hulde niht. Geſanpt die vriuntſhaft imm̉er got. wir laiſten alle ſin gebot. Do ſprach d̉er iunge Melianz. ew̉er triwe diu iſt ſo ganz. die wil daz ich wonte hie. daz mich ew̉er rat nie v̉erlie. het ich ev baz geuolget do. ſo ſehe man mich hiute vro. nu helft mir graue ſchurleſ wande ich ev wol getruwe deſ. vmb minēn h̉errēn der mich hie hat. ſi v̉ernemt wol bede ew̉ern rat. libaut d̉er and̉er vat̉er min. tuͤ ſine zuht an mir ſhin. ich het ſin̉er hulde nih v̉erlorn. wolt ſin toht̉er haben v̉erborn. diu bruͤuet Gein mir torn ſhinph. daz waſ ein ~~vnfrevlich~~vnfrevelich gelimph. Do ſprach d̉er w̉erde Gawan. hie wirt ein ſuͤne getan. die niemen ſhaidet wan d̉er tot. do chom̄en die der rit̉er rot. hin vz het geuangen. vur den chunc gegangen. vnd ſeit wi ez da were chomen. do Gawan hete v̉ernomen. ſinev wapen d̉er mit in da ſtreit. vnd wem ſi gaben ſich̉erheit. vnd do ſim ſeiten vmb den gral. do daht̉er wie parzifal. deſ merſ w̉er ein vrhap. ſin ~~nigel~~nigener gein himel gab. da*daz ir ſtriteſ Gein biet. deſ tages von einand̉er ſhiet. Des waſ ir ellen diu zuht ein phant. daz ir dewed̉er wart gemant. ſin erchande auch nieman da. daz tet man ab̉er and̉erſwa. ze Melianzen ſprach Schurleſ. h̉erre muͤz ich evch biten deſ. ſo ruͤchet auch minen h̉erren ſehen. ſweſ friūnt da bedenthalben iehen. deſ ſult ir g̉erne volgen. vnd ſit im nih erbolgen. daz duht ſi guͤt vb̉er al. do vurn ſi vf deſ furſten ſal. daz inder her von d̉erſtat. libauteſ marſchalc ſi deſ bat. Do nam min her Gawān. den grauen hlohdoman. vnd and̉er ſin geuangen. er chom dar zvͤ gegangen. vnd bat er ſi geben ſich̉erheit. die er deſ tageſ ab in erſtreit. Schureleſ ſinem wirt. maneklich nu nih v̉erbirt. ern chom alſ da geboten waſ. zebeatrotſce vf den palaſ. Melianz gab diu burcgreuin. richev chleid̉er vnd ein riſelin. da er ſinen wunden arm in hienc. diu von Gawanſ Tioſt ergienc. Gawan bi Schurleſ enbot. ſin̉er frowen obilo Daz er ſi g̉erne wolte ſehen. vnd au mit warhait iehen. ſineſ libeſ vnd̉ertan vnd ich well vrlaup han. ſagt ir ich laz ir den chunc hie. bitet ſi gedenchen wie. daz ſi in alſo behalte. daz priſ ir vure walte. deſ antwurte Melianz. er ſprach obilot wirt cranz. all̉er wiplich guͤte. daz ſenftet mir min gemuͤte. daz ich ir ſich̉erhait ſol geben. vnd auch ir vrideſ hie ſol leben. IR ſult ſi da uuͤr haben erchant. ewch vienc hie nieman wan ir hant. ſo ſprach d̉er w̉erde Gawan. priſ ſol ſi eine han. Schurleſ chom vur geriten. nun waſ zehoue nih v̉ermiten. dan w̉er man maget vnd wip. in ſchon̉er varwe ieſlich lip. daz man d̉er cranchen armen wa deſ tageſ hete lihten rat. mit melianz zehoue reit. alle die dort vz ir ſich̉erheit. ze phande heten lazen. dort ellev vierev ſazen. der wirt ſin wip vnde ſine chint. vor Gein den die da nu chomen ſint. Libaut Gein ſinem h̉erren ſpranch. vf dem palaſ waſ ſo groz gedranc. daz er viende vnd vriunt enphienc. Gawan bi Melianzēn Gienc. chunde ez ev nih ~~enphahe~~v̉erſmahen. mit kuſſen evch wolt enphahen. ew̉er altev vriundin. ich main min wip die h̉erzog*h̉erzogin. Melianz antwurt dem wirte ſan. ich wil ir chuſ mit gruze han. viiij. zwaier frowen die ich hie ſihe. d̉er dritten ich ſin nih engihe. deſ wainden die eltren beide do. obilot waſ vaſte vro. Der chunc mit chuſſe enphangen wart. vnd zwen and̉er chunge ane bart. alſo tet d̉er h̉erzoge Maranglieſ. Gawan man chuſſenſ ê nih enliez. vnd er nant im auch ſine ~~frowen~~frawen dar. er druct daz chint wolgeuar. alſ ein tochelin an ſine bruſt. deſ twanc in vriuntlich geluſt. Gawan ze Melianze ſprach. ew̉er hant mir ſich̉erhait v̉eriach. deſ ſit nu ledic vnd geb ſi her. aller min̉er vreuden ~~ger~~wer. ſitzet an dem arme min. d̉er geuangen ſult ir ab̉er ſin. Melianz durc daz dar nah̉er gienc. diu magt Gawan vaſt vnbevienc. obilote da ſich̉erheit geſhac. daz ez manc w̉ert rit̉er geſach. h̉er chunc nu habt dir miſſetan. ſol min rit̉er ſin ein chaufman. deſ mich min ſweſt̉er vil anſtreit. daz ir im iahet ſich̉erheit. ſuſ ſprach diu iunge obilot. Melianze ſi dar nach gebot. daz er ir ſich̉erheit v̉eriehe. diu in ir hānt geſehe. ir ſweſt̉er obion. zein̉er Amyon. ſult ir ſi nemen durc rit̉erſ priſ. zuͤ einem h̉erren vnd zeinem amiſ. ſol ſi evch imm̉er g̉erne han. ich wil evchſ dewed̉erthalp erlan. Got vz der iungen munde ſprach. ir ir bete bedenthalben geſhach. do maiſt̉ert froͮ minne. mit vriuntlichem ſinne. vnd h̉erzenlich̉er triwe. d̉er zwaiᷚer liebe al niwe. zwaier: Buchstabe/Zeichen über i - Bedeutung? Obien hant vur den mantel ſleif. Melianzeſ hant ſi begreif. vnd tructe in an ir roten munt. alda er waſ von d̉er tioſte wunt. manc zaher ir den arm begoz. d̉er von ir liehten augen floz. Daz maht ſi vor d̉er diet ſo balt. daz tet diu minne iunc vnd alt. Libaut nu ſinen willen ſach. wande im ſo liebe nie geſhach. daz in got d̉er ern nih erliez. ſin toht̉er er do frowen hiez. wie diu hochgezit ergienc. deſ vraget den d̉er da gab enphienc. vnd war er manlichen rite. er het gemach od̉er er ſtrit. deſ mach nih ende han. man ſeit mir daz Gawan. nam vrlaup vf dem palaſ. dar er durch vrlaub chomen waſ. daz was Obilot leit. groz weinen ſi nih v̉ermeit. Do ſprach ſi h̉erre ſit ich pin. ew̉er ſo vurt mich mit ev hin. do wart d̉er iungen ſuzzen meit. diu bet von Gauwan v̉erſeit. ir muͤt̉er ſi chum von im gebrach. vrlaup er do zuͤ in allen ſparah. libaut im danchte genuͤc. wande er im holdez h̉erze truͤc. Schurleſ ſin ſtolz̉er wirt. mit allen den ſinen nih v̉erbirt. ern rit vz mit dem degen balt. Gawanſ ſtraze in einen walt. gienc dar ſand̉er waideman. vnd ſpiſe v̉erre mit in dan. vrlaup nam d̉er w̉erde helt. Gawan gein chunb̉er waſ v̉erſelt. Aventiw̉er wie Gawan vor bearotſch Melyānz geſiget an vnd hinz Schachtelmarvail chom Sw̉er waſ ze bearoche chomen. doch het Gawan da Genomen. den priſ zebeid̉er ſit alein. wan daz da vor ein rot̉er rit̉er ſhein. bi roten wapen vnbechant. den priſ man in die hohe bant. Gawan het ere vnd heil ietdwed̉erſ vollechlichen teil. nu nahet auch ſin chanpheſ zit. d̉er walt waſ lanc vnd wit. dar durch er muſte ſtrichen. wolt er chanpheſ nih entwichen. Ane ſhulde er dar zvͤ waſ erchorn. nu waſ auch ingliart v̉erlorn. ſin orſ mit den churzen orn. in tanbrump von morn. wart nie bezzer orſ geſprenget. nu wart d̉er walt gemenget. hie ein ſla dort ein velt. etſlich ſo breit daz ein gezelt. vil chume druf geſtunde. mit ſehen gwan er chunde. erbuͤwen landeſ daz hiez aſchalûn. do vragt er gein ſhanphazun. ſwaz im volcheſ wid̉ervuͤr. hochgebirge vnd manic muͤr. deſ het er vil durc ſtrichen dar. do nam er ein̉er burge war. Avoy diu diu gap vil w̉erden glaſt. do kert er gein deſ landeſ gaſt. Nu horet von auentvvre ſagen. vnd helfet mir dar vnd̉er chlagen. Gawanſ grozzen chunb̉er. min wiſ̉er vnd min tunber. die tuͤnz durc ir geſellecheit. vnd lazenz in mit mir weſen leit. owe nu ſolt ich ſwigen nein nu lat fubaz ſeigen. dem etſwenne geluche neich. vnd nu Gein vngemache ſeich. diſiu burc waſ geheret ſo. daz eneaſ kartago. nie ſo h̉erlichen vant. da froͮen Tidone tot waſ minne phant. waſ ſi palaſ phlege. vnd wie vil da tvvrne lege. ir het agraton genuͤc. die ein babilonie nie getruͤc An dem griffe die hoſten wite. an haiden worte ſtrite. ſi waſ alvmbe wol ſo hoch. vnd da ſi gein dem mer gezoch. dehain ſturm ſi wid̉erſaz. vnd grozzen vngefugen haz. da vor lac raſte breit ein plan. dar vb̉er reit h̉er Gawan. vunfhun rit̉er od̉er m̉er. ob den allen waſ ein̉er h̉er. die bechomen im alle wid̉erriten. mit liehten chleid̉ern wol geſniten. Alſ mir diu auenture ſagete. ir ved̉erſpil da iagete. einen chranch od̉er ſwaz vor im da vloͤch. ein roſ von ſpange hoch. rait d̉er chunc v̉ergulaht. ſin plich waſ tac Gein d̉er naht. ſin geſlehte ſande mazadan. vur den b̉erc feimurgan. ſin art waſ von d̉er fain. in duht er ſehe den maien. in reht̉er zit von pluͤmen gar. ſw̉er nam deſ chungeſ varwe war. Gawan deſ beduhte. do d̉er chunc ſo Gein im luhte. ez w̉er d̉er and̉er parzifal. vnd daz er Gahmureteſ mal. Het alſ ich diz mere weiz. do der raitter in zechanfoleiz. ein rag̉er tet durch fluht entweic. in einen muͤrigen dich. den brahten ~~valſchen~~valchen dar gehurt. d̉er kunc ſuchte vnrehte vuͤrt. in valken hilfe wart er naz. ſin orſ v̉erloſ er vmbe daz. dar zvͤ allev diu chleid̉er ſin. doch ſhiet er valchen von ir pin. daz namen die valchenere. ob daz ir reht iht w̉ere. ez waſ ir reht ſi ſoltanſ han. man muͤſt auch ſi birehte lan. En and̉er orſ man im do leich. deſ ſinen er ſich gar v̉erzech. man hienc auch and̉er cleit an in. daz waſ d̉er valkenere gewin. hie chom Gawan zuͤ geriten. Auoy nu wart da nih v̉ermiten. ern wurde da baz enphangen. dann ze karidol w̉er ergangen. erecheſ enphahen. do er begunde nahen. Artuſe nach ſinem ſtrite. vnd do froͮ enite. ſin̉er vreuden waſ ein Conduwiͤr. ſit irz maledizier. daz getwerc vnſanfte brach. mit d̉er Gaiſlen daz ez Ginoủer ſach. Vnd do ze tulmei ein ſtrit. ergienc in einem craize wit. vmb den ſparw̉ere. id̉er filnot d̉er mere. vmb ſin ſich̉erheit bot. er muſt ſi im bieten vur den tot. die rede lat ſin vnd horet auch hie. ich wen ſo gevriſhet ir nie. w̉erd̉ern anphanc noch gruz. Awe deſ wirt vnſanfte buͤz. deſ w̉erden loteſ chinde. ratet irz ich erwinde. vnd ſag ev vurbaz nih mere. durch truren tuͤn ich wid̉erchere. Doch v̉ernemt durc ew̉er guͤte. wie ein lut̉er gemuͤte. fromd̉er valchſ gefrumt̉er truͤbe. ob ich ev vurbaz vͦbe. diz mere mit reht̉er ſage. ſo chomet ir ſin mit mir in clage. do ſprach d̉er chunc virgulath. h̉erre ich han mich deſ bedaht. ir ſult riten dort hin in. mac ez mit ew̉ern hulden ſin. ich ſprich ev hie geſellecheit. iſt ab̉er ev min vurbaz riten leit. ich ſag ev ſwaz ich zeſafen han. do ſprach d̉er w̉erde Gawan. Herre ſwaz ir gebietet. billich ir evch deſ nietet. daz iſt auch ane minen zorn. mit gutem willen gar v̉erchorn. do ſparach d̉er kunc von aſcalun. h̉erre ir ſeht wol ſanphanzuͤn. da iſt min ſweſt̉er vf ein magt. ſwaz munt von ſhone noch hat geſagt. deſ hat ſi vollechlichen teil. welt irz nu bruuen vur ein heil. deſwar ſo muͤz ſi ſich bewegen. daz ſi ew̉er vnz an mich nu phlege. ich chum ev ſhier dann ich ſol. oͮch erbit ir min vil wol. Geſehet ir die ſweſt̉er min. irn ruͦchet wolt ich noch leng̉er ſin. Ich ſich evch g̉erne alſo tuͤt ſi. doch habent mich groze frowen ie. ir w̉erden handelunge erlan. ſuſ ſparach der ſtolze Gawan. d̉er chunc ſande einen rit̉er dar. vnd enbot d̉er meigde daz ſi ſin war. ſo neme daz lange wile. in duht ein churzewile. Gawan vuͤr dar da der chunc Gebot. welt ir noch ſwigen grozz̉er not. nein ich ich wil ſev vurbaz ſagen. ſtraz vnd ein pherit begunde tragen. Gawan Gein d̉er porte. an deſ palaſ orte. Sw̉er buwenſ ie begunde. baz dann ich ſprechen chunde. von diſſe buweſ veſte. da lac ein burc beſte. diu ie genant wart ir ſtift. vnmazen wit ir begrift. d̉er burge lop ſuln wir nu lan. wand ich ev vil zeſagen han. von deſ chungeſ ſweſt̉er ein̉er magt. hie iſt von buwe vil geſagt. die bruͤve ich reht alſ ich ſol. waſ ſi ſchoͤn daz ſtuͤnt ir wol. vnd het ſi dar zuͤ rehten muͤt. daz waſ an w̉erdechait ir guͤt. ſo daz ir ſit vnd ir ſin. gelich waſ der margreuin. Diu diche von dem haitſtain. vb̉er all diu march liehter ſhain. wol im d̉er ez haimlich an ir. ſol bruͤuen daz gelaubet mir. der vindet churze wile da. bezz̉er dann and̉erſwa. ich mach deſ wol von frowen iehen. alſ mir diu augen chunnen ſpehen. ſwar ich die rede cher zegute. diu bedarf wol zuhte huͤte. nu hort die Auenture. d̉er getrive vnd d̉er gehure. Ichn ruchte vmb die vntriwen. mit durchelen riwen. hab ſi alle ir ſelecheit v̉erlorn. deſ muͤz ir ſele liden zorn. vf den hof dort vur den palaſ reit. Gawan Gein d̉er geſellecheit. alſ in d̉er d̉er chunc ſande. der ſich ſelben an im ſhande. ein rit̉er d̉er in brahte dar. in brahte da ſaz wol geuar. Antigonia diu chungin. ſol wiplich ere ſin gewin. deſ chaufeſ het ſi vil gephlegen. vnd alleſ valſcheſ ſich bewegen. da mit ir chuſſe priſ erwarp. owe daz ſo vruͤ erſtarp. von veldechin d̉er wiſe man. d̉er chunde ſi baz gelobet han. Do Gawan die magt erſhach. d̉er bote Gie nah̉er vnd ſprach. al daz d̉er chunc w̉erben hiez. diu chunginne do niht enliez. ſi ſprach h̉erre Get nah̉er mir. min̉er zuhte maiſt̉er daz ſit ir. nu gebietet vnd leret. wirt ev churzewil gemeret. daz muͤz an ew̉erm gebote ſin. ſit daz ev d̉er bruͤd̉er min. mir beuolhen hat ſo wol. ich chuſte evch ob ich chuſſen ſol. nu gebietet nach ew̉ern mazen min tuͤn vnd min lazen. Mit grozz̉er zuht ſi vor im ſtuͤnt. er ſprach frowe ew̉er munt. iſt ſo kuſlich getan. ich ſol ew̉ern chuſ mit gruze han. ir munt waſ diche haiz vnd rot. dar an Gawan den ſinen bot. da ergienc ein chauf vngaſtechlich. zuͤ der meigde zuhten rich. ſaz d̉er wol geborne gaſt. ſuzzer rede im nie ge braſt. bedenthalp mit triwen. ſi chunden wol geniwen. er ſine bet ſi ir v̉erſagen. daz begund̉er h̉erzenlichen chlagen. Auch bat er ſi gnaden vil. adiu magt ſprach alſ ich nu ſagen wil. Herre ſit ir anderſ cluͤc. ſo mac dunchen evch genuͤc. ich erbiut evz durc minſ brud̉er bet. daz ez anpholiza Gahmuret. minem ohaim nie ſo wol erbot. ân bi ligen min triwe ein lot. an dem orte rehte wege. d̉er vnſ *wegenſ ze rehte phlege. vnd ich weiz doch h̉erre w̉er ir ſit. doch ir anſo kurzer zit. w̉erlt min minne han. do ſprach d̉er w̉erde Gawan. mich l̉erte min muͤt̉er chundic ſin. ich ſagev frowe w̉er ich bin. Min̉er baſen bruͤd̉er ſun. welt ir mir Genade tuͤn. daz lazet nih durc min art. diu iſt Gein d̉er ew̉ern ſo bewart. daz ſi bede algeliche ſtent. vnd in reht̉er maze gent. ein magt begunde in ſhenchen. dar nach ſhier von in wenchen. mer frowen dannoch da ſazen. die auc deſ nih vergazen. ſin giengen vnd ſuffen vmb ir phlege. oͮch waſ d̉er rit̉er von dem wege. d̉er in dar brahte. Gawan deſ gedahte. do ſi alle von im chomen vz. daz diche den grozen ſtruͤz. vahet ein vil cranch̉er ar. er greif ir vnd̉er den mantel dar. Ich wen er ruͤrte ir huffelin. deſ wart Gemeret ſin pin. von d̉er liebe ſolhe not gewan. beidiu ~~wip~~magt vn̄d man. daz da nach waſ ein dinc geſhehen hetez vbel auge nih geſehen. deſ willen ſi warn beidiu berait. nu ſeht do nahet in h̉erzelait. ez gie in zuͤ d̉er tuͤr alda. ein rit̉er blanc wande er waſ gra. in waphen haiz er nande. Gawan er do bechande. d*da bi er diche lute ſrei. Awe vnd haia hei. Minſ h̉erren den ir ſluget. daz evch deſ nih genuget. irnozoget im ſin toht̉er hie. dem waphenhaiz man volget ie. d̉er ſelbe ſit alda geſhach. Gawan zuͤ d̉er iuncfrowen ſparach. frowe nu gebt ew̉ern rat. vnſ̉er dewed̉erz nih vil w̉er hie hat. er ſprach wan het ich doch min ſw̉ert. do ſprach diu iuncfrowe w̉ert. wir ſuln vnſ zew̉er ziehen. vf einen turn ziehen. d̉er bi d̉er kemnaten dort ſtet. Genedechlichen ez liht erget. hie d̉er rit̉er dort d̉er kaufman. diu iuncfrowe erhorte ſan. Min pouel chumt vz d̉er ſtat. mit Gawan ſi Gein dem tvvrne trat. ir vriunt muͤſte chunb̉er liden. ſi bat ſiz diche miden. ir cradem vnd ir doz waſ ſo. daz ez ir dehain̉er maht gehorn do. durc ſtrit ſi Giengen Gein d̉er tur. Gawan ſtunt zew̉er h̉er vur. ir ingen er bewarte. ein rigel d̉er den tvvrn ſparte. den zuct̉er vz d̉er mure. ſin arge nahgebure. entwichen im diche mit d̉er ſhar. diu chunginne lief h̉er vnd dar. ob vf dem tvvrn iht w̉er zew̉er. Gein diſen vngetriwem h̉ere. Do vant diu iunge reine. ein ſhazabel geſteine. vnd ein bret wol wit. daz braht ſi Gawan in den ſtrit. an einem iſenim ringge ez hienc. da bi ez Gawan geuienc. vf diſem vierekken ſhilt. waſ ſhahzabel vil geſpilt. d̉er waſ im ſer zerhawen. nu hort auch von d̉er frowen. ez w̉er kunec od̉er roch. daz warf ſi Gein den viͤnden doch. ez waſ waſ grôz vnd ſwere. man ſaget von ir daz mere. Swem da erraichte ir wurfeſ ſwanc. d̉er ſtruhte ân ſinen danc. diu kunginne riche. ſtrait da rit̉erliche. bi Gawan ſi zew̉er ſhain. daz diu kofwip zetolenſtein. and̉er vaſnaht nie baz geſtriten. wande ſi tuͤnt ez von Ganpel ſiten. vnd muͤnt an not ir lip. ſwa harnaiſch ramec wirt ein wip. diu hat ir rehteſ v̉ergezzen. ſol man ir chuͤſte mezzen. ſin tuͤz dan durc triwe. Anticonien riwe. Wart zeſhanphanzuͤn erzeiget. vnd ir hoh̉er muͤt geneiget. in ſtrit ſi ſere wainde. wol ſi daz beſhainde. daz vriuntlich liebe iſt ſtete. waz Gawan da tete. ſwenn im diu muͤze Geſhach. daz Gawain die magt reht erſach. ir munt ir augen ir naſen. baz geſhichet an ſpizze haſen. ich wen den Geſaht ir nie. denn ſi waſ dort vnd hie. zwiſhen d̉er huf vnd d̉er bruſt. minne g̉ernd̉er Geluſt. chund ir lip vil wol geraizen. ir geſahet nie Amaizen. die bezz̉er gelencheſ phlac. dann ſi waſ da ir d̉er Gurtel lac. Daz Gab ir geſellen. Gawan manlich ellen. ſi rûrte mit im in d̉er not. ſin benandez Giſel waſ d̉er tot. vnd and̉erſ dehain gedinge. Gawan wac vil ringe. viende haz ſwenn er die magt erchoſ. daz von ir vil den lip v̉erloſ. do chom d̉er kunc virgulaht. der ſach die ſtritliche maht. Gein Gawan Criegen. ich wolt evch danne triegen. ſon mach ich in nih beſhoͤnen. er wil ſich ſelben honen. An ſinem w̉erdem gaſte. d̉er ſtuͤnt zew̉er al vaſte. do tet d̉er wirt ſelbe ſhin. daz mich riwet Candin. d̉er chunc von ~~anſchoe~~anſchove. daz ein ſo w̉erdeu frowe. ſin toht̉er ie den ſun gebar. d̉er mit vngetiriw̉er ſhar. ſin volc bat ſtriten. Gawan muͤſte biten. vnz d̉er chunc gewappent wart. der huͤb ſich balde an ſtriteſ vart. Gawan muͤſt entwichen. doch vnlaſt̉erlichen. Vnd̉er deſ turnſ tuͤr er wart getan. nu ſeht do chom d̉er ſelbe man. d̉er in chamflich an ſprach. vor artuſe daz geſhach. d̉er lantgraue kingrimurſel. Gram durc ſwart vnd durc vel. durc Gawanſ not ſin hende er want. wande deſ waſ ſin triwe phant. daz er ſolde da haben vride. ezn w̉er daz einſ manneſ lide. in in kamphe twungen. die alten vnd die iungen. traip er von dem tvvrne wid̉er. den hiez d̉er chunc brechen nid̉er. Kingrimurſel do ſprach. hin vf da er Gawan ſach. helt gip mir vride zvͤ dir hin in. ich wil geſellechlichen pin. mit dir han in diſ̉er not. mich muͤz d̉er kunc ſlahen tot. od̉er ich behalte dir din leben. Gawan begunde den fride geben. d̉er lantgraue ſpranc zvͤ im dar. deſ zwiuelte diu vzer ſhar. er waſ auch burgraue da. ſi w̉ern iunc od̉er Gra. die bluctan an ir ſtrite. Gawan chom an die wite. alſ tet auch kingrimurſel. Gein ellen ſi bede warn ſnel. Der chunc mānt die ſine. wie lange ſuln wir pine. von diſen zwain mannen phlegen. minſ vet̉ern ſun hat ſich bewegen. er wil erneren diſen man. d̉er vnſ den ſhaden hat getan. den er billi chen reche. ob im ellenſ nih gebreche. genuͤge denſ ir triwe iach. kurn ein d̉er zoͮ dem kunge ſprach. h̉erre ſuln wir ez ev ſagen d̉er lantgraue iſt vnerſlagen. hie von mang̉er hende. Got evch von ſite wende. die man ev v̉eruahe baz. w̉erltlich priſ ev ſinen haz. Tailt ſlaht ir ew̉ern gaſt. ir ladet vf evch d̉er ſhanden laſt. So iſt d̉er and̉er ew̉er mac. in deſ gelaite ir ew̉ern bâc. hebet daz ſult ir lazen. ir ſit da von v̉erwazen. nu gept vnſ einen vride h̉er. die wil dirre tac w̉er. d̉er vride ſi auch diſe naht. weſ ir euch darvmbe habt v̉erdaht. daz ſtet dannoch ze ew̉err hant. ir ſit gebriſet od̉er geſhant. min frowe anticonie. vor valſheit gar diu vrie. dort alweinunde bi in ſtet. ob ev daz nih ze h̉erzen get. Sit evch bede ein mut̉er truͤc. ſo denchet h̉erre ob ir ſit chluͤc. ir ſandet in d̉er meide h̉er. w̉er nieman ſinſ geleiteſ w̉er. er ſolt doch durc ſi geneſen. d̉er chunc liez einen vride weſen. vnz er ſich baz beſpreche. wier ſin̉er vat̉er reche. vnſhuldic waſ h̉er Gawan. ez het ein and̉er man getan. wan d̉er ſtolze hekunat. eine lanzen durc in l̉erte phat. do er iofride fizidol. fuͤrte Gein barbidol. Den er bi Gawan vienc. durc den diſiu not ergienc. do d̉er vride wart getan. daz volch gie von ſtrite ſan. mannechlich zeder herb̉erge ſin. Anticonia diu chungin. ir vet̉ern ſun vaſte vmb vienc. manec kuſ an ſinen munt ergienc. daz er Gawan het ernert. vnd ſich ſelben het vntat erw̉ert. ſi ſprach du biſt minſ vet̉ern ſun. du chanſt durc nieman miſſetuͤn. Welt ir nu horet ich tuͤn ev chunt. wa uon ê ſprach min munt. daz lut̉er gemuͤte getruͤbet wart. Gunert ſi deſ ſtriteſ vart. die zeſhanpanzuͤn d̉er virgulaht. wande daz waſ im nih geſlah. von vat̉er noch von mut̉er. d̉er iunge man vil guͤt̉er. von ſham lait grozen pin. do ſin ſweſt̉er diu chungin. in begunde vehen. man hort in ſere vlehen. do ſprach diu iunge frowe w̉ert. h̉er virgulaht truͤg ich daz ſw̉ert. vnd w̉er von goteſ amp ein man. daz ich ſhilteſ ampt ſolde han. ew̉er ſtrit w̉er hie gar v̉erdagt. do waſ ich an w̉er ein maget. an daz ich doch truͤc ein ſhilt. vf den iſt w̉erdechait gezilt. Des wappen wil ich nennen. ob ir ruchet diu bechennen. Guͤte geb̉erde vnd chiuſche ſit. den zwain wonten vil ſtete mit. den bot ich vurden rit̉er min. den ir mir ſandet da h̉er in. And̉erſ ſch̉ermeſ het ich nih. ſwa man evch nu bi wandel ſiht. ir habt doch an mir miſſetan. ob wiplich kuͤſch ir reht ſol han. ich hort ie ſagen ſwa ez ſich ſo gezoch. daz man zuͤ wibeſ ſh̉erm ie vloͤch. da ſolt ellenthaftez iagen. an ſinem ſtrit gar v̉erzagen. ob da w̉er manlich zuht. h̉er virgaluht ew̉erſ gaſteſ vluht. die er Gein mir tet durch den tot. lert ew̉ern priſ noch laſt̉erſ not. Kingrimurſel do ſprach h̉erre vf ew̉ern troſt daz geſhach. daz ich den h̉erren Gawan. vf dem plimizoleſ plan. gab vride in ew̉er lant. ew̉er ſich̉erheit waſ phant. ob in ſin ellen truge her. daz ich deſ vur evch wer gew̉er. in beſtuͤnde hie nih wan ein man. h̉erre da bin ich gecrenchet an. hie ſehen min genozen zuͤ. diz laſt̉er iſt vnſ gar zefruͤ. kunnet ir nih furſten ſhonen. wir crenchen auch die cronen. ſol man mich bi zuhten ſehen. ſo muͤz mir ew̉er zuht deſ v̉eriehen. daz diu ſippe raichet ab ev an mich. w̉er daz ein chebblich̉er ſhlich. min halb ſwa vnſ diu wirt bezilt. ir gahen Gein mir bevilt. wande ich bin ein rit̉er doch. an dem valſch wart vunden noch. Ocͮh ſol min priſ erw̉erben. daz ez ane erſterben. deſ ich vil wol getruwe got. deſ ſi min ſelde Gein im min bot. doch ſwa ditze mere wirt v̉ernomen. daz artuſeſ ſweſter ſun her ſi chomen. in mim gelaite. vf ſhapanzuͤn. ez ſi franzoyſ od̉er pritun. bruvenzal od̉er burgonoyſ. Galician od̉er von portunoyſ. erhoret die Gawanſ not. han ich priſ d̉er iſt danne tot. mit vrumpt ſi angeſlich̉er ſtrit. engez lop vnd laſt̉er wit. daz ſol mir vreude wenden. vnd mich vf ere phenden. Do diſev rede waſ getan. do ſtuͤnt ein deſ chungeſ man. d̉er waſ gehaizen lidamuſ. kiot nent in ſelb ſuſ. den ſin chunſt nih erliez. kiot lat ſcutuhiez. ern ſunge vnd ſpreche ſo. deſ genuͦge w̉ern vroͤ. hiot iſt ein b*bruuenzal. d̉er diſe auenture von parzifal. haidniſch geſriben ſach. ſwaz er in fronzoyſ geſparach. pin ich nih d̉er witze laz. daz ſag ich tuſhen vurbaz. Do ſprach d̉er furſte lidamuſ. waz ſolt d̉er in minſ h̉erren huſ. der im ſin̉er vat̉er ſluͤc. vnd daz laſt̉er im ſo nahen Truͤc. iſt mim h̉erren w̉er bechant. ez richet alhie ſin ſelbeſ hant. ſo gelt den tot ein and̉er tot. ich wen gelich ſi diſiu not. nu ſehet wie Gawan do ſtuͤnt. alreſt waſ im angeſ chunt. do ſprach kingirimurſel. ſw̉er mit rede w̉er ſo ſnel. d̉er ſolt auch Gahen in den ſtrit. ir hapt gedrenge od̉er wit. Man mac ſich ev vil lihte erwern. h̉er lidamuſ vil wol er nern. truͤ ich hin ſwaz er ev hete getan ir liezez vnerrochen. ir habt evch gar v̉erſprochen. man ſol ev wol gelauben. daz ev niemanſ oͮge. ſach ze vordreſt da man ſtreit. ev waſ ie ſtrit wol ſo leit. daz ir d̉er fluht begundet. dannoch ir da mer chunnet. ſwa man ie Gein ſtrite dranc. da tat ir wibeſ wid̉erwanc. ſwelh chunc ſich lat an ew̉ern rat. vil ~~thwedrheſ~~thwerheſ im diu crone ſtat. Hie w̉er von minen handen in creize beſtanden. Gawan d̉er ellenthaft̉er degen. deſ het ich mich Gein im bewegen. daz d̉er chanph w̉er alhie getan. wolt ſin d̉er kunc geſtatet han. d̉er treit mit ſunden minen haz. ich getruwet im ander dinge baz. her Gawan lopt mir h̉er vur war. daz ir von hiute vb̉er ein iar. mir zegegen rede geſtet. *Ze champhe ob ez ſo hie erget. daz ev min h̉erre lat daz leben. da wirt ev chanpf von mir gigeben. ich ſprach evch an zuͤ dem plimizol. nu ſi champh zebarbigol. Vor dem chunge Melianze. d̉er ſorgen ze einem cranze. trag ich vnz vf daz degdinc. daz ich gein ev chum in den rinc. da ſol mir ſorgen tuͤn bechant. ew̉er w̉erlichev hant. Gawan d̉er ellenſriche. bot Gezogenliche. nah dirre bet ſich̉erheit. do waſ mit rede al da bereit. d̉er h̉erzoge lidamuſ. begunde auch ſin̉er rede ſuſ. mit ſpelichen worten. al da ſiz alle horten. er ſprach wan im waſ ſprechēnſ zit. ſwa ich chum zuͤ dem ſtrit. han ich da vehtenſ phlihte. od̉er fluht mit vngeſhihte. Bin ich v̉erzagelich ein zage. od̉er ob ich priſ al da beiage. h̉er lantgraue deſ danchet ir. alſ ir gebruͤuen chunt an mir. enpha ich nimm̉er ew̉ern ſolt. ich bin idoch mir ſelb̉er holt. do ſprach der riche lidamuſ. welt ir ſin h̉er turnuſ. ſo lat mich ſin h̉er tanzeſ. vnd ſtrafet ir wizzet weſ. vnd heuet evch ſo groze. ob ir vurſten min̉er genoze. d̉er eltiſt vn̄d d̉er hohiſte pirt. ich bin auch landeſ h̉erre vnd landeſ wirt. Ich han in Galicia. beidev hie vnd da. mange burc vnz an vedrun. ſwaz ir vn ieglich pritun. mir da zeſhaden mugt Getuͤn. ich gevlohne nimm̉er vor ev huͤn. er iſt von pritune chomen. Gein dem ir champh habt genomen. nu rechet h̉erren vnde mac. mich ſol v̉ergen ew̉er bac. ew̉ern vet̉ern ir wart ſin man. ſw̉er dem ſin leben an gewan. da rechet irz ich tet im nih. ich wen auch mir deſ iemen giht. ewern vet̉ern ſol ich wol v̉erclagen. ſin ſuͦn die crone nach im ſol tragen. d̉er iſt mir ze h̉erren hoch genuͤc. diu chungin furdamuſ in truͤc. Sin vat̉er waſ chingirigriſin. ſin en d̉er chunc candin. ich wil evch al beſhaiden deſ. Gahmuret vn Galoeſ. ſin ohaim warn. ich well ſin den g̉erne varn. ich moht mit ern von ſin̉er hant. mit vanen enphahen minev lant. ſw̉er vehten welle d̉er tuͤ daz. bin ich Gein dem ſtrite laz. ich fraiſch idoch diu mere wol. ſw̉er mit priſ ſtrit da behol. deſ danchent im diu ſtolzen wip ich wil durc niemen minen lip. v̉erlaiten in ſo ſharphen pin. waz wolfarteſ ſolde ich ſin. mir iſt Gein ſtrite d̉er wec v̉erhabt. Gein vehten gar v̉ergrapt. wurdet ir mir ſin nimm̉er holt. ich tet ê alſ ruͦmolt. d̉er chunc Gunth̉ern riet. do er von wormze Gein den hunen ſchiet. er bat in lange ſniten ban. vnd in einem kezle vmbe tran. Der lantgraue ellenſ riche. ſprach ir redet dem geliche. alſ mang̉er waiz an ev vur war. ew̉er zit vnde ew̉er iar. ir ratet mir dar ich wolde doch. vnd ſprechet ir tetet alſ riet ein choch. den chuͤnen nibelungen. die ich ſihe vnbetwungen. vz hawen da man an in rach. daz ſifrit da vor geſhach. mich muͤz h̉er Gawan ſlahen tot. od̉er ich gelerne rache not. Deſ volge ich ſprach lidamuſ. wan ſwaz ſin ohaim artuſ. hat vnd d̉er von india. der mirz hie gebe alſ ſiz habent da. vn̄d mirz ledechlichen brehte. ich liez ez ê ich vehte. nu behaltet priſ deſ man ev giht. Segremorſ enbin ich niht. den man durc vehten binden muͤz. ich erwirbe ſuſ wol chungeſ gruͤz. ~~ſin becche~~ſi becche nie ſw̉ert gezoch. er waſ ie da man vloch. doch muͤz man in vlehen. groze gabe vnd ſtarchen lehen. enphie er von ermenrich genuͤc. nie ſw̉ert er durc den helm ſluͤc. Mir wirt v̉erſh̉ertet nimm̉er vel. durc evch h̉er kingrimurſel. deſ han ich mich Gein ev bedaht. do ſprach d̉er chunc virgulaht. ſwiget ew̉er wehſel mere. ez iſt mir von ev beiden ſwere. daz ir d̉er worte ſit vri. ich pin ev al zenahen bi. ze ſuſgetanem gebrehte. ez ſtet mir noch ev nih rehte. diz waſ vf dem palaſ. da ſin ſweſt̉er chomen waſ. bi d̉er ſtuͤnt h̉er Gawan. vnd and̉er manc w̉erd̉er man. d̉er chunc ſprach zvͤ d̉er ſweſt̉er ſin. nu nim den geſellen din. Vnd den langrauen zuͤ dir. die mir guteſ gunnen die gien zuͤ mir. vnd raten mir daz wegeſt waz ich tuͤ. ſi ſprach da ker din triwe zuͤ. nu get d̉er chunc an ſinen rat. diu chungin genomen hat. ir vet̉ern ſun vnd ir gaſt. daz dritte waſ d̉er ſorgen laſt. an alle miſſewende. nam ſi Gawan bi d̉er hende. vnd furt in da ſi wolt weſen. ſi ſprach w̉ert ir nih ge*geneſen. deſ heten ſhaden ellev lant. an d̉er chunginne hant. gie d̉er w̉erde loteſ ſuͦn. er moht ez oͮch do vil g̉erne tuͤn. In die kemenaten ſan. gie diu chunginne vnd die zwene man. von den andren belaip ſi lere. waſ deſ phlagen kamerere. wan vil klarev iuncfrowelin. die vil dort mugen ſin. diu chungin mit zuhten phlac. Gawanſ d̉er ir ze h̉erzen lac. da waſ d̉er lantgraue mit. d̉er ſhiet ſich nind̉er von dem ſite. do ſorget vil diu ſhone magt. vmb Gawan iſt mir geſagt. ſuſ warn die zwene da inne. bi d̉er ſhonen chuneginne. vnz d̉er tac liez ſinen ſtrit. diu naht chom ez waſ ezzenſ zit. Moraz win lut̉ertrānc. brahten iuncfrowen da enmitten chranc. vnd and̉er gute ſpiſe. vaſan parturiſe. Guͤte viſhe vnd blanchev waſtel. Gawan vnd kingrimurſel. waren chomen vz grozz̉er not. ſit ez diu kunginne gebot. ſi azen alſ ſi ſolten. vnd and̉er die ſin nih wolten. Anticonia in ſelbe ſneit. daz waſ durc zuht in beden leit. ſwaz man da chind̉er ſenchen ſach. ir deheim diu hoſneſtel brach. Iz warn meide alſ vorn d̉er zit. dem man diu beſten iar git. ich bin deſ vnervaret. heten ſi geſharet. alſ ein valke ſin geuid̉ere. da red ich nih wid̉ere. nu horet ê ſich d̉er rat geſhiet. waz man deſ landeſ chunge chunge riet. die wiſen het er zuͤ zim genomen. an ſinen rat die warn chomen. etſlich̉er ſinen willen ſparach. alſ im ſin beſt̉er ſin v̉eriach. do mazen ſiz an mange ſtat. d̉er chunc ſine rede auch horen bat. eR ſprach ez wart mit mir geſtriten. ich chom durc Auentvvr geriten. in daz foraſ lantampriſ. eim rit̉er al ze hoh̉er priſ. in dirre wochen an mir geſhach. wande er mich flugelingen ſtac. hind̉er daz orſe ſund̉er twal. er twanc mich deſ daz ich den gral. Gelopt im zerw̉erben. ſolde ich nu drumbe ſterben. ſo muͤz ich leiſten ſich̉erheit die ſin hant an mir erſtreit. nu ratet drumbe deſ iſt not. min bezer ſhilt waſ vur den tot. daz ich darvmbe bot min hant. alſ ev min rede nu iſt bechant. ER iſt manlich vnde ellenſriche her. d̉er helt gebot mir dannoch mer. daz ich an argen liſt. iner iarſ vriſt. ob ich erwurb deſ graleſ niht. daz ich ir chome d̉er man da giht. d̉er crone zepailrapeir. ir vat̉er haizt der chunc Tanpantaier. ſwenne ſin min vͦge an ſehe. daz ich ir ſich̉erhait iehe. ern bot ir ob ſi dehte an in. daz w̉er an vreuden ſin gewin. vnde er w̉ere d̉er ſi loſt ê. von dem chunge chlamide. Do ſi die rede hortan ſuſ. do ſprach ab̉er lidamuſ. mit dirre h̉erren vrlaub ich nuͤ. ſprich auch raten ſi dar zvͤ. ſweſ evch dort twanc d̉er eine man. deſ ſi phant hie her Gawan. deſ ved̉er ſlagt vf ew̉ern chloben. bitet in ev vor vnſ allen loben. daz er ev den Gral gewinne. lat in mit gut̉er minne. von ev hinnan riten. vnd nach dem Grale ſtiriten die ſhande wir alle muſten chlagen. wurd er in ew̉erm huſe erſlagen. nu v̉ergept im ſine ſhulde. durch ew̉err ſweſt̉er hulde. ER hat hie erliten groze not. vnd muͤz nu riten in den tot. ſwaz erdan vmbeſlagen hat ~~damer~~daz mer. ſon lac nie huſ ſo wol zew̉er. alſ muntſhaluaſce ſwa diu ſtet. von ſtrite ruher wec dar get. bi ſinem gemache in hinaht lat. morgen ſaget im den rat. deſ volgten im al die ratgeben. ſuſ behielt h̉er Gawan daz leben. man phlac deſ heldeſ vnủerzagt. deſ nahteſ da wart mir geſagt. daz hart guͤt waſ ſin gemach. do man den mitten morgen ſah. vnd man meſſe geſanc. vf dem palaſ waſ groz gedranc. Von pouel vnd von w̉erd̉er diet. d̉er chunnec tet alſ man ime riet. er hiez Gawan bringen. den wolter nihteſ twingen. wan alſ ir ſelbe habt gehort. nu ſehet wa in brahte dort. Anticonia diu wol geuar. ir vet̉ern ſun chom mit ir dar. vnd and̉er gnuͦge deſ chungeſ man. diu kungin nam h̉er Gawan. vnd furt in vur den chunc an ir hende. ein ſapel waſ ir gebende. ir munde die bluͦmen namen den priſ. vf dem haubet dehain wiſ. Sunt da bluͦmen alſ rot. ſwem ſi Guͤtlich ir chuſſen bot. deſ muͤſte ſwenden ſich der walt. mit manger Tioſt vngezalt. mit lob wir ſolden gruͤzen. die kuͤſhen vnd die ſuͤzen. Anticonien. die vor valſheit vrien. ſi lebete in ſolhen ſiten. daz nind̉er waſ vnd̉erriten. ir priſ mit valſchen worten. alle die priſ Gehorten. etſlich p munt ir wunſhte do. daz ir priſ belibe alſo. bewart vor valſh̉er truͤbe gehen. lut̉er virrec alſ valchen ſehen. Waz balſchem maz ich ſtet an ir. daz riet ir w̉erdechlichev gir. diſev ſuͤzzev ſelden riche. ſprach gezogenliche. bruͤd̉er hie bringe ich den degen. deſ tu mich ſelbe hieze phlegen. nu laz in min Geniezen. deſn ſol dich nih v̉erdriezen. denche an bruͤd̉erliche triwe. vnd tuͦ daz ane riwe. dir ſtet manlich triwe baz. dan daz du dolſt der werlte haz. vnd den minen chund ich hazzen. den ler mich Gein dir mazen. Do ſprach d̉er w̉erde ſuͤzz̉e man. daz tuͤn ich ſweſt̉er ob ich chan. dar zuͤ gip ſelbe dinen rat. dich dunchet daz mir miſſetat. w̉erdechait hab vnd̉erſwungen. von priſe mich v̉erdrungen. waz toͮc ich dann ze bruͤd̉er dir. wan dienten alle crone mir. d̉er ſtuͤnt ich abe durc din gebot. din hazzen wer min groſtev not. mir iſt vnmere vreude vnde ere. wan nach din̉er lere. h̉er Gawan ich wil evch deſ biten. ir chomet durc priſ da h̉er geriten. Nu tuͤt ez durch priſeſ hulde. helft mir daz min ſhulde. min ſweſt̉er vf mich v̉erchieſe. ê daz ich ſi v̉erlieſe. ich v̉erchiuſ vf evch min h̉erzenleit. welt ir mir geben ſich̉erheit. daz ir mir w̉erbet ſund̉er twal. mit guten triwen vmb den gral. do wart diu ſuͦne gendet vnd Gawan v̉erſendet. an dem ſelben male. ſtriten nach dem grale. kingrimurſel auch da v̉erkoͤſ. vf den chunc d̉er in da v̉erloſ. daz er im ſin gelaite brach. vor allen den furſten daz Geſhach. Da ir ſw̉ert warn gehangen. diu wurden in vnd̉ergangen. Gawanſ chnappen an deſ ſtriteſ ſtūnt. daz ir dehaim waſ worden chunt. ein gewaltich man von d̉er ſtat. ded̉er in vrideſ vor den andren bat. d̉er vie ſi vnd leit ſi in priſun. ez w̉ere fronzoyſ od̉er pritun. ſtarche chnappen vnde cleinev kint. von welhem lande ſi chomen ſint. die braht man ledechlichen. Gawan dem ellenſrichen. do in diu kint erſahen. do wart da groz vmbeuahen. etſlichez ſich wainunde an in hienc. deſ wainen doch von liebe ergienc. Von chunewaliſch. mit im waſ. conſliaſ fiz tinaſ. ein edel chint wont im bi. duc kandiluſ fiz Gurz gri. d̉er durc ſhoy de largut den lip v̉erloſ. da manc frowe ir iam̉er koſ. liſe waſ deſ chindeſ baſe. ſin munt ſinev oͮgen vnd ſin naſ. waſ reht d̉er minne kern. ellev diu w̉erlt ſach in g̉erne. dar zuͤ ſehſ andriu kindelin. die aht iunch̉erren ſin. warn von Geburte deſ bewart. ellev von edeler hoh̉er art. Si warn im vmb ſippe holt. vnd dientan im vmb ſinen ſolt. w̉erdechait gab er in zelone. vn̄d phlac ir anderſ ſhone. Gawan ſprach zuͤ den kindelin. O wol ev liebe mage min. mich dunchet deſ ir woldet mich clagen. ob ich w̉er alhie erſlagen. man moht ev klage getruwen wol. ſi warn doch ſuſ in iam̉erſ dol. er ſprach mir waſ vmb evch vil leit. wa wart ir da man mit mir ſtreit. ſi ſeitenz im ir dehainz loͮch. ein muſ ſprinzelin in enphlauͦc. Vnſ do ir bi d̉er chungin. ſazet da liefen wir ellev hin. die da ſtunden vnde ſazen. die m̉erchenſ nih v̉ergazen. die bruͤften daz h̉er Gawan. w̉er ein manlich houeſh man. vrlaubſ er do g̉erte. deſ in der chunc gewerte. vnd daz volch al gemeine. wan der lantgraue allein. die zwen nam diu kungin. vnd Gawanſ junch̉erlelin. ſi vuͤrte ſi da. ir phlagen. junch̉erren ane bagen. do nam ir wol mit zuhten war. manec frowe wol geuar. Do Gawan enbizzen waſ. ich ſagz ev alſ ez kiot laſ. durc h̉erzenliche triwe. huͤb ſich da Grozev riwe. er ſparach zuͤ d̉er chunginne. frowe ich han die ſinne. vnd wil mir got den lip bewarn. ſo muͤz ich dienſlichez varn. vnd rit̉erlich gemuͤte. ew̉er wiplichen guͦte. ze dienſ imm̉er chere. wande evch ſelde lere. daz ir habt valſch angeſiget. ew̉er priſ vur alle priſe wigt. Gelukke ev muͤz ſelden w̉ern. frowe ich muͤz vrlaubeſ g̉ern. Den Gept mir vnd lat mich varn. ew̉er priſ muͤz ew̉er zuht bewarn. ir waſ ſin dan ſheiden leit. do wainde durc Geſellecheit. mit ir manc frowe klar. diu chungin ſprach an allen var. het ir min genozen mer. min frevde wer Gein ſorgēn her. nune maht ab̉er ew̉er vride niht bezz̉er ſin. deſ gelaubet ab̉er ſwenne ir lidet pin. ob evch v̉ertreit rit̉erſhaft. in riwebarn chunb̉erſ craft. ſo wizzet min h̉er Gawan. deſ ſol min h̉erze phliht han. DZe vluſt vnd zewinne. diu edel chunginne. chuſt Gawanſ munt. d̉er wart an freuden vngeſunt. daz er ſo gahſ von ir reit. ich wen ez waſ in beiden leit. ſin chnappen heten ſich bedaht. daz ſinev roS warn braht. vf den hof vur den palaſ. al da der linden ſhate waſ. auch warn dem langrauen chomen. ſin geſellen han ich v̉ernomen. d̉er rait mit im vz vur die ſtat. Gawan in zuhtechlichen bat. Daz er ſich arbaite. vnde ſinen gezoc in laite. ze bearroſce da iſt Scurleſ. den ſuln ſi bede biten deſ. Gelaiteſ zediazaztrun. da wont etlich pritun. d̉er ſi bringet an den h̉erren min. od̉er an ginofern die chungin. daz lopt im kingrimurſel. vrloͮp nam d̉er degen ſnel. kingriguliet wart gewapent ſan. daz orſ vnde min h̉er Gawan. er chuſte ſine mage diu kindelin. vnd auch die w̉erden ~~chappen~~chnappen ſin. nach dem grale im ſich̉erheit gebot. er rait al ein Gein wunderſ not. Van Parzifal auentiwer. wie der ſvͤz vnde gehiwer. zvͦ Trevirſcent dem ainſidel cherte. der in von got beweiſt v̄nd lerit hie gent Parzifalſ auēntiw̉er wider an. ~~Guͤt~~Tuͤt vf. wem / w̉er ſit ir. ich wil in daz h̉erze din zuͤ dir. ſo g̉ert ir zengem ruͦme. waz dann belibe ich chuͤme. min dringen ſolt du ſelten clagen. ich wil dir nu von wund̉er ſagen. ia ſit irz froͮ auentvvre. wie v̉ert d̉er gehuͤre. ich main den w̉erden parzifal. dem Gundrie nach dem gral. mit vnſuezen worten iagete. daz manc frowe clagete. daz nih wendic wart ſin reiſe. von Artuſ dem pritoneiſe. huͤb er ſich wie v̉ert er nu. den ſelben mern grifet zuͤ. Ob er an freuden ſi v̉erzagt. od̉er hat er hohen priſ beiagt. od̉er ob ſin ganzev w̉erdecheit. ſi beidiu lanc vnde breit. od̉er iſt ſi kurz od̉er ſmal. nu bruvet vnſ die ſelben zal. waz von ſinen handen ſi geſhehen. hat er montſhaluaſce geſehen. vnd den ſuͤzen anfortaſ. deſ h̉erze do vil ſuffic waſ. durc ew̉er guͤte gept vnſ troſt. ob er von iamer ſi erloſt. lat horn diu mere. ob parzifal d̉er w̉ere. Beidiu ew̉er h̉erre vnd d̉er min. nu betutet mir die vur ſin. d̉er h̉erzen ſuͤzen h̉erzelauden barn. wie hat Gahmureteſ ſun gevarn. ſit er von artuſe reit. ob er liep od̉er h̉erzenleit. ſit hab bezalt an ſtrite. habt er ſich. an die wite. od̉er hat er ſich ſît v̉erlegen. ſagt mir ſine ſit vnd all ſine phlegen. nu tuͤt vnſ diu auentvvre erchant. er hab erſtrichen manec lant. ze orſe od̉er zeſheffe vf den wach. ez w̉er lantman od̉er mac. Der die Tioſt poind̉er Gein maz. daz d̉er dehain̉er nie Geſaz. ſuſ chan ſin wage ſigen. ſin ſelbeſ priſ vf ſtigen. vnd die andren leren ſigen mangem h̉ertem wige. hat er ſich ſhunphentvvre erw̉ert. den lip Gein ſtrit alſ v̉erzert. ſw̉er priſ zuͤ im wolte borgen. der muͤſt dar zuͤ ſorgen. ſin ſw̉ert daz im anfortaſ. gap do er bi dem gral waſ. braſt ſit do er beſtanden wart. do macht imz ganz deſ brunnen art. bi karnant d̉er haizet lac. daz ſw̉ert half im briſeſ beiac. ſw̉er ez nih gelaubet d̉er ſundet. diſiu auenture vnſ chundet. daz parzifal d̉er degen balt. chom geriten in einen walt. ichn waiz zewelhen ſtunden. al da ſinev augen vunden. Eine chloſen niweſ puweſ ſten. da durch einen ſnellen brunnen gen. einhalp ſi drub̉er waſ geworht. d̉er iunge degen vneruorht. rait durc Auentvvr zeſuͤchen. do wolt ſin got ruchen. ER vant ein chloſnerrinne. diu durc die goteſ minne. ir magtuͦm vnd ir vreude gab. wiphlich̉er ſorgen vrhab. vz ir h̉erzen pluͤt al niwe. vnd doch ir h̉erzen triwe. Shinaduland̉er. vnd ſigunen vand̉er. d̉er helt lac da in begraben tot. ir leben lait vf dem ſarche not. Sigune deceſſe. horten ſelten meſſe. ir leben waſ an freuden gar. ir dikch̉er mūnt haiz. rot geuar. waſ do erblichen vnd bleich. ſit w̉erltlich freude ir gar geſweich. ez erlait nie magt ſo hohen pin. durch chlage ſi muͤſt aleine ſin. Durch min ne diu an im erſtarp. daz ſi d̉er furſte nih erwarp. ſi minte ſinen toten lip. ob ſi worden w̉er ſin wip. da het ſich froͮ lunet. Geſumet an ir gahen bet. alſ ſi riet ir ſelb̉er frowen. man mac noch diche ſhawen. froͮn luneten riten zuͤ. ethſlichen rat al zefruͤ. ſwelch wip nu durch geſelleſhaft. v̉erbirt vnd durc ir zuhte craft. phliget an vorderr minn. alſ ich mich v̉erſinne. lat ſiz bi ir manneſ leben. dem wart d̉er wunſh an ir gegeben. Dehain baiten ſtet ſo wol. daz erziug ich alſ ich ſol. dar nach tuͦ alſ ez lere. behaltet ſi dannoch ir ere. ſin treit dehain ſo liehten cranz. Get ſi durc freude an den tanz. weſ mizzich freude zuͤ d̉er not. alſo ſigunen triwe gebot. daz meht ich g̉erne lazen. vb̉er ron vnd ane ſtrazen. *Parzifal vuͤr daz venſt̉er reit. *Parzifal: Möglicherweise hat der Schreiber zunächst zu einem Minuskel-p angesetzt. al zenahen daz waſ im leit. do wolt er vragen vmb den walt. od̉er war ſin reiſe w̉er gezalt. ER gert dehain rede alda. iſt iemen dinne ſi ſparach ia. do er horte daz ez frowen ſtimme waſ. h̉er dan vf vngetreten graſ. warf er daz orſ vil drate. ez duht in al ze ſpate. daz er nih waſ erbaizet ê. diu ſelb ſham tet im we. er bant daz orſ vil vaſte. zuͤ eim geuallem ronen aſte. ſinn durchlen ſhilt hienc er dran do d̉er kiuſch vreuel man. daz ſw̉ert durch zuht von im gebant. er gie vur daz venſt̉er zuͤ d̉er want. Do wolt er vragen mere. diu chloſe waſ freuden lere. dar zuͤ all̉er ſhimphe bloz. er vant da nih wan iam̉er groz. er gert ir an daz venſt̉er dar. diu iuncfrowe bleich geuar. mit zuhten vf von ir venie ſtuͤnt. dannoch waſ im vil vnchunt. w̉er ſi were od̉er mohte ſin. ſi truͤc ein hemede herin. vnd̉er Grawem roche zenehſt ir huͤt. groz iam̉er waſ ir h̉erzen truͤt. diu het ir hohen muͤt gelegt. von dem h̉erzen groz ſufften het erwegt. mit zuhten diu magt zuͤ dem venſt̉er gie. mit ſuͤzen worten ſi in enphie. Si truͤc ein ſalt̉er in d̉er hant. Parzifal d̉er wigant. ein chlein ving̉erlin da choſ. daz ſi durc arbeit nie v̉erloſ. ſin hetez durc reht̉er minn art. d̉er ſtain waſ granart. deſ plich gab vz dem venſt̉er ſhin. reht alſ ein Ganaiſt̉erlin. ſenlich waſ ir gebende. da vz bi d̉er wende. ſprach ſi h̉erre da ſtet ein banc. ruchet ſizzen liez evch ew̉er gedanc. vnd and̉er vnmuze. daz ich h̉er zvͤ ew̉erm gruze. bin chomen daz v̉ergelt ev got. d̉er Giltet getriwelichen vrbot. Der helt ir rateſ nih v̉ergaz. vur daz venſt̉er er do ſaz. er bat auch da inne ſitzen ſie. ſi ſprach nu han ich ſelten hie. geſezzen bi dehainem man. der helt ſi vragen began. vmb ſitzen vnd vmb ir phlege. daz ir ſo v̉erre von dem wege. ſitzet in dirre wilde. ich hanz vur vnbilde. froͮwe weſ ir evch hie beget. ſit nih buͦweſ hie bi ev ſtet. do ſprach ſi mir chumet von dem gral. min ſpiſe her al ſund̉er twal. Gundrie laſurziere. mir dannan bringet ſhiere. alle ſamztagen naht. mine ſpiſe deſ hat ſi ſich bedaht. die ich ganze wochen haben ſol. ſi ſprach w̉er mir and̉erſ wol. ich ſorgte wenic vmb die nar. d̉er bin ich wol beraten gar. do wande parzifal daz ſi luͤge. vnd daz ſi in and̉erſ g̉erne grug. ER ſprach in ſhinphe zu ir dar in. durc wen traget ir daz ving̉erlin. ich hort ie ſagen mere kloſn̉erin vnd chloſn̉ere. die ſolten min̉er Amurſhaft. ſi ſprach hete ew̉er rede rede craft. ir wolt mich velſhen g̉erne. ſwenn ich nu valſch gel̉erne. ſo heuet mirz vf ſit ir da bi. Ruchet ſin got ich bin valſches vri. ich han dehainn wid̉erſaz. ſi ſprach diſen mahel ſhaz. trage ich durc einen lieben man. deſ minn ich nie an mich genam. mit menſhlich̉er tete. magtuͦmeſ h̉erzen rete. mir Gein im raten minne. ſi ſprach den han ich hinne. deſ ~~clenot~~cleinot ich ſit ~~ruͤc~~truͤc. ſit Oriluſ mit d̉er Tioſt in ſluͤc. min̉er iem̉erlichen zit ~~zewar~~iar. wil ich minn im geben vuͤr war. d̉er rehten minne ich bin ſin w̉er. wande er mit ſhilt vnd mit ſper. dar nach mit rit̉erſ hant warp. vnz er in minnen dienſt erſtarp. magtuͤm ich ledechlichen han. er iſt idoch vor got min man. ob gedanc wurchen ſuln diu w̉erc. ſone trag ich nind̉er den geb̉erc. d̉er vnd̉er ſwinge mir min ê. mim leben tet ſin ſt̉erben we. d̉er rehten ê diz ving̉erlin. vor got ſol min gelaite ſin. Sſehiklmno Daz iſt ob min̉er triwe ein ſloz. von dem h̉erzen min̉er ~~ovgen~~avgen vloz. ich bin hinne ſelband̉er. d̉er getriwe ſhinaduland̉er. iſt daz ein daz and̉er ich. Parzifal v̉erſtuͤnt do ſich. daz ez ſigune w̉ere. ir chunb̉er waſ im ſwere. den helt do wenc deſ v̉erdroz. von dem h̉erſniere daz haubet bloz. er machte daz er Gein ir ſparach. diu iuncfrowe do an im erſach. durc iſen râum vil liehtez vel. do erchande ſi den degen ſnel. Si ſprach ſit irz h̉er parzifal. ſagt an wie ſtet ez vmb den gral. habt ir Gebruͤuet noch ſin art. od̉er wie iſt gewendet ew̉er vart. er ſparach zuͤ d̉er meide wol geborn. da hain freude vil v̉erlorn. d̉er Gral mir ſorgen lie genuͤc. ich liez ein lant da ich crone truͤc. dar zuͤ ein minechlichez wip. vf erde nie ſhoner lip. geborn von menſchen her fruͤht. ich ſen mich nach ir kuſchen zuht. nach ir minn ich trure vil. vnd m̉er nach dem hohem zil. wie ich muntſhalſche ſul geſehen. vnd den Gral daz iſt noch vngeſhehen. Niftel ſigune du tuͤſt gewalt. ſit du minen chunb̉er ſo mancualt. erchenneſt daz du veheſt mich. diu magt ſprach al min gerich. ſol vf dich neue ſin v̉erchorn. diu haſt doch freuden vil v̉erlorn. ſit du lieze dich betragen. vmb daz w̉erdechliche vragen. vnd do d̉er ſuͤze anfortaſ din wirt vnd din Geluche waſ. da het din vragen wunſh beiagt. nu muͤz din vreude ſin v̉erzaget. vnd al din hoh̉er muͤt erlempt. din h̉erzen ſorge hat gezempt. diu dir vil wilde w̉ere. hetiſt du do gefraget d̉er mere. ich warp alſ d̉er den ſhaden hat. ſprach er liebev niftel nu gip mir dinen rat. Gedenche reht ſippe an mir. vnd ſag mir auch wie ſtet ez dir. ich ſolte truren vmb dine chlage. wan daz ich hohern chunb̉er trage. dan ie man getruͤge. min not iſt zungefuͤge. ſi ſprach nu helf dir deſ hant. dem all̉er chunb̉er iſt bechant. ob dir ſo wol gelinge. daz dich ein ſla dar bringe. al da du Muntſhalvaſche ſiheſt. duda du mir din̉er freuden giheſt. Gvndrie laſurziere reit. niwelich hinnen mir iſt leit. daz ich nih vraget ob ſi dar. wolte chern od̉er and̉erſwar. imm̉er ſwenne ſi chumt ir mul dort ſtet. da der brunne durc den velſen get. nu rat ich daz du ir riteſt nach. ir iſt lihte vor dir niht zegach. dune mugeſt ſi ſhiͤre haben erriten. don wart nih lang̉er gebiten. vrlaup nam d̉er helt da. do chert er vf die niwen ſla. Gundrien mul die reiſe gienc. daz vngeủerte im wid̉eruienc. eine ſla die er het erchorn. ſuſ wart aber der gral v̉erlorn. All̉er ſin̉er freude er do v̉ergaz. ich wen er het geuraget baz. w̉er er ze muntſhaluaſche chomen. dann alſ ir ê hap v̉ernomen. nu lat in riten war ſol er. dort chom Gein im geriten her. ein man dem waſ daz haubet bloz. ſin wapenroch von koſte groz. dar vnd̉er daz harnaiſch blanc geuar. ane daz haubet waſ gewappent gar Gein parzifal eruaſte reit. do ſparah er h̉erre mir iſt leit. x. daz ir minſ h̉erren walt ~~durc~~ bant. erir w̉erdet ſchiere dar vmb ermant. da von ſich ew̉er gemuͤte ſent. Munſhalvaſche iſt gewent. daz ieman ir ſo nahen rite. ezn w̉ere der angeſtlichen ſtrite. od̉er der alſolhen wandel bot. alſ man vor dem walde haizet not. ein helm er in d̉er hende vurt deſ gebende. warn ſnuͤr ſidin. vnd ~~ſcarphe~~ſcharphe clauin. al niwe waſ d̉er ſhaft. der helt mit zorneſ craft. bant den helm vf daz haubet eben. ez ſtunt in nih v̉ergeben. an den ſelben ziten. ſin dro vnd ſin ſtriten. Idoch berait ſich zuͤ d̉er tioſt. parzifal mit ſolh̉er koſt. het auch ſper vil v̉erzert. er daht ich w̉er auch vnernert. rit ich vb̉er diſ manneſ ſat. wie wurde dann ſinſ zornſ rat. nu trette ich hie den wilden varm. mir geſwichen denn hende vnd arm. ich gib im vur min reiſe ein phant. daz nind̉er bindet mich ſin hant. daz wart zebeid̉er ſit getan. diu orſ indem halap v̉erlan. mit ſporn getriben vnd gefurt. vaſte uf d̉er rabine hurt. ir dewederſ tioſt da miſſeriet. mang̉er tioſt engegen biet. Waſ parzifalſ hohev bruſt. den l̉ert chunſt vnd ſin geluſt. daz ſin tioſt alſ eben vuͤr. reht in den ſtrich deſ helmſ ſnuͤr. er traf in da man hapt denſhilt. vnd da man rit̉erſhefte ſpilt. daz von muntſhaluaſche d̉er Tepeloyſ. von dem orſ in einden reiſ. ſo v̉erre hin abe diu waſ tief. daz da ſin lang̉er wech ſlief. parzifal d̉er tioſt nach. volget dem orſe waſ ſo gach. ez viel hin ab daz ez z̉erbraſt. parzifal einſ zederſ aſt. begraif mit ſinen handen. nu iehet ſin nih zeſhanden. daz er ſich ane ſherigen hienc. mit den vuͤzzen er gevienc. vnd̉er deſ velſeſ herte. mit grozem vngev̉erte. lac daz orſ da nid̉er tot. d̉er rit̉er Gahte von d̉er not. and̉erhalp vf die halden hin. wolde er tailen den gewin. dan er gewan an parzifal. ſo hulf im baz dahaim der gral. parzifal her wid̉er ſteic. d̉er zugel Gein d̉er erden ſeic. da het daz orſ durc getreten. alſ ez bindenſ w̉er gebeten. deſ ien̉er rit̉er da v̉ergaz. do Parzifal druf geſaz. Don waſ nih wan ſin ſper v̉erlorn. der ſhade Gein viͤnden waſ v̉erchorn. ich wên d̉er ſtarche lehelin. noch d̉er ſtarche kingriſin. noch Royſ gramoflanz. noch conz fiz laſhoit. Garnemanz. nie hetn bezz̉er tioſt geriten. den alſ diz orſ waſ erſtriten. do rait er ern weſte war. w ſo daz diu muntſhalvaſche ſhar. S in mit ſtrite gar v̉ermeit. deſ graleſ vromde waſ im leit. v Sw̉er ruchet v̉ernem̄n. dem tuͤni ich chunt. D wie im ſin dinc dar nach geſtuͤnt. deſ enbruͤe ich nih d̉er wochen zal. od̉er wie lanc ſi daz parzifal. rait durc auentur alſ e. einſ morgenſ lac ein dunner ſne. idoch ſo diche wol geſnit. alſ d̉er noch froſt den luͤten git. ez waſ vf einem grozem walt. im wid̉er gie ein rit̉er alt. deſ bart al gra waſ geuar. da bi ſin vel linde vnde chlar. die ſelben varwe truͤc ſin wip. diu beidev vb̉er blozzen lip. truͤgen grawe roche h̉erte. vf ir bihte v̉erte. Sinev chint zwuͦ iuncfrowen. die man g̉erne mohte ſhawen. Main dinſt wizz von liebenss frowich lazz dich ^^ wizzt der z min an roſchrift a b c d e f g h i k l m n o m die Giengen in d̉er ſelben wat. do riet ir chuſhen h̉erzen rat. ſi giengen alle barvuͤz. Parzifal bot ſinen gruͤz. dem grawem rit̉er d̉er da gienc. von deſ rat er ſin geluch enphienc. ez mohte wol ein h̉erre ſin. do liefen frowen brekchelin. mit ſenften ſiten nih zeher. gienc da rit̉er vnd chnappen mer. mit zuhten vf d̉er Goteſ vart. Genuge ſo iunc vnd ane bart. Parzifal d̉er w̉erde degen het deſ libeſ ſo gephlegen. daz ſin zimier riche. ſtuͤnt gar rit̉erliche. in ſolhem harnaiſch er reit. dem vngelich waſ ir chleit. diu Gein im truͤc d̉er Grawe man. daz orſ vz dem phade ſan. kert er mit dem zaume. do nam ſin vrage gaume. vmb d̉er Guten lute vart. mit ſuͤzer rede er ſin innen wart. Do waſ deſ grawen riterſ chlage. daz im die hailigen tage. nih hulfen Gein ſolhem ſite. daz er ſund̉er wappen rite. od̉er daz er barvuͤz gienge. vnde deſ tageſ zit begienge. Parzifal ſprach zvͤ im do. ich erchenne noch ſuſ noch ſo. wie deſ iarſ zit geſtet. od̉er wie d̉er wochen zal get. wie die tage ſin genant. daz iſt mir allez vnbechant. ich diente im d̉er da heizet got. ê daz ſo laſt̉erlichen ſpot. ſin Gunſt vb̉er mich v̉erhancgte. min gunſt im nie gewancte. von dem mir helfe waſ geſagt. nu iſt ſin helf an mir v̉erzagt. Do ſprach d̉er rit̉er graw̉erar. maint ir got den diu magt gebar. Gelaupt ir ſine menſheit. waz er alſ hiute durch vnſ leit. alſ man diſe tag zit beget. vil vnreht ev daz harnaiſch ſtet. ez iſt hiute der charuri tac. deſ al diu w̉erlt ſich vreuwen mac. vnd da bi mit angeſt ſufftec ſin. wa wart ie grozz̉er triwe ſhin. dan die got durc vnſ begienc. den man durc vnſ an daz cruz erhienc. h̉erre phlegt ir taufeſ. ſo iamer evch deſ chaufeſ. Er hat ſin w̉erdechlichez leben. mit tode vur vnſ̉er ſhulde geben. durc d̉er menſhe waſ v̉erlorn. durc ſhulde hin zed̉er hell erchorn. ob ir niht ein haiden ſit. do denchet herre an diſe zit. ritet vurbaz vf vnſ̉er ſpor. ev ſitzet ze v̉erte vor. ein hailic man d̉er git ev rat. wande ez vmb ew̉er miſſetat. ſo ſtet welt ir im riwe chunden. er ſhaidet evch von ſunden. ſin toht̉er begunde ſprechen. waz wil du vat̉er rechen. ſo boſe wet̉er ſo wir *nu han. waz rateſ nimſtu dich an. wan vurſtu in da er erwarme. ſin geſerten arme. ſwie rit̉erlich ſi ſin geſtalt. vnſ dunchet doch ſi haben chalt. er ervruͤre vnd w̉ern ſin eineſ dri. du haſt hie ſtende nahen bi. Gezelt vnd ſlauenien huſ. choͤm dir der chunc artuſ. du behielt iſt in mit ſpiſe wol. nu tuͦ alſ ein wirt ſol. vuͤr den rit̉er mit dir dan. do ſprach ab̉er der grawe man. h̉erre min toht̉er ſeit war. hie nahen bi ellev iar. var ich vf diſen wilden walt. ez ſi warm od̉er chalt. imm̉er Gein d̉er meigen zit. der ſteten lon nach dienſte git. ſwaz ſpiſe ich mit mir vz brahte durc got. die tail ich mit ev ane ſpot. die ez mit guͤtem willen taten. die iuncfrowen baten. in beliben ſere. er het belibenſ ere. ietdwedriu daz mit triwen ſprach. Parzifal wol an in erſach. ſwie tiur von vroſte da w̉er d̉er ſweiz. ir munde warn rot vnd heiz. ſin ſtuͤnden nih ſenliche. deſ tageſ zit geliche. ob ich cleinz dinc da reche. vng̉erne ich daz v̉erſpreche. ichn holt einen chuſ durc ſuͦne da. ob ſi ſprechen mit ſuͦne ia. ~~wep~~wip ſint imm̉er wip. werlicheſ manneſ lip. hat ſi ſhier betwungen. nu iſt diche wol gelungen. Parzifale hie vnd dort. mit bete hort ir ſuͤzev wort. deſ vat̉er muͤt̉er vnd d̉er ~~kint~~kinde. er daht ob ich erwinde. ich wil g̉erne Gein dirre ſhar. diſe meide ſint ſo wol geuar. Daz min riten bi in vbel ſtet. ſit man od̉er wip bi in zevuſzen gent. ſich vuget min ſhaiden von in baz. ſit ich Gein dem trage haz. den ſi von h̉erzen minnēnt. vnde ſich helf an in v̉erſinnēnt. d̉er hat ſin helf vor mir ~~v̉erſpurt~~v̉erſpart. vnd mich von ſorgen nih bewart. Parzifal ſparach zuͤ in do ſan. frowen vnd h̉erren lat mich han. ew̉er vrlaup geluke vnd heil. geb ev vnd vreuden vollen teil. iuncfrowen ſuͤzze. ew̉er zuht ev danchen muͤze. ſit ir gemacheſ gunnet mir ſo wol. ew̉er vrlaup ich haben ſol. er neic vnd die andren nigen. do wart ir chlage nih v̉erſwigen. Hin reit h̉erzenlauden fruht. dem riet ſin manlichev zuht. ~~chuſch~~chiuſch vnd erbarmunge. ſit h̉erzenlaude diu iunge. vf in het gerbet triwe. ſich huͤb ſinſ h̉erzen riwe. alreſt er do dahte. w̉er al die w̉erlt vol brahte. an ſinen ſhephere. wie Gewaltich d̉er w̉ere. ER ſprach waz ob got helfe phligt. diu mime truren angeſigt. wart ab̉er er ie rit̉er holt. gediente ie rit̉er ſinen ſolt. od̉er ſhilt mac od̉er ſw̉ert. ſin̉er helfe ſin ſo w̉ert. vnd rechtev manlichev wer. daz ſin helfe mich vor ſorgen ner. iſt hiut ſin helflich̉er tac. ſo helf er mir ob er helfen mac. er ch̉ert ſich wid̉er ~~denn~~dann er rait. ſi ſtunden dannoch den waſ leit. daz er von in cherte. ir triwe ſi daz lerte. die iuncfrowen in ſahen nach. Gein den im auch ſin h̉erze iach. daz er ſi g̉erne ſehe. want ir blic in ſhone iehe. ER ſprach iſt goteſ craft ſo phier. daz ſi beidiu orſ vnd tier. vnd die lute mac wiſen. ſin craft wil ich im priſen. mac goteſ chunſt die helfe han. diu wiſe mir diz kaſtelan. daz wegeſt vmb die reiſe min. ſo tuͤt got ſin helfe ſhin. nu ganc nach d̉er goteſ ~~knr~~kuͤr. den zugel Gein den orn vuͤr. er dem orſ legte. mit ſporn erz vaſte regete. Gein fundane laſeuaſche ez gienc. da Oriluſ den eit enphienc. d̉er kuſch drevrizent da ſaz. der mangen mentac vbel gaz. alſ tet er gar die wochen. er hete gar v̉erſprochen. moraz win vnd auch daz brot. ſin chuſch im dannoch me gebot. d̉er ſpiſe het er dehain muͤt. viſh vleiſ vnd ſwaz truͤc bluͤt. alſuſ ſtuͤnt ſin heiligez leben. got het im den muͤt gigeben. d̉er h̉erre ſich beraite gar. Gein d̉er himlichen ſhar. mit vaſten er grozzen chunb̉er leit. ſin kuſh Gein dem tiuvel ſtreit. an dem erủert nu Parzifal. diu v̉erholn mer vmb den gral. ſw̉er mich darumbe vragete. vnd mit mir dar vmb bagete. ob ich ſim nih ſagete. vnbriſ ich dran beiagete. mich bat deſ heln kiot. wande im diu auentur gebot. daz ez imm̉er man gedehte. ê ez diu auenture brehte. mit worten an d̉er m̉ere gruͤz. da man nu von ſprechen muͤz. Mein dienſt wizz kiot d̉er maiſt̉er wol bechant. ze dolet v̉erworfenz ligen vant. in haidniſch̉er ſrifte. dirr̉e auenture Geſhihte. Die karact̉er a.b.c. muſt er ~~gelert~~gelernt haben ê. an den liſt von nigromanzi. in half daz im d̉er tauf waſ bi. anderſ wer daz mer noch vnủernomen. d̉er haidniſch liſt moht vnſ gevrumen. ze chunden vmb deſ graleſ art. wie man ſin̉er tavgen innen wart. ein ~~hedin~~heidin flegiteniſ. beiagt an chunſte hohen priſ. d̉er ſelbe viſion. waſ geborn von ſalomon. vz iſraheliſch̉er diet erzilt. von alt̉er h̉er vnſ̉er ſhilt. der tauf waſ vur helle viw̉er. der ſhreip von deſ graleſ Auentiwer. Ez waſ ein haiden vat̉erhalpt. flegitamuſ d̉er an ein kalp. an: Über n befindet sich ein Häkchen, ähnlich dem bei Vokallängen. bette alſ ez w̉er ſin got. wie mac d̉er tiuvel ſinen ſpot. gevuͤgen an ſo wiſ̉er diet. daz ſi niht ~~ſh*et~~ſhaidet od̉er ſhiet. da von d̉er treit die hoſten hant. vnd dem ellev wund̉er ſint bechant. flegitamuſ d̉er haiden. chunde vnſ wol beſhaiden. ieglicheſ ſternſ hinganc. vnd ſin̉er ~~kuſte~~kunſte wid̉erſwanc. wie angeſlich er vmbe get. ê er wid̉er an ſin zil geſtet. mit d̉er ſtern vmb reiſe vart. iſt gebruvet all̉er menſhen art. Flegitamuſ d̉er heiden ſach. da von er bluchlichen ſprach. in dem geſtirne mit ſinen augen. v̉erholn barev taugen. er iach ez w̉er ein dinc d̉er gral. deſ namen laſ er ſund̉ert twal. an dem geſtirne wie d̉er hiez. ein ſhar in vf der erden liez. diu vuͦr vf vur die ſtern hoch. ob die ir vnſhulde wid̉erzoch. ſit muſt ſin phlegen getauf tev fruht. mit alſ chuſlich̉er zuht. diu menſhait iſt imm̉er w̉ert. d̉er zuͤ dem gral iſt gegert. Suſ ſreip dauon flegitamuſ. kiot d̉er meiſter wiſ. diz mer begunde ſuchen. in latiniſchen buͤchen. wa geweſen were. ein volc daz zuͦ gebere. daz ez deſ graleſ phlege. vnd d̉er kuſhe ſich bewege. er laſ d̉er lande cronica. zepritanie vnde and̉erſwa. zefranchenrich vnd in irgelānt. ze antſhoͮve er diu mere vant. er laſ von Mazadan. mit warhait ſund̉er wan. vb̉er allez ſin geſhlehte. ſtuͤnt da geſhriben rehte. And̉erhalp wie tutulel. vnd deſ ſun frimuntel. den Gral brehte vf anfortaſ. de ſweſt̉er h̉erzenlaude waſ. bi d̉er Gahmuret ein chint gewan deſ diſiu mere ſīnt. der ritet nu vf die niwen ſla. die Gein im chom der rit̉er gra. er bechande eine ſtat. ſwie da lege d̉er ſne. ~~ſwie~~ da liehte pluͦmen ſtuͤnden ê. daz waſ vor einſ gebirgeſ want. da ſin manlichev hant. froͮn ieſſcuten die hulde er warp. vnd da Oriluſ zorn v̉erdarp. Diu ſla in da nih halden liez. funtane laſaluaſche hiez. ein weſen dar ſin reiſe gienc. er vant den wirt der in enphienc. d̉er einſidel zuͤ im ſprach. we h̉erre daz ev ie ſuſ geſhach. in dirre hailigen zit. hat ev angeſlich̉er ſtrit. in daz harnaiſch getriben. od̉er ſit ir ane ſtrit beliben. ſo ſtuͤnt ev baz einand̉er wat. liez evch hoch v̉ertig̉er rat. nu ruchet erbaizen h̉erre. ich wen ev daz nih w̉erre. Vnde erwarmet bi einen viure. hat evch auentiure. vz geſant durc minnen ſolt. ſit ir reht̉er minne holt. ſo minnet alſ ev nu minne get. vnd alſ diſeſ tageſ minne ~~get.~~ſtſtet. dient her nach vmb wibe gruͤz. ruchet erbaizen ob ichſ biten muͤz. Parzifal d̉er wigant. erbaizte nid̉er azalzehant. mit grozz̉er zuht er vor im ſtuͤnt. er tet im vor den luten chunt. die in dar wiſten. wie die ſin rat priſten. do ſprach er h̉erre gebt mir rat. ich pin ein man d̉er ſunde hat. Diu rede waſ getan. do ſprach ab̉er d̉er gute man. ich bin rateſ ew̉er wer. ſagt mir w̉er evch wiſte her. h̉erre vf dem walde mir wid̉ergienc. ein gra man d̉er mich wol enphienc. alſ tet ſin maſſenie. d̉er ſelbe valſheſ vrie. hat mich h̉er zuͤ ev geſant. ich rait ſine ſla vnz ich evch vant. d̉er wirt ſprach daz iſt kiehniſ. d̉er iſt w̉erltlich̉er vuͤr al wiſ. d̉er furſte iſt ein pentortoyſ. d̉er riche chunc von Garoyſ. Sine ſweſt̉er hat zewibe. nie chuſh̉er fruht von libe. wart geborn dann ſin ſelbeſ chint. diu ev wid̉ergangen ſint. d̉er furſt iſt von chungeſ art. ellev iar iſt h̉er zuͤ mir ſin vart. Parzifal zuͤ dem wirte ſprach. do ich evch vor mir ſtende ſach. vorht ir ev iht do ich zvͤ ev reit. was ev min chomen do iht leit. do ſprach h̉erre gelaubet mirz. mir hat d̉er ber vnd auch d̉er hirz. erſrechet dicher dann d̉er man. mer warhait ich ev geſagen chan. ich vurhte nih ſwaz menſhe iſt. ich han auch menſlichen liſt. Het irz nih vur einen ruͦm. ſon trag ich vluſt noch magetuͦm. min h̉erze vie nih den cranc. daz ich von ev tete wanc. bi min̉er warlich̉er zit. ich waſ ein rit̉er alſ ir ſit. d̉er auch nach hoh̉er minne ranc. etſwenne ſund̉erbarn gedanc. Gein d̉er kuſche parrierte. min leben ich da mit zierte. daz mir genade tet ein wip. deſ hat v̉ergezzen nu min lip. Gept mir den zaum in mine hant. dort vnd̉er ieneſ velſeſ want. Sol ew̉er roſ durch ruwe ſten. bi ein̉er wile ſuln wir beide gen. vnd brechen im graſ vnd varm. and̉erſ vuͦt̉erſ bin ich arm. wir ſulnz hart wol ernern. parzifal ſich wolte w̉ern. daz er den zaum enphienge nih. ew̉er zuht ev deſ nih engiht. daz ir ſtritet ~~wide~~wid̉er deheinn wirt. ob vnzuht ew̉er zuht v̉erbirt. alſo ſprach d̉er Guͤte man. dem wirte wart d̉er zaum v̉erlan. er zoch daz orſ hind̉er ienen ſtein. da ſelten ſunne vnd̉er ſhein. daz waſ ein wild̉er marſtalt. dadurc gie einſ brunnen val. Parzifal ſtuͤnt vf den ſne. ez tet eim chranchem manne wê. ob er harnaiſch truͤge. da d̉er vroſt ſuſ ane ſluͤge. d̉er wirt vuͤrt in in eine gruft. dar ſelten chom deſ windeſ luft. da lagen gluͦndiu choln. daz moht d̉er gaſt vil g̉erne doln. ein k̉erzen dzunde da deſ wirteſ hant. do entwapent ſich d̉er wigant. vnd̉er im lac ramſhauͦb vnd varm. allev ſinev lide im wurdem warm. ſo daz ſin vel gap liehten ſhin. er moht wol waltmuͦde ſin. Wand er het d̉er ſtraze wenc geriten. an dach die naht deſ tageſ erbiten. alſo het er manc and̉er. getriwen wirt da vant er. da lac ein roch den lech im an. d̉er wirt vnd vurtin mit im dan. ze ein̉er andren gruft da inne waſ. ſinev buͤch. dar an d̉er kuͤſche las. nach deſ tageſ ſit ein alt̉er ſtein. d̉er ſtuͤnt albloz dar vf erſhein. ein kefſe diu wart ſhiere erchant. dar uffe parzifaleſ hant. ſwuͤr ein vngeuelſten eit. da von froͮn ieſcuten leit. ze liebe wart v̉ercheret. vnd ir vreude gemeret. Parzifal zuͤ dem wirte ſin. ſprach h̉erre dirre kefſe ſhin. erchenne ich wand ich drufe ſwuͤr. ze einen ziten do ich da vur vuͤr. ein gemalt ſper da bi ich vant. h̉erre daz nam alhie min hant. da mit ich briſ beiagete. alſ man mir ſid̉er ſagete. ich v̉erdaht mich an min ſelbeſ wip. ſo daz von witzen chom min lip. zwuͦ riche Tioſt der mit ich reit. vnwizzende ich die bede ſtreit. dannoch het ich ere. nu han ich ſorgen mere. dann ir an manne ie wart geſehen. durc ew̉er zuht ſult ir deſ iehen. Wie lange iſt von d̉er zit her. daz ich hie nam daz ſper. do ſprach ab̉er d̉er guͦte man. deſ v̉ergaz min vriunt Taurizan. hie chom mir ſin chlage. vunftalpiar vnd dri tage. iſt daz irz im namet hie. welt irz horn ich bruͤev wie. an dem ſalter erlaſ er im gar. diu iar vnd d̉er wochen zal. da die enzwiſhen warn hin. Alreſt ich innen worden bin. wie lange ich var wiſeloſ. vnd daz frowen helfe mich v̉erkoſ. Parzifal ſprach mir iſt vreude ein traum. ich trage d̉er riwe ſw̉ern ſaum. h̉erre ich tuͤn ev mer noch chunt. ſwa chirche od̉er munſt̉er ſtuͤnt. da man goteſ ere ſprach. dehain auge mich da nie geſach. ſit den ſiben ziten ich ſuchte niwan ſtriten. ~~ovch~~avch trage ich hazzeſ vil Gein got. wande er iſt min̉er ſorgen tote. die hat er alze hohe erhaben. min vreude iſt lebendic begraben. chunde goteſ craft mir helfe ſin. waz ankerſ w̉ere diu vreude min. Diu ſinchet durc der triwen grunt. iſt min manlich h̉erze wunt. od̉er mag ez da von weſen ganz. daz diu riwe irn ſharphen cranz. mir ſetzet vf w̉erdecheit. die ſhilteſ ampt mir erſtreit. Gein w̉erdechlichen handen. deſ gihe ich dem zeſhanden. d̉er aller w̉erlt hat gewalt. iſt ſin helfe helfe balt. daz er mir dan hilfet nih. ſo vil man im d̉er helfe giht. d̉er wirt erſuft vnd ſach an in. do ſprach er h̉erre habt ir ſin. ſo ſult ir got getruwen wol. er hilfet ev wan er ev helfen ſol. Got muͤz vnſ helfen beiden. h̉erre ir ſult mich beſheiden. ruͤchet alreſt ſitzen. ſagt mir mit chuſſhen witzen. chuſſhen: Lesung als ſſ gestützt durch 465.23-ꝓprofetiſſe- und 465.24-miſſe-. wie d̉er zorn ſich anevienc. da von got ew̉ern ~~zorn~~haz enphienc. durc ew̉er zuht gedolt. v̉ernemt von mir ſin vnſholt. ê daz ir mir von im iht chlagt. ſin helf iſt imm̉er vnv̉erzagt. doch ich ein leige w̉ere. d̉er warn buͤch mere. chunde ich leſen vnde ſcriben. wie d̉er menſhe ſul beliben. Mit dienſte Gein deſ helfe groz. den d̉er ſteten helfe nie v̉erdroz. vur der ſele ſenchen. ſit getriwe ane wenchen. ſit got ſelbe ein triwe iſt. dem waſ vnmer ie valſch̉er liſt. wir ſuln in deſ geniezen lan. er hat vil durc vnſ getan. ſit ſin edel hoh̉er art. durc vnſ ze menſhen bilde wart. Got haizt vnd iſt diu warheit. im waſ ie valſhev vuͤr leit. daz ſult ir gar be denchen. er chan an nieman wenchen. nu cheret ew̉er gedanche. huͤt evch Gein im an wanche. Irn mugt im ab erzurnen nih. ſw̉er evch gein im in hazze ſiht. d̉er hat evch an den witzen cranc. nu pruͤvet wie luzif̉ern gelanc. vn ſinen not geſtallen. ſi warn doch ane gallen. ia h̉erre wa namen ſi den nit. da von ir vnſeloſ̉er ſtrit. zuͤ d̉er helle enphahet viw̉erſ lon. Aſtaroht vnd beliamon. heleht vnd radamant. vnd and̉er die ich da han erchant. diu liehte himeliſce ſhar. wart durc nit nach helle var. Do luzif̉er vur die helle vart. mit ſhar ein menſhe nach im wart. Got worhte vz der erden. Adamen den w̉erden. von adameſ verhe er euen brach. diu vnſ gab an daz vngemach. daz ſi ir ſheph̉er vb̉erhorte. vnd vnſ̉er freude ſtorte. von in zwain chom geburde fruht. eim geriet ſin vngenuht. daz er durc gitechlichen ruͦm. ſin̉er anen nam den magtuͦm. nu beginnet Genuge deſ gezemen. ê ſi diz mere v̉ernemen. daz ſi v̉raiſchent wie daz mehte ſin ez wart idoch mit ſunden ſhin. Parzifal hinz im do ſprach h̉erre ich wen diz ie geſhach. von wem waſ d̉er man geborn. von dem ſin ane hat v̉erlorn. den magtuͦm alſ ir mir habt geſagt. daz moht ir g̉erner haben v̉erdagt. d̉er wirt do ab̉er ſprach zuͤ im von dem zwiuel ich evch nim. ſage ich ev nih die warheit. ſo lat ev ſin min triegen leit. diu erde Adameſ muͤt̉er waſ. von erde adam genaſ. dannoch waſ diu erde ein magt noch ich ev nih gar geſagt. Wer ir den magtuͦm benam kainſ vat̉er waſ adam. d̉er ſluͤc abelen vmb cranchez guͤt. do vf die rei*reinen erden pluͤt. viel ir magtuͦm waſ v̉ervarn. den nam ir adamſ barn. do huͤp ſich erſte deſ menſhen nit. alſ w̉ert er imm̉er mere ſit. ind̉er w̉erlt noch nih rain̉erſ iſt. ſo diu magt an valſhen liſt. nu bruͦuet wie rain die meide ſint. Got waſ ſelbe d̉er maide chint. von meiden ſint zwai menſhen chomen. Got ſelbe anluze hat genomen. nach d̉er erde meide fruht. daz waſ ſin̉er hohen art ein zuht. Von adamſ chunne. huͤb ſich riwe vnd wunne. ſit er vnſ ſippe laugent nih. den iegſlich engel ob im ſiht. vnd daz diu ſippe iſt ſunden wagen. ſo daz wir ſunde muͤzen tragen. dar vb̉er erbarme ſich ſin craft. dem erbarmde git geſelleſhaft. ſit ſin getriwev menſhait. mit triwen Gein vntriwen ſtreit. ir ſult vf in v̉erkieſen welt ir ſelde niht v̉erlieſen. Hat wandel ev vur ſunden bi. ſit rede vnd w̉erche niht ſo vri. wan ſw̉er ſin lait ſo richet. daz er vnchuſſe ſprichet. vnchuſſe: Lesung als ſſ gestützt durch 465.23-ꝓprofetiſſe- und 465.24-miſſe-. von deſ lon tuͤn ich ev chunt. im ~~vtailt~~v̉ertailt ſin ſelbeſ munt. v̉ertailt: könnte auch v̉rteilt = vrteilt sein. nemt altev mer vur niwe. ob ſi evch lern triwe. d̉er parelure plato ſprac bi ſinen ziten ſo. vnd Sibilla diu ꝓprofetiſſe. ſundernſ valiern miſſe. ſi ſagtan da vor manc iar. vnſ ſolte chomen al vur war. vur die hoſten ſhulde phant. von d̉er helle vnſ nam diu hoheſte hant. mit d̉er gotlichen minne. die vnchuͤſhen liez er drinne. Von den warn minn̉ere. ſagtan diſev mere. d̉er iſt ein durcluhtec lieht. d̉er ſin̉er minne wenchet nih. ſwem er minne erzeigen ſol. dem wirt mit ſin̉er minne wol. : unten am Blattrand Zeichnung eines Pferdes (auf dem Kopf). die ſelben ſint geteilet. al d̉er w̉erlt ſint geueilet. beidiu ſin minne vnd ſin haz. nu bruvet wed̉erz helfe baz. d̉er ſhuldige ane riwe. vliuhet die gotlichen triwe. ſwer aủer wandelt ſunden ſhulde. d̉er dient nach w̉erd̉er hulde. Die treit d̉er durch gedanche v̉ert. Gedanc ſich ſunnen blicheſ w̉ert. Gedanc iſt ein ſloz v̉erſpart. vor all̉er creatvvr bewart. Gedanc iſt vinſt̉er ane ſhin. diu Gothait chan lut̉er ſin. ſi gleſtet durc die vinſt̉er want. vnd hat den helden ſprunc gerānt. d̉er endiuzet noch enchlinget. ſo er von dem h̉erzen ſpringet. ez iſt nehain gedanch ſnel. ê er von dem h̉erzen vuͦr daz vel. choͤm ern ſi v̉erſuchet. deſ kuſchen got geruchet. ſit Got gedanche ſiht ſo wol. Owe d̉er br*broden w̉erche dol. Swa w̉erc v̉erwurchent ſinen gruͤz. daz diu gothait ſich ſhamen muͤz. wem lat denne menſlich zuht. wa hat diu armiu ſele vluht. welt ir nu got vuͤgen leit. d̉er zebeiden ſiten iſt bereit. zuͤ d̉er minne Gein dem zorne. ſo ſit ir d̉er v̉erlorne. nu cheret ew̉er gemuͤte. daz er ev danche Guͤte. Parzifal ſprach zuͤ im do. h̉erre ich bin deſ imm̉er vro. daz ir mich von dem beſhaiden hat. d̉er nih vngelonet lat. d̉er miſſewende noch d̉er tugent. ich han mit ſorgen mine iugent. alſuſ braht an diſen tac. daz ich durc triwe iam̉erſ phlac. d̉er wirt ſprach ab̉er zvͤ im m*nemſ evch nih hêle. g̉erne ich v̉erneme. waz ir chunb̉erſ vnd ſunde hat. ob ir mich die bruͤven lat. dar zvͤ Gib ich ev lihte rat. deſ ir ſelbe nih enhat. do ſprach ab̉er parzifal. min ~~hohiſt~~hoͤhiſt not iſt vmbe den Gral. dar nach vmb min ſelbeſ wip. vf erde nie ſhon̉er lip. Geſuͤf nie dehainer mut̉er bruſt. nach den henden ſent ſich min geluſt. Er ſprach h̉erre ir redet wol. ir ſit in rehteſ chunb̉erſ dol. ſit ir nach ew̉er ſelbeſ ~~lib~~wibe. ſorgen phliht gebet dem libe. w̉erdẻxt ir vunden an reht̉er ê. ev mach zuͤ d̉er helle w̉erden we. diu not ſol ſhier ende han. vnd w̉erdet von banden alda v̉erlan. mit d̉er Goteſ helfe alſund̉ert twal. ir gehet ir ſent evch vmb den gral. ir tunb̉er man daz muͤz ich chlagen. ion mac den gral niemen beiagen. wan d̉er zehimel iſt bechant. daz er zuͤ dem gral ſi benant. Deſ muͤz ich von dem Grale iehen. ich waiz ez vnd hanz geſehen. ~~parzifal~~Parzifal ſparch wart ir da. ~~parzifal~~Parzifal: nach dem P kleine Lücke - evtl. als Rubrizierung gedacht und nicht ausgeführt. d̉er wirt ſprach h̉erre ia. parzifal v̉erſwaich in gar. daz er auch waſ chomen dar. er vragt in von d̉er chunde. wiez vmb den Gral da ſtunde. d̉er wirt ſparach mir iſt wol bekant. ez wont manc w̉erlichev hant. zemuntſalvaſce bi dem graſ. durc Auenture. die allev mal. ritent mange reiſe. die ſelben templeiſe. ſwa ſi kunb̉er od̉er kunb̉er beiagent. vur ir ſunde ſi daz tragent. Da wont ein w̉erlichev ſhar. ich wil ev chunden vmb ir nar. ſi bent von einem ſteine. deſ geſlehte iſt vil reine. habt ir deſ nih erchennet. d̉er wirt ev hie in nennet. er haizt lapiſ exiliſ. von deſ ſtaineſ craft der fenix. v̉erbrinnet daz ze aſhen wirt. Wem dinſt wizzt vor Liebew fraw Affra Ich laz ewch wizz̄en man diu aſhe im ab̉er leben birt. ſuſ reret d̉er fenix muͤze ſin. vnd git darnach vil liehten ſhin. vnd daz er ſhoͤne wirt ſam ê. auch wart nie menſhen ſo we. ſwelhſ tageſ ez den geſiht. die wochen magc ez ſt̉erben nih. die: sieht nachträglich beschädigt aus, e unter dem Fleck erkennbar. diu all̉er ſhierſt dar nach er geſtet. ſin varwe auch nimm̉er zerget. man muͤz im ſolh̉er varwe iehen. damit ſw̉er hat den ſtain geſehen. ez ſi magt od̉er man. alſ do ſi in beſten ziten huͤp an. ſeh ez den ſtain zwaihund̉ert iar. im wurde gra nih ſin har. ſolch craft den menſhen git d̉er ſtein. daz im vlaiſch vnd bein. iugent enphahet alſund̉er twal. d̉er ſtain iſt auch genant d̉er Gral. dar vf chomet hiut an boteſhaft. dar an doch lit ſin hoheſtev craft. Ez iſt hiut d̉er karvritac. daz man vur war da warten mac. ein tube von himele ſwinget. vf den ſtain ſi bringet. eine chlein wiz oblat. vf den ſtain ſi die lat. diu tube iſt durc luhtet blanc. ze himele tuͤt ſi wid̉er wanc. imm̉er an den karvritage. bringet ſi vf den ſtain alſ ich ev ſage. ſwaz guteſ vf d̉er erde tarahet von tirinchen vnd von ſpiſe. den wunſ von paradiſe. Ich main ſwaz diu erde mac geb̉ern. d̉er ſtain ſi vurbaz mer ſol w̉ern. ſwaz wildeſ vnd̉er den luften mac leben. ez vliege luft od̉er ſweben. d̉er rit̉erlichen bruͤd̉erſhaft. die phruͤnde in git deſ graleſ craft. die ab̉er zuͤ dem grale ſint benant. horet wie die w̉erden bechānt. zende an deſ ſtaineſ drum. mit karactern ein epitaphiūm. ſaget ſinen namen vnde ſin art. ſw̉er dar ſol tuͤn d̉er ſelden vart. ez ſi von meiden od̉er von chnaben. die ſhrift mac nieman drab geſhaben. ſo man den namen Geleſen hat. vor ir augen ſi zergat. Si chomen alle dar vur chint. die nu da groze luͤte ſint. ſo wol d̉er muͤt̉er diu daz chint gebar. daz zedienſte ſol gehorn dar. d̉er arm vnd d̉er riche. vreunt ſich alle geliche. ob man ir chint aiſhet dar. daz ſiz ſuln ſelden in die ſhar. man holt ſi in mangen landen. vor ſundebarn ſhanden. ſint ſi imm̉er me behuͤt. vnd wirt ir lon zehimle guͤt. Swenn in erſtirbet hie das leben. ſo wirt in dort d̉er wunſch gigeben. die dwed̉erthalp geſtuͤnden. do ſtriten begunden. lucif̉er vnde Trinitaſ. ſwaz d̉er ſelben engel waſ. die edeln vnd die w̉erden muͤzen vf die erden. zuͤ dem ſelben ſtaine. d̉er ſtain iſt imm̉er raine. ichn waiz ob got vf ſi v̉erkoͤſ. od̉er ob er ſi vurbaz v̉erloſ. waſ daz ſin reht er nam ſi wid̉er. deſ ſtaineſ phlegent imm̉er ſid̉er. die Got dar zuͤ benande. vnd in ſin engel ſande. h̉erre ſo ſtet ez vmb den gral. do ſprach ab̉er parzifal. Nach rit̉erſhaft deſ libeſ priſ. vnd auch d̉er ſele paradiſ. beiagen mit ſhilte vnd mit ſper ſo waſ ie rit̉erſhaft min ger. ich ſtrait ie da man ſtriten want. ſo daz min w̉erlichev hant. ſich huͤp nach dem priſe. i*iſt got an ſtrite wiſe. i*iſt: ich zu iſt? d̉er ſol mich dar benennen. daz ſi mich da bechennen. min hant da dienſt niht v̉erbirt. do ſprach ab̉er ſin chuſh̉er wirt. ir muͤzt alda von hochvart. mit ſhlehtem willen ſin bewart. Ivch v̉erlaitt liht ew̉er iugent. daz ir d̉er kuͤſhe brehet ir tugent. hochuart ie ſaich vnd viel. ſprach d̉er wirt ſinev augen wiel. do er an daz mere dahte. daz er da mit rede volbrahte. do ſprach er h̉erre ein chunc waſ d̉er hiez vnde heuzet noch Anfortaſ. daz ſol evch vnd mich armen. imm̉er mer erbarmēn. vmbe ſin h̉erzenbare not. diu hochfart im zelone bot. ſin iugent vnd richeit. d̉er w̉erlte an im vugte leit. vnd daz er g̉erte mīnne. vzerhalp d̉er chuſſhen ſinne. Der ſit iſt nih dem grale reht. da muͤz d̉er rit̉er vnd d̉er kneht. bewart ſin von loſheit. demuͤt die hochfart vb̉er ſtreit. da wont ein w̉erdev bruͤd̉erſhaft. die habent mit w̉erlich̉er craft. erw̉ert mit ir handen. d̉er diet von allen den landen. daz d̉er Gral iſt vnbechennet. wan die da ſint benennet. zemuntſhaluaſce an deſ graleſ ſhar. wan ein̉er chom vnbenennet dar. Der ſelbe waſ ein Tumb̉er man. vnde vurt auch ſunde mit im dan. daz er nih zuͤ dem wirte ſprach. vmb den chunb̉er den er an im ſach. ich ſol nie*nieman ſhelten. doch muͤz er ſunde engelten. daz er nih vragte deſ wirteſ ſhaden. er waſ mit chunb̉er ſo geladen. ezn wart nie erchant ſohoh̉er pin. da uor chom royſ lehelin. ze prupanie an den ſe geriten. durc Tioſt het ſin da gebiten. libealſ d̉er w̉erde helt. deſ tot mit Tioſte wart erwelt. er waſ geborn von prinlacorſ. lehelin deſ heldeſ orſ. dannan zoch mit ſin̉er hant. da wart der reraup bechant. Herre ſit irz lehehelin. ſo ſtet in dem ſtalle min. den orſen ein orſ gelich geuar. die da hornt in deſ Graleſ ſhar. an dem ſatel ein turteltube ſtet. daz orſ von muntſalualgce get. diu wapen gab im anfortaſ. do er der vreude h̉erre waſ. ir ſhilte ſint vor alt̉er ſo. Titurel ſi brahte do. an ſinen ſun roy frimuntel. darvnd̉er v̉erloſ d̉er degen ſnel. von ein̉er Tioſt ſinen lip. d̉er minte ſinſ ſelbeſ wip. daz nie von minnen mere. wip wart geminnet ſo ſere. Ich main mit rehten triwen. ſin ſit ſult ir niwen. vnd minnet von h̉erzen ew̉er chonen. ſinen ſit ſult ir wonen. ew̉er varwe im treit gelichev mal. er waſ auch h̉erre vb̉er den gral. owe h̉erre von wannen iſt ew̉er vart. ruͤchet mir pruͤven ew̉ern art. ir ietdwed̉er vaſt an den andren ſach. parzifal zuͤ dem wirte ſprach. ich bin von einem man giborn d̉er mit tioſte hat den lip v̉erlorn. vnd durc rit̉erlich gemuͤte. h̉erre durc ew̉er guͤte. Sult irn nemen in ew̉er gebet. min vat̉er hiez Gahmuret. er waſ von art ein antſheuin. h̉erre ich pinz nih lehelin. Genam ich ie den reraup. ſo waſ ich an witzen taup. ez iſt idoch von mir geſhehen. d̉erſelben ſunden muͤz ich iehen. Jthern von cukum̉erlant. den ſluͤc min ſundigiu hant. ich leit in toten vf daz graſ. vnd nam ſwaz an im waſ. Owe w̉erlt vvie tuͤſt du ſo. vvie: Einzelfall: w als vv geschrieben. ſprach d̉er wirt d̉er waſ deſ mereſ vnuro. du giſt den luten h̉erzen ſer. vnd riweberſ chunb̉erſ mer. danne d̉er vreude wie ſtet din lon. ſuſ endet ſich deſ iam̉erſ don. do ſprach er lieb̉er ſweſt̉er ſun. waz rateſ meht ich dir nu tuͤn. du haſt din aigen v̉erch erſlagen. wildu vur got die ſhulde tragen. ſit daz ir beide wart ein bluͦt. ob got reht gerihte tuͤt. ſo gilt im din augen ~~geben~~leben waz wil du im da zegelte geben. Jth̉ern vo chachueiſ. d̉er rehten w̉erdecheit geniez. deſ du w̉erlt waſ gerainet. het got an im erſhainet. Miſſewende waſ ſin riwe. er balſam ob d̉er triwe. allev w̉erlt ſhande in vloch. nu w̉erdechait ſich in ſin h̉erze zoch. dich ſolten hazzen ellev wip. durc ſinen minnechlichen lip. ſin dienſt waſ Gein in ſo Ganz. er mahte wibeſ augen Glanz. die Geſahen von ſin̉er ſuzze. Got daz erbarmen muͤze. daz du ie gevrumteſ ſolhe not. min ſweſt̉er lac auch nach dir tot. h̉erzenlaude din muͤt̉er. Neina h̉erre Guͤt̉er. waz ſagt ir nu ſprach Parzifal. w̉er ich dann h̉erre vb̉er den Gral. d̉er meht mich ergezzen niht. deſ m̉erſ deſ mir ew̉er munt giht. Bin ich ew̉er ſweſt̉er chint. ſo tuͤt alſ die mit triwen ſint. vn̄d ſagt mir ſund̉er wancheſ var. ſint diſev mer bediu war. do ſprach ab̉er d̉er gute man. ich binz nih d̉er da triegen chan. din̉er muͤt̉er daz ir triwe erwarp. do du von ir ſhiede zehant ſi ſtarp. du w̉er daz tier daz ſi da ſluͦc. vnd d̉er trache d̉er von ir da ~~vloch~~vlach. ez wid̉ervuͤr ir in ſhlafe gar. ê daz diu ſuͤzzev dich gebar. min̉er geſwiſt̉ert zwai noch ſint. zwai: über i untypischer Strich - nur i-Punkt oder andere Bedeutung? min ſweſt̉er ſcoſiane ein kint. Gebar d̉er fruht lac ſi tot. d̉er h̉erzoge kiot. Von katelangen waſ ir man. d̉er wolt auch ſit nih vreude han. ſigunen deſ ſelben toht̉erlin. bevalch man d̉er mut̉er din. Scoſianen tot mich ſm̉erzen. muͤz in minem h̉erzen. ir wiplich h̉erze waſ ſo guͤt. ein art vur vnkuſche fluͤt. ein magt min ſweſt̉er phligt noc ſite. ſo daz ir chuſche volget mit. kanpaſſe de ſchoy phliget. deſ graleſ d̉er ſo ſw̉ere wigt. daz in diu valſchev menſhait. *nīmm̉er von d̉er ſtat geweit. ir brud̉er vnd d̉er min iſt anfortaſ. d̉er beidiu iſt vnd waſ. von art deſ graleſ h̉erre. dem iſt laid̉er vreude v̉erre. wan daz er hat gedingen. in ſul ſin chunb̉er bringen. zuͤ dem endeloſem gemache. mit chwund̉erlich̉er ſache. iſt ez im chomen an riwen zil. alſ ich dir neue chunden wil. phligeſt du danne triwe. ſo erbarmt dich ſin riwe. do frumuntel den lip v̉erloſ. min vat̉er man nach im da choſ. ſinen eltiſten ſun ze kunge dar. vb̉er den Gral vnd deſ graleſ ſhar. daz waſ m*min bruͤd̉er anfortaſ. d̉er crone vnd richeit wirdich waſ. dannoch wir wenc warn. do min bruͤd̉er Gein den iarn. chom vur d̉er graneſprunge zit. mit ſolh̉er iugent hat minne ir ſtrit. ſo Twinget ſi ir vriunt ſo ſo ſere. man mac ez ir iehen zevnere. Swelhſ graleſ h̉erre ab̉er minne g̉ert. and̉erſ danne diu ſhrift wert. d̉er muͤz deſ chomen in arebeit. vnd in ſufftebarev h̉erzenleit. min h̉erre vnd d̉er bruͤd̉er min. choſ im eine vriundin. deſ in duhte mit guͤten ſit. ſw̉er diu waſ daz ſi da mit. in ir dienſt er ſich zoch. ſo daz diu zaghait in vloch. deſ wart von ſin̉er klaren hant. durchel manc ſhilteſ rant. do beiagt ein auenture. d̉er ſuͤze vnd d̉er Gehure. wart ie hoh̉er briſ erchant. vb̉er allev rit̉erlichev lant. von dem mere waſ er vrie. Amor waſ ſin grie. Der raup iſt zuͤ d̉er demuͤt. idoch nih vollechlichen guͤt. einſ tageſ d̉er kunc eine reit. daz waſ gar den ſinen leit. vz durc auenture. durc freude minnen ſtiure. deſ Twanc in d̉er minnen ger. mit eim geluptem ſper. wart er zuͤ d̉er Tioſte wunt. ſo daz er nie mer geſunt. wart d̉er ſuͤze ohaim din. durc die heidruſe ſin. Ez waſ ein heide d̉er da ſtreit. vnd d̉er die ſelben Tioſte reit. Geborn von ethniſe. da vͤz dem paradiſe. rinnet diu tigriſ. d̉er ſelbe haiden waſ gewiſ. ſin ellen ſolde den gral behaben. an dem ſper waſ ſin nam ergraben. er ſuhte die v̉erren rit̉erſhaft. nih wan durc deſ graleſ craft. ſtraich er wazz̉er vnd lant. von ſinem ſtrite vnſ vreude ſwant. dinſ ohaimſ ſtrit man briſen. muͤz deſ ſperſ yſen. fuͤrt er in ſinem libe dan. do d̉er iunge w̉erde man. chom haim zuͤ den ſinen. do ſach man iam̉er ſhinen. Den haiden het er dort erſlagen. den ſuln wir zemazen chlagen. do vnſ d̉er chom alſo bleich. vnd im ſin craft ſo gar geſweich. in die wunden graif einſ arzteſ hānt. vnz er deſ ſperſ yſen vant. d̉er drunzun waſ rorin. ein teil in d̉er wunden ſin. die gewan d̉er arzet beide wid̉er mine venie viel ich nid̉er. do lopt ich d̉er go teſ craft. daz ich dehein rit̉erſhaft. Getete nimm̉er mere. daz got durc ſin ere. minem bruͤd̉er hulfe von d̉er not. ich v̉erſwuͤr auch flaiſch win vnd brot. Vnd darnach allez daz truͤge bluͤt. daz ich nīmmer mere muͤt. Gewunne daz d̉er diet ir and̉er chlage. lieb̉er neue alſ ich dir ſage. daz ich ſhiet von dem ſw̉erte min. ſi ſprachen wer ſol ſh̉irm̉er ſin. deſ graleſ vb̉er Taugen. do wainten liehtev augen. ſi trugen den chunc ſund̉ertwal. durc goteſ helfe vur den gral. do d̉er kunc den Gral geſach. daz waſ ſin and̉er vngemach. daz er nih ſt̉erben mohte. wand im do ſterben nih tochte. Sit daz ich mich het ergeben. in alſuſ iem̉erlichez leben. vnd deſ edeln arteſ h̉erſhaft. waſ chomen in ſo ſwache craft. deſ kungeſ wunde . Gaitert waſ. ſwaz man and̉er arzet buche laſ. die Gaben dehain helfe lon. Gein iaſpiſ ecidemon. econtineſ vn̄d liſiſ. leciſ vnd meatriſ. deſ argen ſlangen deſ aiter ~~hiez.~~heiz. tragen ſwie ez im da vor weiz. vnd fur and̉er wurme die daz aiter tragent. ſwaz die wiſen arzet davur beiagent. Mit ſolhem liſt an wurzen. la dir die rede churzen. d̉er dehainz gehelfen chunde. Got ſelbe vnſ deſ erbunde. wir Gewunnen Geon. zehelfe vnd fiſon. evfrateſ vnd Tigriſ. diu vier wazzer von paradiſ. ſo nahen hin zuͤ ir ſuͤzem ſmache. dannoch nih v̉errochen mahte. ob dehain ~~wurch~~wurz drinne cheme. diu vnſ̉er truren neme. daz waſ v̉erlorn arebeit. do niwet ſich vnſ̉er h̉erzenleit. doch v̉erſuͤchten wirz manec wiſ. do Gewunnen wir daz ſelbe riſ. Dar vf ſibilla iach. eneaſ fuͤr helle vngemach. vnd vrvuͤr d̉er fleiietanen raͮch. vnd vur andriu wazz̉er diu drin vliezent auch. daz namen wir vnſ zemuͤze. ~~vngewunnen~~vn̄d gewunnen daz riſ zebuͤze. ob daz ſper vngehiure. in dem helle viure. w̉ere Geluppet od̉er Geluͤt. daz vnſ an vreuden we tuͤt. don waſ dem ſper nih alſuſ. ein vogel haizet pellicanuſ. ſwenn d̉er fruht gewinnet. alzeſere er diu minnet. In twinget ſin̉er triwēn Geluſt. daz er bizzet durc ſin ſelbeſ bruſt. vnd lat daz bluͤt den iungen in den munt. vnd ſtirbet an d̉er ſelben ſtunt. Gewunnen wir deſ vogel bluͤt. ob vnſ ſin triwe w̉ere Guͤt. vnd ſtrichenz an die wunden. ſo wir beſte chunden. daz moht nih gehelfen ſuſ. ein Tier haizt Moniceruſ. daz erchennet d̉er maide rainechait ſo groz. daz ez ſlafet in ir ſhoͤz. wir gewunnen deſ Tierſ h̉erzen. vb̉er deſ chunges ſw̉erzen. wir namen den karuunchel ſtein. vf d̉er ſelben Tierſ hirnbe*hirnbein. d̉er da wahſet vnd̉er ſinem horne. wir beſtrichen die wunden vorne. vnd beſlaftan den ſtain drin gar. diu wunde waſ et luppec var. Daz tet vnſ mit dem chunge we. wir gewunnen ein wurz haizet Tragante. wir horn von d̉er wurzen ſagen. ſwa ein Trache w̉er erſlagen. ſi waſhe von dem bluͤte. d̉er wurz iſt ſo zemuͤte. ſi hat al deſ lufteſ arte. ob vnſ deſ Trachen vmbe varte. dar meht iht gefrumen. vur d̉er ſterne wid̉erchomen. Vnd vnſ deſ manen wandel tac. d̉er an d̉er wunden ſm̉erzen lac. d̉er wurzen edel hoch geſlehte. chom vnſ da vur nih rehte. vnſ̉er venie vielen wir vur den Gral. dar an geſahen wir zeinem mal. Geſriben dar ſolt ein rit̉er chomen. wurde deſ vrage al da v̉ernomen. ſo ſolt d̉er kunb̉er ende han. ez w̉er kint. magt. od̉er man. daz in d̉er vrage warnt iht. ſon ſolt diu vrage helfen nih. wan daz d̉er ſhade ſtuͤnt alſ ê. vnd h̉erzelich̉er tete we. diu ſrift hapt ir wol v̉ernom̄en . ew̉er ~~wanen~~warnen mac zeſhaden chomen. Vragt er nih bi d̉er erſten naht. ſo zerget ſiner ~~vreuden~~vrage maht. wirt ſin frage an reht̉er zit getan. ſo ſol er daz chuncriche han. vnd hat d̉er chunb̉er ende. von d̉er hohiſten hende. da mit anfortaſ geneſen. ern ſol ab̉er nimm̉er chunic weſen. ſuſ laſen wir an dem gral. daz Anfortaſ qual. damit ein ende neme. ſwenn im diu vrage queme. wir ſtrichen an di wunden. ſwa mit wir ſenften chunden. die Guͤten ſalben nardaſ. vnd ſwaz getriachlet waſ. Vnde den rauch von lignit aloe. im waſ ot zallen ziten we. do zoch ich mich da her. ſwachev wunne iſt min̉er iare ger. ſit chom ein rit̉er dar Geriten. d̉er moht ez g̉erner han v̉ermiten. von dem ich dir ê ſagt. vnbriſ er da er da beiagte. ſit er den rehten chunb̉er ſach. daz er nih zuͤ dem wirte ſprach. h̉erre wie ſtet ew̉er not. ſit im ſin Tunphait daz Gebot. daz er da nih vragete. Grozer ſelden in betragete. ſi bede warn mit h̉erzen chlage. do nahent ez dem mittem tage. Do ſprach er Gen wir nach d̉er nar. din orſ ſtet vnberaten gar. ich mac vnſ ſelben nih geſpiſen. ezn welle got vnſ ſin wiſen. min chuchel riuchet ſelten. deſ muͤſt du hiut engelten. vnd al die wil du bi mir biſt. ich ſol dich hiut lern liſt. an den wurzen liez vnſ d̉er ſne. Got geb daz er ſhier zerge. Nu brechen die wil ein wenic graſ. ich wen din orſ diche gaz. zemuntſhaluaſche baz danne hie. du mehtiſt zewirte nie. kom̄en d̉er din g̉ern̉er wol phlege. ob ez hie beraittez lege. ſi Giengen vz vmb ir beiach. Parzifal deſ vuͦt̉errſ phlac. d̉er wirt gruͤb im wurzelin. daz muͦſ ir beſtev ſpiſe ſin. d̉er wirt ſin̉er orden nih v̉ergaz. ſwie vil ergruͤb dehain er az. die wurzen vor d̉er none. an die ſtuden ſhone. hienc er ſi vnd ſuchte mer. durc die Goteſ er. mangen tac er vngaz gienc. ſo er v̉ermiſte wa ſin ſpiſe hienc. Die zwen geſellen v̉erdroz. ſi giengen da d̉er brunne vloz. ſi wuhſhen wurzen vnd crut. ir munt wart ſelten lachenſ luͤt. ietdwed̉er ſin hende. Twuͤch an ein Gebende. Truͤc parzifal win laup. vur ſin orſ ir ram ſhaup. Giengen ſi wid̉er zvͤ den choln. man dorft in nih me ſpiſe holn. dan waſ geſoten noch gebratæn. vnde ir chuchel vmberaten. parzifal mit ſinne. durc getriwe minne. die er Gein ſinem wirte truͤc. in duht er hete baz genuͤc. Dann do ſin phlac Gurnemanz. do ſo mang̉er frowen varwe Glanz. zemuntſaluaſche vur in in Gienc. do er wirtſhaft von dem Gral enphienc. der wirt mit triwen wiſe. ſprach neue diſe ſpiſe. ſol dir nih v̉erſmahen. dune vindeſ in al gahen. dehainn wirt d̉er dir Gunde baz. Guͤt̉er wirtſhaft ane haz. Parzifal ſprach h̉erre. d̉er Goteſ gruͤz mir v̉erre. ob mir ie ſpiſe baz Gezeme. ſwa ich ſie ie von wirte neme. Swaz da ſpiſe wart vurgetragen. beliben ſi da nach vngetwagen. daz ſhadet in an den augen nih. alſ man von viſhen an den handen ſiht. ich wil vur mich gehaizen. man moht mit mir baizen. w̉er ich vur ved̉erſpil bechant. ich vluge al g̉erne von d̉er hant. bi ſolhen crophelinen. tet ich vliegenſ ſhinen. weſ ſpot ich d̉er guͤten diet. min alteu vngevuge mir daz riet. ir hapt daz wol gehoret. waz in richeit hat Geſtoret. Warumbe ſi warn freuden arm. diche kalt vnd ſelten warm. ſi dolten h̉erzen riwe. niht wan durch durc rehte Triwe. An alle miſſewende. von d̉er hoheſten hende. enphiengenſ vmb ir chunb̉er ſolt. Got waſ vnd wart in beide holt. beide: falls End-n vorhanden nicht erkennbar da zu tief im Falz. ſi ſtuͤnden vf vnde Giengen dan. parzifal vnd d̉er Gute man. zuͤ dem orſe Gein dem ſtalle. mit cranchen freuden ſhalle. do ſprach d̉er wirt zuͤ dem orſe mir iſt leit. din hungrigev arebeit. durc den ſatel d̉er vf dir liget. der anfortaſ wappen phligt. Do ſi diz orſ begiengen niwe chlage ſi ane viengen. parzifal ſprach zuͤ dem wirte ſi*ſin. Lieber h̉erre vnd ohaim min. Getorſt ich ev vor ſhamen ſagen. min vngeluch ich ev ſolde chlagen. daz v̉erchieſet durc ew̉er ſelbeſ zuht. min triwe hat doch Gein ev vluht. ich han ſo ſere miſſetam. welt ir mich ſin engelten lan. ſo ſhaid ich von dem troſte. vnd bin d̉er vnerloſt. imm̉er mer von riwe. ir ſult mit rateſ Triwe. Klagen mine Tunphait d̉er vf muntſhalvaſce reit. vnd d̉er den rehten chunb̉er ſach. vnde d̉er dehaine vrage ſprach. daz pin ich vnſelic barn. ſuſ han ich g̉erne miſſevarn. er ſprach neue waz ſeiſtu nu. wir ſuln beide ſamp zvͤ. zeh̉erzenlich̉er clage grifen. vnd die freude lazen beſlifen. ſit din chunſt ſelden dich v̉erzech. do ergot dir vunif ſinne lech. die habent ir rat dir v̉erſpart. wie waſ din triwe von in bewart. an den ſelben ſtunden. bi anfortaſ wunden. Doch wil ich rateſ nih v̉erzagen. dun ſolt auch nih zeſere chlagen. du ſolt in reht̉er mazen. clagen vnd clagen lazen. diu menſhait hat wilden art. etſhwa wil iugent an witze vart. wil dan daz alt̉er tumphait vͦben. vnde lut̉er ſit truͤben. da von wirt daz wize ſal. vnd gruͤne Tugende val. da von bechomen mohte. daz d̉er w̉erdechait tohte. moht ich dir wol ergruͤnen. vnd din h̉erze alſo erchuͤlen. daz du den priſ beiageteſt. vnd an got nih v̉erzageteſt. So Geſtuͤnde noch din linge. an ſo wirdechlichem dinge. daz wol ergetzen hieze. Got ſelbe dich nih enlieze. ich bin vor got dinſ rateſ w̉er. nu ſage mir ſehe du daz ſper. ze Muntſaluaſce vf dem huſ. do d̉er ſt̉ern Satvvrnuſ. wid̉er anſin zit geſtunt. daz wart vnſ bi d̉er wunden chunt. vnd bi dem ſum̉erlichem ſne. im tet d̉er vroſt nie ſo we. dem ſuzem Ohaim din. daz ſper muͤſ in die wunden ſin. Da half ein not vur die and̉er not. do wart daz ſper bluͤtich rot. ietſlich ſtern chomēn in dem tage. die dudiu diet lêrt iam̉erſ clage. die ſo ho ob ein and̉er ſtent. vnd vngeliche wid̉er gent. vnd deſ manen wid̉erchere. ſi hat auch zuͤ d̉er wunden ſere. diſe zit die ich hie benennet han. ſo muz d̉er chunc riwe han. ſo tuͤt *emdem chunge froſt ſo we. ſin flaiſch wirt chelt̉er dann d̉er ſne. ſit man daz geluppe haiz. an dem ſperyſen waiz. Die zit manz vf die wunden leit. den froſt ez vz dem libe treit. alumbe daz ſper glaſ var alſ ein yſ. dazn moht aber dehain wiſ. von dem ſper nieman bringen dan. wan Trebuchet d̉er wiſe man. d̉er worht zwai mezz̉er die ez ſniten. vzer ſilb̉er diu ez niht v̉ermiten. den liſt tet im ein ſegen chunt. d̉er an deſ chungeſ ſtuͤnt. dan zvo in namen in ain dinſt mang̉er iſt d̉er gerne giht. aſpende daz holz bringe nih. ſo diſeſ glaſeſ druf iht ſpranc. fiureſ lohen da nah̉er ſwanc. Aſpende da uon v̉erbran. waz wund̉erſ diz Geluppe chan. Er mac geriten noch gigen. d̉er chunc geligen noch geſten. erlampt ame ſitzen. mit ſuſgebaren witzen. Gein deſ manen wandel iſt im we. brunbanie haizet ein ſe. da treit man in vf durc ſuͤzen luft. durch ſin̉er wunden ſuͤren guft. daz haizt er ſinen waidetac. ſwa er da Geuahen mac. bi dem ſmerzlichem ſer. er bedarf da haim mer. da von chom vnſ ein mere. ez w̉er ein viſchere. daz mer muͤſt er liden. ſalmen lantpride. het er doch luzel veile. d̉er Trurige vnd nih d̉er Geile. Parzifal ſprach alzehānt. vf dem ſe den chunc ich vant. geanch̉ert vf dem wage. ich wande durc viſhenſ lage. od̉er durc and̉er kurzewile. ich ~~bet~~het mange mile. deſ tageſ dar geſtrichen. Pailrapeir ich waſ enthwichen. reht vmb den mitten morgen. deſ abendeſ phlac ich ſorgen. wa diu h̉erb̉erge mohte ſin. d̉er beriet mich d̉er Ohaim min. Du rite ein engeſliche vart. ſprach d̉er wirt die wart ſint bewart. iegelichev ſo beſezzen iſt. mit rotten ſelten iemanſ liſt. in hilfet Gein d̉er Reiſe. er ch̉ert ie Gein d̉er vreiſe. ſwenne ein hêr dar zvͤ in reit. ſi namen niemanſ ſich̉erheit. ſi wagtan ir leben Gein ienes leben. daz iſt vur ſunde in da Gigeben. nu chomen ane ſtriten. an den ſelben ziten. Geriten da d̉er kunc waſ. ~~ſprach~~ ſprach parzifal deſ palaſ. ſach ich deſ abenſ iam̉erſ vol. wie tet im do iam̉er ſo wol. Ein chnappe da zvͤ d̉er tur in ſpranc. dauon d̉er palaſ iam̉erſ klanc. d̉er Truͤc in ſinen henden. ein ſhaft ze vier wenden. dar inn ein ſper bluͦtich rot. deſ chom diu diet in iamerſ not. d̉er wirt ſprach neue ſit noch ê. wart dem chunge nie ſo we. wan do ſin chomen zaigte ſuſ. d̉er ſt̉ern ſaturnuſ. d̉er mit grozem vroſte waſ chomen. druf legen maht vnſ nih gefrumen. alſ manz ê druf ligen ſach. daz ſper man in die wunden ſtach. Saturnuſ laufet ſo hoh enbor. daz ez diu wunde weſſe vor. ê d̉er and̉er vroſt choͤm h̉er nach. dem ſne waſ nind̉er ſo gach. er viel alreſt and̉er andren naht. ind̉er ſum̉erlichen maht. do man deſ chungeſ vroſt ſuſ w̉erte. die diet ez vreude h̉erte. do ſprach d̉er kiuſch Treuerezent. Si enphiengen iam̉erſ ſoldiment. daz ſper in vreude enphurte. daz ir h̉erzen v̉erch ſuſ ruͤrte. do macht ir iamerſ triwe. deſ ~~taufeſ~~toufeſ ler al niwͤe. Parzifal zuͤ dem wirte ſprach. vunf vnd zwainzec meid ich da ſach. die vor dem chunge ſtunden. vnd wol mit zuhten chunden. d̉er wirt ſprach ez ſuln ~~bediu~~ Meigde phlegen. deſ hat ſich got Gein im beweḡn. beweḡn: Kürzungsstrich im Falz erkennbar, e nach g nicht sichtbar. xi. deſ graleſ dem ſi da dienten vuͤr. Der gral iſt mit hoh̉er chur. ſo ſuln ſin rit̉er huͤten. mit chuſchlich̉er guͦte. dẻr hohen ſterne chomendiu zit. d̉er diet al da grozzen iam̉er g*git. den iungen vnd den alten. Got hat zorn behalten. Gein in allen zelange da. wen ſuln ſi vreude ſprechen ia. Neue nu wil ich ſagen dir. daz mahtu wol gelauben mir. ein ſhanz diche ſtet vor in. ſi Gebent vnd nement Gewin. ſi enphahent cleinev kindel dar. von hoh̉er art vnd wol geuar. wirt ind̉er h̉erreloſ ein lānt. erchennet ſi da diu Goteſ hant. ſo daz diu diet einſ h̉erren gert. von deſ graleſ ſhar ſi iſt gew̉ert. deſ muzen auch ſi mit zuhten phlegen. ſin huͤtet alda d̉er Goteſ ſegen. Got ſaffet v̉erholn dannen die man. die meide offenlichen dan. Du ſolt deſ ſin vil gewiſ. daz d̉er kunc Caſtiſ. h̉erzenlauden g̉erte. d̉er man in ſhone w̉erte. din muͤt̉er gab man im zechonen. ern ſolt ab̉er nih ir minne wonen. d̉er tot in leit in daz grab. da vor er din̉er mut̉er gap. waleiſ vnd Norgalſ. kanfolaiz vnd kiriualſ. daz ir mit ſelde wart gigeben. d̉er chunc nih lang̉er ſolte leben. daz waſ vf ſin̉er reiſe wid̉er. d̉er chunc leit ſich ſt̉erben nid̉er. do truͤc ſi crone vb̉er zwai lant. do erwarp ſi Gahmureteſ hant. Suſ git man von dem grale dan. offenlichen die meide v̉erholn die man. durc fruht zedienſt wid̉er dar. ob ir kint deſ graleſ ſhar. mit dienſt ſuln meren. daz chan ſi got wol leren. ſw̉er ſich dienſt dem gral hat bewegen. Gein wiben er minne muͤz v̉erphlegen. d̉er kunc ſol haben eine. eine konen reine. vnd and̉er die got hat Geſant. zeh̉erren in h̉errenloſev lant. vb̉er daz Gebot ich mich bewac. daz ich nach mīnne dienſteſ phlac. mir geriet min fletigev iugent. vnd eineſ w̉erden wibeſ tugent. daz ich in ir dienſt reit. da ich diche h̉ertechlichen ſtreit. Die wilden auenture. mich duhtan ſo gehure. daz ich ſelten turnierte. ir mīnne conduwierte. mir vreude in daz h̉erze min. durc ſi tet ich vil ſtriteſ ſhin. deſ Twanc mich ir rit̉erſhaft. Gein d̉er wilden v̉erren rit̉erſhaft. ir minne ich alſuſ chaufte. d̉er haiden vnd d̉er getaufte. warn mir ſtrites al geliche. ſi duhte mich lonſ riche. Sus phlac ichz durc die w̉erden. vf den drin Teiln d̉er erden. ze aropie vnd in Aſia. vnde v̉erre in Africa. ſo ich hohe Tioſt wolte tuͤn. ſo rait ich vur Cauruͤni. ich han auch manec Tioſt getan. vor den b̉ergen faimurgan. ich tet vil rich̉er Tioſte ſhin. vor dem b̉erge ze Agremontin. ſw̉er wolt einhalp die Tioſt han. da chomen vz fiurige man. and̉erhalp ſi brinnēnt nih. ſwaz man da Tioſtiern ſiht. Vnd ich vuͤr den roaſ. durc auentur geſtrichen waſ. do chom ein w̉erdeu windiſchev diet. vz durc Tioſte gegen biet. ich vuͤr von Sibille. daz mer alumbe Gein zilie. durc friul vnd Gein Agelei. Awe vnd heya hey. daz ich dinen vat̉er ie geſach. d̉er mir zeſehenn alda geſhach. do ich zezilie zogte in. do het d̉er w̉erde enthſeuin. vor geh̉erb̉erget ê. ſin vart tut mir imm̉er we. die vuͤr er zebaldac. and̉er Tioſt er tot lac. Ez waſ von im din ſage. ez iſt imm̉er minſ h̉erzen chlage. min brud̉er iſt guteſ riche v̉erholnn rit̉erliche. er mich dikke von im ſande. ſo ich von munſhaluaſce wante. ſin inſigel nam ich da. vnd vurt ez ze kokebra. da ſich ſewet d̉er blimizol. in dem biſtuͤm ze barbigol. d̉er burcgraue mich da beriet. vf daz inſigel ê ich dannan ſhiet. knappen vnd and̉er koſte. Gein d̉er wilden Tioſte. vnd vf and̉er rit̉erliche vart. deſ wart vil wenc von im geſpart. Ich muͦſt aleine chomen dar. vf d̉er wid̉erreiſe liez ich gar. bi im ſwaz ich geſindeſ phlac. ich rait da Muntſhalvaſce lac. nu hore liͤber neue min. do mich do mich d̉er w̉erde vat̉er din. ze Sibilien alreſt geſach. baz er min zebruͤd̉er iach. h̉erzenlauden ſinen wibe. doch wart von ſinem libe. min antluze nie mer Geſehen. man muͤſt auch mir vur war da iehen. daz nie ſhon̉er manneſ lip wart. dannoch waſ ich ane bart. In min h̉erb̉erge er vuͤr. fur diſe rede ich diche ſwuͤr. mangen geſtabten eit. do er mich ſo vil angeſtreit. v̉erholn ichz im do Sagete. da von er vreuden vil behabete. er gab ſin cleinot mir. ſwaz ich im gab daz waſ ſin gir. min kefſen die du ſehe ê. diu iſt noch grun̉er dann d̉er chle. hiez ich wurchen vz eime ſteine. dem mir gabt d̉er reine. ſin neuen er mir zechnehte liez. Jth̉ern den ſin h̉erze hiez. xaz all̉er valſch an im v̉erſwant. d̉er chunc von kukumb̉erlant. m*wir mohten die vart nih lang̉er ſparn. wir muͤſen von einand̉er varn. er ch̉ert da d̉er baruc waſ. vnd ich fuͤr vur den Roas. uͤz lilie ich vur den roaſ reit. dri mentage ich vil geſtreit. mich duht ich hete wol geſtriten. dar nach ich ſhiereſt chom geriten. in die witen Gandine. da nach d̉er ane dine. Gandin wart Genennet. Jth̉er da wart erchennet. diu ſelbe ſtat lit alda. da diu grea in die Tra. Mit golde ein wazz̉er rinnet. da wart Jth̉er Geminnet. dine baſen er da vant. diu waſ frowe vb̉er daz lant. Gandin von ~~Antſhowe~~Antſhawe. hiez ſi da weſen ~~vrawe~~vrowe. ſi haizt lamiture. ſo iſt daz lant Genant ſtire. ſw̉er ſhilteſ ampt vͦben wil. d̉er muͤz durc ſtrichen lande vil. nu riwet mich min chnapp rot. durc den ſi mir vil ern bot. von Jthern du biſt erborn. din hant hat die ſippe v̉erchorn. Got hat ir nih v̉ergezzen doch. erchan ſi bruͦven noch. wil du Gein got mit triwen leben. ſo ſolt du im wandel drumbe Geben. mit triwen ich dir daz chunde. du treiſt zwuͦ grozze ſunde. Jth̉ern du haſt erſlagen. du ſolt auch dine muͤt̉er chlagen. ir grozev triwe daz Geriet. din vart ſi von dem leben ſhiet. die du iungeſt von ir tete. nu volge minen rate. nim buͤze vur miſſewende. vnde ſorge et vmb din ende. daz dir din arbeit hie erhol. daz dort diu ſele ruwe dol. Der wirt an allez bagen. an: über n Haken wie sonst auch über e - ân? begunde vurbaz vragen. neue ich han noch niht v̉ernomen. wannan dir diz orſ ſi chomen. diz orſ ich erſtreit. do ich von ſigunen reit. vor ein̉er kluſe ich da ſach. da von ich flugelingen ſtach. einen rit̉er drabe vnde zoch ez dan. von Muntſhaluaſce waſ d̉er man. d̉er wirt do ſprach iſt ab̉er d̉er geneſen. deſ ez von rehte ſolde weſen. h̉erre ich ſach in von mir gen. vnde diz orſ vant ich vor mir ſten. Wil du deſ graleſ volch ſuſ rauben. vnd da bi gelauben. du gewinneſt ir noch minne. ſo zwaigent ſich die ſinne. h̉erre ich nam ez in einem ſtrit. ſw̉er mir darumbe ſunde git. d̉er bruͦue alreſt wie diu geſte. min orſ het ich v̉erlorn ê. do ſparach ab̉er parzifal. w̉er waſ ein maget diu den gral. truͤc d̉er mandel lech man mir. d̉er wirt ſprach waſ er ir. diu ſelbe iſt din muͦme. ſi lech dir ſin nih zeruͤme. ſi wande du ſoltiſt da h̉erre ſin. deſ gralſ vnd ir vn darzuͤ min. Din Ohaim gap dir auch ein ſwert. da mit du ſunden biſt gew̉ert. ſit daz din wol redend̉er munt. da leid̉er nih tet vrage chunt. die ſunde la bi den andren ſten. wir ſuln auch Talanc ruwen gen. wenc wart in beiden bra*braht. noch gult̉er ſi leiten ſich in ein baht. daz ligen waſ ir hohen art. Gelich nind̉er da bewart. ſuſ waſ er da vumzehen tage. d̉er wirt ſin phlac alſ ich ev ſage. Cruͤt vnde wurzelin. daz muͤſt ir bed̉er ſpiſe ſin. Parzifal die ſwere. truͤc durc ſuͤzev mere. wand in d̉er wirt von ſunden ſhiet. vnd im doch rit̉erlichen riet. einſ tageſ vragt in Parzifal. w̉er waſ ein man d̉er lac vor dem Gral. d̉er waſ gra bi liehtem vel. d̉er wirt ſparach daz was Titurel. d̉er ſelbe waſ diner muͤter an. dem wartet allez deſ Graleſ van. wan er wart im beuolhen durc ſh̉ermeſ rat. ein ſiechtuͦm haizet pograt. Treit er die leme hefloſ. ſin varwe er doch nie v̉erloſ. wande er den Gral ſo diche ſiht. da uon mac er erſt̉erben niht. Durc rat habent ſi den betteriſen. in ſin̉er iugent fruͤt vnde wiſen. rait er vil durc Tioſtiern. wil du din leben ziern. vnd rehte w̉erdechlichen varn. ſo muͦſt du haz Gein wiben ſparn. wip vnd phaffen ſint erchant. die tragent vnw̉erliche hant. ſo raichet vb̉er phaffen goteſ ſegen. d̉er ſol di dienſt mit triwen phlegen. darvmb ob wirt din ende guͤt du muͤſt zephaffen haben muͤt. ſwaz din auge vf d̉er erden ſiht. daz Gelichet ſich dem prieſt̉er nih. Sin munt die mart̉er ſprichet. diu vnſ̉er vluſt zerbrichet. ~~ovch~~avch Griffet ſin gewihtev hant. an daz hohiſte phant. daz ie vur ſhulde geſetzet wart. ſwelch prieſt̉er hat ſich ſo bewart. daz er dem chuͤſhe chan gigeben. wie moht d̉er hailig̉er leben. diz waſ ir beid̉er ſhaidenſ tac. Treuereſcent ſich deſ bewac. er ſparach gip mir din ſunde her. vor got ich bin dinſ wandelſ wer. vnd leiſt alſ ich dir han geſeit. belip deſ willen vnủerzeit. Hie lazen ſich aventiw̉er von Parzifal vnd heuēnt ſich von Gawan Von ein and̉er ſhieden ſi. ob ir welt bruuet wie. ez nahet nu wilden meren. diu vreude chunnen leren. vnd die hochgemuͤte bringēnt mit den beiden ſi ringent. nu waſ ez auch vb̉er die iarſ zit. da*daz Geſhaiden wart deſ kanpheſ ſtrit. den d̉er lantgraue zuͤ dem blimizol. erwarp d̉er waſ ze barbigol. von ſchanfanzun Geſprochen. do belaip vngerochen. d̉er chunc kingriſin. Virgulat d̉er ſun ſin. chom Gein Gawan dar. do nam diu w̉erlt ir ſippe war. vnd ſhiet den champh ir ſippe maht. wan auch d̉er Graue ehkunat. Vf im die groze ſchulde truͤc. d̉er man Gawanen zech genuͤc. do v̉erkoſ kingrimurſel. vf Gawanen den degen ſnel. ſi vuren beide ſund̉er dan virgulaht vnd Gawan. an dem ſelben male. durc vo*vorſhen nach dem Grale. al da ſi mit ir henden. mange Tioſt muͤſen ſenden. wan ſw̉er deſ graleſ g̉erte. d̉er muͦſt mit dem ſwerte. ſich dem priſe nahen. ſuſ ſol man priſeſ gahen. Wie ez Gawan chomen ſi. d̉er ie waſ miſſewende vri. ſit d̉er von ſhanfanzune ſhiet. ob ſin reiſe vf ſtrit geriet. deſ iehen diez da ſahen. er muͤz nu ſtrite nahen. einſ morgenſ chom min h̉er Gauwan. Geriten vf einen plan. da ſach er plichen einen ſhilt. da waſ Tioſt durc geziſt. vnd phert daz frowen Gereite truͤc. daz waſ d̉er zaum vnde ſatel Tiur genuͤc. Ez waſ gebunden vaſte. zuͤ dem ſhilt an einem aſte. do daht er w̉er mac ſin dize wip. diu alſuſ w̉erlichen lip. hat daz ſi ſhilte*ſhiltes phliget. ob ſi ſtriteſ Gein mir ſich bewigt. wie ſol ich mich ir danne w̉ern. zevuͤzen truwe ich mich wol ernern. wil ſi die lenge ringen. ſi mac mich nid̉er bringen. ich erwerbe haz od̉er gruͤz. ſol da ein Tioſt ergen zevuͤz. ob ez oͮch froͮ kanille were. diu mit rit̉erlich̉er gebere. vol laurente briſ erſtreit. w̉er ſi nu geſunt alſ ſi do ~~ſtreit.~~reit. ez wurde idoc v̉erſucht an ſie. ob ſi mir ſtriten but alhie. Der ſhilt waſ auch v̉erhawen. Gawan begunden ſhawen. do er dar zuͦ chom geriten. d̉er Tioſt venſt̉er waſ geſniten. mit d̉er klauin wit. alſuſ malet ſich d̉er ſtrit. w̉er Gult ez den ſhilt̉ern. ob ir varwe alſuſ w̉ern. d̉er linden groz waſ d̉er ſtam. auch ſaz ein ~~vrowe~~vrawe an freuden lam. da hind̉er vf grunem kle. d̉er tet groz iam̉er alſo we. daz er d̉er froͮiden gar v̉ergaz. er rait hin vmbe Gein ir baz. ir lac ein rit̉er an d̉er ſhoͤz. da von ir iam̉er waſ ſo groz. Gawan ſin gruzen nih v̉erſweic. diu frowe im dancte vnd neic. er vant ir ſimme haiſe. ~~geſrit~~geſhrit durc ir vraiſe. do d̉er baizte min her Gawan. do lac durc ſtochen ein man. dem gie daz bluͤt in den lip. do vraget er deſ heldeſ *lîp.~~wîp.~~wip. ob d̉er rit̉er lebete. od̉er mit dem tode ſtrebete. ~~doc~~do ſprach ſi h̉erre er lept noch. ~~doc~~do: Federansatz. ich wen daz iſt vnlange doch Got ſand evch mir zetroſte h̉er. nu ratet nach ew̉er triwen ger. IR habt chunb̉ers me dann ich geſehen. nu lat an mir ew̉ern troſt giſhehen. daz ich ew̉er helfe ſhawe. ich tuͤn ſprach er frowe. diſem rit̉er wolt ich ſt̉erben w̉ern. ich truͦ in hart wol ernern. het ich eine roren. ſehen vnd horen. meht irn diche noch Geſunt. wande er iſt nih zeverhe wunt. daz bluͤt iſt ſinſ h̉erzenlaſt. er begreif d̉er linden einen aſt. er ſlizt ein chluſt drabe alſ ein ror. er waſ zewunden nih ein tor. Den ſhaub er zuͤ d̉er Tioſt in den lip. do bat er ſugen daz wip. vnz daz bluͤt wid̉er Gein im vloz. deſ heldeſ craft vf entſloͤz. daz er reit vnd ſprach. do er Gawan ob im geſach do Gnat er im ſere. vnd iach er hateſ ere. daz er in ſhiet ~~von rit̉erſchaft.~~von vn craft. vnd vragtin ob er durc rit̉erſhaft. were chomen Gein logroiſ. ich ſtraich v̉erre von ~~pontortovſ~~poͮntortoyſ. vnd wolt hie Auentur beiagen. von h̉erzen muͤz ich imm̉er chlagen. daz ich ſo nahen geriten bin. ir ſult ez miden hapt ir ſin. Ichn wande nih daz ez chome ſuſ. liſchoyſ Gwelliuſ. hat mich ſere Geletzet. vnde hind̉er daz orſ geſetzet. mit ein̉er tioſt richen. diu ergienc ſo hurtechlchen. durc minen ſhilt in den lip. do half mir diz Guͤte wip. vf ir pheride an diſe ſtat. Gawan er ſere beliben bat. Gawan ſparach er wolde ſehen. wa im d̉er ſhade w̉er Geſhehen. lit logroyſ ſo nahen. mac ich in da vor ergahen. ſo muͤz er antwurten mir. ich vrag in waz er reche an dir. Deſn tuͦ nih ſprach d̉er iunge man. d̉er ~~waheit~~warheit ich dir iehen chan. dan erget niht kinde reiſe. ez mac wol haizen vraiſe. Gawan die wunden v̉erbant. mit d̉er frowen haup gewant. er ſprach dar zuͦ d̉er wunden ſegen. er bat Got man vnd wibeſ phlegen. er vant al bluͦtec ir ſla. alſ ein hirz w̉er erſhozen da. daz liez in nih irre riten : Leerzeile nach Zeilenumbruch. er ſhac in churzen ziten. logroyſ die Geherten. vil lute mit lobe ſi erten. And̉er burge lagen lobew̉erc. in trenlen male waſ ir berc. ſwa ſi v̉erre ſach d̉er Tunbe. ſi wanden ſi liefen alumbe. d̉er burge man noch hiute giht. daz Gein ir horte ſturmeſ nih. ſi vorhte wench ſolhe not. ſwaz man hazzeſ Gein ir bot. alumbe den b̉erc lac ein gehac. deſ man mit edelen baumen phlac. vich baum Granat. olbaum win vnde and̉er rat. der wuͤhſ da groz richeit. Gawan die ſtraze alle vf reit. Do erſhach er nid̉er halben ſin. freude vnde ſinſ h̉erzen ſhin. ein brunne vz einem velſhen ſhoz. do vant er deſ in nih v̉erdroz. ein alſ chlar ~~frowen~~frawen. die er g̉erne mohte ſhawen. all̉er wibe varwe ein beafluͦrſ. an Condwiramurſ. wart nie geborn ſhon̉er lip. mit clarhait ſuze waſ daz wip. wol geſhichet vnd churtoyſ. ſi hiez Orgeluſe de logroyſ. auch ſeit diu auenture von ir. ſi wer ein raizel minne gir. Augen ſuze ane ſmerzen. vnd ein ſpanſeil d̉er herzen. Gawan bot ir ſinen gruͤz. er ſprach ob ich erbaizen muͤz. mit ew̉ern hulden vrowe. ob ich ev deſ willen ſhawe. daz ir mich g̉erne bi ev hat. Groz riwe mich bi vreuden lat. ſon wart nie rit̉er mer ſo vro. e ich wil iv verſorgen m ich muz ſt̉erben liht alſo. daz mir nimm̉er wip Geuallet baz. daz iſt et wol nu waiz ich daz. nun lop mich nih ſo ſere. ir enphahet ſin liht vnere. ichn wil nih daz ie geſlich munt. tuͦ ſin bruuen Gein mir chunt. Wer min lop Gemeine. daz hiez ich wirde chleine. den wiſen vnde den tunben. den ſlehten vnd den crunben. wa riet ez ſich dan vur. nach d̉er w̉erdechaite chur. ich ſol min lop behalten. daz ez die wiſen walten. ich waiz nih h̉erre w̉er ir ſit. ew̉erſ ritenſ w̉er von mir zit min bruuen lat evch niht vri. ir ſit minem h̉erzen bi. v̉erre vzerhalp nih drinne. g̉ert ir min̉er minne. wie habt ir minne an mich v̉erholt. mang̉er ſinev augen bolt. er meht ſi vf ein̉er ſlingen. zeſenftren wurfen bringen. ob er ſehen nih v̉ermidet. daz im ſin h̉erze ſnidet. lat walzen ew̉er kranche gir. vf and̉er minne dan zemir. dient nach minne ew̉er hant. hat evch auentvvr giſant. nach minne vf rit̉erlich Getat. deſ lonſ ir an mir nih enhat. IR muget wol laſt̉er hehie beiagen. muͤz ich ev die warheit ſagen. do ſprach er frowe ir ſagt mir war. minev augen ſint minſ h̉erzen var. diu habent an ew̉ern lip geſehen. daz ich mit warhait muͤz iehen. daz ich ew̉er geuangen bin. Chert Gein mir wiplichen ſin. ſwi ez evch habe v̉erdrozen. ir habt mich in geſlozzen. nu lôſet od̉er bindet. deſ willen ir mich vindet. het ich evch ſwa ich wolde. den wunſh ich g̉erne dolde. ſi ſprach vurt mich mit ev hin. welt ir tailen den gewin. den ir mit minne an mir beiagt. mit laſt̉er irz darnach beklagt. Ich weſte g̉erne ob ir daz ſit. der durc mich getorſte liden ſtrit. daz v̉erbert bedurft ir ere. ſol ich ev raten mere. ſprechet ir danne d̉er volge ia. ſo ſucht ir minne and̉erſwa. ob ir min̉er minne g̉ert. minne vnd vreude ſit ir entw̉ert. ob ir mich hinnan vuret. Groz ſorge evch darnach ruͤret. do ſprach min h̉er Gawan. ſwer mac minne vngedienet han. muͤz ich ev daz chunden. d̉er treit ſi hin mit ſunden. ſwem iſt zew̉erd̉er minne gach. da horet dienſt zvͦ vor vnd nach. ſi ſprach welt ir mir dienſt geben. ſo muͤzt ir w̉erdechlichen leben. vnd muget laſt̉er doch beiagen. min dienſt bedarf dehainſ zagen. Vart ienez phat ez iſt nih ein wec. dort vb̉er ienen hohen ſtech. in einen baugarten. minſ pherideſ ſult ir da warten. da hort ir vnd ſehet mange diet. die Tanzent vnde ſingent liet. Tanburen vnd floittiern. ſwie ſi evch conduwiern. Get durc ſi da min pheride ſtet. vnd loſt ez vf nach ev ez get. Gawan von dem orſe ſpranc. do het er mangen gedanc. wie daz orſ ſin erbit. dem brunnen wonte nind̉er mit. da erz geheften mohte. er daht ob im daz Tohte. daz ſiz zebehalten neme. ob im diu ~~helfe~~bete zeme. ich ſihe wol weſ ir angeſt hat. ſprach ſi diz orſ mir ſten hie lat. Daz behaltich vnz ir wid̉er chomet. min dienſt ev doch vil kleine vrumet. vil kleine: Leerzeile nach Zeilenumbruch. do nam min h̉er Gawān. den zugel von dem orſe ſan. nu habt ir mirz frowe. bi tunphait ich evch ſhawe. ſprach ſi wan da lac ew̉er hānt. d̉er grif ſol mir ſin vnbechant. do ſparach d̉er minne g̉ernd̉er man. *frowe ich graif nie vornen dran. nu da wil ichz enphahen. ſprach ſi nu ſult ir gahen. vnde bringent min ph̉ert. min̉er reiſe ir ſit nu mit mir gew̉ert. daz duht in freudehaft Gewin. do Gahter balde vor ir hin. vb̉er den ſtec zuͤ d̉er porten in. da ſach er mangen frowen ſhin. vnd mangen rit̉er iungen. die Tanztan vnde ſprungen. Do waſ min h̉er Gawan. ſo gezimiert ein man. daz ſi lerte riwe. wan ſi heten triwe. die deſ baumgarten phlagen. ſi ſtuͦnden od̉er lagen. od̉er ſazen ingezelten. die v̉ergazen eſ vil ſelten. ſin chlagten ſinen chumb̉er groz. wip vnd man deſ nih v̉erdroz. Genuͤge ſparachen den ez waſ leit. min̉er frowen trugeheit. wil diſen man v̉erleiten. ze grozzen arbeiten. owe daz er ir volgen wil. vf alſo riwebarev zil. manc w̉ert man da Gein im gienc. d̉er in mit armen vmbevienc. durc friuntlichez enphahen. darnach begunde er nahen. einem olbaume da ſtunt daz ph̉ert. auch waſ ez mang̉er marche w̉ert. Der zaum vnd daz geraite. mit einem borten braite. wol geulohten vnd Gra. ſtuͤnt da bi ein rit̉er gra. vb̉er ein cruchen geleinet. von dem wart ez beweinet. daz Gawan zuͤ dem pheride Gienc. Gawan zuͤ: Leerzeile nach Zeilenumbruch. mit ſuͤzer rede er in doch enphienc. er ſprach welt ir rateſ phlegen. ir ſult deſ pherideſ evch bewegen. ezn w̉ert ev doch nieman hie. Getet ir ab̉er daz wegiſt ie. ſo ſult ir ez hie lazen. min frowe ſi v̉erwazen. daz ſi ſo mangen w̉erden man. von dem libe ſhaiden chan. Gawan ſprach ern liez ſin niht. Owe waz danne da nach geſhiht. ſprach d̉er Grawe rit̉er w̉ert. die halft̉er loſt er von dem phert. ER ſprach ir ſult nih lang̉er ſten. lat diz phert nach ev gen. deſ hant daz mer geſalzen hat. der Geb ev vur chunb̉er rat. huͤtet daz evch iht hone. min̉er frowen ſhone. wan diu iſt bid̉er ſuze al ſuͤr. reht alſ ein ſunnen plicheſ ſhuͦr. nu walteſ got ſprach Gawan. vrlaup nam er von dem Grawen man. alſ tet er hie vnd tort. ſi ſprachen alle *Glagendiu wort. daz pherit gienc ein ſmalen wec. zeder porten vͤz vf den ſtec. ſinſ h̉erzen voget er da vant. diu waſ frowe vb̉er daz lant. ſwie ſin h̉erze Gein ir vloch. vil chunb̉erſ ſi im doch drin zoch. Si het mit ir hende. vnd̉er den chinne daz gebende. hin vf daz haubet geleit. Chanphberev lide treit. ein wip die man vindet ſo. diu w̉er vil lihte champheſ vro. waſ ſi anderſ chleid̉er truge. ob ich nu deſ gewuͤge. daz ich bruuen ſolte ir wat. ir lieplich blich mich deſ er lat. Jch pin Jvnchfraw aim genant dy hogſt vb̉er allew land vnd fuſch hâiſſ ich auch daz z do Gawan zuͤ d̉er frowen Gienc. ir ſuzzer munt in ſuſ enphienc. Si ſprach ſit wilichomen h̉erre Ganſ. nie man ſo groz tumphait danſ. ob ir mich dienſt welt w̉ern. we wie g̉erne ir deſ moht enb̉ern. er ſprach iſt ev nu zorneſ gah. da hort idoch gnade nach. ſit ir ſtrafet mich ſo ſere. ir hapt ergetzenſ ere. die wil min hant ev dienſt tuͦt. vnz ir gewinnet loneſ muͤt. welt ir ich hef evch vf daz phert. ſi ſprach deſ han ich nih gegert. ew̉er vnv̉erſich̉ert han. mac wol grifen an ſwech̉er phant. hin vmb von im ſi ſich ſwanc. von den bluͦmen vf daz phert ſi ſprānc. ſi bat in daz er rite vuͤr. ez w̉er et ſhade ob ich v̉erlur. Suſ ehtigen geſellen. ſi ſprach got muͤz evch vellen. ſw̉er iſdeſ mir nu volgen wil. d̉er mide valſche rede Gein ir. niemen ſich v̉erſpreche. ern wizze waz er reche. vnz er ir gewinne chunde. wie ez vmb ir h̉erze ſtunde. ich chunde auch wol geraichen dar. Gein d̉er frowen wol geuar. ſwaz ſi hat Gein Gawan. mit zorne miſſetan. Od̉er ſwaz ſi noch tuͤt Gein im. die rache ich alle von ir nim. Orguluſe diu riche. vur vngeſellechliche. zvͤ Gawan ſi chom geriten. mit alſo zornlichen ſiten. daz ich mich wenc troſte. daz ſi mich von ſorgen loſte. ſi riten dannen beide. vf eine liehte heide. ein crut Gawan da ſtende ſach. dem er wunden helfe iach. do erbaizte *d̉er w̉erde. nid̉er zuͤ d̉er erde. er gruͤb ſi wid̉er vf er ſaz. diu frowe ir rede nih v̉ergaz. ſi ſprach chan d̉er geſelle min. arzat vnde rit̉er ſin. ER mac ſich harte wol beiagen. gelernt er buhſe vail tragen. zvͤ der frowen ſprach Gawanſ munt. ich rait vur einen rit̉er wunt. deſ dach iſt ein linde. ob ich den noch vinde. diſev wurz ſol in wol nern. vnd al ſin vnkraft erw̉ern. ſi ſprach daz ſich ich g̉erne. waz ob ich chunſt gelerne. do vur in balde ein knappe nach. dem waſ zvͤ d̉er botſhaft gach. die er erw̉erben ſolde. Gawan ſin biten wolde. do duht ern vngehiure. Malcrature. Hiez der chnappe fier. Gundrie laſurziere. waſ ſin ſweſt̉er wolgetan. er muͤſt ir antlutze han. Gar wan daz er waſ ein man. im ſtuͤnt auch ietdwed̉er zan. alſ einem eber wilde. vngelich menſhen bilde. im waſ ſin har auch nih ſolanc. alſ ez Gundrien vf dem muͦle da ſwanc. kurz ſharph alſ igelhut ez waſ. bi dem wazz̉er Graniaſ. in dem lande zebripalibot. wahſent lute alſ*alſus durc not. Vnſer vat̉er Adam. die chunſt er von Got gewan. er gab allen dingen namen. beidiu wilden vnd zamen. er erchande auch wol iegeſlicheſ art. dar zuͤ d̉erſternen vmbevart. deſ ſiben planeten. waz die crefte heten. er bechande aller wurzen maht. vnd waz ieglich̉er waſ geſhaft. do ſinev chint der iare craft. Gewunnen. daz ſi b̉erhaft. Wurden menſlich̉er vruht. er wid̉erriet in vngenuht. ſwa ſiner toht̉er dehainiu truͤc. vil diche er deſ Gein in in gewuͤc. Mein dinſt wizt vor lieb̉er her̉re ich w eeev den rat er ſelten Gein in liez. vil wurzen er ſi miden hiez. die menſhliche fruht v̉ercherent. vnd ſin geſlehte merent. and̉erſ dan vnſ got maz. do er zewerche vb̉er mich Geſaz. do ſprach er min vil liebev chint. nun ſit an ſelechait nih plint. diu wip taten et alſ wip. ieglich̉er riet ir brod̉er lip. daz ſi diu w̉erc vol brahten. diu irh̉erzen gir gedahten. ſuſ wart v̉erchert diu menſheit. daz waſ idoch Adam leit. Doch gezwiuelt nie wille. diu kungin ſecuntille. die ferafeiz mit riterſ hant. erwarb ir lip vnde ir lant. diu het in ir riche. hart vnlaugenliche. von alt̉er da d̉er liute vil. mit v̉erk̉erten antlutzeſ zil. ſi trugen vremdiu wildiu mal. do ſeit man in vmb den Gral. daz vf erde niht ſo richez waſ. vnde ſin phlege ein chunc hiez anfortaſ. daz duht ſi wund̉erlich genuͤc. wande vil wazz̉er in ir lande truͤc. vur den griez edel geſteine. groz nih zechleine. het ſi gebirge Guldin. do gedaht diu edel kungin. wie chunde ich gewinnen diſen man. dem d̉er Gral iſt vnd̉ertan. ſi ſande ir klainot dar. zwai menſhe wund̉erlich geuar. Gundrien vnd ir brud̉er klar. ſi ſand im mer noch vur war. daz niemen mohte v̉ergelten. man vindet ez vaile ſelten. do ſande d̉er ſuͤze Anfortaſ. wande er et ie vil milte waſ. Orguluſ de lorgoiſ. diſen knappen kurtoys. von wibeſ gir ein vnd̉er ſheit. in ſhiet von d̉er menſheit. d̉er wurzen vnde d̉er ſt̉erne mac. er huͤp Gein Gawan grozzen bac. d̉er het ſin vf dem wege erbiten. mal creature chom geriten. vf einem runzin cranc. daz von leme vf allen viern hanc. ez ſtruchte diche vf die erde. froͮ Jeſtcute diu w̉erde. idoch ein bezz̉er pherit reit. deſ Tageſ do parzifal erſtreit. Ab Oriluſ ir die hulde. die v̉erloſ ſi ane ſhulde. d̉er knappe an Gawan ſach. malcreature mit zorne ſprach. h̉erre ſit ir von rit̉erſ art. ſo meht ir g̉erner haben bewart. ir dunchet mich ein tunb̉er man. daz ir mine frowen vuͤret dan. oͮch w̉ert ir ſin vnd̉er wiſet. daz man evch darumbe briſet. ob ſich erw̉ert ew̉er hant. ſit ab̉er ir ein ſariant. ſo w̉erdet ir Galunet mit ſtaben. daz ir ſin g̉erner wandel mohtet haben. Gawan ſprach min rit̉erſhaft. erleit nie ſolh̉er zuhte craft. ſuſ ſol man walchen Ganpel her. die nih chunnen mit manlich̉er wer. ich bin noch ledic vor ſolhem pin. welt ab̉er ir vnde diu frowe min. mir ſmachrede bieten. ir muzt evch eine nieten. daz ir wol mugt vur zorn han. ſwie vreſlich ir ſit Getan. ichn ber doch ſanfte ew̉er dro. Gawan in bi dem hare do. begraif in vnde ſwanc in vnd̉er daz phert. ~~Gawan~~ der chnappe wiſ vnde w̉ert. vorhtechlichen wid̉er ſach. ſin ygelmeizich *har ſich rach. daz v̉erſneit Gawan al die hant. diu wart von bluͦte rot erchant. deſ lachet diu frowe. ſi ſprach vil g̉erne ich ſhaͮwe. evch zwene ſuſ mit zornen ſiten. ſi kert daz pherit lief ir mite. Si chomen da ſi vunden. ligen den rit̉er wunden. mit triwen Gawanſ hant. die wurzen vf die wunden bant. d̉er wunde ſprach wie ergiez dir. ſit daz du ſhiede hin von mir. du haſt eine frowen braht. diu dinſ ſhaden hat ~~get~~gedaht. von ir ſhulden iſt mir ſo we. in Aueſteroit mavoie. halſ ſi mir ſtarch Tioſt. vf libeſ vnd vf Guteſ koſte. welleſt du behalten den lip. ſo la ditz trugehafte wip. riten vnd cher von ir. nu bruͦvet ſelb ir rat an mir. doch moht ich harte wol geneſen. ob ich bi ruwe ſolde weſen. deſ hilf mir vil getriw̉er man. do ſprach min her Gawan. Nim all̉er min̉er helfe war. hie nahen ſtet ein ſpital. alſo ſprach d̉er rit̉er wunt. com ez ar in kurzer ſtūnt. : Vers am Blattrand nachgetragen. vnde het ich ein pherit. ſo moht ich ruͦwen lange zit. miner vriundin runzit. haben wir noch ſtende ſtarchez hie. heue ſi druf mich hind̉er ſie. do bant d̉er wol geborn gaſt. der vrowen pherit von dem aſt. er wande ez *ziehen ~~von~~nach ir. d̉er wunde ſpranch hin dan von ir. wie iſt ev zetretten mich ſo Gach. er zoch ez v̉erre diu frowe Gie nach. ſanfte doch niht drate. al nach ir manneſ rate. Gawan vf daz phert ſi ſwanc. innendeſ d̉err wunde rit̉er ſpranc. vf Gawanſ kaſtelan. ich wen daz waſ Miſſetan. er vnd diu frowe riten hin. daz waſ ein ſhadehaft Gewin. Gauwan daz chlagte ſer. diu frowe ſin lachte mer. dann ind̉er ſhinpheſ in gezam. ſit man im daz orſe nam. ir ſuͤzz̉er munt hin zim do ſprach. vur einen rit̉er ich evch ſach. dar nach in churzen ſtunden. wurt ir arzet vur die wunden. nu muͤzt ir ein garzun weſen. ſol ieman ſin̉er kunſt geneſen. ſo troͤſt evch ew̉er ſinne. g̉ert ir noch min̉er minne. ia frowe ſprach her Gawan. moht ich ew̉er minne han. diu w̉er mir lieb̉er dann iht. ez wont vf erden deſ nih. vnd̉er der ~~kone~~krone vnd al die krone tragent. vnde die freudhaf priſ beiagent. d̉er Gein ev tailte ir gewin. idoch ſo ratet ~~mir~~min ſin. daz ich ez lazen ſolde. ew̉er minne ich haben wolde. Mac ich d̉er niht erw̉erben. ſo muͤz ein ſurez ſt̉erben. ſich ſhier an mir erzeigen. ich wuͦſtet ew̉er eigen. ob ich vrihait ie Gewan. ir ſult mich doch vur aigen han. daz dunchet mich ew̉er ledic reht. nu nēnnet mich rit̉er od̉er chneht. Garzun od̉er vilan. ſwaz ir ſpoteſ Gein mir habt Getan. da mit ir ſunde enphahet. ob ir min dienſt ſmahet. ſol ich dienſt geniezen. evch mehte ſpoteſ v̉erdriezen ob ez mir nimm̉er wurde leit. ez crenchet doch ew̉er w̉erdechæit. wid̉er zvͤ in rait d̉er wunde man. vnde ſprach biſt duz Gawan. haſt du iht Geborget mir. daz iſt nu gar v̉ergolten dir. do mich din manlichev craft. vienc in h̉erter rit̉erſhaft. vnd do du mich brehte zehuͤſ. dinem ohaim Artuſ. Vier wochen er deſ niht v̉erGaz die zit ich mit den hunden az. do ſprach er biſt duz vrianſ. ob du mir nu ſhaden Ganſt. den trag ich ane ſhulde. ich erwarp dir deſ chungeſ hulde. ein ſweche dir ſin half vnde riet. von ſhilteſ amp man dich ſhiet. vnde ſagt dir Gar rehteloſ. durc daz ein magt von dir v̉erloſ. ir reht dar zvͤ deſ landeſ vride. der chunc Artuſ mit ein̉er kungeſ wide. wolde ez g̉erne haben gerochen. het ich dich nih v̉erſprochen. Swaz dort Geſhach du ſteſt nu hie. du hortaſt auch ſprechen ie. ſw̉er dem anderen half daz er genaſ. daz er ſin vient dar nach waſ. ich tuͤn alſ die bi witzen ſint. ſich vugte baz vbob waint ein chint. dann ein bartoht̉er man. ich wil diz orſ alleine han. mit ſporn er ez vaſte vor im reit. daz waſ doch Gawan leit. er ſprach zvͤ d̉er frowen ez chom alſo. d̉er chunc Artuſ d̉er waſ do. ind̉er ſtat zedenazdrun. vnd mit im manc pritun. dem waſ ein frowe dar Geſant. durch botſhaft in ſin lant. Auch waſ dirr vngehiure. vz chomen durc AuenTiure. er waſ Gaſt vnde ſi geſtin. do Geriet im ſin cranch̉er ſin. daz er mit d̉er frowen ranc. nach ſinem willen an ir danc. hinze hof chom daz Geſrei. d̉er kunc lute rief heya he*hey. daz Geſach vor einem walde. do Gahtan wir alle balde. ich fur den andren v̉erre vo*vor. vnd begraif deſ ſhuldehaften ſpor. Geuangen vurt ich in wid̉er dan. ~~vor~~vvr den ſelben kunc dem man. diu iuncfrowe rait vnſ mit. riwebare warn ir ſit. durc daz ir hete genomen. d̉er nie in ir dienſt waſ bechomen. ir ~~chuſhichen~~chuſhlichen magetuͦm. oͮch bezalt er da vil chleinen ruͦm Gein ir vnw̉erlichen hant. minn h̉erren ſi mit zorn vant. Artuſen den Getriwen. er ſprach die w̉erlt ſol riwen. dirre v̉ermaledite mein. Awe daz ie tac erſhein. bi deſ lieht diſev not geſhach. vnd da man mir gerihteſ iach. vnd auch hiute rihtere bin. er ſprach zuͤ d̉er vrowen hapt ir ſin. nemet vurſprechen vnd chlaget. diu ~~frowe~~frawe waſ vnủerzaget. ſi tet alſ ir der chunc riet. hie waſ von ritern Grozev diet. Vrianz d̉er furſte vͤz pontortoyſ. d̉er ſtunt da vor dem pritone*pritoneyſ. vf al ſin ere vnde vf ſinen lip. vur gie daz klagehafte wip. da ez rich vnd arme horten. ſi bat mit chlagenden worten. den chunc durc alle wipheit. er liez im ſin ir laſt̉er leit. vnd durc manlich ere. ſi bat in vurbaz mere. Durc d̉er Tauelrund̉er art. vnd durc d̉er botſhefte vart. alſ ſi wer an in geſant. w̉er er zerichtere erchant. daz er dan riht ir ſwere. durc gerihteſ mere. ſi bat die Tauelrund̉er ſhar. alle ir rehteſ nemen war. ſit ir w̉er ein raup Genomen. d̉er nih wid̉er mehte chomen. ir magtuͦm reine. daz ſi al gemeine. den chunc gerihteſ ~~taten~~baten. vnd alle ir rehte taten. vor ſprechen nam der ſhuldige man. dem ich nu cranch̉er eren gan. d̉er w̉ert in alſ er mohte. diu w̉er im doch niht tohte. man v̉ertailt im daz leben vnd ſinen pris. vnde daz man winden ſolt ein riſ. dar an im ſt̉erben wurde bechant. ane bluͤtige hant. er rief mich an deſ twanc in not. vn̄d mant mich daz er mir bot. ſich̉erhait durc geneſen. ich vorhte an alle ere weſen. Ob er da v̉erlur ſinen lip. ich bat daz chlagehafte wip. ſit ſi mit ir augen ſach. daz ich ſi manlichen rach. daz ſi durc wibeſ guͦte. ſenftet ir gemuͦte. ſit daz muſe ir minne iehen. ſwaz ir da waſ geſhehen. vnd ir chlarem libe. vnd ob ieman von wibe. mit dienſte chom in h̉erzen not. ob ſi im da nach ir helfe bot. d̉er helfe tuͤt ez zeern. lat evch von zorne ch̉ern. ich bat den chunc vnde ſine man. ob ich imme hete Getan. dehainen dienſt daz er ſin gedehte. daz er minſ laſt̉ers iht ehte. mit einem ſite w̉erte. daz er den rit̉er nerte. ſin wip die chunginne. bat ich durc ſippe minne. wande mich d̉er chunc von kinde zoch. vnd daz min triwe Gein ir vloch. daz ſi mir hulfe daz ~~geſach~~geſhach die iuncfrowen ſi ſund̉er do geſprach. do Genaſ er durc die kungin. er muͤſt ab̉er liden hohen pin. ſuſ wart ſin lip gerainet. ſolch wandel wart im beſhainet. ez w̉er vorlauf od̉er laithunt. vz eime troge az ſin munt. mit in da vier wochen. ſuſ wart diu vroͮwe errochen. ~~Prowe~~Frowe daz iſt ſin rach vf mich. ſi ſprach ſich twirhet ſin Gerich. ichn wirdev lihte nimm̉er holt. doch enphahet ir drumbe ſolhen ſolt. er ſhaide von minem lande. deſ er iehen mac vur ſhande. ſit ez der chunc dort nih rach. ſwaz d̉er frowen da geſhach. ſit ez ſich hat an mich Gezogt. ich bin nu ew̉er beid̉er voget. vnd enweiz doch w̉er ir beide ſit. er muͤz darumbe enphahen ſtrit. durc die frowen eine. durc evch harte chleine. man ſol vngefuͦge rechen. mit ſlahen vnde mit ſtechen. Gawan zvͤ dem orſe Gienc. mit lihten ſprungen er ez gevienc. da waſ der knappe chomen nach. zvͤ dem diu frowe haidniſh ſprach. al daz ſi wid̉er vf enbot. nu nahent oͮch Gauwanſ not. Malcreatur ze vuͤz vuͤr dan. do geſach auch min her Gawan. deſ iunch̉erren runzit. daz waſ zecranc vf einen ſtrit. ê e*~~ê*het~~ez het d̉er chnappe dort genomen. ê er von d̉er halden w̉ere chomen. eime vilane. do geſhach ez Gawane. vur ſin orſ zebehalten. deſ gelteſ muſt er walten. ſi ſprach zuͤ zim ich wen durc haz. ſagt an welt ir iht vurbaz. do ſprach min h̉er Gawan. min vart v*von hinnen wirt getan. al nach ew̉erm rate. ſi ſprach d̉er chumt ev ze ſpate. nu dien ich ev doch drumbe. deſ dunchet ir mich d̉er tumbe. welt ir daz nih v̉ermiden. ſo muͤz ir von den pliden. chern Gein d̉er riwe. ew̉er chunb̉er wirt al niwe. S*S ſprach d̉er minnen g̉ernde. ich bin ev dienſteſ w̉ernde. ich enphahe ſin vreude od̉er not. ſit ew̉er minne mir gebot. daz ich muͤz zvͤ ew̉er ein̉er gebote ſten. ich muge riten od̉er gen. al ſtende bi d̉er frowen. daz march begunde er ſhawen. daz waſ ze drater Tioſte. ein harte chleiniu koſte. ſtichled̉er von baſte. dem edelem w̉erdem Gaſte. waſ etwenne geſatelt baz. vf ſitzen mait er vmb daz. er vorhte daz er zerdrate. deſ ſatelſ gewete. Dem pheride waſ d̉er ruke crump. w̉er druf ergangen da ſin ſprunc. im w̉er d̉er rukke gar zeruarn. daz muͦſt er allez da bewarn. ez het in tetſwend beuilt. er zoch ez vnde truͤc den ſhilt. vnd eine klauine. ſiner ſharph̉er bine. diu frowe ſere lachete. diu im vil chunb̉erſ machete. ſinen ſhilt er vf daz phert bant. ſi ſprach vuͤrt cram gewant. in dem lande veile. w̉er gap mir zeteile. einen arzt vnde einſ cram̉erſ phlege. huͤt evch vor zoll vf dem wege. etliche min zoln̉ere. ſuln evch machen vreuden lere. IR ſharphez ſaluͦre. in duhte ſo gehiure. daz er enruchte ſwaz ſi ſprach. wan imm̉er ſo er an ſi ſach. ſo waſ ſin phant zuͦ d̉er triwen quid. ſi waſ rehte ſin maien zit. vor allen blichen ein flori. Awgen ſuͤze. ſuͤr dem h̉erzen bi. ſit fluſte vnde gewinnen an ir waſ. vnde deſ ſiechen vreude wol genaſ. daz frumt im zallen ſtunden. ledec vnd ſer gebunden. Lanc min maiſt̉er ſprichet ſo. daz Amor vn Cupido. vnd d̉er zwaỉer muͤt̉er venuſ. den luten gab ein minne ſus. mit Geſhoz vnd mit viure. diu minne iſt vngehiure. Swem h̉erzenlichev triwe iſt bi. dern wirt nimm̉er minnen vri. mit vreude vnd etwenne mit riwe. rehtev minne iſt warev triwe. Cupido din ſtrale. min miſſet ~~zalm~~zalem male. alſo tuͤt hern Amorſ ger. ſit ir zwene ob minne her. vnd venuſ mit ir valchel heiz. vmb ſolhen chumb̉er ich nih weiz. ſol ich d̉er warn minne iehen. diu m*muͤz durc triwe mir geſhehen. hulfen mine ſinne. iemen iht vur minne. h̉ern Gawan bin ich wol ſo holt. dem wolt ich helfen ane ſolt. ez iſt oͮch ane ſhande. lidet er minnen bande. ob in diu minne ruͤret. die ſtarche w̉er ~~zeruͤret~~zevuͤret. ær waſ doch ie ſo w̉erlich. d̉er ſtarchen w̉erden w̉er alſ gelich. daz im nih twingen ſolt ein wip. ſinen w̉erlichen lip. Lat nah̉er gen h̉er minnen druc. ir tuͤt d̉er freude ſolhen zuͦc. daz ſich durchelt d̉er freuden ſtat. vnd beneget ſich d̉er triwen phat. ſuſ braitet ſich d̉er triwen ſla. Gienge ir reiſe and̉erſwa. dann in deſ h̉erzen hohen muͤt. daz duht mich Gein vreuden guͤt. iſt minne ir vngefuͦge balt. darzuͦ dunchet ſi mich zealt. od̉er giht ſiz vf ir chintheit. ſwem ſi vuget leit. vngefuge gan ich baz ir iugent. ~~dan~~dann daz ſi in alt̉er breche tugent. Vil dingeſ iſt von ir geſhehen. ~~wedehalben~~wed̉erhalben ſol ich deſ iehen. wil ſi mit iungen*iungen reten. ir alten ſit vnſteten. ſo wirt ſi ſhier an priſe laz. man ſol ſiſ vnd̉erſheiden baz. lut̉er minne ich priſe vnde alle die ſint wiſe. ez ſi wip od̉er man von dem ichz ganze volge han. ſwa liep Gein lieb erhuͤbe. lut̉er ane truͤbe. d̉er den dwedez deſ v̉erdruzze. daz minne ir h̉erzen ſhuzze. mit minnen von d̉er wanc ie vloch. diu iſt ob den andren hoch. ſwie g̉erne ich nu neme dan. doch mac min h̉er Gawan. d̉er minne deſ niht entwenchen. ſin well im vreude crenchen. waz hilfet dann min vnd̉erſlac. ſwaz ich da von geſprechen mac. w̉ert man ſol ſich niht minnen w̉ern. wan den muͤz minn helfen nern. Gawan durc minne arbeit enphienc. ſin vrowe rait vnd er gienc. orgenluſe vnde d̉er degen balt. die chomen in einen grozen walt. dannoch muͤſt̉er genſ wonen. er zoch daz phert zvͤ einem ronen. ſin ſhilt d̉er ê drufe lac. deſ er durc ſhilteſ ampt phlac. nam er zehalſe vf daz phert er ſaz. ez truͤc in chume vurbaz. and̉erhalpt vz in erbuwen lant. ein burc er mit den augen vant. ſin h̉erze vnde diu augen iahen. daz ſi erchanden noch geſahen. dehain burc d̉er gelich. ſi waſ al umbe rit̉erlich. turne vnd palaſ. mangez vf d̉er burge waſ. dar zuͦ muͦſ er ſhawen. indem venſt̉er mange ſhone frowen. d̉er waſ vierhund̉ert od̉er mer. vier vndrin von arte her. Von paſſaſhen vngeủerte groz. gienc an einem wazz̉er daz da floz. ſhif rehe ſnel vnd breit. da engegen er vn̄d diu frowe reit. an dem vruar ein ang̉er lac. dar uf man vil Tioſte phlac. vber daz ſtunt daz Caſtel Gawan der degen ſnel. ſach einen rit̉er nach im varn. d̉er ſhilt noch ſper chunde ſparn. Orguluſe diu riche. ſprach hochủertichliche. ob mir ew̉er munt v̉ergiht. ſon brich ich min̉er triwen nih. ich het ev ê ſo vil geſagt. daz ir vil laſt̉ers hie beiagt. nu w̉ert evch ob ir evch chunnet w̉ern. evch enmach and̉erſ nih erw̉ern Der dort chumt evch ſol ſin hant. ſo vellen ob ev iſt zertrant. ind̉er ew̉er nid̉er chleit. daz ſi ev durc die frowen leit. die ob ev ſitzent vn̄d ſehent. waz ob die ew̉er laſt̉er ſpehent. deſ ſhiffeſ maiſt̉er vb̉er h̉er. chom durc Orguluſen ger. von lande in daz ſhif ſi ch̉erte. daz Gawan truren lerte. diu riche wolgeborne. ſparach h̉er wid̉er vz mit zorne. irn chomet niht mit mir h̉er in. ir muͤzt phant dort vͦze ſin. er ſprach ir trurlichen nach. : nach dem Vers Leerzeile. frowe wie iſt ev von mir ſo gach. ſol ich evch imm̉er me geſehen. ſi ſparach ev mach d̉er priſ giſhehen. ich geſtat ev ſehenſ noch an mich. ich wen daz ſere lenget lenget ſich. Diu frowe von im ſhiet alſuſ. do chom liſcoiſ gewelliuſ. ſagt ich ev nu daz d̉er vluge. mit d̉er rede ich evch betruͤge. er gaht ab̉er anderſ ſere. daz ſin orſe deſ het ere. wan daz erzaigte ſnelhait. vb̉er den grozen ang̉er breit. do dahte min her Gawan. wie ſol ich baiten diſſeſ man. wederz mac daz wegiſte ſin. ze vuͤzen od̉er vf dem pheride min. wil er vollechlichen vf mich varn. daz er den poind̉er nih chan ſparn. er ſol mich nid̉er riten. weſ mac ſin orſ da biten. ezn ſtruch vber daz runzit. wil er mir danne vuͦgen ſtrit. ſo wir bede ſin zevuͤz. ob mir danne nimm̉er wurde buͤz. diu mich diz ſtriteſ hat gew̉ert. ich gip im ſtrit ob er ſin gert. Nu ditz waſ unwendic. der chune waſ genendic. alſ auch d̉er da baite. zuͤ d̉er Tioſt er ſich beraite. do ſazt er die klauelin. vor vf deſ ſatelſ vilzelin. deſ Gawan vor hete gedaht. ſuſt wart ir bed̉er Tioſte braht. diu Tioſt ietwed̉er ſper zerbrach. daz man die helde ligen ſach. do ſtruͤcht d̉er baz Geriten man. daz er vnd̉er min h̉ern Gawan. vf den bluͦmen lagen. weſ ſi do bede phlagen. vf ~~ſprungenſ~~ſpringenſ mit den ſw̉erten. ſi bede ſtriteſ gerten. die ſhilte warn vnủermiten. ſi wurden alſo hin v̉erſniten. ir belaip in lutzel vor d̉er hant. wande d̉er ſhilt iſt imm̉er ſtriteſ phant. Mn ſach da blichen von helmen viur. ir mugt ſin in gehen vur aventiur. ſwen got den ſic dannan lazet tragen. d̉er muͤz vil briſe ê beiagen. ſuſ tuwierten ſi mit ſtrite. vf deſ angerſ wite. ez w̉ern muͤde zwene ſmide. ob ſi halt heten ſterch̉er lulide. von alſ mangem grozem ſlage. ſuſ rungen ſi nach briſeſ beiage. w̉er ſolt ſi drumbe priſen daz die vn wiſen. ſtriten ane ſhulde. niwar durc briſeſ hulde. ſin heten nih zeteilen. an not ir leben zeueilen. ietwed̉er vf den andren iach. daz er die ſhulde nie geſhac. Gawan chunde ringen. vnd mit ſwanche twingen. Swem er daz ſwert vnd̉erGienc. vnd in mit armen zuͤ im gevienc. den twanc er ſweſ er wolde. ſit er ſich w̉ern ſolde. Do gebart er w̉erliche. d̉er w̉erde muͦteſ riche. begraif den iungen ellenthaft. d̉er auch het manliche craft. er warf in balde vnd̉er ſic. er ſparah zv im helt nu gich. welleſt du geneſen ſich̉erheit. d̉er hete volge vnbereit. waſ liſchoys d̉er da vnd̉er lac. wande er nie ſich̉erhaite phlac. daz duht in wund̉erlich genuͤc. daz ieman ~~din~~die hant getruͤc. diu in ſolt vb̉er chomen. daz nie wart von im genomen. betwungenliche ſich̉erheit. d̉er ſin hant ie vil erſtreit. Swie ez da w̉er ergangen. er hete vil enphangen. deſ er nih vurbazz̉er wolte geben vuͤr ſich̉erhait bot er ſin leben. vnd iach ſwaz im geſhehe. daz er nimm̉er veriehe. ſich̉erhait durc twingen. mit dem tode wolt er dingen. do ſprach d̉er vnd̉er ligende. biſt duz d̉er Sigende. deſ phlac ich do got wolde. vnd briſ haben ſolde. nu hat min briſ ende. von din̉er w̉erden hende. ſwa v̉raiſket man od̉er wip. daz vb̉erchomen iſt min lip. deſ briſ ſo hohe ſwebete enbor. ſo ſtet mir baz ein ſt̉erben vor. ê mine vriunt ditz mere ſul machen vreuden lere. ~~Gawarp~~Gawan warp ſich̉erheit an in. do ſtuͤnt ſin gir vnd al ſin ſin. niwan vf libeſ v̉erderben. od̉er vf ein gahez ſt̉erben. do daht min h̉er Gawan. durc waz toͤt ich diſen man. wolde er ſuſ zemim gebote ſten. Geſunt liez ich in hine gen. mit rede warp er ez an in ſo. daz wart nih gar gelaiſtet do. vf liez er doch den wigānt. ane Geſich̉erte hant. ietdwed̉er vf die bluͤmen ſaz. Gawan ſinſ chunb̉ers nih v̉ergaz. daz ſin pherit waſ ſo cranc. den wiſen lerte ſin gedanc. daz er diz orſ mit ſporn rit. vnz er v̉erſuchte ſine ſit. daz waſ gewappent wol vur ſtrit. phelle vnd ſamit. waſ ſin andriu Coverture. ſit er ez er warp mit auenture. Durc waſ ſolde erz nu riten nih. Jn nomīne domini qui fecit ſit ez im zeriten geſhiht. er ſaz druf do vuͤr ez ſo ſinen witen ſprunge er waſ fro er ſprach biſt duz Gingruliet. daz vrianz mit valſch̉er bet. er weiz wol wie an mir erwarp. da von doch ſin priſ v̉erdarp. w̉er hat dich gewapent ſid̉er. ob duz biſt Got hat dich wid̉er. mir ſhone geſendet. d̉er diche chunb̉er wendet. er erbaizte drabe ein march er vant. deſ graleſ wapen waſ gebrant. ein turteltube an ſinen buͤc. lehelin ze Tioſte ſluͤc. Truf den von prienlatſcorſ. Oriluſ wart ditz orſ. er gab ez Gawan. vf ~~den~~dem blimizolſ plan. Hie chom ſin trurec guͦt. ab̉er wid̉er in hoch gemuͤte. wan daz in twanc ein riwe. vnd dienſtbarev triwe. die er nach ſin̉er frowen truͤc. diu im doch ſmehe bot genuͤc. nach der lagen ſin gedanc. inendes d̉er ſtolze liſcoyſ ſpranc. da er ligen ſach ſin eigen ſwert. daz ~~Gewan~~GAwan der degen wert. mit ſtrit vz ſin̉er hende brach. manc frowe ir and̉er ſtriten ſach. ir ſhilte warn ſo gedigen. ir ietdweder lie den ſinen ligen. vnd gahtan ſuſ zeſtrite. ietdwed̉er chom bi zite. mit h̉erzenlich̉er manneſ w̉er. ob in ſaz frowen ein her. In dem venſt̉er vf dem palaſ. vnd ſahen den champh d̉er vor in da waſ. do huͤb ſich erſte niw̉er zorn. ietdwed̉er waſ ſo hoch geborn. daz ſin briſ vnſanfte leit. ob in d̉er and̉er vber ſtreit. helm vnde ſwert liten not. die warn ir ſhilt vur den tot. ſwa da die helde ſtriten ſach. ich wen erſ in vur chunb̉er iach. Liſcoiſ gewelliuſ. d̉er iunge ſuͤze warp alſuſ. frechait vnde ellenthaft̉er ~~rat~~tat. daz ſinſ hohen h̉erzen rat. er frumpte mangen ſnellen ſwanc. dich er von Gawan ſpranc. vnd ab̉er wid̉er ſere vf in. Gawan truͤc ſtetlichen ſin. er dahte grif ich diche zuͤ mir. ich ſolſ vil wol gelonen dir. Man ſach fiurſ pliche. diu ſw̉ert vf w̉eruen diche. vz ellenthaften henden. ſi begunden ein and̉er wenden. neben vur vnd hind̉er ſich an not waſ ir gerich. ſi moͤhtenz ane ſtriten lan. do begraif in min h̉er Gawan. er warf in vnd̉er ſich mit craft. mit halſen ſolch Geſelleſhaft. muͤz mich v̉ermiden. ich moht ir nih ~~v̉ermi~~erliden. Gawan bat ſich̉erheit. d̉er waſ allez vnberait. Liſcoyſ d̉er da vnd̉er lac. alſ do er von erſte ſtritenſ phlac. er ſprach du ſumeſt dich an not. vur ſich̉erhait. gib ich den tot. laz enden dine w̉erde hant. ſwaz mir ie briſ wart erchant. Vor got ich bin v̉erfluͤchet minſ priſes er nih mehr ruͤchet. durc Orguluſen minne. d̉er edelen h̉erzoginne. muͤſ mir manc w̉ert man. ſinen briſ zeminen handen lan. du maht vil priſeſ erben. ob du mich chanſt er ſterben. do daht deſ chungeſ loteſ ſun. deſ war ich ſol alſo nih tuͦn. ſo v̉erlur ich briſeſ hulde. erſluge ane ſhulde. diſen helt vnủerzagt. in hat ir minne vf mich v̉eriagt. xij. d̉er minne auch mich da betwinget. : nach Zeilenwechsel Leerzeile. vnd mir vil vil chunb̉ers pringet. wan laz ich in durc ſi geneſen. ob min hail an ir ſol weſen. deſ mac er mich erwenden. ſol mirz geluche ſenden. Wer vnſ̉er ſtrit vor ir geſhehen. ich wen ſi muſt auch mir deſ iehen. daz ich nach minnen dienen chan. do ſprach min h̉er Gawan. ich wil dich durc die herzogin. bi dime libe lazen ſin. groz̉er muͤde ſi nih v̉ergazen. er liez in vf ſi ſazen. von ein and̉er verre. do chom deſ ſhiffeſ h̉erre. von dem wazz̉er vf daz lant. er Gienc vnd truͤc vf ſin̉er hant. ein muͤz ſprinzelin al gra. ez waſ ſin reht lehen da. ſw̉er Tioſtiert vf dem plan. daz er daz orſe ſolde han. ienſ der da lege. vnd diſeſ d̉er da ſiges phlege. deſ hende ſolde er nigen. ſinſ priſeſ nih v̉erſwigen. ſuſ zinſt man im ſin bluͦmen velt. daz waſ ſin beſt̉er huͤben gelt. od̉er ob ſin muz ſprinzelin. ein Galand̉er lerte pin. Von and̉erſ nih Gie ſin phluͤc. daz duht in vb̉rigz genuͤc. er waſ geborn von rit̉erſ art. an Guͤtcher zuhte wol bewart. er Gienc zuͤ Gawan. den zinſ von dem plan. den ieſcher zuhtechliche. Gawan d̉er ellenſ riche. ſprach ich wart . nie chaufman. ir muget mich zolleſ wol erlan. Deſ ſheffeſ h̉erre wid̉er ſparach : ab hier deutlich anderes Schriftbild - andere Feder/Tinte? h̉erre ſo manc frowe ſach. daz ev d̉er priſ iſt hie Geſhehen. : beim Zeilenwechsel Leerzeile. ir ſult mrmir mineſ rehteſ Geben. h̉erre tuͤt mir rehte erchant. zereht̉er Tioſt hat ew̉er hant. mir daz orſ erworben. mit priſ alunủerdorben. wan ew̉er hant in nid̉er ſtach. dem al diu w̉erlte priſeſ iach. Mit warhait vnz an diſen Tach. ew̉er priſ ſin halp d̉er Gote ſlac. im freude hat enphuret. groz ſelde in hat Geruret. Gawan ſprach er ſtach mich nid̉er. deſ erholt ich mich ſit wid̉er. ſit man Tioſt v̉erzinſen ſol. er mach zinſ geleiſten wol. h̉erre dort ſtet ein runzit. daz ~~erwarſ~~erwarp an mir ſin ſtrit. daz nemt ob irz Gebietet. d̉er ſich diſſ orſeſ nietet. daz bin ich ez muͤz mich hin tragen. ſolt aber ir nimm̉er roſ beiagen. Ir nemet. reht welt ir daz nemen. ſon darf evch nimm̉er deſ gezemen. daz ich ze vuͤzen hinnen ge. wan daz tuͤt mir ze we. ſolt diz orſ ew̉er ſin. daz ledichlichen min. waſ dannoch hiut en morgen vruͤ. welt ir Gemacheſ grifen zuͤ. *So ritet ir ſanft ein ſtap diz orſ mir ledechlichen gap. der h̉erzoge Oriluſ . d̉er von purgunoyſ. vrianz d̉er furſt vz von puntortoyſ. ein wil het mirz v̉erſtoln. einer muline voln. meht ir noch ê gewinnen. ich chan evch and̉erſ minnen ſit ir evch dunchet alſo w̉ert. vur diz orſ deſ ir hie gert. habt ev den man d̉er ez Gein mir reit. iſt im daz liep od̉er leit. da cher ich mich vil wenc an. do vreute ſich d̉er ſhefman. Mit lachendem munde er ſprach. ſo riche gab ich nie Geſach. ſwem ſi reht w̉ere zenphahen gebere. doch h̉erre welt irſ ſin min w̉er. vb̉er golten iſt min ger. vur war ſin priſ waſ ê ſo ſnel. vunfhund̉er orſt ſtarc vnde ſnel. vng̉erne ich diu vur in neme. wande ez mir nih gezeme. welt ir mich machen riche. ſo w̉erbet rit̉erliche. muͦgt ir ſin ſo geweltich ſin. Antwurt in in die chuchel min. ſo chunnet ir w̉erdech eit wol tuͦn. do ſprach d̉er chunc loteſ ſun. beidiu drin vnd dar vur. vnze inerhalp ew̉er tuͦr. antwurt ich in ev geuangen. ſo w̉ert ir wol enphangen. ſprach d̉er ſhifman deſ grozz̉er danc. waſ mit nigen nih zecranc. Do ſprach er lieb̉er herre min. dar zuͦ ruͦchet ſelbe ſin. mit mir hint durc gemach. ſolhev ere nie Geſhach. dehainem verien mim Genoz. man bruͦuet mirz vur ſelde groz. behalt ich alſuſ w̉erden man. do ſprach min h̉er Gawan. deſ ir g̉ert deſ ſholt ichbiten. mich hat grozev muͤde vb̉er ſtriten. daz mir ruwenſ w̉ere not. diu mir ditz vngemach gebot. diu chan ſuͤzen wol ſuͦren. dem h̉erzen freude tuͤwren. vnd d̉er ſorgen machen riche. ſi lonet vngeliche. So we vindelichev fluſt. diu ſenchet mir die einen bruſt. diu ê d̉er hohe gerte. do mich got vreuden w̉erte. da lac ein h̉erze vnden. ich wen daz ſi v̉erſwunden. wa ſol ich nu troſten holn. muͤz ich ane helfe doln. nach minne al ſolh̉er riwe. phligt ſi wiplich̉er triwe. ſi ſol mir vreude mern. diu mich ſuſ chan ſern. d̉er ſhefman hort daz er ranc. mit ſorgen vnd daz in minne twanc. do ſprach er h̉erre hie iſt reht. vf dem plan vnd in dem voreht. vnd alda Clinſor h̉erre iſt. zaghait noch manlich liſt. vuͦgt ez anderſ nih wan ſo hiute riuwic morgen fro. ez iſt ev liht vnbechānt. Gar auentur iſt ditz lant. Suſ w̉ert ez naht vnd tac. bi manhait ſelde helfe phlac. diſiu ſunne chan ſo nid̉er ſten. h̉erre ir ſult zeſheffe gen. deſ bat in d̉er ſhefman. liſcoiſen vuͤrt her Gawan. mit im dannan vf den wac. Genedechlichen ane bac. man den helt deſ volgen ſach. d̉er verie vurt daz orſ hin nach. ſuſ vurn ſi vb̉er an daz ſtat. d̉er verie Gawan bat. ſit ſelbe wirt in minem huſ. ſDaz ſtuͤnt alſ daz Artuſ. ze nanteſ da er diche *ſaz. nih dorfthaben ~~erf~~erbuwen baz. da fuͤrt er liſcoiſen in. d̉er wirt vnd daz Geſinde ſin. deſ ſich vnd̉erwunden. an den ſelben ſtunden. Der wirt zuͤ ſin̉er toht̉er ſparach. du ſolt ſhaffen Guͤt gemach. minem h̉erren d̉er hie ſtet. ir zwai mit einand̉er get. nu dient im vnủerdrozzen. wir hab ſin vil genozzen. ſim ſun beualch er Gringulieten. deſ diu magt waſ gebeten. mit grozz̉er zuht daz wart Getan. mit d̉er meide Gawan. vf eine kemenaten gienc. den eſtrich al vb̉er vienc. Niwer bimz vnd bluͤmen wolgevar. warn druf geſniten dar. do entwapent in diu ſuͤze. Got ev deſ danchen muͤze. ſprach Gawan frowe ſin iſt mir not. wande daz manz ev fon houe gebot. ſo dient ir mir zeſere. ſi ſprach ich dieneu mere. h̉erre nach ew̉ern hulden. da von andren ſhulden. deſ wirteſ ſun ein chnappe truͤc. ſenft̉er bette dar Genuͤc. an die want Gein d̉er tuͤr. ein Tepich wart geleit da vuͤr. da ſolt Gawan ſitzen. d̉er knappe truͤc mit witzen. einen Gult̉er ſo Gemal. vb̉er bette von rotem zendal. Dem wirt ein bett auch wart Geleit. dar nach ein and̉er knappe ~~reit~~treit. da vuͤr Tiſhlachen vnd brot. d̉er wirt den beiden daz Gebot. do Gie diu huſfrowe nach. do diu Gawan ſach. ſi enphie in h̉erzenliche. ſi ſprach ir hapt vnſ riche. nu alreſt Gemachet. h̉erre vnſ̉er ſelde wachet. d̉er wirt choͤm daz wazz̉er man dar truͤc. do ſich Gawan Getwuͤc. eine bet er nih v̉ermeit. er bat den wirt durc Geſellecheit. lat mit mir ezzen diſe magt. h̉erre ez ſi ev gar v̉erdagt. daz ſi mit h̉erren eze. od̉er in ſo nahen ſezze. ſi wurde lihte mir ze here. doch haben wir ew̉er genozen m̉ere. Toht̉er du laiſt alle ſine g̉er. deſ bin ich mit d̉er volge w̉er. Diu ſuze wart mit ſhame rot. doch tet ſi daz d̉er wirt Gebot. zvͤ Gawan ſaz froͮ bene. ſtarch̉er ſuͦn zwene. het d̉er wirt auch erzogen. nu het daz ſprinzelin ervlogen. deſ abendeſ dri galand̉er. die hiez er mit ein and̉er. Gawan tragen alle dri. vnde eine ſalſen da bi. diu iuncfrowe nih v̉ermeit. mit guͦten zuhten ſi ſneit. Gawan ſuͤzev murſel. vf eine blanchen waſtel. mit ir blanchen henden. do ſprach ſi ir ſult ſenden. dirre Gebraten vogel ein. wande ſi hat dehein. min̉er muͤt̉er dar. er ſprach zvͤ d̉er meide wol geuar. daz er g̉erne ir willen tete. dar an od̉er ſweſ ſi bete. Ein Galand̉er wart geſant. d̉er wirtin Gawanſ hant. wart mit zuhten vil genigen. vnde deſ wirteſ danc nih v̉erſwigen. do braht ein deſ wirteſ ſuͦn porcellen vnd latuͦn. Gebrochen in de*den eber. zegrozzer craft daz vnwager. iſt diu lenge al ſolhev nar. man wirt ir nih wolgeuar. ſolch varwe tuͤt die warhait chunt. die man ſlaufet in den munt. Geſtrichnev varwe vf daz vel. iſt ſelten worden lobeſ hel. ſwelch wipplich h̉erze ſtet iſt ganz. ich gihe diu treit den hoheſten cranz. Chunde Gawan Guͤten willen zern. deſ moht er ſich da wol ernern. nie muͤt̉er gunde ir chinde baz. dann im d̉er wirt deſ brot er az. do man den tiſh hin dan enphienc. vnde do diu wirtin vz gie gie: Unsicher, ob hier tatsächlich etwas fehlt oder es nur gie heißen soll. Mein dinſt vil bette man dar vf treit. diu wurden Gawan geleit. einz waſ ein Phlumit. deſ zieche waſ ein gruͤner ſemit. deſ nih von d̉er hohen art. ez waſ ein ſemit baſtarht. ein Gult̉er waſ deſ betteſ dach. nih wan durc Gawanſ gemach. mit eime phelle ſund̉er Golt. v̉erre vz haidenſhaft Geholt. Geſteppet vf palmat. dar vb̉er zoch man linde wat. zwai ~~lichlachen~~lilachen ſne var. man leit ein wanchuſſe dar. vnd d̉er meigde mantel ein. h̉ermin niwe re*rein. Mit vrlaub erz vnd̉eruienc. d̉er wirt ê daz er ſla*ſlaffen gienc. Gawan al eine iſt mir geſeit. belaip alein mit im diu meit. het er iht hinz ir gegert. ich wen ſi heteſ in gew̉ert. er ſol auch ſlafen ob er mac. Got huͤt ſin ſo chom d̉er Tac. Groz muͤde im zoch diu augen zuͤ. ſuſ ſlief er vnz deſ morgenſ vruͤ. do erwachte d̉er wigant. einhalp d̉er kemenaten want. vil venſt̉er heten da vor glaſ. d̉er venſt̉er einz offen waſ. Gein dem baumgarten. dar in Gie er warten. durc luft vnd durc vogel ſanc. ſin ſizzen wart da nih ze lanc. ER choſ ein burc die er deſ nahteſ ſach. do im diu Auenture geſhach. vil vrowen vf dem palaſ. mangev nvnd̉er in vil ſhone waſ. ez duht in ein wund̉er groz. daz die frowen nih v̉erdroz. er wachenſ daz ſi ſliefen niht. dannoch d̉er tac waſ nih zelieht. er daht ich wil in zern. mich an ſlaffen chern. wid̉er an ſin bett er gienc. d̉er meide mandel vb̉er vienc. in daz waſ ſin deche. ob man in da ih weche. nein daz w̉ere dem wirte leit. diu magt durc geſellecheit. al da ſi vor ir mut̉er lac. ſi brach ir ſlaf deſ ſi phlac. vnde Gie hin zuͤ ir gaſte. d̉er ſlief dannoch al vaſte. diu magt ir dienſt nih v̉ergaz. vur den Gaſt vf den Tepich ſi ~~geſach~~geſaz. Diu chlare ~~iuncfrowe~~iuncfrawe. bi mir ich ſelten ſhawe. daz mir abenſ od̉er vruͤ. ſolch auenture ſliche zvͤ. bi ein̉er wil Gawan erwachete. er ſach an ſi vnde lachete. vnd ſprach got halde evch frewelin. daz ir durc den willen min. ew̉ern ſlaf ſuſ brechet. vnd an ev ſelbe rechet. deſ ich nih han gedient gar. do ſprach diu meit wolgeuar. ew̉erſ dienſteſ wil ich enb̉ern. ich ſol nih wan ew̉er hulde gern. h̉erre Gebietet vb̉er mich. ſwaz ir welt daz tuͤn ich. vnd alle die mit minen vat̉er ſint. min muͤt̉er vnd irev chint. ſuln evch ze herren han. ſo liebe hapt ir vnſ getan. :vertikal im Schriftraum kleine Kringel. Er ſprach ſit ir lange chomen. het ich ew̉er chunft ê v̉ernomen. daz w̉er mir liep durc fragen. wolt evch deſ nih betragen. daz ir mirz geruͤchtet ſagen. ich han in diſen zwain tagen. vil vrowen ob mir geſehen. von den ſult ir mir v̉eriehen. durc ew̉er guͤt w̉er diſe ſin. do erſrac daz iuncfrevwelin. ſi ſprach h̉erre nu vragt ſin nih. ich bin diu ez nimm̉er ev v̉ergiht. ich chan ev nih von in geſagen. ob ichz halt waiz ich ſolz v̉erdagen. lat ez ev nih ſin ſwere. vnde fraget and̉er mere. mit vmd daz rat ich welt ir volgen mir. Gawan ſprach ab̉er zuͤ ir. mit frage er gie dem mere nach. vmb al die frowen die er da ſach. Sitzen vf dem palaſ. diu magt wol ſo getriwe waſ. daz ſi von herzen wainde. vil groze chlag erſhainde. dannoch waſ ez harte vruͤ. innendeſ gie ir vat̉er zuͤ. d̉er liez ez ane zorn gar. ob diu magt wolgeuar. ihtſ w̉er Getwungen. vnd ob da waſ gerungen. dem gebart ſi geliche. diu magt zuht riche. wande ſi dem bette nahen ſaz. daz liez ir vat̉er ane haz. Do ſparach er toht̉er waint nih. ſwaz in ſhinphe alſuſ geſhiht. ob daz von erſte bringet zorn. der iſt doch ſhier da nach ~~v̉erlorn~~v̉erkorn. Gawan ſprach hie iſt nih geſhehen. wande deſ wir vor ev wellen iehen. ich ~~vrat~~vragte diſe magt ein teil. daz duht ſi min vnheil. vn̄d bat mich daz ich ez lieze. ob evch deſ nih v̉erdrieze. ſo lat min dienſt vmb evch beiagen. wirt daz ir mirz ruchet ſagen. vmd die frowen die ob vnſ hie. me gefraiſhte ich in allen landen nie. da man mohte ſhawen. ſo mange ſhone frowen. mit ſo liehtem geb̄ende. d̉er wirt want ſin hende. Do ſprach er h̉erre fragt ſin nih durc got. da iſt not vnd vb̉er not. ſo muͤz ich doch irn ~~chunl~~chunb̉er chlagen. ſprach Gawan wirt ir ſult mir ſagen. warumb iſt ev min vragen leit. h̉erre durc ew̉er manheit. chunnet ir vragenſ nih enb̉ern. ſo welt ir lihte vurbaz g̉ern. daz lert evch h̉erzen ſwere. vnde machet vnſ freuden lere. mich vnd al*allev minev kint. diu ev zedienſt geborn ſint. Gawan ſprac ir ſult mir ſagen. welt ab̉er irz mich gar v̉erdagen. daz ew̉er mere mich v̉erget. ich fraiſch doch wol wie ez da ſtet. Der wirt ſprach mit triwen. h̉erre ſo muͤz mich riwen. daz evch deſ vragenſ nih beuilt. ich wil ev lihen einen ſhilt. nu wapent evch vf einen ſtrit. zeterre malveil ir ſit. letmarveile iſt hie. h̉erre ez wart v̉erſuchet nie. vf ſhatimorueile diu not. ew̉er leben wil in den tot. iſt ev auenture bechant. ſwaz ie geſtreit ew̉er hant. daz waſ liht chinde ſpil. nu hat evch riwebarev zil. Gawan ſprach mir were leit. ob min gemach an arbeit. von diſen frowen hin rite. ich v̉erſuchte ê baz ir ſite. ich han auch von in v̉ernomen. ſit ich ſo nahen nu bin chom̄en. mich ſol deſ nih betragen. ichn welle durc ſi wagen. d̉er wirt mit triwen chlagete. ſinem Gaſte er ſagete. all̉er chunb̉er d̉er iſt ein niht. wan dem zeliden hie geſhit. diſev Auenture. iſt ſharph vnd vngehure. vur war vnd ane liegen. h̉erre ich chan niht triegen. Gawan d̉er briſ erchande. an die vorht ſich nih wande. er ſprach nu gep mir ſtriteſ rat. ob ir gebietet rit̉erſ tat. ich friſchat dem vảrin Von Ropper Rafnem ich ſol hie leiſten ruchet ſin got. ew̉ern rat vnd ew̉er gebot. wil ich imm̉er gerne han. h̉erre wirt ez w̉ere miſſetan. ſ*ſult ich ſuſ hinnan ſhaiden. die lieben vnde die leiden. heten mich vur einen zagen. alreſt d̉er wirt begunde chlagen. wande im ſo leide nie geſhach. hinz ſinem gaſt er do ſprach. ob daz got erzaige. daz ir nih ſit vaige. ſo w̉erdet ir h̉erre diſeſ landeſ. ſwaz freuden hie ſtet phandeſ. die ſtarchez wund̉er her betwanc. daz noch nie rit̉erſ briſ erranc. Manc ſariant edelev rit̉erſhaft. ob die hie loſet *ew̉er craft. *ew̉er: Rasierter Federansatz? ſo ſit ir priſeſ geheret. vnde hat evch got wol geret. vbir mugt mit vreuden h̉erre ſin. vb̉er mangen liehten frowen ſhin. von mangen landen. w̉er ieh ev deſ zeſhanden. ob ir hinnen ſhiedet alſuſ. ſit liſcoyſ Gewelliuſ. nu ſinen briſ hie lazen hat. d̉er mange rit̉erliche tat. Gefrumt hat d̉er ſuͤze. von reht ich in alſuſ *gruͤze. mit ellen iſt ſin rit̉erſſhaft. ſo mange tugent diu goteſ craft. in manneſ herze nie geſtiez. an Jth̉ern von Gahauiez. d̉er Jtern vor nanteſ ſhluͤc. min ſhif in *ge*geſtern vb̉er truͤc. er hat mir vunf orſe geben. got in mit ſelden laze leben. die chunge h̉erzogen vn̄d rit̉er. ſwaz er ab den hat erſtriten. daz wirt zepairrapeir geſagt. ir ſich̉erheit er hat beiagt. ſin ſhilt treit manec Tioſte mal. er rait hie vorſhende vmb den Gral. Gawan ſparah war iſt er chomen. ſagt mir wirt hat er v̉ernomen. do er ſo nahen waſ hie bi. waz diſev auenture ſi. h̉erre er hat ſi nih eruarn. ich chunde mich deſ wol bewarn. daz ich imſ zuͤ gewuͦge. vngefuͦge danne truͤge. het ir ſelbe vragenſ nih erdaht. nīmm̉er w̉ert ir ſin innenbraht. von mir waz hie mêr iſt. mit vorſhen ſharf ein ſtrenger liſt. welt ir nih erwinden. mir vnd minen chinden. ~~Geſach~~Geſhach ſo rehte leide nie. ob ir den lip v̉erlieſet hie. ſult ab̉er ir priſ behalten. vnde diſeſ landeſ walten. ſo hat min armuͤt ende. ich getruwe deſ ew̉er hende. ſo hohet ſich min richeit. mit freuden liep ane leit. Mac ew̉er briſ erw̉erben. ſult ir niht erſterben. nu wappent evch Gein chunb̉er groz. dannoch ſtuͤnt Gawan al bloz. er ſprach nu traget mir min har*harnaiſh her. d̉er bete waſ d̉er wirt ſin ~~ger~~wer. von fuͤzen vf wappent in do gar. diu ſuͤzev magt wol geuar. d̉er wirt nach dem orſe gienc. ein ſhilt an ſiner wende hienc. d̉er diche vnd alſo h̉erte waſ. dauon Gawan ſit Genaſ. ſhilt vnde orſ im waſ braht. d̉er wirt alſo waſ bedaht. daz er wid̉er vuͤr in ſtuͤnt. do ſprach er h̉erre ich tuͤn ev chunt. wie ir ſult gebarn. Gein ew̉erſ v̉erheſ varen. minen ſhilt ſult ir tragen. der iſt zerhawen durc ſtochen noch durc ſlagen. wande ich ſtirite ſeltēn. weſ moht ich dann en gelten. Here ſwenne ir vf hin chomet. ein dinc ev zv dem orſe vrumet. ein kramer ſitzet vor dem tor. dem lat daz orſe hie vor. chaufet vmb in ir enruͤcht waz. er behalt ev daz orſ deſt̉er baz. ob irz im v̉erſetzet. w̉ert ir nih geletzet. ir mugt ditz orſ g̉erne han. do ſprach min her Gawan. ſol ich nih ze orſe riten in. nein herre al d̉er frowen ſhin. iſt vor ev v̉erborgen. ſo nahent ez den ſorgen. den palaſ vindet ir eine. wed̉er groz noch chleine. vindet ir nih daz da lebe. ſo walt eſ diu goteſ phlege. So ir in die kemenaten get. da leit marueile ſtet. daz bette vnd die ſtollen ſin. von marroch ~~mahmuͤlin~~mahnuͤlin. deſ ere vnd al ſin ~~richaut~~richait. w̉er daz dar gegen geleit. da mit ez w̉er v̉ergolten nih. dar an ze lidenn ev geſhiht. ſwaz got an evch wil meinen. nach vreuden muͤz erz ev ſheinen. Gedenchet h̉erre daz ir ſit w̉ert. diſen ſhilt vnde ew̉er ſw̉ert. lazet nind̉er von ev chomen. ſo wenet daz ende hab Genomen. ew̉er chunb̉er grozlich. alreſt ſtrit iſt er dann gelich. do Gawan vf ſin orſ geſaz. diu meit wart an freuden laz. alle die da warn in chlageten. wenc ſi deſ v̉erdageten. ER ſprach zvͤ dem vvirte vnd Gan mir ſin got. vvirte: w als vv geschrieben. ew̉er getriwelichez vrbot. daz ir min ſuſ phlaget. Gelteſ mich nih betraget. vrlaup er zvͤ d̉er meigde nam. die grozzeſ iamerſ wolgezam. er rait hin ſi chlagtan hie. ob ir nu gerne horet wie. Gawane da Geſhehe. deſt̉er g̉ern̉er ich ev deſ v̉eriehe. ich ſage alſ ichz han v̉ernomen. do er nu waſ vur die porten chom̄en. er vant den Gramere. vnde deſ craͮm nih lere. da lac inne veile. daz ich ez wer d̉er geile. het ich alſe riche hab. Gawan erbaizte vor im ab. ſo richen marchet er nie ~~geſhach~~geſach. alſ im zeſehen alda geſhach. Diu crame waſ ein ſamit. vier ekke hoch vnde ~~witt~~wit. waz dar inne vailez lege. d̉er ez mit gelte wid̉er wege. d̉er baruc von baldac. v̉ergulte nih daz drinne lac. alſ entet d̉er karulago. von raugulat die chriechen ſo. ſtuͤnt daz man hort dar inne vant. ſo v̉ergult ez nih deſ keiſerſ hant. mit iener zwaig̉er ſtiure. daz cramgwant waſ tiure. Gawan ſin gruͤzen ſprach. zvͤ dem cramere do er ſach. waz wund̉erſ da lac veile. nach ſin̉er maze teile. bat im zaigen Gawan. Gurtteln od̉er vurſpan. Der cramere ſprach ich han vur war. hie geſezzen vil manc iar. daz nieman getorſte ſhawen. n*niwan w̉erde frowen. waz in min̉er crame ligt. ob ew̉er h̉erze manhait phligt. ſo ſit irſ alleſ h̉erre. ez iſt gevuͤret v̉erre. hapt ir den priſ an evch genomen. ſit ir durc auenture chomen. h̉erre ia ſol ev wol gelingen. liht ir mugt Gedingen. vmb mich ſwaz ich vaileſ han. daz iſt ev dann gar vnd̉ertan. vart vurbaz lat ſin walten got. hat ev ~~pliatpalnot~~pliatpalinot. d̉er verie h̉er Gewiſet. manc frowe briſet. ew̉er chomen in ditz lant. ob ſi erloſet ew̉er hant. welt ir nach auenturen Gan. ſo lazet ditz orſ al ſtille ſtan. Deſ huͤt ich ev welt irz an mich lan. do ſprach min h̉er Gawan. w̉er ez in ew̉ern mazen. ich wolt ez ev g̉erne lazen. nu ~~entſitzt~~entſitze ich ew̉er richeit. ſo richen marſchalc ez erleit. nie ſit ich dar vffe ſaz. d̉er cram̉er ſprach an allen haz. h̉erre ich ſelbe vnde alle min hab. waz meht ich me gebrechen drab. iſt ew̉er ſult ir hie geneſen. weſ moht ich billich̉er weſen. Gawan ſin ellen lerte. zefuzen er vurbaz cherte. manlich vnde vnuerzagt alſ ich ev ê han geſagt. er vant d̉er burge wite. daz iegeſlich̉er ſite. ſtuͤnt vur buwenliche w̉er. fur allen ſturm nih ein her. Ga*Gaben ſi zedrizech iarn. ob man ir wolte varn. en mitten ein ang̉er. daz lechuelt iſt lenger. Vil turn ob den zinnen ſtuͤnt. vnſ tuͤt diu Auenture chunt. do Gawan den palaſ ſach. dem waſ alumbe ſin dach. reht alſ phawen Geuidre gar lieht gemal vnd ſo gevar. wed̉er regen noch ſne. tet deſ dacheſ pliche we. innen er waſ gezieret. vnde wol geuaitieret. d̉er venſt̉er ſule wol ergraben. dar vf gewelbe hoch erhaben. dar inne bet ein wund̉er. lac her vnd dar beſund̉er. Gult̉er mang̉er ſlahte. lagen druf von rich̉er ahte. da warn die frowen geſezen. din heten nih v̉ergezzen. ſi warn dannan gigangen. von in wart enphangen. ir vreuden kunft ir ſelden ~~tat~~tac. d̉er gar an Gawane lac. muͤſtin ſi in ane ſehen. waz moht in danne lieb̉ers geſhehen. ir dehainev daz tuͤn ſolde. ſwie er in dienen wolde. da warn ſi doch vnſhuldic an. do Gie min h̉er Gawan .dan. beidev h̉er vnd dar. er nam deſ palaſteſ war. er ſa*ſach an ein̉er wende. ichn waiz zewed̉err hende. ein tuͤr wit offen ſtan. da ind̉erhalp im ſolde ergan. hoheſ priſeſ erw̉erben. od̉er nach dem priſ erſterben. ER gie zuͤ d̉er kemenaten in. d̉er waſ ir eſterricheſ ſhin. lut̉er hel alſ ein glaſ. da leitmarueile waſ. daz bette von dem wund̉er. vier ſhiben liefen drund̉er. von rubin lieht ſinuel. daz d̉er wint wart nie ſo hel. da w̉er die ſtollen vf gechloben. den eſterich muͤz ich ev loben. von iaſpiſ criſolte. von ſardine alſ er wolde. Climſor d̉er deſ gedahte. vz mangem lande brahte. ſin liſtigev wiſhait. w̉erc daz hieran wart geleit. ~~deſ~~ d̉er eſterich waſ ſo ſleif. daz Gawan chume begraif. mit den vuͤzen ſtiure. er gie nach auentiure. ~~Iin~~Imm̉er alſ diche er trat. daz bette vuͤr von ſin̉er ſtat. da ez ê waſ geſtanden. Gawan waſ enblanden. daz er den ſw̉ern ſhilt truͤc. den im ſin wirt beualh genuͤc. er dahte wie choͤm ich zuͤ dir. wildu ſuſt wenchen mir. ich ſol dich innen bringen. ob ich dich muͤge erſpringen. er huͤb ſich zuͤ dem ſprūnge enbor. do ſtuͤnt im daz bette vor. vnde ſpranc rehte denmitten dran. die ſnelhait gehorte nie dehain man. wie daz bette her vnd dar ſich ſtiez. d̉er vier wende dehain ez liez. mit hurte angeſtliche ſich ſwanc. daz al diu bvvrc da von erchlanc. Suſt rait er mangen poind̉er groz. ſwaz d̉er ~~dor~~donr ie gedoͤz. vnd alle die buſunere. ob der erſte were. bi dem iungeſten da inne. vnde blieſen nach Gewinne. ezn doͤrft da mer chrachen. Gawain muͤſte wachchen. ſwie er an dem bette lege. weſ Gawan do phlege. deſ Galmſ het in ſo beuilt. daz er zucht vb̉er in den ſhilt. er lac vnd liez ſin walten. den d̉er helfe hat behalten. vnde den helfe nie v̉erdroz. d̉er in ſime chunb̉er groz. helf an in v̉erſuͤchen chan. d̉er wiſe h̉erzenhaft̉er man. ſwa dem chumb̉er iſt bechant. d̉er ruͤfet an die hoheſten hant. Wan diu treit helfe riche. vnd hilfet im helfechliche. daz ſelb auch Gawan geſhach. dem er ê ſinſ briſeſ iach. ſinen kreftechlichen guͦten. den bat er ſich behuͤten. nu genam daz crachen ende. ſo daz vier wende. gelich warn gemezzen dar. al da daz bette wol geuar. inmitten an dem eſterich ſtuͤnt. do wart im grozzer angeſt chunt. vunfhund̉ert ſtabſ ſlingen. mit ~~liſtichi~~liſtichlichen dingen. zvͤ dem ſwanche warn bereit. d̉er ſwanc gab vngeleit. vf daz bette da er lac. der ſhilt alſolh̉er hurte phlac. daz erſ*erſ enphant vil chleine. ez warn wazz̉er ſteine. ſinuel vnd hart. etſſwa d̉er ſhilt doch durchel wart. Die ſteine warn auch v̉erbolt. er het ſelten ê gedolt. ſo ſwinde wurf vf in geflogen. nu waſ zuͤ dem ſhuze vf gezogen. funhund̉ert arnbruſt od̉er mer. diu heten alliu geliche chêr. reht vf daz bette al da er lac. ſwer ie ſolh̉er note phlac. d*der moht erchennen phile. daz w̉ert kurzwile. vnz daz ſi warn v̉erſnurret gar. ſw̉er wil gemacheſ nemen war. d̉ern chom an ſolhez bette niht. Gemaches im da nieman giht. Ez mohte iugent w̉erden Gra. deſ gemacheſ alſ da. Gawan an dem bete vant. dannoch ſin h̉erze vnde ſin hant. d̉er zagehait lac alleine. die phil vnd die ſteine. heten in nih gar v̉ermiten. zerquatſcuret vnd auch v̉erſniten. waſ er durc die ringe. do het er gedinge. ſin chunb̉er het einende. dannoch von ſin̉er hende. muͤſt er priſ erſtriten. an den ſelben ziten. tet ſich Gein im vf ein tuͤr. ein groz Gebuͤr gie da vuͤr. er waſ vraiſlich getan. von viſhuten truͤc er an. ein ſurchot vnde ein ponit. vnde deſ ſelben zwuͤ hoſen wit. Mn dinſt Einen kolben er in d̉er hende truͤc. deſ chugel waſ grozz̉er dann ein chruͤc. er gie Gein Gawan h̉er. daz en waſ doch nind̉er ſin ger. wande in ſinſ chunb̉ers Gar v̉erdroz. Gawan gedahte dirr iſt bloz. ſin w̉er iſt Ge*Gein mir harte laz. er riht ſich vf vn̄d ſaz. alſ ob in ſwern nind̉er lit. ien̉er trat hind̉er ſich einen trit. alſ ob er wolt enttwichen. vnd ſprach doch zornlichen. irn durfet mich entſizzen nih. ich vuͤge ab̉er wol daz ev geſhiht. da von ir den lip zephande gebt. von deſ tiuvelſ creften ir noch lep. ſol evch d̉er hie haben ernert. ir ſit doch ſterbenſ vnerw̉ert. deſ bringe ich evch wol innen. alſ ich nu ſheide hinnen. Der vilan trat wid̉er in. Gawan mit dem ſſw̉errte ſin. von dem ſhilt ſhluͤc die ſteine. die phil algemeine. warn hin durc gedrungen. daz ſi in den ringen chlungen. do hort er ein gebruͦmmen. alſ d̉er wol zwainzec drummen. ſluͦge hie zetanze. ſin veſt̉er muͤt d̉er Ganze. den diu warev zaghait. nie v̉erſh̉ert noch v̉erſneit. er daht waſ ſol mir noch geſhehen. ich moht nu wol chunb̉ers iehen. wil ſich min chunb̉er mern. zew̉er ſol ich mich chern. nu ſach er Gein deſ gebureſ tuͤr. ein groͤz lewe ſpranc h̉er vuͤr. Der waſ alſ ein orſe hoch. Gawan d̉er ie vng̉erne vloch. den ſhilt er mit dem riemen nan. er tet alſ ez d̉er w̉er gezam. er ſpranc vf den eſterich. durc hunger waſ fraiſlich. dirr ſtarc lewe groz. deſ er doch wenc da ~~genoc~~genoz. mit zorne lief er an den man. zew̉er ſtuͤnt h̉er Gawan. er het im den ſhilt nach genomen. ſin erſt̉er grif waſ alſo chomen. durc den ſhilt mit den chlan. von tiern iſt ſelten getan. ſin grif durc ſolhe h̉erte. Gawan ſich zuchhenſ w̉erte. ein bain er im abe ſwanc. d̉er lewe vf drin vuͤzen ſpranc. In dem ſhilt belaip d̉er vierde fuͤz. von bluͦte gab er ſolhen vluͦz. daz Gawan begunde vaſte ſten. h̉er vnd dar begunde gen. d̉er lewe ſpranc diche Gein dem gaſt. durc die naſen mangen phnaſt. tet er mit blechenden zenen. wolt man in ſolh̉er ſpiſe wenen. daz er guͦte luͦte gaͤze. vng̉ern ich bi im ſeze. ez waſ auch Gawan leit. d̉er vf den lip da mit im ſtreit. er het in ſo geletzet. mit pluͤte benezzet. wart al diu kemenate gar. mit zorn ſpranc d̉er lewe *dar. vnde wolt in zuchen vnd̉er ſich. Gawan tet im einen ſtich. durc die bruſt vnz an die hant. da von deſ lewen zorn v̉erſwant .*. : nach dem Punkt Ansatz zu Buchstabe, vmtl. das w des Folgeverses, Federansatz. Wande er ſtruchte nid̉er tot. Gawan het die grozen not. mit ſtrit vb̉er wunden. an den ſelben ſtunden. daht er waz iſt mir nu guͤt. ich ſitze vng̉ern in diſem bluͦt. ich ſol mich deſ wol bewarn. ditz bette chan ſo vmbe varn. daz ich dran nih ſitze noch enlige. ob ich reht̉er ſinne phlig. nu waſ im ſin haubet. mit wurfen alſo betaubet. vnd do ſine wunden. ſo bluͦten begunden. daz in ſin ſnellechlich craf. gar liez mit ir Geſelleſhaft. durc ſwindeln er ſtruchenſ phlac. daz haubet im vf dem lewen lac. Der ſhilt viel nid̉er vnd̉er in. gewan er ie craft od̉er ſin. diu warn bede im enphuͤret. vnſanfte waſ geruͤret. all̉er ſin ſîn waſ im entwichen. ſin wanchuſſe vngeblichen. waſ dem daz Gamille von munt ribille. diu ſuze vnd diu wiſe. leit keimiſe. dar vf er ſinen briſ v̉erſhlief. d̉er briſ Gein diſem manne lief. wan ir habt daz wol v̉ernomen. wa mit er waſ von witzen chomen. daz er lac vnủerſunnen. wie deſ wart begunnen. v̉erholn ez wart beſhauwet. daz mit pluͦte waſ betauwet. d̉er kemenaten eſt̉errich. ſi beide dem tode warn Gelich. d̉er lewe vnde Gawan. ein iuncfroͮwe wolgetan. Mit vorhten luͦget oben in. deſ wart vil blaich̉er ſhin. diu iunge ſo v̉erzagete. daz ez diu alte chlagete. Arniue diu wiſe. darumb ich ſi noch briſe. daz ſi den rit̉er nerte. vnde im ſo ſt̉erben w̉erte. ſi gienc auch dar durch ~~ſhowen~~ſhawen. do wart von d̉er frowen. zuͤ dem venſt̉er ob in geſehen. daz ſi dewederz mohten iehen. ir chunftechlichez vreuden tagen. od̉er imm̉er h̉erzenlicher chlagen. ſi vorhte d̉er rit̉er w̉ere tot. deſ lerten ſi Gedanche not. wande er ſuſ vf dem lewen lac. vnde and̉erſ dehaineſ betteſ phlac. ſi ſprach mir iſt von h̉erzen leit. ob diu getriwiu manheit. din w̉erdez leben hat v̉erlorn. haſt du den tot alhie erchorn. durc vnſ vil ellende diet. ſit dir din triwe daz geriet. mich erbarmet imm̉er me din tugent. du habeſt alt̉er od̉er iugent. hinz al den froͮwen diu frowe ſprach. wande ſi den helt ſuſ ligen ſach. ir froͮwen die deſ taufeſ phlegen. ruͦfet alle an den Goteſ ſegen. Si ſande zwoͮ ~~iuncfrowen~~iuncfrawen dar. daz ſi reht nemen war. daz ſi ſanfte ſlichen. ê ſi dannen entwichen. daz ſi ir brehten mere. ob er bi lebene w̉ere. od̉er ob er w̉er v̉erſheiden. daz gebot ſi den beiden. die ſuͤzen meide beide rein. ob ir denwedriu wein. ia ſi beide ſere. durc rehteſ iam̉erſ ere. do ſi in ſuſ ligen vunden. daz von ſinen wunden. d̉er ſhilt von bluͦte ſwebete. ſi beſahen ob er lebete. einev mit ir chlaren hant. den helm von ſinem haupte bant. vnde auch die fintalien ſin. da lac ein chleinez ſhuͦmelin. Vor ſinem rotem munde. zewarten ſi begunde. ob er den atem ind̉er zuͦge. od̉er ob er ſi lebenſ truͦge. daz lac dannoch in ſtrite vf ſinem churſite. von zoble warn zwai Gabilun. alſ ilinot d̉er pritun. mit grozem priſe wappen truͤc. er brahte w̉erdecheit genuͤc. von d̉er iugent an ſin ende. diu magt mit ir hende. nam deſ zobelſ balc vnd habt in dar. vuͦr ſinen munt do nam ſi war. ob d̉er autem daz har. ſo ~~rigete~~regete. daz ez ſich nid̉er wegete. Der atem wart da vunden. an den ſelben ſtunden. hiez ſi balde ſpringen. ein lut̉er wazzer bringen. ir geſpil wol geuar. braht ir daz ſnellichen dar. diu meit ſhaub ir vingerlin. zwiſhen die zende ſin. mit grozer vuͤge daz geſhach. do Goz ſi daz wazzer nach. ſanft vnd ab̉er mere. ſi goz ydoch nih ſere. vnz er diu augen vf ſwanc. er ſagt in gnade vnde danc. den zwain ſuͤzen chinden. Ach d̉er ir mich ſoldet vinden. ſuſ vngezogenlichen ligen. ob daz wirt von ev v̉erſwigen. daz pruͦue ich vur guͦte. ew̉er zuht evch dran behuͦte. ſi iahen ir laget vnde liget. alſ d̉er deſ hoſten priſeſ phligt. ir habt den priſ hie bezalt. deſ ir mit freuden w̉erdet alt. Der ſich iſt ew̉er hiute. nu troſtet vnſ armen liute. ob ew̉ern wunden ſi alſo. daz wir mit ev weſen froͤ. er ſprach ſehet ir mich g̉erne leben. ſo ſult ir mir helfe geben. deſ bat er die frowen. lat mine wunden ſhawen. etſwen der da chunne mit. ſol ich begen noch ſtriteſ ſite. ſo bindet mir den helm vf vnde get ir hin. den lip ich g̉erne w̉ernde bin. ſi iahen ir ſit ſtriteſ vri. h̉erre lat vnſ ev weſen bi. wan einev ſol gewinnen. an vier chunginnen. da betenbrot ir lebet noch. man ſol ev beraiten oͮch. Gemach vnde erzenien klar. vnd auch mit triwen nemen *war. Mit ſalben ſo gehure. diu vur die quaſkure. vnd fur die wunden ein ~~liſt~~geniſt. mit ſenfte helflichen liſt. d̉er meide einev dannan ſpranc. ſo balde daz ſi nind̉er hanc. diu braht zehoue niwiu mere. daz er bi lebene were. vnde alſo lebelich. daz er vnſ freuden rich. mit freuden machet ruchet ſin got. im iſt ab̉er gut̉er helfe not. ſi pſprachen alle diu marziſ. diu alte chunginne wiſ. ein bette hiez ſi bereiten. da vuͤr ein teppich ſpreiten. bi. einem guͤtem viw̉er. ſalben harte tiw̉er. wol gemacht mit ſinne. die gewan diu chunginne. zuͤ d̉er quaſkure vnd zuͤ den wunden. do Gebot ſi an den ſtunden. Vier froͮwen daz ſi giengen. vnde im ſin harnaiſch enphiengen. daz ſiz ſanfte von im namen. vnd daz ſi chunden ramen. daz er ſich deſ iht durfte ſhemen. einen phelle ſult ir vmb evch nemen. vnde entwapent in in dem ſhate ob dannen gen ſint ſin ſtate. daz dolt od̉er tragt in hin. al da ich bi dem bette bin. i*ich wart da d̉er helt ſol ligen. ob ſin kanfp iſt ſo gedigen. daz er nih iſt zeuerhe wunt. ich mach in ſhiere wol geſunt. ſwelch ſin wunde ſtuͤnde zeuerhe. daz w̉er freude twerhe. *da mit w̉ern auch wir erſlagen. vnd muͤſten lebendez ſt̉erben taragen Do ditz wart alſo getan. entwapent wart h̉er Gawan. vnd dannan geleitet. vnd helfe bereitet. von den die helfe chunden. do warn ſiner wunden. vumzec od̉er mere. die phil idoch nih ſere. vuͤr die ringe warn gedruchet. d̉er ſhilt waſ vuͤr geruchet. do nam diu alte chungin. ditammen vnde warmen win. vnde einen blawen zendal. vnd ſtreich diu bluͤteſ mal. vz den wunden ſwa der dehainev waſ. vnd bant in ſo daz er genaſ. ſwa d̉er helm waſ ingebogen. da enGein daz haubet waſ erzogen. daz man die wurfe erchande. die quaſcur ſi v̉erſwande. mit d̉er ſalben crefte. vnd von ir maiſt̉erſefte. Si ſprach ich ſenftev ſhiere. Gundri laſurziere. ruchet mich ſo diche ſehen. ſwaz von erznie ſol geſhehen. deſ tuͤt ſi mich geweltic wol. inanfortaſ in iam̉erſ dol. chom daz man im helfe warb. diu ſalb im half daz er nih ſtarp. ſi iſt von muntſaluaſche chomen. do Gawan hete v̉ernomen. muntſaluaſce nennen. do begunde er vreude erchennen. er ~~war~~wande er w̉er da nahen bi. do ſprach der valſcheſ vri. Gawan zuͤ d̉er Chunginne. frowe mine ſinne. die mir warn entrunnen. die habt ir wid̉er gewunnen. Wid̉er in min h̉erze. auch ſenfte ſich ~~mich~~min ſm̉erze. ~~ſw̉er~~ſwaz ich crefte od̉er ſinne han. die hat ew̉er dienſtman. gar von ew̉ern ſhulden. ſi ſparach h̉erre ew̉ern hulden. ſuln wir vnſ alle nahen. vnde deſ mit triwen gahen. nu volget mir vnd redet nih vil. eine wurzen ich ev geben wil. da von ir ſlafet daz iſt ev guͤt. ezzenſ noch drinchenſ dehainen muͤt. ſult ir haben vor der naht. ſo chumpt ev wid̉er ew̉er craft. ſo trit ich ev mit ſpiſe zvͤ. daz ir wol belibet vnze vruͤ. eine wurz ſi leit im in den munt. daz er ſlief an d̉er ſelben ſtunt. vil wol ſi ſin mit teche phlac. alſuſ vb̉er ſlief er den tac. Der ern rich vnd laſterſ arm. lac ſanft vnd im waſ warm. etſwenne in doch in ſlafe froſ. daz er hehzt vnde noſ. allez von d̉er ſalben craft. von ~~frowen~~frawen groz geſelleſhaft. Gienc vz die andren in. die truͤgen liehten w̉erden ſhin. Armia diu alte. gebot mit ir gewalte. daz ir dehainev riefe. die wil d̉er helt ſliefe. ſi bat auch den palaſ. beſliezen ſwaz da rit̉er waſ. ſariande burgere. d̉er dehanev diſev mere. freiſk vor dem andrem tage. do chom d̉er frowen niwev chlage. Suſ ſlief d̉er helt vnz an die naht. diu kunginne waſ ſo bedaht. die wurzen ſi im vz dem munde nam. do erwacht er drinchenſ in gezam. er riht ſich vf vnde ſaz. mit guͤtem willen er az. vil manc froͮwe vor im ſtuͤnt. im wart nie w̉erder dienſt chunt. ir dienſt mit zuhten wart getan. do bruͤfte min h̉er Gawan. diſe die. vnd ab̉er ien. er waſ ot in der alten ſen. nach Orguluſen d̉er klaren. wande im in ſinen iaren. dehain wip ſo nahen Gienc. etſwa da er minne enphienc. od̉er da im minne waſ ~~v̉erzagt~~v̉erſagt. do ſprach d̉er helt vnủerzagt. Ee ſin̉er maiſt̉erinne. d̉er alten kunginne. froͮwe ez crenchet mir min zuht. ir muget ~~mit~~mir ſin iehen vuͤr vngenuͦht. ſuln diſe frowen vor mir ſten. gebiet in daz ſi ſitzen gen. od̉er haizt ſi mit mir ezzen. al hie wirt niht geſezzen. von ir dehain̉er ſunz an mich. h̉erre ſi mohten ſhamen ſich. ſolten ſi ev nih dienen vil. wand ir ſit vnſ̉er freuden ſpil. doch h̉erre ſwaz ir gebietet in. daz ſuln wir leiſten haben wir ſin. die edeln mit der hohen art. warn ir zuhte deſ bewart. wande ſiz mit willen taten. ir ſuzen munde in baten. da ſtenſh vnz er gezze. daz ir dehainev ſeze. do daz Geſhach ſi giengen wid̉er. Gawan ſich leit ſlaffen nid̉er. Sw̉er im nu ruwe neme. ob in nu ruwenſ zeme. ich wen er het ſin ſunde. nach d̉er auentur vrkunde. het er ſich ge Arbeitet. gehohet vn̄d gebreitet. ſinen briſ mit grozz̉er not. ſwaz d̉er w̉erde lanzelot. vf d̉er ſw̉ert bruchen erleit. vn̄d ſit mit melianzen ſtreit. daz waſ Gein dirre not ein nih. vnd man karelle giht. dem w̉erden chunge richen. d̉er ~~all~~alſo rit̉erlichen. den lewen von dem palaſ. warf d̉er zenanteſ waſ. karel daz mezz̉er holte. da von er chunb̉er dolte. ind̉er marmel ſuͤl. truͤge diſe phil ein muͤl. d̉er wer ze vil geladen da mite. die Gawan durch ellenſ ſite. Gein ſime v̉erhe ſnurren liez. alſ in ſin manlich ellen hiez. Liguſ prilliuſ d̉er fuͤrt. vnd ereche deſhoidelachurt. erſtrait ab Mobonagrim. d̉er dewederz gap ſo hohen pin. nochd̉er ſtolz ywan. ſinen gruͤz nih wolde lan. vf d̉er auenture ſtein. ſuln diſe kunbre ſin alein. Gawanſ kunb̉er ſluͤc vuͤr. ienēn vngemacheſ chuͤr. welhen chunb̉er main ich nuͦ. ob ez ev niht dunchet zevruͤ. ich wolte nu benennen gar. Orguluſe diu chom al dar. in Gawanſ h̉erzen gedanc. d̉er ie waſ zagehaite cranc. vn̄d Gein dem warn ellen ſtarc. wie chom daz ſich da v̉erbarc. So lanc wip in ſo churze ſtat. ez waſ ydoch ein engez phat. : Der Vers setzt sich aus dem Anfang von Vers 584.18 und dem Ende von Vers 584.14 zusammen (Kontraktion, wohl aufgrund einer beabsichtigten Kürzung; so auch in G L M Fr19). da ſo lanc wip inne ſaz. ~~dar~~der mit triwen nih v̉ergaz. ſin dienſſhlichez wachen. nieman ſol deſ lachen. daz alſuſ w̉erlichen man. ein wip ~~entth~~enttſhumphieren chan. wohra woch waz ſol daz ſin. da tuͤt froͮ minne ir zurnenſ ſhin. an dem d̉er priſ hat beiagt. w̉erlich vnde vnủerzagt. hat ſi den helt vunden. Gein dem ſiechem wunden. ſolde ſi gewalteſ v̉erdriezzen. er moht idoch geniezzen. daz ſi in an ſinen danc. wol geſunden betwanc. Froͮ minne welt ir briſ beiagēn. mugt ir ev doch lazen ſagen. ev iſt an ere dirr ſtrit. wan Gawan lept alle ſine zit. alſ ew̉er hulde im gebot. alſo tet ſin vat̉er lot. muͤt̉erhalp ſin geſlehte. *ſtuͤnt ev gar zerehte. ſit her von mazadam. den faimurgan. d̉er die laſcoyge vuͤrte. den ew̉er kamph do rurte. ~~Mazedauſ~~Mazedamſ nach chomen. da von ſo diche iſt v̉ernomen. daz ir dehain̉er nih enliez. Jthern von kahauiez. ew̉er inſigel truͤc. ſwa man von wiben ſin gewuͤc. da man nande ſinen namen. deſ wolte ſich dehainev ſhamen. Der minne ſi ir crefte iach. nu bruvet die frowen diu in do ſach. d̉er warn diu mere chomen. alſ ir ê wol habt v̉ernomen. nu tuͤt oͮch Gawan den tot. alſ ſinem neuen imelot. den ew̉er craft dar zvͤ twanc. daz d̉er iunge ſuͤze ranc. nach w̉erd̉er Amien. von chanadic florien. diu ſelbe kunginne in zoch. ſinſ vat̉er lant von chinde er vloch. ze pritanie waſ er gaſt. florien zuht in mit laſte. daz ſi in iagte vur daz lant. in ir dienſt man in vānt. tot alſ ir wol hapt v̉ernomen. Gawanſ chunne iſt diche chomen. von minnen in h̉erzenbarev ſer. ich nenne ev ſin̉er mage mer. Den auch von minn iſt worden we. wie betwanc d̉er bluͤtuarwe ſne. deſ w̉erden parzifalſ lip. durc die chungin ſin wip. Galoeſ vnde Gahmureten. die habt ir beide vb̉ertreten. daz ir ſi gabet an den re. diu w̉erde Jtanie. leit auch nac*nach royſ gramoflanz. mit triwen ſtete minne ganz. daz waſ Gawanſ ſweſt̉er chlar. froͮ minne ir tailt ew̉erev iar. ſarde morde noch alexand̉er. die ein vnde diu and̉er. ſwaz Gawan chunb̉ers ie Gewan. froͮ minne die welt ir nih erlan. ſine muͤſen dienſt Gein ev tragen. welt ir nu briſ an im beiagen. ir mohtet craft gein craft geben. vnd *liezet Gauwanen leben. Siech mit ſinen wunden. vnde wundet in geſunden. manger hat von minnen ſanc. den doch diu minne nie betwanc. ich moht nu wol ſtille dagen. vnde liez minne chlagen. waz dem norwengen waſ. do er auentur genaſ. daz in beſtuͤnt d̉er minnen ſhuͤr. ân alle helfe gar ze ſuͤr. do ſprach er we daz ich erchoſ diſe rede riweloſ. daz ein hat mich v̉erſert. daz and̉er ~~mich e~~mir gemert. Gedanc nach minne. Orguluſe diu h̉erzoginne. muͤz genade an mir begen. ob ich bi freuden ſol geſten. Von vngedult er ſich want. daz da braſt ieglich̉er wunden bant. in ſolhem vngemach er lac. nu ſeht nu ſhein vf in d̉er tac. deſ het er nu ſanfte erbiten. er het auch da vor erliten. mit ſw̉erten mangen h̉erten ſtrit. noch ſenfter danne diu dorrenſ zit. ob chunb̉er ſich geliche dem. ſwelch minnere an ſich den nem. d̉er w̉erde alreſt wol geſunt. mit philen alſ erser wunt. daz tuͤt im lihte alſo we. alſ im minne chunb̉er ê. Gawan truͤc minne vnde and̉er chlage. nu begunde ez liehten von dem tage. daz ſin̉er grozzen kerzen ſhin. vnnach ſo wirbic mohten ſin. Vf rihte ſich d̉er wigant. nu waſ ſin linin gewant. nach wunden vnde harnaiſch var. z*zuͤ im waſ geleit dar. hemede vnd bruͤch von bucgram. den wehſel er do g̉erne nam. vnde ein Garnaiſchen merderin. deſ ſelben ein churſellin. ob den zwain ſhurbrant. von arzeiſ dar geſant. zwene ſtiual auch da lagen. die nih groze phlagen. diu niwen chleider leit er an. do Gienc min h̉er Gawan. vz d̉er kemenaten tuͤr. ſuſ gie er wid̉er vnd vuͤr. vnz er den richen palaſ vant. ſinen augen wart nie bechant. richait diu dar zuͤ tohte. daz ſi dem gelichen mohte. Vf durc den palaſ ein ſît. Gienc ein gewelbe nih zewit. gebraitet vf den palaſt hoch. ſinuel ſich daz vb̉er zoch. dar vfe ſtuͤnt ein chlarev ſuͤl. diu waſ nih von holze vuͦl. ſi waſ groz vn̄d ſtarc. daz froͮn kanillen ſarc. w̉ern drufe wol geſtanden. vz feirafeiz landen. braht ez d̉er wiſe Clinſor. w̉erc daz hie ſtunt enbor. ſinuel alſ ein gezelt ez waſ. d̉er maiſt̉er Geometriaſ. ſolde ez geworht haben ſin hant. diu kunſt w̉er im vnbechant. daz waſ geworht mit liſten. adamaſ vn̄d amatiſten. Diu auenture vnſ wizzen lat. Topozien vnd granat. Griſoliten vnd rubin. ſmaragden vn̄d ſardin. ſuſt warn diu venſt̉er riche. wit vnde auch geliche. alſ man d̉er venſt̉er ſule ſach. d̉er art waſ obnen daz tach. dehain ſuͤl da enzwiſhen waſ. dehain: Die auch in G L M vorhandene Kontraktion geht vermutlich auf eine Augenabirrung des Schreibers von *G zurück, denn die Verse 589.27 und 589.29 enthalten beide das Wort sûl. Nur in I anderes Reimwort und Variante in Vers 589.30. diu auenture chundet vnſ daz. waz diu wund̉ers mohte han. durc ſhawen gie h̉er Gawan. vf daz warthuſ eine. zemangem ſhonem ſteine. do vande er ſolhe wund̉er groz. deſ in zeſehen nih v̉erdroz. in duht wie im allev diu lant. in d̉er grozzen ſule w̉ern bechant. vnd diu lant vmbe giengen. vnd daz mit hurte enphiengen. die grozen b̉erge ein and̉er. in d̉er ſule vand er Liute rieten vnde gen. iene laufen diſe ſten. in ein venſt̉er er do ſaz. daz wund̉er wolde er bruͤuen baz. do chom diu alt Arniue. vnde diu ſhone ſhawe. vnd ir toht̉er auch zwoͮ. da Giengen alle viere zvͦ. er ſpranc vf do er ſi ſach. diu chungin Arniue ſprach. herre ir ſolt noch ſlaffeſ phlegen. hab ir ruwenſ evch bewegen. dar zuͤ ſit ir zeſere chunt. ſol ev ander vngemach ſin chunt. do ſprach er frowe maiſt̉erin. mir hat craft vnde ſin. Iwer helfe alſo gigeben. daz ich gediene muͤz ich leben. diu chunginne ſparach muͤz ich ſo ſpehen. daz ir mir h̉erre hapt v̉eriehen. daz ich ew̉er maiſt̉erinne ſi. chuſſet diſe frowen dri. da ſit ir laſt̉ers an bewart. ſi ſint geborn von hoh̉er art. dirre bet waſ er vro. die klaren frowen chuſt er do. ſaiwen vnd itonien. vnde die ſuzen Gundrien Gawan ſaz ſelbe vierder nid̉er. do ſach er vor vnde wid̉er. an d̉er chlaren megde lip. idoch twanc in ~~d̉er einen lip~~daz eine wip. diu inſinem h̉erzen lac. dirre meide blich ein nebel tac. Waſ bi orguluſen gar. diu duht in vil wol geuar. von logroiſ diu h̉erzogin. dar iagtan in ſinſ h̉erzen ſin. nu ditz iſt ergangen. Gawan waſ enphangen. von den frowen allen drin. die truͤgen ſo liehten w̉erden ſhin. deſ liht ein h̉erze w̉er v̉erſniten. daz ê nih chunb̉ers het erliten. zuͤ ſin̉er maiſt̉erinne er ſprach. vmb die ſuͦle die er da ſach. daz ſi im ſagte mere. von welh̉er art diu ſule w̉ere. do ſprach ſi h̉erre dirre ſtein. bi tage vnde bi naht erſhain. vier mile al umb in diu lant. ſit er erſte wart erchant. Swaz indem ſelben zil geſhiht. ind̉er ſuͤle man daz ſiht. in wazz̉er od̉er an velde. deſ iſt diſev varwe melde. *iz ſi vogel od̉er Tier. *iz: Federansatz. den gaſt vnd den furehtir. die froͤmden vn̄d die chunden. hat man drinne vunden. vb̉er vier mile get ir glanz. ſi iſt ſo veſt vnde ſo ganz. daz ſi mit dehainen ſinne nie mohte gewinnen. wed̉er ham̉er noch d̉er ſmit. ſi wart v̉erſtoln ze Tanbrunit. : Hier müsste nach Zählung eine Kustode zu finden sein. Am Original prüfen! : Am Original nicht zu erkennen, auch kein Ansatz. d̉er kunginne Secutillen. deſ giht ich an ir willen. Gawan ſach in den ziten. in d̉er ſule riten. einen rit̉er vnd eine frowen. moht er do ſelbe ſhawen. do duht in diu frowe chlar. man vnd roſ gewappent gar. vnd d̉er helm gezimiert. ſi chomen gehaſtiert. durc die paſſahen vf dem plan. nach im diu reiſe wart getan. ſi chom̄en die ſtraze durc daz muͦr. alſ Liſcoys d̉er da vuͤr. den er entſhumphierte. diu frowe in conduwierte. ein rit̉er mit dem chom h̉er. Tioſtiernſ waſ ſin ger. Gawan ſich vmbe cherte. ſinen chunb̉er er gemerte. in duhte diu ſuͤl het in betrogen. do ſach er vur vngelogen. Orguluſen de logroys. vnde einen rit̉er churtoys. Gein dem vruar vf den waſen. iſt diu nieſwurz in d̉er naſen. trêt vnde ſtrenge. in ſineſ h̉erzen enge. chom alſuſ diu h̉erzogin. durc ſinev augen obnen in. Gein minne helfloſ ein man. Owe daz iſt h̉er Gawan. hinz ſiner maiſt̉erinne er ſprach. do er den rit̉er chomen ſach. frowe dort vert ein rit̉er h̉er. mit vf gerihtēm ſper. d̉er wil ſuͤchenſ nih erwinden. er ſol ſuͤchen vinden. Sit er rit̉erſhefte gert. ſtriteſ iſt *er von mir gew̉ert. ſagt w̉er mach diu frowe ſin. ſi ſprach daz iſt d*diu h̉erzo gin. von logroyſ diu clare. wem chumt ſi ſuſ zeuare. d̉er Turkoyt iſt mit ir chomen. von dem ſo diche iſt v̉ernomen. daz ſin hant iſt vnủerzagt. er hat mit ſpern briſ beiagt. ez warn geheret driu lant. Gein ſin̉er w̉erlichen hant. ſult ſtriten miden nu. ſtriten iſt ev gar zevruͦ. ir ſit zeſtrite ſere wunt. ob ir weret wol geſunt. IR ſoltet doch ſtrite Gein im lan. do ſprach min h̉er Gawan. ir iehet ich ſul hie h̉erre ſin. ſw̉er denn vf die erden min. rit̉erſhaft ſo nahen ſuͦchet. od̉er ſtriteſ ruͤchet. od̉er rit̉erſhefte gert. d̉er wirt er von mir gew̉ert. ~~frowe~~frawe ich ſol min harnaiſch *han. deſ wart groͤz wainen da getan. von den frowen allen viern. ſi ſprachen welt ir ziern. ew̉er leben vnde ew̉ern priſ. ſo ſtritet nih dehain wiſ. legt ir da vor im tot. alreſt wuͤſhe vnſer not. Sult ab̉er ir vor im geneſen. daz muͤz an grozem geluche weſen. wan lieber h̉erre min. welt ir in harnaiſh ſin. ev nement ew̉er wunden daz leben. ſo ſin wir an den tot gigeben. Gawan ſuſt mit chunb̉er ranc. ir mugt wol horen waz in twanc. in twungen wunden ſere. diu minne ~~min~~ minne michelſ mere. vnd iuncfrowen riwe. wan diu erſhainde im triwe. ER bat ſi wainen Gar v̉erbern. dar zuͤ ſin munt begunde gern. orſeſ harnaiſh vnde ſwert. die frowen chlar vn̄d w̉ert. vuͤrtan Gawan wid̉er. er bat ſi von im gen dar nid̉er. da and̉er froͮwen warn. die ſuͤzen vnd die klarn. Gawan vf ſinſ ſtriteſ vart. balde alda gewappent wart. bi wainenden liehten augen. ſi tatenz alſo taugen. daz nieman vrieſk diu mere. wan der kam̉erere. der hiez ſin orſ erſtrichen. Gawan begunde ſlichen. alda Gringuliet ſtuͤnt. do waſ er ſo ſere wunt. den ſhilt er chuͤm dar getruͤc. d̉er waſ durchel auch genuͤc. Vf ſaz h̉er Gawan. do ch̉ert er von der burc herdan. zuͤ ſim getriwem wirte. der in deſ wenc irte. ſweſ ſin wille gerte. einſ ſperſ er in gew̉erte. daz waſ ſtarc vnde vnbeſhaben. er het ir mangez vf erhaben. and̉erhalp vf ſinem plan. do bat in min h̉er Gawan. *vb̉er varn ſhiere. in einem vrſhiere. vurt er in vb̉er an daz lant. do er den Turkoyden vant. w̉ert vnde hochgemuͤt. d̉er waſ von ſhanden ſo behuͤt. daz miſſewende an im v̉erſwant. ſin priſ waſ da vur bechant. Sw̉er Gein im Tioſtierenſ phlac. daz er hind̉er dem orſ gelac. von ſin̉er Tioſte valle. ſuſ vb̉errait erſ alle. die Gein im mit ſtrite riten. mit Tioſtieren vor die vb̉er ſtriten. oͮch tet ſich vz d̉er degen w̉ert. daz er mit ſpern ane ſw̉ert hohen priſ wolde er w̉erben. od̉er ſin priſ lan v̉erb*v̉erDerben. ſw̉er dem priſ an im bezalte. daz er in mit Tioſtiern valte. wurd er da ſigeloſ geſehen. dem wolt er ſich̉erhait v̉eriehen. Gawan v̉rieſch diu mere. von d̉er Tioſt phendere. plipalinon nam alſuſ diu phant. ſwelch Tioſt da wurde erchānt. daz ein̉er viel d̉er and̉er ſaz. ſo enphie er ân ir beid̉er haz. diſeſ fluͤſt ~~vnſ~~vnde enſ Gewin. wan daz orſ daz vurt er hin. ern ruͤchte ſtriten ſi genuͤc. ſw̉er priſ od̉er laſt̉er truͤc. deſ liez er die frowen iehen. die mohtanz diche da geſehen. er zoch im daz orſ an daz ſtat. Gawan er vaſte ſitzen bat. er bot im in die hant ein ſper. nu chom d̉er Turkoyder her. Galoppiernde alſ ein man. der wol Tioſte mezzen chan. Wed̉er ze hoch noch zenid̉er. Gawan chom Gein im her wid̉er. von muntſhaluaſc Gringuliet. vuͤr nach Gawanſ bet. alſ ez d̉er zaum lerte. vf den plan er cherte. manlich ân h̉erzen ſhri wa nimet diu helm ſnuͤr den ſtric. d̉er turkoyden Tioſt traf in alda. Gawan in ruͤrt and̉erſwa. durc die barbier. man wart innen ſhier. w̉er da geuelleſ waſ ſin w̉er. von dem churzen ~~langem~~ſtarchēn ſper. den helm enphie h̉er Gawan. hin rait der helm hie lac d̉er man. der w̉erdecheit ie ein bluͤme waſ. vnz er v̉erdacht alſuſ daz graſ. mit vallen von d̉er Tioſte. ſin̉er zimiere koſte. in dem tawe mit den bluͦmen ſtriten. GAwan chom vf in geriten. vnz er im ſich̉erheit v̉eriach. d̉er verie nach dem orſe ſprach. Daz waſ ſin reht w̉er laugent deſ. ir vreut evch g̉erne weſt ir weſ. ſprach Orguluſe diu klare. Gawan ab̉er zware. durc daz deſ ſtarchen lewen vuͤz. iurem ſhilt volgen muͤz. nu went ir ev ſi priſ geſhehen. ſit diſe frowen habent geſehen. ew̉ern ſtrit alſo getan. wir muͤzen evch bi vreuden lan. ſit ir deſt̉er Geile. ob leit marueile. ~~ſit~~ſich ſo cleine hat gerochen. ev iſt der ſhilt zer brochen. alſ ob ev ſtrit ſul weſen chunt. ir ſit Auch zeſere wunt. vf ſtriteſ gedenſe. daz tuͤt ev we zuͤ d̉er Genſe. ev mac durc ruͤm wol weſen liep. d̉er ſhilt iſt durchel alſ ein ſip. Den ev ſo manc phil durc blbrach. an diſen ziten vngemach. daz mugt ir g̉erne vliehen. lat ev den ving̉er ziehen. wid̉er zuͤ den frowen. ſagt wie ~~gerſt~~getorſt ir ie beſhawen. ſtrit den ich w̉erben ſolde. ob ewer h̉erze wolde. mir dienen nach minne. er ſprach zuͤ der chunginne. frowe ich han wunden. die habent helf enphunden. ob ev helfe chan gezemen. *daz ir min dienſt ruͤchet nemen. ſon wart nie not ſo h̉erte erchant. ichn ſi zedienſt dar benant. Si ſprach ich laz evch riten. vnde me nach ~~ſtirite~~priſe ſtriten. mit mir geſellechliche. deſ wart an freuden riche. d̉er ſtolz w̉erde Gawan. den Turchoyden ſande er ſan. bi ſinem wirt plipalinot. vf die burc er enbot. den frowen wol geuar. daz ſi ſin nemen wol war. Gawanſ ſper waſ ganz beliben. ſwie beidev orſ wern getriben. mit ſporn vf d̉er Tioſte hurte. in ſin̉er hant er do fuͦrte. Gein d̉er liehten ov*~~ovwe~~avwe. deſ wainte manc frowe. daz ſin reiſe von in geſhach. diu kunginne Arnive ſprach. Vnſer troſt het in erchorn. ſin̉er augen ſuze vnde h̉erzen dorn. ~~owe~~awe daz nu volget ſuſ. Gein liſoyſ prilliuſ. Orguluſen d̉er h̉erzogin. daz iſt ſiner wunnen vngewin. vunfhund̉ert frowen warn in chlage. er rait von in in priſeſ beiage. ſwaz im an ſinen wunden war. die not het erwendet gar. Orguluſen varwe Glanz. ſi ſprach ir ſult mir einen cranz. ab eineſ baumeſ riſe. Gewinnen dar vmb ich priſe. ew̉er tat welt ir mich ſin w̉ern. ſo mugt ir min̉er minne g̉ern. Do ſprach er frowe ſwa daz riſ. ſtet daz alſo hohen priſ. mir an freuden mac beiagen. daz ich frowe muͤz chlagen. nach ew̉ern hulden min not. daz brich ich od̉er mich enlat d̉er tot. ſwa ſtuͤnden bluͦmen lieht. die warn Gein dirre varwe ein niht. die Orguluſe brahte. Gawan an ſi gedahte. ſo daz ſin erſt̉er vngemach. im dehaineſ chunb̉ers iach. ſuſ rait ſi mit ir gaſte. von d̉er burge wol ein raſte. ein ſtraze wit vnde ſleht. vur einen chlaren foreht. da die bluͦmen muſten ſin. den priſ vnde priſin. ſuſt waſ d̉er klare walt. Gawan d̉er degen balt. Srach wa brich ich den cranz. deſ min durchel herze w̉erde Ganz. er ſolt ſi han geduhet nid̉er. alſ dich iſt geſhehen ſider. manger klaren frowen. ſi ſprach ich laz evch ſhawen. wa ir pris muͤget gehaben. vb̉er daz velt Gein ienem graben. riten ſi do nahen. deſ cranzeſ ~~baum~~boum ſi ſahen. do ſprach ſi h̉erre ien̉er ſtam. iſt deſ der mir vreude nam. pringet ir mir drabe ein riſ. nie rit̉er alſo hohen priſ. mit dienſte warp nach minne. do ſprach diu chunginne. hie wil ich nu min raiſe ſparn. Got walteſ welt ir vurbaz varn. ſon durft dirz nih lengen. ellenthaften ſprengen. muzet ir daz orſ Alſuſ. Alſ vb̉er liſcoyſ prilliuſ. Si habt al ſtille vf dem plan. vuͦrbaz rait her Gawan. er hort einſ traten wazzerſ val. daz het durc brochen wit ein tal. Tief vnd vnfurtechlich. Gawan d̉er ellenſriche. nam daz orſ mit den ſporn do ſpranc d̉er degen wol geborn. daz daz orſ mit zwain vuzen trat. hin vb̉er an daz and̉er ſtat. deſ chom er von dem orſe ſin. deſ ~~wande~~wainde idoch diu chungin. der wac waſ ſnel vnde groz. Gawan ſin̉er crefte genoz. doch truͤg er harnaiſheſ laſt. do waſ auch eineſ baumeſ aſt. Gewahſhen in deſ wazzerſ tran. den begreif der ſtarche man. Wnde er gerne dannoch lebete. ſin ſper da bi im ſpſwebete. daz begraif der wigant. vnde ſtaic vf an daz lant. Gringuliet ſwam ob vnde vnde. dem er helfen do begunde. daz orſ ſo v̉erre nid̉er floz. deſ laufenſ in dar nach v̉erdroz ſwern harnaiſh er truͤc. er het auch wunden genuͤc. nu traib ez ein w̉erue her. daz er ez raichte mit dem ſper. da deſ regenſ guz. het gebrochen witen fluz. an ein̉er tiefen halden. dar vf er waſ geſpalden. daz Gringulieten nerte. mit dem zaume er ez cherte. ſo nahen vz an daz lant. daz erz ergreif mit d̉er hant. Suſ zoch min h̉er Gawan. daz orſ hin vf an den plan. ez ſhutte ſich do ez genaſ. d̉er ſhilt da nih beſtanden waſ. er gurt dem orſ vnd nam den ſhilt. ſwen ſinſ chunb̉ers nih bevilt. daz laz ich ſin er het doch not. ſit ez diu minne im gebot. orguluſe diu glanze. in iagte nach dem cranze. wande daz in ſin ellenthaftev vart. braht zuͤ dem baume d̉er waſ bewart. w̉ern Gawanſ zwen die muſten ir leben. vmb den Granz haben gigeben. deſ phlac der chunc Gramuflanz. Gawan brach idoch den cranz. Daz wazzer hiez ſabinſ Gawan holt idoch den zinſ. do er vnd daz orſ drin bleſte. ſwie wol Orguluſe nu Gleſte. ich wolt ir minne alſo nih hol. ich waiz wol waz mich gezemen ſol. do Gawan daz riſ gebrach. vnd d̉er cranz wart ſineſ helmeſ dach. do rait zuͤ im ein rit̉er clar. dem warn ſin̉er zite iar. wed̉er zekurz noch zelanc. ſin muͤt durc hochuart betwanc. ſwie vil im ein man getete leit. daz er doch mit im nih ſtreit. ien̉er w̉ern zwen od̉er mer. ſin hohez h̉erze waſ ſo her. ſwaz im tete ein man. daz wolt er ane ſtrit lan. Filyroys kirot. Gawan guͤten morgen bot. daz waſ d̉er kunc Gramoflanz. do ſprach er h̉erre vmbe diſen cranz. han ich ev nih gar v̉erzigen. min gruͤz w̉er evch doch v̉erſwigen. daz ew̉er zwene w̉ern. alle in den ſelben geb̉ern. daz ſi wolten holn durc ir priſ. ab minem baum alſuſ ein riſ. die muſten ſtrit enphahen. daz ſol mir ſuſ v̉erſmahen. vng̉ern auch Gawan mit im ſtreit. do er vnw̉erlichen reit. ezn vurt d̉er degen mere. nih wan einen muͤz ſparwere. Jdonie het in im geſant. d̉er ſtuͤnt vf ſin̉er hant. Gawanſ ſuͤzev ſweſt̉er. von phawen ſin zeſt̉er. ein huͤt vf ſinem haubet waſ. von ſamit gruͤn̉er dann ein graſ. Der chunc einen mantel vuͦrte d̉er vaſt an die erden ruͤrte. ietdwed̉er halp diu ort̉er ſin. diu ved̉er waſ lieht h̉ermin. nih zegroz doch ſtarc genuͤc. waſ daz pherit daz in da truͤc. an pherideſ ſhoͤne nih betrogen. von tenabruc dar gezogen. od̉er braht von dem mer. d̉er kunc waſ ân alle w̉er. wande er vuͤrte ſw̉erteſ niht. ew̉er ſhilt ev ſtriteſ giht. ſprach d̉er kunc laitmorueile. : Kontraktion der Verse 605.23 und 605.25. iſt ev worden zeteile. ir habt die auenture erliten. diu min ſolte haben gebiten. Wan daz d̉er wiſe Clinſor mit gie mit fride ie vor. vnde daz ich Gein ir chrieges phlige. diu d̉er warn minne ſige. mit karkait chan behalten. ſi chan noch zornſ walten. Gein mir oͮch twinget ſi deſ not. Citegaſten ich ſluͤc tot. ſelbe vierden ir vil lieben man. Orguluſen vurt ich dan. ich bot ir burge vnde lant. krone ſwie vil ir dienſtes bot min hant. da ch̉ert ſi Gein ir h̉erten var. mit flehende het ich ſi ein iar. ichn chunde ir minne nie beiagen. daz muͤz ich h̉erzenlichen chlagen. Ich waiz wol daz ſi ev minne bot. ſit ir hie w̉erbet minen tot. w̉ert ir nu ſelb and̉er chomen. ir meht mir min leben wol haben benomen. od̉er wir w̉ern bede erſtorben. daz het ir darumb erworben. min herze nach and̉erer minne *Get. dudiu helf an ew̉er Gnaden ſtet. ſit ir ze terre Marueile ſit. worden h̉erre ew̉er ſtrit. hat ev den priſ behalten. welt ir nu guͤte walten. ſo helfet mir vmb eine magt. nach der min h̉erze chunb̉er chlagt. diu iſt deſ chungeſ loteſ chint. alle die vf erden ſint. die betwungen mich ſo ſere nie. ich han ir chleinode hie. Geholt vnde ich min dienſt dar. Gein d̉er megde wol geuar. wande ich han not durc ſi gedolt. oͮch getruͤ ich ir wol ſi mir holt. ſit Orguluſe diu riche. mit worten herzenliche. ir minne mir v̉erſagete. ob ich priſ beiagete. mir wur*wurde wol od̉er we. daz ſhuͤf diu w̉erde Jtonie. ich han ir leid̉er nih geſehen. wil ew̉er guͤte mir helfen iehen. ſo bring ich ditz clein ving̉erlin. d̉er klaren ſuͤzen frowen min. ir ſit hie ſtriteſ ledic gar. ezn w̉er dann grozer ew̉er ſhar. zwen od̉er viere. w̉er iehe mir deſ vur ere. ob ich evch ſluge od̉er twunge ſich̉erheit. den ſtrit min hant ie g̉erne meit. Do ſprach min h̉er Gawan. ich bin doch werlich ein man. wolt ir deſ nih priſ beiagen. wurde ich von ew̉er hant erſlagen. ſon han auch ich dehainen priſ. daz ich gebrochen han daz riſ. w̉er iehe mir deſ vur ere groz. ob ich evch ſluge alſo bloz. ich wil ew̉er bote ſin gebt mir her daz ving̉erlin. vnd lat ew̉ern dienſt ſagen. vnde ew̉ern chunb̉er nih v̉erdagen. d̉er kunc im dancte ſere. Gawan in vragte mere. Sit ev v̉erſmahet Gein mir ſtrit. ſo ſagt mir doch h̉erre w̉er ir ſit. irn ſult ez nih vur laſt̉er doln. do ſprach d̉er kunc min nam iſt̉er v̉erholn. min vat̉er hiez Girot. den ſluͤc d̉er kunc lot. ich bin d̉er chunc gramoflanz. min hohez h̉erze waſ ie ſo Ganz. daz ich zedehainen ziten. nimm̉er wil geſtriten. ſwaz mir tuͤt ein man. wan ein̉er haizet Gawan. von dem ich priſ han v̉ernomen. daz ich g̉erne Gein im wolde chomen. vf kanph durc mine riwe. ſin wvat̉er brach ſin triwe. in einem gruͤz minen vat̉er er ſluͤc. zeſprechen han ich dar genuͤc. nu iſt lot erſtorben. nu hat Gawan erworben. ſolhen priſ vor vz beſund̉er. daz ob d̉er Tauelrund̉er. im an priſe nieman gelichen mac. ich gelebe noch Gein im ſtriteſ tac. Do ſprach deſ kungeſ loteſ ſun. welt ir getriwelichen tuͤn. ew̉er friundin ob diu daz iſt. daz ir ſuſ valſclichen liſt. von ir vat̉er chunnet ſagen. vnd dar zuͤ g̉erne het erſlagen. irn bruͤd̉er ſi iſt ein vbel magt. daz ſi den ſit an ev nih chlagt. chunde ſi toht̉er vnd ſweh̉er ſin. ſi w̉er ir brud̉er vogtin. daz ir v̉erberet diſen haz. wie ſtunde ew̉erm ſweh̉er daz. het er ſin triwe zerbrochen. habt ir deſ nih gerochen. daz ir in nu toten Gein valſe ſagt. ſin ſun iſt deſ gar vnủerzagt. in ſol deſ niht v̉erdriezen. mac er nih geniezen. ſin̉er ſweſt̉er wol geuar. zephande er git ſin leben dar. Here ich haize Gawan. ſwaz ev min vat̉er hat getan. daz rechet an mir er iſt tot. ich ſol vur ſinſ laſt̉ers not. han ich w̉erdechlichez leben. vf chanph vur in zegiſel geben. do ſprach d̉er kunc ſit ir daz. ſit ich trag vnủerkornen haz. ſo tuͤt mir ew̉er w̉erdecheit. beidiu liep vnde leit. ein dinc tuͤt mir doch an ev wol. daz ich mit ev ſtriten ſol. oͮch iſt ev grozz̉er priſ giſhehen. daz ich ev einem han v̉eriehen. Gein ev ze kanphe chomende. vnſ iſt zepriſe vrumende. ob wir w̉erde frowen. den chanph lazen ſhawen. Vunfhundert frowen bringe ich dar. ir habt auch eine klare ſhar. vf ſhahte marueile. evw̉erm teile. ~~ew̉ern~~ew̉er ohaim artuſ. von einem lande daz alſuſ. Loủer iſt genennet. hapt ir die ſtat erchennet. ze Sabinſ bi d̉er chronica. diu Maſſenie iſt al da. von hute vb̉er den ahtoden tac. mit groz̉er thſoy er chomen mac. dar nach an dem andrem tage. chuͤm ich durc min alte chlage. vf den plan zeffanze. nach gelte diſen cranze. Gramoflanz in mit im bat. ze Roy ſabinſ durc die ſtat. irn mugt nih and̉err brukken han. do ſprach min h̉er Gawan. ich wil hin alſ her. and̉ers laiſt ich ew̉er ger. ſi gaben fianze. daz ſi zeſeffanze. Mit rit̉ern vnd mit frowen her. chomen durc ir zawair wer. ſuſ waſ benant daz Teidinc. daz ſi bede chomen vf den rinc. ſuſ ſhiet min h̉er Gawan dannan von dem w̉erdem man. mit freuden vnd laiſierte. d̉er kranz in Conduwierte. ern moht daz orſ nih enthaben. mit ſporn er ez traip vnz anden graben. Gringuliet nam bezit. ſinen ſprunc wol alſo wit. daz Gawan vallen gar v̉ermeit. zuͤ im diu h̉erzoginne reit. al da d̉er helt ~~erbau~~erbaizt waſ. von dem orſ vf daz gras. vnz er daz gegurte. ze ſin̉er antwurte. erbaizte ſnellechlich ſnellechlich: Unsicher, ob hier tatsächlich etwas fehlt oder es nur gie heißen soll. ſnellechlich: Auch am Original nicht zu erkennen. diu h̉erzoginne riche. Gein ſinen vuzen ſi ſich bot. ſi ſprach h̉erre ſolh̉er not. alſ ich han an euch gekert. d̉er wart min wirde nie w̉ert. vuͤr war mir ew̉er arebeit. fuget ſolch h̉erzenleit. die enphahen ſol getriwez wip. vmb ir lieben vriundes lip. do ſprach er frowe iſt daz war. daz ir mich gruͤzet ane var. ſo nahet ir dem priſe. ich bin doch wol ſo wiſe. ob ſhilt ſin reht ſol han. anderſ hapt ir miſſetan. deſ ſhilteſ amp waſ ie ſo hoch. daz d̉er ſpot ſich da uon zoch. ſw̉er rit̉erſhaft zereht ie phlac. frowe ob ichz ſprechen mac. Sw̉er mich da bi hat geſehen. frowe d̉er muͤz mir rit̉erſhefte iehen. etſwenne ir and̉erſ iahet. ſit ir mich von erſte ſahet. daz laz ich ſin nemt hin den kranz. irn ſult durc ew̉er varwe glanz. dehainem rit̉er mer. bieten ſolch vnere. ſolt ew̉er ſpot weſen min. ich wolt ane minne ſin. diu klar vnde diu riche. ſprach wainunde h̉erzenliche. h̉erre alſ ich min not chlage. waz ich ir in minem h̉erzen trage. ſo gebt ir mir iam̉erſ gewin. gein ſwem mich crenchet min ſin. d̉er ſolz durc got v̉erkieſen. ich mach nih me v̉erlieſen. ~~FRowde~~FRewde dan ich han v̉erlorn. an Zitegaſtem dem vzerchorn. ein klar ſuze beaſamiſ. ſo durc luhtec waſ ſin priſ. mit reht̉er w̉erdechait ger. ez w̉er dirr od̉er d̉er. die mut̉er ie gebarn. bi ſin̉er zite iarn. die muſten in iehen d̉er w̉erdecheit. die and̉er priſ nie vb̉erſtreit. er waſ ein quechbrunne d̉er Tugent. mit alſo b̉erhaft̉er iugent. gar bewart an valſch̉er phliht. vz d̉er vinſt̉er an daz lieht. het er ſich enblechet. ſinen priſ ſo hoch geſtechet. daz in nieman chunde erraichen. Amor waſ ſin h̉erzaichen. Sin priſ ſo hoch waſhen chunde. daz die andren warn drunde. vz ſinſ h̉erzen chern. wie laufet ob allen ſtern. d̉er ſnelle Satvvrnuſ. d̉er triwen ein Monziruſ. ſit ich die warhait ſprech chan. daz waſ min erwunſt̉er man. daz tier die meigde ſolten chlagen. ez wirt durc reinecheit erſlagen. ich waſ ſin h̉erze er waſ min lip. den v̉erloſ ich fluſtbarez wip. in ſluͤc d̉er kunc Gramoflanz. von dem ir vuret diſen cranz. h̉erre daz ich ev leide ſprach. von den ſhulden daz geſhach. daz ich v̉erſuchen wolde. ob ich evch minnen ~~wolde~~solde. bieten durc ew̉er w̉erdecheit. ich waiz wol h̉erre ich ſprach ev leit. Daz waſ durc ein v̉erſuchen. nu ſult ir h̉erre deſ geruchen. daz ir zorn v̉erlieſet. vnde gar vf mich v̉erkieſet. ir ſit d̉er ellenſriche. dem golde ich evch geliche. daz man lut̉ert in d̉er gluͤt. alſ iſt gelutert ew̉er muͤt. dem ich evch ze ſhaden brahte. alſ ich gedenche vn̄d do gedahte. d̉er hat mir h̉erzenleit getan. do ſprach min h̉er Gawan. Froͮwe ezn wende mich d̉er tot. ich gelere den kunc ſolhe not. diu ſin hochuart *letzt. min triwe han ich ủerſetzt. Gein im vf kanpheſ ſtriten. in vil kurzen ziten. da ſuln wir manhait vrborn. frowe ich han vf evch v̉erchorn. ob ir tunben ev minen rat. durc zuht niht v̉erſmahen lat. ich rate ev wipplich ere. vnde w̉erdecheite lere. nun iſt hie nieman danne wir. frowe nu tuͤt gnade an mir. ſi ſprach an geſ̉ertem arm. bin ich ſelten worden warm. da engegen wil ich nih ſtriten. ir mugt zandren ziten. dienſtes lon an mir beiagen. ich wil ew̉er arbait chlagen. vnz ir w̉erdet wol geſunt. ob ir and̉erſwa ſit worden wunt. vnz d̉er ſchade w̉erde heil. vf ſhati maueil. wil ich mit ev chern. ir welt mir freude mern. Sprach d̉er minne g̉ernder man. er huͤp die frowen wol getan. mit truch an ſich vf daz ph̉ert. deſ duht er ſich da vor nih w̉ert. do er ſi ob dem brunnen ſach. vnde ſi ſo twerhlichen ſprach. Gawan reit dannan mit freuden ſiten. doch wart ir wainen nih v̉ermiten. vnz er mit ir chlagete. er ſprach daz ſi ſagete. warumbe ir wainen were. daz ſiz durc got v̉erbere. ſi ſprach h̉erre ich muͤz ev chlagen. von dem d̉er mir hat erſlagen. d̉er w̉erden zite gaſten. d̉er muͤz mir iam̉er taſten. indaz h̉erze da diu freude lac. do ich zitegaſtes phlac. Ich bin ſo nih v̉erdorben. ich habe doch geworben. deſ chungeſ ſhaden mit koſte. vnde mange ſharphe Tioſte. Gein ſinem verhe gefruͤmt. waz ob mir helfe von ev chumt. diu mich richet vnde ergetzet. daz mir iam̉erſ h̉erze wetzet. vf Gramoflanzes tot. enphie ich dienſt daz bot. ein kunc d̉er wunſhes h̉erre waſ. h̉erre d̉er hiez Anfortaſ. durc minne nam ich von ſin̉er hant. von Tanbrun daz cram gewant. daz noch vor ew̉err borten ſtet. da Tiefez gelt Gein get. Der kunc in mime dienſt erwarp. da uon min freude gar v̉erdarp. do ich in minne ſolde w̉ern. do muſt ich niwan iam̉ers gern. in minem dienſt erwarb ſer. Gelich iamer od̉er mer. alſ ziteGaſteſ geben chunde. Gaben mir Anfortaſ wunden. nu ſehet wie ſolt ich armez wip. ſit ich han getriwen lip. bi ſolh̉er not bi ſinnen ſin. etſwenne ſich crenchet auch d̉er min. ſit daz er lit ſo helfelos. den ich nach zitegaſte koſ. ze ergetzenn vnd durc rechen. h̉erre nu horet ſprechen. wa mit erwarp Clinſor. die richen cram vor ew̉erm tor. do d̉er klar Anfortaſ. minne vnde freude er wendet waſ. Der mir die gabe ſande. do fvrht ich die ſhande. Clinſor iſt ſtetechlichen bi. d̉er liſt von nigromanzi. daz er mit zaub̉er twingen chan. beideu wip vnde man. ſwaz er w̉erdechait geſiht. die lat er ane chunb̉er nih. durc fride ich Clinſor gab ~~minn~~minen cranz. nach richait wurde Ganz. ſwenn diu Auentvvre wurde erliten. ſw̉er den priſ het erſtriten. an den ſolde ich helfe ſuchen. wolde er min nih geruchen. d̉er cranz wer an d̉er ſtunden min. d̉er ſol ſuſ vnſ̉er zwaỉer ſin. deſ ſwuͦrn die da warn. da mit ich wolde varn. Gramoflanzeſ durc den liſt. d̉er leid̉er noch vngendet iſt. het er die Auentvvre geholt. ſo muͤſ er ſt̉erben haben gedolt. Clinſor iſt houeſh vnde wiſ. d̉er erlaupt mir durc ſinen priſ. von min̉er maſſenie erchant. rit̉erſhaft vb̉er al ſin lant. mit mangem ſtiche vnd ſlage. die Ganzen wochen alle ir tage. alle die wochen in dem iare. ſund̉er rotten ich han zeware. diſe den tac ien die naht. mit koſt ich ſhaden han gedaht. Gramoflanz dem hochgemuͤt. mangen ſtrit er mit mir tuͤt. waz bewart in ie drunde. ſinſ verheſ ich diche varn chunde. die warn zerich in minen ſolt. wart mir ir dehain̉er and̉ers holt. Nach minnen ich mangen dienen liez. dem ich doch loneſ nih gehiez. minen lip nie man. ich moht wol ſinen dienſt han. wan ein̉er d̉er treit wappen rot. min geſinde er braht in not. vur logroyſ er chom geriten. da entworht er ſich mit ſolhen ſiten. ſin *hant ſi nider ſtreute. wenc ih mich ſin vreute. zwiſhen logroys vn̄d ew̉erm vruar. min̉er rit̉er volgtan im vunfe dar. die vntſhunphierter vf dem plan. diu orſe gab er dem ~~ſpilman.~~ſhifman. Do er die mine vb̉er ſtreit. nach dem helde ich ſelbe reit. ich bot im lant vnd minen lip. er ſprach ich han ein ſhon̉er wip. vnde diu im lieb̉er w̉ere. diu rede waſ mir ſwere. ich fragt in w̉er diu mohte ſin. von pailrapeir diu chungin. ſuſ iſt genant diu lieht gemal. ſo haiz ich ſelbe ~~parzifal~~Parzifal. ich wil ew̉err minne niht. d̉er gral mir anderſ chunb̉ers giht. ſuſ ſprach d̉er helt mit zorne. hin rait d̉er vzer korne. han ich dar an Miſſetan. welt ir mich daz wizzen lan. ob ich durc minſ h̉erzen not. dem w̉erdem rit̉er minne bot. krenchet ſich dar an min minne. Gawan zuͤ d̉er h̉erzoginne. ſprach ich erchenn in alſo w̉ert. an den ir minne habt gegert. het er evch ze minnen erchorn. ew̉er briſ w̉er an im niht v̉erlorn. Gawan d̉er Turtoys. vnd diu h̉erzoginne von Logroys. vaſt an ein and̉er ſahen. do riten ſi ſo nahen. daz man ſi von d̉er burge ſach. da im diu Auentuͤr geſhach. do ſprach er frowe tuͤt ſo wol. ob ich evch deſ biten ſol. lat minen nam̄en vnerchant. alſ mich d̉er rit̉er hat genant. d̉er mir hin rait Gringulieten. laiſtet deſ ich evch han gebeten. ſw̉er evch deſ fragen welle. ſo ſprechet ir min geſelle. iſt mir vnerchennet. er wart mir nih benennet. Si ſprach vil g̉erne ich ſiz v̉erdage. ſit ir nih welt daz ich ez ſage. wizzt Von ſ er vnd diu frowe wol geuar. ch̉erten Gein d̉er burge dar. die rit̉er heten da v̉ernomen. daz ein rit̉er w̉ere chomen. d̉er het die Auentur erliten. vnde den lewen vb̉er ſtriten. vnd den Turkoyden ſid̉er. ze reht̉er Tioſte geuellet nid̉er. Innen deſ rait Gawan. gein dem vruar vf den plan. daz ſi in von den zinnen ſahen. ſi begunden vaſte gahen. vz d̉er burc mit ſhalle. do vuͤrten ſi alle. riche baniere. ſuſ chomen ſi ſhiere. vf ſnellen rauiten. er wande ſi wolten ſtriten. do er ſi v̉erre chomen ſach. hinz d̉er h̉erzoginn er ſparach. chumt ienz volch Gein vnſ zewer. ſi ſprac ez iſt clinſorſ her. die ew̉er chuͤme habent erbiten. mit freuden choment ſi geriten. vnd wellent evch enphahen. daz endarf ev nih v̉erſmahen. ſit ez diu freude in gebot. nu waſ auch pliapalinot. mit ſin̉er toht̉er ſhiere. chomen in einem vrſſiere. Verre vf den plan ſi Gein im gienc. diu magt mit freuden in enphienc. Gawan bot ir ſinen gruͤz. ſi chuſt im ſtegeraif vnde den vuͤz. in enphie auch diu h̉erzogin. ſinamen in bi dem zaume ſin. ſi baten erbaizen diſen man. Orguluſe vnde Gawan. Giengen an deſ ſhiffeſ ort. ein Teppich vnde ein Gult̉er dort. lagen an d̉er ſelben ſtet. diu h̉erzoginne durc ſine bet. zuͤ Gawan nid̉er ſaz. deſ v̉ergen toht̉er nih v̉ergaz. ſi entwappent in ſuſ hoͤr ich ſagen ir mantel hiez man dar tragen. d̉er deſ nahteſ ob im lac. do er ir h̉erb̉erge phlac. Deſ waſ im not and̉er zit. ir mantel vnd ir kurſit. Leit an ſich h̉er Gawan. ſi truͤc daz harnaiſch h̉er dan. alreſt diu h̉erzoginne klar. nam ſineſ antlutzeſ war. da ſi ſazzen bi einand̉er. dri gebraten galand̉er. mit wine ein gleſin parel. vnd zwai blanchev waſ*waſtel. diu ſuͤzev meit dar nach truͤc. in ein̉er t*twehel wiz genuͤc. die ſpiſe ~~erflauc~~erflouc ein ſprinzelin. Gawan vnde diu h̉erzogin. mohtan daz wazzer ſelbe nemen. ob ſi twahenſ wil gezemen. daz ſi do beide taten. mit freude er waſ beraten. daz er mit ir ezzen ſolde. durch die er liden wolde. Beidev freude vnd not. ſwenn ſi daz parel bot. daz ir da geruͤrt het ir munt. do wart im niwan freude chunt. daz er da nach ſolde trinchen. ſin triwe begunde hinchen. vnde wart ſin hochgemuͤte ſnel. ir ſuͤzer munt ir liehtez vel. in ſo von chunb̉er iagete. daz er dehaine wunden chlagete. Von d̉er burc die frowen. ſine wirtſhaft mohten ſhawen. and̉erhalp an daz vrvar. manc w̉ert rit̉er chom dar. ir buhurt mit chunſte wart getan. diſe halp h̉er Gawan. dancte dem v̉erien vnde d̉er Toht̉er ſin. alſo tet auch diu h̉erzogin. ir vil guͤtlich̉er ſpiſe. diu h̉erzoginne wiſe. ſprach war iſt d̉er rit̉er chomen. von dem diu Tioſt wart genomen. Geſtern do ich hinnen reit. ob den ieman ~~vb̉erſtreut~~vb̉erſtreit. wed̉er ſhiet daz leben od̉er d̉er tot. do ſprach plipalinot. frowe ich ſach in hiute leben. er wart mir vur ditz orſ gigeben. welt ir ledigen den man. darumbe ſol ich ſwaluwe han. diu d̉er kungin ~~ſecullen~~ſecutillen waſ. vnd die ev ſande Anfortaſ. Mac diu helfe weſen min. ledic iſt der von Goruenzin. in vie d̉er helt w̉ert erchant. ſparach ſi die wil er mit ſin̉er hant. mac gegeben vn̄d behalten. d̉er hie ſitzet lat ſin walten. ob ich im ſo liep wart ie. erloſet mir liſcoyſen hie. d̉er h̉erzoge von Goriunzin. vnd auch d̉er and̉er furſte min. Florianden vn italac. d̉er nahteſ min̉er wahte phlac. d̉er waſ min turkoyde ſo. ſineſ str*sturmeſ wirt ich nimm̉er vro. Gawan ſprach zuͤ d̉er frowen. ir mugt g̉erne ſhawen. idoch ê vnſ chom diu naht. do heten ſi ſich deſ bedaht. Vnde fuͤren vber an daz lant. diu h̉erzoginne lieht erchant. huͤb Gawan vf daz ph̉ert. manc edel rit̉er w̉ert. enphienc in vn̄d die h̉erzogin. ſi riten Gein d̉er burge hin. da wart mit freuden geriten. vn̄d diu chunſt nih v̉ermitten. daz ſin d̉er burhurt het ere. waz mac ich ſprechen mere. wan daz d̉er w̉erde Gawan. vnde diu h̉erzoginne wolgetan. mit freuden wart enphangen ſo. ſi mohtenſ beidiu weſen vro. Vf ſhatelmorueile. ir mugt ſin wol iehen zeheile. daz im diu ſelde ie geſhach. do furten ſi in an ſin gemach. Arniue vnd die daz chunden. die bewartan im ſine wunden. zuͤ arniuen ſprach Gawan. frowe ich ſolt einen boten han. ein iuncfrowe wart geſant. diu braht im einen ſariant. manlich mit zuhten wiſe. inſariandes priſe. d̉er knappe ſwuͤr deſ ein ein eit. er vvurfe liep oder leit. daz er deſ nieman da zuͤ gewuge noch and̉erſwa. wan da erz w̉eruen ſolde. er bat. daz man im holde. Tincten vnd b̉ermīnt. Gawan loteſ chint. Sreip einen brief mit ſin̉er hant. ern bot zelouerſ in daz lānt. Artuſ vnde deſ wibe. dienſt von ſinem libe. mit triwen vnủerzert. vnd er hete priſ behert. d̉er w̉er an w̉erdechait tot. ſin hulfen im zuͤ ſin̉er not. daz ſi beidiu an triwe dehten. vnde zeſhanfanzune brehten. die Maſſenie mit frow*~~frowen~~frawen ſhar. vnde chomen auch ſelbe dar. durc chanph vf alle ſin ere. er enbot in dannoch mere. d̉er kamph w̉er alſo genomen. daz er w̉erdechlichen muͤſe chomen. do enbot *h̉er gawan. ez w̉er wip od̉er man. al d̉er Maſſenien gar. daz ſi ir triwen nemen war. Vnde dem kunge rieten chomen. daz moht an w̉erdechait gefruͤmen. allen den w̉erden er enbot. ſinen dienſt vnde chanpheſ not. d̉er brief nih inſigelſ truͤc. er ſraip in ſuſ bechant genuͤc. mit worzaichen vngelogen. nune ſolt du nih lang̉er zogen. Mein dinſt wizzt von lieber h ſprach Gawan zuͤ dem chnappen ſin. d̉er kunc vnd diu kungin. ſint zeſabinſ bi d̉er cronica. die chungin ſolt du da. Geſprechen eineſ morgenſ vruͤ. ſwaz dir rate daz tuͤ. vnd la dir daz v̉erboten ſin. daz ditz lant ſi worden min. Vnde daz du hie maſſenie ſiſ. daz enſage auch nih dehain wiſ. dem chnappen wart dannan gach. arniue ſleich im ſhoͤne nach. diu vragt in war er wolde. vnde waz er w̉erben ſolde. do ſprach er frowe ich enſage ev nih. ob m*mir min eit rehte ~~niht~~giht. got huͤt ew̉er ich wil von hinnen varn. er reit nach w̉erdechlichen ſharn. ARniue zorn beiagete. daz d̉er chnappe ir nih enſagete. alſuſ getanev mere. war er geſendet were. ſi bat den der d̉er porten phlac. ez ſi naht od̉er tac. ſo d̉er chnappe wid̉er rite. fuͤge daz er min bite. vnz daz ich in geſpreche. mit din̉er chunſt daz zeche. doch truͤc ſi vf den chnappen haz. wid̉er in durc fragen baz. Gie zuͤ d̉er h̉erzoginne. diu phlac auch d̉er ſinne. daz ir munt deſ niht gewuͤc welhen namen Gawan truͤc. ſin bet wart daran bewart. ſi v̉erſwaic ſinen namen vnd ſin art. puſunere vnd and̉er ſhal. vf dem palaſ erhal. Mit froͤlichen ſachen. manc rukelachen. in dem palaſ wart gehangen. alda wart niht gegangēn. wan vf Teppich wol geworht. ez het ein armer wirt erworht. alumbe zallen ſîten. mit ſenften ~~flumiten~~pflumiten. mangez da wart geleit. dar vf manc Teppich breit. Gawan nach arbeite phlac. ſlaffenſ vmb mitten tac. im warn ſine wunden. mit chunſt alſo v̉erbunden. ob ein vriundin w̉er bi im gelegen. het er ir minne geplegen. daz w̉er im ſenfte vnd guͤt. er het auch ſlafeſ bezzern muͤt. dann deſ nahteſ do diu h̉erzogin. an vngemache im gap gewin. ER erwachete Gein d̉er veſperzit. doch het er in ſlafe ſtrit. geſtriten mit d̉er minne. ab̉er mit d̉er h̉erzoginne. ein ſin kamarere. mit tiurem Golde ſwere. braht im chleid̉er dar getragen. von liehtem phelle hort ich ſagen. do ſprach min h̉er Gawan. wir ſuln der cleid̉er mer han. diu algeliche tiwer ſin. dem h̉erzogen von Gouerzin. vnde dem klaren floriande. d̉er in mangem lande. hat gedient w̉erdecheit. nu ſhaffe daz diu ſin bereit. Bi einem chnappen er enbot. ſinem wirte plipalinot. bi ſin̉er toht̉er wolgeuar. daz er ſande Liſcoiſen dar. Liſcoiſe wart dar vf geſant. froͮ bene vurt in an ir hant. durch Gawanſ hulde. vnde auch durc die ſhulde. Gawan ir vat̉er wol gehiez. do er ſi ſere. wainunde liez. deſ tageſ do er von inir reit. da priſ erwarp ſin manheit. d̉er Turkoyde waſ auch chomen. an den beiden wart v̉ernomen. Gawanſ enphahen ane haz. ietdwed̉er zvͤ im nid̉er ſaz. vnz man in chleid̉er dar truͤc. diu warn koſtelich genuͤc. Daz ſi nih bezz̉er mohten ſin die braht man in allen drin. ein meiſt̉er hiez Sarant. nach dem ſaraz wart genant. d̉er waſ von triande. von Secuntillen lande. ein ſtat haizet Thaſme. diu iſt grozzer dann Niniue. od̉er wit̉er dann acraton. ſarant durc priſeſ lon. einſ phelleſ da gedahte. ſin w̉erc vil ſpehe brahte. d̉er hiez ſarant haſme. ob er iht rilichen ſte. daz mugt ir an fragen lan. wande er muͤz grozze koſte han. die ſelben cleid̉er leitan an. die zwen vnde min h̉er Gawan. ſi Giengen vf den palaſ. da ein halp manc rit̉er waſ. and̉erhalp die frowen. ſw̉er rehte chunde ſhawen. Von logroiſ diu h̉erzogin. truͤc da uor den beſten ſhin. d̉er wirt vnd die geſte. ſtuͤnden vuͤr ſi diu da gleſte. diu Orguluſe waſ genant. von Turchoyde floriant. vn̄d Liſcoys d̉er chlare. wurden ledic ane vare. die vurſten kurtoyſ. durc die h̉erzogin von logroys. ſi dancte Gawan drunbe. Gein valſhait diu Tunbe. diu h̉erzenliche wiſe. Gein wipplichem priſe. do diſev rede alſo geſhac. Gawan vier chunginne ſach. bi d̉er h̉erzogine ſten. er bat ſi nah̉er zuͤ im gen. durc ſine kurtoiſe. die iungen Arniue. hiez er kuſſen die zwene. nu waſ auch frowe bene. Mit Gawan dar cho men. ir enphahen wart da wol v̉ernomen. d̉er wirt nih lang̉er wolte ſten. er bat die zwene ſitzen gen. zvͤ den frowen ſwa ſi wolten. do ſi ſo tuͤn ſolten. diu bet diu tet in nih zewe. welhiu iſt itonie. ſprach d̉er w̉erde Gawan. diu ſol mich bi ir ſitzen lan. deſ fragt er froͮn bene ſtille. ſit ez waſ ſin wille. ſi zaiget im die magt klar. diu den rot munt daz brune har. dort rtreit bi liehten augen. welt ir ſi geſprechen taugen. Daz tuͤt Geuuͤchlichen. ſparah froͮ bene diu zu*zuhten riche. diu weſte Jtonien minne not. vnde daz ir h̉erze dienſt bot. dem w̉erdem chunge Gramoflanz. bi ernſtlich̉er triwe ganz. Gawan ſaz nid̉er zuͤ d̉er magt. ich ſage ev daz mir wart geſagt. ſin̉er rede er da begunde. mit vuͤg wan er daz chunde. auch chunde ſi gebarn. daz von ſo kurzen iaren. niemen alſ Jtonie diu iunge truͤc. diu het zuhte gar genuͤc. er ſich fragenſ gein ir gar bewegen. ob ſi no minnen chunde phlegen. Do ſprach diu magt mit ſinnen herre wen ſolde ich minnen ſit mir min erſter tac erſhein. ſone wart rit̉er nie ~~dehain~~dehein. zuͤ dem ich geſpreche wort. wan alſ ir hiute habt gehort. ſo mahtiu doch mere chomen. wa ir mit warhait habt v̉ernomen. beiagen priſ mit rit̉erſhaft. vnde w̉er mit h̉erzenlicher craft. nach minne dienſt bieten chan. ſuſ ſprach min h̉er Gawan. deſ antwurt im diu ſhone meit. nach minne iſt dienſt mich v̉erdeit. wande d̉er h̉erzoginne von logroyſ. dient manc rit̉er kurtoys. beidiu nach minne vn̄d vmb ir ſolt. d̉er hat mang̉er hie geholt. thioſtiern daz wir daz ſahen. ir dehain̉er nie ſo nahen. kom alſ ir vnſ chomen ſit. d̉er priſ vſ hohet ew̉ern ſtrit. er ſprach zuͤ d̉er meigde wolgevar. war crieget d̉er h̉erzoginne ſhar. ſuſ mang̉er rit̉er vͤz erchorn. w̉er hat ir hulde v̉erlorn. Si ſprach das hat Gramoflanz d̉er. d̉er w̉erdechaite kranz. Treit deſ diu volge giht. h̉erre deſ erchenn ich nih. do ſprach min h̉er Gawan. ir ſult ſin vurbaz chunde han. ſit er ſich priſe nahet. vnde deſ mit triwen gahet. von ſinem munde ich han v̉ernomen. daz er h̉erzenlichen iſt chomen. mit dienſt ob irſ geruchet. ſo daz er helfe ſuͤchet. durc Troſt an ew̉er minne. kunc durc kunginne. ſol billich enphahen .not. frowe hiez ew̉er vat̉er d̉er kunc lot. ſo ſit irz die er meinet. nach d̉er ſin h̉erze weinet. Vnde heizet ir Jtonie. ſo tuͤt ir im von h̉erzen we. ob ir triwe chunnet tragen. ſo ſult ir im wenden ſin chlagen. beidenthalben wil ich bote ſin. frowe nemet diz ving̉erlin. daz ſande ev d̉er klare. ich wirb ez ane vare. frowe daz lat albalde an mich. ſi begunde alrot verwen ſich. alſ waſ geuar ir munt. da*daz wart allem ir antlutze chunt. dar nach waſ ſi and̉erſ geuar. ſi graif al bluchlichen dar. daz ving̉erlin wart ſhier erchant. ſi enphie ez mit ir hant. do ſprach h̉erre ich ſihe nu wol. ob ich ſo vor ev ſprechen ſol. daz ir von im ritet. nach dem min h̉erze ſtritet. ob ir d̉er zuht nu rehte tuͤt. h̉erre diu leret evch helen den muͤt. Diſev gab iſt mir auch ê geſant. von deſ edelen chungeſ hant. von im ſeit war ditz ving̉erlin. er enphie ez von d̉er hende min. ſwaz er chunb̉erſ ie gewan. da bin ich gar vnſhuldic an. wan ſinen lip han ich gew̉ert. mit gedanchen ſweſ er an mich gert. er hete ſhier daz v̉ernomen. moht ich imm̉er vurbaz chomen. orguluſen ich gechuſſet han. diu ſinen tot ſuſ w̉eruen chan. daz waſ ein chuſ den iudas truͤc. von dem man ſprichet noch genuͤc. ellev triwe an mir v̉erſwant. daz d̉er Turchoyde floriant. vnde d̉er h̉erzoge von Gouerzin. von mir ſolten gekuſhet ſin. min ſuͦne wirt doch nimm̉er ganz. die Gein dem kunge Gramoflanz. mit ſtet ir haz chunnen tragen. mine mut̉er ſult ir daz ~~v̉erdaga~~v̉erdagen. vnde min̉er ſweſt̉er Gundrie. deſ bat Gawan ytonie. Here ir batet mich alſuſ. daz ich enphahen ſolde ir chuſ. doch iſt v̉erkorn an minen munt. deſ iſt min h̉erze vngeſunt. wirt vnſ zwain immer freude erchant. diu helfe ſtat in ew̉er hant. vuͤr war d̉er kunc minen lip. minnet vuͤr allev wip. deſ wil ich in geniezen lan. ich bin im holt vur alle man. Got lere evch helfe vnd rat. ſo daz ir vnſ bi vreuden lat. Do ſprach er frowe nu lert mich wie. er hat evch dort ir hapt *in hie. vnde ſit doch vnd̉erſhaiden. moht ich wol ev beiden. mit triwen ſolhen rat gigeben. daz ew̉er w̉erdechlihez leben. genuzze ich wolde ez w̉erben. deſ liez ich nih v̉erd̉erben. ſi ſprach ir ſult gewaltic ſin. deſ w̉erden kungeſ vnde min. ew̉er helfe vnde d̉er goteſ ſegen. muͤz vnſ̉er zwaier minne phlegen. ſo daz ich ellende. ſinen chunb̉er wende. ſit daz ellev ſin freude lit an mir. ſwenn ich vntriwen enbir. ſo iſt imm̉er minſ ~~g̉er.~~h̉erzen ger. daz ich in min̉er ~~mine~~minne wer. Gawan hort an dem freuwelin. daz ſi bi minnen wolte ſin. dar zuͤ waſ auch nih zelaz. Gein d̉er h̉erzoginne ir haz. ſuſt truͤc ſi minne vnde haz. oͮch het ſich geſund̉ert baz. Gein d̉er ainualtigen magt. diu im ir chunb̉er hat gechlagt. wande er ir nih zuͤ gewuͤc. daz in vnde ſi ein muͤt̉er truͤc. oͮch waſ ir beid̉er vat̉er lot. d̉er meigde er ſine helfe bot. da enGein ſi im taugenlichen neic. daz er ſi troſteſ nih v̉erſweic. nu waſ zit daz man dar truͤc. Tiſhlachen mangez wiz genuͤc. man gebot vf dem palaſ. da manc chlariu ~~frowe~~frawe waſ. daz ſi heten vnd̉erſheit erchant. daz die rit̉er heten eine want. ſund̉er dort hin dan. daz ſhuͤf min h̉er Gawan. Der Turkoyſ zuͤ zim ſaz. Liſcoys mit Gawanſ muͤt̉er az. mit d̉er klarn ſâifen. az diu kunginne arniue. diu h̉erzoginne chlare. mit ſin̉er ſweſt̉er wol geuare. Gawan zuͤ zim ſitzen liez. ietdwed̉erev tet alſ er ſi hiez. min chunſt mir deſ niht halbeſ *giht. ich bin ſolh̉er chunſte maiſt̉er niht. daz ich die ſpiſe chunne ſagen. diu da mit zuhten wart vurgetragen. dem wirte vnde den frowen gar. dienten meigde wolgeuar. andhalp den rit̉ern and̉er want. diente manc ſariant. ein w̉erdelich zuht ſi deſ betwanc. daz d̉er chnappen dehain̉er tranc. mit den iuncfrowen. ma muͦſt ſi ſund̉er ſhawen. ſi truͤgen ſpiſ od̉er win. ſuſ muſten mit zuhten ſin. ſi mohten da wol wirtſhaft iehen. ez iſt ſelten ê geſhehen. den frowen vnd d̉er rit̉erſhaft. ſit daz ſi clinſors craft. mit ſinen liſten vb̉erwant. ſi warn ein and̉er vnbechant. Vnde beſloz ſi doch ein porte. daz ſi zegegen worte. nie chomen froͮwen noch die man. do ſhuͤf min h̉er Gawan. daz daz volc ein and̉er ſach. dar an in beiden liep geſhach. Gawan waſ auch liep geſhehen. doch muͤſter taugenlichen ſehen. an die chlaren h̉erzogin. diu twanc ſineſ h̉erzen ſin. nu begunde auch ſtruchen d̉er tac. daz ſin ſhin vil nahen gelac. vnde daz man durc die wolchen ſach. deſ man d̉er naht zeboten iach. mangen ſt̉ern d̉er vil balde gienc. wande er d̉er naht h̉erb̉erge vienc. nach d̉er naht paniere. chom ſi ſelbe ſhiere. manc Tiw̉er croͤne. waſ gehangen ſhone. alumbe vf den palaſ. diu ſhier wol gekerzet waſ. Uf die Tiſhe ſund̉er. truͤc man kerzen dar ein wund̉er. dar zuͤ diu Auenture giht. diu h̉erzoginne w̉er ſo lieht. w̉er d̉er k̉erzen dehainev brâht. xiiijrum. ezn w̉er doch nind̉er bi ir naht. ir blic wol ſelbe chunde tagen. ſuſt hort ich von d̉er ſuzen ſagen. man welle im vnrehte iehen. ſo hapt ir ſelten ê geſehen. dehainen wirt ſo vreuden rich. ez waſ den vreuden wol gelich. alſuſ mit freudehaft̉er ger. die rit̉er hin die ~~frowen~~frawen h̉er. diche An and̉er blichen. die von fromede erſhrichen. w̉erden ſi imm̉er haimlich baz. daz ſol ich lazen ane haz. Ezn ſi *Gar ein vraiz. welt ir ſi habent gnuͤc gaz. man truͤc die Tiſhe gar h̉er dan. do vragte min h̉er Gawan. vmb guͤte videllere. ob d̉er dehain̉er da were. da waſ w̉erder chnappen vil. wol gelert vf ſhaitſpil. ir dehainſ chunſt waſ ſo ganz. ſin muſten ſtrichen al den tanz. niw̉er tenze wart wenc da v̉ernom̄en. d̉er vnſ von durngen vil iſt chomen. nu danchet dem wirte. ir freude er ſi nih irte. Manc frowe wol geuar. Gie vur in zeTanze dar. ſuſ wart d̉er Tanz gezieret. wol vnd̉er parrieret. die rit̉er vnd daz frowen her. Gein d̉er ruwe warn zewer. oͮch moht man wol ſhauwen. ie zwiſhen zwain frowen. einen klaren rit̉er gen. man moht freude an in v̉erſten. ſwelch rit̉er phlac d̉er ſinne. daz er dienſt bot nach minne. diu bet waſ vrlauplich. diu ſorge arm vnde diu freude rich. mit rede v̉ertrib ir ſtunde. Gein mangem ſuͤzem munde. Gawan vnd ſaiue. vnd diu kungin arniue. ſazen ſtille bi deſ tanzeſ ſhar. diu h̉erzoginne wolgeuar. h̉er vmbe zuͤ Gawan gienc. ir hant er in die ſinen vienc. Si ſprachen ſuſ vnd ſo. ir chomenſ zuͤ im waſ er vro. ſin riwe ſmal ſin vreude breit. wart do ſuſ ſwant al ſin leit. ſuſ waſ ir tanzēnſ alſo groz. Gawan noch mind̉er hie v̉erdroz. diu kunginne arniue ſprach h̉erre min. bruͤuet ew̉ern gemach. ir ſoldet an diſen ſtunden. ruͤwen ew̉ern wunden. Hat ſich diu h̉erzoginne deſ bewegen. daz ſi ew̉er mit deche wil phlegen. noch hint geſellechliche. diu iſt helfe vnd rateſ riche. Gawan ſprach deſ fraget ſie. zeewer beider gebot bin ich hie. do ſprach diu h̉erzogin. er ſol in min̉er phlege ſin. laz ditz volc ſlafen varn. frowe ich wil in ſo bewarn. daz ſin. ſin vriundin nie baz gephlac. florianden von Jdolac. vnde den h̉erzogen von couerzin. lat in d̉er rit̉er phlege ſin. Do nam ſhier ende d̉er tanz. iuncfrowen mit varwe glanz. ſazen dort vnde hie. die rit̉er ſazen zwiſhen ſie. deſ freude ſich an ſorgen rach. ſw̉er da nach w̉erd̉er minne ſprach. ob er vant ſuziu gagenwort. von dem wirte wart daz Gehort. man ſolde trinchen vur tragen. daz mohten minn̉er wol clagen. d̉er wirt warp mit den Geſten. in chunde auch minne leſten. ir ſitzen duht in gar zelanc. ſin h̉erze auch w̉erdev minne twanc. Daz trinchen gab in vrlaup. manc kerzen ſhaup. truͤgen chnappen vor den rit̉ern dan. do beualch min h̉er Gawan. diſe zwene geſt in allen. daz muͤſ in wol geual*geuallen. Liſcoys vnde floriant. vuͤrn ſlafen zehant. diu h̉erzoginne waſ ſo bedaht. ſi iach ſi Gunde in allen wol guͤt̉er naht. do fuͤr auch aller d̉er frowen ſhar. da ſi gemacheſ namen war. IR nigenſ ſi begunden. IR: Initiale ausgerückt. mit zuhten die chunden. ſaive vn̄d Jtonie. furen dan alſo tet Gundrie. bene vn arniue do. ſhuͤffen daz ez ſtuͤnt alſo. da uon d̉er wirt gemach erleit. diu h̉erzoginne daz nih v̉ermeit. dane w*weir ir helfe nahen bi. Gawan vuͤrte diſe dri. mit im dan durc ſin gemach. in ein̉er kemenaten er ſach. vier bette ſund̉er ligen. nu wirt evch gar von mir v̉erſwigen. wie diu geheret w̉ern. ez nahent nu andren meren. Arniue zuͤ d̉er h̉erzoginne ſprach. nu ſult ir ~~ſlaffen~~ſhaffen guͤt gemach. diſem rit̉er den ir brahtet her. ob d̉er helfe an ew̉er ger. ew̉er helf hapt ir ere. ichn ſage ev nu nih mere. ân daz ſine wunden. mit kunſte ſint v̉erbunden. ER mohte nu wol wappen tragen. doch ſult ir ſinen chunb̉er clagen. ob ir im ſenftet daz iſt guͤt. leret ir in nu hohen muͤt. deſ mugen wir alle geniezen. nu lat evch ſin niht v̉erdriezen. diu chunginne Arniue gienc. do ſi ze hof vrlaup enphienc. bene ein lieht truͤc vor in dan. die tuͤr beſloz min h̉er Gawan. Chunnen ſi zwai nu minne ſteln. daz chan ich vnſanfte heln. ich ſage vil lihte waz da geſhach. wan daz man dem ie vngefuͤge iach. d̉er v̉erholnev mere machet breit. ez iſt noch den hoͤfſheren leit. oͮch vnſeliget er ſich. zuht iſt ein ſloz ob minnen ſit. Nu voget diu ſtrenge minne. vnde diu klar h̉erzoginne. daz Gawanſ ſorge waſ v̉erzert. er w̉er imm̉er vnernert. ſund̉er amien. die philoſophien. vnde alle die ie geſazen. da ſi ſtarche minne mazen. Granchor vnde bebit. vnd Trebuch d̉er ſmit. d̉er frimundelſ ſw̉ert ergruͤb. da uon ſich ſtarchez wund̉er huͤp. dar zuͤ aller arzete chunſt. ob ſi im trugen gute guͤte gunſt. mit tenprie vnd mit wurzen craft ane wipplich geſelleſhaft. ſo muͤſ er ſine ſw̉ere not. haben braht vnz an den tot. ich wil ev daz mere machen kurz. er uant die rehten hirz wurz. diu im half daz er genaſ. daz im argeſ nih en waſ. Diu wurze waſ bi dem blanchen brun. Mut̉erhalp d̉er pritun. Gawan fili royſ lot. ſuͤzz̉er ſenfte vur ſure not. er mit w̉erd̉er freuden phlac. helflich vnz an den tac. ſin helfe waſ alſo gedigen. daz al daz volc wart v̉erſwigen. ſit nam er mit freuden war. al d̉er frowen vnd d̉er rit̉er ſhar. ſo daz ir trurn vil nach v̉erdarp. nu horet auch waz der Chnappe warp. den Gawan het geſant. ze Louerſ in daz lant. ze Sebinſ bi d̉er kronica. d̉er chunc waſ al da. vnde deſ wip diu kungin. vnd mang̉er liehten frowen ſhin. vnd auch der Maſſenie ein fluͤt. nu horet auch waz d̉er chnappe tuͤt. Ditz waſ einſ morgenſ vruͤ. ſiner botſhefte graif er zuͤ. diu chunginne in d̉er kapelle waſ. an ir venie ir gebet ſi laſ. d̉er knappe vur ſi chniete. er bot ir fromde miete. einen brief nam ſi vz ſin̉er hant. dar an ſi geſriben vant. ſhrift die ſi bechande. ê ſi ſin h̉erze nande. den chnappen den ſi da kniende ſach. diu kungin zuͤ dem briefe ſprach. wol d̉er hant diu dich ſreip. ane ſorge ich nie beleip. ſit deſ tageſ daz ich ſach. die hant von d̉er diu ſrift geſhach. ſi wainde ſer vnde waſ doch fro. hinz dem chnappen ſprach ſi do. du biſt Gawanſ chneht. ia frowe ern biutet ev ſin reht. dienſtlich triwe ân allen wanc. vnde dar zuͤ ſin̉er freuden cranc. IRn welt irin machen freude hoch. ſo chunb̉erlich ez ſich gezoch. nie vmb alle ſin ere. frowe er enbiutet ev mere. daz er mit w̉erden freuden lebe. Gefraiſhet er ew̉ers troſteſ gebe. ir mugt wol an dem brieue ſehen. mer dann ich chunne iehen. ſi ſprach ich han vur war erchant. durc waz du zuͤ mir biſt geſant. ich tuͤn im w̉erden dienſt dar. mit wertlich̉er frowen ſhar. die vur war bi min̉er zit. habent vor vz den beſten ſtrit. ân parzifaleſ wip. vnde ân orguluſen lip. ſon erchenn ich vf der erde. bi tauf dehain ſo werde. Daz Gawan von artuſ reit. ſit hat ſorgen vnde leit. mit craft vf mich geleit den vliz. mir ſeit Melianz von liz. er ſehe in ſit ze barbigol. owe ſprach ſi plimizol. daz dich min auge ie geſach. waz mir doch leideſ da geſhach. kunware de lalant. wart mir nimm̉er me bechant. min ſuͤzev w̉erdev geſpil. Tauelrund̉er wer da vil. mit rede ir reht gebrochen. funfthalp iar vnd ſehſ wochen. iſt daz der w̉erde parzifal. von dem plimizol nach dem gral. reit do ch̉ert auc Gawan. Gein aſhalun d̉er werde man. ieſkute vnd tribuca. ſhieden von mir alda. Groz iam̉er nach d̉er w̉erden diet mich von ſteten vreuden ſhiet. diu kunginne trurenſ vil v̉eriach. zuͤ dem chnappen ſi do ſprach. volge miner lere. von mir v̉erholn chere. vnz ſich ~~erheheu~~erheue hohe der tac. da daz volch ze houe weſen mac. Rit̉er ſariande. vnde die guͤten mahenande. vf den hof du balde *draue. eren ruͤch w̉er din runzin habe. da uon ſolt du balde gen. da die w̉erden riter ſten. die vragent dich Auentiure. alſ du gaheſt vz einem viure. gebâr mit reden vnd mit ſiten. von in vil chuͤme wirt enbiten. waz du mere bringeſt. waz wirret ob du dich dringeſt. durc daz volch vnz an den wirt. d̉er Gein dir gruͤzzeſ nih v̉erbirt. Den brief gip im in die hant. dar an er ſhier hat erchant. dinev mer vnde dinſ h̉erzen ger. deſ iſt er mit d̉er volge w̉er. mer wil ich lern dich. offenlich ſolt du geſprechen mich. da ich vn̄d and̉er frowen. dich horn vnd ſhawen. da wirb vmbe vnſ alſ du wol chanſt ob du dinem hern wol guteſ ganſt. ſage mir wa iſt Gawan. frowe ditz mere wir v̉erlan. ichn ſage ev niht wa min h̉erre ſi. welt ir er belibet freuden bi. d̉er knappe wart ir rateſ froͤ. von d̉er kunginne do. ſhiet er alſ ir wol hapt v̉ernomen. vnde chom alſ er ſolte chomen. Reht vmbe einen mitten morgen. offenlich vnde nih v̉erborgen. d̉er chnappe vf den hof reit. die hofſhen bruͤveten ſinev chleit. wol nach chnapplichen ſiten. ze beiden ſiten waſ v̉erſniten. daz orſ mit ſporn ſere. nach der chunginne lere. balde er von dem orſe ſpranc. vmb in wart groz gedranc. ſin ſw̉ert chappe vnde ſporn. daz orſ w̉erdent diu v̉erlorn. da kert er ſich wenic an. d̉er chnappe huͤp ſich balde dan. da die w̉erden rit̉er ſtunden. fragen in die begunden. Von auenture mere. vnde iahen daz reht da w̉ere. ze houe wed̉er wip noch man. enbizze vnz d̉er hof ſin reht genam. von Auenture ſo w̉erdechlich. diu auenture w̉er gelich. d̉er knappe ſprach ich ſag ev nih. min vnmuͤze deſ giht. daz ſult *ir mir durc zuht v̉ertragen. vnd ruchet mir von dem chunge ſagen. den wolde ich g̉ern geſprechen ê. mir tuͤt min vnmuͤze we. ir v̉raiſchet ſhiere waz ich ſage. Got ler evch helf vnde chunb̉ers chlage. diu botſhaft den chnappen twanc. daz er enruchte w̉er in dranc. vnz in d̉er wirt ſelbe ſach. d̉er ſinen gruͤz Gein im ſprach. Indie hant gab er im einen brief. d̉er Artuſ in ſin h̉erze rief. do er von im waſ geleſen. do muͤſt̉er bi den beiden weſen. daz eine waſ freude daz and̉er waſ chlage. er ſprach wol diſem ſuzem tage. bi deſ lieht ich han v̉ernomen. mir ſint diu rehten mere chomen. vmb minen w̉erden ſweſt̉erſuͦn. chan ich manlich dienſt tuͦn. durc ſippe vnde durc geſelleſhaft. ob triwe gewan ie an mir ~~craff~~craft. ſo laiſt ich daz mir Gawan. hat enboten ob ich chan. Hinz dem chnappen ſparah er do. ſage an iſt Gawan vro. ia h̉erre ob ir wellet. zefreuden er ſich ſtellet. ſprach d̉er chnappe wiſe. er ſhiede auch gar von priſe. ob ir in liezet vnd̉er wegen. w̉er ſolt auch da bi freuden phlegen. ew̉er troſt im zuchet freude enbor. vnz vzerhalp d̉er triwen tor. vz ſinem h̉erzen ſorge iagt. daz ir an im nih ſit v̉erzagt. min h̉erre enbiutet ſin dienſt her. d̉er kunginne oͮch iſt ſin ger. daz al d̉er Tauelrund̉er ſhar. ſineſ dienſteſ nemen war. daz ſi ir triwe an im gedenchen. vnde im freude nih v̉erchrenchen. So daz ſi chomenſ raten. alle die w̉erden in deſ baten. d̉er kunc ſprach geſelle min. trac diſen brief d̉er kungin. bit ſi den leſen vnde ſagen. weſ wir vnſ frewen vnd waz wir chlagen. daz d̉er kunc Gramoflanz. mit hochv̉erte loſhait ganz. Gein mim kunne bieten chan. er we*wenet min neue Gawan. Si zitegaſt den er ſluͤc. von dem er chunb̉ers hat genuͤc. ich ſol im chunb̉er mern. niwe ſite lern. d̉er knappe chom gigangen. da er wart wol enphangen. d̉er kunginne er gap den brief deſ manc auge vb̉er lief. do ir ſuͤzz̉er munt gelaſ. allez daz dran geſriben waſ. Gawanſ *klagen vn̄d ſin w̉erben. don liez auch nih v̉erd̉erben. d̉er chnappe zuͤ den frowen allen warp. dar an ſin chunſt nih v̉erdarp. Gawanſ mac d̉er riche. Artuſ warp houeſhliche. zuͤ d̉er Maſſenie diſe vart. oͮch waſ v̉erſumen gar bewart. Ginofer diu churtoiſe. warp zuͦ den frowen diſe reiſe. kain ſprach in ſinem zorn. wart ab̉er ie ſo w̉ert man geborn. Getorſt ich deſ gelauben han. ſo von norwage gawan. zuͦ da hin nu holt in da. ſo iſt er liht and̉erſwa. wil er wenchen alſ ein aichhorn. ir mugt in ſhiere haben v̉erlorn. d̉er knappe ſprach zuͦ d̉er chungin. frowe Gein dem h̉erren min. Muͤz ich balde chern. w̉erbent ſin dinc nach ew̉ern eren. zuͦ einem ir kam̉erere ſi ſprach. elſel ich ſten hie vnd hort dein liſt du niht recht ſo muͦſt du in di ſleg mein ſhafe diſem chnappen guͤt gemach. ſin orſe ſolt du ſhawen. ſi daz mit ſporn v̉erhawen. Gib im daz beſte daz hie veile ſi. won im and̉er chunb̉er bi. ez ſi phantloſ od̉er kleit. daz ſol im allez ſin bereit. Geſelle ſach Gawan. ich ſi im an dienſt vnd̉ertan. vrlaup ich dir zuͦ dem kunge nim. dim h̉erren *ſage auch dienſt von im. Nu ſhuͤf d̉er chunc ſine vart. vnde auch d̉er Tavelrund̉er art. deſ tageſ da vol raichet. ez het in freude erwaichet. daz d̉er w̉erde Gawan. dannoch ſin leben ſolde han. deſ warn ſi innan worden. d̉er Tauelrund̉er orden. wart da begangen ane haz. d̉er kunc ob d̉er Tauelrunde ſâz. vnde die die da ſitzen ſolden. die priſ mit arbeite holten. alle die Tauelrund̉er. Genuzzen dirre mere. Nu lat den chnappen wid̉er chomen. von dem diu botſhaft ſi v̉ernomen. d̉er huͦp ſich dan an reht̉er zit. d̉er kungin kamarere im git. phantloͤſ orſ vnd and̉er kleit. d̉er knappe mit freuden dannan reit. wande er dazze Artꝰus erwarp. da von ſinſ h̉erren ſorge ſtarp. er chom wid̉er in ſolhen tagen. deſ ich vuͤr war niht chan geſagen. zeſhattemorveile. Arniue wart do Geile. wande ir d̉er portener enbot. d̉er chnappe w̉er mit deſ orſeſ not. balde wid̉er ge ſtrichen. zuͤ dem ſi chom geſhlichen. Alda er in v̉erlazen wart. vnd vraget in vmb ſine vart. war nach er vz w̉er geriten. d̉er chnappe ſprach daz wirt v̉ermiten. frowe ich getar ev niht geſagen. ich muͤz durc minen ait verdagen. oͮch w̉er ez minem h̉erren leit. brech ich mit mern minen eit. deſ duht ich in d̉er tumbe frowe fragt in ſelbe drumbe. er gie da er Gawan vant. d̉er Turchoyde floriant. vnde d̉er h̉erzoge von gouerzin. von Logroys diu h̉erzogin. da ſaz vnde and̉er frowen ſhar. d̉er chnappe Gie zuͦ in dar. vf ſtuͤnt h̉er Gawan. er nam den chnappen ſund̉er dan. er hiez in willechomen ſin. er ſprach nu ſage geſelle min. Ietdwed̉erz frowde vnd not. od̉er ſwaz man mir von hof enbot. funde du den kunc da. der chnappe ſprach ia. ich vant den chunc vnd ſin wip. vnd darzuͦ mangen w̉erden lip. ſi enbietent ev dienſt vnd ir chomen. ew̉er botſhaft wart von in v̉ernomen. alſo w̉erdechlichen. daz armen vnde richen. ſich vreuwent wan ich tet in chunt. daz ir weret wol geſunt. ich ſach da ~~h̉er~~hêr ein wund̉er. oͮch wart diu Tauelrund̉er. beſetzet durc ew̉er boteſhaft. ob rit̉ers priſ gewan ie craft. ich main an lang̉er w̉erdecheit. diu ſint ev allev da berait. : Hier liegt nur dann ein Kittvers vor, wenn 654.13f. in D m n o Z keine Plusverse sind. er ſeit im auch wie daz geſhach. daz er die kunginne geſprach. vnd waz im diu mit triwen riet. er ſagt im auch von all̉er d̉er diet. von den rit̉ern vnde von den frowen. daz er die mehte ſhawen. ze ſoffanze vor der zit. ê wurde ſineſ kanpheſ ſtrit. Gawan vͤz ſorgen in freude trat. den chnappen erz v̉erſwigen bat. all̉er ſin̉er ſorgen er v̉ergaz. er gie hin wid̉er vnde ſaz. vnd waſ mit freuden da zehuͤſ. vnz daz d̉er chunc Artuſ. mit h̉er in ſine helfe reit. nu horet liep vnde leit. Gawan waſ zallen ziten fro. einſ morgenſ vugt ez ſich ſo. daz vf dem richem palaſ. manc rit̉er vnde frowe waſ. in dem venſt̉er Gein dem phluͦm. choſ er im ſund̉er einen ruͦm. da er vnde Arniue ſaz. diu ſuͤzer mere niht v̉ergaz. do ſprach er zuͤ d̉er kungin. Awe liebev frowe min. woldez evch nih betragen. daz ich evch muͤſe fragen. alſuſ getan̉er mere. daz ez v̉erſwigen were. wan daz ich von ew̉er helfe gebe. alſuſ mit w̉erden freuden lebe. Getruͤc min h̉erze ie manneſ ſin. den hat diu edel h̉erzogin. Mit ir gewalt beſlozen. nu han ich ew̉er genozzen. daz mir geſenftet iſt diu not. min̉er wunden w̉er ich tot. wan daz ew̉er helflich troſt. mich von ſorgen hat erloſt. von ew̉ern ſhulden han ich den lip. nu ſagt mir ſeldehaftez wip. vmb wund̉er daz hie waſ vnde iſt. durc waſ ſo ſtreng̉er liſt. d̉er clinſor het erchorn. wan ir ich het den lip v̉erlorn. diu beſhaidenlichen wiſe. mit wipplichem priſe. chom iugent an daz alt̉er nie. ſi ſprach h̉erre ſit nu wund̉er hie. ſint da engein chleinev wund̉erlin. Gein d̉er ſtarchen wund̉er ſhin. die er hat in mangem lande. ſw̉er vnſ deſ giht vur ſhande. d̉er wirbet nih wan ſunde da mit. herr ich ſag ev ſinen ſit. d̉er iſt mang̉er diet worden ſuͤr. ſin lant haizet terdelabuͦr. Von deſ nach chomen iſt er geborn. d̉er auch vil wund̉ers hete erchorn. von Napelſ virgiliuſ Clinſor deſ neue warp alſuſ. chapſ iſt ein haupſtat. er trat in priſ ſo hohez phat. an priſ waſ er vnbetrogen. von Glinſor dem h̉erzogen. ſprachen wip vnde man. vnz er den ſhaden ſuſ gewan. Sizilie het ein chunc w̉ert. d̉er waſ gehaizen Jbert. Jbiliſ hiez ſin wip. diu truͤc den minnechlichiſten lip. *der ie von bruſt wart genomen. an d̉er dienſt waſ er chomen. vnz ſiz im mit minnen londe. darumbe d̉er kunc in honde. Sol ich ev ſin taugen ſagen. ſo muͤz ich ew̉er vrlaup haben. doch ſint diu ſelben mere. mir zeſagen vnmere. durc waz er chom in zaub̉erſ ſite. zeinem chnappen mit einem ſnite. wart Clinſor gemachet. deſ wart alda gelachet. von Gawan ſere. ſi ſeit im vurbaz mere. vf kalatemplot. erwarp er d̉er w̉erlte ſpot. daz iſt ein burc veſt erchant. d̉er kunc in bi ſinem wibe vant. h h h hom̉erch M Mein dinſt wizzt von w fraweich Clinſor ſlief an ir arme lac er da iht warme. daz muͤſ er da v̉erphenden. er wart mit chungeſ henden. zwiſhent den bain gemachet ſleht. deſ duht den chunc er hete reht. ER beſnait in an dem libe. daz er dehainem wibe. moht zeſinphe nih gefrumen. deſ iſt vil luͦte in chunb̉er chomen. ez iſt nih ein lānt ze perſia. ein ſtat haizzet preſida. da alreſt zaub̉erſ wart gedaht. da vuͤr er hin vnde hat von dannen braht. daz er nu ſhaffet ſwaz er wil. mit liſten zaub̉erlichev zil. durc die ſham an ſinem libe. ſon wart er man noch wibe. Guͤteſ willen nimmer me bereit. ich main die da tragent w̉erdecheit. ſwaz er den frowen mac genemen. deſ chan in von h̉erzen zemen. ein chunc hiez kirot. d̉er vorht im d̉er ſelben not. von Royſ Sabinſ. do bot er im den zins. zegeben ſwaz er wolde. daz er vride haben ſolde. Clinſor enphie von ſin̉er hant. diſen b̉erc veſte erchant. vnd an d̉er ſelben zile. alvmbe eine mile. Clinſor worht vf diſen b̉erc. alſ ir wol ſehet daz ſpehe w̉erc. all̉er richeit ſund̉er. iſt hie vf ein wund̉er. ſw̉er d̉er burc wolte varn. ſpiſ zedrizzec iarn. w̉er hie vfe mancualt. er hat oͮch alleſ deſ gewalt. Mal vnde beazent. die en*enzwiſchen dem firmam̄ente. wont vnde vnd̉er d̉er erden zil. niht wan die got beſh̉ermen wil. h̉erre ſit ew̉er ſharphiu not. iſt wendic worden an den tot. Min gabe ſtet in ew̉er hant. diſe burc vnd ditz gemezzen lant. ern ch̉ert ſich nu niht mer dran. ir ſult auch fride von im han. deſ iach er offenbare. er iſt mit rede d̉er geware. ſw̉er diſe auenture erlit. daz im ſin cram wonte mit. ſwaz er geſach d̉er w̉erden vf chriſtenlich̉er erden. ez were magt wip od̉er man. d̉er iſt ev hie nu vil vnd̉ertan. manc haiden vnd haidnin. muͤſt hie vffe bi vnſ ſin. nu laze daz volch wid̉er chomen. darnach vnſ ſorge iſt v̉ernomen. ellende vriunt min h̉erze chalt. d̉er die ſt̉erne hat gezalt. d̉er muͤz euͤch helfe lern. vnd vnſ Gein freuden chern. Diu muͤt̉er ir fruht gebirt. diu fruht ſin̉er muͤt̉er wirt. von dem wazz̉er chumt daz iſ. daz lat danne dehain wiſ. daz wazz̉er chom auch wid̉er von im. ſwenne ich gandanche an mich nime. daz ich vz freuden bin geborn. wirt imm̉er freude an mir erchorn. da git ein fruht die andren fruht. daz ſult ir vugen hapt ir zuht. ez iſt lanc daz mir vreude enphiel. von dem ſegele get balde d̉er chiel. d̉er man iſt ſnell d̉er drufe get. ob ir ditz bip*~~bipel~~biſpel v̉erſtet. ew̉er priſ iſt hoch vnde ſnel. ir muget vf freuden machen hel. daz wir freude fuͤrn in manc lant. da nach vnſ iam̉er wart bechant. Etſwenne ich phlac freuden genuͤc. ich waſ ein wip diu crone truͤc. oͮch truͤc min toht̉er krone. von ir landeſ furſten ſhone. wir heten bede w̉erdecheit. h̉erre ich geriet nie mānneſ leit. beidiu wip vnd man. chunde ich nach ir rehte han. horn vnd ſhaͮwen. ze ein̉er rehten volcheſ frawen. muͦſt man mich haben rucht ſin got. wande ich z nie manne miſſebot. ez ſol ein e*eigeſlich ſinnic wip. ob ſi wil haben w̉erden lip. erbieten guͤten luten wol. ſi choment vil liht in chunb̉ers dol. daz ir ein ſwach̉er garzun. eng̉er freude gebe witen ruͦm. h̉erre ich han lange gebiten. nieman gelaufen noch geriten. h̉er kom d̉er mich erchande. d̉er minen chunb̉er wande. Do ſprach d̉er w̉erde Gawan. Frowe muͤz ich minen lip han. ſo wirt auch freude an ev v̉ernomen. deſ ſelben tageſ ſolde auch chomen. min h̉er Artuſ d̉er prituͦn. d̉er chlagenden arniuen ſuͦn. durc chlage vnd durc triwe mange panier niwe. ſach Gawan Gein im trechen. mit rit̉ern velt v̉erdechen. von logroys diu ſtraze h̉er. mit mangem gemaltem ſper. Gawan tet ir chomen wol. ſw̉er ſamnunge warten ſol. den lert ſund̉er gedanc. er furhtet ſin helfe w̉erde cranc. ARtuſ Gawan den zwiuel brach. Auoy wie man chomen ſach. Gawan ſich hal deſ taugen. daz ſinev liehten augen. wainen muſtan lern. zuͦ ein̉er ziſt̉ernen. warn ſi beidiu do enwiht. wande ſi behaltent deſ wazzerſ niht. von d̉er liebe waſ da wainen. daz Artuſ chunde erſhainen. Triwe wande er in von chinde het erzogen. ir beid̉er Triwe vnerlogen. ſtuͤnt Gein an and̉er ane wanc. daz ſi nie dehain valſh vnd̉erſwanc. Arniue wart deſ wainenſ innen. ſi ſprach ir ſult beginnen. freude mit freuden ſhalle. h̉erre ſo troͤſtet ir vnſ alle. Gein d̉er riwe ſult ir ſin zewer. hie chumt d̉er h̉erzoginne her. daz troſt evch vurbaz ſhiere. h̉erbergen mit manger paniere. Sach arniue vnde Gawan. mangen v*vuͤrn vf den plan. bi den allen nih wan ein ſhilt. deſ wappen wart alſuſ gezilt. daz in arniue erchande. yſagenſen ſi in nande. den Marſchalc vpandragun. den vurt ein and̉er prituͦn. mit den ſhoͤnen ſenkeln maurin. d̉er Marſcal d̉er kungin. Arniue weſte wenc deſ. vpadragun vn yſageſ. warn bede erſtorben. Maurin het erworben. ſinſ vat̉er ampt daz waſ reht. Gein dem vruar vf den ang̉er ſleht. porzifol parzifal rait diu groze Mahenande. d̉er frowen ſariande. h̉erberge namen. die frowen wolgezamen. bi einem chlarem ſnellen bach. da man ſhiere vf ſlahen ſach. Manc gezelt wolgetan. dem chunge ſund̉er dort hin dan. wart manec wit̉er rinc genomen. von rit̉ern die da warn chomen. die heten ane frage. vf ir reiſe grozze lage. Gawan hin abe bi bene enbot. ſinem wirte plibalinot. koch vn̄d vrſhiere. daz er die ſluzze ſhier. ſo daz da von ſin̉er vb̉eruart. daz er deſ tageſ w̉ere bewart. Froͮ bene vz Gawanſ henden nam. die erſten gabe vz ſin̉er cram. ſwaliwen diu noch ze engenlānt. zein̉er Tiw̉ern h̉erphen iſt er chant. froͮ bene vur mit vreuden dan. do hiez min h̉er Gawan. beſliezen die vzren porten. alt vnde iunge da horten. weſ er ſi zuhtechlichen bat. do and̉erhalp an daz ſtat. ſich leit an alſo grozzeſ her. daz vf dem lande noch in dem mer. geſach ich rotte nie geuarn. mit alſo creftigen ſharn. wellen ſi vnſ ſuchen mit h̉erſ craft. helft mir ich gib in rit̉erſhaft. daz geloptan ſi algeliche. diu h̉erzoginne riche. ſi fragte ob daz h̉er wer ir. ſi ſprach ir ſult gelauben mir. Ich erchende da wed̉er ſhilt noch man. d̉er mir ê ſhaden hat getan. d̉er iſt liht in min lant geriten. vnde hat vor logroys geſtriten. ich wen die vand er doch ze w̉er. ſi heten ſtrit wol zuͤ diſem her. an zingel vnd an barbigan. hat da rit̉erſhaft getan. d̉er zornige chunc Gramoflanz ſo ſucht er gelt vur ſinen cranz. od̉er ſwer ſi ſint die muͦſſten ſper. vf gerihtet ſehen durc Tioſteſ ger. ir munt in lauch wenc dar an. Artuſ ſhaden vil gewan. ê daz er chome vur logroyſ. deſ wart etſlich pritonoyſ. ze reht̉er Tioſt ab geualt. Artuſeſ her hin wid̉er galt. marchet den man in da bot. ſi chomen ze bed̉er ſit in not. Man ſach die ſtritenden muͤde chomen. da von vil diche iſt v̉ernomen. daz ſi ir kozzen g̉erne w̉erten. ſi warn. Gein ſtrite die herten. bedenthalben ez mit ſhaden ſtet. Garel vnd Gaharet. vnde roy Melianz de barbigol. vn ſchoͮfreit fiſidol. die ſint hin vf geuangen. ê der puhurt w̉er ergangen. oͮch viengen die von logryſ. duc firmanil de frimedoys. vnde kunſ ritſhart de niniuerſ. d̉er furt niwan einſ ſperſ. Gein ſwem auch daz ſin hant bot. d̉er viel vor im dur Tioſte not. Artuſ mit ſin̉er hant. vienc den wert erchant. Da wurden vnủerdrozzen. die poynd̉er ſo geſlozen. p p Mein dinſt deſ mohte ſwenden ſwenden ſich d̉er walt. manc Tioſt vngezalt. reret ir drunzune. die w̉erden pritune. warn da manlich zew̉er Gein d̉er h̉erzoginne h̉er. Artuſ nach huͤte. muͤſe ſtriteſ ſin zemuͦte. man parrierte ſi den tac. ê daz diu fluht deſ h̉erſ gelac. oͮch ſolde min h̉er Gawan. d̉er h̉erzogin gechundet han. daz ein ſin helfere. in ir lande were. ſone w̉er deſ ſtriteſ nih geſhehen. done wolt er irſ niht v̉eriehen. ê ſiz ſelbe ſehen mohte er warp alſ ez im tohte. vnd ſhuͤf auch ſine reiſe. Gein artuſ dem pritoneiſe. Mit Tiw̉ern gezelten. niemen moht engelten. ob er im waſ vnbechant. deſ milten Gawanſ hant. begunde ſo mit willen geben. alſ er niht langer wolde leben. ſariande rit̉er vnd frowen. muſten enphahen vnd ſhawen. ſine gabe ſo grozliche. daz ſi ſprachen al geliche. in wer diu ware helfe chomen. nu wart auch freude an im v̉ernomen. do hiez gewinnet d̉er degen w̉ert. ſtarche ſaumer ſchoͤnev *phert. vnde harnaiſh al der rit̉erſhaft. ſariande ze yſene grozze craft. alda berait warn. do chunde er ſo gebarn. do nam min h̉er Gawan. vier w̉erde rit̉er dan. daz ein̉er kamerere. vnde d̉er and̉er ſenche were. d̉er drite druhſeze. vnde d̉er vierde nih v̉ergeze. er w̉er marſhalc ſuſ warp er. die viere wurben ſine ger. Nu lat Artuſ ſtille ligen. Gawanſ zorn wart v̉erſwigen. al den tac vnſanft er ez meit. deſ morgenſ vruͤ mit craft er reit. Gein ſhaffanze Artuſeſ her. ſine nachhuͤte ſhuͤf zew̉er. do ſi ni*nih ſtriteſ vunden da. ſi ch̉erten nach in vf die ſla. do nam min h̉er Gawan. ſin amptlute ſund̉er dan. nih leng̉er wolt er biten. ſinen marſhalc hiez er riten. Gein ſhoffanz vf den plan. ſund̉er leng̉er Dwil ich han. Dwil ich han. : Initiale vom Folgevers findet sich mitten im Vers, evtl. links der Spalte Korrekturzeichen von späterer Hand. uDu ſiheſt daz groze h̉er dort ligen. daz iſt et nu alſo gedigen. irn h̉erren wil ich nennen. daz ir in ruchet erchennen. ez iſt min Ohaim Artuſ. in deſ houe vnd in deſ huſ. ich von chinde bin erzogen. nu ſhaffe mir vuͤr vngelogen. min reiſe ſo mit koſte dar. daz manz vur richait neme war. vnd lat hie vf vnủernomen. daz artuſ h̉er durc mich ſi chomen. ſi laiſten ſwaz er gebot. deſ wart plipalinot. dar nach vnmuzec ſhiere. Chochen vnd vrſhiere. ſi die ze orſ vnd ze vuͤz. mit dem marſhalc vb̉er muͤz. Sariant garzune. hin nach dem pritune. Si ch̉ertan hin vnd da. nach Gawanſ marſhalc vf die ſla. ſi furtan auch deſ ſit gewiſ. ein gezelt daz ybliſ. Gawan durc minne ſande. da bi man erſte erchande. ir vil taugen vb̉er luͤt. ſi warn beide ein and̉er truͤt. dem gezelte waſ choſte niht v̉ermiten. mit ſhern nie bezzerz wart geſniten. wan ienc daz yſenharteſ waſ. bi Artuſ ſund̉er vf ein graſ. wart ditz gezelt vf geſlagen. manc gezelt hort ich ſagen. ſluͤc man drumbe ein witen rinc. daz duhten rilichev dinc. Vor Artuſ wart v̉ernomen. daz Gawanſ marſchalc ſolde chomen. d̉er h̉erberget vf den plan. vnde daz d̉er w̉erde Gawan. ſolde chomen bi dem tage. daz wart ein gemainev ſage. al d̉er maſſenie. Gawan d̉er valſche vrie. von huſe er ſich rottierte. ſin raiſe er allez fierte. da von man wund̉er mohte ſagen. manc ſaumer muͦſe tragen. kappellen vnde kam̉er gewant. manc ſaumere mit harnaiſh erchant. Giengen auch dar vnden. helm druf gebunden. bi mangen ſhilt wolgetan. manc ſchoͤn kaſtelan. man bi dem ſaume ziehen ſach. rit̉er vnde frowen nach. Riten an einand̉er vaſte. daz gezoch wol eine raſte. an d̉er lenge wart gemezzen. done wart nih v̉ergezzen. Gawan einen rit̉er dar. immer ſhuͦf zuͦ ein̉er ~~ſhar.~~frowen chlar. daz w̉ern cranche ſinne. ob die nih ſprechen von minne. d̉er Turchoyde floriant. zuͦ einem geſellen wart erchant. ſagiwen von norwage. Liſcoyſ d̉er gar vntrage. rait bi d̉er ſuͤzen Gundrie. ſin ſweſt̉er ytonie. bi Gawan ſolde riten. an den ſelben ziten. Arnuue vnde diu h̉erzogin. die wolten auch da ſin. Nu ditz alſo waſ chomen. Gawanſ rinc wart genomen. durc Artuſeſ her alda er lac. waz man ſhauwenſ da gephlac. ê ditz volc durc ſi rite. Gawan durc hofliche ſite. vnde auch durc w̉ertlich dinc. hiez bi Artuſeſ rinc. die erſten frowen halden. ſin marſchalc muͤſe walden. daz eineu nahen zuͦ d̉er and̉ern reit. d̉er andren diu hainev v̉ermeit. ſin hielden ſuſ al umbe. hie die wiſen dort die tumbe. bi ieglich̉er ein rit̉er d̉er ir phlac. d̉er ſich dienſteſ dar bewac. Artuſ rinc den witen. man ſach in allen ſiten. Mit frowen vmbeuangen. da wart alreſt enphangen. Gawan der ſelden riche. ich wen deſ minnechliche. Arniue ir toht̉er vnde ir chint. mit ~~einand̉er~~Gawan erbaizet ſint. vnde von logroiſ diu h̉erzogin. vnde d̉er herzoge Gouerzin. vnde der Turchoyde floriant. Gein diſen luten w̉ert erchant. Artuſ vz dem pa*pauilune Gienc. d̉er ſi da froͤlich enphienc. alſo tet diu kungin ſin wip. ſi enphiengen Gawanſ lip. vnd and̉er ſin Geſelleſhaft. mit zuhtechlich̉er liebe craft. Da wart manc kuſ getan. von mang̉er frowen wolgetan. Artuſ ſprach zuͤ dem neuen ſin w̉er ſint die geſellen din. Gawan ſprach mine frowen ſol ich kuſſende ſhawen. daz wer vnſanfte bewart. ſi ſint wol bede von d̉er art. d̉er Turchoyde floriant. wart gekuſſet ſa zehant. vnde d̉er h̉erzoge von Goruerzin. von Ginofern d̉er kungin. ſi giengen wid̉er in daz zelt. mangen duhte wie daz velt. vollez rit̉er w̉ere. do warp nih ſo d̉er ſwere. Artuſ ſpranc vf en kaſtelan. alle diſe frowen wolgetan. vnd alle die rit̉er nebenim. er rait den rinc al umbe ~~hant.~~hin. Mit zuhten artuſeſ munt. ſi enphie an d̉er ſelben ſtunt. daz waſ Gawanſ wille. ſi haptan vil ſtille. vnz daz er mit in dannan rite. daz waſ ein hoflich̉er ſite. Artuſ erbai*erbaizt vnde Gie dar in. er ſaz zuͤ dem neuen ſin. dem beſtuͤnde er ſuſ mit meren. w̉er die vier frowen weren. do huͤp min h̉er Gawan. an der eltiſten alreſt an. ſuſ ſprac er zuͤ dem prituͦn. erchant ir vtreprandagruͦn. ſo iſt Arniue ſin wip. von den zwain chom ev d̉er lip. So iſt ditz diu muͤt̉er min. von r*norwegen diu chungin. diſe zwuͦ mine ſweſt̉er ſint. nu ſehet wie fletigev chint. ein and̉er da zechuſſhen geſhach. frovde vnde iam̉er ſach. alle die daz *ſehen wolden. von d̉er liebe ſi daz ſolden. lachen vnde weinen. ſi chunden wol erſheinen. von grozz̉er liebe daz geſhach. Artuſ ze Gawan ſprach. neue ich pin deſ mereſ noch fri. wer diu chlare frowe ſi. do ſprach Gawan d̉er kurtoyſ. ez ~~ſitzet~~iſt diu h̉erzogin von Logroyſ. in d̉er Genaden bin ich hie. mir iſt geſaget ir habet geſhuchet ſie. ſwaz ir deſ hapt Genozzen. daz zaiget vnủerdrozzen. IR meht ez ein̉er witwen wol tuͦn. Artuſ ſprach din̉er muͦmenſuͦn. Gahereten ſi dort hat. vnde Garebi d̉er rit̉erſ tat. in mangem poynd̉er worhte. mir wart d̉er vneruorhte. Gevangen ſuſ iſt ez chomen. ein lang̉er poynd̉er waſ Genomen. : Hier wahrscheinlich zunächst Verschmelzung von 673.07f. auf Stufe *GI oder früher und später Ergänzung (nur in I) von Vers 673.07-a. mit hurt vnz an ir barbigan. warta wie ez da wart getan. von dem w̉erden melianz von liz. vnd̉er ein̉er banier wiz. wart er hin vf geuangen. die panier het er enphangen. von zoblel ein ſwarzev ſtrale. von h̉erzen pluͦteſ male. Nach manneſ chunb̉er geuar. Logroyſ rief ellev diu ſhar. die drun*drund̉er durc ſtriten riten. die habent den ſtrit erſtriten. mir iſt auch min neu*neue Lofreit. hin vf gevangen daz iſt mir leit. diu naht huͦte waſ geſt̉ern min. da von gedech mir dirre pin. d̉er kunc ſineſ ſchaden vil v̉eriach. diu ~~chungin m~~h̉erzogin mit zuhten ſprach. h̉erre ich ſage evch deſ laſt̉ers buͤz. irn hetet min dehainen ~~buͤzſuͤz.~~Gruͤz. ir mugt mir ſhaden han getan. den ich doch v̉erdienet han. Sit ir mich geſuchet hat. ſo ler ich evch ergetzenſ rat. in deſ helfe ir ſit geriten. ob d̉er hat mit mir geſtriten. do wart ich ane w̉er erchant. vnde ze blozen ſiten an gerant. ob d̉er noch ſtriteſ an mich gert. d̉er wirt wol gendet ane ſw̉ert. zuͦ Artuſe ſprach do Gawan. waz ratet ir ob wir diſen plan. baz mit rit̉ern vb̉er legen. ſit wir ez wol getuͦn megen. ich erwirbez wol daz d̉er h̉erzogin. daz die ew̉ern ſuln ledic ſin. vnd daz ir rit̉erſhaft da h̉er chumet mit mangen niwem ſper. Des volge ich ſparah Artuſ. diu h̉erzoginne do mir huſ. ſande nach den w̉erden. ich wen vf d̉er erden. nie ſhoͤn̉er ſamnunge wart. Gein h̉erb̉erge ſinẻr vart. Gawan vrlaubeſ g̉erte deſ in d̉er kunc gew̉erte. die man mit im chomen ſach. vuͤrn mit im an ir gemach. ſin h̉erb̉erge riche. ſtuͤnt rit̉erliche. ſo daz ſi waſ choſb̉ere. d̉er armuͤt lere. An ſine h̉erb̉erge reit. mang̉er dem von im h̉erzenleit. waſ ſin langez vͤz weſen. nu waſ auch kayn wol geneſen. bi dem plimizol d̉er Tioſte. d̉er bruͤuet Gawanſ koſte. ER ſprach minſ h̉erren ſwag̉er lot. von dem waſ vnſ dehain not. eben huze vnde ſund̉er ringeſ. do daht er noch deſ dingeſ. wande in Gawan dort nih rach. do im ſin zeſw̉er arm zerbrach. ~~dor~~Got wund̉er mit den luten tuͤt. w̉er gap Gawan die froͮwen luͤt. ſprach kay in ſinen ſhimphe. daz waſ Gein friunden ein ſwach̉er gelinphe. d̉er Getriwe iſt vriundeſ ern vro. dem getriwen iſt alſo. d̉er ruͦffet ſwenne liep geſhiht. ſinem vriunde vnd er daz ſiht. Gawan phlac ſelden ~~mer~~vnde ere. gert ieman vurbaz mere. war wil d̉er mit gedanchen. ſo ſint die muͦteſ cranchen. nideſ vnd hazzeſ vol. ſo tuͤt den ellenthaften wol. ſwa ſinſ ſtri*vriundeſ ſtrit geſte. daz ſhande vluhtich von im ge. ſit Gawan ane valſchen haz. ſtêt mit triwen nie v̉ergaz. dehain vbel dar an geſhach. ſwa man in bi ſelden ſach. wie d̉er von Norwege. ſineſ volcheſ phlege. d̉er riter vnd d̉er frowen. da moht ir richait ſhawen. Artuſ vnd ſin geſinde. von deſ w̉erden loteſ chinde. ſi ſuln auch ſlafen do man gaz. ir riwenſ han ich ſelten haz. Deſ morgenſ chom vor tageſ geriten. volc mit w̉erlichen ſiten. d̉er h̉erzogin rit̉er gar. man nam ir ze vnwirden war. alle bi dem Maſ ſhin. Artuſ vnde die ſine. lagen durc die zogtan ſie. And̉erthalp da Gawan hie. lac mit witem ringe. ſw̉er ſolhe helf ertwinge. mit ſin̉er ellenthaft̉er hant. den mac man zuͤ priſe haben erchant. Gawan ſinen marſchalc bat. in zaigen h̉erb̉erge ſtat. Alſ d̉er h̉erzogin mar*marſchalc riet. von logroys diu w̉erde diet. mangen rinc ſi zierten. ê geloiſierten. ez waſ wol mitt̉er morgen. nu nahent ez niwan ſorgen. ARtuſ d̉er priſ erchante. ſinen luten er ſande. ze Royſ ſabinſ in die ſtat. den chunc Gramoflanzen er bat. daz vnwendic nu ſol ſin. daz er Gein dem neuen min. ſinſ chanpheſ nih wil enbern. deſ ſol auch in min neue w̉ern. bit in Gein vn ſhier chomen. ſit ſin gewalt iſt ſuſ v̉ernome daz erz nih v̉ermiden wil. ez w̉er eim andrem man zevil. Artuſeſ boten vuͤrn dannan. d nam min h̉er Gawan. Liſcoyſen vnd florianden. die von mangen landen. minnen ſoldiere. bat in zaigen ſhiere. Die d̉er h̉erzoginne vf hohen ſolt. warn ſo dienſtlichen holt. er rait zuͦ in vnd enphienc ſi ſo. daz ſi algeliche ſprachen do. daz d̉er w̉erde Gawan. w̉er ein manlich man. da mit chumt er von in wid̉er. ſuſ warp er taugenlichen ſid̉er. in ſine kamer er do Gienc. mit harnaiſch er vmbevinc. ſinen lip zuͤ den ſelben ſtunden. durc daz ob ſine wunden. ſo Gehailet w̉ern. daz die maſen in nih ſw̉ern. ER wolde banchen den lip. ſit ſo manc magt vn̄d wip. ſinen chanph ſolden ſehen. daz die w̉erden wiſen rit̉er mohten ſpehen. ob ſin vnủerzagtev hant. deſ tageſ Gein priſe wurde erchant. ein chnappen het er deſ gebeten. daz er im brehte Gringuliete*Gringulieten. do begunde er laiſhiern. er wolt ſich Moiuiern. daz er vnd daz orſ w̉ern bereit. mirn en wart ſin reiſe nie ſo leit. al ein rait min h̉er Gawan. von dem her verre vf den plan. Geluche muͤſ ſin walten. er ſach einen rit̉er halden. bi dem wazz̉er ſabinſ. den wir wol mohten haizen ſlinſ. d̉er manlichen crefte. ein ſhuͦr an rit̉erſhefte. Sin h̉erze valſch nie v̉erſwanc. er waſ deſ libeſ wol ſo cranc. ſwaz man haizet vnbriſ. daz getruͤc er nie dehain wiſ. halbeſ ving̉erſ lanc noch ſpanne. von dem ſelben w̉erdem manne. mugt ir ê wol haben v̉ernomen. an den rehten ſtam ditz mer iſt chomen. ob von dem w̉erden Gawan. da w̉erlichev tioſte wart getan. ſon geuorht ich ſiner ere. doch an ſtrite nie ſo ſere. ich ſolde auch deſ andren angeſt han. daz wil ich vz den ſorgen lan. er waſ in ſtrite einſ manneſ h̉er. vz haidenſhaft v̉erre vb̉er mer. wart braht diu zimier ſin. noch rot̉er dan ein rubin. Waſ ſin kurſit vnd ſinſ orſeſ chleit. nach auenture er reit. ſin ſhilt waſ gar durc ſtochen. er het auch da gebrochen. von dem baume Gramoflanz. hiut ein alſo liehten cranz. Gawan daz riſ erchande. do vrvorht̉er die*die ſhande. ob ſin d̉er kunc da het erbiten. w̉er er durc ſtrit da Gein im geriten. ſ*ſo muͦſe ſtrit da geſhehen. ſol ditz ioch nimm̉er froͮwe geſehen. Von muntſhaluaſche warn ſie. beidiu orſ diu alſo hie. nah̉er liezen ſtrichen. vf den poynd̉er hurtechlich*hurtechlichen. hurtechlich*hurtechlichen: Federansatz. mit ſporn ſi wurden deſ ermant. niwer chle nih ſtaubec ſant. ſtuͤnt Tauwic da diu tioſt geſhach. mich muͤt ir beid̉er vngemach. ſi taten ir poynd̉er rehte. vz d̉er Tioſte geſhlehte. warn ſi bedeenſampt geborn. wenc gewunnen vnd v̉erlorn. hat ſwed̉er behaltet da den priſ. d̉er chlaget doch imm̉er iſt er wiſ. Gein ein and̉er ſtuͤnt ir triwe. d̉er den weder alt noch niwe. durchel ſhart nie enphie. nu hort wie diu Tioſt ergie. Hurtechlich vnd doch alſo. ſi mohtanſ bede ſin vnfro. erchandev ſippe vnde hoch geſelleſhaft. waſ da mit hazlich̉er craft. Mein dinſt wiſt vor lieb dur ſharphe tioſt zvͤ einand̉er chomen. von ſwedrem d̉er briſ da wart v̉ernomen. deſ freude iſt vmb ſorgen phānt. diu tioſt braht ietwed̉erſ hant. daz die mage vnd die geſellen. ein and̉er muͦſan vellen. mit orſhen mit alle nid̉er. alſuſ ~~wurden~~wurbn ſi do ſid̉er. ez wart ald v̉erzwicket. mit ſw̉erten v̉erblicket. ſhilteſ ſhirben vnd daz gruͦne graſ. ein gelichev tenprie waſ. ſit ſi begunden ſtriten. ſi muͦſen ſhaidenſ biten. al zelange ſi begunden vruͦ. do engraif nieman ſhaidenſ zuͦ. Dane waſ nieman d̉er ſhiede ſie. welt ir nu horn vurbaz wie. an den ſelben ſtunden. Artuſeſ boten vunden. den chunc Gramoflanzen mit h̉er. vf dem plan bi dem mer. ein halp ein vloͤz d̉er ſabinſ. vnde and̉erhalp d̉er poinſaclinſ. diu zway wazzer fluzzen da. der plan iſt veſt̉er anderſwa. Royſabinſ dort. diu haupſtat den vieren ort. begraif mit murn vnd mit graben. vnde mangen turn hohe erhaben. deſ herſ loiſchiern waſ getan. wol mile lanc vf den plan. vnde wol mile breit. Artuſeſ boten wid̉er reit. Manc rit̉er vnerchant. turkopel vnd manc ſariant. mit iſen vnde mit lanzen. dar begunde ſwanzen. manc grozev rotte ſhier. vnd̉er mang̉er paniere. von buſunen waſ da crach. daz h̉er man ſich Gar regen ſach. die woltan an den ziten. Gein ſhofanze riten. von frowen zwaum chlinga chlinc. deſ chungeſ Gramoflanzeſ rinc. waſ mit freuden alumbe halden. chan ich nu mere walden. ich ſage ev wer durc in da waſ. geh̉erberget vf daz graſ. vnde an ſine ſamenunge chomen. hapt ir deſ noch nih v̉ernomen. lat mich ez ev mach chunt. vͤz d̉er ueſten ſtat von punt. Braht im d̉er w̉erde ohaim ſin. d̉er kunc brandalidelin. vierhund̉ert klare froͮwen. d̉er ieglichev mohte ſhawen. gewappent da ir amiſ. durc rit̉erſhaft vnd durc ir priſ. die w̉erden pontortoeyſe. warn wol an diſ̉er reiſe. da waſ waſ welt ir gelauben mirz. d̉er klare gernout von rimerſ. deſ richer vat̉er narrant. het im v̉erlazen duhcherlant. d̉er braht im in kochen vf dem mer. ein alſ klarez frowen her. den man da reht̉er varwe iach. vnd anderſ nih da von in ſprach. d̉er warn vierhund̉er ze Meigden vz Geſund̉ert. vierhund̉ert heten da ir man. ob ichz gebruͤuen rehte chan. Gernout fiz kunſ narrant. funfhund̉ert rit̉er w̉ert erchant. mit im da chomen warn. die viende chunden varn. Suſ wolde d̉er kunc Gramoflanz. mit chanphe rechen ſinen cranz. daz ez vil lute ſehe. wem man deſ priſeſ iehe. furſten vz ſime riche. mit rit̉ern w̉erdechliche. da warn vn̄d mi froͮwen ſhar. man ſach da rit̉er wol gevar. Artuſeſ boten chomen hie. die vunden den chunc horet vvie. .xv. von palmat dich ein mat̉raz. lac vnd̉er dem chunge da er ſaz. dar vf geſteppet ein phelle breit. iuncfrowen clar vn̄d gemeit. die ſhuchten yſen golzen. an den kunc ſtolzen. ein ph*phhelle gap kunſtechlichen priſ geworht in ezedomoniſ Breit vnd lanc. hoch ob im durc ſhateſ ſwanc. an die ſhefte genomen. artuſeſ boten warn chomen. zuͤ d̉er hochferte hort. truͤc ſi ir wec ſi ſprachen diſev wort. h̉erre vnſ hat d̉er kunc geſant. Artuſ da vur erchan*erchant. waſ daz er priſ etſwenne truͤc. er het auch w̉erdecheit genuͤc. wie welt irn ſuſ v̉erchrenchen. wie mugt ir ev deſ erdenchen. daz ir gein ſiner ſweſt̉erſun. ſolch vngevuge muget tuͦn. het ev d̉er w̉erde Gawan. noch grozz̉er h̉erzelait getan. er moht d̉er tauelrund̉er. idoch geniezen ſund̉er. ſit ſi in geſelleſhefte w̉ernt. alle die drub̉er phlihte g̉ernt. Der chunc ſprach den gelopten ſtrit. min vnủerzagtev hant ſo git. daz ich Gawan bi diſem tate. in briſ od̉er in laſt̉er ſage. ich han mit warhait v̉ernomen. d̉er kunec ſi mit ſtorie chomen. vnde ſin wip diu chungin. diu ſol hie willichomen ſin. ob diu arge h̉erzoginne. im Gein mir ratet vnminne. ir chint daz ſult ir vnd̉erſten. hie enmach nih anderſ ergen. wande alſ ich den kanph laiſten wil. ich han doch rit̉er alſo vil. daz ich den gewalt entſitze nih. ſwaz mir von ein̉er hant geſhiht. die not wil ich liden. ſolde ich nu v̉ermiden. deſ ich mich v̉ermezzen han. ſo wolde ich dienſt nach minnen lan. An d̉er Gnaden ich han ~~gigegeben~~gigeben. alle mine frevde vnde al min leben. Got waiz wol daz er ir genoz. wande mich deſ ê v̉erdroz. ſtriteſ Gein einem man. wan daz d̉er w̉erde Gawan. den lip hat Gevrbort ſo kanpheſ bin ich Gein im vro. ſuſ nid̉ert ſich min manhait. ſo ſwachen ſtrit ich nie geſtreit. ich geſtriten giht man mir. ob ir gebietet deſ fraget ir. Gein luten die deſ min̉er hant. iahen ſi w̉ere vur priſ erchant. ich beſtuͤnt nie einen lip. ezn ſuln loben nih diu wip. ob ich ſic hiut erhol. mir tuͤt in dem h̉erzen wol. Mir iſt geſeit ſi ſi von banden lan. durc die d̉er kamph wirt getan. Artuſ d̉er h̉erre. ſo manc vromde terre. ze ſim gebot iſt v̉ernomen. ſi iſt liht h̉er chomen. durc die ich freude vn̄d not. mir gebot vnz an minen tot. dienſtlich wil bringen. wa moht mir baz gelingen. ob mir diu ſelde ſol geſhehen. daz ſi minen dienſt ruͤchet ſehet. Froͮ bene vnd̉er deſ chungeſ arme ſaz. diu lie den champh gar ane haz. ſi hete deſ deſ chungeſ manheit. hie auf den ma ſaz M N ſo vil geſehen da er ſtreit. daz ſiz wolde vz den ſorgen lan. weſt ab̉er ſi daz Gawan. ir froͮwen bruͤd̉er were. vnde daz diſev ſtrengen mere. vf ir h̉erren w̉er gezogen ſi wer an freuden Gar betrogen. ſi brah dem chunge ein ving̉erlin. daz Jtonie diu iunge kungin. im durc minne het geſant. daz ir brud̉er wirt erchant. holt vb̉er den ſabinſ. bene vf den poyſaclinſ. chom in einen ſeitiez. diſev mere ſi nih v̉erliez. von ſhahtemarveile gevarn. iſt min frowe mit froͮwen ſharn. ſi mant in triwe vnde ere. von ir frowen mere. danne kint man Gebot. vnde daz er dehte an ir not. Sit ſi vur alle gewinne. dienſt biutet nach minne. daz mac het den kunc ſo hochgemuͤt. vnreht Gawan er doch tuͤt. ſolde ich engelden d̉er ſweſt̉er min. ich wolde ê ane ſweſt̉er ſin. man truͤc im zimier dar. von richaite koſte vn̄d wolgeuar. ſwen ie diu minne deſ betwanc. daz er nach wibe lone ranc. ez w̉er Gahmuret vnd Galoeſ. od̉er d̉er kunc Galigradeſ. d̉er dehain̉er dorfte ſinen lip. baz gezimiern durc diu wip. von lipiponticon. noch von witen agreton. noch von kalimogente. noch von Aocratirſente. wart nie bezz̉er phelle brah. dann zuͤ dem zimiere wart gedah. Do ch̉ert er daz ving̉erlin. daz ytonie diu iunge kungin. im durch minne ſande. ir triwe er wol bechande. het d̉er chunb̉er in beuilt. da engegen waſ ir minne ſhilt. der chunc waſ gewappent nu. zwelf iuncfrowen griffen zuͦ. vf ſhonen runziden. die ſolten deſ nih miden. diu chlare geſelleſhaft ieglichev het an einen ſhaft. einen tiwern phhelle genomen. dar vnd̉er d̉er kunc wolde chomen. den vuͦrtan ſi durc ſhate dan. ob dem ſtrit g̉erndem man. Nih zecranc zwai iunch̉errelin. die trugen et da den beſten ſhin. vnd̉er deſ chungeſ ſtarchen arm geriten. done wart nih lang̉er da gebiten. Artuſeſ boten vurn dan. vnde chom̄en da hin da Gawan. vf ir wid̉er reiſe ſtreit. don wart den chinden nie ſo leit. die ſriren lute von ſin̉er not. wande in ir triwe daz Gebot. ez waſ et vil nach alſo daz den ſic da hete Genomen. Gawanſ kanph genoz. deſ craft waſ vb̉er in ſo groz. do Gawan d̉er w̉erde degen. deſ ſigeſ nach hete v̉erphlegen. wan daz ſi in clagende nanden. diu chint do ſi in wol erchanden. d̉er e waſ ſineſ ſtriteſ wer. e: unsicheres Zeichen; evtl. e-caudata, das in Handschrift I sonst nicht gebräuchlich ist. d̉er v̉erbar do Gein im ſtriteſ ger. vz d̉er hende verr er warf daz ſw̉ert. vnſelic vn̄d vnw̉ert. Bin ich ſprach d̉er w̉erde Gaſt. all̉er ſelden mir gebraſt. daz min̉er ſigeloſen hant. dirre ſtrit ie wart erchant. daz waſ min̉er vngefuge zeuil. ſhuldic ich mich geben wil. hie trat min vngeluche vur. vnde ſhiet mich von d̉er ſelden *kuͤr. ſuſt ſint diu alten wappen min. hie diche vnd ab̉er worden ſhin. daz Gein dem w̉erden Gawan. min ſtrit al hie iſt getan. ich han mich ſelbe vb̉erſtriten vngelucheſ han ich hie erbiten. do deſ ſtriteſ wart begunnen. do waſ mir ſelde entrunnen. Gawan die rede hort vnd ſach. zuͤ ſim champhgenoz er ſprach. Owe h̉erre w̉er ſit ir. ir ſprechet gnade nu Gein mir. w̉er diu rede ê geſhehen. die wil ich crefte mohte iehen. ſone w*wer ich nih von priſe chomen. ir hap den priſ alhie genomen. ich het ew̉er g̉erne chunde wa ich h̉er nach funde. minen priſ ob ich den ſuchte. die wil eſ min ſelde ruchte. ſo geſtreit ich wol ie ein̉er hant. neue ich tuͤn mich dir bechant. dienſtlich nu vnde ellev mal. ich pinz din neue parzifal. Gawan ſprach ſo iſt ez reht. hie iſt tumbev Tumphait worden ſleht. hie habent zwai h̉erz aiualt. mit hazze erzaiget ir gewalt. din hant vnſ beide vb̉erſtreit. la dirz ſin durch beide weſen leit. Du haſt dir ſelb̉er an geſigt. ob din h̉erze triwen phligt. do diſev rede wart getan. done mohte min h̉er Gawan. von vncraft lenger ſten. do begunde er ſwaibunde gen. wande im ſin haubet erſhellet waſ. ſi ſazen nid̉er vf daz Graz. Artuſ iunch̉errelin. ſpranc an den ruchen ſin. do bant im daz ſuze chint. den helm ab vnd ſwanc im den wint. mit eime huͤte phawen wiz. vnd̉er ſinev augen dirre chinde vliz. lert Gawan niwe craft. von beiden h̉erren geſelleſhaft. chomen mit ſtorien hie vnde dort. ietdwed̉erſ h̉er an ſin ort. da ir zil warn Geſtozen. mit geſpalten ronen grozen. Gramoflanz die choſte gap. durc ſineſ chanpheſ vrhap. d̉er baum hund̉ert warn. mit ſpeh̉er varwe chlarn. da ſol nieman zwiſhen chomen. die ſtunden ſtunden ſuſ han ich v̉ernomen. vierzec poind̉er von an and̉er. mit liehten plichen gland̉er. funzec ietdwed̉er ſit. dar inne ſolde ergen d̉er ſtrit. daz h̉er ſolt vzerhalben haben. alſ ez ſhiet muͦr vnd graben. deſ het hantvride getan. Gramoflanz vnd Gawan. Gein diſem geloptem ſtrite manc rotte chom bi zite. von beiden hern die ſehen. wem ſi da briſeſ iehen. ſi wund̉ert doch ſere w̉er da ſtrit. mit alſo ſtritlichem ſit. od̉er wie deſ ſtriteſ da w̉er gedaht. wan ietdwed̉er hete braht. ſinen chenphen an den rinc. ez duhten ſi wund̉erliche dinc. do dirre chanph waſ getan. vf dem pluͦmen varwem plan. kom d̉er chunc Gramoflanz. er wolde rehchen ſinen cranz. Man vreiſch wol daz da w̉er geſhehen. ein ~~chan~~champh daz nie wart geſehen. h̉erter ſtrit mit ſwerten. die deſ ein and̉er w̉erten. die tatenz ane ſhulde Gar. Gramoflanz vz ſin̉er ſhar. zuͦ dem champh muͤdem rait. da ant h̉erzenlich er chlagete ir arebeit. Gawan waſ vf geſprungen. dem warn diu lit erſwungen. hie ſtunden diſe zwene. nu waſ auch froͮ bene. mit ein̉er kungin in den rinc geriten. al da d̉er kamph waſ erliten. diu ſach Gawan crefteloſ. den ſi vor all̉er w̉erlte choſ. zuͦ ir freuden hohiſten crone. mit h̉erzen iam̉erſ done. friende von dem pheride ſi ſpranc. mit armen ſi in vaſte vmbeſwanc. Si ſprach v̉erfluͦchet ſi diu hant. diu diſen chunb̉er hat erchant. Gemachet an ew̉erm libe klar. vor allēn mannen daz iſt war. ew̉er varwe ein manlich pſſpiegel waſ. ſi ſazt in nid̉er vf daz Graſ. ir wainenſ wenec wart v̉erdagt. do ſtraich im diu ſuzze magt. von den augen bluͦt vnd ſweiz. in dem harnaiſh waſ im heiz. d̉er chunc Gramoflanz do ſprach. Gawan mir iſt leit din vngemach. ezn wer von min̉er hant getan. wil du morgen Gein mir vf den plan. h̉er wid̉er chomen durc ſtriten ich wil din G̉erne biten. ich beſtunde g̉ernor nu ein wip. danne dinen crefteloſen lip. waz priſeſ moht ich an dir beiagen. ichn hort dich baz bi creften ſagen. nu ruͦwe hint deſ wirt dir not. wil du rechhen den chunc lot. Do truͤc d̉er iunge parzifal. nind̉er muͦdiu lit noch erblichnev mal. er het an den ſtunden. ſinen helm vf gebunden. do in d̉er w̉erde chunc ſach. zuͤ dem er zuhtechlichen ſprach. h̉erre ſwaz min neue Gawan. wid̉er ew̉er hulde hat getan. da vur lat mich weſen phant. ich trage noch w̉erliche hant. ſol er Gein ev zephande ſten. h̉erre den lat an mir ergen. Der wirt vz Roys ſabinſ. ſprach h̉erre er git mir morgen zinſ. d̉er ſtet zegelte vur minen cranz. deſ ſin priſ wirt hoch vnde Ganz. od̉er d̉er min genaiget an die ſtat. da ich ſtrit vf laſt̉erſ phat. ir mugt wol and̉erſ ſin ein helt. dirre champh iſt ev doch nih erwelt. do ſprach froͮn bene munt. zuͦ dem kunge ir vngetriw̉er hunt. ew̉er h̉erze in ſinen handen liget. daz ew̉er h̉erze hazzeſ plhigt. war hapt ir evch durc minne ergeben. diu muͤz doch ſin̉er Gnaden leben. ir ſagt evch ſelben ſigeloſ. diu minne ir reht an ev v̉erchoſ. Truget ir ie minne. diu waſ mit valſhem ſinne. Do deſ zornſ vil geſhach. d̉er kunc ze froͮn benen ſund̉er ſprach. die bat er frowe zurnet nih. daz d̉er champh von mir geſhiht. belip hie bi dem h̉erren din. vnd ſage Jtonien d̉er ſweſt̉er ſin. ich ſi vur war ir dienſtman. vnde welle ir dienen ſwa ich chan. do froͮ bene gehorte. von w̉erliche worte. w̉erliche: Zu weit im Falz - lediglich ein Strich ist zu erkennen. daz er ir frowen bruͤd̉er waſ. d̉er da ſolde ſtriten vf dem graſ. do zugen ſi iamerſ ruͦd̉er. an ir h̉erze wol ein vuͤd̉er. d̉er h̉erzenlich̉er riwe. wande ſi phlac triwe. ſi ſprach vart ihin ir v̉erfluchter man. ir ſit d̉er triwe nie Gewan. Hin rait d̉er kunc Gein den ſin. Artuſeſ iunch̉errelin. viengen diſev orſ diſen zwein. an den orſen auch d̉er kanph ſhein. Gawan vnd h̉er Parzifal. vnd froͮ bene diu lieh gemal. riten wid̉er Gein ir h̉er. Parzifal mit manneſ w̉er. het den priſ behalten ſo. ſi warn ſin̉er chunfte vro. die in da chomen ſahen. deſ priſeſ ſi im alle iahen. ich ſage ev mer ob ich chan. nu ſprachen von diſem einen man. in beiden h̉ern die wiſen. daz ſi in begunden priſen ſine rit̉erlich getat. d̉er da den priſ genomen hat. welt ir ſin iehen daz waſ Parzifal. d̉er waſ et ſo lieht gemal. ezn wart nie rit̉er baz getan. deſ iach da wip vnde man. Do in Gawan brahte. Do: Initiale ausgerückt. d̉er deſ hinz im gedahte. daz er in hiez cleiden. do truͤc man dar in beiden. von Tiur koſte rich gewant. vb̉er allez ditze mere wart erchant. daz Parzifal dar were chomen. von dem diche w̉er v̉ernomen. daz er hohen briſ beiagete. vur war daz mang̉er ſagete. Gawan ſprach wil du ſhawen. dineſ chunneſ vier frowen. vnd and̉er froͮwen wolgeuar. ſo gen ich g̉erne mit dir dar. do ſprach Gahmureteſ kint. ob hie w̉erde frowen ſint. den ſolt du mich vnmeren nih. etſlich frowe mich vng̉erne ſiht. diu bi dem *blimizol gehort. hat von mir valſchev wort. Got muͤz ir wiplich ich wil min̉er froͮn ſelden iehen. ich ſham mich noch ſo ſere. vng̉erne ich gein ev chere. ez muͤz doch ſin ſprach Gawan. er furte parzifaln dan. da in chuſten vier chungin. die h̉erzogin / ez lerte pin. daz ſi den chuſſen ſolde. der irſ gruͤzeſ nih enwolde. do ſi ir lant vnde ir minne im bot. deſ wart ſi hie von ſhame rot. do er vor logroiſ geſtreit. vnde ſi v̉erre nach im reit. Parzifal d̉er klare. warte deſ ane vare. vb̉erparlipieret. ez wart Gonduwieret. elleu ſhaͤm vz ~~ſim~~ſinem h̉erzen do. ane bluchait wart er vro. Gawan mit rehten ſhulden. gebot biſinen hulden. froͮn benen daz ir munt. Jtonien iht tete chunt. daz mich d̉er chunc Gramoflanz. ſuſ hazzet vnbe ſinen cranz. daz wir morgen ein and̉er ſtrit. ſuln Geben zereht̉er champh zit. min̉er ſweſt̉er ſolt duz nih ſagen. vnd ſolt din wainen Gar v̉erdagen. ſi ſprach ich mac wol wainen. vnde mine chlage erſhainen. wan ſwed̉er ew̉er da geligt. nach dem min ~~frowe~~frawe iam̉erſ phligt. diu iſt zebaid̉er ſit erſlagen. ich muͤz mich vnde mine ~~frowen~~frawen clagen. waz hilfet daz ir ir bruͤd̉er ſit. mit ir h̉erze welt ir vehten ſtrit. Daz h̉er waſ Gar gezoget in. Gawan vn̄d den Geſellen ſin. waſ ir ezzen al bereit. mit d̉er h̉erzogin gemeit. Parzifal ſolt ezzen. an dem wart ni*nih v̉erGezzen. Gawan den bruͦuet in ir. ſi ſprach welt ir in beuelhen mir. den d̉er d̉er frowen ſpoten chan. wie ſol ich phlegen diſeſ man. doch dien ich im durc ew̉er gebot. ichn ruͤch ob er daz nimt vur ſpot. do ſprach Gahmureteſ ſun. frowe ir welt gewalt nu tuͤn. ſo wiſe erchenn ich minen lip. d̉er midet ſpotten ellev wip. ob ez da waſ man Gap da gnuͤc. mit zuhten man ez vur ſi truͤc. magt wip vnd man mit freuden az. Jtonie deſ nih v̉ergaz. ſi wartet an benen ~~augen~~ougen. daz diu wainden ~~taugen~~tougen. Do wart auch ſi nach iam̉er var. ir ſuͤzer munt mait ezzen gar. ſi dahte waz tuͤt bene hie. nu het ich doch Geſendet die. zuͤ dem d̉er dort min h̉erze treit. daz mich doch ie vnſanfte reit. waz iſt an mir gerochen. hat d̉er kunc v̉erſprochen. min dienſt vnd mine minne. ſin getriwelich manlich ſinne. mugen hie nih me erw̉erben. wan daz muͤz erſterben. min armer lip den ich hie trage. nach im mit h̉erzenlich̉er chlage. do man deſ ezzenſ v̉erphlac. do waſ ez auch vb̉er den mitten tach. Artuſ vnd daz wip ſin. froͮ Ginoủere diu kungin. mit rit̉ern vnde mit ~~frowen~~frawen ſhar. riten da d̉er wolgeuar. ſaz bi w̉erd̉er ~~frowen~~frawen diet. Parzifal enphahen do Geriet. mange chlare ~~frowen~~frawen. muͦſ er ſich chuſſhende ſhaͮwen. Artꝰus bot im ere. vnde danc im deſ vil ſere. daz er den priſ vuͦr alle man. von rehten ſhulden ſolde han. vnde daz ſin hohev w̉erdecheit. waſ ſo lanc vnde ſo breit. Der waleiſ zuͤ artuſe ſprach. h̉erre do ich evch nu iungeſt ſach. do wart vf ere mir gerant. von priſe ich gap ſo hohez phant. daz ich waſ nach von priſe chomen. nu han ich h̉erre an ev v̉ernomen. ob ir mirz ſaget ane var. da*daz priſ ein teil hat an mir war. die da ſazen die iahen ſin̉er hant. ſi het den priſ vb̉er ellev lant. mit ſo hohem priſ erworben. daz ſi priſeſ w̉er vnủerdorben. d̉er h̉erzoginne rit̉er gar. chomen da d̉er wolgeuar. Parzifal bi artuſ ſaz. d̉er w̉erde chunc do nih v̉ergaz. er enphie in in deſ wirteſ huſ. d̉er ſolze chunc Artuſ. Swie wit w̉er Gawanſ gezelt. er ſaz da vur an daz velt. ſi ſazen witen an den rinc. ſich ſamenten vnchudiu chint. w̉er dirr vnde ien̉er were. daz wurden witev mere. ſolt d̉er criſten vnde d̉er ſarrazin. Chunclich da Genennet ſin. w̉er waſ Clinſorſ h̉er. w̉er warn die ſo wol zew̉er. vor Logroiſ ſo diche riten. daz ſi durc Orguluſen ſtriten. w̉er warn die da braht artuſ. d̉er all̉er namen vnde ir huſ. kuntlich ſolde nennen. muͤlich ſi w̉ern zerchennen. die ſprachen al gemeine. daz Parzifal d̉er reine. vor vz truͤc ſo clarn lip. den g̉erne minnen moht ein wip. Vnde ſwaz zuͦ hohem priſe zuͤge. daz in deſ w̉erdechait nih truge. vf ſtuͤnt do Gahmureteſ chint. er ſprach alle die hie ſint. ſitzet ſtille vnd helfet mir. deſ ich hart vnſanfte enbir. mich ſhiet von tauelrund̉er. ein v̉erholn h̉erzen wund̉er. die mir drub̉er Gaben Geſelleſhaft. helfet mir Geſellechlich̉er craft. noch drub̉er deſ er g̉erte. Artuſ in ſhone w̉erte. ein and̉er bet er do bat. mit wenc luten er ſund̉er trat. daz Gawan geb im den ſtrit. den er zereht̉er champh zit. deſ morgenſ ſolte ſtriten. ich wil ſin g̉erne da biten. Der da haizet Gramoflanz. von ſinem ~~baum~~boum ich einen cranz. brach hiute morgen vruͦ. daz er mir ſtriteſ ſtate tuͦ. ich chom durc ſtriten in ſin lant. niwan vmb ſtrit von ſin̉er lahant. ich moht din wenec truwen hie. mir geſhach ſo laide nie. ich wande ez d̉er kunc w̉ere. d̉er mich ſtritenſ nih v̉erb̉ere. neue noch wil ich in beſten. ſol imm̉er ſin vnbriſ ergen. min hant im ſhaden vuͦget. deſ in vur war genuͦget. Mir iſt min reht hie wid̉er Gigeben. ich mac geſellechlichen leben. lieb̉er neue nu Gein dir. Gedenche erchande ſippe an mir. vnde la den chanph weſen min. ich tuͦn im manlich ellen ſhin. do ſparah min h̉er Gawan. mag vnd bruͦd̉er ich hie han. mit dem chunge von pritanie vil. ew̉er dehainem ich deſ geſtaten wil. daz er da vur mich vehte. ich getruwe minem rehte. ſol ſin Geluche walten. ich muge den priſ behalten. Got lon dir daz du biuteſt ſtrit. vur mich ez iſt ab̉er noch nih zit. ARtuſ die bete horte. daz geſprech er Gar zerſtorte. mit in er wid̉er in den rinc ſaz. Gawan ſenchenſ nih v̉ergaz. dar trugen iunch̉errelin. mangen choph Guldin. mit edelem Geſteine. d̉er ſenche Gie nih eine. do daz ſhenchen geſhach. daz volc vuͤr Gar an ſin gemach. nu begunde nahen diu naht. Parzifal ſich do bedaht. daz er ſin harnaiſch beſach. ob dem dehain rieme gebrach. daz hiez er wol bereiten. vnde wunnechlichen feiten. vnde einen niwen ſhilt gewinnen. wan d̉er ſine waſ vz vnde innen. ze hurttiert vn*vnde zerſlagen. man muͦſt im einen niwen dar tragen. daz taten ſariande. die wenc erchande. Etſlich̉er waſ ein franzoiſ. ſin orſe daz d̉er Temployſ. Gein im zuͤ d̉er Tioſte brahte. ein chnappe deſ gedahte. ezn wart nie baz erſtrichen ſit. nu waſ ez naht vnde ſlafenſ zit. Parzifal ſlafeſ phlac. ſin harnaiſch Gar bi im lac. doch raw den chunc Gramoflanz. daz ein and̉er man ~~vuͦrte~~fuͦr ſinen cranz. deſ tageſ het gevohten. don getorſten noch en mohten. die ſinen daz nih ſheiden. er begunde ez ſere leiden. daz er ſich v̉erſumet hete. waz d̉er helt do tete. wan er priſ beiagete. innen deſ do ez tagete. Waſ ſin orſ Gewappent vnde ſin lip. Auch Gaben richeloſev wip. ſin̉er zimiere ſtiure. ſi waſ ſuſ alſo Tiure. er ziert den lip durc die magt. in d̉er dienſt waſ er vnủerzaget. er rait ein vf die warte. daz muͦt in auch vil harte. daz d̉er w̉erde Gawan. chom nih ſhier vf den plan. nu het auch ſich vil gar v̉erholn. parzifal h̉er zvͤz v̉erſtoln. vz ein̉er panier er nam. ein ſtarchez ſper von angaram. er het auch al ſin harnaiſch an. d̉er helt reit aleine dan. Gein den rone ſpiegelin. Alda d̉er champh ſolde ſin. er ſach den chunc halden dort. ê ir dewed̉er dehain wort. zuͤ dem andrem ſprach. man giht daz ietdwed̉er ſtach. den andren durc deſ ſhilteſ rant. daz die ſprizen von d̉er hant. Vf durc den luft ſich wunden. mit d̉er Tioſte ſi ~~begunden~~bede kunden. vnd ſuſ mit andrem ſtrite. vf deſ angerſ wite. wart daz tau zerfuͤret. vnde die helme geruͤret. mit ſharphen ekken die wol ſniten. vnủerzagliche ſi bede ſtriten. do wart d̉er ang̉er zertretet. vnd daz ~~tau~~tou an mang̉er ſtat gewetet. deſ riwent mich die bluͦmen rot. vnde me die helde die da not. dolent ane zageheit. wem w̉er daz liep od̉er leit. dem ſi nih hetan Getan. do beraite ſich h̉er Gawan. Gein ſin champheſ ſorgen. ez waſ wol mitt̉er morgen. E man v̉riieſch diu mere. daz da v̉ermiſhet w̉ere. Parzifalſ deſ chuͦnen. ob erz welle ſuͦnen. dem Gebart er vngeliche. er ſtrait ſo manliche. mit dem d̉er auch ſtriteſ phlac. nu waſ auch hoch vf d̉er tac. Gawane ein piſſholf meſſe ſanc. von ſtorie waſ da groz gedranc. rit̉er vnde ~~frowen~~frawen. moht man ze orſe ſhawen. an Artuſeſ ringe. ê man da Geſinge. d̉er kunc Artuſ ſelbe ſtuͤnt. da die phaffen daz ampt tuͦnt. Do d̉er benediz wart Getan. do wappent ſich h̉er Gawan. man ſach da tragen den ſtolzen. ſine iſenine kolzen. ſtreich er an ſin wol geſtrichen bein. do begunden frowen wein. daz her zogte vͦz vb̉er al. do ſi mit ſw̉erten horten ſhal. vnd viur vz helme ſpringen. vnd ſlege mit creften dringen. d̉er kunc Gramoflanz phlac ſit. im v̉erſmahet ſere daz er ſtrite. mit einem man do duht in nu. daz hie ſehſe griffen zuͤ. ſtriteſ ez waſ doch Parzifal eialein. d̉er Gein im w̉erlichen ſhein. er het in vnd̉er wiſet. ein̉er zuht die man priſet. er Genam ſit nimm̉er mere. wid̉er an ſich die ere. daz er zwain mannen hete ſtrit. wan ein̉er imſ ze vil git. Daz h̉er waſ chomen zebeid̉er ſit. vf den gruͦnen ang̉er wit. ietdwed̉erthalp an ſin zil. Mein dinſt wiz ſi ~~bruften~~bruͤften ditz mit ſpil. den chuͦnnen wiganden. diu orſe warn geſtanden. do ſtriten ſuſ die w̉erden ze uuͤzen vf d̉er erden. einen h̉erten ſharphen ſtrit erchant. diu ſw̉ert hoch vz d̉er hant. wurfen diche die rechen. ſi wandeltan die echen. ſuſ enphie d̉er chunc Gramoflanz. ſw̉ern zinſ vur ſinen cranz. ſiner vriunde chunne. lait bi im ſwache wunne. ſuſ engalt d̉er w̉erde parzifal. Jtonien d̉er lieht gemal. d̉er er ~~engelten ſo~~Geniezen ſolde. ob reht zerehte wolde. Nac priſe die vil geuarn. mit ſtrite die muͦſen arn. ein̉er ſtreit vuͤr vriundeſ tot. dem and̉ern minne daz Gebot. daz er waſ minne vnd̉ertan. do chom auch min h̉er Gawan. do iz vil nach ſuſ waſ chomen. daz den ſic hete Genomen. d̉er ſtolze chuͦne waleiſ. brandalidelin von ponturtoys. vnd Gernout von riuerſ. vnd affinamuſ d̉er Gletierſ. mit blozem haupte da ſi dri. dem ſtrite riten nahen bi. Artuſ vnde Gawan. riten and̉erhalp vf den plan. zuͤ den chanph muͦden zwein. die wurden deſ enein. ſi wolde ſhaiden den ſtrit. ſhaidenſ durc rehte zit. Gramoflanz d̉er ſo ſprach. daz er dem ſigeſ iach. den man da Gein im hete geſehen. deſ muͦſen mer lute iehen. do ſprach deſ chungeſ loteſ ſuͦn. h̉erre chunc ich wil ev hiute tuͦn. alſ ir mir geſt̉ern tatet. do ir mich ruwen batet. nu ruwet hint deſ wirt ev not. ſw̉er ev diſen ſtrit gebot. d̉er hat ev ſwache craft erchant. Gein min̉er w̉erlichen hant. ich beſtuͤnde evch nu wol ein. nu vehtet ab̉er ir niw̉er mit zwain. ich wil ez morgen wagen eine. Got ez zereht erſheine. d̉er kunc rait Gein den ſinen. er tet auch fianze ſhinen. daz er ſmorgen Gein Gawan. durc ſtriten chome vf den plan. ARtuſ ze parzifale ſprach neue ſit du deſ champheſ bete. : Kontraktion der Verse 708.02f. Möglicherweise kam es wegen dir in Vers 708.02 und du in Vers 708.03 zu einer Augenabirrung. vnd manlichen tete. vnde Gawan dirz v̉erſagete. daz din munt ſo ſere chlagete. nu haſt du den champh idoch geſtriten. mit im d̉er da het ſin erbiten. ez w̉er vnſ lait od̉er liep. do erſhlich du in alſ ein diep. w̉ir heten and̉erſ din̉er hant. diſen champh wol erwant. nun darf Gauwan daz zurnen nih. ſwaz man dir briſeſ drumbe giht. Gawan ſprach mir iſt nih leit. mineſ neuen w̉erdecheit. mir iſt dannoch morgen al zevruͦ. ſol ich champheſ griffen zuͦ. Wolde mich ſin d̉er kunc erlazen. deſ iehe ich im zemazen. daz her in mit manger ſhar. man ſach da frowen wol geuar. vnde mangen gezimierten man. daz nie dehain her mer gewan. ſolh̉er zimiere wund̉er. die von d̉er Tauelrund̉er. vnde diu maſſenie d̉er h̉erzogin. ir wapenrichen Gaben ſhin. von phelle von zitzidunt. vnd braht von pelimunt. Lieht warn ir kouerture. Parzifal d̉er Gehiure. wart in beiden h̉ern gepriſet. ſo. ſine vriunt ſin mohten weſen vroͮ. ſi iahen Gramoflanzeſ her. daz zedehain̉er zit ſo wol zewer. nie chome rit̉er dehein. den diu ſunne ie vb̉erſhein. ſwie ez zebeiden tagen da w̉ere Getan. den priſ muͦſ er aleine han. dannoch ſi ſin erchanden nih. dem ieglich munt deſ priſeſ giht. Gramoflanz ſi rieten. er mehte wol enbieten. Artuſe daz er neme war. daz dehein man vz ſin̉er ſhar. Gein im choͤm durc fehten. daz er im ſande den rehten. Gawan des kungeſ loteſ ſuͦn. Gein dem wolt er den champh tuͦn. die boten wurden dar Geſant. zwai wiſev chint houeſh erchant. d̉er kunc ſprach nu ſult ir ſehen. welhem ir da priſeſ wellet iehen. vnd̉er allen den Claren ~~frowen~~frawen. ir ſult auch ſund̉er ſhaͮwen. bi welh̉er bene ſitze. nemt daz in ew̉er witze. in welh̉er gebare diu ſi. won ir freude od̉er truren bi. daz ſult ir bruͦuen ~~taugen~~tougen. ir ſehet wol an ir ~~augen~~ougen. ob ſi nach friunde chunb̉er hat. nu ſeht daz ir deſ iht lat. benen min̉er friundin. gept diſen brief vnd ditz ving̉erlin. diu waiz wol wem ez vurbaz ſol. w̉erbet geuuge ſo tuͤt ir wol. Nu waſ ez and̉erhalp ſo chomen. Jtonie het al da v̉ernomen. daz ir bruͤd̉er vnde d̉er liebeſte man. den maget in ir h̉erze ie gewan. mit ein and̉er uehten ſolten. vnde deſ nih lazen wolten. do braſt iam̉er durc die ſheme. ſwen ir chunb̉erſ nu gezeme. d̉er tuͤt ez ane minen rat. ſit ſiz vngedient hat. beidev ir muͦt̉er vnde ir an. die maget vurten ſund̉er dan. in ein wenic gezelt ſidin. Arniue waiz ir diſen pin. ſi ſtrafte ſi vmb ir miſſetat. daz waſ et dehain and̉er rat. ſi v̉eriach alda vnủerholn. daz ſi in lange het vor v̉erſtoln. do ſprach diu magt w̉ert erchant. ſol mir minſ bruͦd̉erſ hant. minſ h̉erzen v̉erch v̉erſniden. daz moht er g̉erne miden. ARniue ſparah zuͦ einem iunch̉errelin. nu ſage dem ſuͦn min. daz er mich balde geſpreche. vnde daz aleine zeche. d̉er Chnappe zuͤ Artuſe Gahte. Arniua deſ Gedahte. ſi wolde in lazen horn. ob er moht zerſtorn. daz d̉er klaren Jtonie. tet ſo h̉erzenlichen wê. deſ chungeſ Gramoflanzeſ chint. na*nach Artuſe chomen ſint. die erbaizten vf dem velde. vor einem chleinem gezelde. ein̉er benen ſitzen ſach. bi ein̉er diu ze Artuſe ſprach. Giht deſ diu h̉erzogin vur priſ. ob min brud̉er min amiſ. ſleht durch ir boſen rat. deſ moht ir iehen vur miſſetat. IR ſult in min Geniezen lan. waz hat d̉er kunc im Getan. treit min bruͦd̉er Getriwe ſinne. er weiz wol vnſ̉er beid̉er minne. ſo lut̉er ane valſhait. hat er triwe ez wirt im leit. ſol mir ſin hant erw̉erben. nach dem chunge ein ſurez ſt̉erben. h̉erre daz ſi ev gechlagt. ſparah zuͦ Artuſ ~~ein~~diu ſhonev magt. nu denchet daz ir min ohaim ſit. durch triwe ſhaidet diſen ſtrit. Artuſ vz wiſem munde. ſprach an d̉er ſelben ſtunde. owe vil liebev niftel min. daz din iugent ſo hoh̉er minne ſhin. tuͦt daz muͤz dir w̉erden ſuͦr. alſo tet din ſweſt̉er ſurdamuͦr. durc den criechen lanpriur. ſuͤzev magt Gehiur. Den champh meht ich wol ſheiden. weſt ich an ev beiden. ob ſi h̉erze vnde daz din Geſamnet ſint. Gramoflanz Gyrteſ kint. v̉ert mit ſo manlichen ſiten. daz d̉er champh wirt Geſtriten. ez vnd̉erſte diu minne din. Geſach er dinen liehten ſhin. zefreude ie zuͤ dehain̉er ſtuͤnt. vnde dinen rot ſuzen munt. ſi ſprach deſ iſt nih geſhehen. wir minnen ein and̉er vngeſehen. er hat ab̉er mir durc liebe craft. vnd durc reht geſelleſhaft. ſinſ chleinodeſ vil geſant. ernphie auch von min̉er hant. daz warn liebeſ horte. vnde vnſ den zwiuel ſtorte. d̉er chunc iſt an mir ſtete. ane valſheſ h̉erzen rete. Do erchande wol froͮ bene. diſe chnappen zwene. deſ chungeſ Gramoflanzeſ chint. die nach Artuſe chomen ſint. ſi ~~ſprahen~~ſprachen hie ſol nieman ſten. welt ir haizen ſund̉er Gen. daz volch vz den ſnurn. wil min frowe ruͦrn. ſolch vngenade vmb ir truͤt. daz mere chumet ſhier vb̉er luͤt. froͮ bene h̉er vͤz wart Geſant. d̉er chinde einz in ir hant. ſtiez den brief vnd daz ving̉erlin. ſi het auch den hohen pin. von ir frowen wol v̉ernomen. vnde iahen deſ ſi w̉erenchomen. wolden Artuſen geſprechen. ob ſi daz ruchte zechen. ſi ſprach ſtet dort v̉erre hin dan. vnz ich evch zuͤ Genſh *zuͦ mir man. froͮn benen d̉er ſuͤzen maget. in dem Gezelte wart Geſagt. Gramoflanzeſ boten da. vrageten wa. Artuſ d̉er chunc w̉ere. daz duhten mich vngebere. ob ich in zaigte an daz ~~Gep~~Geſpreche. ſeht denne waz ich reche. an min̉er ~~frowen~~frowen ob ſie. ſehe alſuſ wainen hie. Artuſ ſprach ſint ez die chnaben. die ich an den rinc ſach nach mir traben. daz ſint von hoh̉er art zwai chint. waz ob ſi ſo gefuge ſint. Gar bewart vor miſſetat. daz ſi wol gent an diſen rat. ein wed̉er phligt d̉er ſinne. daz er ſinſ h̉erren minne. an min̉er nifteln wol ſiht. bene ſprach deſ en waiz ich nih. h̉erre mag ez mit hulden ſin. der chunc hat ditz ving̉erlin. da h̉er geſant vnde diſen brief. do ich nu vuͤr daz pauiluͦn lief. Der chinde einz Gab in mir. frowe ſeht den nemet ir. d̉er brief wart wol gekuſt. ſi dr*druct in an ir bruſt. ſi ſprach nu ſehet hie an. ob mich d̉er chunc minne min man. Artuſ den bref nam in die hant. dar an er geſriben vant. von dem d̉er minnen chunde. waz vz ſi ſelbeſ munde. Gramoflanz d̉er ſtete ~~ſach.~~ſprach. Artuſ an dem breue ſach. daz er mit ſime ſinne. endehaft̉er minne. bi ſinen ziten nie ~~v̉erman.~~v̉ernam. da ſtuͤnt daz minne wol gezam. Ich gruze die ich gruzen ſol. I: Die Lombarde trägt Verzierungen und ersteckt sich über eine Höhe von ungefähr drei Zeilen, wobei sie auf einer Höhe von zwei Zeilen in den Raum des Randes reicht. Ursprünglich sollte die Initiale sich wohl über eine Höhe von drei Zeilen - beginnend mit der zweiten Textzeile (715.02) - erstrecken und auf der Höhe von einer Zeile in den Raum des Randes ragen. Der dafür vorgesehene freie Platz wurde aber von einem Korrektor mit einer Wortergänzung besetzt. dar ich mit dienſte gruzen hol. froͮwe min ich main dich. ſit du mit troſte troſteſ mich. vnſ̉er minne Gebent geſelleſhaft. daz iſt wurzel min̉er freuden craft. din troſt vuͤr alle troſte wigt. ſit din h̉erze Gein mir triwe phligt. du biſt ein ſloz ob min̉er triwe. vnde ein fluſt minſ h̉erzen riwe. din minne Git mir helfe rat. daz dehainer ſhlaht vntat. an mir nimm̉er wirt geſehen. ich mac wol din̉er Gute iehen. ſtet ane wenchen ſuſ. alſ d̉er polus Artanticꝰus. Gein dem Tremontane ſtet. d̉er dewed̉er von d̉er ſtete Get. vnſ̉er minne ſol in triwen ſten. vnde niht von ein and̉er Gen. Nu Gedench an mich w̉erdeu meit. waz ich dir chunb̉ers han Gekleit. wiſ din̉er helfe an mir nih laz. ob dich ieman durc minen haz. von mir welle ſhaiden. ſo denche daz vnſ beiden. diu minne mac wol lonen. du ſolt frowen ere an mir ſhonen. vnde la mich ſin dinen dienſtman. ich wil dir dienen ſwaz ich chan. Artuſ ſprach niftel du haſt war. d̉er chunc dich gruzet ane var. dirre brief tuͦt mere chunt. daz ich ſo w̉erdechlichen vunt. Gein minne nie Gemezzen ſach. du ſolt im ſinen vngemach. wenden alſo ſol er dir. lat dir daz beidiu h̉erze mir. ich wil den champh vnd̉eruarn. die wil ſolt du din wai nen ſparn. Nu w̉er du doch Geuangen. ſage mir wie iſt daz ergangen. daz ir einand̉er wund̉ert holt. du ſolt im din̉er minne ſolt. tailen da wil er dienen nach. Jtonie zuͤ Artuſe ſprach. ſi iſt hie diu ez zeſamne truͤc. vnſ̉er dewed̉erz ſin nie me Gewuͤc. welt ir ſi vuͦgt wol daz ich in ſihe. dem ich mineſ h̉erzen gihe. Artuſ ſprach die zaige mir. mag ich ſo vuͦge ich im vnd dir. daz ew̉er wille dran Geſtet. vnde ew̉er beid̉er frovde erget. Jtonie ſprach ez iſt bene. auch ſint ſin̉er chnappen zwene. alhie mugt ir v̉erſuchen. welt ir minſ lebenſ ruchen. ob mich d̉er chunc welle ſehen. dem ich muͤz min̉er freuden iehen. Artuſ d̉er wiſe hofeſh man. Gienc vͤz zuͦ den chinden ſan. er Gruͤzte ſi do er ſi ſach. d̉er chinde einez zuͦ im do ſparah. h̉erre d̉er chunc Gramoflanz. evch bitet daz ir machet Ganz. Gelubde diu ſin Getan. zwiſhen im vnde Gawan. durc ew̉er ſelbeſ ere. h̉erre er enbiut ev mere. daz dehain and̉er man vuͦr in ſtirite. ew̉er h̉er iſt ſo wite. ſolde er ſi alle vb̉er vehten. daz Gelichet nih dem rehten. ir ſult Gawan lazen chomen. Gein dem d̉er champh ſi Genomen. Der chunc ſprach zuͤ den chinden. ich wil vnſ deſ enbinden. minem neuen Geſhach nie ſo leit. dann daz er ſelbe nih enſtreit. d̉er mit ew̉erm h̉erren vaht. dem ſint die ſige wol geſhlat geſhlat: Im Falz ist nur ein t(?) mit Oberlänge zu erkennen, evtl. auch Korrektur von h zu t o.ä. ez ſJſt Gahmureteſ chint. alle die in drin h̉ern ſint. chomen von allen ſiten. nhich die Gefrieſchen nie von ſtriten. dehainen helt ſo manlich. ſin tat dem priſe iſt Gar gelich. ez iſt min neue parzifal. ir ſult in ſehen den lieht Gemal. durc Gawanſ triwe not. laiſt ich ſwaz mir d̉er chunc enbot. Artuſ vnde bene. vnde diſe chnappen zwene. riten hin vnd dar. er lie diu chint nemen war. Liehte bliche an mang̉er frowen. oͮch mohten ſi do ſhowen. vf den helmen manc geſnurre. wenc noch daz wurre. einem man d̉er w̉ere riche. Gebaret er Geſellechliche. ſine chomen niht von den ph̉e*ph̉erden. Artꝰus lie die w̉erden. vb̉er al daz h̉er diu kint Geſehen. daz ſi den wunſh mohten ſpehen. rit̉er maget vnde wip. mangen vletigen lip. deſ h̉erſ warn driu ſtuche. da enzwiſhen zwuͦ luche. Artuſ reit mit den chinden dan v̉erre hin vͤz vf den plan. er ſprach bene ſuͤzev magt. du horeſt wol waz hat Gechlagt. Jtonie min̉er ſweſt̉er barn. diu wenec chan ir weinen ~~ſpr~~ſparn. daz Gelauben min geſellen. die habent vob ſi wellen. Jtonie hat nach Gramoflanz. erleſhet nach ir liehten glaz. Nu helfet ir zwene. vn̄d auch diu friundin bene. daz d̉er chunc noch zuͤ mir rite. vnde den champh doch morgen ſtrite. minen neuen Gawan bringe ich Gein im vf den plan. ritet aber d̉er chunc hiute in min h̉er. er iſt morgen deſt̉er baz zew̉er. hie git diu minne im einen ſhilt. deſ ſinen champhGenoz beuilt. ich main Gein minne hohen muͤt. d̉er bi den vinden ſhaden tuͤt. er ſol hofſhe lute bringen ich wil hie Teigedingen. zwiſhen im vnde d̉er h̉erzogin. nu w̉erbet ez trutgeſellen min. mit vuͤge deſ hat er ere. ich ſoldev chlagen mere. waz han ich vnſelec man. dem chunge Gramoflanze Getan. Daz er Gein minem chunne phligt. daz in doch vnſanfte wigt. minne vnd minne groz. ein ieglich chunc min genoz. meht min g̉erne ſhonen. wil er nu mit hazze lonen. ir bruͦd̉er diu in minnet. ſwenn er ſich v̉erſinnet. ſin h̉erze tuͤt von minnen wanc. ob ez in leret den Gedanc. d̉er kinde einz zuͤ dem chunge ſprach. h̉erre ſweſ ir vur vngemach. iehet daz ſol min h̉erre lan. wil er rehte vuge han. ir wizzet wol vmb den alten haz. mim h̉erren ſtet beliben baz. dann daz er zuͤ ev rite. diu h̉erzogin hat noch ſite. daz ſi im hulde hat v̉erſagt. vnde mangem man vb̉er in Gechlagt. ER ſol mit wenc luten chomen. ſprach d̉er chunc die wil han auch ich ~~v̉ernomen~~genomen. einen vride vur den ſelben zorn. von d̉er h̉erzoginne wol geborn. ich wil im guͤt Gelaite tuͤn. beacurſ min̉er ſweſt̉er ſuͦn. ſende ich im ze halbem wege. er ſol varn in minſ Gelaiteſ phlege. deſ endarf er niht vur laſt̉er iehen. ich laz in w̉erde lute ſehen. mit vrlaub ſi ſhieden dan. d̉er kunc beleip ein vf dem plan. bene vnde diu chindelin. ze Roys ſabinſ riten in. vnde and̉erhalp da daz h̉er lac. done gelep nie ſo lieben tac. Gramoflanz do in Geſprach. bene vnd diu chint ſin h̉erze iach. im w̉ern ſolhev mere braht. d̉er ſi Gein im het erdaht. ER ſprach er wolde g̉erne chomon. do wart Geſellecheit genomen. ſinſ landeſ furſten . dri. die riten dem chunge bi. alſo tet auch d̉er Ohaim ſin. d̉er chunc brandalidelin. Gernut von riuerſ. vnd Afinamuſ de chliterſ. ietdwe*ietdwed̉er einen Geſellen nam. d̉er vf die reiſe wol Gezam. zwelf ir warn vb̉er al. iunch̉erren vil gar ane zal. vnd manc ſtarc ſariant. vf die reiſe wart Geſant. welch d̉er rit̉er cleid̉er mohte ſin. phelle d̉er vil liehten ſhin. gab von deſ goldeſ ſwere. deſ chungeſ valchenere. mit im dan durc baizen riten. min het Artuſ nih v̉ermiten. Beacurſ den lieh Geuar. ſande er ze halbem wege dar. dem chunge zeim Geleite. vb̉er deſ geuildeſ breite. ez wer tich od̉er bach. ſwa man den vaſhan Geſach. do reit d̉er kunc durc baizen her. vnde mer durc d̉er minne ger. beacurſ in da enphienc. alſ daz ez mit freuden ergienc. mit beacurſe chomen ſint. me dānne vunfzec kint. die von arte Gaben liehten ſhin. h̉erzogen vnde grauelin. da rait auch etſlich kungeſ ſuͦn. man ſach da Groz enphahen tuͦn. von den chinden zebeid̉er ſit. die enphiengen ein and̉er ane nit. beacurſ truͤc varwe lieht. d̉er kunc ſich fragenſ ſumte nieht. Im ſeit bene mere. w̉er d̉er chlare rit̉er were. ez iſt beacurſ loteſ chint. do daht̉er h̉erze nu ~~wint~~vint. ſi diu dem Geliche. d̉er hie ritet ſo minnechliche. ſi iſt benamen ſin ſweſt̉er. diu geworht in zinceſt̉er. mit ir ſparw̉ere ſande er ir einen huͤt. ob ſi*ſi mir Genade tuͤt. ſi*ſi: Federansatz. ob diu erde w̉ere ſo breit. all̉er diſ̉er richeit. da vur nem ich ſi einen. ſi ſolz mit triwen meinen. vf ir Genade chum ich hie. ſi hat mich doch getroſtet ie. ich Getruͤ ir wol daz ſi mir tuͤt. da uon ſich hohet baz min muͤt. er nam ir chlarn bruͤd̉er hant. in die ſin diu auch waſ lieht erchant. Nu waſ ez auch in dem h̉er ſo chomen. artuſ het da genomen. einen vride von d̉er h̉erzogin. d̉er waſ ergetzenſ Gewin. chom nach zitegaſte. den ſi chlagte vaſte. ir zorn waſ nach ~~er wechet~~er v̉erdechet. wan ſi het erwechet. von Gawan manc vmbeuanc. da uon ir zorn waſ ſo cranc. Artuſ d̉er pritonoyſ. nam die frowen kurtoyſ. beidiu magt vnde wip. die trugen vletigen lip. er het d̉er w̉erden hund̉ert. vnd̉er ein Gezelt geſund̉ert. nih lieb̉er moht ir ſin Geſhehen. daz ſi den chunc ſolde ſehen. Jtonie diu auch da ſaz. vnde ſtet̉er vreude nih v̉ergaz. do choſ man an ir augen ſhin. daz ſi diu l̉ertan pin. da ſaz manc rit̉er lieht Gemal. do truͤc d̉er w̉erde parzifal. den priſ vor and̉er chlarheit. Gramoflanz an die ſnuͦre reit. do vuͤrt d̉er degen vneruorht. inſhoffanze Geworht. einen phelle von Golde veſten. d̉er begunde verre gleſten. Si erbaizten die da chomen ſint. deſ chungeſ Gramoflanzeſ chint. mangev vor im ſprungen. in daz pauilun ſi drungen. die kam̉erere ze bed̉er ſit. rumpten eine ſtraze wit. Gein d̉er pritoniſh̉er chungin. ſin Ohaim brandalidelin. hiez er vor im Ge*Gen dar in. den chuſte Ginoủer diu chungin. d̉er chunc wart auch enphangen ſuſ. babeacurſ vnd Affinamuſ. die chungin man chuſſen ſach. Artuſ ze Gramoflanze ſprach. ê ir ſitzen beginnet. ſeht ob ir dehaine minnet. dirre frowen vn̄d chuſſet die. ev beiden ſi ez erlaubet hie. Im ſagte w̉er ſin vriundin waſ. ein brief den er zeuelde laſ. ich main daz er ir bruͤd̉er ſach. dem ſi vor aller w̉erlte iach. ir w̉erden minne taugen. Gramoflanzeſ augen. erchanden ſi diu im minne truͤc. deſ waſ ſin freude hoch genuͤc. ſit Artuſ erlaupte daz. daz ſi beidev ein and̉er ane haz. mit gruͤze enphahen taten chunt. er chuſte Jtonien an den munt. do ſaz d̉er chunc brandalidelin. zuͤ Ginof̉ern d̉er chungin. auch ſaz d̉er chunc Gramoflanc. zuͤ d̉er diu ir liehten Glanz. mit wainen het begozzen. deſ het ſi ſin Genozzen. ern welle vnſhulde rechen. ſuſ muͤſ er hinz ir ſprechen. Sin dienſt nach minne biete. ſi chunde auch ſich deſ nieten. daz ſi im dancte vmb ſin chomen. ir rede von nieman wart v̉ernomen. ſi ſahen einand̉er an G̉erne. ſwenn ich nu reden Gel̉erne. ſi bruͤve ich waz ſi ſprachen da. ein wed̉er nein od̉er ia. Artuſ ze brandalidelin. ſprach ir habet dem wibe m*min. ew̉er mere Genuͤc Geſagt. er vurt den helt vnủerzagt. in ein and̉er Gezelt. einen churzen wec vb̉er velt. Gramoflanz ſaz ſtille. dadaz waſ Artuſeſ wille. vnd and̉er die Geſellen ſin. den Gaben die frowen liehten ſhin. Daz die rit̉er wenc bi in v̉erdroz. wande ir churzwile waſ ſo groz. ſi moht ein man g̉erne doln. d̉er nach freuden ſorge wolte holn. vur die chungin man truͤc. trinchen do trunchen ſi in Genuͤc. die rit̉er vnde die frowen Gar. ſi wurden deſt̉er baz Geuar. man truͤc auch trinchen hin in. Artuſen vnd prandalidelin. d̉er ſhenche Gie hin dan. Artuſ huͤp die rede alſuſ an. h̉erre chunc nu lat ſiz alſo tuͤn. daz Gramoflanz ew̉er ſweſt̉er ſuͦn. min̉er ſweſt̉er ſuͦn mir het erſlagen. vnde wolt er danne minne tragen. Gein ſin̉er ſweſt̉er d̉er maget. diu im irn chunb̉er auch dort chlagt. da wir ſi liezen ſitzen. vur ſi dann mit witzen. Sin wurde im drunbe nimm̉er holt. vnd tailt im ſolheſ hazzeſ ſholt. daz ez den chunc mohte v̉erdriezen. wolt er ir iht Geniezzen. ſwa haz diu minne vnd̉er vert. dem ſtetem h̉erzen iſt freude w̉ert. do ſprach d̉er chunc von ponturtoyſ. ~~h̉er~~zuͤ artuſe dem pritonoyſ. h̉erre ſi ſint vnſ̉er ſweſt̉er chint. die Gein ein and̉er in hazze ſint. wir ſuln den champh vnd̉erſten. dane ſolt nih and̉erſ an ergen. wan daz ſi einand̉er minnen. mit h̉erzen vn̄d auch mit ſinnen. ew̉er niftel Jtonie ſol mime neuen Gebieten ê. daz er den champh durc ſi v̉erber. ſit daz er ir minne ger. ſo wirt d̉er champh Gar v̉ermiten. Gar mit ſtritlichen ſiten. vnde helfet auch dem neuen min hulde d̉er h̉erzogin. ARtuſ ſparach daz wil ich tuͦn. Gawan min̉er ſweſt̉er ſuͦn. iſt wol ſo Geweltic ir. daz ſi im vnd auch mir. durc ir zuht die ſhulde git. ſo ſhaidet ir diſehalp den ſtrit. ich tuͤn ſprach brandalidelin. ſi Giengen bede wid̉er in. do ſaz d̉er kunc von ponturtoyſ. zuͤ Ginofern diu waſ auch kurtoys. and̉erhalp Parzifal. d̉er waſ vil lieht Gemal. ezn wart nie rit̉er baz getan. Artuſ d̉er kunc huͤp ſich dan. Gein ſinem neuen Gawan. dem waſ zewizzen Getan. d̉er chunc Gramoflanz w̉ere chomen. do wart auch ſhiere von in v̉ernomen. ARtuſ erbaizte vor dem Gezelt. Gein dem ſpranc er vf daz velt. ſi truͤgen daz zeſamne da. daz diu chunginne ſprach zeſuͦne ia vnd vb̉er and̉erſ ze dehain wiſ. wan ob Gawan ir amiſ. wolde den champh durc ſi v̉erb̉ern. ſo wolde ſi in d̉er ſuͦne w̉ern. vnde wurde diu ſuͦne vor ir Getan. vnde ob d̉er chunc wolde lan. die inziht vf ir ſweh̉er lot. bi Artuſ ſi daz hin enbot. Artuſ d̉er wiſe hofbſh̉er man. diſev mere brahte dan. Do muͦſe d̉er chunc Gramoflanz v̉erchieſen vmbe ſinen cranz. vnde ſwaz er hazzeſ phlege. Gein lot dem norwege. daz zergie alſ in d̉er ſunnen ſne. von d̉er chlaren Jtonie. lut̉erlich an allen haz. daz geſhach die wil er bi ir ſaz. all̉er ir bet d̉er volge er iach. Gawan man do chomen ſach. mit klarlichen luten. ich magc ev nih Gar betuten. ir namen vnd wann ſi w̉ern Geborn. da wart durc liebe lait v̉erchorn. Orguluſe diu fiere. vn̄d ir ſoldiere. vnd auch diu Clinſorſ ſhar. ir ein tail ſi warnz nih Gar. die warn mit Gawan chomen. artuſ Gezelt waſ Genomen. diu winde von dem huͤte. arniue diu vil guͤte. Saife vnd Gundr die heten artuſ gebeten ê. An dirre ſuͦn Teidinc. ſw̉er bruͤuet daz vur chlainev dinc. daz Groͤze ſwaz er welle. Jofreit Gawanſ Geſelle. xvj. vurt die h̉erzoginne lieht erchant. vnd̉er daz pauiluͦn an ſin̉er hant. diu phlac durc zuht d̉er ſinne. die drie chunginne. lie ſi vor ir Gen dar in. die chuſte brandalidelin. Orguluſe in auch mit chuſſe enphienc. Gramoflanze durc ſuͤne Gienc. vnde vf Genade Gein *ir dar. ir dich̉er munt rot Geuar. den chunc durc ſuͦne chuſte. deſ ſi doch wenc luſte. ſi daht an zitegaſſteſ tot. do twanc ſi wipplich not. da nach in ir riwe. welt ir deſ iehen vur triwe. Gawan vnd Gramoflanz. mit chuſſen ir ſhuͦne machtan Ganz. Artuſ gap Jtonie. Gramoflanzen mit reht̉er ê. da het er vil Gedient nach. bene waſ vro do daz Geſhach. den auch ir minne lerte pin. den h̉erzogen von Gowerzin. Liſcoyſen wart Gundrie gigeben. ane vreude ſtuͤnt ſin leben. ein phant vnz er ir w̉erd̉er minne vant. ~~d̉er~~dem Turchoyde floriant. artuſ ſaifen zemīnne bot. diu het da vor den chunc lot. d̉er furſte auch ſi vil g̉erne nam. diu Gebe minne wol Gezam. artuſ waſ frowen milte. ſolh̉er Gabe in nih beuilte. deſ waſ mit rate vor erdaht. do diſev rede wart vollebraht. do ſprach diu h̉erzoginne. daz Gawan het ir minne. mit priſe Gedient ſo hoch erchant. daz er vb̉er ir lip vnd vb̉er ir lant. von rehte h̉erre w̉ere. diu rede duhte ſwere. ir ſoldier die manc ſper. brachen durc ir minne ger. Gawan vnde Geſellen ſin. Arniua diu chungin. vnd d̉er w̉erde Parzifal. vnd diu h̉erzogin lieht gemal. ſaife vnd Gundrie. nam̄en vrlaup Jtonie. belaip mit artuſe da. di nune darf nieman vragen wa. Schon̉er hochzit ergienc. Ginoủer in ir phlege enphienc. Jtonien vnde ir Amiſ. den w̉erden chunc d̉er mangen priſ. an rit̉erſhaft ertwanc. deſ in Jtonien minne twanc. ze h̉erb̉ergen mang̉er reit. den hohev minne lerte leit. deſ abendeſ vmb ir ezzen. mugen wir mere wol v̉ergezzen. ſw̉er da w̉erd̉er minne phlac. d̉er wunſhet nach vur den tac. d̉er chunc Gramoflanz enbot. deſ twanc in hochủerte not. ze Royſ ſabinſ den ſinen. ſi ſolten ſich deſ pinen. daz ſi ab brechen bi dem mer. diu gezelt vnd vor tageſ chomen mit ſim her. vnde daz ſin marſchalc neme. ſtat diu her wol gezeme. Mir ſelben *bruͤvet hochev dinc. jeglichem vurſten ſund̉er rinc. deſ wart durc hochuart er daht. die boten vurn do waſ ez naht. man ſach da mangen trurigen lip. den daz Gelert hetan wip. wan ſwem ſin dienſt v̉erſwindet. daz er nih lonſ vindet. dem muͤz Gein ſorgen weſen gach dane raiche wibeſ helfe nach. do daht ab̉er parzifal an ſin wip die lieht Gemal. vnd an ir chuſhe ſuͤze ob er dehain and̉er Gruze. daz er ir dienſt nach minne biete. vnde ſich vnſtete niete. Solch minne wirt von im geſprach. Grozev triwe het in ſo bewart. ſin manlich h̉erze vnde ſin lip. Mein Lieb wär gern̄e ſtät wär ÿm nür dÿe Fut v̉ernät Lies lieb an ent hiet ich dein Fud an meiner hent Jch wolt darin greiff̄en als in ein ſachkpheiff̄en vur war ez wart nie and̉er wip. Gewaltich ſin̉er minne. niwan diu chunginne. Condwiramurſ. diu Gefloriert beaflurſ. do daht er ſit ich minnen chan. wie hat diu minne an mir Getan. nu bin doch vz minne erchorn. wie han ich minne alſuſ v̉erlorn. muͤz ich nach dem Grale ringen doch ſol mich imm̉er Twingen. ir minneclich vmbeuanc. von d̉er ich ſhiet deſ iſt lanc. ſol ich mit den augen freude ſehen. vnde ſol mir daz h̉erze iam̉erſ iehen. diu w̉erc ſtent vngeliche hoheſ muͦteſ riche. wirt nieman ſolh̉er phlihte. Geluche mich deſ berihte. waz mir daz wegeſt drunbe ſi. im lac ſin harnaiſh nahen bi. Do daht er ſit ich mangel han. daz den ſeldehaften vnd̉ertan. iſt ich maine die minne. diu mangeſ trurigen ſinne. mit freude helfe Geilet. ſit ich d̉er bin v̉erteilet. ichn ruch waz mir Geſhiht. Got wil min̉er freuden niht. diu mich Twinget minnen Gir. ſtuͤnde ir minne min vnde ir. daz ſhaiden dar zuͦ horte. ſo daz vnſ zwiuel ſtorte. ich mohte wol zuͤ and̉er minne chom̄en. nu hat ir minne mir benomen. and̉er minne vnd all̉er freuden troſt. ich pin trurenſ vnerloſt. Geluche muz vnſ freude w̉ern. daz chan endehaft̉er freude g̉ern. Got gebe freude allen di*diſen ſharn. ich wil vz diſen freuden varn. Diſiu auentiuuer ſait. wie Parzifal mit ſinem brvͦd̉er ferafiz ~~ſtrat~~ſtrait ER Greif alhin da ſin harnaiſch lac. deſ er diche aleine phlac. daz er ſich balde wapent drin. er wil nu w̉erben bin. do d̉er Freude fluhtic man. het allen ſinen harnaiſh an. er ſatelt daz orſ mit ſin̉er hant. ſhilt vnde ſper berait er uant. man horte ſine reiſe deſ morgenſ chlagen. do er dannan ſhiet do begunde ez tagen. vil lute deſ hat v̉erdrozzen. den ditz mer waſ v̉erſlozen. Genuge chundxenz nie eruarn. nune wil ich daz nih lang̉er ſparn. ichn tuͤz ev chunt mit reht̉er ſage. wande ich in dem munde trage. daz ſloz dirr Auentiure. wie d̉er ſuͤze vnde d̉er Gehiure. Anfortaſ wart wol Geſunt. vnſ tuͤt diu Auentvvre chunt. wie von pailrapair diu chungin. ir chivſſchen wipplichen ſhin. behielt vnz an ir bloneſ ſtat. daz ſi in hohe ſelde trat. Parzifal daz wirbet. ob min chunſt nih v̉erdirbet ichn ſage alreſt ſin arbeit. ſwaz ſin hant ie Geſtreit. daz waſ mit chinden her Getan. meht ich deſ mereſ wandel han. ich wolt in vng̉erne wagen. deſ chunde mich betragen. Nu beuilch ich ſin Geluche. ſin h̉erze d̉er ſelden ſtuche. diu da vbel bi d̉er chuſhait lac. wande ez nie zagehait Gephlac. daz muͤz im veſtegunge geben. daz er behalte nu daz leben. ſit ez ſich hat an den Gezoget. in beſtet ob allen ſtriten ein voget. vf ſin̉er vnủerzagten reiſe. d̉er ſelbe kurteiſe. waſ ein haidniſch̉er man. d̉er Tauff chunne nie Gewan. Parzifal d̉er rait balde. Gein eim ſo grozem walde. vf ein̉er liehten waſte. Gein einem richem Gaſte. ez iſt ez iſt wund̉er ob ich arm man. diſe richait ev geſagen chan. die d̉er haiden vffe vur ~~zime~~zimier truͤc. ſage ich ev deſ mer danne Genuͤc. dennoch mach ich ev me ſagen. wil ich ſin richait nih v̉erdagen. Swaz dient artuſeſ hant. pritanie vnde engenlant. dine v̉ergulten nih die ſteine. die mit edelem arde reine. lagen vf deſ haiden wapenroch. die warn tiw̉er an getroch. Rubin Galcidone. warn da in ſwachem lone. d̉er wapenroch gap liehten ſhin. in dem b̉erge ze agemetin. die vuͤrine ſalamand̉er. in worhten zuͤ einand̉er. in dem haizem viure. die warn ſtaine tiure. lagen drufe Tunchel vnde lieht. ir arte mac ich genennen nih. Sin gir ſtuͤnt nach minne. vnd nach priſeſ gewinne. daz Gaben auch al maiſtic wip. da mit d̉er haiden ſinen lip. koſtechlichen zimierte diu minne Gonduwierte. in ſin manlich h̉erze hohen muͤt. alſ ſi noch dem minne G̉erndem tuͤt. er truͤc nach priſeſ lon. vf dem helm ein ezidemon. ſwelch wurme ſint eit̉erhaft. von deſ ſelben tierlineſ craft. habent ſi lebenſ dehainen liſt. ſwenn ez von in erſmechet iſt. Taſme vnde Arabi. ſint von ſolhem phelle vri. alſ ſin orſ truͤc koủertiure. d̉er vngetaufte Gehiure. ranc nach wibeſ lone. deſ zimiert er ſich ſhone. Der ſelbe w̉erliche chnabe. het in ein̉er wilden habe. zuͤ dem voraiſk Ganch̉ert vf daz mer. er hete vunf vnde zwainzec her. d̉er dehainz deſ and̉ern rede v̉ernam. alſ ſin̉er richeit wol gezam. alſo manc ſund̉er lant. diente ſin̉er w̉erden hant. mor vnd ſarrazine. mit vngelichem ſhine. mit ſinem wit Geſamnetem h̉er. waſ manc wund̉erlichev w̉er. oͮch rait durc Auentvvre dan. von ſinem her dirr eine man. durc bancgen in den foreht. ſit ſiz in ſelben namen zereht. die chunge ich laz ſi riten. al eine nach priſe ſtriten. Parzifal reit nih eine. da waſ mit im Gemeine. er ſelbe vnde auch ſin hoh̉er muͤt. d̉er ſo manlich da tuͤt. Daz ez diu wip ſolden loben. ſin wolten dann durch loſhait toben. hie wellent ein and̉er varn. die mit chuſche lemb̉er warn. vnde lewen mit ir chuͦnheit. owe ſit diu erde waſ ſo breit. daz ſi ein and̉er nih v̉ermiten. die da vmb vnſhulde ſtriten. ich ſorge deſ den ich han braht. wande daz ich troſteſ han Gedaht. in ſul deſ Graleſ craft ernern. in ſol auch diu minne w̉ern. den waſ er beiden dienſthaft. ane wanc mit dienſteſ craft. min chunſt mir deſ nih witze Git. daz ich ſage diſen ſtrit. Beſhaidenlich alſ er ergienc. ietdwed̉erſ augen bliche enphienc. daz er den and̉ern chomen ſach. ſwed̉erſ h̉erze vreude iach. da ſtuͤnt ein troſt nahen bi. d̉er ie lut̉ern tumphait vri. ietdewed̉er deſ and̉ern h̉erze truͤc. ir vromede waſ haimlich genuͤc. nune mac ich diſen haiden. von dem Getauften nih Geſhaiden. Jch han ein lieb Mein dinſt wizt Mein dinſt wizzt vor lieb̉er her ich ſin wellen haz erzaigen. daz ſol in freude naigen. die ſint erchant vuͤr Guͤtev wip. ietdwed̉er durc friunddine lip ſin verch Gein d̉er h̉erre bot. Geluche ſhaide ſi ane not. Den lewen ſin muͦt̉er tot Gebirt. von ſin̉er vat̉er Galm er lebendic wirt. diſe warn vz hoh̉er art Geborn. von mang̉er Tioſte zuͤ priſ erchorn. ſi chunden auch mit Tioſte mit ſpern zerend̉er choſte. Laiſhierten ſi die zaume. kurztanſ vnd taten Gaume. ſwenn ſi pungierten. daz ſi iht veilierten. deſ phlagen ſi vnv̉ergezzen. da wart vaſte Geſezzen. vnd Gein d̉er *Tioſte Geſſwichet. vnd diu orſ mit den ſporn Gezwichet. hie wart diu Tioſt alſo Geriten. beidiu collier v̉erſniten. mit ſtarchen ſpern diu ſich nih bugen. die ſprizzen von den ſpern vlugen. ez het d̉er haiden Gar vur einen haz. daz dirre man vor im Geſaz. wande deſ nieman vor im Gephlac. ~~wan d̉er~~ Gein dem er ſtriteſ ſich bewac. Ob ſi diu ſw̉ert iht vurten. do ſi ein and̉er ruͤrten. diu warn da ſharph vnd al bereit. ir ~~chnchunſt~~chvnſt vnd ir maneheit. wart da ~~erch~~erzaiget ſhiere. ezidom dem tiere. wart etſlich wunde da Geſlagen. ez moht d̉er helm dar vnd̉er chlagen. diu orſ von muͦde wurden heiz. ſi liezen mangen niwen ſweiz. ſi bede von orſe ſprungen. alreſt diu ſw̉ert erchlungen. d̉er haiden tet dem Getauftem we. deſ grie waſ Taſme. vnde ſwenne er ſtrite Tanprunit. ſo trat er vur ſich einen drit. w̉erlich waſ d̉er d̉er Getaufte. vf mangem trit vrlaufte. den ſi zuͦ einand̉er Taten. ir ſtrit waſ ſo Geraten. daz ich d̉er ~~rege~~rede mach nih v̉erdagen. ich muͤz ir ſtriten mit triwen chlagen. Sit ein verch vn̄d ein bluͤt. ſolch vngenade ein and̉er tuͦt. ſi warn doch einſ manneſ chint. d̉er Geluterten triwe fundamint. den haiden minne nie v̉erdroz. deſ wart ſin h̉erze an ſtrite Groz. Gein ſtrite truͤc er willen. durc die chunginne ſecuntillen. diu daz lant hat tripalipot. diu waſ ſin ſhilt in d̉er not. d̉er haiden nan an ſtrite zuͦ waz tuͦn ich dem Getauften nuͦ. ern well an minne denchen. ſone mac er nih entwenchen. im muͤze dirre ſtrit erw̉erben. von haidenſ handen ſt̉erben. daz wende Tugenthaft̉er Gral. Gonduwiramurſ diu lieht Gemal. Hie ſtet ew̉er bed̉er dienſtman. in d̉er Groſten not. vnd er ie Gewan. d̉er haiden warf daz ſw̉ert vf hoch. manc ſin ſlac ſich ſuſ Gezoch. daz Parzifal chom vf diu chnie. man mac wol ſprechen ſuſt ſtriten ſie. d̉er ſi bede wil nemen ze zwein. ſi warn doch bede niwen ein. min bruͤd̉er vnde ich daz iſt ein lip. alſo iſt Guͤt man vnde deſ wip. d̉er haiden tet dem Getauftem we. d̉er ſhilt waſ holz daz aſpinde. wol ir immer Mein dinſt ben Mein din daz enuulet noch enbrinnet. er waſ von ir geminnet. diu in im Gap deſ ſit Gewiſ. Turkoiſe criſopraſiſ. ſmarade vnd rubine. vil ſtaine mit ſund̉er ſhine. warn varwieret durc ~~ſto~~choſtelichen priſ. ze loben vf daz puchel riſ. Vf d̉er bucchel hohe ſtuͤnt. ein ſtain deſ namen tuͦn ich ev chunt. Antrax dort genennet. karuunchel hie bechennet. durc d̉er minne conduwier. ezidemon daz reine Tier. het im zewapen gigeben. in d̉er Gnaden er wolde leben. diu chungin Secuntille. daz wappen waſ ir wille. da ſtreit d̉er Triwen lut̉erheit. Groz triwe al da mit triwen ſtreit. durc minne heten ſi ir leben. mit champhe vf vrtail Gigeben. ietdwed̉erſ hant waſ ſich̉erbot. d̉er Getaufte wol Getruwete Got. ſit er von Treuereſcente ſhiet. d̉er im ſo h̉erzenlichen riet. er ſolde helf an ir g̉ern. d̉er in freude vnde ſorgen chunde w̉ern. Der haiden truͤc ſtarchev lit. ſwenn er ſcrite Tanprunit. daz d̉er kungin ſecuntillen waſ. von d̉er montanien Gauchaſaſ. ſo Gewan er ie niwen hohen muͤt. Gein d̉er ie waſ behuͤt. von ſolhem ſtrite vb̉erlaſt. er waſ ſhunphentuͤr ein Gaſt. daz er nie Gedolde. doch ſi mazinegeſ mire holte. mit chunſt ſi die arme ſwungen. viw̉erſ bliche vͤz helmen ſprungen. von ir ſw̉erten Gie vil viw̉erſ wint. Got ner daz Gahmureteſ chint. Der wunſh wirt in beiden. dem Getauftem vnde dem haiden. die nande ich ê vur einen. ſuſ begunden ſiz auch meinen. w̉ern ſi ein and̉er bechant. ſine ſazten nih ſo hohev phant. ir ſtrit Galt nih mere. wan freude ſelde vnd ere. ſw̉er da den priſ gewinnet. ob er triwe minnet. w̉ertlich freude er hat v̉erlorn. vnd imm̉er h̉erzen riwe erchorn. weſ ſumeſt du dich Parzifal. daz du an die chiuſchen lieh Gemal. nih Gedencheſt an din wip. wil du behalten hie den lip. d̉er haiden truͤc Geſelleſhaft. dar an doch lac ſin Maiſtev maiſt̉erſhaft. einev daz er minne phlac. diu mit ſtete in ſinem h̉erzen lac. daz and̉er warn ſteine. mit edeler arte reine. in hoch Gemuͦte l̉erten. vnde ſine craft gemerten. Mich muͤt daz d̉er getaufte. an ſtrit vnde an lauͦfte. muͦte vnd an ſtarchen ſlegen. ob im nu nih Gehelfen megen. Condwiramurſ noch d̉er Gral. w̉erlich̉er Parzifal. nu muͤſt du einen troſt noch haben. daz die klaren ſuͤzzen chnapen. karadaiz. vnde Johangrin. diu vil ſchonen kindelin. die bede lebedende truͤc ſin wip. do er iungeſt vmbevienc ir lip. d̉er Getaufte nam an creften zuͦ er Gedaht ez waſ im nih zevruͦ. dinſt wiz an ſin wip die chunginne. vnde an ir w̉erde minne. die er mit ſw̉erteſ ſhinph erranc. daz fiwer vz helme von ſlegen ſpranc. Von Pailrapaier clamide. Tanprunit vn̄d Taſme. den wart hie wid̉er ruͤf giGeben : Am Rand hauchdünn mit Bleistift von einer Hand wohl des 20. Jh.: wegen?. Bezieht sich auf die Lachmann-Ausgabe. parzifal begunde auch phlegen. daz er pailrapeir erſrite. Gondwiramuſ chom bezite. durc niun kuncrich al dar. ſi nam ſin mit minne crefte war. do ſprungen deſ ich wene. von deſ haidenſ ſhilt Groze ſpene. etlich̉er hund̉ert marche w̉ert. von chahauiez daz ſtarche ſw̉ert. mit ſhleGen vf deſ haideinſ helm braſt. ſo daz d̉er chuͦne Riche Gaſt. mit ſtruche venie ſuͤchte. Got deſ nih lang̉er ruͤchte. Daz Parzifal daz rê neme. in ſin̉er hende ſolde er zêmem. daz ſw̉ert er Jt̉ern nam. alſ ſiner Tunphait wol Gezam. d̉er ê nie Geſaic durc ſw̉erteſ ſwanc. d̉er haiden ſnel vf ſpranc. ez iſt noch vngeſhaiden. ze vrtail ſtet ez in baiden. von d̉er hohiſten hende. daz diu ir ſt̉erben wende. d̉er haiden waſ muͦteſ riche. er ſprach do houeſhliche. in fronzoyſ daz er chunde. vͤz haidniſchem munde. ich ſihe wol w̉erlich̉er man. din ſtrit wurde an ~~ſſw̉ert~~ſw̉ert Getan. waz priſeſ beiagt ich dann an dir. ſtant ſtille vnde ſage mir. w̉erlich̉er helt w̉er du ſiſ. vur war du haſt minen briſ. Behapt d̉er lange mich hat Gew̉ert. w̉er dir zerbroſten nih din ſw̉ert. nu ſi von vnſ beiden vride. vnz vnſ Geruwen wol diu lide. ſi ſazen nid̉er vf daz Graſ. Manhait bi zuhten an in beden waſ. vnde ir bed̉er iar von ſolh̉er zit. zeiunc noch ze alt ſi bede vf ſtrit. d̉er haiden zuͦ dem Getauften ſprach. nu Gelaube helt daz ich ſach. bi min̉er zit nie den man d̉er baz den priſ mohte han. den man in ſtrite ſol beiagen. nu ruͤchet helt mir beidev ſagen. dinen namen vnde dinen art. ſo iſt wol bewendet h̉er min vart. do ſprach h̉erzenlauden ſuͦn. ſol ich daz durc vorhte tuͦn. ſon darf ez nieman an mich g̉ern. ſol ich ſin betwungenlichen w̉ern. Der haiden ſprach von Taſme. ſo wil ich mich nennen ê. vnd la daz laſt̉er weſen min. ich bin Feirafiz antſcheuin. ſo riche wol daz min̉er hant. mit zinſe dient manc lant. do diſev rede von im Geſhach. Parzifal zuͦ dem haiden ſprach. wa von ſit ir ein antſcheuin. antſchowe iſt von erbe min. Burge vnd lant vnde ſtet. h̉erre ir ſult durch mine bet. ev an and̉ern namen chieſen ſol ich min lant v̉erlieſen. vnd die w̉erden ſtat ze belzenan. ſo het ir mir Gewalt Getan. iſt vnſ̉er dewed̉er ein Antſheuin. daz ſol ich von arde ſin. doch iſt mir vur war Geſeit. daz ein helt vnủerzeit. won in d̉er haidenſhaft. vnde habe mit rit̉erlich̉er craft. minne vnd priſ behalten. daz er ir bed̉er muze walten. d̉er iſt ze bruͤd̉er mir benant. ſi habent in vur priſ erchant. ab̉er do ſprach Parzifal. h̉erre ew̉erſ Antlutzeſ mal. het ich diu chuntlich erſehen. ſo wurde ev ſchiere von mir v̉eriehen. Alſ mir chunt iſt getan. h̉erre welt irz an mich lan. ſo enblozt ew̉er haubet. d̉er fuſchat pin ich ob ir mirz Gelaubet. min hant evch ſtriteſ Gar v̉erbirt. vnz ez and̉er ſtunt Gewappent wirt. do ſprach d̉er haidniſche man. dinſ ſtriteſ ich wenc angeſt han. ſtuͤnde ich al bloz ſit ich han ein ſw̉ert du w̉erſt doch ſhunphenture Gew̉ert. ſit din ſw̉ert zebrochen iſt. al din w̉erlich̉er liſt. mac dich von tode nih bewarn. ichn welle dich and̉erſ g̉erne ſparn. ê du begundeſt ringen mit ſw̉erte liez ich dringen. beidev durc iſen vnd durc vel. d̉er haiden ſtarc vn̄d ſnel. tet manlich ſite ſhin. ditz ſw̉ert ſol vnſ̉er twed̉erſ ſin. ez warf d̉er chuͦne degen balt. v̉erre hin dan in den walt. ER ſprach ſol nu ſtrit hie ergen. d̉er muͤz an Gelich̉er ſhanz Geſten. do ſprach d̉er riche feirafiz. helt durc din̉er zuhte priſ. ſit du bruͤd̉er ſulſt han. ſo ſage wie iſt er Getan. tuͦ mir ſin ~~antluze~~antlutze erchant. wie dir ſin varwe ſi Genant. do ſprach h̉erzenlauden chint. alſ ein Geſriben b̉ermint. ſwarz blanc h̉er vnde da. alſo nant mir in eccuba. d̉er haiden ſparach daz bin ich. ſi bede do wenc ſumtan ſich. Ietdwed̉er ſin haubet ſhiere. von helm vnde von h̉ernſhiniere. enblozt an d̉er ſelben ſtunt. Parzifal vant hohen vunt. vnde de liebiſten den er ie vant. d̉er haiden ſhier wart erchant. wande er truͤc algeſt̉ern mal. Feirafiz vn Parzifal. mit chuſſe vnd ſtuͦnden haz. in zam auch beiden friuntſhaft daz. dann Gein ein and̉er h̉erzen nit. triwe vnd liebe ſhiet ir ſtrit. d̉er haiden do mit freuden ſprach. O. wol mich daz ich ie geſach. deſ w̉erden Gahmureteſ chint. alle mine Gote deſ g̉ernde ſint. min Gotin iuno ſin mac wol weſen vro. Min creftic Got Juppit̉er. dirre ~~freuden~~ſelden waſ min w̉er. ew̉er craft ich imm̉er minne. Got vnde Gotinne. Geert ſi deſ planeten ſhin. dar inne diu reiſe min. nach auenture wart Getan. Gein dir vorhtechlich̉er ſuzer man. daz mich von din̉er hant Gerauͦ. Geert ſi luft vnde tauͦ. daz hiut en morgen vf mich reiſ. minen ſluzel churteyſ. wol den wiben die dich ſuln ſehen waz den ſelden iſt Geſhehen. ir ſehet wol ich ſpreche baz. ob ich daz chunde ane haz. nun bin ich laid̉er niht ſo wiſ. daz ew̉er w̉erdechlich̉er briſ. mit worten muge Geuellet ſin. Got waiz ab̉er wol den willen min. Swaz h̉erze vnde augen chūnſte hant. an mir diu beidev nih enlant. ew̉ern priſ ſage ich vor ſi volgent nach. daz nie von rit̉erſ hant Geſhach. mir nie ſo groze not ~~v̉erwaz~~v̉erwaiz. dān uon ev ſprach d̉er von kanuoleuz. do ſprach d̉er riche feirafiz. Got hat rehte ſinen vliz. w̉erd̉er helt Geleit an dich. dune ſolt nih mer irzen mich. wir haben doch bede einen vater. mit bruͤd̉erlichen triwen bat er. daz er irzenſ in erlieze. vnde in tuzechlichen hieze. diu rede waſ Parzifale leit. bruͤd̉er ew̉er richeit. dem baruc Gelichet ſich. ſo ſit ir edeler auch dan ich. Min iugent vnd min armuͦt. ſol ſolh̉er loſhait ſin behuͤt. daz ich ev duzen biete. ſwenn ich mich zuhte niete. d̉er von tripalipot. Jupit̉ern ſinen Got. mit worten erte mangen wiſ. er Gap auch vil hohen priſ. ſin̉er Gottine iuno. daz ſi daz wet̉er vugte ſo. da mit er vnd al ſin her. Gein dem lande vnd vf daz mer. lantueſte namen. daz ſi da zuͤ ein and̉er quamen. and̉erſtuͤnt ſi bede deſ nih v̉ergazen. : Kontraktion der Verse 750.11f. ſi butin einand̉er ere. d̉er haiden ſprach do mere. Ich vil dir lazen zwai lant. dienſtlich imm̉er din̉er hant. diu min vat̉er vnde d̉er din erwarp. do d̉er chunc Jſenhart erſtarp. zazamanc vnd azagoͮc. ſin manhait nieman entroͮc. wande daz er lie v̉erwaſen mich. Gein minem vat̉er d̉er Gerich. iſt minhalp noch vnủerchorn. ſin wip da von ich wart Geborn. durc minne ein ſt̉erben nach im choſ. do ſi minne an im v̉erloſ. ich ſehe doch g̉erne den ſelben man. mir iſt zewizzenn Getan. daz nie bezz̉er rit̉er wart. nach im iſt koſtechlich min vart. Parzifal zuͦ zim do ſprach ich bin auch d̉er d̉er in nie Geſach. man ſagt mir Guͤtev w̉erc von im. an mang̉er ſtat ich diu v̉ernim. daz er wol chunde mit ſtriten. ſin priſ d̉er Gie ſo witen. daz w̉erdechait in machet hoch. ellev miſſewende in vloͤch. er waſ wiben vnd̉ertan. ob die triwe chunden han. die lontenſ ane valſchen liſt. da uon d̉er Tauf Geeret iſt. phlag er triwe ane wenchen. er chunde wol v̉erdenchen. ellev valſliche tat. ſinſ h̉erzen ſtete Gap im den rat. daz ruchten ſi mich wizen lan. den chunt waſ d̉er ſelbe man. Den ir ſo g̉erne ſehet. ich wen ir priſeſ iehet. im ob er lebete. wan er nach priſe ſtrebete. ſin dienſt Twanc d̉er wibe lon. daz d̉er chunc Jpomidon. Gein im Tioſtiernſ phlac. diu Tioſt ergie vor baldac. da wart ſin w̉erlichez leben. d̉er minne an den rê Gigeben. wir haben in zereht̉er Tioſt v̉erlorn. von dem wir bede ſin ~~v̉erlorn.~~ Geborn. Owe d̉er vnủerzagten not. ſparah d̉er haiden iſt min vat̉er tot. ich mach wol freude vnd fluſt nu ſehen. vnd auch mit warhait iehen. ich han an diſen ſtunden. freude v̉erlorn vnde vreude funden. ich wil d̉er warhait Griffen zuͦ. beidev min vat̉er vnde duͦ. vnd ich warn al ein. doch ez an drin ſtuchen ſhain. ſwa man ſiht den wiſen man. d̉er enzelt dehaine ſippe dan. zwiſſhen vat̉er vnde den chinden. wil er die warhait vinden. mit dir ſelben haſt du hie Geſtriten. Gein mir ſelben chom ich vf ſtrit Geriten. mich ſelben ich hete nih g̉erne erſlagen. done chundeſt du nih v̉erzagen. dune w̉erteſt mir min ſelbeſ lip. Jupit̉er daz wund̉er ſrip. Din craft tet vnſ helfe chunt. daz vnſ̉er ~~craft~~ſt̉erben vnd̉erſtuͤnt. er lachte vnde wainde Taugen. ſinev ~~haidnichen~~haidniſchen augen. begunden wazz̉er reren. al nach deſ taufeſ ern. d̉er tauf phligt ſolh̉er triwe. ſit vnſ̉er ê diu niwe. nach kriſte wart Genennet. an kriſte iſt triwe erchennet. d̉er haiden ſprach ich ſage ev wie. wir ſuln nih lange ſitzen hie. rit mit mir niht zeủerre. Leiſiern vf die terre. durc din ſhawen von dem mer. het ich daz richeſte her. dem iuno Gap ie ſegelſ luft. mit warhait ane triegenſ Guft. zaige ich dir mangen w̉erden man. d̉er mir dienſtlichen iſt vnd̉ertan. dar ſolt du riten mit mir. parzifal ſprach ſit ir. ſo Gewaltich ew̉err lute. daz ſi ew̉er ~~baten~~baiten hute. vnd alle die wil vnd ir von in ſit. d̉er haiden ſprach ane ſtrit. Wer ich von in ein halbez iar. min bit arm vnde rich vur war. ſin Getorſten nind̉er ch̉ern. geſpiſet wol nach ern. ſint all ir ſhif in d̉er habe. orſ noch bedurfen drabe. ez w̉er durc fundanie. od̉er durch luf an d̉er planie. Parzifal zuͤ dem bruͤd̉er ſin. ſprach ſo ſult ir frowen ſhin. ſehen vnde Groze wunne. von ew̉erm w̉erden chunne. mangen rit̉er churtoyſ. Artuſ d̉er pritonoys. Lit hie bi mit w̉erd̉er diet. von dem ich mich hiute ſhiet. Mit Grozz̉er minnechlich̉er ſhar. wir ſehen da frowen wol Geuar. do d̉er haiden horte da nennen wip. die warn et ſin ſelbeſ lip. er ſprach dar vuͤr mich mit dir. dar zuͤ ſolt du ſagen mir. mere d̉er ich dich frage. ſehen wir vnſ̉er mage. ſo wir zuͤ artuſe chomen. von deſ vuͤr ich han v̉ernomen. daz er ſi priſeſ riche. vnd er uar w̉erdechliche. ab̉er do ſprach parzifal. wir ſehen da frowen lieht Gemal. ſich feiliert nih vnſ̉er vart. wir vinden da vnſ̉err rehten art. lute von den wir ſi erborn. etlich haubet ze crone erchorn. Jr ietdwed̉er do nih lange ſaz. Parzifal deſ nih v̉erGaz. ern holte ſineſ brud̉er ſw̉ert. daz ſtiez er dem degen w̉ert. wid̉er in die ſhaide. do wart von in baiden. zornlich haz v̉ermiten. vnde Geſellechlichen dannan Geriten. E ſi zuͤ artuſ w̉ern chomen. do waſ auch mere von in v̉ernomen. do waſ bi dem ſelben tage. vb̉er al daz h̉er Gemanev chlage. daz parzifal d̉er w̉erde man. ſuſ waſ von in Geſhaiden dan. Artuſ mit rate ſich bewac. daz er vnz an den vierden tac. Parzifalſ da wolte biten. vnde von d̉er ſtat nih riten. Gramoflanzeſ h̉er waſ chomen. den waſ ein wit̉er rinc Genomen. mit Gezelten wol Gezieret. do waſ Geloiſieret. den ſtolzen w̉erden luten. man moht ez den vier bruten. nih baz erbieten mit freuden ſiten. von ſhatel morueile Geriten. Kom ein man zuͤ d̉er ſelben zit. er ſeit alſuſ ez w̉er ein ſtrit. vf dem warthuͦſ in in d̉er ſuͦle Geſehen. ſwaz ie von ſw̉erten waſ Geſhehen. daz iſt Gein diſem ſtrit ein nih. vor Gawan er deſ mereſ giht. da d̉er bi artuſe ſaz. manc rit̉er da mit rede maz. von wem d̉er ſtrit da w̉er Getan. artuſ d̉er chunc ſprach do ſan. den ſtrit ich einhalp wol weiz. in ſtreit min neue von Ganfoleiz. d̉er von vnſ ſhiet hiute vruͤ. do riten auch die zwene zuͤ. Wol nach ſtriteſ ere. helm vnd ir ſhilteſ ere. warn mit ſw̉erten anGerant. jetdwed̉er wol Gelert hant. truͤc diu ſtriteſ mal erwarf. in ſtrite man wol chunſte bedarf. bi artuſeſ ringe hin. ſi riten do wart vil nach in. ~~Geſhawet~~Geſhowet da d̉er haiden reit. d̉er furt et an ſolhev chleit. wol Geh̉erb̉erget waſ daz velt. ſi ch̉erten vur daz hohe Gezelt. Gein Gawanſ ringe. ob man ſiz iht innen bringe. daz man ſi iht G̉erne ſehe. ich wen auch daz da Geſhehe. Gawan chom ſnellechlichen nach. wan er vor artuſe ſach. daz ſi Gein ſim Gezelde riten. d̉er enphie ſi mit vreuden ſiten. ſi heten daz harnaiſch dannoch an. Gawan d̉er ſtolze hofſher man. hiez ſi entwapen ſhiere. ezidemon dem tiere. Waſ Getailet mit d̉er ſtrit. d̉er haiden truͤc ein churſit. dem waſ von ſlegen worden we. daz waſ ein ſarantaſme. dar an ſtuͤnt manc Tiur ſtein. dar vnd̉er ein wapenroch ſhein. hoch Gebildet ſne var. dar an ſtuͤnt her vnde dar. Tiur ſtain Gein ein and̉er die wurme ſalomand̉er. ſi worhten in dem viure. ſi ch̉erten in Auentiure. ir minne ir lant vnd ir lip. diſe zimiere Gab im ein wip. er laiſt auch Gern ir Gebot. beidev in vreuden vnde in not. Diu chungin ſecuntille. ez waſ ir h̉erzen wille. daz ſi im Gap ir richeit. ſin hoh̉er priſ ir minne erſtreit. Gawan bat deſ nemen war. daz diu zimier wol geuar. Jnd̉er wurden v̉erruchet. od̉er iht da von Gerucht. kurſit helm vnd ſhilt. ez het ein armez wip beuilt. an dem wapenroch alein. Tiw̉er warn die ſtein. an ſtuchen allen viern. hochev minne chan wol ziern. Swa richait bi dem willen iſt. vnd and̉er w̉ertlich̉er liſt. d̉er ſtolze riche Feirafiz. truͤc mit dienſte hohen vliz. nach wibeſ hulde vmb daz. daz einev lonſ im nih v̉ergaz. daz harnaiſch wart von im Getan. do ~~ſhaweten~~ſhoweten diſen man. alle die w̉erdeſ chunden iehen. daz mohten ſi da mit warhait ſehen. Feirafiz truͤc froͤmdev mal. Gawan ſprach zuͦ Parzifal. neue tuͦ den Geſellen din. mir chunt er treit ſo ~~hohen pin.~~wehen ſhin. dem ich Gelicheſ nie Geſach. Parzifal zuͤ Gawan ſprach. bin ich din mac daz iſt auch er. deſ ſi Gahmuret din Gew̉er. Ditz iſt d̉er chunc von Zazamanc. min vat̉er dort mit priſe erranc. belicanen diu diſen rit̉er truͤc. Gawan den haiden do Genuͤc. kuſte den richen Feirafiz. er waſ beidiu ſwarz vnd wiz. vb̉er al ſin vel wan da d̉er munt. Gein blaiche tet rote chunt. man braht in beiden ſampt Gewant. daz waſ vuͤr tiure choſt erchant. vz Gawanſ cham̉er truͤc manz dar. do chomen frowen lieht Geuar. diu h̉erzogin liez Gundrie. vnde Saifen chuſſen ê. ſi ſelbe vnd arniue do. chuſten Feirafiz waſ vro. daz er ſo chlare frowen ſach. ich wen im liebe daran Geſhach. Gawan ze Parzifale ſprach. neue din niw̉er vngemach. ſage din helm vnd auch dein ſhilt ev iſt beden ſtritenſ mit Geſpilt. dir vnde dem neuen min. Gein wem erholt ir diſen pin. ezn wart nie h̉ert̉er priſ erchant. ſprach Parzifal minſ brud̉er hant. twanc mich zew̉er in Grozzer not. w̉er iſt ein ſegen vur den tot. vf diſen haidniſchen Gaſt. von ſlegen min ſtarchez ſw̉ert zer braſt. do Tet er cranche vorhte ſhin. er warf v̉erre vz d̉er hant daz ſin. er uorht et an mir ſunde. ê wir Gerechten die chunde. nu han ich ſine hulde wol. die ich mit dienſte g̉erne ~~hol~~dol. Gawan ſprach mir wart Geſagt. von einem ſtrit vnủerzagt. vf ſhahtelmorueile man ſiht. ſwaz inren vier milen Geſhiht. in d̉er ſuͤle vf minem warthuͦſ. do ſprach min Ohain Artuſ. d̉er da ſtrit deſ ſelben malſ. daz w̉erſtu neue von kingriualſ. du haſt diu warn mer braht. dir waſ d̉er ſtrit doch vor Gedaht. nu Gelaube daz ich dir ſage. din w̉er hie Gebiten zwen tage. mit groz rich̉er hochzit. mich muͦt ew̉er bed̉er ſtrit. da ſult ir ſin mit triwen nach. ſit ab̉er ſtrit von ev Geſhac. ir erchennet ein and̉er deſt̉er baz. nu kieſet vriuntſhaft vur den haz. Gawan deſ Tageſ az deſt̉er ê. do ſin neue von Taſme. Feirafiz antſheuin. dannoch vaſt vnd d̉er bruͤd̉er ſin. von palmat wit vnd lanc. d̉er wart ein vmbeuanc. Gult̉er mang̉er kunne. von palmat niht zedunne. wurden da d̉er mat̉raiz tach. Tiuren phelle man drufe geſteppet ſach. beidev lanc vnd breit. diu h̉erliche richeit. wart da ze ~~ſhowen~~ſhawen vur Getragen. do ſluͤc man vf ſuſt hort ich ſagen. von phelle niwev ruchelachen. mit rilichen ſachen. Gein ein and̉er niwe ſit. dar vnd̉er ſlehte pulmit. mit Gult̉er v̉erdechet. ruchelachen dar vnd̉er Geſtrekchet. d̉er rinc begreif ſo wit ein velt. da w̉ern Geſtanden vierzech gezelt. ane Gedrenge d̉er ſnuͤre. vnbeſhadenlichen ich vuͦre. Wolde ich diſe auenture vurbaz han. do enbot min h̉er Gawan. ze hof artuſ mere. w̉er da chomen w̉ere. d̉er riche haiden w̉ere da. den diu haidnin eccuba. ſo briſte bi dem blimizol. Jofrit Fiſcidol. artuſe mere ſagete. deſ er freude vil beiagete. Jofreit bat in ezzen vruͦ. vnde klarlichen griffen zuͦ. mit rit̉ern vnd mit frowen ſhar. vnde houeſchlichen chomen dar. daz ſiz ſo ane viengen. vnde w̉erdechlichen ~~Geviengen.~~enphiengēn. deſ ſtolzen Gahmureteſ chint. ſwaz hie ſtolz̉er lute ſint. die bringe ich ſprach d̉er pritoyſ. Jofreit ſprach er iſt ſo churtoyſ. ir muget in alle g̉erne ſehen. ir mugt wund̉er an im ſpehen. ER v̉ert vz Grozz̉er richeit. ſinev wappenlichev chleit. nie man v̉erGelten mohte. dehain̉er hant daz dohte. Jouer pritanie vnd engenlant. von pariſ vnz an wiz lant. der da Geuailte inne al die terre. ez w̉er ienem Gelte verre. Jofreit waſ wid̉er chomen. von dem het artuſ v̉ernomen. wie er w̉erben ſolde. ob er enphahen wolde. ſinen neuen den chuͦnen heiden. daz ſitzen daz wart in beiden. an deſ chuͦnen Gawanſ ringe. mit vil hofſlichem dinge. die Maſſenie diu h̉erzogin. vnd die Geſellen vnd̉er in. zuͤ Gawanſ Geſelle ſazen. and̉erhalp mit frowen azen. Rit̉ern vnd d̉er chlainen diet. den frowen ſitzen man beſhiet. vb̉er Gein Gawan an den ort. ſazzen chleine frowen dort. d̉er waſ vil mangev lieht Gemal. Feirafiz vnd d̉er lieht Parzifal. ſazen en mitten zwiſhen den frowen. man moht da chlarhait ~~ſhawen~~ſhowen. d̉er Turchoyde floriant. vnd ſaife diu w̉ert erchant. vnd d̉er h̉erzoge von Goủerzin. vnd Gundrie daz wip ſin. vb̉er Geinanand̉er ſazen. ich wen ſi deſ iht v̉erGazen. Gawan vnd Jofreit. ir alten Geſellecheit. ſi azen da mit ein and̉er. diu h̉erzogin mit blichen ~~chander~~chlander. mit d̉er chungin arniue az. Jtonie do da nih v̉ergaz. ir vil ſuzen Geſellecheit. warn ſi ein and̉er vil bereit. Bi Gawan ſaz ſin ane. Orguluſe vz̉erhalp h̉er andan. do erzaigte diu reht vnzuht. von dem ringe ein ſnelle fluht. man truͤc beſhaidenlichen dar. den rit̉ern vnde d̉er froͮwen ſhar. ir ſpiſe vil zuhtechliche. Feirafiz d̉er haiden riche. ſprach ze parzifal dem bruͦd̉er ſin. Juppit̉er d̉er raiſe min. mir zegrozzen ſelden het Gedaht. daz mich ſin helfe h̉er hat braht. daz ich die minen w̉erden mage ſihe. von reht̉er ſhulde ich priſeſ gihe. minem vat̉er den ich han v̉erlorn. d̉er waſ vz rehtem priſ erchorn. Der waleiſ ſprach ir ſult noch ſehen. lute den ich priſeſ Genuͤc muͤz iehen. bi artuſ dem haubet man. mangen rit̉er manlich Getan. ſwie ſhier ditz ezzen nu erget. vnlange ez darnach geſtet. vnz ir die w̉erden ſehet chomen. an den vil priſeſ iſt v̉ernomen. ſwaz Tauelrund̉er craft iſt bi. die ſitzent hie niun rit̉er dri. d̉er wirt ſprach ze Jofreit. etſwenn ich auch den priſ erſtreit. daz man min drub̉er Gerte. deſ ich ſo Gew̉erte. ſi namen die Tiſhe hin dan. vor al den frowen vnde vor den man. daz waſ zit do man Gaz. Gawan d̉er wirt do nih lang̉er ſaz. Diu h̉erzogin vn̄d auch ſin anen. begunden biten vnde manen. daz ſi die chlaren ſaifen. vnde auch die ſuͤzen Gundrien. nemen vnde Giengen dar. al da d̉er haiden blancgeuar. ſaz vnde daz ſi phlegen ſin. Feirafiz antſheuin. ſach diſe frowen Gein im gen. Gein den begunde er vf ſten. alſo tet ſin bruͤd̉er parzifal. diu h̉erzoginne lieht Gemal. vnd Feirafizen an die hant. ſwaz froͮwen vnde rit̉er uant. ſtende die bat da ſitzen alle. do rait dar zuͦ mit ſhalle. Artuſ mit den ſinen. man horte da uil buſinen. Tanburn Floitiern ſtieuen. d̉er kunginne ſun arniuen. rait dar zuͦ mit crache. dirre vrolichen ſache. Iach d̉er haiden vuͤr richev dinc. ſuſ rait er an Gawanſ rinc. Artuſ mit ſime wibe. vn̄d mit mangem chlarem libe. mit rit̉ern vnd mit frowen. d̉er haide mohte ſhawen. daz auch da luͤte warn. iunc mit ſolhen iarn. daz ſi phlagen varwe glanz. waſ d̉er kunc Gramoflanz. dannoch artuſeſ phlege. do rait auch vf dem ſelbem wege. Jtonie ſin Amie. diu ſuͤzzev valſheſ vrie. Do erbaizt d̉er Tauelrund̉er ſhar. mit mang̉er frowen lieht Gevar. Ginof̉er hiez do Jtonie. irn neuen den haiden chuſſen e. ſi ſelbe do dar nah̉er Gienc. Feirafiz ſi mit chuſſe enphienc. Artuſ vnd Gramoflanz. mit triwelich̉er liebe Ganz. enphiengen ſi den haiden. do wart von in beiden. mit dienſte erboten ere. vnde ſin̉er mage mere. Jm taten Guͦten willen ſhin. Feirafiz entſhevin. waſ da ze Guͦten vriunden chomen. daz het er ſhier an in v̉ernomen. nid̉er ſaz wip vnde man. vnd manc maget wol getan. wolde er ſichs vnd̉er winden. etſlich rit̉er moht da vinden. ſuͤzev wort von ſuͤzem munde. ob er minne w̉erben chunde. Die bet lie Gar ane haz. mangev chlarev frowe diu ~~daz~~da ſaz. Guͦt wip man nie Gezurnen ſach. ob w̉ert man nach ir helfe ſprach. ſi hat v̉erſagen vnde Gew̉ern enphor. giht man freuden iht vrbor. den zinſ muͤz warev minne Geben. ſol w̉erd̉er man mit freuden leben. da ſaz d̉er dienſt vn̄d d̉er lon. ez iſt ein hofſlich̉er don. ſwa vriundin rede wirrt v̉ernomen. diu vriundin mac zeſtaten chomen. Artuſ zuͦ Feirafizen ſaz. ir ietdwed̉er do v̉ergaz. niht ſi teten vrage ir reht. mit ſuͤzer Gegenrede ſleht. Artuſ ſprach nu lob ich Got. daz er diſe ere vnſ erbot. daz wir dich hie Geſehen han vz haidenſhefte Gevuͤr nie man. vf Taufphlegenden landen. den mit dienſtlichen handen. ich G̉erne dienſteſ w̉erte. ſwaz deſ din wille g̉erte. Feirafiz zuͤ artuſe ſparach. al min vngeluche brach. do diu Gotinne Juno. mit ſegel wet̉er vugt alſo. in diſev weſt̉er riche. du Gebareſt vil Geliche. einem man deſ w̉erdecheit. iſt minen mern harte breit. biſt du Artuſ genant. ſo iſt din nam verre erchant. Artuſ ſprach er eret ſich. ſw̉er mich Gebriſet wid̉er dich. vnd Gein andren luten hat. ſin ~~ſelbe~~ſelbes zuht Gap im den rat. mer dann ich ez Gedient han. er hat es durc hofſheit Getan. Ich bin artuſ Genant. vnde het auch G̉erne erchant. wie du chomen ſiſt in diz lant. hat dich vriundin vz Geſant. diu muͤz ſin vil Gehiure. ob du durc Auentiure. alſ v̉erre biſt Geſtrichen. iſt ſi ir lonſ vngeſwichen. daz hohet wibe dienſt noch baz. etſlichev wip enphiengen haz. von ir dienſteſ Gebietere. ob dir vngelonet w̉ere. ez wart al and̉erſ v̉ernomen. ſprach d̉er haiden. nu hoͤr auch min chomen. ich fuͤr ſo creftigez her. daz Troyiere lant w̉er. vnde ien die ſi beſazen. muͦſen rumen mir die ſtrazen. ob ſi bedenthalp noch lebeten. vnde ſtriteſ Gein mir ſtrebeten. ſin mohten ſigeſ nih erholn. ſi muͦſten Schunphenture doln. Von mir vnde von den minen. ich han manGen pinen. beiagt mit rit̉erlich̉er tat. daz min nu Gnade hat. diu chungin Secuntille. ſweſ diu Gert daz iſt min wille. ſi hat Geſetzet mir min leben. vn̄d vnde hiez mich miltechlichen Geben. vnde Guͤte rit̉er an mich nemen. deſ ſol mich durc ſi Gezemen. daz iſt alſo ergangen mit ſhilt iſt beuangen. iſt ze ingeſinde mir benant. manc rit̉er w̉ert erchant. da enGein iſt minne min lon. ich trage ein ezidemon. vf dem ſhilt alſ ſi mir Gebot. ſwa ich ſid̉er chom in not. ze hant ſo ich an ſi Gedahte. ir minne mir helfe brahte. diu waſ mir bezz̉er ſtriteſ w̉er. dann min Got Juppit̉er. ARtꝰus ſprach von dem vat̉er din. Gahmureten dem neuen min. iſt ez din vollechlich̉er art. in wibe dienſt din v̉errev vart. ich wil dich dienſt wizzen lan. daz ſelten Grozz̉er iſt Getan. vf erde dehainen wibe. ir minnechlichem libe. ich main die h̉erzoginne. diu hie ſitzet nach ir minne. iſt waldeſ vil v̉erſwendet. ir minne hat Gephendet. an vreuden mangen rit̉er Guͦt. vnd im erwendet hohen muͤt. er ſagt im ane langen Gar. vnde auch deſ Glinſorſ ſhar. ſi ſazen in allen ſiten. vnde von den zwain ſtriten. die parzifal ſin bruͦd̉er ſtreit. ze ſhoffanze vf dem ang̉er breit. vnde ſwaz er and̉erſ het eruarn. da er den lip nih chunde ſparn er ſol ditz ſelbe machen chunt. er ſhucht einen hohen vunt. nach dem Grale ſucht er. von eu beiden iſt daz min ger. vnd ſagt mir luͤt vnde lant. diu ev mit ſtate ſin bechant. d̉er haiden ſprach ich nenne ſi. die mir die rit̉er vuͤrnt hie. Der chunc papiruſ von Traigediente. vnde d̉er Graue beathemiſ von colomidiente. d̉er h̉erzoge. Farielaſtiſ von valſke. vnde d̉er kunc lidamuſ von egippe. Jch hete ein dinc vuͤr ſchande. iehe man in minen lande. daz dehain rit̉er bezz̉er mohte ſiſin. danne Gahmuret Antſheuin. d̉er ie orſ vb̉er ſhrite. ez waſ min wille vnde auch min ſite. daz ich in ſuͤchte vnz daz ich in funde. ſit Gewan ich ſtriteſ chunde. von minen zwain land̉er her. vurt ich creftich vf daz mer. Gein rit̉erſhaft het ich muͦt. ſwelch lant waſ w̉erlich vnde Guͦt. daz twanc ich min̉er hende. vnz v̉erre in daz ellende. Do w̉erten mich ir minne. zuuͦ riche chunginne. polimpie vnd Clauditte. Secuntille iſt nu diu dritte. ich han durch diu wip vil Getan. hiut alreſt ich chunde han. daz min vat̉er were tot. min bruͤd̉er chlagt auch ſin not. do ſprach d̉er w̉erde Parzifal ſit ich ſhiet von dem Gral. ſo hat min hant min hant mt ſtrite. in Gedrenge vnde ind̉er wite. vil rit̉erſhaft erzeiget. vn̄d etlichs priſ Geneiget. d̉er deſ vil vngewent waſ ie. ein teil ich ir benenne hie. Von Liriuoin Scriniel. vnd von Auentroin ſin bruͤd̉er Miradel. d̉er Graue Minadaſ. ditz erGe~~Gie~~Gie da Turniern waſ. die wil ich von dem Grale reit. ſolde ich Gar nennen daz ich ſtreit. daz w̉ern vnchundev zil. durc not ich muͤz v̉erſwigen vil. ſwaz mir chunt iſt Getan. die ich wenc hie Genennet han. d̉er haiden waſ von h̉erzen vroͤ. daz ſinſ bruͤd̉er dinc alſo. ſtuͤnt daz ſin hant erſtret. ſo mange hohe w̉erdecheit. deſ danct er im ſere. er het ſin ſelbe auch ere. Innen deſ hiez tragen Gawan. alſ ez vnwizzende wer Getan. deſ haiden zimier in den rinc. ſi bruͤftan ſi da vuͤr Grozev dinc. rit̉er vn̄d auch die frowen. begunden alle ſhawen. den wapenroch den helm den ſhilt daz kurſit. d̉er helm waſ zenge noch zewit. ſi briſten alGemeine. die Tiurn edelen Geſteine. die dran v̉erwerret lagen. nun darf mich nieman fragen. von ir art wie ſi w̉ern. die liehten vnde die ſw̉ern. ev hete baz beſhaiden deſ. Eracliuſ od̉er Erculeſ. vnd d̉er crieche alexand̉er. vnd dannoch ein and̉er. d̉er wiſe pitagoraſ. d̉er ein aſtronomiguſ waſ. vnde ſuſ ſo wiſe ane ſtrit. nieman ſit Adameſ zit. moht im Gelichen ſin tragen. er chunde baz von ſteinen ſagen. Die ~~frowen~~frawen runten da ſwelch wip. da mit zierte ſinen lip. het er Gein ir Gewenchet. ſo w̉er ir priſ v̉er*vercrenchet. etlichev waſ im doch ſo holt. ſi het ſin dienſt wol Gedolt. ich wen durc ſinen fromden mal. Gramoflanz. Artuſ vnde parzifal. vnde d̉er wirt Gawan. die viere Giengen ſund̉er dan. den frowen wart beſhaiden. in ir phlege d̉er riche haiden. artuſ warp ein hoch zit. daz diu deſ morgenſ ane ſtrit. vf dem velde ergienge. daz man da mit enphienge. ſinen neuen Feirafiz. an den Gewerp legt ew̉ern vliz. Vnde ew̉er beſte wizze. vnd daz er mit vnſ beſitze. ob d̉er Tauelrund̉er. ſi loptan al beſund̉er. ſi wurbenz w̉er ez im nih leit. do lopt in da Geſellecheit. Feirafiz d̉er riche. daz volc vuͤr algeliche. do man Geſhancte an ſin Gemach. manc freude da Geſhach. deſ morgenſ ob ich ſo ſprechen mac. do erſhain d̉er ſuͤze ſuͤm̉ertac. Vter pantroGuneſ ſuͦn. Artuſ ſparach man ſol ſuſt tuͦn. er vͦpte koſtechliche. eine Tauelrunde riche. vͤz einem diataſme. ir habet wol Gehoret ê. wie vf dem plimizolſ plan. ein Tauelrund̉er wart Getan. da wart diſev nach geſniten. ſinuel mit ſolhen ſiten. ſi erGazte Rilichev dinc. ſinuel man drunbe nam den rinc. vf ein Tauwec gruͤne Graſ. da wol ein poynd̉er landeſ waſ. von ſedel ein Tauelrund̉er. da enmitten ſtuͤnt beſund̉er. nih durc den nuz er den namen. ſich moht ein boſ̉er man wol ſhamen. ob er da bi den w̉erden ſaz. die ſpiſe ſin munt mit ſunden az. d̉er rinc wart bi d̉er ſhoͤnen naht. wol Gemezzen vnde Gedaht. wol nach rit̉erlichen ziln. ez moht einen armen chunc wol beuiln. alſ man den rinc Gezieret vant. do d̉er mitte morgen waſ bechant. Gramoflanz vnde Gawan. von in diu choſte wart Getan. artuſ waſ deſ landeſ Gaſt. ſin̉er choſte doch da nih Gebraſt. ez iſt ſhelten worden naht. wan ez d̉er ſunnen iſt Geſlaht. ſinen breht den tac ie dar nach. al daz ſelbe da Geſhach. er erſhein in ſhoͤn̉er ſuͤze luͤt̉er klar. do ſtreich manc rit̉er wol ſin har. dar vf von bluͦ men ſhappel. manc vngeuelſchtez froͮwen vel. man da bi roten munde ſach. ob kiot die warhait ſprach. rit̉er vnde froͮwen truͤgen Gewant. nih Geſniten in einem lant. Froͮwen Gebende nid̉er hoch. alſ ez nach ir lande wiſe zoch. ez waſ ein wit Geſamnot diet. durc daz ſich ir ſit vnd̉erſhiet. ſwelch frowe waſ ſund̉er Amiſ. diu Getorſte nih dehain wiſ. vb̉er Tauelrund̉er chomen. het ſi dienſt nach ir lon Genomen. vnd Gap ir lonſ ſich̉erheit. an Tauelrund̉er ſi reit. die andren muͦſenz lazen. in ir h̉erb̉erge ſi ſazen. Do artuſ meſſe het v̉ernomen. man ſach Gramoflanzen chomen. vnd den h̉erzogen von Gowerzin. vnd florianden den Geſellen ſin. die zwene G̉erten ſund̉er. phliht ob d̉er Tavelrund̉er. Artuſ w̉ert ſi deſ ſan. vrage ich wip od̉er man. w̉er truge die richeſten han d̉er ie von ~~d̉er haiden lant.~~dehainem lant. vb̉er Tauelrund̉er Geſaz. ir mugt ez nih beſhaiden baz. ez waſ feirafiz antſcheuin. da mit lat die rede ſin. ſi zogten Gein dem ringe. mit w̉ertlichem dinge. etſlich frowe wart Gehurt w̉er ir phert nih wol Gegurt. ſi w̉er Geuallen ſhier. manc richev panier. ſach man zalllen ziten chomen. do wart d̉er puhurt wit Genomen. al umbe d̉er Tauelrund̉er rinc. ez warn hofſlichev dinc. daz dehein̉er an den rinc reit. daz uelt waſ vzerhalp ſo breit ſi mohten diu orſ erſprengen. vnd ſich mit hurte mengen. vnde idoch mit chun alſo. chun: Zu tief in den Bug geschrieben. Das zu erwartende riten hat keinesfalls mehr Platz. daz diu wip zeſehen warn vroͤ. ſi chomen auch da ſie ſazen. al die w̉erden aze kamerere Truhſezen ſenchen. muſten daz wol bedenchen. wie manz mit zuhten vuͤr truͤc. xvij. ich wen man Geb in da Genuͤc. etſlich frowe hete priſ. diu da ſaz mit ir amiſ. mangev mit h̉erzen g̉ernd̉er art. Gedient wart mit hoh̉er tat. Feirafiz vn̄d ~~parzifal~~Parzifal. heten liehtev mal. iene froͮ vnde diſ man ſach vf ach̉er vnde vf wiſ. ~~lehtez~~liehtez vel noch roten munt. ſo man Gen nie zedehain̉er ſtunt. Alſ man an dem ringe vant. deſ wart dem haiden freude erchant. wol d̉er chunftechlichen ſage. Geeret ſin die ſuzen ſuͦm̉er tage. alſ von ir munde wart v̉ernom̄en. man ſach eine iuncfrowen chomen. in chleid̉ern Tiur wol Geſniten. koſtechliche nach fronzoyſer ſiten. ir chappe ein vil rich̉er ſamit. noch ſw̉erzer dann ein Timit. Arabiſchez Golt Gap drufe ſchin. wol Geworht manc Turteltuͤbelin. Nach dem inſigel deſ Graleſ. ſi wart deſ ſelben maleſ. vil Geſhawet durc wund̉erſ g̉er. nu lat ſi haiſiern her. ir Gebende waſ hoch vnd blanc. mit mangem dichem vmbevanc. waſ ir anluze bedechet. vnde nih zeſehen enblechet. Senftechlichen vnde doch wol enzelt. kom Geriten vb̉er velt. ir zaum ir ſatel ir runzit. waſ rich vnde Tiur an allen ſtrit. man lie ſi an den ziten. an den rinc riten. diu wiſe niht diu Tumbe. rait den rinc al umbe. man ſagt ir da artuſ ſaz. Gein dem ſi gruͤzenſ nih v̉erGaz. in fronzoyſ waſ ir ſprache. ſi warte daz ein rache. vf ſi v̉erkorn were. vnde daz man hort ir mere. Den chunc vnde die kungin. bat ſi helf vnd an ir rede ſin. ſi ch̉ert von in alze ~~hante~~hant. da ſi parzifaln ~~vante~~vant. bi artuſ nahen. ſi begunde ir ſprungeſ gahen. von dem phert vf daz Graſ. ſi viel mit zuht diu an ir waſ. parzifal an ſinen vuͤz. ſi warp alwainende ſinen gruͤz. daz er zorn Gein ir v̉erluͤr. vn̄d in allen wiſ Gein ir v̉erkuͤr. artuſ vnde feirafiz. an den Gew̉erp leten ſi ir vliz. parzifal truͤc Gein ir haz. durc friunde bet er deſ v̉erGaz. mit triwen ane vare. diu w̉erde nih diu chlare. ſnellich wid̉er vf ſpranc. ſi neic in vnde ſeit in danc. Die ir nach grozz̉er ſhulde. Geholfen hetan hulde. ſi want mit ir hende. ab dem haupte daz Gebende. ez w̉er bezele od̉er ſnurrinc. daz warf ſi von ir in den rinc. Gundrie Laſurziere. wart da bechennet ſhiere. vnde deſ Graleſ wappen daz ſi truͤc. daz wart ~~beſhawet~~beſhowet da Genuͤc. ſi vurt auch noch den ſelben lip. den ſo manc man vnde wip. ſach zuͤ dem plimizol chomen. ir hapt ir antlutze wol v̉ernomen. ir augen ſtunden dannoch da Gel alſ ein Topazia. IR zende lanc ir munt Gap ſhin. al ein viol ~~weiten~~weitin. wan ſi truͤc Gein priſe muͤt. ſi vuͤrt an not den Tiurn huͤt. vf den plimozolſ plan. diu ſunne het ir nih Getan. diu nemoht ir vel durc daz har. niht v̉erſelwen mit ir blicheſ var. ſi ſtuͤnt mit zuhten vnd ſprach. deſ man vur hohev mere iach. an d̉er ſelben ſtunde. ir rede ſi ſuſ begunde. O wol dir Gahmureteſ ſuͦn. Got wil Genade an dir tuͦn. ich main d̉er h̉erzenlaude bar. Feirafiz d̉er vech Geuar. ſol mir willechomen ſin. durc Secuntillen die frowen min. vnd durc mange hohe w̉erdecheit. die von chindeſ iugent ſin priſ erſtreit. Zvͦ Parzifal ſprach ſi do. nu wiſ chiuſh vnde dar zuͦ vroͤ. wol dich deſ hohiſten taileſ. diu crone menſlichen heileſ. daz epitafium iſt Geleſen. du ſolt deſ Graleſ h̉erre weſen. Gonduwiramurſ daz wip din. vnde din ſuͤn Loherangrin. ſint beidiu mit dir dar Genant. do du rumteſt priabarz daz lant. zwene ſuͦn ſi do lebende truͤc. kardiez Gewinnet auch dort Genuͤc. w̉er dir nih mer ſelden chunt. wan daz din warhaft̉er munt. den w̉erden vnde den ſuͤzen. mit rede nu ſol Gruͤzen. den chunc Anfortaſ nu nert. dineſ mundeſ frage diu im w̉ert. ſuſhtebarn iam̉er groz. wa wart an ſelden ie din Genoz. Siben ſt̉erne ſi do nande. haidniſchen die nieman bechande. wan d̉er riche w̉erde Feirafiz. d̉er vor ir ſaz ſwarz vnde wiz. ſi ſparach nu bruͤue Parzifal. d̉er hohiſten planeten zal. vnde d̉er ſnelle almuſteri. Armuret vnd d̉er lieht Samſi. die erzaigeten ſelechait an dir. d̉er vierde haizet Gofir. ſo haizet d̉er vunfte AcAlcumer. vnd vnſ naheſt achater. ich ſprich ez nih in traume. die ſint deſ firmamenteſ zaume. die enthaltent ſine ſnelheit. ir criech Gein ſime lauf ie ſtreit. ſorge diu iſt din halp nu weiſe. ſwaz d̉er planeten reiſe. Vmbelaufet vnde ir ſhin bedechet. deſ ſint dir zil Geſtechet. ze raichen vnd ze w̉erben. din riwe muͤz v̉erd̉erben. wan vnkuſch alein. vnkuſch: Es folgt kein "e" mehr. d̉ern Git dir nih Gemein. d̉er Gral vn̄d Graleſ craft. v̉erbietent valſch Geſelleſhaft. du heteſt iunge ſorge erzogen. die hat chunclich freude an dir betroge du haſt d̉er ſelden ruwe erſtriten. vnd deſ libeſ freude in not erbiten. Parzifaln ir mereſ nih v̉erdroͤz. vor liebe vz ſinen augen vloͤz. wazz̉er h̉erzen vrſprinc do ſprach er ~~vrowe~~vrawe ſolhev dinc. alſ ir hie hapt Genennet. bin ich vor Got erchennet. ſo daz min ſundehaft̉er lip. han ich chint vnd dar zuͤ wip. ſuln diu mit mir phliht han. ſo hat Got wol zuͤ mir Getan. Swa mit ir mich ergetzen megt. da mit ir ew̉er triwe regt. Jdoch het ich nih miſſetan. ir hetet mich zornſ etſhwenn erlan. nune waſ ez dannoch nih min heil. nu Gept ir mir ſo hohen teil. da uon min truren ende hat. die warheit ſeit mir ew̉er rat. do ich ze Muntſhaluaſche waſ. bi dem trurigen anfortaſ. ſwaz ſhilt ich do da hangen vant. die warn Gemalt alſ ew̉er Gewant. vil Turteltuben tragt ir hie. nu ſagt mir wenne od̉er wie. ſol ich Gein minen freuden varn. vnd lat mich daz lang̉er nih enſparn. do ſprach ſi lieb̉er h̉erre min. nieman ſol din Gelaite ſin. Got vnde Gelaiteſ wart an mich. dun darft nih lang̉er ſumen dich. Vb̉er al daz mere wart v̉ernomēn. Gundrie w̉ere chomen. vnd daz ir mere mainde. Orguluſe vor liebe wainde. daz diu frage von parzifale. die Anfortaſſeſ quale. ſolde machen wendec. Artꝰus d̉er priſeſ Genendec. zuͤ Gundrien mit zuhten ſprach. ~~frowe~~frawe nu vart an ew̉er Gemach. Lat ew̉er phlegen lert ſelbe wie. ſi ſprach iſt arniue hie. ſwelch Gemach mir diu Git. deſ wil leben diſe zit. vnz daz min h̉erre von hinnan vert. iſt ir diu vancnuſſe erw̉ert. So erlaubet daz ich muze ſhawen. ſi vnde froͮwen. den Clinſor tailte ſine var. mit vancnuſhe manc iar. zwen rit̉er huͤben ſi vf daz ph̉ert. zuͤ Arniuen rait diu maget w̉ert. nu waſ auch zit daz man da az. Parzifal bi ſinem bruͤd̉er ſaz. dem bat er Geſellecheit. Feirafiz waſ im bereit. an den ſelben ziten. Gein muntſhaluaſce riten. ſi ſtuͤnden vf vb̉er al den rinc. Feirafiz warp hohev dinc. er vragte den chunc Gramoflanz. ob diu ſuͦne w̉ere Ganz. zwiſhen im vnd d̉er nifteln ſin. daz er daz tete an im ſhin. helfet ir vnd Gawan. ſwaz wir chunge od̉er vurſten han. britun vn and̉err furſten Gar. daz dehain̉er hinnan var. E ſi min cleinode ſehen. mir w̉er ein laſt̉er dran Geſhehen. ſhiede ich von Gabe hinna vri. ſwaz hie varndeſ volcheſ ſi. die warten alle Gabe an mich. artuſ nu wil ich biten dich. daz den hohen nih v̉erſmahe. min Gew̉erbeſ Gabe. vnde wiſ deſ ~~*ſt̉er*~~laſt̉ers vur ſi phant. : Korrektur: Die Buchstaben stehen zum Teil auf Rasur, der letzte, nicht mehr lesbare Buchstabe wurde mit einem runden "s" übermalt. ſin erchantan nie ſo riche hant. vnde Gip mir boten in mine habe. da d̉er p̉reſente ſol chomen abe. do enbuten ſi dem haiden ſin enwolten ſich nih ſhaiden. von dem velde inren vier tagen. d̉er haiden wart vroͤ hoͤr ich ſagen. Artuſ im im wiſe boten gap. die er ſolde ſenden in daz hap. do nam Gahmureteſ chint. Tincten vnde permint. ſin̉er ſrift worzaichen nih v̉erdarp. ich wen nie brief ſo vil erwarp. Die boten vurn mit ende dan. Parzifal ſin rede huͤp al ſuſ an. mit zuhten er zin allen ſprach. alſ Treuereſchent da vornen iach. daz den Gral ze dehain ziten. nieman moht erſtriten. wan d̉er von Got iſt dar benant. daz chom mere vb̉er ellev lant. dehain ſtrit moht in erw̉erben. dehain: Am Original nachlesen, ob eine Korr. vorliegt. dehain: Der Schreiber hat gepatzt, einen zu langen Strich radiert. Ich werte das nicht als Korr. vil lute lie da v̉erd̉erben. nach dem Grale Gew̉erbeſ liſt. da von er noch ~~v̉erd~~v̉erborgen iſt. Parzifal vnd feirafiz. diu wip da lerten iam̉erſ ~~liſt.~~fliz. ſi heten vng̉erne v̉ermiten. in diu vier ſtuche deſ h̉erſ ſi riten. ſi namen vrlaup zuͤ all̉er d̉er diet. Jetdwed̉er dannan mit freuden ſhiet. Gewappent wol Gein ſtriteſ w̉er. an dem vierdem tage vz deſ haidenſ her. wart ze ſhoffanze braht. daz nie Grozz̉er Gabe wart erdaht. ſwelh̉er chunc da ſin̉er Gabe enphant. daz half imm̉er mer daz lant. iegeſlich man nach d̉er maze ſin. wart nie Grozzer Gabe ſhin. den frowen riche riche p̉reſente. von trient vnde von novrigente. Aventiw̉er wie Parzifal. van got beſezen hat den gral. deſ er herlichen wielt vnd in vnz an ſein ende behielt Ichn waiz wie daz h̉er ſich ſhaide hie. Gundrie vnd ſi zwene hin riten ſie. Anfortaſ vnde die ſine. von iam̉er dolten pine. ir triwe liez in in d̉er not. vil diche er warp dazz in den tot. d̉er w̉er auch ſhier an im Geſhehen. wan daz ſi diche in liezen ſehen. den Gral vnde deſ graleſ craft. er ſprach zuͤ ſin̉er rit̉erſhaft. ich weiz wol phleget ir triwe. ſo erbarmet ev min riwe. wie lange ſol ditz an mir w̉ern. welt ir ev ſelben rehteſ gern. ſo muͤzt ir mich Gelten vor Got. ich ſtuͤnt ie Gerne zuͤ ew̉erm Gebot. deſ ich von erſte wappen truͤc. ich han engolten deſ Genuͤc. ob mir ie vnbriſ geſhach. vn̄d ob daz ew̉er dehan̉er ſach. ſit ir von vntriwen bewart. ſo loſet mich durc deſ himelſ art. Vnde durc deſ himelſ orden. ir ſit deſ wol innen worden. ob ez ev niht v̉erſmahte. daz ich die bede brahte. vnủerzagt vf rilichev w̉erc. ich beidev tal vnde berc. mit mang̉er Tioſt vb̉er zilt. vnde mit dem ſw̉ert alſo ~~Gezilt.~~Geſpilt. daz ez die vinde an mir v̉erdroz. ſwie chlain ich deſ Gein ev Genoz. ich freuden ellende. zuͤ dem vrtaillichem ende. bechlagt ich ein evch alle. ſo nahent ez ew̉erm valle. irn lat mich von ev ſhaiden. min chunb̉er ſolt ev laiden ir habet Geſehen vnde wol v̉ernomen. wie mir iſt daz vngeluche chomen. waz Tauc ich ev zeherren nuͤ. ez iſt ev laid̉er al zevruͤ. wirt ew̉er ſele an mir v̉erlorn. waz ſiteſ habt ir an evch erchorn. Si heten trurenſ in erloſt. wan d̉er Troſtliche troſt. den Treuerezent dort vorn ſprach. alſ er an dem Grale Geſriben ſach. ſi warten and̉erſtunt deſ man. dem al ſin freude da entran. d̉er helflichen ſtunde. d̉er fragte von ſinem munde. d̉er chunc ſich diche deſ bewac. daz er mit plinzenden augen lac. etſwenne Gein vier tagen. ſo wart er zuͤ dem Gral Getragen. ez w̉er im liep od̉er leit. ſo twanc in diu ſich̉erheit. daz er diu augen vf ſwanc. ſo muͤſ er an ſinen danc. leben vnde nih erſt̉erben. ſuſt chunden ſi mit im w̉erben. vnz an da*den Tac daz Parzifal. vnd Feirafiz d̉er uech Gemal. mit freuden vf Muntſaluaſche riten. nu het diu wile deſ erbiten. Daz marſ vnde Juppit̉er. warn chomen wid̉er her. al zornec mit ir laufe. do waſ er d̉er v̉erchaufte. ~~daz~~dar ſi ſich von ſprungen huͤben ê. ~~dar~~daz tet im an ſinen wunden wê. Anfortaſ d̉er alſo qual. megde vnde rit̉er horten ſhal. von ſim Geſrei diche. vnde die iem̉erlichen bliche. tet er in mit den augen chunt. er waſ vnhelftechlichen wunt. ſin mohtan im Gehelfen niht. Jdoch diu auenture Giht. im choͤm diu ware helfe nu. ſi griffen iam̉erſ zuͦ. ſwenn im diu ſharphe ſuͦre not. ditz ſtrenge vngemach Gebot. ſo wart d̉er luft Geſuzet. d̉er wunden ſmac Gebuͤzet. Vor im vf dem bette lac. ~~piement~~pioment vnde amerac. : Die Korrekturrichtung ist nicht zu erkennen, also e zu o oder o zu e. Muſſel vnde aromata. durc ſuͤzen luft lac auch al da. Triachel vnd amber Tiure. d̉er ſmach waſ Gehiure. ſwa man vf den tenne trat. kardiminne ierofuele muſkat. lac Gebrochen vnd̉er ir fuͤzen. durc den luft ſuͤzen. ſo daz mit tretene wart Geb̉ert. ſo waſ da ſuͤr ſmac er w̉ert. ſin viur waſ lignūn aloe. daz han ich ev Geſaget ê. An dem ſpambette die ſtollen ſin. warn Jupper durnin. durc ruwen vur daz Geluppe. wurzen manc ſtuppe. waſ vf den Gult̉er Geſat. Geſteppet vnde nih Genat. waſ da er vf lente. phelle von ~~nouriengente~~nourigente. palmat waſ ſin mat̉raz. ſin ſpanbette waſ noch baz. Geheret mit edelen ſteinen. vnd mit and̉erſ deheinen. daz ſpanbete zoch zuͤ ein and̉er. ſlangen vnde Salomand̉er. daz warn wund̉erliche ſeil. er het an freuden cranchev teil. er waſ rich en allen ſiten. nieman darf deſ ſtriten. daz er bezzerſ ie Geſehe. ez waſ Tiur vnde wehe. von d̉er edelen ſteinen Geſlehte. die horet hie nennen rehte. Karuͮngel vnde Silemteſ. Gelidomuſ vnde Gagatromeſ. Goziliſ vnde beſtion. Onichil vnd Galzidon. humo vnd optalieſ. Geraunſ vnde epiſtiteſ. Jerachiteſ vnde eliotropia. pantreſ vnd antrodracma. praſſin vnd Sadda. emathiteſ vn̄d dioniſia. achates vn zelidon. ſardoniſ vnd Gazdofon. Gromel vnd iaſpiſ. echiteſ vnd Jriſ. Gagateſ vnd Liguriuſ. abeſtu vnde Gegulituſ. Galachida. vn̄d Jaczintuſ. Oriteſ vnd emptruſ. abſiſt vnd alabanda. Griſolit̉er vnd iehenma. ~~Smarade~~Smaragde vnde Magneſ. Saphir vnde pirriteſ. oͮch ſtuͤnt her vnd da. turchoys vnd lamperea. Criſolite vnd rubine. palaiſ vnd ſardine. Adamaſ vn̄d Criſopraſiſ. Melochiteſ vnd diadochiſ. peanteſ vnd Medꝰus. perilluſ vnd Topaſiuſ. Etſlich̉er lert hohen muͤt. zeſelden vnde zvͤ erznie guͤt. waſ da manegeſ ſtaineſ ſund̉er art. vil creftic man an in wart. d̉er ſi v̉erſuchen chunde mit liſten. da mit ſich muͤſtēn vriſten. anfortaſſen d̉er ir h̉erze truͤc. ſinem volche er Gap iam̉erſ Genuͤc. doch wirt nu freude an im v̉ernomen. in terre Muntſhauaſce iſt chomen. von ſhoffanze h̉er Geſtrichen. dem ſin ſorge waſ entwichen. Parzifal ſin bruͤd̉er vnde ein magt. mir iſt auch nih vur war Geſagt. wie v̉erre da enzwiſhen were. ſi ervurn nu ſtriteſ mere. wande Gundrie ir Geleite. ſhiet ſi von arbeite. ſi riten Gein ein̉er warte. do Gahte Gein in harte. manc wol Geriten Templeys. Gewappent die warn ſo churtoyſ. an dem Gelaite ſi wol ſahen. daz in freude wolte nahen. d̉er ſelbe rotte maiſt̉er ſparach. do er vil Turteltuben ſach. Geleſten ab Gundrien wat. vnſ̉er ſorge ein ende hat. mit deſ Graleſ inſigel hie. chumt vnſ deſ wir Gerten ie. Sit vnſ d̉er iam̉erſtric beſloz. hap vf. vnſ nahent freude Groz. Feirafiz entſheuin. mant parzifaln den bruͤd̉er ſin. and̉er ſelben zite. vnde Gaht auch Gein dem ſtrite. Gundrie in mit dem zaume vienc. daz ſin̉er Tioſte nih ergienc. do ſprach diu maget ruͤch Gemal. balde zuͤ ir h̉erren parzifal. ſhilt vnd paniere. meht ir bechennen ſhiere. hie enhapt niht wan deſ Graleſ ſhar. diu iſt ev vil dienſthaft Gar. do ſprach d̉er w̉erde haiden. ſo ſi d̉er ſtrit Geſhaiden. Parzifal Gundrien bat. Gein in riten vf den phat. diu rait vnde ſeit in mere. waz in vreude chomen were. an den ſelben ſtunden. manc helm in ab Gebunden. wart irn herren enphiengen ſi zevuͤz. ~~ſin~~ein ſegen duht ſi ſin gruͤz. ſi enphiengen auch Feirafizen. den ſwarzen nih den wizen. vf muntſhaluaſche wart do Geriten. alwainende vnde doch mit freuden ſiten. da vunden ſi volc vngezalt. mangen rit̉er alt. edelev chint vnde vil ſariande. die trugen mahenande. Dirre iungelinc chunfte wol vro mac ſin. Feirafiz ~~Antheuein~~Anthseuein. vnd parzifal ſi bede. vor dem palaſ vf d̉er grede. ſi wurden wol enphangen. vf den palaſ wart Gegangen. da lac nach ir Gewonhait. ſinuel hund̉ert Tepich breit. vf iegelichz ein pulmit. vnde ein Gult̉er lanc von ſamit. Fuͤrten die zwene mit witzen. ſi mohten wol Geſitzen. vnz man daz harnaiſh von in enphienc. ein chamerere dar nah̉er Gienc. d̉er braht in chleid̉er riche. den zwain alGeliche. ſi ſazen ſwaz da rit̉er waſ. man truͤc von Golde ez waſ nih Glas. vur ſi mange tiure ſhal. Feirafiz vnde ~~parzifal~~Parzifal. Trunchen vnd Giengen dan. zuͤ anfortaſ dem trurigen man. ir habt auch Gehoret daz. daz er leinde vnde nih enſaz. vnd wie ſin bette Geheret waſ. die zwen enphie Anfortaſ. Froͤlich vnd doch mit iam̉erſ ſiten. er ſprach ich han vnſanfte erbiten. wirde ich imm̉er von ev fro. ir ſhiedet nu iungeſt von mir ſo. phleget ir helfechlich̉er triwe. man ſehe evch drumbe in riwe. wurde ie priſ von ev Geſagt. hie ſi rit̉er od̉er magt. ſo w̉erbet mir da ze in den tot. vnde lat ſich enden mine not. ſit ir Genant parzifal. ſo w̉ert min ſehen an den Gral. Siben naht vn̄d aht tage. da mit iſt endec al min chlage. ich Getar evch vurbaz warnen niht. wol evch ob man ev helfe giht. ew̉er Geſelle iſt hie ein vromd̉er man. ſineſ ſtenſ vor mir ich im nih Gan. Nu lat in vuͤrn an ſin Gemach. al weinunde parzifal do ſprach. zaiget mir wa d̉er Gral hie lige. ob diu Goteſ gute an mir Geſige. d̉er wirt wol innen diſev ſhar. ſine venie er viel deſ endeſ dar. Triſtunt ze ern d̉er Trinitat. er warp daz muͤſe w̉erden rat. deſ Trurigen manneſ h̉erzen ſer. do ſtuͤnt er vf vnd ſprach mer. Ohaim waz wirret dier. d̉er durc Silueſtren einen ſtier. von dem tode lebendic hiez Gen. vnd von dem Tode lazarum hiez vf vf ſten. d̉er ſelbe half daz Anfortaſ. wart Geſunt vnde wol Genaſ. Goteſ craft wart an im ſhin. d̉er Glaſt chom ſinem vel bi. Parzifalſ ſhone waſ nu ein wint. Abſolon dauideſ chint. vnd von aſchalun v̉erGulat. vn̄d allen den ſhoͤne waſ Geſhlaht. od̉er deſ man Gahmureten iach. Mein Mein Mein dinſt wizzt do man in inzogen ſach. ze Ganfoleiſ ſo wunnechlich. ir dehainſ ſhoͤne waſ d̉er Gelich. die anfortaſ vͤz ſiͤchait truͤc. Got noch chunſte hat Genuͤc. da ergienc dehain and̉er wal. wan diu die diu ſrift andem Gral. heten zeh̉erren in benant. parzifal wart ſhiere erchant. ze chunge vnz ze h̉erren da. ich wen nind̉er and̉erſwa. man funde zwen alſo riche man. ob ich richeit pruͤven chan. alſ Parzifal vn̄d Feirafiz. man bot in dieſtlichen vliͤz. dem wirt vnde ſim Gaſte. ichn weiz wie manc raſte. Conduwiramurſ do waſ Geriten ze muntſhaluaſce mit vreuden ſiten. Si het die warhait v̉ernomen. ſolch boteſhaft waſ nach ir chomen. daz wendic w̉ere ir clagendiu not. d̉er h̉erzoge kiot. vnd and̉erſ manc w̉ert man. heten ſi Geuurt dan. ze Terre ſaluaſce in den walt. da mit d̉er Tioſte wart Geualt. Segremorſ vnd da d̉er ſne. mit pluͤte ſich Gelichet ê. da ſolte parzifal ſin holn. die reiſe moht er g̉erne doln. diſev mere ſeit ein Templeiſ. d̉er waſ hofſh vnde churtoyſ. vnd waſ von arde wol Geſlaht. parzifal waſ ſo bedaht. ER nam ein teil deſ graleſ ſhar. vnd vurte Treủereſcenten dar. deſ h̉erze wart d̉er mere vro. daz anfortaſ dinc alſo. ſtuͤnt daz er d̉er Tioſt nih ſtarp. vnd im diu frage ruwe erwarp. do ſprach er got vil Taugen hat. w̉er Geſaz ie ân ſinen rat od̉er w̉er weiz ende ſinen craft. alle die engel mit Geſelleſhaft. beuindenz nimm̉er an den ort. Got iſt menſch vnd ſinſ vat̉er wort. Got iſt vat̉er vnde ſuͤn. ſin Gaiſt mac groze helfe tuͤn. Treuerezent zuͤ Parzifaln ſprach. Groz̉er wund̉er ſelten ie Geſhach. ſit ab̉er er Gezurnet hat. daz ſin endeloſev Trinitat. ew̉erſ willen Gew̉er worden iſt. ich lauch durc abelaitenſ liſt. von dem gral wie ez vmb in ſtuͤnde. Gebtit mir wandel vur die ſunde. ich ſol Gehorſam ev nu ſin. ſweſt̉er ſuͤn vnd d̉er herre min. daz die v̉ertribenen Geiſte. mir d̉er Goteſ volleiſte. bi dem Grale w̉ern. chomen von mir zemern. Vnz daz ſi hulde da Gebiten. Got iſt ſtete mit ſolhen ſiten. er ſtritet imm̉er an ſie. die ich zehulden nande hie. ſw̉er ſinſ lonſ iht wil tragen. d̉er muͤz den ſelben wid̉er ſagen. ewechlich ſi ſint v̉erlorn. die fluſt ſi ſelbe habent erchorn. mich muͤt ot ew̉er arebeit. ez waſ ie vngewonheit. daz den Gral zuͤ dehainen ziten. ieman moht erſtriten. ich het evch g̉erne da von Genomēn. nu iſt ez and̉erſ vmb evch chomen. ſich hat Gehohet ew̉er Gewin. nu ch̉ert an den muͤt ew̉ern ſin. Parzifal zuͤ ſim ohaim ſprach. ich wil ſi ſehen die ich nie Geſach. inner vunf iarn. da wir bi einand̉er warn. ſi waſ mir liep daz iſt ſi noch. dinen rat wil ich haben doch. die wil niht vnſ ſhaidet d̉er tot. du riet mir in groz̉er not. nu wil ich Gein mim wibe chomen. d̉er chunft ich Gein mir han v̉ernomen. bi dem blimizol an ein̉er ſtat. vrlaup er im do Geben bat. do beualch in Got d̉er Guͤte man. ~~parzifal~~Parzifal die naht ſtraich dan. ſim Geſellen waſ d̉er walt wol chunt. do ez Tagete do uant er lieben vunt. Manc Gezelt vf Geſlagen. vf dem lande ze brubraz hort ich ſagen. waſ vil baniere Geſtechet. manc ſhilt da bi Gerechet. ſinſ landeſ furſten lagen da. Parzifal d̉er vragte wa. diu chungin ſelbe lege. ob ſi ſund̉er ringeſ phlege. man zaigt im alda ſi lac. vnde wol geherteſ ringeſ phlac. mit Gezelten vmbeuangen. nu waſ katelangen. d̉xer h̉erzoge kiot deſ morgenſ vruͤ. vf Geſtanden diſe riten zuͤ. deſ tageſ plic waſ dannoch Gra. kiot idoch erchande al da. Deſ Graleſ wapen and̉er ſhar. die vurten Turteltuben Gar. do erſufte ſin alt̉er lip. wan ſchoiſian ſin kuͤſchez wip. zemuntſaluaſce im ſolt erwarp. da von ſigunen Geburt erſtarp. kiot Gein parzifal Gienc. in vnd die ſin er wol enphienc. er ſant ein iunch̉errelin. nach dem marſchalc d̉er chungin. vnd bat in ſhaffen Guͤt Gemach. ſwaz er da rit̉er halden ſach. er vuͤrt in ſelben bi d̉er hant. da er d̉er chunginne kam̉er vant. ein clain Gezelt von puch̉eram. daz harnaiſch man Gar von im nam. diu kunegin deſ nih enweiz. Laheragrim vnd kardeiz. vant parzifal bi ir ligen. do muſte vreude an im Geſigen. In ein Gezelt hoch vnd wit. h̉er vnd da in allen ſît. chlarer frowen lac Genuͤc. kiot vf daz Techlachen ſluͤc. er bat die chungin ~~lachen~~wachen. vnde frolichen lachen. ſi blicht vf vnd ſach ir man. ſi het niht wan ir hemede an. ir dechelachen vmbe ſich ſi ſwanc. vf den Teppich vur daz bette ſi ſpranc. Conduwiramurſ diu lieht Gemal. auch vmbevienc ſi Parzifal. man ſagt mir ſi chuſten ſich. ſi ſprach mir hat geluche dich. Geſendet her zuͤ den freuden min. ſi bat in willechomen ſin. nu ſolde ich zurnen ich enmach. ſelich ſi wile vnde Tac. d̉er mir braht diſen vmbeuanc. da von min truren wirdet cranc. Ich han nu deſ min h̉erze Gert. ſorge iſt min halp vngewert. nu erwachten auch diu chindelin. kardeiz vnde Leherangrin. diu lagen vf dem bette al bloz. Parzifal deſ nih v̉erdroz. ern chuſte ſi minnechliche. kiot d̉er zuhte riche. bat die chnaben dannan tragen. er begunde auch al den frowen ſagen. daz ſi vͤz dem Gezelte Giengen. ſi tatenz doch ſi in enphiengen. ir h̉erren von lang̉er reiſe kiot d̉er kurteiſe. bevalch d̉er chungin ir man. alle die iuncfro vurt er dan. dannoch waſ ez harte vruͤ. die cham̉erere ſlugen zuͤ. Gezuhcte im ie bluͤt od̉er ſne. Geſelleſhaft an witzen ê. vf d̉er ſelben auwͤ er ez ligen vant. vur ſolhen chunb̉er Gap nu phant. Gonduwiramurſ die het er da. ſin lip enphie nie and̉erſwa. minne helfe vur d̉er minne not. : Es wurde zwar Platz für den Vers gelassen, er wurde jedoch nicht ausgeführt. : Lücken-Tag einfügen? ich wen er churzewilenſ phlac. vnz an den mitten morgenſ tac. daz h̉er rait vb̉er al ſhawen dar. ſi namen d̉er Tenpleiſen war. die warn Gezimiert. vnd wol Gehurtiert. vnd ſhilte mit Tioſte wol durcriten. dar zuͤ mit ſw̉erten wol durch ſniten. iegelich̉er truͤc ein churſit. von phelle od̉er von ſamit. yſen klolzen hetan ſi dannoch an. daz and̉er harnaiſch waſ von in Getan. Dane mac nih me Geſlafen ſin. d̉er chunc vnd diu chungin. ſtuͤnden vf ein prieſt̉er meſſe ſanc. vf dem ringe huͤp ſich groz Gedranc. von dem ellenthaften her. die Gein clamide warn zew̉er. do d̉er beneditz wart Getan. parzifaln enphiengen ſine man. mit triwen w̉erdechlichen. manc rit̉er ellenſ riche. man nam deſ Gezeldeſ winden abe. d̉er chunc ſprach wed̉er iſt d̉er chnabe. d̉er chunc ſol ſin vb̉er ew̉er lant. den vurſten tet er da bechant. waleiſ vnde norgelalſ. kanpholeiſ vnd kingriualſ. d̉er ſelbe ſol von rehte han. ~~Antſhowe~~Antſhawe vnde bealzanan. chumt er imm̉er in manneſ craft. dar laiſt ich im Geſelleſhaft. Gahmuret min vat̉er hiez. d̉er mirz zerehtem erbe liez. mit ſelden ich Geerbet han den gral. nu enphahet ir an diſem mal. ew̉er lehen von minem chinde. ob ich an ev triwe vinde. mit Guͤtem willen daz Geſhach. vil vanen man da Geſach. da lihen zwuͦ chlaine hende. witev lant. in mangen ende. Gecronet wart do kardeiz. d̉er chunc betwanc do chanfoleiz. v*vnd vil daz Gahmureteſ waſ. bi dem plimizol vf ein graſ. wart Geſidele vnde wit̉er rinc Genomen. da ſi zuͤ dem brote ſolten chomen. ſnellich enbizzen wart. er ch̉ert an die haim vart. diu Gezelt nam man allev nid̉er. mit dem iungen chunge ſi ch̉erten wid̉er. Manc iuncfrowe vnde ir and̉er diet. ſich von d̉er chunginne ſhiet. ſo daz ſi taten chlage ſhin. do namen ſi Leharagrin. vnd ſine muͤt̉er wol Getan. die Tenpleiſ vnde riten dan. Gein muntſhaluaſce balde. ze ein̉er *zit vf diſem walde. ſprach parzifal da ſach ich ſten. eine chloſen da durc balde Gen. einen ſnellen brunnen klar. ob ir ſi wizzet ſo wiſet mich dar. von ſin Geſellen wart im Geſagt. ſi weſſen eine da wont ein magt. al clagende vf ir vriundes ſharch. ir h̉erze iſt reht̉er guͤte ein arch. vnſ̉er ſtraze Get da nahen bi. man vindet ſi ſelten iam̉erſ vri. Der chunc ſprach wir ſuln ſi ſehen. deſ wart ein volge an im v̉eriehen. ſi riten deſ endeſ drate. vnde vunden deſ abendeſ ſpate. Sigunen an ir venie tot. deſ chom diu chungin in not. ſi brachen zuͤ ir dar in. parzifal durc die nifteln ſin. hiez vf wegen deſ ſharcheſ ſtein. dar vͤz d̉er tote rit̉er ſhein. vneruulet ſhone balſam var. man leit ſi nahen zuͤ im dar. diu im magetuͦmliche minne gap. die wil ſi lebete vnde ſluͤc zuͤ daz Grap. Conduwiramurſ begunde clagen. ir vet̉ern toht̉er hoͤr ich ſagen. daz ſi waſ freuden ane. wande ſi ſchoiſiane. d̉er toten meide muͤt̉er zoͤch. kintweſende dar vmbe ſi freude vloͤch. diu Parzifalſ muͦme waſ. ob d̉er prouenzal die warhait laſ. d̉er h̉erzoge kiot. weſte wenc vmbe ſin̉er toht̉er tot. deſ chunc kardaiz magezoge. ditz mere iſt nih ſo d̉er boge. ez iſt war vnd ſleht. d̉er raiſe taten ſi do reht. die naht Gein Muntſaluaſce ſi riten. mit freude het ir da erbiten. Feirafiz die ſtunde. vil ch̉erzen man in zunde. alſ ob prunne Gar d̉er walt. ein Tenpleiſ von patrigalt Gewappent bi d̉er chunneginne reit. d̉er hof waſ wit vn̄d breit. da ſtuͤnt vfe manc ſund̉er ſhar. die enphiengen die chunginne Gar. den wirt vnde den ſuͤn ſin. do truͤc man Leheringrin. Gein ſime vet̉ern Feirafiz. do d̉er waſ ſwarz vnde wiz. d̉er chnabe ſin wolde chuſſen niht. w̉erden chinden man noch vorhte giht. deſ lachte d̉er haiden. do begunden ſi ſich ſhaiden. vf dem hofe da diu chungin. er baizet waſ vnde Giengen in. an ir mit w̉erd̉er chunft al dar. man vuͤrt ſi da w̉erdev ſhar. von mang̉er chlaren ~~frowen~~frawen waſ. Feirafiz vnd Anfortaſ. Mit zuhten ſtuͤnden ſi bêde. bi den frowen an d̉er Grêde. vrrepanſe de ſhoye. von Grunlanden karſciloye. Flori vnd ionel. chlarev augen vnd liehtev vel. truͤgen magetlichen briſ. da ſtuͤnt auch ſwanchel alſ ein riſ. d̉er ſhoͤn vnd Guͤte nih Gebrach. vnd d̉er man im zetoht̉er iach. von rile ſch̉erniſe. diu maget hiez anphiſe. von Tenabruc iſt mir Geſagt. ſtuͤnt da klariſſanze ein ſuͤzev magt. an ir ſhoͤne Gar vnv̉ercrenchet. alſ ein amaiz Gelenchet. Feirafiz Gein d̉er wirtin trat. diu chungin ſich den chuſſen bat. ſi kuſten auch Anfortaſſen do. vnd waſ ſin̉er vrloſunge vro. Feirafiz ſi vurte mit d̉er hant. da ſi deſ wirteſ muͦmen vant. vrrepanſe de ſchoien ſten. vil chuſſen muͤſe da ergen. dar zuͤ ir munt waſ ſo rot. d̉er lait von chuſſen nu die not. daz es mich muͤt vnd iſt mir leit. daz ich nih han die arebeit. fur ſi wande ſi chom muͤdev zuͤ in. ~~juncfrowen~~juncfrawen vuͤrten ir ~~frowen~~frawen hin. die rit̉er vf dem palaſ. beliben d̉er wol Gecherzet waſ. die harte liehte brunnen. da wart mit zuhte begunnen. beraitſhaft Gein dem Grale. den truͤc man zallem male. d̉er diet nih durc ſhawen vuͤr. niwan durc hochgezite chuͤr. Durc daz ſi troſteſ wanden. do ſi ſich vreuden ânden. deſ abendeſ vmbe daz bluͤtich ſper. do wart d̉er Gral durc helfe ger. vur GetraGen and̉er ſelben zit. ~~parzifal~~Parzifal ſi lie in riwe ſit. mit freuden wart er vur Getragen. ir riwe iſt vnd̉er Gar geſlagen. do diu chungin ir reiſe Gewant. ab Gezoch vnde ir gebant. ſi chom alſ ez ir wol Gezam. Feirafiz in ein̉er Tuͤr ſi nam. Nu dizze waſ et ane ſtrit. daz horte od̉er ſpreche zuͤ ~~dehan̉er~~dehain̉er zit. iemen von ſhoͤnerm wibe. ſi het auch an ir libe. einen phelle den ein chundic hant. worht alſ in ſarant. mit grozzen liſten erdahte. in d̉er ſtat ze Taſme. Feirafiz entſeuin. ſi brahte diu Gab liehten ſhin. enmitten durc den palaſ. driu Groͤzev fiur Gema chet waſ. Lignūn aloe deſ viwerſ ſmac. vierzec Teppich vnde me geſitzeſ man da phlac. dann ze einen ziten do parzifal. auch vur tragen ſach den Gral. ein Geſtuͤle vor vͤz Geheret waſ. da Feirafiz vnde Anfortaſ. bi dem wirte ſolten ſitzen. do warp mit zuhten witzen. Sw̉er da dienen wolde. ſo d̉er Gral chomen ſolde. ir habt Gehoret deſ Genuͤc. wie man vur anfortaſſen truͤc. dem ſihet man nu Geliche tuͤn vuͤr deſ w̉erden Gahmureteſ ſuͦn. vnd auch vuͤr Tanpuntaireſ chint. ~~Juncfrowen~~Juncfrawen nu niht leng̉er ſint. ordenlich die chomen vb̉er al. vunf vnde zwainzec an d̉er ſhar. d̉er etlichev den haiden Gar. duhte lieht vnd Raidiloht ir har. die and̉ern ab̉er ſhoͤn̉er dar nach. die er do ſhierſte chom̄en ſach. vnd ir all̉er chleid̉er Tiure. ſuͤzze. minnechlich. Gehiure. waſ all̉er d̉er meide antlutze Gar. nach in allen chom diu lieht Geuar. vrrepanſe de Scoye hiez ein magt. ſich liez d̉er Gral wart mir Geſagt. die ſelben tragen eine. vnde and̉ers deheine. Wan ir h̉erze waſ vil chuſche bi. ir vel waſ blicheſ flori. ſage ich deſ dienſteſ vrhap. wie vil kamerere daz wazz̉er Gap. waz man da Twehlen vuͤr ſi truͤc. me dann ich ev Genuͤc. wie vngefuͤge den palaſ floch. waz man da karaſken zoch. mit tiw̉ern Goltvazzen. vnde wie die rit̉er ſazen. xaz wurde ein alze langeſ ſpel. ich wil d̉er churze weſen ſnel. mit zuhten man vor dem grale nam. ſpiſe wilt od̉er zam. diſem met ienem win. alſ ez ir ſit wolte ſin. Moraz ſirop chlaret. ſi laurauſ Gahmuret. pailrapeir al and̉erſ vant. do ſi im erſte wart erchant. d̉er haiden fragte mere. wa von diu Goltvaz lere. von d̉er Taueln wurden vol. daz wund̉er mir ze ſehenne tuͤt ſo wol. do ſprach d̉er chlare Anfortaſ. d̉er im ze Geſellen Gigeben waſ. h̉erre ſehet ir vor ev ligen den Gral. do ſprach d̉er haiden vech Gemal. ichn ſihe nih wan ein achmardi. daz Truͤc min iuncfrowe vnſ bi. diu dort mit chrone vor vnſ ſtet. ir blich mir in daz h̉erze Get. Ich wande daz ſo ſtarc were min lip. daz wed̉er maget noch wip. mir freuden craft beneme. mir iſt worden wid̉erzeme. ob ich ie w̉erde minne enphienc. vnzuht mir zuht vnd̉ervienc. daz ich ev chunde mine not. ſit ich ev dienſt nie gebot. waz hilfet al min richeit. vnde ſwaz ich durc wip ie Geſtreit. vnde ob min hant iht hat gigeben. muͤz ich ſuſ pinlichen leben. min creftic got Juppit̉er. waz wolteſt du min zeunſenfte her. minnen craft mit vreuden crenche. frumt im blaich an ſin̉er blenche. Conduwiramurſ diu lieht erchant. vil nach nu ~~enbenhuzze~~ebenhuzze vant. an d̉er chlaren meigde velleſ plic. do ſloz ſich in ir minnen ſtric. Feirafiz d̉er w̉erde Gaſt. ſin̉er erſten vriuntſheft ~~er v̉erGaz.~~im Gebraſt. mit v̉ergezzenlichem willen. waz half in nu ſecuntillen. ir lip ir lant. Tripalibot. im vuͤgt ein magt ſo ſtrenge not. Claudite vnde Olimpia. Secuntillen vnde witen and̉erſwa. diu wip im dienſteſ loͤnten. vnde ſinſ priſeſ ſhoͤnten. Gahmureteſ ſun von Zazamanc. den duht ir all̉er minne cranc. nu ſach d̉er chlar anfortaſ. daz ſin Geſelle in pine waſ. deſ blanchev mal Gar wurden bleich. ſo daz im hoh̉er muͤt Geſweich. do ſprach er h̉erre diu ſweſt̉er min. mir iſt leit ob evch diu leret pin. den noch nieman durc ſi erleit. nie rit̉er in ir dienſte Geſtreit. do nam auch nieman lon datz ir. ſi waſ in iam̉er groz bi mir. daz crenchet auch ir varwe ein teil. daz man ſi ſach ſo ſelten Geil. daz ew̉er bruͤd̉er min̉er ſweſt̉er ſuͦn. deſ han ich Grozen ruͦm. ſol diu magt ew̉er ſweſt̉er ſin. ſprach Feirafiz antſheuin. ra diu crone ob blozem haubet hat. ſo gept mir vmb ir minne rat. nach ir iſt al minſ h̉erzen g̉er. ob ich ie priſ Gewan mit ſper. wan w̉er daz Gar durc ſi geſhehen. vnde wolt ſi danne loneſ iehen. viunf ſtiche mac Turniern han. die ſint mit min̉er hant. Eein̉er iſt zeponaiz. ze treuerſ ich den and̉ern weiz. d̉er drit iſt Gein den zenen. zereht̉er Tioſt den Guͦten. die ich hurtechliche han Geriten. vnde den zeuolge nih v̉ermiten. ſit d̉er ſhilt von erſte wart min dach. hint iſt von erſte min vngemach. ich ſtach vor Agremotin. Gein eime rit̉er vivrin. wan min churſit ſalemand̉er. vnde aſpinde d̉er and̉er. ich w̉ere v̉erbrunnen von d̉er Tioſt. ſwa ich ie priſ Geholt vf libeſ choſt. wan hete mich Geſendet dar. ew̉er ſweſt̉er wol Geuar. ich w̉ere Gein ſtrite noch ir Gebot. Juppit̉er min beſhizner Got. wil ich imm̉er haz tragen. ſin erwende mir min Grozzez clagen. ir beid̉er vat̉er waſ vrimuntel. Gelich antlutze Gelichez vel. Anfortaſ bi ſiner ſweſt̉er truͤc. d̉er haiden ſach an ſi Genuͤc. vnde ab̉er diche wid̉er an in. ſwie vil man her vnde hin. ſpiſe truͤc ſin munt nih az. ezzen er doch Geliche ſaz. Anfortaſ ſprach zuͤ Parzifal. h̉erre ew̉er bruͤd̉er hat den Gral. deſ ich wene noch nih Giſehen. Feirafiz dem wirte begunde iehen. daz er den Gral nih ſehe. daz duht al die rit̉er ſpehe. die rede auch Titurel v̉ernam. d̉er alte petteriſe lam. Der ſprach ez iſt ein hadniſch̉er man. ſon darf er deſ niht willen han. daz ſinev augen ân deſ taufeſ craft. beiagen die Geſelleſhaft. daz ſi den Gral beſhawen. da iſt ein hamit vur Gehawen. daz enbot er in den palaſ. do ſprach parzifal vnde Anfortaſ. zuͤ Feirafiz daz er neme war. weſ al daz volc lepte Gar. da w̉er ein iegeſlich heiden. mit ſehene von Geſheiden. ſi wurben daz er neme den tauf. vnde endeloſen Gewinneſ chauf. lob ich durc evch zetaufe chomen. iſt mir d̉er Tauf zeminnen vrumen. ſprach d̉er haiden Gahmureteſ chint ez waſ ie ennen h̉er ein wint. ſwaz minne ſtreit od̉er minne Twanc. die wil ſi ~~churz~~churtz od̉er lanc. do d̉er ſhilt von erſte mich vb̉eruienc nie Grozzer not ich ſit enphienc. Durc zuht ich mīnne ſolde heln. nune mac irz h̉erze nih v̉erſteln. wen mainſtu ſprach parzifal. et eine magt lieht Gemal. minſ Geſellen ſweſt̉er hie. wildu mir helfen vmbe ſie. ich tuͤn ir richeit bechant. ſo daz ir dienent witev lant. wildu dich deſ Taufeſ lazen w̉ern. ſprach d̉er wirt ſo maht du wol ir minne g̉ern. ich mac nu wol duzen dich. vnſ̉er richeit nach Gelichet ſich. min halp von deſ Graleſ crefte. hilf mir Geſelleſhefte. ſprach Feirafiz enthſeuin. bruͤd̉er vmbe die muͦmen din. holt man den tauf mit ſtrite. dar chauf ich mich bizite. la mich dienen vmb ir lon. ich horte g̉erne ſolhen don. da ſwt vnd helme chlungen. vnd von ſpn ſprizzen ſprungen. Der wirt d̉er lachte ſere. vnd Anfortaſ noch mere. chanſt du ſuſ Tauf enphahen. ſprach d̉er wirt ich ſol ſi nahen. durc rehten tauf in din ~~Gebet~~. Juppit̉ern dinen drech Got. muͦſtu durc ſi v̉erlieſen. vnde ſecuntillen vchieſen. morgen vruͤ Gib ich dir dn rat. d̉er Gefuͤge an dem Gew̉erbe hat. Anfortaſ vor ſiͤcheit zit. ſinen priſ Gemachet hete ſo wit. mit rit̉erſhefte durc minne. an ſineſ h̉erzen ſinne. waſ Guͤte vnd miltecheit. ſin hant auch mangen ſtrit vnd priſ erſtreit. Da ſazen dm Grale bi. d̉er all̉er beſten rit̉er dri. die do d̉er ſhilte phlagen. wan ſi Getorſten wagen. welt ir ſi habent Gaz genuͤc. mit zuhten man da von in truͤc. Taueln vnd tiſlachen. mit dienſtlichen ſachen. nigen al die Juncfrewelin. Feirafiz antſheuin. ſach ſi von im in ch̉ern. daz begunde im truren mern. ſinſ h̉erzen ſloz truͤc dannan dn Gral. ~~vrlop~~vrlap Gab im parzifal. ſwie diu wirtin ſelbe dannan Gienc. vnde wie manz da nach ane vienc. daz man ſin wol mit triwen phlac. d̉er doch durc minne vnſanfte lac. vnde wie al d̉er Tenpleiſen diet. mit ſenfte vnſenfte von im ſhiet. daz wurde ein alze langeu ſage. ich wil ev chunden von dem tage. od̉er deſ morgenſ lieht erſhein. parzifal wart dſ enein. vnde anfortaſ d̉er Guͤte. mit endehaftem ~~muͤce~~muͤte. Si baten den von zazamanc. chomen den diu minne Twanc. in den Tenpel vur den Gral. er Gebot auch andm ſelben mal. den wiſen Tenpleiſen dar. Sariand̉er rit̉er Groze ſhar. hie do ſtuͤnden do Gie d̉er haiden in. d̉er Taufnabf waſ ein rubin. von iaſpiſ ein Gred ſinuel. dar vf erſtuͤnt Titurel. het in mit choſte erziuget ſo. parzifal zuͤ ſinen bruͤd do. ſprach wil du die muͤmen min. haben al die Gote din. muͤſt du v̉erſprechen. vnde immer g̉erne rechen. den wid̉erſazt deſ hohiſten goteſ. vnde mit triwen huͤten ſinſ Geboteſ. wwa mit ich mac die maget han. ſprach d̉er haiden daz wirt gar Getan. vnde mit triwen erzaiget d̉er Tauf nabf wart Genaiget. ein lutzel Gein dem Grale. voll̉er wazzerſ an dem male. wed̉er ze warm noch ze chalt. da ſtuͤnt ein graw prieſt alt. d̉er vͤz haidenſhaft manc kindelin. auch Geſtozen hete dar in. d̉er ſprach ir ſult Gelauben. ew̉er ſele dem Tiuvel rauben. Gelaup an den hohiſten deſ Triualt iſt Gemeine. vnd al Gelich Gevrbort. Got iſt menſhe vnd iſt ſinſ vat wort. Sit er iſt vat vnd chint. die algeliche Geheret ſint. eben here ſime Geiſte. mit d̉er drier volleiſte. w̉ert ev ditz wazz̉er haidnſhaft. mit d̉er Trinitate craft. in daz wazz er ze Taufe Gienc. nach dem adam antlutze enphienc. von wazz̉er bauͦme ſint Geſhaft. wazz̉er fuhtet al die Geſhaft. d̉er man vuͤr creature giht. mit dem wazz̉er man ~~Geſhiht~~Geſiht. wazz̉er git mang ſele ſhin. daz die engel nih lieht̉er mohtin ſin. Feirafiz zuͤ dem prieſt̉er ſprach. ez iſt mir guͤt vur vngemach. ich Gelaube ſwaz ir Gebietet. ob mich ir mine nietet. ſo laiſt ich g̉erne ew̉er gebot. bruͤd̉er hat diu minne Got. an den Gelaube ich vnd an ſie. ſo groze not Gewan ich nie. alle mine Goͤt̉er ſin v̉erchorn. Secuntille hab auch v̉erlorn. ſwaz ſi an mir ie Ge erte ſich. durc din minnen Got tauf ich mich. man begund ſin criſtenlichen phlegen. man ſprach ob im dn Goteſ ſegen. do d̉er haiden tauf enphienc. vnde diu weſt̉er lege erGienc. d̉er er vil chume erbaite. d̉er magde man in beraite. Man Gap im frimuntelſ chint. an dem Grale er waſ ze ſehen blint. ê d̉er tauͦf in hete v̉erdechet. ſit wart im vor enblechet. d̉er Gral mit Geſihte. nach deſ taufeſ Geſhihte. an dem Gral man Geſriben vant. ſwelhem ze h̉erren Gap vroͤmd diet. daz d̉er vragen wid̉er riet. ſinſ namen vnde ſinſ Geſlehteſ. vnd daz im hulfe rehteſ. wirt diu vrage von in Getan. ſon mugenz ſiz niht leng̉er han durc daz d̉er ſuͤze Anfortaſ. ſo lange in ſuͤrem pine waſ. vnd in diu vrage lange meit. in iſt imm̉er me nu vrage leit. Alle die Graleſ phliht Geſellen. Gein in vragenſ nih enwellen. d̉er Getaufte Feirafiz. an ſinen ſwag̉er leite vliz. mit bete dannan *Gevarn. vnd nimm̉er niht zeſparn. vor im all̉er ſin̉er richen habe. do wiſt in mit zuhten abe. Anfortaſ von dm Gewbe. ich wil nih daz v̉erd̉erbe. Gein Got min dienſtlich̉er muͤt. deſ Graleſ crone iſt ſo Guͤt. diu hat mir hocfart vlorn. vnd han ich demuͤt erchorn. xicheit vnd wibe minne. ſich vret von mime ſinne. ir vuͤrt von hinnen ein edel wip. diu git zedienſte ev kuſhen lip. mit rehten wiplichen ſiten. min dienſt wirt hie nih v̉ermiten. ich ſol vil Tioſt riten. in deſ graleſ dienſt ſtriten. durc wip Geſtrit ich nimm mer. ein wip Gap mir h̉erzen ſer. doch iſt imm̉er al min haz. Gein wiben vollechlichen laz. hoch manlich vreud lit an in. ſwie chlein da wêr min Gewin. Anfortaſ bat do ſere. durc ſin̉er ſweſt̉er ere. Feirafizen der d dannan vt. mit v̉erſagene er ſich dſ wt. Feirafiz antſheuin. warp xviij. mit im dannan ſolte varn. ſin muͤt̉er chunde daz wol bewarn. ~~och~~ach ſprach d̉er chunc parzifal. min ſuͦn iſt Geordnt vf dn Gral. dar muͤz er dienſtlich hze tragen. lat in Got rehten ſin behaben. minne vnde churzewile phlach. Feirafiz vnz an den eiliften Tach. andem ~~zweliffen~~ ſhiet von dan. Gein ſinem h̉er d̉er riche man. ſin wip wolde er vuͤrn. deſ begund ein truren ruͤrn. ~~parzifal~~Parzifal durc triwe. diſev rede in lerte riwe. mit den ſinen er ſich beriet. daz er von rit̉ern ein Grozze diet. mit im ſande vur den walt. anfortaſ d̉er chlare degen balt. mit im durc Geleite reit. manc magt da wainen niht vmeit. Si begunden machen niwe ſla. vz Gein chrachobra. daz enbot d ſuze anfortaſ. dem d̉er burcgraue waſ. daz er w̉ere deſ Gemant. ob er ie von ſin̉er hant. enphienc Gabe riche. daz er nu dienſtliche. ſine triwe an im priſte. vn̄d im ſinen ſwag wiſte. vnd ſin wip die ſweſter ſin. zuͤ den voraiſte leh priſin. in die wildn habe wit. nu waſ vrlaubeſ auch zit. Sine ſolten doch nih ~~vurbac~~vurbaz chom̄en Gundrie wart Genomen. zuͤ dirre botſhefte dan. vrlaup zuͤ dem richen man. namen al die Tenpleiſe. hin rait d̉er churteiſe. d̉er burgraue do nih enliez. ſwaz in Gundrie laiſten hiez. Feirafiz d vil riche. wart do Gar minnechliche. mit grazz vuge enphangen. in dorfte nih belangen. man vurt in vurbaz ſhiere. mit mang conduwiere. ichn waiz wie manc lant er durc reit. vnze zeſhoffanze vf dn ang breit. luͤte ein teil ſi da vundn. an dn ſelben ſtundn. Feirafiz do vragte mere. war daz her do chomen were. etſhlich waſ wid in ſin lant. vnd ſwa im diu reiſe waſ bechant. Artuſ waſ Gein ſhanbilot. dn von tripalibot. chund an dn ſelben ziten. Gein ſinem her wol riten. daz lac al trurec in d habe. daz ir hre waſ Geſhaidn . ſin chunft mangem rit Guͦt. brahte niwen hohen muͦt. d burcgraue von chorchebra. vnd al die ſinen wurdn da. mit rich Gabe haim Geſant. Gundrie da hohev mere uant. boten warn nach dm hren chomen Secuntille het dn tot Genomen. Vrrepanſe de Scoy do. alreſt ir vte mohte weſen vro. diu Gebar ſit in Jndian. einen ſuͦn d hiez Johan. prieſt Johan man dn hiez. imm ſit die chunginne man da liez. in dm namen beliben. Feirafiz hiez do ſriben. ze india vb al daz lant. wie criſten leben w bechant. daz waſ ê nih ſo creftic da. wir haizenz hie india. dort haizet ez Tripalipot. Feirafiz bi Gundrien ſinem bruͤd zemuntſhaluaſce wid. wie ez im waſ ergangen ſid. daz Secuntille vſhaidn waſ. dſ waſ al trurec Anfortaſ. Swie ſin ſweſt ane ſtrit. w frowe vb manc lant wit. diu rehten mere ev chomen ſint. vmb diu vunf frumuntelſ chint. waz diu mit Guͦte erwurben. vnd wie ir zwei erſturben. daz eine waſ ſchoiſiane. diu ſuͤze valſheſ ane. diu and hzelaud hiez. diu valſhait vz ir hzen ſtiez. ſin ſwt vnd ritlichez leben. het Treuezent Gigeben. an die wage in Goteſ minne. nach endloſem Gewinne. d chlare ſuͤze anfortaſ. manlich bi chuſhem hzen waſ. ordnlich manc Tioſt er reit. durc dn Gral nih durc diu wip er ſtreit. Johalangrin wuͤhſ vaſte manlich ſtarc. diu zagehait an im ſich barc. do er ſich ritſhefte . in dſ Graleſ dienſt priſ er Gewan. Welt ir nu horn vurbaz. ſit vb lanc ein frowe ſaz. vor all vntat bewart. richeit vn hoher art. beidiu vf ſi Geerbet warn. ſi chund alſo Gebarn. daz ſi mit reht chiuſche erwarp. allev wrltlich Gir an ir vdarp. wd lute warp vmbe ſi Genuͤc. d ieglich crone truͤc. vnd manc vurſte ir Genoz. ir diemuͤt daz ſi ſich dran niht wan. vil Grauen in ir land. begundn ſi alle weſ ſi ſich wold lazen. daz ſi d in ze hren ze i het ſich an Got vlan. ſwaz gein vnſhuldic mang einen hof vor ir landſ manc bot vz verrem hinz zir die man ſi Gar v wan dſ ſi got bewiſte. dſ minne ſi waſ furſtin in brabant. von muntſhaluaſche wart Geſant. d dn d ſhonen brahte. vnd dſ ir Got Ge ze antwerp wart er vz Gezo ſi wart an im vil vnbetrogen. R chund auch wol Gebarn. man vnd vur dn haben in allen richen. ſwa hofſch mit zuhten Getriwe. milt. ân vnd waſ ſin lip an miſſewend bloz. dſ landſ frowe in wol enphienc. nu horet wie ſin red er Gienc. daz ez die da ſtundn do ſprach er frowe hzo ich ſol hie landſ hren ſin. dar vmb nu horet weſ ich biten Gevraget nimm wer ich ſi. ſ bin ich zvͤ ew ſo habt ir minne an mir ſit ir mich vor Gewarnet dſ. ſo i diu ſit durc ſi wolte zuͤ ſime vnd nimm nih vb gen. ſwaz ob ſi Got bi ſinnen lieze. die naht ſin lip ir minne enphant. do wart er furſte in brabant. diu hoch manc hre von ſin Groz lehen daz ſi ſolten Guͤt rihte wart d ſelbe man. daz eͤ daz er ſi Gewun vil lute die wol wizzent ir enphahen ſin von dan daz in ir vrage da vtraip. vnd wie lange er da beleip. R ſhiet do ſprach in ab ſin ein chlein Gevugez ſeitiͤz. ſineſ chleinodſ er da liez. ein horn ein hin vuͤr Loheragrin. wellen wir dm mere rehte tuͤn. ſo waſ ez parzifalſ ſuͦn. d vuͤr ſit wid in dſ graleſ phle durc waſ vloſ daz Guͤt wip. w : Das weggebrochene Stück wurde, wie auch das ganze letzte Blatt, an den Buchdeckel geklebt; das ist am Bildschirm nicht zu erkennen. er ſi ge do er vuͤr do Gie ſi von ie ſol ereche nu ſprechen.